مقلاية أخوية ( ( 4 ))

[fofo besset syria]

كاتب النص الأصلي : BL@CK

* بالرد ما قبل السابق . إجاباتي على فوفو رقم 3 - في كلمة " ما " أول السطر

اي انا استنتجت انه فيه ما سقطت سهوا!!

ميرسي عالأجوبة!!!

وبأجوبتك عززت رأيي فيك الي حكيتلك اياه سابقا

[fofo besset syria]

كاتب النص الأصلي : marioma alghzayala

اول شي هايز..

تاني شي ..انو حمودة ما طول بالمقلاية مو؟؟؟

تالت شي .. حدووا شي مدة للقلي ... مشان مو انو بس تديق خلاق الواحد يزت اللي بعدو ..

والي رجعة...

المفروض 3 ايام متل المقلاية السابقة...مو؟شو رأيكن؟

هاد تاني يوم لبلاك بقيلو بكرا..

بكرا المسا بزت غيرو بالمقلاية

[butterfly]

كاتب النص الأصلي : fofo besset syria

المفروض 3 ايام متل المقلاية السابقة...مو؟شو رأيكن؟

هاد تاني يوم لبلاك بقيلو بكرا..

بكرا المسا بزت غيرو بالمقلاية

أممممممممممممم 3 منيح

[The morning]

كاتب النص الأصلي : fofo besset syria

المفروض 3 ايام متل المقلاية السابقة...مو؟شو رأيكن؟

اشمعنى انا نقليت اسبوع

بــلاك مــا رح اســألك لانو لـــسا عــندك مـا يكــفي مــن الاســئله حـاليـا لــبين مــا تجــي
و تجــاوب عــليهــم

[butterfly]

لأ لأ لأ لأ
أقل فترة هي تلت ايام ..
وبيضل الواحد بيجاوب طول ما في اسئلة

[BL@CK]

كاتب النص الأصلي : butterfly

انا بدي نزل حلقات ( 3 حلقات )

عبارة عن 28 سؤال .
منبدا بكلمة وشو بتعنيلك :

1. الأنسان
2. الله
3. الوطن
4. Bl@ck
5. أخوية
6. الجنس
   
7. الثقة
   
8. الحب
9. الفشل
10. الأحمر
11. الأسود
12. الأبيض

1 - الأنسان : ليس بحاجة لأي تعريف و أكيد بيعنيلي الإنسان ..

2 - الله : مصطلح دأب الإنسان الأول على محاولة فهمه و ما زال مجهول .. أحياناً بتراود لمخي الفكرة اللي بتقول أنو الله عبارة عن نتاج فكري و أحياناً بلاقي حالي مضطر آمن بقوة عظمى ( أكيد غير المذكورة في الكتب السماوية ) بس بالأخير بهنيه قدر يحقق هالشهرة الواسعة بحيث كل إنسان بذكروه باليوم شي ألف مرة حالياً بتعامل معوه كمصطلح ما أكتر


3 - الوطن : شو ما صار و شو ما جرا ببقا الوطن هوي الأم الحنون للجميع ..


4- BL@CK : ما تعودت أوصف حالي ..كانت ستي تقلي " الجمل ما بشوف حدبتو " ..

5 - أخوية : " صرح حضاري " و كنت بتمنا لو كنت متعرف عليّا من قبل .. بحاجة للمزيد من الجهد
بس في نقطة حبيت وضحا .. أنو من أخوية استنتجت الشعب العربي ما بتلبقلو الديمقراطية
أخدنا شوية حرية بأخوية صار ألف مشكلة بين الأعضاء ..
بقا كيف لو منطبق الديمقراطية على أرض الواقع


6 - الجنس : شي ثانوي و رئيسي بآن واحد ..
ثانوي : كون الالتقاء الفكري بين الطرفين هوي الأساس عندي
رئيسي : ما بتصل أي علاقة حب بين طرفين للكمال أو لتقترب من الكمال بلا الجنس


7 - الثقة : شعور انعدم حالياً إلا ما ندر .. يعني أوثق في سين من الناس أعتمد عليه بشي مادي أو معنوي


8 - الحب : في أكتر من نوع للحب بلخصون بنوعين الأول متل حب الأبن لأموه و حب الأم لابنا و و و ( فطري )

و التاني حب بين الذكر و الأنثى .. عبارة عن تفاهم فكري و انسجام بين هالشخصين .. و التنين بالنسبة الي مقدسات


9 - الفشل : شعور فاشل جربتو مرة و تنذكر و ما تنعاد ..

10 - الأحمر : لون الدم

11 - الأسود : معشوقي الأول

11- الأبيض : لون مثالي و مثاليتو بتكفي لأكون بكرهو ..

ما حدا يسألني كيف بحب الأسود و بكره الأبيض لإني أنا ما بعرف .

يتبع

[BL@CK]

كاتب النص الأصلي : butterfly

اليد

الجسد
الفم
التفوق
الطبيعة

المال
الموسيقى
الأبداع
الاختلاف

الأنوثة
الذكر
الأمومة
النمو

الحياة
الموت

13 - اليد : أداة للعطاء و أداة للبطش أو القتل أو التدمير أو أو أو .. ( سلاح ذو حدين )

14 - الجسد : كم هائل من الخلايا .. و لكل خليّة دور و وظيفة ..

15 - الفم : أنو بعد صفنة نص ساعة .. طلع بيعنيلي كتير الفم فيو لسان و اللسان سلاح ذو حدين ..

و لسان البني آدم هوي اللي بخليك تحكم عليه و على شخصيتو و أفكارو ..

و الفم الو معنى تاني كمان ( بوس الواوا )

16 - التفوق : صار عدوي بالفترة الأخيرة ..

17 - الطبيعة : منبع للصفاء ..

18 - المال : أكتر شي بحتقروه بهالدنيا ..

19 - الموسيقى : بالنسبة الي لمّا بكون مزعوج بفضل أسمعا .. بعتبرا تفريغ لشحنات و محاولة لنسيان المشاكل اللي عبتصير معي ..

20 - الأبداع : ما بتذكر بيوم من الأيام كان مرافق الي بجوز اساتني ما تعرفت عليه .

21 - الاختلاف : ضرورة لـ التطور

22 - الأنوثة : المجهول المكتشف بعض أجزائوه ..

23 - الذكر : متمم الأنثى .. و لا يمكنه الاستغناء عنها و العكس بالعكس .. و في بعض الأحيان بيعني القوة ..

24 - الأمومة : شعور كان و سيبقى أصدق شعور في الكون ..

25 - النمو : عبارة عن نمو و تطور الخلايا اللي ذكرتا فوق ..

26 - الحياة : حاليا بعتبرا ساحة معركة .. و السلاح الوحيد لتستمر هوي العقل .. بهالمعركة في بعض الفواصل المنشطة نفسياً هالفواصل بتدفعنا لنحب هالمعركة و نتابع فيّا .. لبين ما نخرج منّا مجبرين بالموت ..

27 - الموت : حالياً ما عمأفكر فيو .. بس لأفكر فيه بحكيلك .. بس حبي للحياة رح يجبرني أكره الموت ..

يتبع

[قهوة دايمي]

طيب معلم بلاك .. اول شي مسا الخير .. تاني الشي سؤال بسيط ...


شو صار بالحلقة 17 من مسلسل السنافر !!؟؟؟
واذا ما حاضرو ...
شو كرتونك المفضل ... شو افلام كرتون اللي بتحبها .. ( صغيرا وكبيرا )

قل لي كرتونك المفضل ... اقل لك من أنت !!! مثل صيني قديم !!

[SKY MONSTER]

كاتب النص الأصلي : BL@CK

1 - ما تعودت أوصف حالي ..كانت ستي تقلي " الجمل ما بشوف حدبتو " ..

2 - BL@CK

3 - السرنك الطبي

4 - مالا عندي أي ذكرى

5 -

6 - 7 - 8 -

9 - الشر

10 - إعتاد من يجدون الطعام على المائدة دون عناء أن يشكروا الله .. دون الخباز أو الطباخ .. جاليلو

11 - ليس المهم أن تصنع ألف صديق في سنة .. بل المهم أن تصنع صديقاً لألف سنة ..

12 - متل ما بتحب .

13 - ميت أهلا و سهلا ..

يتبع غداً ..


* بالرد ما قبل السابق . إجاباتي على فوفو رقم 3 - في كلمة " ما " أول السطر

كأنك بتجاوب بدون نفس يعني؟؟
انو محملنا جميلة الأخ

[BL@CK]

كاتب النص الأصلي : butterfly

مرسيل .. ( أنا يعني )

( غيرت القائمة شوي بس )

يروى عن بابلو بيكاسو قدس السطل سره كان يصنف النساء تصنيف كتير حلو

كان يقول "المرأة إما سيدة أو جارية"

أنا هالمقولة بتعجبني و بصنف نفس تصنيف بيكاسو ..

مرسيل .. سيدة بامتياز ..

[BL@CK]

كاتب النص الأصلي : butterfly

5 أغاني ولمين بتهدين :
1- قالو جن جنوني يا حياتي لما تعرفت عليك
2- والله فاضي .. جاية تحكيلي همومك
3- منين أجيب أحساس للي ما بيحس
4- ضمني على صدرك
5 - والله ومحتاجك يا خيي

5 شغلات مين بتختار من الأعضاء ليعملن معك :
1 - تحضرو فيلم سينما
2 - تحضرو حفلة
3- تقعدو بمحل رايق لتحكيلو عن شي زاعجك
4 - تروحو تلعبو ماتش فوتبول
5 - يجي لعندكن عالبيت يتغدى مع أهلك

حاج لهون اليوم مو حاج ؟؟

اول باشتان .

1 - ما رح يجن و لا حيجن و الغنية ما بعرفا

2 - أيضاً ما بعرف الغنية

3 - لكتير أشخاص لكل واحد ما عندو جنس الإحساس .. بتنهدا لكتير عالم و أولون جاري اللي ساكن تحتي

4 - همممممم .. اللي كان ممكن أهديه ياها توفّا . لذلك و لا حدا ..

5 - لواحد رفيقي اسمو يزن ..

تاني باشتان .

1 - Raw

2 - حضرتك + ليندا

3 - hanny dagher + Reemi

4 - ما بحب الفوتبول أساساً

5 - Krimbow

يتبع ..

[BL@CK]

كاتب النص الأصلي : GOVERMENT

مابعرف محمد ليش نزل بهالسرعة بسبب الظروف اللي مدري شلون الزلمة داخل ببعضو
ماعلينا


بما انو بلاك دخل ع المقلاية خلينا نبدا بأول سؤال

باختصار شديد

شو اسمك الحقيقي ؟؟؟ (ماتخاف مامناكل نحن )

اسمي عابد و سبق و جاوبت على هالسؤال ..

[BL@CK]

كاتب النص الأصلي : GOVERMENT

gazita
reemi
marioma alghzayala
hanny dagher
willli
layla
sezar
الحاج متولي
توت توت توت
butter fly
varon
ghazool

gazita : .. ما صار مجال و حكيت معا أو تابعت ردودا .. بس طفلة ..

reemi : ريم .. عفريتة متل ما هيه بتقول .. و أهم شي متزنة .. باختصار بعزا كتير أنا لأم الريم

marioma alghzayala : قمة في الزوء ..

hanny dagher : أبو صفنة .. حشاش من المرتبة الأولى .. هاني أفكارو قصة كبيرة و بتوقعلو مستقبل كبير ... باختصار بعتز بصداقتو ..

willli : جاد سابق لعمرو .. و عصبي لحد ما .. بس عصبيتو حلوة ..

layla : عقبال ما ترجع ع سوريا بالسلامة لإني الغربة مأثرا عليّا كتير .. محترمة لأبعد درجة ..

sezar : فنان ..

الحاج متولي : أكتر شي بزعجني فيو بكبر قياس الخط لذلك ما بقرالو كتير .. بس باينتو الزلمي أكابر

توت توت توت : كإجابة سطحية ظريف كتير .. من اسمو ببان معك ظرافتو ..

butterfly : جاوبت سابقاً

varon : أنو وينك ما عمنشوفك كتير .. باختصار magic_man

ghazool : و للأسف ما حكيت معا بنوب .. و لا شفت موضوع لإلا لذلك ما فيني أحكي شي

يتبع ..

[الحاج متولي]

[/quote]
الحاج متولي : أكتر شي بزعجني فيو بكبر قياس الخط لذلك ما بقرالو كتير .. بس باينتو الزلمي أكابر

[/quote]
حبيبي بلاك .......مشكور كتير على الصراحة الرائعة ويلي بصراحة موتتني من الضحك ...........وحسيت من جوابك إني نحنة بدو يصير فينا متل المتل ...........ماتاخد الرفيق الصح إلا بعد القتلة.............المهم
أنا من ناحيتي بكبر الخط لسببين
1- لإني الشاشة عندي كبيرة و الرولوزيشن عندي عالي..............فابيبين الخط عندي كتير صغير...
2- حسب خبرتي بأخوية ...لاقيتلك إني الردود يلي برد عليها ماحدا بيرد علي فيها أكتر الأحيان إلا إذا كان الخط كبير
و على كل الأحوال أنا آسف على شغلة ما بقصد إني إجرح حدا فيها
يا زووووووووووووووووووووووء
تحياتي لإلك ....ولا تنسى ترد على أسئلتي ....ولو كان الخط كبير

[BL@CK]

كاتب النص الأصلي : GOVERMENT

.hus
Barleb
tony 124
the light
سرسورة
محمد ابراهيم
goverment
صياد الطيور
اسير التشرد
المستحيل
the morrning
عاشقة علي

Hus : حكيم .. بس الي عليه مأخذ لازم يفرغ شوي من وقتو و يشارك متل ما كان أول .. لإني مشاركتو الا قيمة معنوية أكتر من قيمتا كمشاركة ..

Barleb : ما كنت متوقع بنوب أنو طالب بكالوريا .. باين عليه أكبر شي بعشر سنين .. بس أنا بنزعج منو بشغلة بسيطة .. أنو كل رد لازم يحط هالـ ** يعني مع كل هالوعي اللي عندو .. لازم يقدر يرد بدون استخدام هالنجم و بلا الكلمات اللي بدها نجم ..

tony 124 : ما بعرف شي عنو بنوب ..

the light : هممممممم .. من الشغلات الي بتزعجني بأخوية حالياً أنو حسان ما عميفوت .. شب متزن كتير و بهنيه على هالمخ اللي عندو يا ..

سرسورة : كمان ما صار مجال و حكيت معا ..

محمد ابراهيم : أنو هالزلمة من وين بطالع الأفكار ما بعرف .. بيعجبني فيو أنو مستعد لمناقشة ما يخالف فكره و آرائوه . بكل هداوة ... و مزوحي و دمو زي الشربات ..

goverment : أهلاوي .. و أحلا شب .. بس ما لابقلك اسم حكومة على فكرة

صياد الطيور : بكفي إني بحب غنية صياد الطيور .. الزلمة كتير أكابر .. بس الي عليه مأخذ ..

لما بكون في طرفين طرف بغالي و بزودا بالمعاداة ما معنا هالشي يزودا الطرف التاني بالحب .. الاعتدال مطلوب .. إلا إذا كانت هيك قناعتك .. معناها المأخذ مسحوب .. ( و بتوقع قصدي وصل )

اسير التشرد : لطيف كتير .. بس بين قوسين العصبية و الغلط ع الغير بعمرا ما كانت قوة

المستحيل : ما حصلي الشرف و حكيت معو أو شفت شي من مواضيعو ..

the morrning : الشي اللي بيعجبني فيا إنّ بتعشق جبران . بس طريقة حكما و تقييما للأمور ما بتعجبني ..

عاشقة علي : سطحية لأبعد درجة .. يجوز لإني معرفتي فيا لا تتعدا ردين أو تلاتة ..

يتبع ..

[BL@CK]

كاتب النص الأصلي : GOVERMENT

كوستا
YaSeR
abosleman
منوشه
spector
yamen_h
BL@CK
ماد ماكس
وائل
مسطول ع طول
شامي من طوكيو
أمرأة من ورق
دلوعه سوريا
مايا*
لبندا
fofo besset syria


وبدك تجاوبلنا عليهن بكل صراحة ودقة وبلا مكولكة هه


مية

كوستا : تحية كبيرة لكوستا بغيابوه .. كتير من أفكارو بتطبق على دماغي .. فهمان و مثقف و تعبان على حالو ..

YaSeR : ما صار مجال و لعينا أنا و هوي

abosleman : أبو سليمان وردة و ما شفتو مرة غلط على حدا .. قمة في الاحترام ..

منوشه : مالي حاكي معا يمكن مارر اسما عليي مرور الكرام ..

spector : كل اللي بحبو جورج فهايم ..

yamen_h : أكابر و مزوق بالأغاني ..

BL@CK : جاوبت على متل هالسؤال سابقاً ..

ماد ماكس : مزوق بالأغاني .. و أكابر .. بس نفسو خضرا ..

وائل : الزلمة محترم . باعتبار حالياً تارك الأخوية ما رح احكي شو الشي اللي بزعجني فيو ..

مسطول ع طول : مسطول مثقف كتير .. بس أنا الأسلوب اللي بعتمد الـ ** و الألفاظ السوقية ما بحبو .. لازم نقدر نوصل لطريقة نتناقش فيّا من دون ما نضطر نستخدم ألفاظ غير مقبولة لفئة من المجتمع ..

شامي من طوكيو : ما حكيت معوه بنوب .. بس مجرد مقارنته نكتة كتبتا أنا بموضوع نكت ممنوعة .. بكلمة " فرشاي " بموضوع حواري .. زعجني منو .. و عالأخص أني رديت على هالنقطة و دافعت عن حالي و رجع للمووضوع و ما علّق بأي حرف .. هالشي رح يضطرني ما احكي حالياً ..

أمرأة من ورق : اسما رائع و أفكارا بتعبي دماغي .. مع إني ما صار أخد و رد بيني و بينا .. بس فيني أوصفا بـ نصف حلمي ..

دلوعه سوريا : مدري ليش ما حسيتا دلوعة .. بس ظريفة مابها شي ..

مايا* : ما صار المجال و تعرفت عليّا ..

ليندا : بلزم أكتر من صفحة لأحكي عنا .. بس بكفي كلمة وحدة رائعة ..

fofo besset syria : حشاشة .. محترمة كتير و أنا بحب حكياتا .

----

هيك بكون خلصت من هالسؤال ..

طبعاً جاوبت بكل صراحة و دقة و بلا مكولكة ..

و طبعاً هاد رأيي بالجميع أكيد أنا بغلط و باعتباري جديد عالأخوية بجوز أكون آخد فكرة غلط .. بقا لا حدا يزعل بعمرا ما كانت الصراحة بتزعل ..

يتبع

[BL@CK]

كاتب النص الأصلي : Nirvana

كمان رح اسألك بلاك:

شو رأيك بالتحشيش؟
وشو رأيك بأبو حشيشة (حبيب الشعب)؟

شو الصفة الغالبة عشخصيتك؟ يعني اللي بتظهر فوراً وبتعطي الانطباع الأول للناس؟

1 - التحشيش ظاهرة حضارية . للارتقاء بالشعب من الحضيض للقمم ..

2 - أبو حشيشة وصفتي انتي بحبيب الشعب ما في داعي أحكي

3 - جاوبت فوق و رح رد عيد ..

ما تعودت أوصف حالي ..كانت ستي تقلي " الجمل ما بشوف حدبتو " ..

لذلك فينك تسألي اللي تعرفو عليي جديد هنن بيقلو شو الانطباع الأول عني

و ميت أهلا ..

[Government]

لك ع راسي واحلى عابد والله
اجابات منطقية وجذابة وروعة ومافي احلى منا ..

وياريت الكل يجاوب متل اجوبتك والله

بس ماقلتلي شو مشان

goverment : أهلاوي .. و أحلا شب .. بس ما لابقلك اسم حكومة على فكرة

اسمي حالي طنبر مثلا

ع فكرة انا كل الاسم ع بعضو مالو عاجبني وجاي ع بالي غيرو باقرب فرصة