لأول مرة في سوريا: دعوة قضائية ضد الله

[قليل مروة]

عجبتني الفكرة رح حولها لمسلسل تلفزيوني واعرضو برمضان القادم


قولكون بيمنعوه؟؟؟؟؟

[سوا ربينا]

والله الموضوع شايفو صار اكبر من حجمو .. لو تضلو تحكو من هون لمليار سنة مش رح تعملو شي ولا رح تغيرو شي .. فبلا هالحكي يلي مالو طعمة وكل واحد يعملو شي مفيد احسن ...

[sona78]

والله ذكي هالزلمة .. ليش ما خطرت من قبلع بال حدا

بس منيح ما بلشو فتاوي بهدر دمو

اوف اوف وانا عم اقرا التعليقات طلع الزملة في مين هدرلو دمو ...
قلنا بلكي نفد طلع لا.. له له له له

[syrian 1st]

[quote=محمد ابراهيم;1315754]اذا انا جبت سكين وطعنتك فيه وقتلتك ، شو مسئولية الله عن عن هالحادث ؟
لو انت غني وكان عندك مليون دولار وانا سرقتك ، شو مسئولية الله عن هالعمل ؟

وين قال الله انو رح يجبلك اكلك وشرابك وتيابك ويحميك ويدافع عنك ويعمل مشانك كل شيئ وانت قاعد حاطط يدك على خدك ؟ وين قالها وباي كتاب من الكتب السماوية ؟
نقطة اخرى ، شو هي هالمسئولية الكاملة عن البشر ؟ ووين هالوعد بالمسئولية الكاملة ؟[/quote


يك التاني لسا عم يقنعوا!!!!!!!!!!!!!!!!!!!!!!!!!!!!!!!!!!!!!! !!

[محمد ابراهيم]

كاتب النص الأصلي : VivaSyria

طيب اخي بحيثيات الدعوى في نص واضح وصريح بالقرآن بيقلك "واذا سألك عبادي عني قل اني قريب اجيب دعوة الداعي اذا دعاني فليستجيبوا لي وليأمنو بي...."

الزلمة قلك انا طبقت الشروط المذكورة ومأمن بالله وعم ادعيلو وعم اشتغل يلي بقدر عليه وماعم يستجيب شو بيكون الوضع؟؟

ما بتعرف واحد بيشتغل 18 ساعة باليوم ورزقو قليل جداً؟؟ وفوق البلا بيكون صايم مصلي؟؟ ما شفت الشيالين بالمينا؟؟ ماشفت الزبال "مع احترامي الشديد" يلي هلكان يعيشتو؟؟

اذاً هاد مو تواكل وانما توكل بمفهومك للمسألة.. وبناءً عليه في تقصير من الله برجع بأكد بناءً على الوعود يلي هو اخدها على حالو وعلى الوفاء من قبل البشر لإلو..

هالرد انكتب مرة وطار بسبب انقطاع التيار الكهربائي "جد انا معصب "
شوف يا ابو شريك بدك تناقش صحة النص القرءاني الوارد بحيثيات الدعوة للوقوف على مدى صحتو ، هاد مافيني اشترك فيه او حتى اوافقو وما مقبول من طرفي اني شارك فيه ،شوف انا كمسلم رح قول هالحكي ، النص الاسلامي لغير المسلم مابيخصو اذا كان صحيح او غير صحيح لان الاسلام مابيفرض عليه يأمن بصحتو وما منقدم النص القرءاني للعالم كاحد العلوم الانسانية متل الطب والفلك والفيزياء هاد كتاب ديني "كتاب ديني " اللي بدو يفهمها يفهمها مو اكتر من كتاب ديني فلايطلع حدا يقول نخضعو للبحث العلمي ومدري شو هو مش كتاب فيزياء او طب او سياسة هاي نقطة ،
بالنسبة للمسلم اذا شكك بصحة النص القرءاني معناه بيشكك بالدين الاسلامي حيث ان الدين الاسلامي مبني تماما على النص القرءاني بهالحالة الافضل يترك الاسلام ويريحنا ، مافيني قول للصنفين الا جملة وحدة (ما حدا ألزمك تؤمن بصحة النص القرءاني ) so
اترك و ريح وارتاح ، انت حر يا مفكر .
هاد مبدئيا فانا عن نفسي مستحيل افوت بنقاش حول صحة النص القرءاني ( انا مؤمن يقينا بان النص القرءاني صحيح تماما )
لكن ممكن ناقش حول صحة تفسير النص القرءاني وشتان بين الامرين .

ابو شريك للدعاء شروط واداب ومافيك تعتمد عالنص القرءاني فقط ومافيك تقتطع اية وحدة او كم اية للاستدلال والتحليل او غيره ، الايات بنفس السورة او بسور مختلفة تكمل بعضها حول قضية او اخرى واحيانا بعض القضايا تاتي مجملة بالقرءان وياتي تفصيلها على لسان النبي صلى الله عليه وسلم ومشان ما كون بحكي حكي عام هيك رح حدد امثلة ، الصلاة :
حدا بيقدر يطلع من بين ايات القرءان كم عدد ركعات صلاة العشاء ؟ المغرب ؟ الظهر ؟ او او (مافي حدا )
كيف رح يصلي المسلمين ؟!! ورطه
لا ورطه ولاشيئ يرجعو للرسول ويشوفو كيف كان بيصلي وشو قال عن الصلاة وعدد ركعاتها (بس )
كمان الزكاة نفس الشيئ مقدراها والاموال الواجب عليها الزكاة وهكذا والامثلة كتير .

انا بدعو صاحب الدعوة القضائية وكل من ايده انو يروح يسأل عن اداب الدعاء وشروطه ويشوف كيف الرسول كان بيدعي ، اما انو يجيب اية ويقول انا طبقتها وبدي النتيجة فهاد يدعو للشفقه ، يعني بدك ترجع للزلمة وتعرفو انو هناك شروط للدعاء واداب منها على سبيل المثال
البدء بالحمد والثناء على الله والصلاة على الرسول
الاخلاص في الدعاء ، التكرار وعدم استعجال النتيجة
خفض الصوت وعدم السجع
ان يكون طعامه وشرابه ولبسه حلال
ويكون دعائه شيئ حسن ينفع حلال وليش اذية البشر بسوء او حرام .وهكذا

نروح لنقطة الشغل كتير والرزق القليل
هو اصلا في ستاندرد للرزق ؟ والله العظيم ماني عارف كيف اكتبها الك
مثلا شو هو الحد اللي رح تعتبر انه رزق كافي للمسلم ، شوف ياصاحبي
في واحد اذا اكل وجبتين بيوم بيقول الحمد لله وواحد اذا اكل 4 مرات مابيقولها
في واحد اذا اكل شوية فول مع رغيف خبز بيقول الحمد لله وواحد ياكل ال Pierre Hermé Patisserie
ومارح يحمد ربو في واحد يسكن ببيت من غرفتين ويحمد ربه ويشكرو وواحد يسكن ببيبت 3 ادوار ومايحمدو
مافي ستاندر للرزق ومافي ستاندرد للقبول والرضا
في ملايين البشر حالون اسوأ من حال هالرجل ولارح يشكو ولايتذمرو وكتير منهم رح تلاقيون عايشيين بسعادة على الرغم من قلة اللي عندون
اخر شيئ بدي قولو
هل عاش النبي غني ؟ (كثير من الشرقيين قبل الغربيين والمسلمين قبل غير المسلمين معتقدين ان النبي عاش حياة رغده او عالاقل حياة حلوة ) النبي عاش ومات فقير
الحقيقة انه مات درعه مرهونه عند يهودي لانو ما كان معاه تمن فك رهنيتها .
-شيئ اخر ورد لنا عبر السير ان بيت الرسول لمن يكن يوقد فيه النار لايام واسابيع (يعني مابيطبخو ، هلئ يجيلك واحد يقول اصل كان في ديليفري قريش وقتها ) ضحكونا يلا .

على كل حال شو هو الستاندرد تبع الرزق ؟ السؤال مو لفادي للجميع
خلينا نتناقش شو هو ستنادرد الرزق ؟ وانا متاكد انو مارح يصير اتفاق على ستاندرد .
الله ممكن يبعت لواحد شيئ ومايرضى وممكن يبعت لواحد نص هالشيئ او ربعه ويرضى .

[التقرير الجوال]

بادئ ذي بدء اود أن اشكر من سطّر بقلم الضمير الحي مداخلة لتمييز الحق و رفع الشبهات.

في أغرب دعوى قضائية من نوعها في العالم ، تقدم مواطن سوري من منطقة دوما بريف دمشق يدعى عبد الرزاق عبدالله بدعوى قضائية إلى محكمة البداية المدنية بدوما ضد الله طلب فيها دعوة المدعى عليه للمحاكمة وإلزامه من حيث النتيجة بتسليمه الرزق الذي خصصه به الله .

غريب .. المفرض المثل بيقول: "الطيورُ على أشكالها تقعُ " .. ما بظن في غرابة بالموضوع مادام لسى في ناس عندهن جرءة التمادي على المخلوق .. مع مراعاة بأنو المُدّعي يُقر بالعبودية لله .. بسالف الزمان النمرود جمع حشوده لمحاربة الله .. نعم لقتال الله لأنه لم يآمن به و لربما آمن بخطر قد أحيك به الا و هو بان النمرود لن يكون صاحب اليد الطولى إن آمن بالله و شعبه .. يُقال بأن النمرود سأل عن آية وجوب الألوهية فقيل له بان الله يحيي و يميت .. " هي سهلة على النمرود جابلو تنين و قتلهن و قال : أنا أحيي و أميت " ..
كيف أُسقط بيد النمرود؟ بُهت الذي كفر كما قال الله عندما قيل له الله يأتي بالشمس من المشرق فأتِ بها من المغرب .. هون بقى وضحت الصورة و صار واضح بأنو مهما استعظم جبروت المخلوق فلن تعلى على جبروت الخالق.

شو الفرق بين النمرود و الشخصية الفكاهية يللي أقامت الدعوة؟ ناهيك عن انو نحن بسنة الالفين و تسعة و النمرود كان موجود قبل الميلاد .. هاد فرق زمني طبعاً بيلعب دور بفكر البشرية و تطورها .. كانت الناس تعبد حجر و صخر و أصنام و ملوك و عظماء " برأيك لسفاهة أحلامهن؟ قصدي سخافة بالتفكير أو سطحية أو متل ما بيقولو بالانكليزي كانو Naive يعني كل مين صار عندو جاه و سلطة و جبروت صار معبود .. متل فرعون .. هاد كان واقع حاصل من آلاف السنين " ... بس شايفلك الفكر باقي هوي هوي .. يعني على ماهوي .. و المنطقة شكلها ما تطورت لا حداثياً و لا فكريا .. اللهم إلا من رحم ربي " يعني هلأ مانك شايف في ضرب من التشابه بالإنسان البدائي .. و الشخصية الجوكر يللي اقامت الإدعاء؟ .. انا شايف الشبه كل الشبه حاصل .. ليش يا حزرك؟
النمرود كان سلطان و قرر يحارب الرب يللي إجا خبر عنّو لأنو بدو يعبدو و من بعدها ما بتصير إيدو هي العليا .. أما الشخصية يللي بالقصة ففينا نسميها شخصية ضعيفة مسحوقة الفرق بينها و بين الجاهل النمرود هوي بانو النمرود كان قوي ذو سلطان .. أما شخصية القصة .. فتافهة و سقيمة و ضعيفة " بدها ملايين متل الأغنيا مع إنو ما بيقدر حدى يطلب هالطلب غير المجنون .. العبرة من الرزق هوي ديمومة الحياه .. يعني البقاء حي .. و هاد حاصل لكل أطياف البشر بس ضرب المستحيل هو الناس كلها بتملك الملايين .. الرزق موفور للجميع.

موضوع الدعوى : لقد خلقني المدعى عليه الله قبل أربعين عاماً من والدين فقيرين ماتا قبل أن أبلغ العاشرة من عمري، فنشأت وتربيت يتيماً وفقيراً لا مال عندي ولا بيت.
ولما كان المدعى عليه الله هو الذي خلقني فهو بالتي مكلف بتأمين رزقي وإعالتي بدليل قوله في كتابه الكريم : " نحن خلقناكم ونحن نرزقكم " ، إلا أن المدعى عليه رغم مضي أربعين عاماً على ولادتي لم يكفل لي الحد الأدنى للمعيشة مما اضطرني إلى حاجة الناس حتى ركبني الدين.

انا حابب كتير اعرف مين كاتب هالكوميديا المخجله .. " نحن خلقناهم و نحن نرزقهم "؟ خلينا تجاوزاً نسميها عبارة يللي ابداً مش مذكورة بالقرآن الكريم .. بحياتك هي من وين جايبينها آه؟
القوت و الرزق موفور لمن يعمل فالسماء لاتمطر ذهباً و لا فضّه .. إذا اشتغلت أكيد رح تاكل و تنستر بس إذا بدّك ملايين فهي مش للكل.
خلينا نغوص شوي بأعماق و أفكار الشخصية بركي فينا نستنبط روابط و قواعد أفكار بعض الناس يللي عم تتمادى على الذي خلقها و صورها بأحسن صورة.
الشخصية بدين بالله كخالق هي لا غبار عليها
الشخصية بتطالب الخالق بحد ادنى للعيش مع انها بلغت من العمر 40 و هاد دليل قطعي على توفر الحد الادنى للعيش .. و إلا كانت الشخصية ماتت من الـ Starvation اما عن طلب المعونة فهي حاصلة عن طريق الزكاه.

ولما كان المدعى عليه قد أكد في القرآن الكريم وعلى لسان نبيه الأمين أ، :" رزقكم في السماء وما توعدون " وقد احتفظ المدعى عليه بهذا الرزق المخصص لي بموجب ذلك النص بدون وجه حق، ولم يسلمن إياه رغم المطالبة المستمرة له مع الدعاء له كل يوم وكل ساعة.

العبارة الاولى يللي انكتبت على اساس قرآن ما بتمت للقرآن الكريم .. اما الآية التانية فلا تفسيرها صح و لا نقلها صح .. الآية واردة بسورة الذاريات على الشكل التالي

بسم الله الرحمن الرحيم

وَفِي أَمْوَالِهِمْ حَقٌّ لِلسَّائِلِ وَالْمَحْرُومِ (19)
وَفِي الْأَرْضِ آيَاتٌ لِلْمُوقِنِينَ (20)
وَفِي أَنْفُسِكُمْ ۚ أَفَلَا تُبْصِرُونَ (21)
وَفِي السَّمَاءِ رِزْقُكُمْ وَمَا تُوعَدُونَ (22)

الرزق في هذة الآية معناه المطر و الوعد بهالآية ما بيعني الوعد بالرزق و أصلاً " و ماتوعدون " تفسيرها الوعيد بالخير او الشر و كمان تفسرت بالجنة و النار.. الرزق موجود في السماء و انت تطلبه في الأرض .. و شكل الطلب معروف .. العمل.
بالمناسبة بنفس السورة موجود بأنو السائل له حق عند سؤاله القوت " الحق واجب شرعاً تترتب عليه مخالفة شرعية غن لم يُعطى "
وَفِي أَمْوَالِهِمْ حَقٌّ لِلسَّائِلِ وَالْمَحْرُومِ (19)
شكلها الشخصية مسلمة بالهوية و عندها الجرأة و الوقاحة للتعدي على خالقها برغم من حقوقها يللي أثبتت بالقرآن كما اسلفت .. المشكلة مش برب العالمين أو القرآن .. المشكلة بالعقول يللي أشبه ماتكون بعقول جماعة النمرود يللي ما كانت تعرف تفك الخط! متل مانك شايف الدعوة صارت ضد المُدّعي و ليسى المدَعَى عليه .. لأنو الله .. شرعه أصاب كل صغيرة و كبيرة مما يمكن لك ان تتخيلها و لكن العبرة بالتأويل و الفهم!

ولما كان المدعى عليه "الله" قد أعطى غيري من الرزق الكثير بما يفوق حاجته ، بحث ترى أن هناك من يملك الملايين والكثير من العقارات والسيارات ويدوخ يومياً مما لذ وطاب من المأكل والمشرب ، بينما أدوخ مع الكثيرين من الجوع والعطش.

هي بقى مش واردة و لا رح تصير يعني الناس مش ضروري كلها تملك ملايين ما صارت و لا رح تصير لأنو الله المُتصرّف بامور العباد و بشهادة الشخصية يللي ناقللنا انت خبر عنها .. عملها فقيرة و غيرها غنية ليش؟ اسمع ليش ..
إِنَّ رَبَّكَ يَبْسُطُ الرِّزْقَ لِمَنْ يَشَاءُ وَيَقْدِرُ إِنَّهُ كَانَ بِعِبَادِهِ خَبِيرًا بَصِيرًا
إذا كان الله قادر على جعلك فقيراً او غنياً .. إذاً هو مُتصرّفٌ بأمرك خيره و شره .. الله يعلم مافي الصدور و اي شخصية يفتنها المال و أي شخصية يستدرجها و يمتحنها بالمال .. لذلك كان التقسيم بين غني و فقير .. العطاء قد يكون إكرام او استدراج و الكف قد يكون امتحان أو البعض لا يصلح إلا ان يكون فقيراً و غن اعطي لفسد في الأرض
يعني شو رأيك بتنين عطينا كل واحد منهن 300$ دولار .. اجا الاول أخد 50 و عطاها لرفيقو المحتاج يللي هوي بطل مقالتك .. و شال خمسين و و زعها عالفقرا .. و قام 100 لمشروع خيري و الـ100 الباقية خلالها ليقتات فيها ..

خلينا نشوف شو عمل التاني .. راح و إشترى قنينة Hennessy Cognac كونياك بالـ 300 دولار و أعد يشرب و هات يا ليل .. هَي الشخصية بيعرفها ربّك متل ما بيعرف شو في جواتك هلأ .. مارح يعطي الله بيريدلو الخير بدو يطهرو .. شايف كرم رب العالمين لوين.

هاد فيمايخص المقل اما بخصوص ذلك

وقف الإعتراف بالله كمعبود للبشرية
وقف الإعتراف بشرعية الله في التصرف كما يحلو له
وقف الإعتراف به كحاكم عادل وتبرير كل أخطائه

تحميله كامل المسؤولية عن الكوارث التي تحصل في هذا العالم باعتباره معترف بأنه المسؤول وأن كل شيئ يحصل بأمره

مادام الله مسؤول عن كل ما يجري و يحل من كبيرة و صغيرة .. من رخاء و شقاء .. من قوّة و عزم و مقدرة و هبك إياها فجعلتك تكتب تلك السطور .. إذا هو المتصرف بامرك استناداً على كلامك .. فكيف يكون الشيئ و نقيضه؟
وقف الاعتراف به كمعبود و وقف الاعتراف بشرعية الله في التصرف بامور البشر مع انك اردفت قائلاً: بإعتبارة المسؤول عن كل ما يجري و سوف يجري على هذة البسيطة؟
و الله عَجَبٌ عُجَاب

[الأندلسية]

الله سبحانه و تعالى خلق الفقر و خلق الغنى لحكمه منه عز و جل

الفقر هو أحد السنن الكونية ..

فكروا بعمق .. لنفترض ان الله أوجد فقط الغنى .. كيف تكون حياتنا اذن ؟

يعنى سوف يكون كل الناس أغنياء .. لا وجود لفقير واحد

لكن اعمار الارض يحتاج الى مهن و وظائف كثيره كالعمل فى المناجم الشرطه ...الخ الخ

و هذا الصنف من المهن و الوظائف لا يحب الاغنياء العمل فيه

اذن الله خلق الفقر لكي يكون هناك توازن و لكى تستمر الحياه فليس فقط

الفقير يحتاج الى الغني و انما ايضا هذا الاخير يحتاج الى الفقير

و ما على الفقير المؤمن بقضاء الله و قدره الا ان يصبر على امتحان الله له و الله

سوف يعوضه فى تلك الدار

[ام حلا]

استغفر الله العظيم
حرام عليكو يا شباب خلص فكو الموضوع

[lolo510]

كاتب النص الأصلي : jovia

الحاصلو : انو انتي يا لولو حتى لو كنتي مؤمنة ما بيصير تفتي هالفتوة حتى لو كانت صحيحة لانو المرتد يلي هوي المرتد يلي حكمو كمان القتل قبلما يقتلوه بيضلو يحاوروه ويحكوه بالحكمة والموعظة الحسنة هاد المرتد كيف ازا كان واحد مأفعة معو طبعا انا ما عم دافع عنو بس كان بيقدر هوي كعبد يتبرى من المعبود تبعو ويشوف حياتو متلما بدو بلا هالعي والمعمعة كلا... ولانو لا اكراه ففي الدين يعني مو بالغصب بدو يتدين كمان لكم دينكم ولي دين ما هيك

وليييييي
يا جماعة انا سبق وقلتلكن مالي مكفرته للزلمة بئى روؤا شوي وارجعوا للموضوع من اساسه صاير الكل عم يناقش بيللي انا قلته مو يللي هالمخلوء ساواه

كلامك حلو كتير وعجبني لان بتصير معي كمان

[suryoyo]

بعد ما شفت كل الردود قلت لازم احكي رأيي ...

اولا للي عم يقول و يلوم الله على الحالة ... خلينا نكون واقعيين و نقدّم برنامج تنمية حقيقي و توفير فرص العمل و الضمان الاجتماعي الحقيقي ... بدل ما نظل نلوم سوء الادارة و الاحتكار


للمعترضين بسبب انو هو ما اشتغل و ايمانو ضعيف ...
بدل ما تظلوا تقولوا انو متواكل و ما اشتغل و قعد بالبيت و يريد اكل !

انتو تعرفوه للشخص شي ؟؟
يجوز صار لو 40 سنة يشتغل بالشارع .. يجوز صار لو 40 سنة ما عندو مكان ينام فيه !!

فكرتو انو يجوز ما عندو فكرة عن الانترنيت حتى يرد عليكم .. او حتى يجوز ما عندو تلفزيون اساسا !

فكرتو انو ولادو يجوز تركوا المدرسة لان ابوهم ما معو حق الدفاتر ..
و حضراتكم وصلتوا للكليات و اهلكم سجلوكم بدروس خصوصية و دورات تقوية ...


بدل ما نظل نربي بكروشنا و نقول هي حكمة ربك ... انو لازم يكون غني و فقير ... تخيو انتو هيك
تخيلوا حضراتكم بالشوارع تبيعوا علكة او تمسحوا السيارات و يجي واحد يقلك انت ما تعبت نفسك .. و الله راد يساعدك بس انت رفضت !

لو كنت محلو .. كطان قلت عليكم بطرانين !


اما جماعة استغفر الله .. و هذا الكفر بعينه ...
انتو حالتكم حالة !

و الله من توفروا شغل و تطعموا ولادو ... من تتنازلو شوي و تتعرفو على الطبقة المسحوقة شلون عايشة ... اللي ما عندا حق الخبز و الدوا
من توفروا للفقراء ادنى متطلبات الحياة ... ابقوا كفروه و قللوا لا فض فوك .. و انت عم تكفر و رح ندبحك و نهدر دمك !

من الجمعيات الخيرية تساعد الفقراء بشكل حقيقي ... احكوا
كروش تكبر و بطون جوعانة ..


الى الجميع ...

الخبر لازم يركز انو ليش بالبلدان العربية و الافريقية هناك الملايين بلا مكان يناموا فيه و ما يملكوا لقمة خبز !

و فوقاها البطرانين يقولوا لهم هي حكمة الله أو هي بسبب الحكومة و الفساد الاداري ... ظلوا طلعوا اسباب بدون حلول !

لا و الله ... هي ارادة الاحتكاريين و مؤيديهم ... هي ارادة المواطنين اللي عندو و يريد ياخذ اكثر و يحرم الفقير من لقمة الخبز .. و يقلك العدالة الاجتماعية


بينما نحنا دائما عكس العالم ... ركز الكل على الدعوة .. وما سأل هذا المواطن ليش وصل لهي المرحلة

يالا افتحوا المكيفات و خلي غيرك ينام بلا مروحة .. و قولوا العدالة الاجتماعية و الدولة و مدري مين !

و من تشوفوا الفقير اللي بلا رجل يستعطي بالشارع ... تذكروا هذا الحكي بدل ما تديروا وجهكم الى الجانب الاخر و تتجاهلوه كأنو كلب ميت

و لا تفكروا هي ال 10 ليرات او ما يعادلها ... هي اللي رح تعيشوا !!

[سوا ربينا]

ابو سارة ع قصة الواقعية .. هوي شو رح يستفيد من هالقصة الفاضية ؟؟

بعدين ليش ما تكون شحادة بس بطريقة لطيفة ؟؟

[suryoyo]

انا ما عايش بفكرو ... و لا اؤيد الفكرة

بس أعتقد هي طريقة تعبير عن الاستياء من الحياة و خصوصا من كلام الاخرين اللي عايشين برغد


و مين قلك هو يريد يعيش شحاد !!

[VivaSyria]

كاتب النص الأصلي : محمد ابراهيم

هالرد انكتب مرة وطار بسبب انقطاع التيار الكهربائي "جد انا معصب " .

ولا يهمك الحكومة السورية قريباً بدها تبدأ مدكون بالكهربا باعتبار عنا فائض انتاج كهربائي

شوف يا ابو شريك بدك تناقش صحة النص القرءاني الوارد بحيثيات الدعوة للوقوف على مدى صحتو ، هاد مافيني اشترك فيه او حتى اوافقو وما مقبول من طرفي اني شارك فيه ،شوف انا كمسلم رح قول هالحكي ، النص الاسلامي لغير المسلم مابيخصو اذا كان صحيح او غير صحيح لان الاسلام مابيفرض عليه يأمن بصحتو وما منقدم النص القرءاني للعالم كاحد العلوم الانسانية متل الطب والفلك والفيزياء هاد كتاب ديني "كتاب ديني " اللي بدو يفهمها يفهمها مو اكتر من كتاب ديني فلايطلع حدا يقول نخضعو للبحث العلمي ومدري شو هو مش كتاب فيزياء او طب او سياسة هاي نقطة ،
بالنسبة للمسلم اذا شكك بصحة النص القرءاني معناه بيشكك بالدين الاسلامي حيث ان الدين الاسلامي مبني تماما على النص القرءاني بهالحالة الافضل يترك الاسلام ويريحنا ، مافيني قول للصنفين الا جملة وحدة (ما حدا ألزمك تؤمن بصحة النص القرءاني ) so
اترك و ريح وارتاح ، انت حر يا مفكر .
هاد مبدئيا فانا عن نفسي مستحيل افوت بنقاش حول صحة النص القرءاني ( انا مؤمن يقينا بان النص القرءاني صحيح تماما )
لكن ممكن ناقش حول صحة تفسير النص القرءاني وشتان بين الامرين .

مابعرف محمد ليش اخدت من الدعوى البنود المذكورة بحيث انها نص قرآني وساويت النقاش حول فكرة تفسير هالنصوص ودقتها الحرفية.. خلي النقاش بمسلمات الدين واسقطها على الدعوى على الشكل التالي:

هل تستطيع انكار خلق الله لكل هذه المخلوقات؟؟ هل تستطيع انكار مسؤولية الخالق على أي سوء يصيب المخلوق وهو مايعرف بالقضاء والقدر؟؟
محمد اذا بقلك جبلي علبة سجاير من المحل يلي على الزاوية بالشارع (مابعرف اذا في بشبرا محلات مشروب والا كنت بدي ابعتك تجبلي لتر ويسكي ).. المهم بعتك تجيب غرض واثناء توجهك لجيبة الغرض ضربتك سيارة (لاقدر الله) واصابك ضرر جسدي باي مقدار بتحمل انا قدام اهلك واهلي والمجتمع مسؤولية يلي حصلك مع انو ماحصلك بارادتي...
شركات الطيران بتتحمل مسؤولية الركاب اذا وقعت الطيارة واكيد الشي مو بإرادتهون..

فما بالك بالحالق؟؟ الذي من المفترض أن يتحكم بمسار كل والأمور ولايجري شيئ إلا بإرادته؟؟ ألا يتحمل المسؤولية عن مايحصل للعباد؟؟ ألا يتحمل مسؤولية جوع البشر؟؟ ألا يتحمل مسؤولية موت الأطفال بالآلاف؟ الكوارث والمجاعات؟؟ لتعود بعدها وتحمله مسؤولية عدم العدالة الإجتماعية كما في حال موضوعنا هنا

أما كون هذه العدالة معدومة لأن الخالق يريد أناس يكافئو وأناساً يعاقبو في يوم القيامة. فلا أظن الخالق بهذه العقلية السطحية... كل هذه الحياة بهدف تمتعه يوم القيامة ببعض المشووين وبعض المنعمين.. لا أظن هذا هو الهدف أو هذه هي الجكاية..

ابو شريك للدعاء شروط واداب ومافيك تعتمد عالنص القرءاني فقط ومافيك تقتطع اية وحدة او كم اية للاستدلال والتحليل او غيره ، الايات بنفس السورة او بسور مختلفة تكمل بعضها حول قضية او اخرى واحيانا بعض القضايا تاتي مجملة بالقرءان وياتي تفصيلها على لسان النبي صلى الله عليه وسلم ومشان ما كون بحكي حكي عام هيك رح حدد امثلة ، الصلاة :
حدا بيقدر يطلع من بين ايات القرءان كم عدد ركعات صلاة العشاء ؟ المغرب ؟ الظهر ؟ او او (مافي حدا )
كيف رح يصلي المسلمين ؟!! ورطه
لا ورطه ولاشيئ يرجعو للرسول ويشوفو كيف كان بيصلي وشو قال عن الصلاة وعدد ركعاتها (بس )
كمان الزكاة نفس الشيئ مقدراها والاموال الواجب عليها الزكاة وهكذا والامثلة كتير .

انا بدعو صاحب الدعوة القضائية وكل من ايده انو يروح يسأل عن اداب الدعاء وشروطه ويشوف كيف الرسول كان بيدعي ، اما انو يجيب اية ويقول انا طبقتها وبدي النتيجة فهاد يدعو للشفقه ، يعني بدك ترجع للزلمة وتعرفو انو هناك شروط للدعاء واداب منها على سبيل المثال
البدء بالحمد والثناء على الله والصلاة على الرسول
الاخلاص في الدعاء ، التكرار وعدم استعجال النتيجة
خفض الصوت وعدم السجع
ان يكون طعامه وشرابه ولبسه حلال
ويكون دعائه شيئ حسن ينفع حلال وليش اذية البشر بسوء او حرام .وهكذا

شو عم تناقش هون بالضبط؟؟ عم تقول انو طريقة دعاء صاحب الدعوى لم تكن صحيحة؟؟ بدك تعتمد المشكلة بطريقة الدعاء ولا المشكل بصاحب الدعوى؟؟ ولا المشكل متل مافهمت من الفقرة يلي تحت انو قد يكون هذا الرزق الكامل "الستاندرد" لهذا الإنسان؟؟

بعدين تعا لقلك هاد الإنسان دعائه لم يكن مستكملاً للشروط الواجب توافرها من خفض صوت وبسملة وخشوع وما إلا ذلك.. طيب وآلاف الداعين الذين لايستجب لهم؟؟ وملايين الدعاة للقدس وفلسطين ليل نهار؟؟ وملايين المقهورين في العالم؟؟ وآلاف الداعين في غونتانامو والعراق وأفغانستان؟؟ كلهم لا يعرفون سر الدعاء الصحيح؟؟

طيب ياريت توضخ آداب الدعاء المستجاب للبشرية باعتبار في كتير أمور المؤمنين بالعالم يدعون لها بصدق نية واحساس منذ مئات السنين..

نروح لنقطة الشغل كتير والرزق القليل
هو اصلا في ستاندرد للرزق ؟ والله العظيم ماني عارف كيف اكتبها الك
مثلا شو هو الحد اللي رح تعتبر انه رزق كافي للمسلم ، شوف ياصاحبي
في واحد اذا اكل وجبتين بيوم بيقول الحمد لله وواحد اذا اكل 4 مرات مابيقولها
في واحد اذا اكل شوية فول مع رغيف خبز بيقول الحمد لله وواحد ياكل ال Pierre Hermé Patisserie
ومارح يحمد ربو في واحد يسكن ببيت من غرفتين ويحمد ربه ويشكرو وواحد يسكن ببيبت 3 ادوار ومايحمدو
مافي ستاندر للرزق ومافي ستاندرد للقبول والرضا
في ملايين البشر حالون اسوأ من حال هالرجل ولارح يشكو ولايتذمرو وكتير منهم رح تلاقيون عايشيين بسعادة على الرغم من قلة اللي عندون
اخر شيئ بدي قولو
هل عاش النبي غني ؟ (كثير من الشرقيين قبل الغربيين والمسلمين قبل غير المسلمين معتقدين ان النبي عاش حياة رغده او عالاقل حياة حلوة ) النبي عاش ومات فقير
الحقيقة انه مات درعه مرهونه عند يهودي لانو ما كان معاه تمن فك رهنيتها .
-شيئ اخر ورد لنا عبر السير ان بيت الرسول لمن يكن يوقد فيه النار لايام واسابيع (يعني مابيطبخو ، هلئ يجيلك واحد يقول اصل كان في ديليفري قريش وقتها ) ضحكونا يلا .

على كل حال شو هو الستاندرد تبع الرزق ؟ السؤال مو لفادي للجميع
خلينا نتناقش شو هو ستنادرد الرزق ؟ وانا متاكد انو مارح يصير اتفاق على ستاندرد .
الله ممكن يبعت لواحد شيئ ومايرضى وممكن يبعت لواحد نص هالشيئ او ربعه ويرضى

أبو حميد جاية تبيع المي بحارة السقايين؟؟ صعبة عليك

المقياس الستاندرد للرزق هو مقياس العدالة الإلهية.. والمفهوم الإلهي للعدالة يجب أن يكون العدالة المطلقة التي ليس كمثلها عدالة.. وليس العدالة الغير واضحة المعالم ونقل القضية إلى عالم الخلود والحساب والعقاب وماشابه..

المقياس هو قضايا وقضايا.. شخصية وعامة وانسانية .. قلة رزق البعض وموت أخرين من الجوع والظمأ وزلازل وظلم وقهر واحتلال مقدسات المؤمنين وقهر شعوب كاملة.. وتنعم البعض الأخر من البشر..

لماذا يوجد دولة اسمها الصومال "المسلمة بالغالب" وشيئ اسمه سويسرا؟؟ هذه هي المقاييس التي نسأل عنها وليس مقياس عدد أرغفة الخبز التي تكفي الإنسان أو عدد الغرف بمنزله..

لماذا الله كان يتدخل بقصص الديانات السابقة والآن ترك هذه الحياة؟؟ هل لأنه يوجد زيادة في عدد المقاعد الشاغرة في جهنم ويريد أن يبتلي البشرية أم أن هذه القصص كلها أساطير؟؟

[سوا ربينا]

كاتب النص الأصلي : suryoyo

انا ما عايش بفكرو ... و لا اؤيد الفكرة

بس أعتقد هي طريقة تعبير عن الاستياء من الحياة و خصوصا من كلام الاخرين اللي عايشين برغد


و مين قلك هو يريد يعيش شحاد !!

انو حتى ولو يعني تعبير عن الاستياء بيقدر بطرق تانية .. ليش مثلا ما رفع قضية ع المجتمع يلي مش مهيئلو الشغل المناسب ليكسب منو رزق ؟؟ او ع الدنيا ؟ او ع الناس ؟

انا ما حدا قلي .. بس انو ممكن يكون اسلوب شحادة بطريقة ارقى شوي ..

[VivaSyria]

كاتب النص الأصلي : ابو نجبو

بالعكس تماماً....انا معك على طول الخط فود....
مو المشكلة عندي ياصاحبي....المشكلة انو رح يتسكّر الموضوع قريباً ازا بقي على هاد المنحى....
وانا من ناحيتي عاجبني الموضوع ومالي حابب يتسكّر بسرعة ....

لاتخاف عالموضوع حاططلو خرزة زرقة من العين

اما عن دعوتك لتفصيل الالهة لكل واحد....انا مالي معك ..ابداً... طاول..جداً...
لانو انته بالاصل ماعندك الله تحكي عنّو....
ولمّا بتكون هيك..... معناها رح تحكي على الهي أنا....وهيك بنرجع لنفس الدوّامة....

له له ياغالي مين قال هالحكي؟؟ مين قال انو انا ماعندي الله او عم ادعو لتفصي آلهة؟؟ انا قلتلك اذا انت متحسس من الموضوع اعتبر حكيي عن الله "تبعي متل مو هو تبعك" مابيخصك او اعتبرو غير الله تبعك..

لبسطلك الموضوع مرة تانية.. انا وياك منشتغل بشركة وحدة وعنا مدير واحد... انت علاقتك بالمدير كتير رسمية وبتخاف تناقش بأخطائو أو تحكي شي عنو أو تقييم أدائو بينما أنا مابخاف منو وبضربو طيارات وبسبو وقيم أدائو وقت بنتقض الأغلاط يلي بيعملها بالشركة.. طيب هل بيحقلك انت تمنعني احكي عن هالمدير؟؟ طبعاً لاء ولابيحقلك تهاجمني لانو مافوضك بهالشي باعتبارو قادر ياخد حقو بايدو.. اكتر شي بتقدر تعملو تناقشني بالموضوع او تدير وجك وماتسمعني

هالإسقاط تماماً بينطبق عالحالة انت بتعتبر علاقتك بالله رسمية وما بتحب تجيب سيرة بينما أنا العلاقة بينو وبينو خوش بوش وممون حالي كتير وبناقش بقصصو وحتى بسبو بس شوف شي مايعجبني منو اذا كان منو من الأصل.. مثلاً انا بقول يلعن ابو الغبي.. هلأ الغبي بتحيه المسبة بينما يلي مو غبي مابتجيه

كيف يعني؟؟ انا وقت قول وينك يا الله عن يلي عم يصير بفلسطين ويلعن رب اسرائيل.. اذا الله بيعتبر حالو هو مسؤول عن يلي عم يصير بتكون اجتو مسبة اما اذا كانو البشر فهمانين غلط فمابتكون مسؤوليتو ولا اجتو مسبة..

وبنفس الوقت وقت مايعجب كلامي الله بيقدر يسخطني ضفدع-سحلية-سنجاب أي شي يعني او يشويني يوم القيامة.. بس اذا الله بكل قدرتو ماسكتني فوراً واخد قرار انو انا مسموح اني احكي "بحكم كل شي بيصر بارادتو" فماحدا بيحقلو يسكتني عن هالحكي..

يعني ببساطة انا معترف 100% بوجود الله بس تصوري لوضعه غير تصور الآخرين.. غير مهمات وغير وضع وغير مسؤوليات وغير واجبات وحقوق

واحلى فادي بالدنية

على راسي ابو نجبو الحبيب ولاعد تحاول تسكتني ها

[suryoyo]

كاتب النص الأصلي : سوا ربينا

انو حتى ولو يعني تعبير عن الاستياء بيقدر بطرق تانية .. ليش مثلا ما رفع قضية ع المجتمع يلي مش مهيئلو الشغل المناسب ليكسب منو رزق ؟؟ او ع الدنيا ؟ او ع الناس ؟

انا ما حدا قلي .. بس انو ممكن يكون اسلوب شحادة بطريقة ارقى شوي ..

اذا المجتمع يظل يقلو الله اللي يعطي الرزق (و نحنا ما النا علاقة) وقسمة ربك

اذا يظل يقلو .. الله خلق الغني و الفقير ... و انت ما لازم تعترض على ظروفك السيئة و ظروف غيرك المرفهة

اذا يظل يقلو ... ليش اينك عمل هيك و هيك هي حرام عليك

بس ما قالوا حرام علينا ... انت وولادك تناموا بالشارع


طبعا الجمعيات الخيرية اللي تشتغل باسم الدين و الخير ... لو تشتغل صح كان حلت على الاقل 50% من الازمة

[VivaSyria]

التقرير الجوال :

أول مرة بحس اتو في افكار ممكن نتناقش فيها بطريقة عفلانية ونوصل لنتائج او على الاقل لقواسم مشتركة.. مشان هيك بدي اجل الرد لليوم بالليل على رواق مشان نكون نحنا التنين على الهوا وماتتشتت الأفكار

[سوا ربينا]

اي مهوي كل شي بيلزقوه بالله.. شو ما كان .. وخصوصا ازا كان مش منيح .. سيدي خليه يرفع مليون دعوة ولا بعمرو يكسب...