جبهة الجولان

[lucky]

طبعا المفروض يفتحه جبهه من زمااااااااااااااااااااااا اااااان

[Hus]

عامل الحقوق:
الحقوق (سياسيا) بتتجوف و بتفقد احقيتها مع الوقت .....!

فيها اليوم تركيا (او العثمانيين يعني) يجو يطالبو باليمن !! (لانو كانو هني حاكمين اليمن حركة 300-400 سنة بالقرن قبل الماضي ؟؟

ما تسهل الموضوع وما تبسطو، احنا بعد 40 سنة ما اتحركنا بقيد أنملة لإستعادة الجولان ... (وهذا مش السيئ ، السيئ انو الناس بعد 40 سنــــــــــة بتقلك هل الوقت ما حان ، طب معلم، بعد 40-50 سنة كمان ، شلون رح يكون الوضع ، بك اتطالب بأرض من 100 سنة كانت إلك يعني ولا كيف؟؟)

عامل الأجيال داخل سوريا:
الجيل الأول هو جيل معاصري الحرب و فقدان الجولان ..
الجيل الثاني هوي جيل ما عاصر الحرب ولا فقدان الجولان ، بس (بس) سمع من ابهاتون عن اهمية استعادة الجولان ..
الجيل التالت رح يسمع عن الجيل التاني الي سمع عن الجيل الأول عن موضوع الجولان ،
والرابع والخامس ..... آخر شي بيسود الصمت المطبق .. ما رح بيعود رح تسمع شي ..
لمن رح يروح الجيل الأول (الي عاصر ومتمسك حتى النهاي، ) و بيجي الأقل تمسك منو الي سمع سَمَع .. و لمن هذا بدورو يروح بيجي الأقل وهكذا دواليك ..

بالتالي مع الوقت الأجيال الي عم تتعاقب ع ها الأرض حيكون اهتمامها ، و نزعتها ، وارداتها في تحرير الجولان واستعادته ، بشكل تلقائي اقل ، واقل و اقل ........

عامل الأجيال داخل الجولان:
من الضروري الإشارة والتنويه او التذكير لما حصل في الإسكندرون هنا ، (لمن خيرو الشعب بالإنتماء لأي دولة وفق اقتراع .. -ما رح اتطرق للتزوير الي يقال انه صار او ما اليه - بس عم ذكر بهال النقطة لقول)
الجيل الي عايش سوريا و الإنتماء لسوريا بعدو متمسك بسوريا و العودة لسوريا
الجيل الي بعدو هوي رح يسمع بهال الإنتماء بس رح بيعايش على الارض شيئ مختلف، رح بيعايش واقع اسرائيلي مضطر شاء او ابى بالتعامل معه ، (والجولانيين حاليا مقسمين قسيمن في قراهم الخمس في الجولان المحتل، قسم كان بوقت سابق حين عرضت عليه اسرائيل البسبور الإسرائيلي قبله ، وقسم آخر رفض في ذلك الوقت و معهم وثيقة بيسافرو فيها .. طبعا ماحدى هونيك حامل الجنسية السورية كبسبور اليوم .. ابدا .. وليس للحكومة السورية اي تمثيل في الأرض المحتلة ..)
منجي لعامل الأجيال مجددا ، الجيل الأول رح يفضل متمسك كما اشرنا والأجيال الأحقة هي مضطرة و بتسارع كبير للإندماج بالمجتمع الإسرائيلي على كل الاصعدة ،
الرجال الي الليوم عمرو 35 سنة ، هذا ولد بإسرائيل -عمليا يعني- ، ودرس بمدارس اسرائيلية و المنهج الي كان عم يدرسو اسرائيلي وبالعبرية طبعا ، وكبر وراح ع جامعة اسرائيلية و اشتغل مع الإسرائيلية و لمن بدو يسافر او يتنقل فصفتو اسرائيلي وهال الصفة هي الي عم بتأمنلو العيش، بمعنى لو رفض الصفة الإسرائلية لن يبرح داره، ولن يتعلم، ولن يسافر، ولن يجد عمل ، الخ .....
مع الأجيال وبداخل العوامل الي اشرت لها في مستهل هال البند ، رح يفقد السوري الي بالجولان اي اهمية للعودة لسوريا الأم ،
يا جماعة اذا اليوم صار استفتاء لقرى الجولان الخمس انو بدكم تاخدو الجنسية الإسرائيلي واتصيرو اسرائيلي ببسبور وهوية كاملة كمواطن اسرائلي ، او بك ترجع لسوريا وتاخد البسبور السوري ،
ما بقدر كتير خمن النتائج ، بس بقدر قلك لو اليوم اجت النتيجة -نتيجة الإستفتاء- بصالح سوريا، فمن المؤكد بعد 10 سنين و 20- كمان 40 ما رح اتكون لصالح سوريا ... بمعنى حتى لو توفرت السبل لإستعادة الجولان بعد 40 سنة كمان ، الجولانيين نفسهم رح بيفضلو البقاء تحت المظلة الإسرائيلية ..
(** ع الهامش ، مؤخرا كنّا اجتمعنا ببضعة عشرات من اهل الجولان المحتل (من قرى الجولان) ، عائلات وافراد و عاملين و شبيبة من عمرنا ولعدة ايام بلقائات متواصلة اصدي .. و اقدرت افهم منهم بكتير دقة ماهية الوضع الي عم بيعيشوه ، و عليه ما اتناوله هنا استنتاجات او استقرآت هي بالمجمل مبنية على معيطات حقيقية واقعية عم بيعشوها الناس هونيك .. وعم بتغير فيهم وعم بيغيرو فيها بالوقت الي احنا الصورة تبع الجولان عنّا بعدها كما هي من 40 سنة ، وكأنا بإمكاننا التخلي عن قطعة ارض بشعبها قرن و نعود بعدها نطلب منهم يكونو على حالهم الي تركناهم عليها من قرن ....)



عامل الوقت السياسي المناسب:
لو ابتعدنا عن الحلول العسكرية ، و انتقينا الحلول السياسية كبديل ، بمعنى الحلول التفاوضية، ..
ممتاز ..
سوريا مؤخرا بعزلة اقليمية و دولية لم يشهد تاريخها له مثيل..
سوريا الآن وحدها دون حتى تضامن عربي، دون تضامن اوربي دون تضامن روسي سوفييتي، دون تضامن اممي ..
وما اشرت له بالمنتدون هم من كانو بالسابق معنا، سابقا (قبل حركة 10 سنين مو اكتر)، كان الإتحاد السوفييتي معنا دوم .. كان الأوربيين على الأقل و بأسوء الأحوال ممكن يوقفو على الحياد (بس من الموكد ماكان ممكن يتدخلو ضدنا)، كان العربان "كحكومات ودول" ايضا وايضا ان ما وقفو معنا ، فرح يوقفو ع الحياد على استحياء شديد .. الخ ..
كان سياستنا الخارجية يشاد بها جدا ، وكان وضع سوريا الإقليمي كمحور او لاعب اساسي في المنطقة .. (وان سمينا الأمور بأسمائها بحبب حدد هون فترة ما بعد حرب الخليج و وقوفنا مع الدول العربية ضد الغزو على الكويت .. وبنفس الفترة كان لينا علاقات ولو امنية (استخباراتية) جيدا الى حد ما مع امريكا حتى..)
المهم ، لاحقا كل مانو وضعنا الدولي والأقليمي عم ينحسر اكثر واكثر، وكل مانها العزلة الدولية والإقتصادية والإجتماعية على سوريا عم بتكون اكبر واشد .. (مش نتيجة شيئ غير سلبيتنا المطلقة -بمجال السياسة الخارجة- وخشبية المواقف واللغة .. سابقا كان تنفع بعصر الإيديولوجيات ، واليوم ماعاد تنفع بعصر البراغماتيات والمصالح المشتركة .. الحقيقة سبب ضعف سياستنا الخارجية ليس في غير انها لم تتغير بقيت كما هي على مرور السنين، كان الوضع عم يتغير والظروف الإقليمية والدولية معها عم تتغير واحنا سياستنا الخارجية هي هي لم تتغير )
منرجع هلق،
الي عم شير ليه بهال النقطة ان ايضا عامل السياسي مش بصالحنا ، احنا بوضع لا نحسد عليه من العزلة ، و عمالين ننتقل من عزلة لأخرى ..
وعليه عامل التفاوض السياسي عم يتراجع دورو و عم ينحسر جدا .. واصبح شبه غير ممكن .. ما عنا اوراق تفاوض صالحة .. وراقنا مكشوفة و من جميع الجهات بتنا محاصرين بدول لم يعد لنا معها حتى مرحبى (العراق و مشاكلنا مع الحدول و ما يدعون به من تمريرنا سلاح و مجاهدين غير ان احنا ما صادف بفترة وكنا صحبة مع العراق (تاريخيا علاقتنا دائما سيئة)- الأردن و انتقالها لتحت الباط المصري الي بدوري تحت الباط الأمريكي - لبنان ما مسدقين طلعونا من ارضهم -على تعبيرهم- وما عادو طايقينا (لو استثينت حزب الله الي لو فكرنا تفكير بسلام مع اسرائيل حتى ولو كان بتلاصق المسار اللبناني السوري، بس بالتالي هذا حيترك ايران وحيدة على الحلبة.. مش رح يكون معنا .. ).. )
اتمنى ان اكون مخطئ بتحليلي هذا للوضع السياسي (والعملية التفاوضية السلمية لإستعادة الجولان، لكن حاليا لا يسعنى سوى القول ان هذا الواقع ......)

عامل الزمن و الوقت المناسب:
من 40 سنة واحنا متفقين انّ الوقت لم يحن بعد ، (حلو)
من 40 سنة ما حان الوقت (كمان حلو)
من 40 سنة واحنا "بين مزدوجتين" عم بنعد العدة ..(حلو)
من 40 سنة واسا ما انعدت هاي العدة ..

طيب ناخد العامل الفرعي و الي هوي سرعة إعداد العدة ،
احنا بمنظرونا عم بنعد العدة لإستعادة الجولان سواء من خلال تقوية نفسنا عسكريا او سياسيا او اقتصادايا و غيرو .. (وهذا شيئ ما عم بيصير)
رح اجي مع القائل بأن هذا الإعداد عم بيصير ، ورح اخد معك الصعيد العسكري،
اعتبر عنا 10 دبابات
وعند اسرائيل 20 دبابة
ولهال السبب احنا يابا ما فينا نخوض حرب ضدها ..

بعد 10 سنين ، من المتوقع يصير عنا احنا مثلا 50 دبابة (وليكن)، بس ...................... (بس) وقتها رح بيكون عند اسرائيل 500 دبابة صار ..
اسرائيل من الناحية العسكرية ، الإقتصادية ، السياسية ، الحضور الدولي، اسرع مننا بالكثير الكثير الكثير ...

بالتالي ومنه ع هال الحالة مش رح يحين الوقت اطلاقا، لان ع كل الأصعدة اسرائيل عم تتقدم اسرع مننا ، (وبشاسع)، ولن (بتمنى طبعا بس على ما يبدو) ولن يكون في وقت مناسب نكون متقدمين احنا فيه على اسرائيل بأيتها ناحية ، اقتصادية او ساسية او عسكرية او اقليمية ......

وهذا العامل هلق بيكون هيك سقط (وهو عامل الوقت المناسب) بمعنى حجة الوقت المناسب لاغية ، من حيث لا يوجد وقت مناسب ، كل الأوقات غير مناسبة بالتالي شو مستنايين !


اخيرا وبعدما سردنا ما اسعفنا الوقت اليه من عوامل ، (مع العلم ان هناك المزيد والمزيد من العوامل التي تصب بنفس الغيط) بيفضل قول ان هذا وكله يودي لشيئ واحد و وحيد فقط ،
ضرورة التحرك السريع .. (لن اقول -او خلينا انقلو -لن اتطرق الآن لنظرتي في إسلوب التحرك الممكن يكون ، وهل سياسي غير مباشر او عسكري بحت او عسكري دولي، او عسكري ميليشيات ، او سلام مباشر ، او اي صيغة ممكن تكون .. ) لكن ما اود التأكيد عليه هو ضرورة التحرك السريع و هوي اهم ما يجب ان يكون في الفترة الحالية ...