أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 07/12/2007   #1
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي هل حقا إن الاختلاط أفسد مجتمعاتنا


المحامي : ميشال شماس


مازلت أذكر أنه طيلة اثنتي عشر عاماً كنت أذهب خلالها إلى المدرسة برفقة زملائي وزميلاتي، تحت المطر والثلج، وحر الشمس، وكانت أصواتنا تختلط ببعضها البعض أثناء ترديد الشعار الصباحي "أمة عربية واحدة.. ذات رسالة خالدة"، هذا الشعار الذي لم يتحقق حتى الآن، كما كنا نلعب سوية في دروس الرياضة، وكنا أيضاً ندخل إلى قاعة الدرس معاً، ونستمع معاً لشرح المدرس، وعند انتهاء الدوام نعود سوية إلى بيوتنا، هذا عدا عن الرحلات إلى المصايف وشاطئ البحر..الخ، ولم يكن يخطر ببالي انه سيتم فصلنا نحن الذكور عن زميلاتنا الإناث في يوم من الأيام.

وهذا ما حدث فعلاً عندما ذهبنا من قرانا في وادي النصارة إلى مدينة حمص عام 1980 للتقدم إلى امتحان شهادة الثانوية العامة، فقد فوجئنا فعلاً لدى دخولنا قاعة الامتحان في مدرسة الخالدية بحمص عدم وجود أية طالبة من زميلاتنا، إذ اقتصر الحضور على الذكور فقط من الطلاب، وبعد الانتهاء من تقديم الامتحان سألت أحد المراقبين عن السبب في عدم وجود طالبات بيننا في هذه المدرسة، فأجابني:" هنا في المدينة يتم فصل الذكور عن الإناث في المدارس الإعدادية والثانوية، فهناك مدارس خاصة للإناث ومدارس خاصة للذكور". فسألته مجدداً عن سبب ذلك، فرد علي قائلاً :"عندما تكبر، سوف تفهم ذلك".


وبعد أن نجحت في امتحان شهادة الدراسة الثانوية، ذهبت إلى كلية الحقوق بدمشق وسجلت فيها. وهناك تعرفت على طلاب وطالبات، من مختلف الانتماءات الدينية والسياسية، ولم يكن هناك أي فصل بين الجنسين حسب ما قال لي المراقب سابقاً، فسألت أحد زملائي في الكلية، لماذا يتم فصل الذكور عن الإناث في مدارس المدينة ، فأجابني:" إن الاختلاط بين الجنسين مخالف للشريعة الإسلامية.. لأن الاختلاط يفسد أخلاق الطلاب والطالبات، خصوصاً في الصغر، وسن المراهقة.. ويدفع الذكور للتحرش بالإناث،وما ينتج عن ذلك من زنا واغتصاب وفساد في الأخلاق". فاستغربت هذا الكلام ..وقلت لزميلي: أنه على مدى الأعوام الأثني عشرة التي درستها بدءاً في المرحلة الابتدائية مروراً بالمرحلة الإعدادية وانتهاءً بالمرحلة الثانوية في ثانوية المزينة الرسمية لم أسمع أن طالباً تحرش بزميلته، أو اغتصبها أو ... الخ، وأكثر من ذلك فعلى حد علمي لم أسمع أنه حدث شيء من ذلك خلال الثلاثين سنة الماضية على الأقل في المدارس والثانويات المختلطة في وادي النصارة بمحافظة حمص.


يا زميلي إني أرى عكس ماتراه، فمنع الاختلاط بين الإناث والذكور في المدارس هو الذي يفسد الأخلاق, وهو الذي يحرّض على الاغتصاب, ويضعف البناء الحقيقي الداخلي لشخصية الفتاة والفتى. وذلك لأن هذا الفصل بين الجنسين عدا كونه مخالف لطبيعة الحياة ومناف للقيم والأخلاق الحقيقية ومخالف للصحة النفسية فإنه سوف يزيد من حرارة الحرمان الجنسي ويؤججه ويضخمه، ويجعل العملية الجنسية تستحوذ على تفكير الإنسان وخياله وأحلامه، مما يؤدي ذلك إلى اندفاع الشباب أفراداً وجماعات إلى التحرش الجنسي والاعتداء على الفتيات لتلبية رغباتهم الجنسية المكبوتة، كما حدث مؤخراً في السعودية عندما اختطف سبعة شبان امرأة واغتصبوها بالتناوب، وقبلها انطلقت مجموعات من الشباب المكبوت في شوارع القاهرة تتراوح بين خمسة إلي 150 شاباً شارك معهم أطفال في العاشرة من عمرهم محاولين إشباع رغباتهم ، فأخذوا يعتدون على الفتيات والسيدات من دون التفرقة بين المتبرجة والمحجبة،المهم هو إشباع تلك الرغبات الجنسية المكبوتة..إلخ



أما الاختلاط بين الجنسين منذ الصغر هو حالة صحية تزيل الرهبة من الأخر كما إن ذلك سيؤدي إلى كسر هيبة الجنس الأخر وإلى الاعتياد الطبيعي على تواجد الجنسين معاً، وهذا بدوره سوف يؤدي إلى التخفيف من الرغبة الجنسية، ويحجمها كثيراً في تفكير كل من الجنسين، حيث تعبر تلك الرغبة عن نفسها في الرحلات والتجمعات والأنشطة الراقية التي من شأنها أن تنمي الشخصية وتهذبها.


والسؤال الذي يطرح نفسه هنا هو أي منطق ذاك الذي يفرض منع الاختلاط في الصغر، ثم يسمح به في الكبر؟ وكيف سيكون رد فعل هذا الفتى الذي منع من الاختلاط مع زميلته في المدرسة عندما يكبر؟ والأمر نفسه ينطبق على الفتاة أيضاً عندما تكبر، وكيف سيكون شعور كل منهما حيال الأخر بعد هذا الفصل القسري بينهما؟ لقد غاب عن أصحاب ذلك المنطق الساذج أن شخصية الفرد تبنى من خلال عملية طويلة ومتكاملة تسير بتناغم على هدى من التربية الأخلاقية تزرع تدريجياً داخل الإنسان باختياره الواعي الحر منذ طفولته حتى نهاية العمر. بعيداً عن تربية أخلاقية تُفرض على الإنسان بالجبر والإكراه أو المنع والعزل والوصاية.


أن المشكلة ليست في الاختلاط كما يروج لذلك دعاة الانغلاق، بل تكمن في نوعية مجتمعاتنا وبينتها المنغلقة التي لم تعرف معنى الاختلاط بشكل طبيعي أو عادي، وإن جل ما تعلمته وانتجته مجتمعاتنا هو سعيها الدائم نحو تغيب العقل استهلاك أي شيء قادم من الخارج، وإنجاب الأولاد والركض وراء النساء لاشباع الرغبات الجنسية المكبوتة.على حساب التربية والتعليم. لذلك لم يكن مستغرباً أن ينظر إلينا الغرب على أننا مجرد قطعاناً للتسمين.


لقد حان الوقت لكي نتحرر من الخوف وأن ندرك حقيقتنا مهما كانت هذه الحقيقة مرة وقاسية، وأن نخرج من تقوقعنا على ذاتنا، بالمصارحة والمكاشفة، وأن نعيد الاعتبار للعقل المغيب منذ قرون، حتى يأخذ دوره في ترشيد سلوكنا وإدارة شؤوننا بتفاعل بعيداً عن الاتكال والتلقي الأعمى، وأن نعمل على توفير العلم والتربية الأخلاقية والجنسية لطلابنا في المدارس بعيداً عن الانغلاق والتقوقع. فالمجتمع لايستطيع الوقوف على ساق واحدة مالم ينهض على كلتا ساقيه، ولن يكون كذلك ما لم يقف بجهود كل من الرجال والنساء عل حد سواء




المصدر: موقع الحقيقة




موضوع اجتماعي هام للنقاش


تحياتي


أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/12/2007   #2
صبيّة و ست الصبايا gevara7
عضو
-- أخ لهلوب --
 
الصورة الرمزية لـ gevara7
gevara7 is offline
 
نورنا ب:
Sep 2007
المطرح:
استوطن الفراغ
مشاركات:
175

افتراضي


كلام صحيح مليون بالمية

كَمْ كُنّا ملائِكَةً وَحَمْقــَىْ حِيــْنَ صدّقنْا الخُيوُلْ وَحيْنَ آمَنّا بأنّ جَنَاحَ نَسْرٍ سَوْفَ يَرْفعُنَا اِلَىْ أعْلى.
  رد مع اقتباس
قديم 07/12/2007   #3
شب و شيخ الشباب باشق مجروح
عضو
-- مستشــــــــــار --
 
الصورة الرمزية لـ باشق مجروح
باشق مجروح is offline
 
نورنا ب:
Dec 2005
مشاركات:
5,511

إرسال خطاب MSN إلى باشق مجروح إرسال خطاب Yahoo إلى باشق مجروح
افتراضي


الاختلاط هو الحالة الطبيعية والي بتأدي لمجتمع سليم وواعي
والمنع و الكبت هو الي بيولد الانحرافات
لا حدا يقول أوروبا منفتحة ومليئة بالانحلال
نحنا وضعنا غير هي أولا ........أما ثانيا فنحنا ما بدنا انفتاح بمعنى الفوضى بل ضمن حدود الأخلاق والمنطق
الصداقة والأخوة والزمالة لازم تكون موجوده ويتربا عليها الأولاد
أنا من معارضي الفصل.........
ميرسي عالموضوع المهم

صديقي الله .
لا أحسدك على معرفتك مصير كل منا .
لأنك قد تبكي على مصير حزين بينما صاحبه سهران يضحك.
وتعرف الفرح قبل وقوعه فلا ترى مثلنا لذة المفاجأة.
....
  رد مع اقتباس
قديم 07/12/2007   #4
صبيّة و ست الصبايا *Marwa*
عضو
-- مستشــــــــــار --
 
الصورة الرمزية لـ *Marwa*
*Marwa* is offline
 
نورنا ب:
Aug 2007
المطرح:
البــلاد المـقـدســـة
مشاركات:
2,869

افتراضي


لا اؤمن بالفصل بتاتااااااا

والاختلاط والدين او المجتمع والتقاليد لا يتنافيان ولا يتعارضان بالعكس لبناء شرائح اجتماعية متناسبة ومتجانسة وسليمة لازم يكون في اختلاط وجو من الاخاء




لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :]







؛

يا ريـحة البـلاد يا عطر الفّواح ..غـالي علينا يا تراب بلادنا
  رد مع اقتباس
قديم 07/12/2007   #5
صبيّة و ست الصبايا black_iris
مشرف متقاعد
 
الصورة الرمزية لـ black_iris
black_iris is offline
 
نورنا ب:
Aug 2007
مشاركات:
1,194

افتراضي


كلام سليم
التخلف هو سبب الفساد وليس الاختلاط
والايمان انو لا يمكن ان يكون في علاقه زماله او اخوه بين الذكر والانثى
ولا ننسى انو بالجامعه بكون في اختلاط .. لكن بعد 12 سنه من الكبت.. وهون مصيبه

شكرا yass عالموضوع

عجبت لمن شك في الله وهو يرى خلق الله
___
  رد مع اقتباس
قديم 08/12/2007   #6
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


بالعكـــــــــــــس
وبالعكس تمام عدم الاختلاط بشتغل الكبت
والكبت رح يدمر مجتمعاتنا اكتر مليون مرة من الدمار اللي ممكن انو يكون ع بسببوا الاختلاط ..

الاختلاط هلأ اكيد مو انو صحيح 100% اكيد الو مشاكل ..
بس بضل الف مرة ارحم من عدم الاختلاط والكبت

اللــي طــــالع الجحش ع المأدنة .. بنزلـــو


آخر تعديل Government يوم 08/12/2007 في 01:06.
  رد مع اقتباس
قديم 08/12/2007   #7
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
موضوع اجتماعي هام للنقاش
اي معلم
قبل كل شي وحتى نبلش نقاش
هل سيتقبل المناقشون الحقيقة المرة
لانو النقاش رح يكون بجدية تامة ......
هاد مستقبل ابناء الوطن يللي بدنا نتناقش فيه
وتحية الك ومتابعة للموضوع

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 08/12/2007   #8
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : COSTA عرض المشاركة
اي معلم
قبل كل شي وحتى نبلش نقاش
هل سيتقبل المناقشون الحقيقة المرة
لانو النقاش رح يكون بجدية تامة ......
هاد مستقبل ابناء الوطن يللي بدنا نتناقش فيه
وتحية الك ومتابعة للموضوع
هلا كوستا

المفروض انو المناقشة تتم قبل كل شيء بتقبّل الطرف الآخر, مو شرط التفكير متطابق, و النقاش ليس بقصد الاقناع انما عرض أفكار مو هيك؟
  رد مع اقتباس
قديم 08/12/2007   #9
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


لا وستين لا للفصل
شوف اوربا واميركا والخلاعة والفسوق والدعارة اللي عندون

ونحنا لسا بالف خير انو لسا عنا شوية فصل

كلو بفضل المحاولات الغربية والصهيونية لتحجيم الامة ومنعها من النهوض هو اللعب على هذا الوتر

كل الاديان حضت على هالشي وامروا بعدم الاختلاط وانو الواجب فصل البنات عن الاولاد من الطفولة بل ومن الخطر انو تعلم مدرسة الاولاد بالابتدائي لانو هاد بيعلم الطفل الفواحش

لانو الغرب بدو يانا نضل متخلفين عم يشتغلوا هيك ويدعوا للاختلاط

طول عمرنا الشباب لحال والبنات لحال واساسا مو ضروري يتعلموا بالجامعة مو فرض عليهون
دائما المرأة كلها عورة يعني ما لازم تطلع من البيت ومو شغلها

بس يا حيف عليكون بدكون تدعوا للاختلاط مشان ينتشر عنا اكتر قلة الادب والفسوق والانحراف هيك تعلمنا هاد اللي علمتك ياه اسبانيا يا ياس انت والجماعة اللي معك
اصحوا يا بابا بقا
ارجعوا لايام زمان وعيب علينا هالحكي نرجع لاصولنا وعاداتنا ونحارب المؤامرة اللي علينا عم يشنوها اعداء الامة

وحياة سواد عينيك يا حبيبي غيرك ما يحلالي
we ask syrian goverment to stop panding akhawia
نقسم سنبقى لاننا وارضنا والحق اكثرية
  رد مع اقتباس
قديم 08/12/2007   #10
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


ع فكرة ..
الاختلاط لما بكون مربا عليه من الصغر ومن اوائل عمر البني ادم شي ..
ولما بدخل هيك ع البنيي ادم فجأة وبعد مرحلة متقدمة شوي من عمرو رح يكون شي تاني
  رد مع اقتباس
قديم 08/12/2007   #11
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : yass عرض المشاركة
هلا كوستا

المفروض انو المناقشة تتم قبل كل شيء بتقبّل الطرف الآخر, مو شرط التفكير متطابق, و النقاش ليس بقصد الاقناع انما عرض أفكار مو هيك؟
اي اي بعرف هالشي بس يللي قصدتو انو الحقيقة دايما بتكون قاسية
المهم
متل ما منعرف انو مجتمعنا مبني على الخلفية الدينية ( الغالبية )
وهي الخلفية مطاطة بحسب الفتاوي والتشريع وعلى اساسها بتكون التربية الاجتماعية
طيب خلينا نبلش بالتنشئة المنزلية قبل المدرسية
متل ما منعرف انو الطفل لحتى يروح عالمدرسة بكون عمرو ست سنين
الادراك والوعي والفهم بيبلش من عمر 3 سنوات عند الطفل
وهون بيبلشو الاهل المتدينين يزرعو براسو افكار الدين على اساس انو من الطبيعي يعرف دينو لانو بتبلش عندو التساؤلات عن الحياة وعن كل شي بشوفو حولو وبيلمسو
لنحكي شوي عن المدرسة وبعدها منرجع للطفل
المدارس متل ما منعرف غالبيتها بسوريا عامة ( المعارف) ومعظمها غير مختلط والباقي خاصة ومختلطة
طيب الخاصة بتكون كلها تقريبا اجت ونشات على اساس ديني ( اسلامية ومسيحية وكانت بالبدايات للايتام )
والعامة متاثرة بالغالبية السكانية ( الاسلامية ) وهون لب الحديث
انو يابا ليش عملوها العامة غير مختلطة ؟
لانو الغالبية السكانية بترفض انو البنت تختلط مع الشب او العكس من اساس انو الدين هيك امر والحرام والحلال وهي القصص ( ما رح نخوض بالتفاصيل )
مشان هيك منلاقيها غير مختلطة لانو رجال الدين ما بناسبون كلامون يروح سدى بل يجب ان يعمل به
والدولة ما بدها تعلق بمشاكل معون فريحت راسها من هالقصة وتركت الامور على حالها
اضف اليها انو الوقت كان مختلف عن هاد الوقت يللي نحنا فيه وما كان هالانفتاح
هلأ رجعنا للطفل
الطفل يابا لما يفوت على المدرسة بكون في عندو رهبة منها لانو شغلة جديدة عليه بتكون ....
وغالبية الولاد بتبكي لما تروح (اي اي هاد واقع )
بس الطامة الكبرى انو لما بلاقي نفس جنسو موجود معو بالصف وعم يختلط فيه تقريبا 6 ساعات يوميا
طيب الاستهجان الغريب لما بكون الصف كلو صبيان وبكون المعلم بنت
او العكس لما بكون الصف كلو بنات والمعلم شب
هي كمان مؤثرة عليه
مشان هيك منلاقي الطلاب بينصدمو بالواقع لما بيكبرو لانو بكون تعودو الانعزالية والانغلاق من الصغر

ملاحظة صغيرة عللى المقالة
الكاتب طرح المشكلة بمقالتو بس ما طرح الاسباب وما طرح الحل
  رد مع اقتباس
قديم 08/12/2007   #12
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
ملاحظة صغيرة عللى المقالة
الكاتب طرح المشكلة بمقالتو بس ما طرح الاسباب وما طرح الحل
لأنو أعتقد انو السبب واضح و الحل أوضح
  رد مع اقتباس
قديم 08/12/2007   #13
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : yass عرض المشاركة
لأنو أعتقد انو السبب واضح و الحل أوضح
طيب
وين الوضوح عندك انت شايفو ؟
وايضا وين الحل ؟
  رد مع اقتباس
قديم 08/12/2007   #14
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : COSTA عرض المشاركة
طيب
وين الوضوح عندك انت شايفو ؟
وايضا وين الحل ؟
طيب ما الوضوح انت جبتو لوحدك يا معلمي. ...
  رد مع اقتباس
قديم 08/12/2007   #15
شب و شيخ الشباب mystical-light
شبه عضو
-- اخ حرٍك --
 
الصورة الرمزية لـ mystical-light
mystical-light is offline
 
نورنا ب:
Jun 2007
المطرح:
بالبيت
مشاركات:
39

افتراضي


تحياتي على الموضوع المهم
أولا : أعتقد أن الاختلاط ما بزيل الرهبة لكن ممكن يخفف منها إلى حد كبير
ثم أن الدين ما يوقف ضد و لا مع لأنو من زمان ما كان في كل هالتعقيدات و ما كان القصة كل هالقد فايتة بالحيطان
بصراحة نحنا يا منطخها يا منكسر مخها
و أظن أنو مع القيم الموجودة حالياً و المغروسة فالغختلاط ما حيؤدي بنا إلى متل الغرب

كنتُ أعشق دمشق
حتى عرفت من هي دمشق
ثم كرهتها
  رد مع اقتباس
قديم 08/12/2007   #16
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


اقتباس:
كاتب النص الأصلي : COSTA عرض المشاركة
اي اي بعرف هالشي بس يللي قصدتو انو الحقيقة دايما بتكون قاسية
المهم
متل ما منعرف انو مجتمعنا مبني على الخلفية الدينية ( الغالبية )
وهي الخلفية مطاطة بحسب الفتاوي والتشريع وعلى اساسها بتكون التربية الاجتماعية
طيب خلينا نبلش بالتنشئة المنزلية قبل المدرسية
متل ما منعرف انو الطفل لحتى يروح عالمدرسة بكون عمرو ست سنين
الادراك والوعي والفهم بيبلش من عمر 3 سنوات عند الطفل
وهون بيبلشو الاهل المتدينين يزرعو براسو افكار الدين على اساس انو من الطبيعي يعرف دينو لانو بتبلش عندو التساؤلات عن الحياة وعن كل شي بشوفو حولو وبيلمسو
لنحكي شوي عن المدرسة وبعدها منرجع للطفل
المدارس متل ما منعرف غالبيتها بسوريا عامة ( المعارف) ومعظمها غير مختلط والباقي خاصة ومختلطة
طيب الخاصة بتكون كلها تقريبا اجت ونشات على اساس ديني ( اسلامية ومسيحية وكانت بالبدايات للايتام )
والعامة متاثرة بالغالبية السكانية ( الاسلامية ) وهون لب الحديث
انو يابا ليش عملوها العامة غير مختلطة ؟
لانو الغالبية السكانية بترفض انو البنت تختلط مع الشب او العكس من اساس انو الدين هيك امر والحرام والحلال وهي القصص ( ما رح نخوض بالتفاصيل )
مشان هيك منلاقيها غير مختلطة لانو رجال الدين ما بناسبون كلامون يروح سدى بل يجب ان يعمل به
والدولة ما بدها تعلق بمشاكل معون فريحت راسها من هالقصة وتركت الامور على حالها
اضف اليها انو الوقت كان مختلف عن هاد الوقت يللي نحنا فيه وما كان هالانفتاح
هلأ رجعنا للطفل
الطفل يابا لما يفوت على المدرسة بكون في عندو رهبة منها لانو شغلة جديدة عليه بتكون ....
وغالبية الولاد بتبكي لما تروح (اي اي هاد واقع )
بس الطامة الكبرى انو لما بلاقي نفس جنسو موجود معو بالصف وعم يختلط فيه تقريبا 6 ساعات يوميا
طيب الاستهجان الغريب لما بكون الصف كلو صبيان وبكون المعلم بنت
او العكس لما بكون الصف كلو بنات والمعلم شب
هي كمان مؤثرة عليه
مشان هيك منلاقي الطلاب بينصدمو بالواقع لما بيكبرو لانو بكون تعودو الانعزالية والانغلاق من الصغر

ملاحظة صغيرة عللى المقالة
الكاتب طرح المشكلة بمقالتو بس ما طرح الاسباب وما طرح الحل
وهاد الطبيعي يا كابتن كوستا انو لازم الطفل من صغره ينشا هيك مشان يتعلم الاخلاق ويبتعد عن الفواحش
بعدين المدارس والعياذ بالله مختلطة بالابتدائي والتعليم الاساسي وهون راس الغلط
وبيجبيوا مدرسة للشباب ومدرس للبنات ليعلموهون على الفسوق
بس بالاعدادي والثانوي مفصولين وهيك لازم يكونوا دايم
وين المشكلة لو كانت الجامعات كمان للشباب قسم والبنات قسم واساسا البنات مو فرض عليهون العلم بنوب

من 1400 سنة ونحنا مفصولين جايين هلا تقولولنا اختلاط وما اختلاط

رحم الله زمن ما كانت البنت تخرج الا من بيت اهلا لبيت زوجا ومنه للقبر
  رد مع اقتباس
قديم 08/12/2007   #17
صبيّة و ست الصبايا Syrian__Angel
مشرف متقاعد
 
الصورة الرمزية لـ Syrian__Angel
Syrian__Angel is offline
 
نورنا ب:
Nov 2005
المطرح:
U.A.E
مشاركات:
2,544

افتراضي


بداية ً ... يا ريت لو تبقى الردود ضمن حدود النقاش الموضوعي .. وبعيدة عن اتــّهام الطرف التاني بالرجعية والتخلف ..

بنجي للموضوع ..
برأيي ما فيك تعمــّم نمط معيـّن و تقول عنــّو خلص هاد هو الصح ، وهيك لازم يكون الوضع ...
وتقول عن النمط التاني انــّو غلط ، لمجرّد انــّو بمفاهيمك او معتقداتك بتظنّ هالشي ..
لانّــو بالنهاية وقت اللي بدّك تنظر لقضيـّة ما ، بدّك تتطلّع عالبيئة المحيطة وظروفا وعاداتا اللي فرضت هالشي ..


كـ مثال ، انا ربيت بمدارس بتفصل بين الجنسين .. بس ما حسّيت خلال هالسنين بـ " الرهبة " من الآخر .. او غيرا من الامور اللي انذكرت ..
يمكن هالشي بيرجع لانــّو الفصل كان مقتصر عالمدرسة بس ، امــّا بالحياة العمليــّة فـ كل شي عادي ..
على عكس كتير من اهل البلد ، اللي عندون الفصل بيمتدّ للعيلة حتى ، بمنع الاختلاط مع اولاد العم والخال وغيرون .. بس كمان - لنبقى حقــّانيين - ، بتضلّ هالشغلة نسبيــّة ، وبتختلف من عيلة للتانية ، ومن مدينة للتانية ...
هلأ اللي عنجد يمكن يحسّ بالارتباك او الخوف هنن اللي بيدخلو ع جوّ الاختلاط بالجامعة او بالشغل بعد عزلة
مدري كم سنة .. فـيمكن بأوّل فترة يكون " جاية من عالم تاني " ، او انعزالي شوي .. بس بعدين بيتعوّد ... ويمكن سرعة اندماجو مع هالجوّ بتعتمد عليه بالمقام الاوّل و على مدى تقبــّلو للفكرة ..
المهم مو هاد موضوعنا بكل الاحوال...


اي ...
التعليق اللي خطرلي وانا عم اقرأ الموضوع هو كالتالي :
بمجتمعات محافظة بتمنع الاختلاط ، وبما انــّك صعب تغيّر تفكير الاهل نحو هالقصــّة .. رح يبقو الاهل امام حلّين ..
يا امــّا بدّون يكسرو ع انفون بصلة ويبعتو اولادون للمدارس المختلطة على الرغم من عدم موافقتون ع الفكرة .. ( وهالشي احتمالو ضعيف ) .. لانــّو شغلة ما موافق عليها ، صعب تتقبّل انو تبعت اولادك ع هالمكان ، اللي المفترض يكون " آمن " برأيك ..
او ( وهاد المتوقّع برأيي ) .. رح يقلولك وبلا التعليم والمدارس - بالذات للاناث - .. لانو بيبقى المجتمع اللي عايشين فيه ذكوري والشب اولى بالتعليم في حالة - كان ولابدّ - للاختلاط انــّو يتواجد ..
وبهالحالة بنكون بدل ما نكحــّلا ، عميناها ...

~*¤ô§ô¤*~ No Pain ... No Gain ~*¤ô§ô¤*~

المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...

نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...
  رد مع اقتباس
قديم 08/12/2007   #18
شب و شيخ الشباب was616im
عضو
-- مستشــــــــــار --
 
الصورة الرمزية لـ was616im
was616im is offline
 
نورنا ب:
Oct 2006
المطرح:
حــــومــــــــــــــــــص ام الدنيـــــــــا
مشاركات:
4,444

إرسال خطاب MSN إلى was616im إرسال خطاب Yahoo إلى was616im
افتراضي


اقتباس:
شوف اوربا واميركا والخلاعة والفسوق والدعارة اللي عندون
هلق هي موضوع تاني و ما بدنا نفوت فيه هلق
اقتباس:
كلو بفضل المحاولات الغربية والصهيونية لتحجيم الامة ومنعها من النهوض هو اللعب على هذا الوتر
بالله شو؟؟ كمان هي الصهيونية و الغرب الهن علاقة فيها؟؟ طيب كيف يعني؟؟ فسرلي ياها بالله
اقتباس:
كل الاديان حضت على هالشي وامروا بعدم الاختلاط وانو الواجب فصل البنات عن الاولاد من الطفولة بل ومن الخطر انو تعلم مدرسة الاولاد بالابتدائي لانو هاد بيعلم الطفل الفواحش
معناها انو كمان الخلط بمرحلة الابتدائي حرام و غلط بنظرك لانو فينا نعتبر الطفل بالمرحلة الابتدائية كمان بيفهم و عندو احيانا هيك تفكير
اقتباس:
طول عمرنا الشباب لحال والبنات لحال واساسا مو ضروري يتعلموا بالجامعة مو فرض عليهون
دائما المرأة كلها عورة يعني ما لازم تطلع من البيت ومو شغلها
يا حبيبي عالكلام المدوزن
بالله و فيك تقلي منين جايب هالحكي؟؟ شو هالتخلف اللي عم تحكيه يا رجل
اقتباس:
بس يا حيف عليكون بدكون تدعوا للاختلاط مشان ينتشر عنا اكتر قلة الادب والفسوق والانحراف هيك تعلمنا هاد اللي علمتك ياه اسبانيا يا ياس انت والجماعة اللي معك
حبيبي و كانك انت مانك بالجامعة و مانك بهالجو هاد؟؟
فيك بالله تقلي شي حادث منافي للاخلاق صار معك بالجامعة؟؟
يتبع

((((*(*(*(*(*(*(*عصابة الملوك *)*)*)*)*)*)*) ))))

بلا حب بلا تخريف

بيع القلب واشتري رغيف

ايامنا صارت صعبة

والدنيا منها لعبــــة
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 09:57 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11669 seconds with 12 queries