حسام ملحم يتصدر صوت المعركة

[yass]

يا سيدي شو دخل سوريا الحرة تبع خدام بهالموضوع؟
هم تسلبطو عليه ووزعوه ممكن، بس أنت شوف اللي عاملو حاطط اسمو الصريح وهي ثلاثة اسماء معروفة على الأقل خالد حقي وعلي الحاج حسين لا يطيقهم رفعت ولا خدام وعلى حد معلوماتي بيشتغلو موظفين بالأمم المتحدة أو بمنظمة دولية تابعة أو هيك شيء. وعرفت من زميل للشباب أنه بحهود هذين الشخصين اللي عملو الكليب وبحكم عملهم في المنظمة الدولية تم التعريف بقضية الشباب بكل العالم الحر.
مشان هيك أرجوك تصحح معلومات.
بس السلبطة تبع خدام يمكن عملت لخبطة للموضوع.
وشكرا

مثل ما قلت من شوي, هالكليب أنعرض على مستوى واسع عن طريق سورية الحرّة. هذا هو المهم. و بالنسبة للأشخاص اللي عملوه بصراحة أنا ما بعرفهم و لا بعرف مجال عملهم. بس بدك تسمحلي بتصحيح طفيف. أول منظمة تحدثت عن اعتقال الشباب كانت منظمة العفو الدوليّة و بجهود عضوين بهالمنتدى. و هالشيء متأكد منو لأنو , و لا فخر, عايشت منيح هالأيام العصيبة. ما بنكر جهود الشخصين المذكورين لأنو بصراحة ما بعرفهون لكن التعريف الدولي بقضية الشباب الأسرى تم عن طريق عضوين بأخوية. على كل هالكلام مو مهم الآن. المهم هو أنو زملاءنا معتقلين لأسباب تتعلق بالرأي و هو اعتقال ظالم . و واجبنا هو محاولة فعل كل ما هو هادف للمشاركة بشكل بنّاء للتخفيف من معاناتهم و اطلاق سراحهم, أو على الأقل منع استغلال نضالهم من قبل الضباع...

[صياد الطيور]

كاتب النص الأصلي : sezar

ليس هذا حسام .. و ليس هذا طارق ..
ما كان حسام ملحم ليكتب مثل هكذا عبارات .. و ليست هذه مصطلحاته .. " لن يقبل أن يتبناها " .. فكفاكم تفاخرا و أنتم بالخارج .. من أراد أن يقدم التضحية و يضغط الزر للعد العكسي فلينزل الى الميدان كما فعل سابقوه .. أما هذه المصطلحات فلن تؤذي إلا المعتقلين

يسعدلي المعارضة المنطقية ما أروع الحوار معها

[صياد الطيور]

كاتب النص الأصلي : yass

هذا و الحقيقة موضوع جدا حسّاس بالنسبة ألي صراحة. كل المعتقلين أصدقائي و خصوصا حسام. و بصراحة مشاركتي بالمنتدى قليلة مشان ما أحكي عن الموضوع لأنو مو سر أنو المنتدى مخترق أمنيا و الحديث عن هذا الموضوع لا يجلب لهم الا المتاعب في أسرهم.

طبعا لا أعني نسيانهم و انما العكس تماما. واجب علينا تذكرهم و تذكر معاناتهم و العمل على مساعدتهم و كل هذه الأمور. لكن أحيانا و بحسن نيّة يتم استغلالنا من قبل بعض الانتهازيين كخدام و جماعتهم, حيث أن صور زملائنا المعتقلين تصدرت صفحة انترنت عبد الجليم خدام و جماعة جبهة الخلاص لفترة زمنية طويلة. أي أنهم استغلوا صورة شبابنا و كأنهم من أزلامهم. وهذا الفيديو (رغم عدم شكي مطلقا بحسن نية الزميل الذي علقه) هو جزء من هذا الاستغلال لصورة حسام ملحم, صديقنا و زميلنا. و هذا يضر به و بقضيته كما ينافي الفكر الذي ناضل و سجن من أجله.

حسام ملحم و باقي الزملاء سجنوا بسبب محاولة لم الحراك الشبابي من الداخل و دون أي اتصال بالخارج و حثالة خدام, بل و العكس تماما. و أي استغلال لقضيتهم من قبل هؤلاء انما هو تلويث لقضية شبابنا و علينا محاربتها.

لا أعلم ان كنت قد أوصلت الفكرة بالشكل المطلوب...

كلامك سليم 100%

[ASH]

لح احكي كلمتين الله يفك اسرهم بس

و التحفظ علرد لانو فاوست الحمد لله بلش يغني موالو يلي انا بغنى عن وجعة هل راس منو

[صياد الطيور]

اذا بتزكروا .. اميركا بتستغل اي وضع داخلي سوري ممكن يأثر عليها ويساعد بزيادة الضغوط عليها

من أحداث أكراد القامشلي
لحوادث اللاذقية
و هي الشباب المعتقلين ..

و في كتير

كل ما إثارته بمصلحة امريكا و اسرائيل هو أمر مقبول و هدف للمذكورين ... و حلفائهم ..
و على النقيض حين تنتهي المصلحة الأمريكية من هذه الأمور .. فإن الحكومة الأمريكية تساند الحكومة السورية في مواقف كهذه .. هذه هي السياسة الأمريكية على مر التاريخ ... أستغلال الظروف

[يعسوب الشامي]

المهم اننا مازلنا نعتقد أن الشباب مظلومين بغض النظر من يحاول الصيد بالمي العكرة ويحسبهم على حالو
وهادا اللي لازم نوضحو للناس، أنو هالشباب ما لهم علاقة بحدا على حد معلوماتي، يعني لا بأحزاب ولا بمنظمات خارجية، مشان هيك حقهم علىا اللي لسا عايشين برا السجن يوضحو فكرتهم.

[yass]

كاتب النص الأصلي : يعسوب الشامي

المهم اننا مازلنا نعتقد أن الشباب مظلومين بغض النظر من يحاول الصيد بالمي العكرة ويحسبهم على حالو
وهادا اللي لازم نوضحو للناس، أنو هالشباب ما لهم علاقة بحدا على حد معلوماتي، يعني لا بأحزاب ولا بمنظمات خارجية، مشان هيك حقهم علىا اللي لسا عايشين برا السجن يوضحو فكرتهم.

[phoenixbird]

لاول مرة ينحكى بنقاش منطقي وواضح وما فيه تجريح بحدا
تحياتي للجميع وبتمنى نبقى هيك

على فكرة الكليب ما تحمل معي وما قدرت شوفه

[يعسوب الشامي]

يمكنك مشاهدته في موقع الكليبات

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[brave heart2]

كاتب النص الأصلي : yass

مثل ما قلت من شوي, هالكليب أنعرض على مستوى واسع عن طريق سورية الحرّة. هذا هو المهم. و بالنسبة للأشخاص اللي عملوه بصراحة أنا ما بعرفهم و لا بعرف مجال عملهم. بس بدك تسمحلي بتصحيح طفيف. أول منظمة تحدثت عن اعتقال الشباب كانت منظمة العفو الدوليّة و بجهود عضوين بهالمنتدى. و هالشيء متأكد منو لأنو , و لا فخر, عايشت منيح هالأيام العصيبة. ما بنكر جهود الشخصين المذكورين لأنو بصراحة ما بعرفهون لكن التعريف الدولي بقضية الشباب الأسرى تم عن طريق عضوين بأخوية. على كل هالكلام مو مهم الآن. المهم هو أنو زملاءنا معتقلين لأسباب تتعلق بالرأي و هو اعتقال ظالم . و واجبنا هو محاولة فعل كل ما هو هادف للمشاركة بشكل بنّاء للتخفيف من معاناتهم و اطلاق سراحهم, أو على الأقل منع استغلال نضالهم من قبل الضباع...

كلام سليم مليون بالمية واكلو نصيبهم هدول العضويين وأحدهم رجع يفوت على اخوية

وعم يشارك

[Barleb]

فيديو سخيف لـ أبعد حدود .. و اللي عم يتاجر بـ تاريخ الشباب .. حقو دعوسة .. و لك تفي على هيك عالم ..

[صياد الطيور]

كاتب النص الأصلي : Barleb

فيديو سخيف لـ أبعد حدود .. و اللي عم يتاجر بـ تاريخ الشباب .. حقو دعوسة .. و لك تفي على هيك عالم ..

و الي مألفو و الأصوات الي فيه على أتفه
حتى فكرة ما فيه

[samsoum]

كاتب النص الأصلي : صياد الطيور

و الي مألفو و الأصوات الي فيه على أتفه
حتى فكرة ما فيه

لاحظتو كمان انو البنت اللي عم تحكي.. واضح في بعض الاماكن انو اما هي مو عربية الاصل.. او انها عربية بس مولودة في الخارج(مو الخارج بالمعنى اللي عند بعض اللهجات هه لأنو الو معنى مختلف تماما..عرفت شو قصدي؟؟؟) لأ.. قصدي بشي دولة أجنبية.. لأنو في بعض الكلمات واضح من خلال نطقها انها مو عربية قح.... يمكن كون غلطان ، بس هيك حسيت