سؤال للكل

[laraa]

هل الخجل سببو قلة الثقة بالنفس؟

الخجل بشكل عام .. يعني لما نشوف واحد او وحدة بيخجل يطلع بخيالو بكون ثقتو بحالو قليلة ولا مادخل هي بهي؟؟

شو رأيكون

[بنت طرطوس]

بشكركـ على الموضوع

بالنسبة ألي أنا بشوف أنو لأ الخجل مانو قلة ثقة بالنفس بالعكس الخجل غريزة باللأنسان

وكمان لازم يكون خجل بحدود يعني مايكون الواحد خجول مانسمعلو صوت ومايكون مافي عندو خجل ويكون وقح .

[إبريل]

الخجل من دافع الأدب لا يعني قلة الثقة بالنفس
لكن الخجل من كل شيء وفي أي موقف يجب تجاوزه
واثق الخطوة يمشي ملكا

[satoman]

كاتب النص الأصلي : بنت طرطوس

بشكركـ على الموضوع

بالنسبة ألي أنا بشوف أنو لأ الخجل مانو قلة ثقة بالنفس بالعكس الخجل غريزة باللأنسان

وكمان لازم يكون خجل بحدود يعني مايكون الواحد خجول مانسمعلو صوت ومايكون مافي عندو خجل ويكون وقح .

كاتب النص الأصلي : إبريل

الخجل من دافع الأدب لا يعني قلة الثقة بالنفس

لكن الخجل من كل شيء وفي أي موقف يجب تجاوزه
واثق الخطوة يمشي ملكا

لك اي انت وهيي
مين قال انو الخجل وقلة الثقه بالنفس مافي بيناتهم علاقه

بعدين مين قال غريزه

اي في عالم مابتعرف شو يعني خجل

[إبريل]

عندما يكون الخجل نابع من قلة ثقة بالنفس
يكون خوفا أو خجلا مرضيا

[satoman]

كاتب النص الأصلي : إبريل

خجلا مرضيا

يعني بيضل اسمو خجل

[حموده ابو حميد]

الخجل حلو يكون عند كل شخص بس زيادة الخجل موحلوه كل شي الو حدود

شكرا للموضوع

[THE_unforgiven]

هلأ في خجل إيجابي وخجل سلبي ..
الخجل الإيجابي هوي انو منسمي (الواحد بيستحي )
بس الخجل السلبي .. هوي (انو يضل مستحي شو ماعمل وكيف ماراح .. وعشغلات مابدا انو يستحي فيا .. )
مثلا .. ماشي الواحد بالشارع .. قالتلو وحدة مرحبا .. بيدير وشو وبيطنش .. لأ قال وبيحمرو خدودو .. هيدا بيسمو خجل سلبي ..
وطبعا التاني إلو علاقة بقلة الثقة بالنفس أو مشاكل نفسية ..
.
.

[توم و جيري]

الخجل خجل لاراح ولا اجا وبظن مانو قلة ثقة بالنفس .......

[أبو شريك]

احيانا بكون سبب الخجل قلة الثقة بالنفس ، بس مو دائما هاد السبب ..

احيانا افكار ومعتقدات معينه ، مثلا " خجول = مؤدب " فالواحد بصير خجول من باب الأدب ..

احيانا بكون وراثة ، مو جينيا ، بس بكون الاب والام خجولين ( بسبب الثقة او افكار ) ، فبياخد الولد منهم الخجل بالمشاهده وبصير من ضمن شخصيتو ..


<<< كلامي لا علمي ولا يعتمد عليه ، تحشيش ذاتي

[ABUSHHAB]

كاتب النص الأصلي : بنت طرطوس

بشكركـ على الموضوع

بالنسبة ألي أنا بشوف أنو لأ الخجل مانو قلة ثقة بالنفس بالعكس الخجل غريزة باللأنسان

وكمان لازم يكون خجل بحدود يعني مايكون الواحد خجول مانسمعلو صوت ومايكون مافي عندو خجل ويكون وقح .

والله هادا الحكي المظبوط

[اللامنتمي]

كاتب النص الأصلي : إبريل

عندما يكون الخجل نابع من قلة ثقة بالنفس


يكون خوفا أو خجلا مرضيا

لن أزيد / أوافقك ,.

[alhralhr]

انستي الكريمة موضوعك يستحق التعليق....اما بالنسبة للخجل برايي .....شيء حسي وشعوري نابع عن افكار اكتسبها الشخص الي بتصيبو هيك حالة ...من مجتمع .....طبعا هدا المجتمع بجوز يكون الاسرة نفسها او المدرسة او الحارة او اي وسط مديد عاش فيه فترات الطفولة .... وفي النهاي لااملك الا تشجيعك على زيادة المشاركات ما دامت بهذه الصورة المفيدة وشكرا لك مجددا

[laraa]

بشكركن كلكن على الرد

احيانا منخجل نعمل شي بس مع مرور الوقت وبعد ما نتعود على انو نعمل هالشي ببطل يكون في خجل انو نعملو وبصير عادي كتير

هالخجل شو منسميه
هو خجل ولا شو ؟؟؟