أمواج مشرفنا العظيم ياس

[رجل من ورق]

مبروك حجي مبارح احلى خبرية سمعتا وكتير فرحتني ومبروك لعقبة كمان

[ooopss]

9%
المركز التالت

[sona78]

كاتب النص الأصلي : ooopss

9%
المركز التالت

شو يعني ؟؟
انو خلصت المسابقة وهي النتيجة النهائية ؟؟؟

ما عجبتني

[jano.]

Yass For President

خبر مفرح جداً...
مبروك ياس.. تستاهل الي وصلتلو بجدارة..
انشالله من نجاح لنجاح على طول.

بس في شغلة!
كأنّو وصف مدوّنتك الي عم يطلعلي بالألماني مانو وافي او ما بيعبّر عن مضمون المدونة! مكتوب ((سوري مقيم في اسبانية، يكتب عن الكثير من القضايا من بينها تاريخ اليساريين الاسبان والأدب))
وانا بعرف مدوّنتك بتهتم -بالإضافة للأدب- بالأسرى والحقوق وبقيّة الشؤون السوريّة..
حتّى اسم المدونة ما زابط بالالماني : أمواج اسبانية في الشام!

[maged-syrian]

مبروك وهاي أنا صوتت وآسف على التأخير ..

[BL@CK]

هاي

و صوتي

و فرحة ما بتنوصف لأعز من أخ ..

و فقط

[yass]

شكرا كتير كتير لكل الداعمين.. الله يخليلنا ياكون


سونا التصويت لسى بدو كمان شهر ليخلص, يعني النتيجة مش نهائية

أورهوي, عزيزي وصف المدونة بالألماني هنن مركزين على شي يبدو بمدونتي, و الحقوق و أسرى الضمير, ككم مواضيع لوقت ما قدّمت مدونتي, ما كان هالعدد الكبير

بالنسبة للعنوان, معك حق كاتبينو بالألماني خطأ... بلكي يصلحوه


تحياتي

[jano.]

كاتب النص الأصلي : yass

أورهوي, عزيزي وصف المدونة بالألماني هنن مركزين على شي يبدو بمدونتي, و الحقوق و أسرى الضمير, ككم مواضيع لوقت ما قدّمت مدونتي, ما كان هالعدد الكبير

بالنسبة للعنوان, معك حق كاتبينو بالألماني خطأ... بلكي يصلحوه

مافيك تبعتلن رسالة وتقلّن يغيروا الوصف (بعتلن وصف بالانكليزي أحسن)؟ لأنو بعد في مجال للتصويت لـ 24 نوفمبر والوصف بيلعب دور منيح. ممكن كتار من غير العرب بيحبّوا يشجعوا المدونين العرب، لازم يقدروا ياخدوا فكرة عن المدونة...

[فسحة أمل]

حتى لو وصلت متأخر على التصويت بس المهم أني وصلت

أحلى ياس

[MadMax]

و ما زال التصويت مستمراً

[..AHMAD]

انو ما اجيت لهلئ عالموضوع ما بيعني اني مو داعمك مو

روح ياس .... ولا تورجيني خلقتك الا ل 24 الشهر .. وبايدك طاسة الرعبة ( من هول الفرحة بالمركز الأول )

وتأكد تماماً حتى لو جبت المركز الأخير ... انا بالزات مافي مدونة بتاخد المركز الأول عندي غير مدونتك

وعمصوتلك يومياً بعدة اصوات

وروح ربي يوفقك ..

[Marooshe]

وانا كمان...
مبروك ياس... وعقبال ما يتزحلقو هدوك لتنين القاعدين قدام

[MadMax]

كاتب النص الأصلي : marwa hanna

وعقبال ما يتزحلقو هدوك لتنين القاعدين قدام

اي اي ..
انشالله منطحبشهون

[قرصان الأدرياتيك]

اليومَ بعثتُ إلى جميع عناويني الإلكترونيّة من أجلِ التصويت... وأرجو استجابتهم!
.

[وائل 76]

تم التسويط


ياسين بيك متى بيوصلوا الـ 7432907988760 جنية إسترليني نصيبي من الصفقة

[ooopss]

لا زال التصويت مستمرا :d

[marioma alghzayala]

لك لكن لكن شو ..

[osamaromoh]

مرحبا..
لقد أرسل لي صديق رابط هذا الموضوع، وقد اشتركت في المنتدى لأتمنى لـ ياس الفوز كما أتمناه لنفسي.

يبدو أن نسبة التصويت لم تتغير منذ فترة، وهي ثابتة، الأمر الذي يُثير بعضا من الاستغراب.

بالتوفيق للجميع، ومجرد وجودك يا أخي ياس في قائمة أفضل 11 مدونة عربية في العالم، هو أمر تفخر وأفخر به.

تقبّل تحياتي.

أسامة الرمح