في النَّوادِر!

[قرصان الأدرياتيك]

كاتب النص الأصلي : h13free

حلوين قرصانو وهادي عجبتني اكتر شيء بتذكر كان في متسولين يتسولو بالقطار اللي نصو طلبة يعني فقراء مرة واحد زميلي اقترح على المتسول ليش ما تطلب قدام باب بنك متلا مو احسن من هون اكرم طالب ما رح يعطيك اكتر من اشح غني

والله زميلك هاد دواء لكل داء!
والنوادر غالباً ما تحصل معنا.
هدى أنتِ فعلاً هدى.
.

[personita]

كاتب النص الأصلي : قرصان الأدرياتيك

بتعرفي بيجوز معها حق!!! .
يعني طول وعرض وهلا هلا وما معك يورو! أنا بدالك كنت انتحرت .
.

مين اللي حكالك أني طول و عرض و هلا هلا!! بالكي مثلي مثلا.. (و جد، و الله ما كان معي يورو!! أنتحر يعني؟!)

[قرصان الأدرياتيك]

كاتب النص الأصلي : personita

مين اللي حكالك أني طول و عرض و هلا هلا!! بالكي مثلي مثلا.. (و جد، و الله ما كان معي يورو!! أنتحر يعني؟!)

لك لاء شو تنتحري... كم بيرسونيتا عنّا؟! كلا وحدة ومو خالصين منها .
قلتلّك أنا مو أنتِ... أعوذ بالله!
أنتِ بتنحفظي بالقلب بصم .
لإلك .

[قرصان الأدرياتيك]

في نوادرِ المؤذّنين
- قيلَ لـمُؤذّن: ما نسمعُ أذانَك، فلو رفعتَ صوتَك؛ فقال: إنّي أسمعُ صوتي من مسيرةِ ميلٍ.
- وقالَ بعضُهم: رأيتُ مُؤذّناً أَذّنَ ثمَّ عدا يُهرولُ، فقلتُ لهُ: إِلى أين؟ فقالَ: أُحبُّ أَن أَسمعَ أَذاني أينَ بلغَ.
- واختصمَ رجلانِ في جاريةٍ، فأَودعاها عندَ مُؤذّنٍ، فلمّا أصبحَ وفرغَ من الأذان قال: لا إله إلا الله، ذهبت الأمانةُ من النّاسِ؛ فقالوا لهُ: كيفَ ذهبت الأمانةُ من النّاس؟ قالَ: هذه الجاريةُ التي وُضِعتْ عندي، قيلَ إنّها بِكْرٌ، فلمّا أتيتُها وجدتُها ثَـيِّـباً.
- وسُمعَ مؤذّنُ حمصَ يقولُ في سَحور رمضان: تَسحّروا فقد أمرتُكم، وعجّلوا في أكلِكم، قبلَ أَن أُؤذّن فيُسخّمَ اللهُ وجوهَكم.
- وشوهدَ مؤذّنٌ يؤذّنُ من رقعةٍ، فقيلَ له: ما تحفظُ الأَذانَ؟ فقال: سلوا القاضي؛ فأتوه، فقالوا: السَّلامُ عليكم، فأخرجَ دفتراً وتصفّحه، وقال: وعليكم السّلام؛ فعذروا المؤذّن.
- وسمعتْ امرأةٌ مؤذِّناً يؤذِّنُ بعدَ طُلوعِ الشّمسِ ويقول: الصَّلاةُ خيرٌ من النَّوم؛ فقالتْ: النَّومُ خيرٌ من هذه الصَّلاة.
- ومرَّ سكرانٌ بمؤذّنٍ رديءِ الصّوت، فجَلَدَ بهِ الأرضَ، وجعلَ يدوسُ بطنَه؛ فاجتمعَ إليه النّاسُ، فقالَ: والله ما بي رداءةُ صوتِه، ولكن شماتةُ اليهودِ والنّصارى بالـمُسلمين.

[Black Orchid]

أطرفهم الحمصي

[sona78]

ومرَّ سكرانٌ بمؤذّنٍ رديءِ الصّوت، فجَلَدَ بهِ الأرضَ، وجعلَ يدوسُ بطنَه؛ فاجتمعَ إليه النّاسُ، فقالَ: والله ما بي رداءةُ صوتِه، ولكن شماتةُ اليهودِ والنّصارى بالـمُسلمين.

لك اخخخخخخخخخخخ قديش صحيحة هيدي

الفترة يلي سكنت فيها بالشام كان جنب بيتنا جامع
يعني لحد هلق انا مقتنعة انو المؤذن كان يطلع صوتو من فتحة انف وحدة
يعني اعوذ بكل شيء منو
كان كابوس كل يوم خمس مرات

[قرصان الأدرياتيك]

كاتب النص الأصلي : Black Orchid

أطرفهم الحمصي

طول عمرن الحماصنة طراف وظراف... من طيبهم حماصنة .

كاتب النص الأصلي : sona78

لك اخخخخخخخخخخخ قديش صحيحة هيدي
الفترة يلي سكنت فيها بالشام كان جنب بيتنا جامع
يعني لحد هلق انا مقتنعة انو المؤذن كان يطلع صوتو من فتحة انف وحدة
يعني اعوذ بكل شيء منو
كان كابوس كل يوم خمس مرات

أنا عكسك ما بتحلالي النومة إلا بعد ما أضربلي شي فتيلة سيجارة عالشرفة وأنا عم أتسمّع لأذان السّحر... وحياة الطبيعة بيبعث فيني رغبة بدعوة الخالق بصير صلي وقلو يا رب مشيلي هالصلاة مع السيجارة مو أنا ابنك؟! موووو؟! إذا مو موووو على راحتك!
عن جد بينغم بصوت طيب بس عيبو الوحيد أنّو بيسلخلي شي ستين مقام بفرد سحبة!

[I_Love_Syria]

مُتابع بشدة

[sona78]

كاتب النص الأصلي : قرصان الأدرياتيك

أنا عكسك ما بتحلالي النومة إلا بعد ما أضربلي شي فتيلة سيجارة عالشرفة وأنا عم أتسمّع لأذان السّحر... وحياة الطبيعة بيبعث فيني رغبة بدعوة الخالق بصير صلي وقلو يا رب مشيلي هالصلاة مع السيجارة مو أنا ابنك؟! موووو؟! إذا مو موووو على راحتك!
عن جد بينغم بصوت طيب بس عيبو الوحيد أنّو بيسلخلي شي ستين مقام بفرد سحبة!

ما حكينا ع الاذان بحد ذاتو .. هي شغلة تانية تماما
عم احكي عن صوت المؤذن .... صوتو هوي يلي لا يطاق

بالتاكيد في مؤذنين صوتون مقبول واحيانا بيكون فعلا حلو
بس يعني الصوت النشاز ما مرحب فيه
لا بالاذان ولا بغيرو

[قرصان الأدرياتيك]

كاتب النص الأصلي : I_Love_Syria

مُتابع بشدة

أحيّيك بشدّة وميت أهلا فيك .

كاتب النص الأصلي : sona78

ما حكينا ع الاذان بحد ذاتو .. هي شغلة تانية تماما
عم احكي عن صوت المؤذن .... صوتو هوي يلي لا يطاق
بالتاكيد في مؤذنين صوتون مقبول واحيانا بيكون فعلا حلو
بس يعني الصوت النشاز ما مرحب فيه
لا بالاذان ولا بغيرو

إي وأنا كنت أحكيلك عن صوت المؤذّن جيراني شنّو صوت المؤذّن البعيد شي بيشنّف الأذن ويشطفها خمس مرات، وخاصّة لما يضرب النشاز معو كأنو عم يعزف على ربابة أوتارا مصديّة!
وهيك صوت متل ما تفضلتِ مو أهلين فيه لا بالدين ولا بالصّين.
.

[قرصان الأدرياتيك]

في نوادر القُضاة

- كانَ لبعضِ القُضاةِ بغلةٌ، فقرأَ يوماً في المُصْحَف "وما مِن دابّةٍ في الأرضِ إلا على اللهِ رِزقُها" (هود: 6)، فقالَ لغُلامِه: أطلقِ البغلةَ ورِزقُها على اللهِ؛ فصارتِ البغلةُ تدورُ الأسواقَ والأزِقّة، وتأكلُ من قُشورِ الباذنجانِ وقُشورِ الرمّانِ وقُشورِ البطّيخ، وقُماماتِ الطَّريقِ، فماتت؛ فأمرَ الغلامَ بإحضارِ المشاعليّة ليحملوها لظاهرِ المدينة، فأحضرَهم، فطلبوا من القاضي عشرةَ دراهمَ أُجرةَ حَمْلِها، وقالوا: ليسَ لنا شيءٌ نرتزقُ منه إلا من مثل هذا، وسيِّدُنا رجلٌ غنيٌّ، وله أشياءُ كثيرةٌ؛ العدالةُ والتَّزويجُ والعُقودُ والوِراقةُ والسِّجنُ، والإطلاقُ، وجامِكيَّةُ الحُكمِ، وأُجرةُ اليمين، والتَّدريسُ، والأوقافُ؛ فقالَ لهم القاضي: ألمِثلي يُقالُ هذا، وأنتم لكم اثنا عشر باباً من المنافعِ، منها: الوَسَخُ، والزَّفرُ، والهَلَعُ، والوَلَعُ، وبيتُ النّبذة، وشركةُ النّفوس، وجِباية الأسواق، وحَرْقُ النارِ، وسَلبُ الشطّارِ، ولكم الضّياحُ، وثمنُ الإصلاح، وما تروحوا من هذه البَغلة بلا شيءٍ؛ جِلدُها للدبّاغين، وذَنَبُها للغرابليّة، ومعرفتُها للشّعّار، وتطبيقتُها للبيطارِ. قال: فتقدّم أحدُهم إليهِ، وقالَ: بحقِّ من تابَ عليكَ، وردَّ عاقبتَك إلى خيرٍ، وأراحَك من هذا المعاشِ، تصدّق علينا بشيءٍ، ولا تدعَنا نروحُ بَلاش.

- وولّى يحيى بن أَكثم قاضياً على أهلِ جَبُّل، فبلغه أنَّ الرّشيدَ انحدرَ إلى البَصرة، فقالَ لأهلِ جَبُّل: إذا اجتازَ الرّشيدُ فاذكروني عندَه بخيرٍ؛ فوعدوه بذلك. فلمّا جاءَ الرّشيدُ تقاعدوا عنه، فسرّحَ القاضي لحيتَه، وكبّرَ عِمامتَه، وخرجَ، فرأى الرّشيدَ في الحُرّاقة ومعه أبو يوسف القاضي، فقالَ: يا أميرَ المؤمنين، نِعْمَ القاضي قاضي جَبُّل، عَدَلَ فينا، وفعلَ كذا وكذا؛ وجعلَ يُثني على نفسِه؛ فلمّا رآهُ أبو يوسف عرفَه، فضحكَ، فقالَ له الرّشيدُ: ممَّ تضحك؟ فقالَ: يا أميرَ المؤمنين، المُثني على القاضي هو القاضي؛ فضحكَ الرّشيدُ حتّى فحصَ برِجلِه الأرضَ، ثمَّ أمرَ بعَزلِه، فعُزِل.

- وأحضرَ رجلٌ ولدَه إلى القاضي، فقالَ: يا مولانا، إنَّ ولدي هذا يشربُ الخمرَ، ولا يُصلّي، فأنكرَ ولدُه ذلكَ، فقالَ أبوه: يا سيِّدي، أفتكونُ صلاةٌ بغيرِ قراءة؟ فقالَ الولدُ: إنّي أقرأُ القرآنَ؛ فقالَ له القاضي: اقرأ حتّى أسمع؛ فقالَ:
عَلِقَ القلبُ الرّبابا ..... بعدما شابتْ وشابا
إنَّ ديـنَ اللهِ حقٌّ ..... لا أرى فيه ارتيابا
فقالَ أبوه: إنّه لم يتعلّم هذا إلا البارحة؛ سَرَقَ مُصحفَ الجيران، وحفظَ هذا منه؛ فقالَ القاضي: وأنا الآخر أحفظُ آيةً منها، وهي:
فارحمْني مُضنىً كَئيبا ..... قد رأى الهجرَ عذابا
ثمَّ قالَ القاضي: قاتلكم اللهُ، يتعلّمُ أحدُكم القرآنَ ولا يعملُ بهِ.

يتبع (بس مو هلا) .

[ritka]

كاتب النص الأصلي : قرصان الأدرياتيك

- وسمعتْ امرأةٌ مؤذِّناً يؤذِّنُ بعدَ طُلوعِ الشّمسِ ويقول: الصَّلاةُ خيرٌ من النَّوم؛ فقالتْ: النَّومُ خيرٌ من هذه الصَّلاة.

ع سيرة الصلاة خير من النوم
ايام ما كنت ساكنة بالسعودية.. كان في مسجد كتير قريب من عنا
كان احيانا المؤذن يكلف واحد هندي بانو ييأذن بدالو
مرة كنت سهرانة بالبيت و ما عم يجيني نوم.. ادن الفجر انا و سهرانة
لما وصل الصلاة خير من النوم.. الظاهر انو نسي شو كان لازم يحكي لانو سكت شوي
بعدين شو قال يا حزرك؟
قال صلاة في كويس نوم ما في كويس

و خود ع ضحك لهلا كل ما اتزكرو بقعد بضحك
بالمناسبة.. بعد هالحادثة ما عاد ادن ولا مرة... يا خسارة

[sona78]

للصراحة

الاولى ما فمتها
انو شو صار يعني ؟؟؟

اذا مو هلق .. ايمتى ؟؟ لانو الكلمة مطاطة اتوسة .... والاتوسة هي بعض من نتفه

[قرصان الأدرياتيك]

كاتب النص الأصلي : ritka

ع سيرة الصلاة خير من النوم
ايام ما كنت ساكنة بالسعودية.. كان في مسجد كتير قريب من عنا
كان احيانا المؤذن يكلف واحد هندي بانو ييأذن بدالو
مرة كنت سهرانة بالبيت و ما عم يجيني نوم.. ادن الفجر انا و سهرانة
لما وصل الصلاة خير من النوم.. الظاهر انو نسي شو كان لازم يحكي لانو سكت شوي
بعدين شو قال يا حزرك؟
قال صلاة في كويس نوم ما في كويس
و خود ع ضحك لهلا كل ما اتزكرو بقعد بضحك
بالمناسبة.. بعد هالحادثة ما عاد ادن ولا مرة... يا خسارة

بتصير نكتة فعلاً... ذكرتيني بخادم باكستاني عم يشتغل ببيت مصري، فكل ضيف بيجي، صاحب البيت بيقلو "نورت البيت"... يوم مالأيام إجاهن ضيف وما في حدا غير الخادم الباكستاني فلما فتح الباب حاول يتذكر الكلمة فقلو "لمبة كبيرة" .

كاتب النص الأصلي : sona78

للصراحة
الاولى ما فمتها
انو شو صار يعني ؟؟؟
اذا مو هلق .. ايمتى ؟؟ لانو الكلمة مطاطة اتوسة .... والاتوسة هي بعض من نتفه

يعني القاضي غلبن قاموا طلبوا منو الفلوس عَ شكل صدقة! وأكيد الزلمة عطاهن شي، وإذا ما عطاهن أنا بعطين لعيونك...
فأمّا عن المطاطة الأتّوسة فلأفضى أنقلي كام وحدة من الكتاب شنو حاسس التراكمات متل السوس عم تنخر براسي .

[sona78]

بتنقيهون؟؟؟؟؟؟؟؟؟

وانا يلي فكرتك حافظ كلشي بتكتبو

نقي اخي نقي ..... ناطرين تنقايتك الحلوة

[محمد ابراهيم]

بدي سجل اعجابي بفكرة هالموضوع ، واسمح لي اوجه تحية الك على مجهودك

كاتب النص الأصلي : قرصان الأدرياتيك

بتصير نكتة فعلاً... ذكرتيني بخادم باكستاني عم يشتغل ببيت مصري، فكل ضيف بيجي، صاحب البيت بيقلو "نورت البيت"... يوم مالأيام إجاهن ضيف وما في حدا غير الخادم الباكستاني فلما فتح الباب حاول يتذكر الكلمة فقلو "لمبة كبيرة" .

الي طلب عندك
لا ترحب فيني هون وتقلي لمبة كبيرة

[sona78]

كاتب النص الأصلي : محمد ابراهيم

بدي سجل اعجابي بفكرة هالموضوع ، واسمح لي اوجه تحية الك على مجهودك


الي طلب عندك
لا ترحب فيني هون وتقلي لمبة كبيرة

اممممممممممممممممم
طيب...

شو رايك

لمبة منورة!!!!!!!!!!!!!!!
هي جمعنا الاتين

[وردة جوريه حمرة]

كل الشكر لك