أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 25/08/2009   #1
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي عمنا المسحراتي, لايمتى....


مع كل رمضان تتكرر مأساتنا من جديد ويتخربط نظام النوم وما عد نعرف لا نفيق الصبح ولا نشتغل ولا ندرس وبنتم نعسانين طول النهار وكلو مشان حضرت جناب المسحراتي ذو العصا والطنجرة اللي ببلش خبط فيون بعد نصاص الليالي ليطلع صوت يفيق الأموات قبل الاحياء بحيث ماعد فيك تنام من بعدو.

انا بدي اعرف لايمتا رح تضل هالظاهرة منتشرة بمدينة دمشق؟؟ للأبد على خير؟
يعني فهمنا من زمان كانت شغلتو يفيق هالعالم مشان ما يروح عليها السحور, بس هلئ شو الفائدة منو بوجود الموبايل اللي بيقدر اي واحد يربط المنبه فيه لأي ساعة بدو اياها.
واللي ما معو موبايل يا سيدي انا بجبلو منبه ابو الخمسة عشرين ليرة من بسطات البرامكة بس يبطلولنا شغلة هالمسحراتي بقى.

The homeland of Turks is not Turkey or Turkistan
its great and eternal place called Turan
  رد مع اقتباس
قديم 25/08/2009   #2
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


هلا من كل عقلك بدك تجيب لكل اهل الحارة منبه ابو الخمسة وعشرين ليرة ما بقى بتلحق لهيك خليه يطبل ليشبع ...
بعدين بيجوز بيطبلو بس مو كل يوم والصوت عندي ما بيصل قوي لانو بسابع طابق بيتي محسوبتك .. بس بلكي من شان يدق ع بابك اخر رمضان متل العادة ويتحجج بمنية انو عم بيفيقك وانت ولا بعمرك شفتو ولا بتعرفو بيقلك ايدك عالعيدية

انـــــا آســــف لأنــــــي ما كنـــش غصـــب عنـــي.... بيـــن الســـحاب ادوب وارحـــــل بين الدروب
...... وعــــن حبــــك اتـــوب.. وانســـى انـــــ كنتـــــي منـــــي .... ماكنـــش غصــب عنـــي مــا كنش غصـــب عني


انـــــــــا آســــــف
  رد مع اقتباس
قديم 25/08/2009   #3
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اي يا بي ..

كرمال ال 100 وال 200 ورقة اللي بدن ياخدوا اخر الشهر

نحنا بحارتنا اتفقنا معو .. ونزلا قلنالو لك ابي تعا اخر الشهر وخود بس روق ولا بقا تمر من عنا .. قام قال اوك ..

وهيك كمان ما عاد خلينا .. هدول اللي مالن .. لا بيفتلو ولا شي .. يجو ..

وهاكزا ..

شاورما ©

كمّون ©

Calculater ©

" لو .. رجعت الشام .. لـ حضن الشام .."

2011
  رد مع اقتباس
قديم 25/08/2009   #4
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


بالعكس المسحراتي مظهر كتير حلو من مظاهر رمضان بعدين المسحراتي ما بيفوت الا عالبيوت اللي بتقلو يفوت عليها

و ما بيسبب اي ازعاج عا كل حال انا ما بتذكر اني كنت نام الا بعد ما يروح المسحراتي بزمان

بالإمارات ما عندن المظاهر اللي عنا ياها و انا كتير بحب هالعادة و التقاليد الرمضانية عنا

و لازم تضل مستمرة لأنو ألها جوها الخاص

سلام

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 25/08/2009   #5
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


ابو اليمن اكد على كلامي انو طابو رسمي .. يعني كل وجعة هالراس كرمال العيدية والمنية انو عم بيعزب سواعدو وبيدقلك لتفيق حضرتك شفت هالمنية شو كبيرة بحقك ... ليك بالنهاية مو كل المسحراتيين متل بعض يعني ما كلون لطفاء بس بحسون اغلب الاحيان بيستدعو منك الشفقة او انو بيمثلو دور الفقير الغلبان يلي ما معو قوة يومو اخر الشهر .. لانو في منون كزابين كتير وما منفتحلون الباب ..


ويا سيدي هاد مظهر حلو بس مو دايما اي خلو العالم تنام لسا ما صار السعة 2 ونص بيبلش يرقعلك بهالطبلة مدري الطنجرة ع قولتك
  رد مع اقتباس
قديم 25/08/2009   #6
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي


اقتباس:
كاتب النص الأصلي : DARKNESS عرض المشاركة
بالعكس المسحراتي مظهر كتير حلو من مظاهر رمضان بعدين المسحراتي ما بيفوت الا عالبيوت اللي بتقلو يفوت عليها

و ما بيسبب اي ازعاج عا كل حال انا ما بتذكر اني كنت نام الا بعد ما يروح المسحراتي بزمان

بالإمارات ما عندن المظاهر اللي عنا ياها و انا كتير بحب هالعادة و التقاليد الرمضانية عنا

و لازم تضل مستمرة لأنو ألها جوها الخاص

سلام

الله وكيلك مافي بيت بالحارة قايلوا يفوت, لك أصلن نحن ما حدا عنا بالحارة بصوم ومع هيك عم يطربنا كل يوم بتغريده .
واذا بدك هالعادة تضل مستمرة اترك الامارات اللي مافيها هالعادة وتعال عيشلك شي اسبوع زمان عنا بالحارة لحتى تشوف اذا في ازعاج شديد او لا.
  رد مع اقتباس
قديم 25/08/2009   #7
شب و شيخ الشباب mblue
عضو
-- أخ لهلوب --
 
الصورة الرمزية لـ mblue
mblue is offline
 
نورنا ب:
Mar 2006
المطرح:
بلد المحاشي والكبب
مشاركات:
174

افتراضي


يعني هو مظهر فلكلوري مو اكتر ... يعني المسحر اقترن برمضان وهيك ... ومشان هالمعتر يضمن قرشين على هالعيد .
بس معقول انه هالدقتين اللي بدقهن بفيقوا العالم وما بخلوهن ينامو ؟ يمكن مبالغة شوي ما ؟!!

The Saddest Thing in Life Is a Lost Talented Man
----
كلما رحبت بنا الروض قلنا ... حلب قصدنا وأنت السبيل
----
بالمسدس ... تحل كل المشاكل...
  رد مع اقتباس
قديم 25/08/2009   #8
شب و شيخ الشباب khaliiiil
عضو
-- قبضاي --
 
الصورة الرمزية لـ khaliiiil
khaliiiil is offline
 
نورنا ب:
Sep 2006
المطرح:
الإمارات
مشاركات:
771

إرسال خطاب MSN إلى khaliiiil إرسال خطاب Yahoo إلى khaliiiil
افتراضي


المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم

سأصبر حتى يعجز الصبر عن صبري

سأصبر حتى ينظر الرحمن في أمري

سأصبر حتى يعلم الصبر اني صبرت على شيء امر من صبري
  رد مع اقتباس
قديم 25/08/2009   #9
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


ممم هلا اسلوب خليل مو حلو منوب شلون يعني يقعد ع قلبنا انا من ناحيتي ما عم يوصلني ازعاجات بس في ناس يا اخي مو مسلمين يسطفلو كمان هدول بدو يفيقون ع سحور .. يعني حتى المسلم بيكفروه ثم بدي قول شغلة رمضان حلو وجو رمضان كتير بيعجبني عالرغم من صعوبتو عند البعض بس جو رمضان حلو كتير واسطفل انا برايي ما الك حق تقول خليه قاعد ع قلبكون ما حلو هالرد منوووب ترى
  رد مع اقتباس
قديم 25/08/2009   #10
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
لمسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم
انو بالله .. كفين كفين كمان للشبيبة بطريقك وانت ماشي يعني ..

!

ااي اما شو دينا هالطريقة من مناقشة وهيكه طريقة حكي خيالية ...

حاجة مشان الله بقا حاجة ..
  رد مع اقتباس
قديم 25/08/2009   #11
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
بس معقول انه هالدقتين اللي بدقهن بفيقوا العالم وما بخلوهن ينامو ؟ يمكن مبالغة شوي ما ؟!!
لا والله يا شريك .. ما مبالغة ..

عني من شي سنتين وقبل ما يتفقو معو .. معليم ..

كان الله وكيلك كل يوم يجي ويمر من ال 2 ونص طيب الفجر بيأدن عال 5 كان .. انو والله بكير كتير لسا

ويطلعلو المزكور جارنا الله يزكرو بالخير عمك اب يوسف بالباجوق العالي من فوق .. وامك واختك وانت نازل وتعلق بيناتن .. يحرق كفرو شو كان راسو يابس .. كل يوم .. يجي بنفس الوقت .. لحتى .. وصلت معو هاد الجار اللي فوق عقد مانو مشرشح .. انو نزل تقاتل معو تحت وجابو الشرطة .. بقا شريك .. يعني هوة بيدايئ بيني وبينك ..
  رد مع اقتباس
قديم 25/08/2009   #12
شب و شيخ الشباب mblue
عضو
-- أخ لهلوب --
 
الصورة الرمزية لـ mblue
mblue is offline
 
نورنا ب:
Mar 2006
المطرح:
بلد المحاشي والكبب
مشاركات:
174

افتراضي


اقتباس:
كاتب النص الأصلي : يمان Rooooonaldo عرض المشاركة
ل.

كان الله وكيلك كل يوم يجي ويمر من ال 2 ونص طيب الفجر بيأدن عال 5 كان .. انو والله بكير كتير لسا

لك هو قلبه عليك ... مشان ما تروّح عليك السحور وتقضيها جوع وفشفشة بهالعباد تاني يوم

اقتباس:
ويطلعلو المزكور جارنا الله يزكرو بالخير عمك اب يوسف بالباجوق العالي من فوق .. وامك واختك وانت نازل وتعلق بيناتن .. يحرق كفرو شو كان راسو يابس .. كل يوم .. يجي بنفس الوقت .. لحتى .. وصلت معو هاد الجار اللي فوق عقد مانو مشرشح .. انو نزل تقاتل معو تحت وجابو الشرطة .. بقا شريك .. يعني هوة بيدايئ بيني وبينك
الله يعينه لاب يوسف ... بس يمكن يكون متل ما عم تحكي اذا بالحارات القديمة والصغيرة يكون في ازعاج بالموضوع ...!!! على كل هي كم يوم بهالسنة بيمضوا بالطول بالعرض كيف ما كان ... وأغلب العالم عم تبقى سهرانة للصبح بقى بعينكن الله
  رد مع اقتباس
قديم 25/08/2009   #13
شب و شيخ الشباب شامي للنخاع
عضو
-- قبضاي --
 
الصورة الرمزية لـ شامي للنخاع
شامي للنخاع is offline
 
نورنا ب:
Sep 2008
المطرح:
مضيع جحشت خالتي
مشاركات:
562

افتراضي


يعني من جهتي أنا بحبو للمسحراتي..أبو طبلة........بس يعني متل الوضع عند الخال هون.........يعني ما حدا بيصوم بل الحارة......يئطع عمورو شو مطيلس...........هفففففففففف مسخرة حتى بهل الئصة صار سلبطة
بعدين من شان حجي خليل....شبك معصب.........مين ئال الناس بدا تلغي رمضان
أيدي بزنارك طولي يا لبلك......من شان الدنيا صيام.....يصرلك شي والله خطي

أي حبيب..ئعود لئلك كلمتين نضاف.....أحسن من جريدة معفنة........في حيط تنين تلتة أربعة.....وسئف ول الارضية....تم نطاح راسك بي ربون ليمشي حال......شو ستبينا يا معليم؟؟؟؟!!!!
  رد مع اقتباس
قديم 26/08/2009   #14
صبيّة و ست الصبايا وردة حماة
عضو
-- قبضاي --
 
الصورة الرمزية لـ وردة حماة
وردة حماة is offline
 
نورنا ب:
Feb 2009
المطرح:
كل يوم بمطرح
مشاركات:
555

افتراضي


أنا من جهتي بحب المسحراتي كتيير
ولأني بالغربة بحاول حدد موعد زيارتي على سوريا
لتشمل كم يوم برمضان
لأن ما بحس بجو رمضان الا بالمسحراتي عند الصبح والعيد كمان

طيب انتو اذا زاعجكون المسحراتي اذا كنتو غير مسلمين او ما بتصومو
ليش ما بتحكو معو لما يوصل على بيوتكن ما يدئ
وبالنسبة للمسحراتي فهو انسان أنا كتير بحبو بحترمو
لأنو بيفيق حالو بنص الليل ليفيق الناس
وشغلتو مو سهلة بنوب
برأيي هو أصلا ما بيشتغل هالشغلة الا اذا كان بحاجة مصاري
لأن لما يدو يفيق من الناس صباحية العيد لياخد العيدية
شغلة مو سهلة بنوب لأن هيك بيطلب من الناس
وبرايي ابشع شي الطلب من الناس وخصوصا هالايام.

الله يعطيه الف عافيه للمسحراتي.

" لا يمنعك صغر شأن الإنسان من اجتناب ما رأيت من رأيه صوابا,
والإصغاء لما رأيت من أخلاقه كريما,
فإن اللؤلؤة لا تهان لهوان غائصها الذي استخرجها".
  رد مع اقتباس
قديم 26/08/2009   #15
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
طيب انتو اذا زاعجكون المسحراتي اذا كنتو غير مسلمين او ما بتصومو
أبدا .. مالو علاقة هالشي .. هي انا مثلا عنجد بدايق منو ..

انو هلا صارت شغلة عالفاضي .. ومتل شحادة .. بس .. انو بصيغة تانية ..

احيانا فعلا .. بحب انو يكون عنا هيك تراث مثلا او .. تقاليد ... بس حلوة يعني ..

بس بالمقابل .. وقت يجيني .. عالساعة 2 .. الصبح عم يدق .. ويفيقني .. ويدايقني .. قبل بوقت معين ..

اي يعني هلا نحنا .. بالقرن العشرين وما عاد الو هاللازمة لانو ايام زمان ما كان في منبه وساعات .. لزلك كان مهم ..

وعفكرة هوة ما عم يدق بيت بيت .. وقت يكون جاية .. من تحت من البناية عم يدق .. عالطبلة .. بيفيق الكل .. لانو دقتو عالية وصوتو عالي .. وخصوصي ازا في ولاد او شي .. اي والله بينقزو ..

شكلو مسحراتي جديد هاد .. وبدو اب يوسف يطلعلو ..
  رد مع اقتباس
قديم 26/08/2009   #16
شب و شيخ الشباب Barleb
عضو
-- مستشــــــــــار --
 
الصورة الرمزية لـ Barleb
Barleb is offline
 
نورنا ب:
Nov 2005
مشاركات:
2,824

افتراضي


اقتباس:
كاتب النص الأصلي : khaliiiil عرض المشاركة
المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم
انشالله مافي شي ؟

أن خدعونا مرة .. تباً لهم , أن خدعونا مرتين .. تباً لنا

Amarta <3

ܒܪܠܝܒ
  رد مع اقتباس
قديم 26/08/2009   #17
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


المسحراتي بكل سوريا .... بدق على طبلة صغيرة ..


إلا عنا بجيب معو طبل ... شغل فرقة مراسم و حرس شرف

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 26/08/2009   #18
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


معقول التصييف يللي صاير عنا بالمنتدى ..

صار يللي بيحكي عالمسحراتي .........كأنو عم يسب الاسلام .. أو القرآن شخصياً





الله يرحم ايام الشيخ لايص
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 23:17 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11502 seconds with 12 queries