عندما تتزعزع الثقة بين الحبيبين

[اممي]

مرحبا شباب وصبايا
القصة اليوم شو شائكة وصراحة ان كتير غريب ان هلق عم الكشها بس باينتها ما انطفت وما اختفي اثرها فيني
القصة اني انا والبنت الي بحبها صارلنا 5 سنين بنحب بعض و بالفعل عشنا 5 سنين فضيعة بمشاكلها وافراحها نكباتها واحلامها الي شي اتحقق وشي بامل ان يتحقق بالمستقبل القريب
الحلو ان كانت تربطنا صداقة سنتين قبل ما نرتبط واول طبسنا ببعض قررنا ان نكون صريحين مع بعض وكل واحد حكي تجارب الماضية للتاني (انا من الناس الي بيحاسب حبيب علي افعال خلال فترة ارتباط فيني)
وخلال هالمسيرة الدامية صارفي بيناتنا مشكلة كبيرة جدا وهالحكي قبل اكثر من سنتين ونص علي اثرها انفصلنا سبع اشهر بس كانت القطيعة من نوع انتهي وماكان في امل او ادني احتمال من الطرفين ان نرجع
خلال هالسبع اشهر وبحالة رد فعل عكسي انخطبت والتقينا كذا مرة وخبرتني ان هالخطيب العظيم استولي علي كلشي كان الي بماقيها كل الاشيا المقدسة الي كانت بيناتنا الي بتتعلق بالنطاق الي كنا محدديه باجسادنا (لايروح فكركن بعيد لان كنا حاطين حواجز ما بيحقلنا نتجاوزها قبل الزواج)
طبعا باعتبار ان كل اصدقائي هنن اصدقائها كانوا بيوصلولي ان هيه موطايقة رب لهالعريس بس الارتباط سبب ان هيه فقدت المعني الي كان بيمثلوا الحب بقلوبنا
وبالفعل هالخطبة ماطولت اكثر من شهرين وبالنهاية رجعنا لبعض وبعد فترة بتقلي ان كل الي حكت خلال الفترة الي انقطعنا فيها عن بعض كان كذبة وكان هدف ان تغيضني وهالحطبة الي صارت بحياتها كان هدفها ان تنساني وترجع تغيش حياة متلها متل كل بنات هالمجتمع
القصة صارلها شي سنتين من لما انتهت وصراحة عايشين مع بعض وعم ناضل سوا ضد هالحياة
بس لسا هالموضوع بين فترة وفترة عم يقرقني
ياتري خبت عني حبيبتي الي صار او الي حكت كان بالفعل بس لتغيضني؟
اسف علي طول الموضوع بس حابب اعرف رايكن
اممي

[اميرة التوت]

انت قلت انها انخطبت علشان تنساك وتعيش حياتها يعني الشخص اللي وافقت عليه مو واحد معروف فمااعتقد انها تسمح له يتعدى حدوده بأي شئ ..فقط انه مجرد خطيب ومااستمرت الخطبة ..
يمكن مجرد انها تغيظك وتشوف ردة فعلك ..وفهمك كفاية
غير كذا مااقدر احدد او اي احد غيري يحدد لك .انت اللي تعرفها اكثر من أي شخص .
ولسة الايام قدامك ..

دمت بود

[M@hmoud]

بنصحك انو ما تخللي الشك يلعب بقلبك مرة تانية

الشك جميل بس ما يتجاوز حدودو

طالما ارجعتو لبعض الحمد لله...اصبح هي بدها اياك والا كان ما رجعت
بقى خدها هيك متل ما الله خلقها...
واكيد هي عملت هيك بس لتغير الوضع شوي...كنوع من التجديد بالعلاقة بين بعض
عا فكرة...البنت اللي بتفصل خطبة بتعمل خطبة سريعة بس لتغيظ الخطيب السابق ...هالشي عادة عنا وبأوربا

[fernanda bachchan kfoury]

والله يا اممي ازا انت بتحبا للصبية وهيي تحبك فكملو مع بعض والله يوفقكن
وبلكي هيي قبلت بهالخطيب لتجرب تنساك بس ماقدرت
وهيدا دليل كافي انا بتحبك وخصوصي ازا كانت كذبت عليك لتغيضك

الله يخليكون لبعض

فرناندا

[betty_palestine]

بتعرف يا اممي الشك بدمر ما تخلي يكبر فيك
وهيي لما خطبت كان لتحاول تنساك يعني بالفترة اللي انقطعتو فيها ما نسيتك
سو هي فسخت لانو لقتو ما بيستاهلها وهي قبلت تكون حبيبتك اكيد لقت صفات حلوة فيك
ما تفكر الحب بيجي بس لاني بدي احب متلي متل غيري لا لشي جزبها فيك
مدام هي حبتك وبسدئ انت لا تعطيها مقابل هاد شك ممكن يدمر اللي بينكو
وان شالله بتتوفئو مع بعض ودير بالك عليها لانو البنت بتحتاج لحب وحنان من الشب ف امنحها ياه وخلي املك
بالله كبير
وازا الك نصيب فيها بتاخدهاا

[اممي]

كاتب النص الأصلي : fernanda bachchan kfoury

والله يا اممي ازا انت بتحبا للصبية وهيي تحبك فكملو مع بعض والله يوفقكن
وبلكي هيي قبلت بهالخطيب لتجرب تنساك بس ماقدرت
وهيدا دليل كافي انا بتحبك وخصوصي ازا كانت كذبت عليك لتغيضك

الله يخليكون لبعض

فرناندا

يسلموا اميرة ومحمد وفرنالدا عمروركن وكلامكم الحلو
عنجد هالشي كتير غريب المشكلة اني بعرف كل هالحكي وبعرف ان حبنا لبعض فيه بيطهر اي شي وشو ماكان
بس المشكلة ان مرات بكون قاعد لحالي وفجاة بينتابني فكرة انها كانت عم تخبي عني
المشكلة ان هيه بحياتها ماكذبت وانا بعرفها متل مابعرف حالي بس لما بنسمع شي من التاني وبيكون بهالقسوة بيضل عم يجري بدماغنا بدون مابنحس
يمكن عم اكتب هلق مشان ارتاح من هالحالة او لاقنع حالي ان هالي عم اعمل علاك بعلاك
امبارح حكيت معها عن هالموضوع وزعلت كتير ورجعت اكدت علي ان ماكان في شي
حسيت حالي جرحتها وحسستها ان انا ما عم اثق فيها
مشان هيك اليوم الصبح رحت اتخورفت الخورفة العجيبة وحكيت مع شي نص ساعة (المانيا - سوريا )
بس برجع مابخفي عنكن ان مرات لما بكون بهالغرفة لحالي بيرجع لي صوتها بهديك الفترة وهيه عم تحكي الي قالت ,بقوم بنزعج وبعصب وبصير بخانقها
مابعرف كيف بدها بتنحل !!!

[ooopss]

يعني متل ما قالولك ماتخلي الشك يهدم شي حلو ومميز لانو اكيد بيناتكن حب كتير حقيقي والدليل انكن رجعتو بعد قطيعة طويلة -7 شهور - لان في ناس بعد أقل من شهر بتنسى كل شي وعود وبتكمل وكأنو ماكان شي
بس يمكن السبب يلي خلاكن تنقطعو هالمدة يكون الو علاقة ويخليك تبطل تشك
بعني اذا انت جارحها ومدايقها مشان هيك تركتوبعض فلاتلومها شو ما ساوت ولو ما بتحبك مابترجعلك
بس كمان خلي احساسك الداخلي يدلك ولاتكذبو لان هاد الوحيد يلي مابيكذب وبيكون صح

[*Marwa*]

شوف اهمّا شي تفكر فيه وتهتملو انو حبيبتك رجعتلك..وهاد بيعني انها بتحبك..وهون تزكرت مقولة (مش حافزيتها بشكل حرفي) بس هي بتقول انو ازا رغبت بشي بشدة وكنت بدك ياه كتير فأتركو ان رجعلك فهاد بيعني انو الك وان ما رجع فمعناها ما كان الك من الاول

بعدين لازم تعرف انو الانسان احيانا بكون بلحظات ضعف وألم الشي ياللي بخليه يحكي اشيا ابعد ما تكون عن مشاعره الحقيقية!
وهالشي مجّرب صدقني!!!!..انا شخصيا لما بعصب او بتدايق ممكن خبي مشاعري واحكي شي ياللي هو عكس احاسيسي لكن لما بروق برجع بعترف مشان هيك ما لازم نحكم ع البشر بلحظات صعبة متل هاي!

وخلي ثقتك فيها كبيرة لحتى ما ينهدم كلشي ناضلتوا مشانو

[remo_mf]

thannnnnnnnnnnnnnnk youuuuuuuuuuuuuuuuuuu

[اممي]

مابتعرفوا شو انا ممنون لكم يعني عنجد عم تخففو عني وعم حس ان كلماتكن عم تقتل هالشيطان الي عم يحاول ينكد علي صلاة مع هالبنت الي بحبها
مرات كتير وانا عم قاتل هالشك كنت بذكر اللحظات الحلو الي قظيناها مع بعض او حتي المشاكل الي قهرناها سوا
ماراح خلي هالشك يسيطر علي ولا راح خلي الو وجود بعالمي الي بتلونو حبيبتي بضحكة الولاد الصغار تبعها
يسلموا الكن كلكن

[*Marwa*]

كاتب النص الأصلي : اممي

مابتعرفوا شو انا ممنون لكم يعني عنجد عم تخففو عني وعم حس ان كلماتكن عم تقتل هالشيطان الي عم يحاول ينكد علي صلاة مع هالبنت الي بحبها
مرات كتير وانا عم قاتل هالشك كنت بذكر اللحظات الحلو الي قظيناها مع بعض او حتي المشاكل الي قهرناها سوا
ماراح خلي هالشك يسيطر علي ولا راح خلي الو وجود بعالمي الي بتلونو حبيبتي بضحكة الولاد الصغار تبعها
يسلموا الكن كلكن

We all Wish you the best and just the best with ur love

[راديا]

ما بعرف شو بدي قلك الصراحة لو مبارح كنت شفت الموضوع كنت فدتك بعتقد بس اليوم ما تحلم تاخد مني شي منيييح ..
تحياتي الك و عميل ل بيريحك و بيريح ضميرك ... عزاب الضمير بيهد الحيل و الندم بياكل و الزمن بيقتل
كل التوفيق

[LiOnHeArT.3LA2]

وحياة الله نا امتل راديا لانو صايرة معي مشكلة بتوحد الله

بس ما فيني قلك

انو لا تتخلى عن حدا بتحبو لانك رح تندم كتير

والشك الكتير بيولد الضغط والضغط بيولد الانفجار

[betty_palestine]

كاتب النص الأصلي : remo_mf

thannnnnnnnnnnnnnnk youuuuuuuuuuuuuuuuuuu

ويلكم نورتينا بس باين رد هال ثانك يو جابتلك مشاركة يا عيني

[hanny dagher]

اممي خدهاا من هالشيبة
الصبية اللي ما بتضحي بهالشي لحبيبها قبل الزواج ما رح تضحي بهالشي لشب ما بتحبو بس لمجرد انو خطيبها
كيف يعني بدي قلك

لايروح فكركن بعيد لان كنا حاطين حواجز ما بيحقلنا نتجاوزها قبل الزواج)


طبعا باعتبار ان كل اصدقائي هنن اصدقائها كانوا بيوصلولي ان هيه موطايقة رب لهالعريس بس الارتباط سبب ان هيه فقدت المعني الي كان بيمثلوا الحب بقلوبنا

هادا حسب حكيك انتي
يعني هيي كانت بتحبك وضليتو مع بعضكن فترة طويلة وما ضحت بهالشي فاكيد ما رح تجي بظرف شهرين او تلاتة او سنة مع خطبيها اللي ما بتحبو تضحي في

يعني ريح بالك

هدول البنات خيو مدري كيف الله خالقهن روح قلبهن انهن يغيظو الشب اللي بيحبو

[Reemi]

ريح بالك طمن قلبك ...

دايما وبكل شي وبكل موضوع ... عيش من هلا ولبعدين ... ابدا لاتتطلع لورى ولا عليي صاربالماضي ...الي صار صار مافينا نغير فيه شي ... برايي لا تتطلع غير لقدام .... ولا تفكر بهالموضوع ...

((بس اذا كتير بهمك خدها مني حركات بنات والخطبه رد فعل عكسي وكل ما قيل الك بهداك الوقت كذب .. للغيظ مو اكتر ... نحنا جنس حوا بنفهم ع بعض))

اقنعتك مو ؟؟ لا تقلي اقنعتك .... (سكرلك الموضوع ...)

[اممي]

كاتب النص الأصلي : hanny dagher

ام

هدول البنات خيو مدري كيف الله خالقهن روح قلبهن انهن يغيظو الشب اللي بيحبو

الله يلعنن .....بس بنظل انحبن

[اممي]

كاتب النص الأصلي : Reemi

ريح بالك طمن قلبك ...

اقنعتك مو ؟؟ لا تقلي اقنعتك .... (سكرلك الموضوع ...)

ما انت روح قلبك تسكير المواضيع ....
يسلمن علي مرورك
وصدقا كل مرة عم اقرا الي عم تكتبوا عم حس ان قديش كنت غلطان
يعني اذا انت مابتعرفوها وهيك عم تحكوا لكن شو نازم احكي انا