الزواج .. بداية حياة ... ولا قبر ؟؟؟

[W.E.G.A]

مرحبا يا صبايا وشباب
مابعرف خطرلي ناقش هالموضوع معكن
الزواج
اول نقطة رح نتناقش فيها هي ليش المشاعر بعد الزواج بتنقص كا ما المدة زادت




تاني نقطة هي انه ليش بعد الزواج الاهتمام بالذات مو بيتراجع بيلتغى سواء من الرجل او المراة
بس المراة ما بعرف ليش اكتر




النقطة التالتة هي انه كيف رح تحل معضلة اعذب مكتفي او متزوج معدم




النقطة الاخيرة انه ليش الزواج نهاية للحياة الي قبله
يعني اذا فكر الرجل يسهر مع اصحابه او يعمل مشروع بتقوم القيامة
وطبعا المراة حياتها كلها بتنتهي لان البنت لزوجها وبيتها وولادها هيك بتوصيها امها يوم عرسها
وطبعا بعد قرارت الزوح الرجولية طبعا مابضل عندها شي تقدر تعمله لان لازم ترضي زوجها وما تطلع عن شوره

[marochka]

هلأ إذا بدك حكي جد، مو ضروري المشاعر تروح بعد الزواج، بس الموضوع بدو وعي وبدو شغل وبدو قرار واضح عند الطرفين أنو بدون يحافظو على علاقتن. بس أكيد الإنسان بيتغير مع الوقت وبينضج، يعني التغييرات اللي بتصير بحياة كل واحد مو سببا كلا الزواج، بس أغلب الناس بيلاقو من الأسهل أنو يحطو الحق عالزواج، الزواج متل أي شي بالدنية بدو رعاية واهتمام وصيانة ليضل منيح.
في قول كتير حلو ما بتذكر لمين: الزواج ليس رجل وامرأة ينظر كل منهما إلى الآخر، بل رجل وامرأة ينظران بنفس الاتجاه.
الانسان غالباً بعد الزواج بيصير بياخد الطرف الآخر على أنه تحصيل حاصل وهاد اللي بيسبب المشاكل، بدو الواحد يدرب حاله ويضل ينبه حاله أنو لازم يبين اهتمامه بالآخر ويضل يعبرله عن مشاعره ويحترم إنسانيته.
الزواج مختلف عن الحب، الحب جزء ضروري بالزواج بس ما بيكفي لوحده أبداً لزواج ناجح. في مواهب ومهارات كتيرة لازم الواحد يستخدما لينجح بالزواج، تماماً متل التاجر الشاطر يللي بيقدر يحافظ على الزبون، هي الطرفين لازم يتعاملو مع بعضن، بس هاد مو معناه أنو يكونو عم يمثلو على بعضون بس المهم ما يكون في أنت وأنا يكون في نحنا، الزواج هو لعبة جماعية وليس لعبة فردية

[THE_unforgiven]

اول نقطة رح نتناقش فيها هي ليش المشاعر بعد الزواج بتنقص كا ما المدة زادت

مش شرط .. حسب الزوجين واندماجن .. وحسب العاطفة اللي كانت قبل الزواج .. فلو كانت صادقة .. بتبتقى .. وكل ماقدم الزواج .. بتزيد أكتر ..

في نقطة هي انه ليش بعد الزواج الاهتمام بالذات مو بيتراجع بيلتغى سواء من الرجل او المراة
بس المراة ما بعرف ليش اكتر

هلأ هوي فكرة الزواج انو يصيرو التنين جسد واحد وروح واحدة .. لهيك بتلتغى الأنانية .. والذاتية .. وبيحل محلا المحبة .. المشتركة .. ومتل ماقالت مروى الزواج لعبة مش فردية ..

النقطة التالتة هي انه كيف رح تحل معضلة اعذب مكتفي او متزوج معدم

النقطة هيي انو تلتقى البنت المناسبة .. وبس .. لأن بالنهاية .. الإنسان ناقص .. والزواج ماهوي إلا الجزء الناقص بحياة الإنسان .. والشريك هوي اللي بيخلي الزوج يوصل عالكمال ..
.
.
سؤال إلك ويجا .. شو رأيك بالزواج .. وشو موقفك منو ؟

[W.E.G.A]

كاتب النص الأصلي : marochka

هلأ إذا بدك حكي جد، مو ضروري المشاعر تروح بعد الزواج، بس الموضوع بدو وعي وبدو شغل وبدو قرار واضح عند الطرفين أنو بدون يحافظو على علاقتن. بس أكيد الإنسان بيتغير مع الوقت وبينضج، يعني التغييرات اللي بتصير بحياة كل واحد مو سببا كلا الزواج، بس أغلب الناس بيلاقو من الأسهل أنو يحطو الحق عالزواج، الزواج متل أي شي بالدنية بدو رعاية واهتمام وصيانة ليضل منيح.
في قول كتير حلو ما بتذكر لمين: الزواج ليس رجل وامرأة ينظر كل منهما إلى الآخر، بل رجل وامرأة ينظران بنفس الاتجاه.
الانسان غالباً بعد الزواج بيصير بياخد الطرف الآخر على أنه تحصيل حاصل وهاد اللي بيسبب المشاكل، بدو الواحد يدرب حاله ويضل ينبه حاله أنو لازم يبين اهتمامه بالآخر ويضل يعبرله عن مشاعره ويحترم إنسانيته.
الزواج مختلف عن الحب، الحب جزء ضروري بالزواج بس ما بيكفي لوحده أبداً لزواج ناجح. في مواهب ومهارات كتيرة لازم الواحد يستخدما لينجح بالزواج، تماماً متل التاجر الشاطر يللي بيقدر يحافظ على الزبون، هي الطرفين لازم يتعاملو مع بعضن، بس هاد مو معناه أنو يكونو عم يمثلو على بعضون بس المهم ما يكون في أنت وأنا يكون في نحنا، الزواج هو لعبة جماعية وليس لعبة فردية

اي والله انا معك بكل الي قلتيه

بس ليكي اذا شفتي الواقع بتلاقي انه هاد الحكي نظري كتير

يعني انت اذا اطلعتي على الي حواليك من الازواج بتلاقي

بعد اقل من سنة ورغم انن متزوجين عن قصة حب عاصفة

بتلاقي صار برود غريب

بينن والمشكلة انه كل واحد بيحمل المسؤولية على التاني

بالقول الماثور

انت ما كنت هيك

كاتب النص الأصلي : THE_unforgiven

مش شرط .. حسب الزوجين واندماجن .. وحسب العاطفة اللي كانت قبل الزواج .. فلو كانت صادقة .. بتبتقى .. وكل ماقدم الزواج .. بتزيد أكتر ..

هلأ هوي فكرة الزواج انو يصيرو التنين جسد واحد وروح واحدة .. لهيك بتلتغى الأنانية .. والذاتية .. وبيحل محلا المحبة .. المشتركة .. ومتل ماقالت مروى الزواج لعبة مش فردية ..


النقطة هيي انو تلتقى البنت المناسبة .. وبس .. لأن بالنهاية .. الإنسان ناقص .. والزواج ماهوي إلا الجزء الناقص بحياة الإنسان .. والشريك هوي اللي بيخلي الزوج يوصل عالكمال ..
.
.
سؤال إلك ويجا .. شو رأيك بالزواج .. وشو موقفك منو ؟

نفس الشي رح قلك كلنا هيك منقول

بس عن جد انا كل الحالات الي حولي من الازواج اثبته العكس

يعني على التحربة ما عم تظبط هيك

اما جواب سؤالك فانا والزواج متل الخطين المستقيمين لا يلتقيان

لان الزواج لازم ينتج عن حب

وانا ما فيني حب بنت باعتبار اني مثلي

فانا بشوفهن متل رفقة وبس

وغير هيك ممنوع منعا باتا في الارض وفي السماء

ففيك تسقطني من حسبات الزواج

بس انا خطرلي افتح الموضوع لان عندي اصدقائي متزوجين وعن حب كبير

وعم يمرو بهي الحالة

[marochka]

أنا عم أحكي عن تجربة، يمكن تكون حالة موكتير موجودة بس مانا مستحيلة، يمكن ما تصدقني إذا قلتلك أنو أنا وزوجي ولا مرة تخانقنا من ست سنين لهلأ، حتى بس نختلف على شي موضوع منحصر النقاش بالموضوع وما منجرب ننقله للتجريح الشخصي أو التعميم متل: أنت على طول بتعمل هيك، والمرة الماضية قلت هيك، ومن سنتين مدري شو عملت، وأحيان منترك الموضوع لوقت تاني لحتى نهدا ونفكر لأنو أصعب شي النقاش والواحد معصب. ما عم قول أنو هاد شي سهل، بس اللي مساعدنا أنو اتنيناتنا منفكر هيك ومقتنعين أنو إذا قررنا ما نتخانق ما رح نتخانق، لأنو الاختلاف ما بيعني أبداً الخلاف

[W.E.G.A]

كاتب النص الأصلي : marochka

أنا عم أحكي عن تجربة، يمكن تكون حالة موكتير موجودة بس مانا مستحيلة، يمكن ما تصدقني إذا قلتلك أنو أنا وزوجي ولا مرة تخانقنا من ست سنين لهلأ، حتى بس نختلف على شي موضوع منحصر النقاش بالموضوع وما منجرب ننقله للتجريح الشخصي أو التعميم متل: أنت على طول بتعمل هيك، والمرة الماضية قلت هيك، ومن سنتين مدري شو عملت، وأحيان منترك الموضوع لوقت تاني لحتى نهدا ونفكر لأنو أصعب شي النقاش والواحد معصب. ما عم قول أنو هاد شي سهل، بس اللي مساعدنا أنو اتنيناتنا منفكر هيك ومقتنعين أنو إذا قررنا ما نتخانق ما رح نتخانق، لأنو الاختلاف ما بيعني أبداً الخلاف

لا ليش ما صدق بصدق

بس متل ما قلتي هي حالات قليلة

بس كمان انه انتو عم تاخدو قرار انكن تعملو هيك

بس بينما ايام الخطبة كان في هيك تفكير

يعني كان من دون وعي في توافق وفي مسايرة

[وردة حماة]

حرام عليكون يا جماعة
هيك عبتخلو الناس تنفر من الزواج
الزواج سنة الحياة..

[marochka]

كاتب النص الأصلي : وردة حماة

حرام عليكون يا جماعة
هيك عبتخلو الناس تنفر من الزواج
الزواج سنة الحياة..

ما حدا بينفر حدا من الزواج، بس الزواج ما لازم يكون مصير محتوم، أنا كنت مقررة ما أتجوز إلا إذا لقيت حدا يناسبني تماماً عاطفياً وفكرياً وبقيت لل32 سنة وفكرت أني رح أبقى بلا زواج وما كان عندي مشكلة بهالشي وقام إجا الشخص المناسب، وأيام الخطبة ما كانت فارقة عن هلأ بشي ويمكن مشان هيك ما صار مشاكل بعدين، يعني أيام الخطبة كنا صريحين مع بعض يمكن زيادة عن اللزوم، وما حدا خبى شي من عيوبه (رغم كترتا)، وهاد خلانا نعرف إذا رح نقدر نعيش مع بعض أو لا، لأن ممكن تنين يحبو بعض من بعيد بس العيشة مع بعض بنفس البيت شي تاني.
المهم أنو قرار الزواج ما يكون بس للزواج، وإنما يكون تتويج لعلاقة ناضجة ومتكاملة.

[W.E.G.A]

كاتب النص الأصلي : وردة حماة

حرام عليكون يا جماعة
هيك عبتخلو الناس تنفر من الزواج
الزواج سنة الحياة..

طيب ماشي

ما مشتهي ادخل بجدال عقيم

شكرا على المشاركة

كاتب النص الأصلي : marochka

ما حدا بينفر حدا من الزواج، بس الزواج ما لازم يكون مصير محتوم، أنا كنت مقررة ما أتجوز إلا إذا لقيت حدا يناسبني تماماً عاطفياً وفكرياً وبقيت لل32 سنة وفكرت أني رح أبقى بلا زواج وما كان عندي مشكلة بهالشي وقام إجا الشخص المناسب، وأيام الخطبة ما كانت فارقة عن هلأ بشي ويمكن مشان هيك ما صار مشاكل بعدين، يعني أيام الخطبة كنا صريحين مع بعض يمكن زيادة عن اللزوم، وما حدا خبى شي من عيوبه (رغم كترتا)، وهاد خلانا نعرف إذا رح نقدر نعيش مع بعض أو لا، لأن ممكن تنين يحبو بعض من بعيد بس العيشة مع بعض بنفس البيت شي تاني.
المهم أنو قرار الزواج ما يكون بس للزواج، وإنما يكون تتويج لعلاقة ناضجة ومتكاملة.

اها اذا عرف السبب بطل العجب

ما انت لما اتزوجت كنت بعمر ناضج تماما

وانت بتعرفي انه بكل حالات الخطبة ببلش الكذب وانه الطرفين

كل واحد بيعمل حاله الافضل

وبعد الجازة ببين كل شي

وبتبلش خيبات الامل

[marochka]

مظبوط، النضج إلو كتير فضل بالنجاح والفشل، والمشكلة أنو المجتمع دايماً بيدفش الواحد للإستعجال، وأغلب الأحيان بيكون الزواج بس لأنو المجتمع بيحسس الواحد أنو ناقص إذا ما كان متجوز وخصوصاً بالنسبة للبنت، أغلب المجتمعات ما بتحترم رغبة الإنسان وميوله الشخصية، وهاد سبب كتير من خيبات الأمل والفشل، وتحدي المجتمع متعب وصعب بس بالآخر بيكسب الإنسان نفسه وانسجامه مع ذاته

[وردة حماة]

طيب ماشي

ما مشتهي ادخل بجدال عقيم

شكرا على المشاركة

أنا راح وضحلك رأيي
رأيي أنو بأيام لخطبة والحب الممنوع مرغوب مشان هيك بنشوف الحبيبين مييتيين بحب بعض
وبعد الزواج : الموجود يمل منه اذا ما كان فيه تجديد وتغيير
انا هاد رايي
شكرا

[DARKNESS]

اول نقطة رح نتناقش فيها هي ليش المشاعر بعد الزواج بتنقص كا ما المدة زادت

بسبب الروتين و العادة و عدم التجديد بالاسلوب و الحياة الخالية من التجديد و النشاطات

تاني نقطة هي انه ليش بعد الزواج الاهتمام بالذات مو بيتراجع بيلتغى سواء من الرجل او المراة
بس المراة ما بعرف ليش اكتر

لأنو سوقو نفق متل ما بيقولو و و راحت عليه و المراة اكتر لأنو ما ضل في داعي تركز حالها من شان يجوها الخطابة و العرسان
و المراة بتضل هكلانة هم لحتى تتجوز اما الرجال ما بيهكل هم غير بعد ما يتجوز

النقطة التالتة هي انه كيف رح تحل معضلة اعذب مكتفي او متزوج معدم

اذا الله ما حلها نحن بدنا نحلها

النقطة الاخيرة انه ليش الزواج نهاية للحياة الي قبله
يعني اذا فكر الرجل يسهر مع اصحابه او يعمل مشروع بتقوم القيامة
وطبعا المراة حياتها كلها بتنتهي لان البنت لزوجها وبيتها وولادها هيك بتوصيها امها يوم عرسها
وطبعا بعد قرارت الزوح الرجولية طبعا مابضل عندها شي تقدر تعمله لان لازم ترضي زوجها وما تطلع عن شوره

ليش يا سيدي لأنو بصير في عندك مخلوقة بالبيت ما فيك تطنشها فأنت لازم تضل معها و حدها و تدللها لأنو ألها حقوق عليك
و ما بيصير تطنشها من شان صحابك و خصوصي اذا صار في ولاد كمان اما بالنسبة للمراة فهالشي بعود لعاداتنا الشرقية و شغلات و قصص ما بعرف شو ربها و من وين جاية يعني بيضلو يقولو للبنت الله يستر عليكي شو يعني هي بتكون مفضوحة قبل ما تتجوز
و حكي كلو بلا طعمة

[savage garden]

هلأ بما اني رح افوت هاي الحياة عن ئريب
فانا تصوري عن هاد الموضوع انو الحياة المشتركة بين اي تنين لازم يكون اساسها التفاهم
بتصور الملل والروتين هو سبب انو المشاعر بتقل بعد الزواج
والحئ هون عالطرفين
لازم التنين يسعو انو يجددو حياتهم كل يوم

[وردة حماة]

كاتب النص الأصلي : savage garden

هلأ بما اني رح افوت هاي الحياة عن ئريب
فانا تصوري عن هاد الموضوع انو الحياة المشتركة بين اي تنين لازم يكون اساسها التفاهم
بتصور الملل والروتين هو سبب انو المشاعر بتقل بعد الزواج
والحئ هون عالطرفين
لازم التنين يسعو انو يجددو حياتهم كل يوم

مزبوط وانا رأيي هيك كمان