ماذا لو صادفك حبيبك القديم؟؟

هي الايام · 02/12/2006

يأتينا كنسمة عابرة من ماضي جميل , يخترق الحاضر الغافي على صور جديدة لاناس

جدد , حاملا معه نفحة حنين او قشعريرة خوف من الاتي اذا ما وهبناه القليل من خيالنا .

هو الحب القديم -- يقف امامنا بكل ذكرياته لنحتار امام شريكنا في الحكاية -- انلقي

التحية ونمشي ؟

ام نتشبث بحاضرنا كي لانقع في احتمال هزة قد تغير او تشوش حاضرنا وعلاقتنا الحالية

مع الحبيب الجديد ؟

ولماذا الفتاة تخشاه -- وتخاف من هذا اللقاء ؟

ولماذا الولد يتعامل معه بعقلانية ؟

هناك من يقول ان الحب القديم -- عابر سبيل واذا التقاه يوما ما بالصدفة سيبادر بالسلام

واذا لم يجد القبول --- سيكون عابر سبيل ويمضي .

وهناك من يقول -- حسب الحالة التي تركت حبيبتي او حبيبي عليها -- فلو كانت القصة

منتهية بخيانة او ماشابه -- لن يكون للقاء اي اثر في نفسي . اما اذا كانت القطيعة

لظرف خاص او معين , هنا سنكون امام الموقف الاصعب -- فمنا من يتمنى لو يعود

بطريقة افضل وربما اسلوب اجمل كما علمته ايام الفراق , ومن من يمر مر الكرام ويقول

لنفسه لم يكن هناك نصيب للاستمزاز

وبكل الاحوال لابد من وجود ردة فعل لمن كان الشخص الاول في حياتنا ,

فما ردة فعلك لو التقيت الحبيب السابق ؟؟؟؟

ملطوووووووووووووووووش

صديقة الحزن · 02/12/2006

لا اعرف المهم لان انزل دمعة لان الدموع علامة ضعف

جمانة شهاب · 02/12/2006

مرحبا
أنا مع اختي صديقة الحزن.. ما بنزل و لا دمعة.. بالعكس بحاول اتذكر كل شي حلو ربطني فيه.. و لو فيي روح و سلم عليه ما بقول لا.. و رح افرح اذا شفتو مبسطو حتى لو حسيت حالي عم بتقطع من جوا.. لانو الانسان لما بيحب بيتمنى السعادة لحبيبو

هي الايام · 02/12/2006

مشكورة صديقة الحزن بلا هدر دموع اوكي

جمانة اكيد الواحد بيفرح لحبيبو مشكورة على ردك

Alshami · 02/12/2006

قد يعيد معه ذكرى جميله او محزنه
في كلا الحالتين أصبح ضربا ً من الماضي وإنشودة تكاد حروفها الاخيرة تنسى
سبقى هناك أثر جميل في نفسنا ولكن لا فائدة منه الآن
فقد مضى زمن طويل وكان حريا ً به أن يعود منذ سنين

MAGIC MY · 02/12/2006

خود هي القصة الحقيقية و التي صارت معي حبيت بنت و هي بتكون حبي الثاني في حياتي و بعد الحب المتبادل افترقنا و الله انو تألمنا كتير الامر ماكان بأيدي او بأيدها و لكن تعرفت على غيرها بعد 9 أشهر و بدي اروح لاشوف حبي الجديد في موعدنا التاني في الطريق شفتها و لكن هي ماشفتني كان الشارع شوي عتمة و كنا ماشيين على نفس الرصيف هي مرت ادامي متل الشبح او الحلم ما بعرف اذا كانت هيي و لكن البي حسني انو هيدا هي وقفت نزلت الدمعة من عيني حسيت انو العالم وقف للحظات و لكني كملت طريقي .....

من دون انو التفت ورائي

aliabosham · 02/12/2006

أظن ان هذا الموضوع يستحق أن يعبر الإنسان عنه بكلام كثير و ليس برد سريع لأنه موضوع مرهق و مؤذي للذوات المحبة..و لكن أنا أقرأ الكلام الأول تذكرت كلاماً شعريا لصلاح عبد الصبور يقول فيه ( أتذكر الكلمات من ذاكرتي فعذراَ من الخطأ إن وجد )
يعلم الله يا حبيبتي حين سنلتقي
بعد سنين أو دهور
هل سيكون في العيون وجدها
هل سيكون في العيون حقدها
أم نلتقي كالأصدقاء القدماء
يسلمون في فتور و يودعون في فتور ....!!!
من قصيدة بعنوان الحب في هذا الزمان

د داليا · 02/12/2006

شكرا علي طرح هذا الموضوع
واعتقد ان رد الفعل لا يختلف في اللحظات الاولي للقاء فهو احساس شديد بالاضطراب وكلمات تخرج وانت لا تعرف معناها غالبا ولا تخرج عن المجاملة والسؤال عن الاحوال ورعشة وارتجاف في الصوت ولكن من الممكن ان يتماسك الشخص بعد اللحظات الاولي ويمر الموقف بسلام ولكن تبقي ذكري هذه اللحظات ونشعر انها دهر طويل ونحمد الله انه مر بسلام

اية الرحمان · 02/12/2006

مو حتى يكون في حبيب من اصلو

بنوتة حلب · 03/12/2006

ههههههههههههه طيب والي ما عندو لا قديم ولا جديد ولا معفن
هههههههه اريح شي ما هيك
انا برايي انو لو كان عندي كنت بتمنى انو الارض تنشق وتبلعني ولا شوفو
لانو وقتا رح تكون نفسيتو ضعفت شوي وتالمت وتذكرت الماضي
لهيك ما بحب يشوفني لانو ما بحب شوف رجال ضعيف بنوب

يسلمو عالموضوع

abu-wdea3 · 03/12/2006

شو بعرفني ما جربت!!

yara 112 · 03/12/2006

أنا برأيي أنو الواحد بيحب مرة وحدة بهالدنيا
وحبيب الماضي هو نفسه حبيب الحاضر والمستقبل
الحياة قد تفرق بين الحبيبين لأسباب كثيرة أو لتدخل الأشرار في حياتهون
لهيك حتى لو في جفى أو بعد أو زعل
لو شفته بعد غياب طويل أكلمه لأنو الواحد فينو يكابر ع كل شي بهالدنيا ألا ع قلبوا وع الحبيب
والحياة بدون من نحب لا معنى لها ولا لون

يارا

Alshami · 03/12/2006

اقتباس:

كاتب النص الأصلي : yara 112

أنا برأيي أنو الواحد بيحب مرة وحدة بهالدنيا
وحبيب الماضي هو نفسه حبيب الحاضر والمستقبل
الحياة قد تفرق بين الحبيبين لأسباب كثيرة أو لتدخل الأشرار في حياتهون
لهيك حتى لو في جفى أو بعد أو زعل
لو شفته بعد غياب طويل أكلمه لأنو الواحد فينو يكابر ع كل شي بهالدنيا ألا ع قلبوا وع الحبيب
والحياة بدون من نحب لا معنى لها ولا لون

يارا

عجبتني هي الأشرار

مش هيك بيكون الحكي · 03/12/2006

اقتباس:

كاتب النص الأصلي : بنوتة حلب

ههههههههههههه طيب والي ما عندو لا قديم ولا جديد ولا معفن

هههههههه اريح شي ما هيك
انا برايي انو لو كان عندي كنت بتمنى انو الارض تنشق وتبلعني ولا شوفو
لانو وقتا رح تكون نفسيتو ضعفت شوي وتالمت وتذكرت الماضي
لهيك ما بحب يشوفني لانو ما بحب شوف رجال ضعيف بنوب

يسلمو عالموضوع

ايـــــــــــــــــــــــ ــــــــــه ..شو بدك تعملي!؟
للهوى احكام... "سابقا" قبل شوفة المحبوب قصدي..فبدك تنتبهي!؟
لأنو ليس كل ما يلمع ذهبا..

بنوتة حلب · 03/12/2006

اقتباس:

كاتب النص الأصلي : مش هيك بيكون الحكي

ايـــــــــــــــــــــــ ــــــــــه ..شو بدك تعملي!؟
للهوى احكام... "سابقا" قبل شوفة المحبوب قصدي..فبدك تنتبهي!؟
لأنو ليس كل ما يلمع ذهبا..

شو قصدك ما فهمت عليك بليز شرحلي

مش هيك بيكون الحكي · 03/12/2006

اقتباس:

كاتب النص الأصلي : بنوتة حلب

شو قصدك ما فهمت عليك بليز شرحلي

قصدي.. أن ليس كل ما يلمع ذهبا..!!
برأيي ما يروح فكرك.. لغير ذهبا.. وإلا.. بيصير المتل..
سبق السيف ذهبا..

فلهيك ..برجع.. وبقول.. بدك تنتبهي!..
واضح..!
هه.. لك مني باقة ورود..
لك مني كل محبة وتقدير..
بس.. مش هيك بيكون الحكي

ولمزيد من التوضيح والإيضاح.. مني أنا يعني.. ولا منا ما بتنقبل يعني..

بنوتة حلب · 03/12/2006

عنجد ماعم افهم عليك ولا حابة افهم
نقطة انتهى

مش هيك بيكون الحكي · 03/12/2006

اقتباس:

كاتب النص الأصلي : بنوتة حلب

عنجد ماعم افهم عليك ولا حابة افهم
نقطة انتهى

بعتقد أنا كتير.. واضح.. بحديثي!!!
..