هل تتزوج فتاة كنت على علاقة بها

[تايغر]

طيب سؤال لكل الشباب والصبايل اذا انسان بحب عن جد بس الشك من طبيعتوا شو بساوي

[الفارس منذر]

طيب حسام بل أول ليش أقدم على العلاقه بهي لبنت مشان يلعب ؟ مشان يتسلى ؟ و لا مشان يتعرف عليها اكتبر و يرتبط فيها ؟ اذا قدر أنو يحدد شو كان هدفو من العلاقه و هدفها هيه بيقدر يجاوب يتجوزها أم لأ
بعدين شخصية الفتاة و فكرها و هو الاساس بتحديد هل تصلح لزواج ام لا

[جورج الأول]

كاتب النص الأصلي : syrian_princess

واو موضوع حلو كتير للنقاش شكرا للكاتب,,
هلا انا في قصة تانية بتشبه هاي شوي بس ع اكبر واعمق ,,وبدون خجل طبعا وبدي جواب الشباب وراين بكل صراحة. بتتزوج بنت طلعت معها بمعنى انو مارست الجنس معها؟؟؟

من كلامك انت شب مو بنت الجواب سهل كتير وهادا رأيي يعني غير معمم .ما بعمل علاقة جنسية الا مع يلي بحبها , و اذا عملت هالعلاقة وكان في تجاوب من الطرف التاني يعني قبلانة تتجوز أكيد بتجوزها .يعني مو كل بنت مخباية ببيتها معناتا ماعملت علاقة جنسية .ويلي بتعمل علاقة جنسية معك مو يعني بتعملها مع الكل . ويمكن لأنو بتحبك عملت علاقة معك.على فكرة العلاقة الجنسية بتعني كتير للبنات أكتر من الشباب.

[ابراهيم الندم]

احنا الحمدلله ..

الاغلب ..

في سوريا ..

بنتميز بالوفاء ..

لهيكـ

اكييد بتجوزها ..

لنو لو ما بدي اتجوزها ما كان عملت علاقة معها اصلا ..

وللرأي بقية ....

[syrian_princess]

كاتب النص الأصلي : جورج الأول

من كلامك انت شب مو بنت الجواب سهل كتير وهادا رأيي يعني غير معمم .ما بعمل علاقة جنسية الا مع يلي بحبها , و اذا عملت هالعلاقة وكان في تجاوب من الطرف التاني يعني قبلانة تتجوز أكيد بتجوزها .يعني مو كل بنت مخباية ببيتها معناتا ماعملت علاقة جنسية .ويلي بتعمل علاقة جنسية معك مو يعني بتعملها مع الكل . ويمكن لأنو بتحبك عملت علاقة معك.على فكرة العلاقة الجنسية بتعني كتير للبنات أكتر من الشباب.

لا انا بنت مو شب وهاد مبين من اسمي وشكرا لردك ع سؤالي.

[alan111]

طبعاً اللي حكت معك بالصدفة عن طريق الانترنت أو التلفون ممكن تحكي مع غيرك طبعا هادا مابيعني أنو البنت مانا منيحة
بس أن بحب المتل اللي بقول الوردة التي يشمها الكثيرون لا يمكن أن تكون وردتي

[جورج الأول]

كاتب النص الأصلي : alan111

طبعاً اللي حكت معك بالصدفة عن طريق الانترنت أو التلفون ممكن تحكي مع غيرك طبعا هادا مابيعني أنو البنت مانا منيحة
بس أن بحب المتل اللي بقول الوردة التي يشمها الكثيرون لا يمكن أن تكون وردتي

بالأول كانو ياخدو البنات يلي متل عم تحكي "ما باس تمها غير امها"بس هادا كان زمانليش لأنو الزمن تغير والعالم صارت مثقفة يعني اذا أخدت بنت لا بتفوت ولا بتطلع من بيتها فهي البنت رح تكون منغلقة وانعزالية لأنو تربت عالوحدة بين أهلها وهي البنت مافيك تروح معها لعند حدا لأنو الخلطة عندها صعبة واحتمال تخجل فيها اذا شفت نسوان رفقاتك بيعرفو يحكو و هي ما بتعرفالا اذا انت متعصب وجايب البنت لجيبان للولاد والغسيل والطبخ و هون معك حق.وبعدين لا تخاف الا من البنت يلي بتقلك انت أول واحد بعرفو.

[jazz_music]

الموضوع جيد للنقاش .....

هلء اذا هيك بيفكر حسام لازم فلانة ( يلي بدو يتزوجها) تكون هيك بتفكر .. صحيح انو هو شب و هي بنت بس شو يعني اذا كانت حكيت مع واحد غيرو ......

البنت يا جماعة حرة و مستقلة و بتسوي شو ما بدا و ليش عم تحكو عنا و كأنا من كوكب تاني او نحنا بشر و هي لأ .....

بعرف انو هيك الواقع بس المشكلة بالشب لأنو هو مانو واثق من حالو بقا كيف رح يوثق بالبنت يلي بحب ....؟

الشباب عنا على طول بيخافوا انو تكون البنت حاكية مع واحد تاني قبلن ... طيب ليش هي انا شب و ماعندي هي المشكلة ( اسف على اعطاء مثال عن حالي ).... لأنو متل ما انا كشب بحب وحدة و منترك بعض بعد فترة كمان هي هيك ....

الموضوع حلو كتير بسيط ...... بس يلي مانو سهل حلو هو :
الفكر الشرقي يلي انا و انتو تربينا عليه اذا مو من اهلنا من المجتمع يلي عايشن فيه ..

[Nassima]

أنا بدي ضيف شي على تعليقي الي هو متل منو الشباب متل بعض الفتيات نفس الشي و أنا ذكرت في تعليقي علاقة صادقة يعني حب من الطرفين وعواطف و مشاعر مش نظرة عابرة و كلام طايش و أنا كل يوم بالجامعة بصبح و بمسي على شباب كتير بس ما بنحكي بالزواج و لا حد بيطلب من حد الزواج .و بحب ضيف شي الخداع و الكذب من صفات بني البشر يعني الشباب و الصبايا مع احترامي رأي الشباب و احنا هون بنحكي على الشب الي يفسخ هو علاقتو بالبنت لأنو شك انها ممكن زي ما عملت معو تعملت مع شب تاني . أما عن باسل الله يطعمك ست الستات انشاء الله .