السوريون والكفــر بالعروبة ..

[Government]

السوريون والكفر بالعروبة

من يتابع تعليقات القراء في سيريانيوز والمواقع السورية الأخرى، ومن يتابع نبض الشارع السوري، يلحظ في الآونة الأخيرة استياء متفاقماً من جانب عامة السوريين حيال ما بدا أنه ابتزاز سعودي – مصري لدمشق بخصوص القمة العربية المرتقبة في العاصمة السورية.

موضوع "الابتزاز" أن تقوم دمشق بالضغط على أصدقائها وحلفائها في لبنان لتقديم تنازلات بخصوص أزمة الرئاسة اللبنانية، وإذا لم تفعل دمشق ذلك، فإن دول عربية فاعلة "السعودية ومصر" قد تخفّض مستوى تمثيلها الدبلوماسي في القمة العربية المرتقبة، آذار القادم، في العاصمة السورية، مما يعني فشل هذه القمة.
من يراقب تعليقات القراء واقتراحاتهم يلحظ بوضوح نبرة استياء، ليس فقط من مواقف النظامين السعودي والمصري تجاه دمشق، بل أيضاً، يلحظ المراقب استياء واضحاً لدى واسعة من السوريين حيال الفكر القومي عموماً، وحيال المبادئ التي لطالما ميّزت السياسة السورية في العقود الأربع الماضية، والتي ترتكز على البعد شريحة القومي كموجّه رئيس لها.
السوريون عُرفوا في تاريخهم المعاصر بميولهم القومية الواضحة، فمن ساطع الحصري، الأب الروحي للتيار القومي، وهو سوري، إلى حزب البعث العربي الاشتراكي، الذي مثّل في مرحلة الخمسينات والستينات من القرن الماضي، أحد أقوى التيارات القومية في الوطن العربي، إلى الوحدة السورية المصرية عام 1958 التي كانت نتاج هياج شعبي سوري ميّال للخطاب القومي للرئيس الراحل جمال عبد الناصر، مروراً بمواقف الرئيس الراحل حافظ الأسد، التي كان البعد القومي الموجّه الرئيس لها في معظم الأحيان، انتهاء بالرئيس بشار الأسد، الذي أكّد منذ أدائه القسم الدستوري عام 2000، بأنه، على عكس ما ظن به البعض، متمسكاً بالبعد القومي للسياسة السورية، مهما كانت الأثمان.
وهكذا وبسبب التصاق السوريين التاريخي بالبعد القومي العربي لحياتهم ولسياسات أنظمتهم الحاكمة، على تعاقبها، استحقت دمشق لقب "قلب العروبة النابض".
لكن اليوم، يستطيع أي مراقب أن يلحظ بسهولة استياء كبير لدى الكثير من السوريين من البعد القومي لسياسات بلدهم، وتذمر بادٍ بوضوح حيال التعامل مع غدر الأشقاء وفق مبدأ اليد الممدودة.

فهل كفر السوريون بالعروبة؟
وهل المواقف السلبية للدول العربية الفاعلة حيال دمشق تبرّر حقاً الكفر بالعروبة؟






موضوع مطروح بسيريا نيوز خلينان شوف رأيكن فيه هون ..
رابط الموضوع .
http://www.syria-news.com/readnews.php?sy_seq=70045

[ظل جيفارا]

يا سيدي يفضل واتوقع انو طبيعي بعد كل هالتاريخ المشرف إلنا مع العرب وحتى مع قيادات العرب وحتى الإسم المذكور بالموضوع جمال عبد الناصر لما عمل الوحدة مع سوريا انا برأيي كانت لا تعدو عن كونها تخضيع سوريا لمصر وهو قد اطلن العنان للقمع والإرهاب في الشعب السوري وبنعرف كتير من الوطنين هربوا هريبة على لبنان هربا من القوة " القادمة "
ما بنكر انو وقتها كان في مشروعية للقوميين العرب وكان الخطاب القومي شغال بس بصراحة بعد اكتر من اربعين سنة على النهج القومي بسوريا اثبت هذا النهج انه غير ذي فائدة خصوصا اننا لم نحصل شيئا من تعلقنا به
هذا اذا ما بدكن احكي لمحة تاريخية عن سوريا وعن رفضي القاطع لفكرة القوميات وفكرة إلصاق سوريا قوميا بالعرب

تحياتي الحارة
ظل جيفارا

ملاحظة اشرافية:
تم تعديل الرد من قبل الاشراف لاحتوائه على اشارة الى رد مخالف سابق تم حذفه. الرجاء ارسال تقرير مشاركة عاطلة بالردود التي يمكن اعتبارها مخالفة و تجنّب الملاحظات داخل ردودكم كي لا نضطر لتعديلها.


شكرا للتعاون

[عطر سوريا]

واكيد دمشق بتشرف العرب مو العرب بيتشرفو فيها
بس لالاسف على قولة نزار قباني
وفقدة يا وطني البكارة
وتاني شي يا غالي على اساس هون الموقع حر بتحكو عن الاديان بحرية وعن الاشخاص بعدم حرية



اسمحولي قوووووووووووووووووووووووو وووووووووووووول هزلت
وفقدت ياوطني الاثارة


ملاحظة اشرافية:
تم تعديل الرد لاحتوائه على اقتباس و اشارة الى جزء محذوف من رد سابق

[yass]

يا سيدي شبعنا قومية و شبعنا عروبة. ما اجانا من القومية العربية الا المصايب و المشاكل و وقت الصحيح بنغلادش توقف معنا قبل "الأخوة و أبناء العم" ......

سوريا أولا و ثانيا و خامسا و أخيرا.......

[tamouz76]

والله يا معلم انا ما بيشرفني كون عربي صراحة شو بدي ال عربي ال يعني بيطلع اجدادي الزير سالم ( شوف الخجلة شوف ) انا سوري سوري عالقليلة بضمن يطلع نسبي فينيقي و يطلع جدي هانيبال شو رايكن ازبط ما قال شو عرب اي اهلين

[ظل جيفارا]

كاتب النص الأصلي : tamouz76

والله يا معلم انا ما بيشرفني كون عربي صراحة شو بدي ال عربي ال يعني بيطلع اجدادي الزير سالم ( شوف الخجلة شوف ) انا سوري سوري عالقليلة بضمن يطلع نسبي فينيقي و يطلع جدي هانيبال شو رايكن ازبط ما قال شو عرب اي اهلين

تحياتي أؤيد مواقفك ولكن بدون مغالاة في نقد الأخر ......
تحياتي الحارة
ظل جيفارا

[سوري محشش]

صعب على قولة عضو بالمنتدى هزلت
انا بتصور المشكلة مو بالموقف المؤيد ولا معارض للعروبة
لانو بالنهاية التنين فاشلين
بس انا بتصور المشكلة في طريقة التعامل مع الاحداث والمستجدات
يعني ردو الفعل
الاستراتيجية
والاهم الهدف لانو هدف هل سياسات تجويع الشعب
وظلمو وقهرو
واكيد مو هدفا الممانعة والمقاومة
ولا تحقيق مكاسب للشعب
وانا اكفر بالعروبة واحيي تموز 76 على موقفو

[حلبي]

أنا أئيد كل من طرح الموضوع والمشاركين شرط أن تكون الحكومات ممثلة للشعوب أي كلون أحفاد أرائوش؟؟؟؟؟؟؟؟

[المحارب العتيق]

خلص ينقلو القمة لشي كازينو بشرم الشيخ
ولحنا منبعت رئيس بلدية التل يجتمع مع هالعر---

[yass]

خلص ينقلو القمة لشي كازينو بشرم الشيخ
ولحنا منبعت رئيس بلدية التل يجتمع مع هالعر---

يا سيدي الشي الايجابي الوحيد من كل قصة القمة انو تذكرو يصلحو المطار و يوسعو طريق المطار شارعين كل جنب

[Government]

هلأ المشكلة بهالقصة ..
انو مثلا عدم اعترافنا كــ سوريين بالعروبة هالشغلة جاي من الحكومات .. بس
ولا عبتشمل الحكومات والشعوب تبعتا كمان

يعني هلأ ممكن اخد موقف مثلا مثلا ضد مصر بسبب موقف حكومتا ..
بس انو الشعب المصري مثلا ليش لنتبرا من العروبة منو والرابط اللي بيجمعنا في كــ عرب ..

[dimozi]

ليش شو اجانا مع العروبة غير الهم و وجع الراس, بالله شو استفدنا من القومية من الاستقلال لهلاء.


لما شعوب متجاورة بدها تتكتل مع بعضها البعض, لازم الاقتصاد يكون المحرك الأساسي لها التكتل, كل محاولات التكتل بالمنطقة فشلت و رح تفشل لأنو البعد الأقتصادي مهمش, و القصة عواطف بعواطف





مية خسة سورية من عا البسطة بسوق الهال

[ظل جيفارا]

كاتب النص الأصلي : GOVERMENT

هلأ المشكلة بهالقصة ..
انو مثلا عدم اعترافنا كــ سوريين بالعروبة هالشغلة جاي من الحكومات .. بس
ولا عبتشمل الحكومات والشعوب تبعتا كمان

يعني هلأ ممكن اخد موقف مثلا مثلا ضد مصر بسبب موقف حكومتا ..
بس انو الشعب المصري مثلا ليش لنتبرا من العروبة منو والرابط اللي بيجمعنا في كــ عرب ..

هلأ هون بنط للشغلة التانية يمكن ما كل الشعب السوري فكر بهالطريقة بس هيي صحيحة هل العروبة صحيحة كإنتماء
وكمان في شغلة تانية انو الشعب شو شاف من ما كنا نسميهن اشقاء إلا السب والشتم وما بدي سمي ناس بأساميهن بس كلنا بنعرف مين قصدي وفي ناس فاتت على المنتدى لهون وعبرت عن كره للسوريين
هيدي الشغلات الشعب السوري كله شافها وعمل ردة فعل عليها بكل بساطة رفض قاطع للقومية
تحياتي الحارة
ظل جيفارا

[Government]

وفي ناس فاتت على المنتدى لهون وعبرت عن كره للسوريين

هيك حق معك 100% ..
فعلا العروبة صارت شي من الماضي بحسا ..
كل واحد اللهم نفسي ومتل ماقلت شفنا الناس اللي دخلت وعبرت عن كرها للسوريين مع انو كلياتنا عرب
بس للاسف العروية انقرضت وعبتنقرض وصار كلو واحد ايدو الو

[sandra]

يا سيدي شبعنا عروبة
ما خرب بيتنا غير العروبة والانضمام لجامعة الدول العربية
يا ريت نطلع منها ونخلص

[pleasurable]

كاتب النص الأصلي : ظل جيفارا

هذا اذا ما بدكن احكي لمحة تاريخية عن سوريا وعن رفضي القاطع لفكرة القوميات وفكرة إلصاق سوريا قوميا بالعرب

يا سيدي من هالناحية اتطمن العرب اتفرفطو جغرافيا وقوميا .

بس موالمشكلة بالقومية المشكلة انو نحن العرب ما بتناسبنا فكرة القومية .

[sweetyjojo]

كفرنا او ما كفرنا


هذا هو النظام

[ظل جيفارا]

كاتب النص الأصلي : الحر الباكي

يا سيدي من هالناحية اتطمن العرب اتفرفطو جغرافيا وقوميا .

بس موالمشكلة بالقومية المشكلة انو نحن العرب ما بتناسبنا فكرة القومية .

خيو لربما كانت المشكلة بالقوميات بس بصراحة انا برأيي زمن القوميات ولا وكتير فرحان انو ظاهرة التململ من العروبة ظاهرة عامة
تحياتي الحارة
ظل جيفارا