صمت الحواس /2

[Fares]

كاتب النص الأصلي : phoenixbird

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بلدي حبيبي/ زكي ناصيف

هذا هو ما نفتقد إليه بسوريا... يعني أغانينا الوطنية حلوة، بس حماسية زيادة عن اللزوم. كمان في كتير صور بتعبر عن الوطنية بطريقة أحلى من البارودة وصوت المدفع..

ع الهامش:
ليش حاطط حطاي اليوم؟؟
زكي ناصيف وخصوصاً أغنية بلدي حبيبي من المحرمات علي هون، يعني ما بيصير اسمع هالأغنية بالتحديد ما دام أنا خارج سوريا!!!

[Fares]

كاتب النص الأصلي : phoenixbird

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

la mama/ dalida

رغم أني ما فهمت الكلمات (ما بعرف فرنسي منوب) إلا أنو لحنها كتير حلو + داليدا صوتها كمان حلو

[Fares]

كاتب النص الأصلي : phoenixbird

4 اعضاء 3 منهم اجزم انهم قدموا الكثير لاخوية
قدموا رايهون اليوم عن اخوية
ماريك بما قيل وهل تتفق معه ؟
اين مكمن الخلل اليوم في اخوية ؟
انت مع ام ضد تقليل عدد الاعضاء باخوية ؟

أول شي الأعضاء الأربعة (وليس 3 منهم قدموا لأخوية الكثير مشكورين..

رح ناقش الفكرة من منطلق عام، وما رح ادخل بتفاصيل كل قسم من الأقسام..
أخوية موجودة من عام 2003 يعني 4 سنين، ومر ع أخوية كتير أشخاص. منهم ما زال لهلأ عم يطل علينا، وفي منهم من ترك بصمته ورحل، وفي قسم -مثلي- بيحاول يكون على تواصل مع أخوية أكبر قدر ممكن بس ما دائماً الوقت بيسمح..

فكرة (أن تعود أخوية كما كانت) هي فكرة أرفضها جملة وتفصيلاً... الحركة بركة... وأخوية ومن منطلق فسح حرية التعبير لكل الأعضاء، فهي مرآة لهذا المجتمع الصغير يلي بتمثلوا...
أنا ما كتير متابع لشو عم يصير بأخوية -بتعرف تقاعدنا وما عاد صحتنا بتساعد ع الإلمام بجميع الأمور- بس دائماً ومن بعد تأسيس أخوية بوقت قصير بيشيع جو من التذمر أن أخوية تتغير وكل شخص بيريد أن تكون أخوية متل ما هو بيتمنى! مثال صغير أن وقت صار عدد أعضاء أخوية 750 شخص صار في ناس تطالب أن يتم إغلاق باب الانتساب لأنو هيك مع هالعدد الكبير من الأعضاء (750 عضو) ما عادت أخوية متل ما منعرفها..

بالمختصر أنا ما بشوف أخوية أبداً مجتمع نخبوي، ولا بدي بيوم من الأيام أن تكون أخوية مجتمع نخبوي.. أخوية متل ما بشوفها هي مكان بيقدر فيه كل الناس أن تعبر عن نفسها وعن أفكارها وعن ميولها ومعتقداتها (طبعاً ضمن ضوابط معينة).. ومن هنا أنا ضد تقليل عدد أعضاء أخوية وأستغرب من هكذا طرح..

[Fares]

كاتب النص الأصلي : phoenixbird

الان انت لو حسام طلب منك 3 خطوات لتجديد اخوية شو ممكن تكون ؟
وباعتبار انك من الرعيل الاول بدي منك كمان تجاوبني على هالموضوع
اي من اقسام اخوية اليوم يعد الافضل وايه الاسوأ
اي من مشرفي اخوية (والك الحق بالاجابة من عدمها) اعجبك ما قدمه وايهم لم يعجبك
اي من المشرفين المتقاعدين تتمنى عودته للاشراف

الخيار الك

من ناحية الأقسام، أنا ما بفوت على كل الأقسام.. بس بيعجبني أكتر شي: المكتبة إلها معزة خاصة عندي (رغم مشكلة تحميل الكتب عند البعض).. كمان في قسم الموسيقى لأنو لهالقسم طابع خاص، بلاقي فيه أغاني بعمري ما كنت بعتقد أنو رح لاقيها ... وطبعاً بيبقى المنبر شيخ الأقسام، رغم أن المستوى فيه بيطلع وبينزل إلا أن المنبر بيضل إلو ثقلو بأخوية...

وبتمنى أنو كل المشرفين المتقاعدين يشاركو بأخوية، ما مهم الإشراف وإنما المهم التواجد..

[Fares]

كاتب النص الأصلي : phoenixbird

أوصي زملائي في كلية الطب بجامعة دمشق ب : ما تنسوا أحلامنا وطموحاتنا.. بيجي يوم منحققها!! *

أوصي حسام الحكيم ب: حسام ما بدو توصاية!

أوصي افراد عائلتي ب : أنو يضلوا متل ما بعرفون: أمي نبع المحبة.. أبي محيط الحكمة.. أخواتي سندي ودعمي.

أوصي مشرفي القسم الفني باخوية ب : مر ع أخوية كتير مواهب فنية، انتبهولها أكتر..

أوصي رئيس الوزراء محمد ناجي العطري ب : أن يفجر سابقة في تاريخ الأمة، وأن يعلن استقالته..

أوصي الشعوب العربية ب : بأن فصل الربيع قادم لا محالة، ولكنه ينتظر أن تقوموا من سباتكم الشتوي

اتبرع بكل ما املك الى : بوصي بأغراضي ليلي بيحتاج... مافي شخص محدد

ان افضل ما قمت به في حياتي هو واسوا ما قمت بحياتي هو : ما خاطر على بالي هلأ.. عذراً.

اوصي ان يصلى علي وادفن في (حسب المعتقد الديني): انشالله ما بيكون في دفن، لأنو أنا موصي بالتبرع بكل ما يمكن التبرع به من أعضاء لحظة وفاتي..

* مع بعض التحفظ لأنو أنا دارس بحلب ما بالشان..

[Fares]

كاتب النص الأصلي : phoenixbird

فارس اتعكست الادوار صرت انت المحاور وانا الضيف تفضل اسال وناطر اسئلتك

1- أخوية شو بتعنيلك؟
2- مين كان أول ضيف عندك بالبرنامج (الجزء الأول).
3- لو ما كنت عم تدرس طب، كنت بتتمنى تدرس شي تاني؟

[Fares]

كاتب النص الأصلي : phoenixbird

فارس نورت البرنامج بشكرك كتير
وكتير مبسوط لحضورك اليوم
اتمنى لك التوفيق بكل حياتك

وعيد اضحى وميلاد وراس سنة مباركين

مع حبي
phoenix bird
الاسبوع المقبل حلقة استثنائية مع كل اخوية

أنا بشكرك ع البرنامج الحلو... وناطرين الحلقة القادمة (الاستثنائية)...

فارس

[phoenixbird]

نورت فارس
1- أخوية شو بتعنيلك؟
بيتي الكبير واكتر من هيك ما بدي قول
2- مين كان أول ضيف عندك بالبرنامج (الجزء الأول).
بالموسم االاول butterfly ميمو كانت الضيفة الاولى وبالموسم الثاني العم ياس
3- لو ما كنت عم تدرس طب، كنت بتتمنى تدرس شي تاني؟
طبعا كنت بتمنى ادرس بالمعهد العالي للفنون المسرحية او الموسيقى