لماذا لم يخلق الله المرأة بـِ حِجابها؟

[Sarita]

هاد الكلام سليم .. وأنا الفكرة يللي بحب وصلها هون انو في رجال ما فيها تكبت دائما ..فنحنا اذا قطعنا عليه الطريق بحشمة المرأة عن طريق الحجاب بتصور رح بيكون الوضع أفضل فيما لو بقي "متحفز" لسبب يتعلق ربما بملابس
مثيرة تلبسها مرأة

وهو كزلك ومشان وضح فكرتي اكتر رح اقتبسي جملة من ردي الاولاني

هوي وشهوتو وازا فيو يكبتها يمّا لاء

[Abu ToNi]

ثبت في السنة من حديث عبد الله بن مسعود رضي الله عنه عن النبي صلى الله عليه وسلم قال : " المرأة عورة فإذا خرجت استشرفها الشيطان..."رواه الترمذي(117) وابن خزيمة(1685) وابن حبان (5598،5599) وغيرهم

مستعد تسمع رأي ولا ... بلاها ... افهمها لحالك

[biomen]

[quote=gabriel;1068182]فكرة

الاثارة = الشعر

لسّا ما فهمت القصد

صراحة ما داخلة براسي
يعني انا والدتي يوميا بتطلع بشعرها قدامي ما بعتقد اني استثرت مرة بحياتي ....
اصدقائي بالجامعة " ذكور واناث " بطلوا بشعراتهم قدامي ما استثرت ولا مرة منهم ولا من شعرهم او من ضفر رجلهم او من اصابيع ايديهم ...

لك على السيرة ... شو الرجال ليش ما بيتحجب ؟! شو شعره مصنوع من خيزران مثلا ؟! ولا هوي شعره بينزول وكالة مخلّص منه ومسحوب صفة " الاثارة "

لمّا حكينا ان المراة الها مفاتن غير الشعر يعني جسدها بالكامل... و الحجاب لا يتعلق بتغطية الراس فقط بل تغطية الجسد بالكامل و الاحتشام في اللبس...ما فيني احكي اكتر منهيك

المهم خلينا بالموضوع

الموضوع مش الحجاب الموضوع هو تركيز الاهتمام على مواضيع على حسال مواضيع اخرى اهم و احسن صورة النقاش اللي صاير بالموضوع هاد

مع في اعضاء طالبوا بالتأمل وطالبوا بالتعمق بمعنى الحجاب وتفاصيله وغايته السامية
وصدقا
قدمت من حياتي القصيرة المدى .. مدة نص ساعة كاملة .... ومتواصلة
حتى افهم " ايدولوجية " الحجاب ... للأسف ما فهمت وما قدرت اوصل لنتيجة ...
فيا ريت احدى المحجبات " او المنقبات مش مهم " تساعدني بفهم الهدف السامي من الحجاب .

اذا بدّك حدا يشرحلك شو هو مغزى الحجاب فلازم اول شئ تحترمو و تحترم معتقدو مش تتمسخر عليه
انا لاحظت في كتير ردود المغزى منها المسخرة مش اكتر...ما بقا حدا يحترم حدا...و القصد مش عليك

في كتير ردود " لذيذة " بس للاسف ما كنت بالأخوية بهال كام يوم وما بحب نكوش بالصفحات اللي فاتت .. على مبدا ... فاتت ماتت .
بس الردين هدول ما عبينبلعوا معي ..

و انا معك في هذه النقطة

[Abu ToNi]

لسّا ما فهمت القصد

انا بعترف اني ما فهمت القصد وبعتقد حطيت هاد الاعتراف بشكل واضح وصريح
وبعدني مستنظر مين يرشدني على المعاني السامية

لمّا حكينا ان المراة الها مفاتن غير الشعر يعني جسدها بالكامل... و الحجاب لا يتعلق بتغطية الراس فقط بل تغطية الجسد بالكامل و الاحتشام في اللبس...ما فيني احكي اكتر منهيك

ما زبطت هي كمان
يعني عندك خيار من 2
اما محجبة او فلتانة ؟؟!
طب مافي شي اسمه " حشمة " بدون الحجاب ؟! مافيها المراة تكون محترمة ومصان شرفها ومحتشمة بلباسها بدون الحجاب ؟!
اذا كان جوابك " نعم يمكن ان تكون المرأة محتشمة بدون الحجاب "
فبرجع بسألك : طب شو الفائدة اذا هيك ؟!؟!
واذا جوابك " لا يمكن ان تكون المرأة محتشمة من دون الحجاب "
فخبريني حتى تعرفي شو بدي قول لك ...

اذا بدّك حدا يشرحلك شو هو مغزى الحجاب فلازم اول شئ تحترمو و تحترم معتقدو مش تتمسخر عليه
انا لاحظت في كتير ردود المغزى منها المسخرة مش اكتر...ما بقا حدا يحترم حدا...و القصد مش عليك

بعدني عبنتظر المعاني السامية ...
ما بعتقد لازم تفرق معك طريقة " تعبيري " او " لون شعري " او " توقيعي "
سؤال ورد غطاه
شو هوي المعاني السامية ...
بعدني عبنتظر الرد

و انا معك في هذه النقطة

بس انا ماني معك بنقطة طف النقطة اللي ذاكرها بعدها ...

ما سمعت شو تعليقك عن باقي الحكي فيا ريت ما تنقصي شي من الرد ( اذا حابة تردي طبعا لأن ما حدا جابرك بالأصل )

[ابو عمير السوري]

اذا حدى عنده صورة المشاركين بمؤتمر يلي أطلقت فيه مايكروسوفت أوفيس 2007 من سنتين بأسبانيا سيجد فتاة مميزة بين ها المؤتمريين تلبس حجاب الوحيدة التي تلبس حجاب تللك الفتاة شقيقتي مثلت احدى الجامعات السعودية في ذلك المؤتمر وهي متميزة بتدريس الشبكات وزوجها الماني مسلم
انا عندي كلام كتير لأن عائلتي لها مساهمات تقنية كبيرة في سورية
لاحدى يتفقس علينا بقى نحن نعلم الأخريين التحضر

[اللامنتمي]

كاتب النص الأصلي : ابو عمير السوري

اذا حدى عنده صورة المشاركين بمؤتمر يلي أطلقت فيه مايكروسوفت أوفيس 2007 من سنتين بأسبانيا سيجد فتاة مميزة بين ها المؤتمريين تلبس حجاب الوحيدة التي تلبس حجاب تللك الفتاة شقيقتي مثلت احدى الجامعات السعودية في ذلك المؤتمر وهي متميزة بتدريس الشبكات وزوجها الماني مسلم
انا عندي كلام كتير لأن عائلتي لها مساهمات تقنية كبيرة في سورية
لاحدى يتفقس علينا بقى نحن نعلم الأخريين التحضر

يا أخي نحنُ لا نشتمُ أحداً وَ لا نفرضُ أفكارنا على أحد

الحجاب واقع هذ في العالم وَ المَرأة مُخيرة في هذا العالم المُتحضر " إذا صَحَ التعبير "

لكن ألا ترى أنَ هُناكَ بلدان تـُنهب وَ قوميات تـُدفن

وَ نحنُ كَما نـَحنْ !

[اللامنتمي]

كاتب النص الأصلي : المتشائل

يعني الان انحلت القضية بالحجاب او غير الحجاب ...

اولا لنرجع للحجاب ... ايام محمد ... الحجاب كان لسبب بسيط جدا ... سبب طبقي بحت ... يعني كالتالي ... للتفريق ما بين الاماء والحرائر ... اتى الحجاب ... فكانت الحرة تتحجب ... وكانت الاماء ممنوعات من الحجاب ...

إنها طبقية الأديان يا أعزائي ....

لا يوجد أفكار خالدة

كُل الأفكار إلى تطور وَ زوال وَ بـِ التالي نشوء أفكار أخرى على أنقاض الفكرة الزائلة

الحِجاب فكرة تطورت ثم تطورت حتى باتت المَرأة سَوداء مِنْ رأسها حتى أخمص ِ قدميها

ماذا بَعد !

[اللامنتمي]

كاتب النص الأصلي : الفيلسوفة

هو سؤال غريب شوي..عم اتخيل لو كلنا كنا محجبات ..

بس انو ببساطة لأنو خلقها حرة مخيرة..

و الfact انو خلقها من دون حجاب اكبر دليل على هالشي..

أتساءل هل هيَ مُخيرة بالفعل !

هل أنتِ مُخيرة بـِ كُل شيء

ألا يوجد ذلك الضابط الخفي في أعماقك

الذي يردعكِ مِنْ الأشياء التي تربيتِ على أنها خطيئة

لماذا نستلذ بـِ ممارسة الخطيئة مع أنها خطيئة عُرفاً

ثمّة خطاً ٌ ما في مُجتمعنا لا أدري ما هو فما هو ؟

[اللامنتمي]

كاتب النص الأصلي : wild_angel

هاد الشي نسبي ...
لو طلعت المأة على الشط بمايوه ببلد متل سوريا الكل بيطلع عليها بشكل عاري لنو هاد الامر طبيعي عنا وانا ما بشوف انو كل الشباب الهونيك صاروا مستثارين جنسيا ...

لكن تعا عليها تعمل هل الموضوع عنا هون بالخليج بتلاقي العالم تركت كل شي ولحقوا لأنو هاد الشي هون مو متعودين عليه ...

غطاء المرأة ما بيحافظ عليها متل ما عم تقول لأنو هلأ صار شغل الرجال الشاغل يعرفوا شو مخبى جوا ولمعلوماتك اكتر جرائم الاغتصاب والدعارة هو بالسعودية بسبب هل الكبت الزايد والنسوان هي الي عم تروح وتعرض حالها ....

انا ما بشوف صراحة انو الرجل الي متعود يشوف نسوان لابسة مظلط مثلا بيستثار جنسيا كل ما بيشوفهم لأنو صار هاد المنظر عندوا طبيعي

الكثير من البشَـر يخافونَ مِن النطق بأدنى حقوقهم الإنسانية لأنهم يشـعرون بالضعف أمامَ مُجتمعاتهم

وَ من هذا الضعف تنطلق أعرافهم وَ أخلاقهم تجاهَ بعضهم بـِ شَـكل ٍ مُشـفق

وَ كأنهم لا يسـتطيعونَ ممارسة حرياتهم وَ قناعاتهم الخفية دونَ ضعفٍ وَ خوف

سَـعيد لوجودك ,.

[بيلساان]

يعني هلئ انا مش فاهمة ع شو النقاش !!!


النقاش بضرورة او فرض الحجاب او عدم اهتمام العرب يقضاياهم المصيرية ؟!!!


هلئ بالنسبة لموضوع الحجاب فكما هو معروف انو الحجاب فرض على المسلمين و هذا شيئ مفروغ منه و اسباب فرض الحجاب على المراة لحكمة وضعها المُشرع و هو الله تعالى الذي هو ادرى بمصلحتنا و ما هو خير لنا و بالنسبة للمسلمين هذه الامور مسلم فيها ولا مجال فيها للنقاش ,, اما بالنسبة لماذا لم يخلق الله تعالى المراة بحجابها فهذا و كما قال البعض فالله تعالى خلق للانسان العقل ليفكر فيه .


اما بالنسبة لتفلسف البعض بشان الحجاب و ما اسباب فرضه فهم يعلمون علم اليقين ما ضرورته و خصوصا للمراة ولكن التعصب الاعمى لفلسفتهم او لفكرتهم التي يحملونها يحعلهم غير قادرين على التنازل لغيرهم والاعتراف بالراي الاصح ,, و العلم الحديث حاليا في صور اكتشاف اهمية الحجاب للمراة .


اما بالنسبة انو ليش ما بنهتم بامور السياسة وغيرها فـ السبب كتير واضح لانو بالوقت الحاضر المواطن العربي بطل عندو اية توجهات واهتمامات بالقضايا المصيرية التي تهم الامة يعني شو بتستنى من امة لاحقتللي الغرب ع الدعسة يعني بالمختصر ما في اهتمامات الا بالتفاهات ,,


بعدين بخصوص انو احنا بنهتم بالحجاب و بنترك الامور التانية فانا بقلك هي الجلبة اللي تقام حاليا حول موضوع الحجاب ما هي الا دعوات اجنبية ليشوشو بها عقولنا العربية او الاسلامية ان صح التعبير ,, و ليشغلونا بها عن الامور الثانية .



سلاام ..

[اللامنتمي]

كاتب النص الأصلي : شب الكوبة

هلأ نحنا صرنا بسوريا متعودين ع منظر النسوان بالمايوه .... عن جد ما بعرف شو بدي جاوبك؟؟
و أنا ما بنكر انو في جرائم اغتصاب او دعارة بالسعودية نتيجة الكبت "الزايد"بس ما فيي احكم انو بتحتل النسبة الاعلى بالعالم ع الأقل ما في احصائيات موثوقة او ممكن البناء عليها ... في حين في 23%من النسوان بأميركا اغتصبن بشكل كامل مرة واحدة ع الأقل ...
كمان شو عرفك انتي متلا انو الرجل المتعود ع منظر النساء "المظلطات" ما بينثار جنسيا اذا شافهم ... طبعا مو كل الرجال متل بعض متل ما سبق و ذكرت

إنَ كانَ الإنسان مريضاً إلى درجة الإنحراف قد لا تؤثر بهِ الحضارة

الحرية صفة إنسانية وَ لا تتحضر إلا بـِ المُُمارسة

الحرية تربية ,.

[اللامنتمي]

كاتب النص الأصلي : بيلساان

يعني هلئ انا مش فاهمة ع شو النقاش !!!


النقاش بضرورة او فرض الحجاب او عدم اهتمام العرب يقضاياهم المصيرية ؟!!!

يبدو لي أنَ أخواني العَرب ربطوا مصائرهم بـِ الحجاب

وَ نسوا حاضرهم الغارق بالذل وَ التخلف الإنساني ,.

[بيلساان]

بس الحجاب برايي من مظاهر الحضارة التي تمثل العرب او المسلمين ,, و خير دليل على ذلك بعض المسلمات المحجبات بالدول الغربية فهم يمثلون ارقى انواع الحضارة .. ::برايي ::

معك انو احنا لسة فينا تخلف وذل بس التخلف لازم ننسبوا لانفسنا و ما ننسبوا للدين الذي يمثل شريحة من الناس لان الدين هو كامل الحضارة لكن الناس الذين لا يلتزموا بهذا الدين وبهذا ضاعت منهم الحضارة

بس بظن انو العرب ما ربطوا مصيرهم بالحجاب .. ما بعرف !! اعربلي اياها ؟!!


و لا شو رايك ؟؟!!

[biomen]

هلاّ gabriel اكيد المغزى من الموضوع مش الحجاب لانو اذا استرسلنا في مناقشة الحجاب بنكون خرجنا عن مسار الموضوع اللي طرحو اخي اللامنتمي...لانو اغلب الردود كانت يا امّا ضد الحجاب يا امّا مع و مع هيك رح اشرحلك فكرة الحجاب...يعني رح اشرحلك فكرتي انا...و اكيد رح تلاقي فيها ثغرات ممكن ما رح تفهمها لانها بتتعلق بالايمان ...و اذا بدنا ناقش فكرة الايمان رح تلاقي حالك تحكيلي في موضوع من هو الله المطروح من طرف عضو تاني...

المهم gaberiel انا فكرتي عن الحجاب هي:

اوّل شئ انا انسانة مؤمنة يعني مؤمنة بما و رد في الكتب السماوية و بما انو الحجاب ذكر في القرآن اللي هو احد هذه الكتب فبآمن بفكرة الحجاب....يعني الفكرة هنا هي فكرة الايمان

تاني شئ ان الانسان حرّ في اختيار ما يريد في الحياة يعني ما في حدا ممكن يفرض عليه رايو في الحجاب...يعني في نص قرآاني ورد الحجاب في بنت طبّقت النص و في بنت ما طبّقت النص...في النهاية هي حرّة لانو اللي انزل هذا النص اللي هو الله اعطاها هذه الحرية لتختار ما بين الطاعة و ما بين العصيان ( بعرف انّو عندك تعليق في هذه النقطة )

آسفة اخي اللامنتمي خرجت عن الموضوع اللي طرحتو و ما كان فيني غير جاوب عن بعض التساؤلات....اضن ان الاجابة اللي بدّك تعرفها تجسّدت لك في هذا الموضوع الكل ترك الموضوع و صار بدّو يتفلسف في فكرة الحجاب
يعني الجماعة اعادو صياغة طرح الموضوع بحوار مجسّد

[اللامنتمي]

كاتب النص الأصلي : Sarita

I'm with you
بايدك بهالفكر 100000000000 بالمية
وبعدين اثارة الرجل بتعود لغريزتو هوي وشهوتو وازا فيو يكبتها يمّا لاء

وَ لا يزال الإنسان حيوان ناطق إذا لم يَستخدم عَلقه وَ لم يُهذب غريزته

أتساءل أليسَ للمتحجبة غريزة !

[اللامنتمي]

كاتب النص الأصلي : بيلساان

بس الحجاب برايي من مظاهر الحضارة التي تمثل العرب او المسلمين ,, و خير دليل على ذلك بعض المسلمات المحجبات بالدول الغربية فهم يمثلون ارقى انواع الحضارة .. ::برايي ::

معك انو احنا لسة فينا تخلف وذل بس التخلف لازم ننسبوا لانفسنا و ما ننسبوا للدين الذي يمثل شريحة من الناس لان الدين هو كامل الحضارة لكن الناس الذين لا يلتزموا بهذا الدين وبهذا ضاعت منهم الحضارة

بس بظن انو العرب ما ربطوا مصيرهم بالحجاب .. ما بعرف !! اعربلي اياها ؟!!


و لا شو رايك ؟؟!!

لا نعترضُ على الحِجاب كـَ فكرة نهائياً فهُناكَ الكَثير مِنَ المُحجبات مَثلوا أوطاننا كَما يَليقُ بها

لكن أتساءل لماذا تلكَ الخطابات الرجعية التي يَتفوهُ بها شَبابنا إلى الآن

لماذا لا يَكونُ لنا عَقلٌ حُر لـِ نخطو أحرارا ,.

[whiterose]

كاتب النص الأصلي : اللامنتمي

لماذا لم يخلق الله المرأة بـِ حِجابها ؟

صارت الأوطان مُحتلة فكرياً وَ اقتصادياً وَ عسكرياً

وَ صارَ الأمريكي يبيع النفط للمواطن العراقي وَ قريباً لكل شعوب العالم

وَ صار الدخول للقدس يلزمهُ تصريح مِنَ المُحتل

وَ صارت السَـفارات الغربية هيَ مصدر السـيادة وَ القرار في عواصمنا العربية

وَ نحنُ مَشـغولونَ في معركةِ الحِجاب

فلماذا لم يخلق الله المرأة بـِ حِجابها ؟

تحياتي

هلا فيك
مواضيعك بيستاهل نوقف عندها

بس بتخيل اي شي منفكر فيه منلاقي الدنيا كلها بتحكي فيه

قول حرب بتلاقي الدنيا كلها حروب
قول فن هابط مستحيل تسمع اغنية بتفش القلب
قول فساد بتلاقي الفساد مستشري في بيوتنا

بس مساله الحجاب اخ لامنتمي
انا بحب طريقة تفكيرك ومنطقك بالحجج

بس مساله الحجاب قضية كبرى المسؤل عنها هو المرأة فقط
في نساء صح مغصوبين على وضعه لكن نقطة على السطر
وفي نساء مقتنعين واحلى على قلبون
فخلينا نتركهم بحالهم

قضية الحجاب مساله شخصية مو عالمية

مابتخيل انو صح ترفق قضية الحجاب بالشيء يلي ذكرته قبل
وتحية

[whiterose]

كاتب النص الأصلي : اللامنتمي

لا نعترضُ على الحِجاب كـَ فكرة نهائياً فهُناكَ الكَثير مِنَ المُحجبات مَثلوا أوطاننا كَما يَليقُ بها

لكن أتساءل لماذا تلكَ الخطابات الرجعية التي يَتفوهُ بها شَبابنا إلى الآن

لماذا لا يَكونُ لنا عَقلٌ حُر لـِ نخطو أحرارا ,.

مامنقدر نقول على الرجل يلي بفضل المرأة المحجبة على انه رجعي

وكمان ما منقدر نقول على الرجل يلي بفضل المرأة الغير محجبة على انه رجعي ايضا
هيك ببطل تفكيرنا منطقي او عقلاني

امر وضع الحجاب
كمساله الملحد والمتدين

الملحد على اي اساس بنى الحاده؟؟؟
والرجل الذي يفضل المرأة المحجبة على اي اساس فضلها عن سواها؟؟

جاوبني على سؤال الأول لحتى نكفي نقاشنا