أمراض شغل عرب ..

[الموسيقار]

كاتب النص الأصلي : امرأة من ورق

لأ أخ الزوج مو محرم لانو اذا صار طلاق او وفاة للزوج فيها الست تتزوج اخو زوجها السابق

في شغلة اسمها حرمة موقتة بظن .. مو ؟ ولا مو مو ؟؟

متل أنو الرجال ما بيصير يجمع بين أختين .. والحرمة الموقتة بتتعامل معاملة الحرمة المؤبدة ..

ع كل الاحوال .. أنا ما بآمن بشي اسمو علم دين أو فقه .. لأنو الدين هو البساطة .. بعينها .

هلأ أنا حكيت أنو القصة مو قصة دين .. القصة اجتماعية بحتة وبتتعلق بعقلية الانسان العربي الزير سالميــّة ..

لأنو الانسان العربي كمية الهرمونات والأدرينالين عندو عالية .. وهاد شي الو علاقة مية باالمية بالعرق وبالحماوة الفطرية عند البني آدم ..

[الموسيقار]

كاتب النص الأصلي : Madmax

أنا قلت أنو عنا مو موجودين ...بس بسمع هنهون ببعض المدن السورية
يعني أكيد قصدي على مجتمع مدينتي

حبيب ئلبي طرطوس أنا اللي بعرفها وبعرف خلئها .. مجتمعكون كتير برات الجو //الحضاري العربي// .. (نيـــّــالكون) شنو لأنوالجو كتير مو صحي والتخلف ضارب أطنابو . .. بدكـ تحكي عن كل المحافظات السورية ما عدا حمص والسويدا .. ونوعا ما اللادقية ..

أبدا ً مو بس بعض المحافظات السورية .. وقيس عليها الدول المجاورة والمجاورة للمجاورة .. إلى ما شاء الله .

[الموسيقار]

كاتب النص الأصلي : Barleb

من وين طلعو هل فتاوي .. بصراحة 1 2 3 .. أول مرة بسمع أنا بهيك شي ..

و 4 هي بنسبية

أول مرة بتسمع بـ 1 و 2 و 3 ؟

ابو شريكـ .. طلعنا مالنا ئد المئام ..

[fofo besset syria]

كاتب النص الأصلي : الموسيقار

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,,

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

1. بسمع فيها بس انا ما بطبقها.. ما فيها شي شو المشكلة ما بعرف!!

مع احترامي هاي شغل ناس معقدة!

2. هاي كمان موجودة بس شو هالبياخة!!الاب ربى بنتو وكبرها مشان يوم عرسها ما يكون معها ...

بعرسي ازا ما كانو بالصالة ابي واخواني ما بفوت

3.هاي قمة السخافة!! قال تصوروا قول لعمي ما تفوت ابي مو بالبيت..روحلك مشوار وارجع بس يجي بابا!!!!

4.هاي الوحيدة الي انا معها بس كمان ما معقول ينزل يضرب بأخوهاكيد لو غلطان بصف معو وبالبيت بحاسبو

[MadMax]

كاتب النص الأصلي : fofo besset syria

بعرسي ازا ما كانو بالصالة ابي واخواني ما بفوت

ولا يهمك
بتقدري تجيبي مين ما بدك عالعرس

[Syrian Gay]

كاتب النص الأصلي : الموسيقار

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,,

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

1- شو من ايمت هالحكي طالع انا مالي خبرو شو من يوم يومي انا واخواتي البنات وبنات عمي وبنات خالي تحت شرشف واحد شو هالحكي انا ماني سمعان فيو

2- بالعكس الاخ والاب هن يللي بيحضروا بشان يخللوا العرس يولع اكتر وكمان العم وواولاد العم والخال لان هن بيولعوا العرس ونحن بعروسة العيلة تبعنا ما صار هيك شي

3- عمي ؟؟!! ما عمي متل ابي اي عادي بينام عنا كمان بيغياب الكل وين المشكلة ؟ غريبة هالقصة؟؟

4- اي طبعا بدي اوقف مع اخي ومع رفيقي بس اذا كان ازعر فلا ممكن ,رح حل الخلاف برواق وبلا قتال مو روح شد معو بالقتال

وموضوع حلو موسيقار بس ما بعرف من وين جايب هالعادات من ناحيتي ما عنا هالعادات بالعيلة

[راديا]

كاتب النص الأصلي : الموسيقار

حبيبي أبو الولايم ..

طيب إزا ابن عمي خريج حبوس .. بقوص معو ؟

الله يلعن الشيطان و ساعتووو مرسي موسيقار عالموضوع و الله مش بس انت ل متاثر بالوضع هي هيي العادات و التقاااليد للي ممكن تصير بعد هيك قااانون لازم و واجب علينا انو نحترموو ساقبت بهيك
دراسة و لا العرف شو بتسميه بالقانون ؟؟؟؟ يا اخي تعود لا تحتار لانو رح تطق و تموت بعدين و مشكووور فيري مشكوور

[fofo besset syria]

كاتب النص الأصلي : Madmax

ولا يهمك
بتقدري تجيبي مين ما بدك عالعرس

اي تئبرني اسفة نسيت اخد رأيك قبل ما حط جوابي..

ولي نسينا رأي العريس


مأكد انو جيب مين ما بدي فيني جيب رفيقي القديم مو لشي بس لغيظو فيك

ولييييييييييييييييييي والله انك حشاش عالأخير

[MadMax]

كاتب النص الأصلي : fofo besset syria

مو لشي بس لغيظو فيك

أكيد رح يموت من الغيظ لما يشوفني

[waseem sh]

كاتب النص الأصلي : الموسيقار

حبيبي أبو الولايم ..

طيب إزا ابن عمي خريج حبوس .. بقوص معو ؟

طبعا عيب إننا نحافظ على تقاليدنا لازم يعني نقلد الغرب يعني ننام إخواتنا و نحضر عرسهم و نفوت على البيوت و ما فيها رجال و يتخلى عن نخوتو و إذا شاف إختو بالشارع هي وو احد يعمل حالو مالو شايفة و الله هي الديمقراطية يلي بدها أمريكا تجيبها لعنا

[الموسيقار]

كاتب النص الأصلي : waseem sh

طبعا عيب إننا نحافظ على تقاليدنا لازم يعني نقلد الغرب يعني ننام إخواتنا و نحضر عرسهم و نفوت على البيوت و ما فيها رجال و يتخلى عن نخوتو و إذا شاف إختو بالشارع هي وو احد يعمل حالو مالو شايفة و الله هي الديمقراطية يلي بدها أمريكا تجيبها لعنا

هاد اللي فهمتو من كل هالحر واللوص ؟

ع راسي ابو شريكـ دخلتكـ عالخط .. هي نموزج كتير حي عن شو أنا بئصد .

[BL@CK]

بس من بعد إذنك عمي موسيقار .. سمحلي أسأل waseem sh سؤال صغير .. لإني ضربو فيوزاتي

إينا دين أو إينا شرع بمنعك تحضر عرس اختك أو شو رح ينوبك إذا حضرت عرس أختك .. ؟؟

[ليندا]

1_ممنوع تنام مع (أختكـ ) بغرفة وحدة .. يه ؟

اي صحيح بس صدقني ازا دائت وتسكرت لبواب اكيد بدي نام مع اخي بأوضه وحده وماحدا بيقدر يمنع و الشغله بس بدا نظرة صافيه من الناس مو اكتر من هيك .....لكن ازا الله موسعها لشو بدك تنام معا بأوضه وحده كل مين الو خصوصيات ما ..........................؟

2_ممنوع تحضر عرس أختكـ أو بنتكـ ,,,

اول مرة بحياتي بسمع هيك سمعه مين المتخلف يلي عم يطبق هالعاده ؟؟؟؟ نورونا ياجماعه

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

مزبوط موسيقار بس الشغله صارت نسبيه هلق يعني بتختلف من عيله لعيله يعني مو شرط وجود الاخ لكبير ليفوت العم حتى البنات بيسدو محل ماهيك ؟؟..... وبيني وبينك هالشي مابعتبرو مرض ناس كتير بيحكموا الدين اكتر بمتل هالشغلات ومابعتبر احكام الدين مرض

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

ولو الله يسامحك بدك ياني اعد اتفرج عليه وشوفو ياخد قتله وماصف معو

صدقني ياموسيقارنا هي العاده تبع انصر اخاك شو ماكان كل مالها عم تبطل والشباب صارو اوعى من هيك بكتير ..........
يعني كل شي بينحل بالرواق والتفاهم بس ازا اتعكرت الشغله اكيد بدن يصفو مع هالاخ بالأخر .

ماسمعت عن شي اسمو كريات الدم الحمراء الناريه العربيه هي بتحفز الحميّه عند الانسان العربي وبتوصلو للطابق الخمسين



تحياتي الك موسيقار ولمواضيعك



؟[/quote]

[MadMax]

كاتب النص الأصلي : ليندا

احتى البنات بيسدو محل ماهيك ؟؟..... وبيني وبينك هالشي مابعتبرو مرض ناس كتير بيحكموا الدين اكتر بمتل هالشغلات ومابعتبر احكام الدين مرض
؟

لك شو هاد ليندا بصراحة استغربت هالكلام منك
يعني شو هالدين ( المفشكل ) يللي بدو يحط حواجز بين البنت و عمها
شو بدو يفوت عالبيت ياكلهون مثلاً ......
لك العم متل الأب

[راديا]

كاتب النص الأصلي : Madmax

لك شو هاد ليندا بصراحة استغربت هالكلام منك
يعني شو هالدين ( المفشكل ) يللي بدو يحط حواجز بين البنت و عمها
شو بدو يفوت عالبيت ياكلهون مثلاً ......
لك العم متل الأب

معك حق ماد ماسك بس شو بدك تعمل نحنا ما عنا هيك شي يعني ابن عما يمكن يكون في هيك شي بس العك زاتو ؟؟؟

[Barleb]

كاتب النص الأصلي : الموسيقار

أول مرة بتسمع بـ 1 و 2 و 3 ؟

ابو شريكـ .. طلعنا مالنا ئد المئام ..

لأ وحياتك .. ولك ميت طوز بـ المقام .. بس و العدرا أنا أول مرة بسمع بـ أول تلاتي

[Barleb]

كاتب النص الأصلي : waseem sh

طبعا عيب إننا نحافظ على تقاليدنا لازم يعني نقلد الغرب يعني ننام إخواتنا و نحضر عرسهم و نفوت على البيوت و ما فيها رجال و يتخلى عن نخوتو و إذا شاف إختو بالشارع هي وو احد يعمل حالو مالو شايفة و الله هي الديمقراطية يلي بدها أمريكا تجيبها لعنا

بلله يعني أنا أذا حضرت عرس أختي بصير غربي و بلا نخوي ؟ يعني أنت عقلك ما عندو أستطاعة يستنتج شغلات أحسن شوي ؟؟

تضرب على هيك تفكير طزيزي ..

[demax]

ع فكره اغلبيت يلي ذاكرو مو منطقي وفعلا بتنم على قله التفهم عند العرب وبيدل كمان على عدم التقدم عند العرب

كل شي عننا لازم نفكر فيه شي مليون مرة لحتى ناخد قرارنا ونعملو كلو هاد من شان حكي الناس والمجتمع يلي عايشين فيه واغلبيه الاوقات ما منعملو بسبب هالخوف يلي ساكن بقلوبنا

بس كمان من ناحيه تانيه في شغلات ما بتنقبل بمجتمعنا هوني

يعني منضل عرب وعقولنا مقفوله وما رح نتحرر بالمرة او ادا صدف ولقيت شي بنت متحررة او عيلتها معطيتها الحريه الكامله بتكون بنظر المجتمع بنت .........


يسلمو على هالموضوع