أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  و الله هالموضوع مقفول ترى
 
أدوات الموضوع
قديم 10/07/2009   #163
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


منكمل مع ابو الزوز /

اقتباس:
هلا اسئلتي المعتادة وازا في شي مكرر متل سعدو واحد بدك ترجع تكتبه هون لان ما بدي دور بالمشاركات

سؤال ع جنيبي :: معك قداحة ؟؟
ما بدخن بس بابا جنبي .. مدخنة متنقله اذا لازم بمررلك سيكاره مشعولة وخالصة
اقتباس:

تفضل استلم
الله حيو صرنا بالوزارة وبدنا نستلم الحقيبة

اقتباس:
هات لنشوف عطيني رأيك بالتالي :
-----------------
الحيوان
كائن حي متلي متله
اقتباس:
الجراثيم
متل كلشي بهلدنيا منها المفيد ومنها الضار
اقتباس:
الإنسان
شلحت تيابي بسؤال ياسين بخصوص هلنقطة بالتحديد
اقتباس:
الله
فكرة ظريفة
اقتباس:
الدين
اسلوب تحكم بالشعب
اقتباس:
الطائفية
مصيبة البشرية
اقتباس:
الإلحاد
نظرية دينية ما كتير مقتنع فيها
اقتباس:
العلمانية
طريقة للتخلص من سلطة الدين ... فكرة عظيمة
---------------------------
اقتباس:
السياسة
لعبة فيها الكل مخطئ والربحان مين "بعلي صوته " فوق البقية
اقتباس:
الحروب الإقتصادية
فكرة حاولت كتير استوعبها .. وفشلت
اقتباس:
امريكا
كيان عظيم داخليا مجرم خارجيا
اقتباس:
روسيا
متلها متل سنغفورة .. ما بتعنيلي شي
اقتباس:
سوريا
وطني
اقتباس:
العراق
حضارة تاريخية تكاتروا الوارثين عليها من بعد ما قتلوها .
اقتباس:
الجولان
الكلمة هي ما قدرت عبر عليها .. لا بجملة ولا بسطر ولا بمقال ، وقت أطلق المدون السوري حملة التدوين من أجل الجولان كنت من أكتر المتحمسين للفكرة .. بس فشلت بالمشاركة لأن الحكي بيختفي من ذهني وقت بفكر بهلمنطقة وبقرا عن تاريخا وكيف تم اغتصابها .
اقتباس:
كوبا
كاسترو ابن العم

--------------
اقتباس:
مين اقرب واحد الك هون
ساندرا
اقتباس:
مين ابعد واحد
من كتر مانه بعيد ما مبين اسمه

اقتباس:
معك 5 وردات لمين بتهديهون
وردتين لعضو ما بشارك كتير بالاخوية بس متأكد انه عم يقرا الرد هاد
وردتين لساندرا
ووردة الك لا تزعل
اقتباس:
وخمس شوكات لمين ( اهدي لا تستحي )
مو قصة تهرب بس قلي شو بتقصد بالشوكات ... انه بتمنى يصرله للشخص شي مزعج ولا تعبير عن استياء من الشخص هاد ؟ وضحلي شو بتقصدك وبوعدك اني رح جاوب
اقتباس:
شو سيارتك
وكم حادث سويت (بعيد الشر )

شو اول سيارة كانت عندك
الله يكتر من التكاسي



-------------------

اقتباس:
كلمتين منك لاخوية
صباح الخير
اقتباس:
شو عطتك اخوية
ساحة نقاش
اقتباس:
شو اخدت منك ( غير الوقت )
ثقة عالم ما عم يستوعبوا شو عم اعمل هون

-------------
تكنولوجيا:
_________
اقتباس:
شو نوع موبايلك
نوكيا 6233
اقتباس:
شو اخر رقم بموبايلك
شو بدا تفرق معك ؟
اقتباس:
كمبيوترك مواصفاتو عالماشي
ما عندي كومبيوتر

اقتباس:
شو سرعة النت عندك
ما بحب عدن للكليات مشان ما تروح بركتن
بس بالعادة 4 كيلو عدا ونقدا .. بس هلق شادد حيله فاتحلها على الستة لا تحسدلي ياه

--------------
عالماشي
__________
اقتباس:
شو نظريتك بالحياة
ان تعرضت لحادثة اغتصاب ولم تسطع المقاومة .. فعلى الأقل استمتع
اقتباس:
شو بتعنيلك الحياة
حساب محدود الساعات عليك استغلالها بالطريقة الأفضل
اقتباس:
قديش معك بالبنك
شو هاد بنك

شو أحلا اغنية للتالي ::
لفيروز : زعلي طوّل
ام كلثوم : انت عمري
عبد الحلم : قارئة الفنجان
وديع الصافي :
جورج وسوف : حلف القمر
ابوجوزيف
مممم
اقتباس:
بس بيكفوك هدول راجعلك

رجعت
معلاق مو بايدك .. برجلك

مقارنات.

شاي ولا قهوة
شاي
عرق ولافودكا
فودكا
نبيد مز ولا حلو
مز .. عيب نشرب حلو .. الحلو للولاد
فوكس ولا هنكن
هنكن
ريد لابل ولابلاك لابل
بلاك طبعا
ويسكي ولا كونياك
ويسكي
وينستون احمر ولا لوكي
الحسك رجلي اليمين
وينستون ابيض ولا جتان
واليسار كمان
برشلونة ولا ريال مدريد
برشلونة
مرسيدس ولا بي ام

لوس انجلس ولا لاس فيغاس
من بعد ما نقلنا ابو جريج صور فيغاس ما عاد في منازع .. ليغاس طبعا
ماي سبيس ولا هاي فايف
انفي عليك وعلى الجوز
دودج ولا فورد
فورد
انا ولا هوي
خالتي
لاب توب ولا كمبيوتر مكتب
لاب توب
نوكيا ولا سوني اركسون
نوكيا
كيا ولا هيونداي
كيا
تويوتا ولا جمس
تويوتا
سبور ولا رسمي
سبور
باريس ولا روما
باري
سوفييت ولا أمريكا
اميركا




اي اهلين اهلين

والله لخلي سعدو ينزل يتشفعلك

لا عم امزح هني لستتين لا شريك لهما

هي اسئلتك مشان هيكي اكل هوى يعني

أخويات خيو أخويات :

1 - كيف بتقيم أداء الأخوية الحالي من ناحية الأفكار والمواضيع والاشخاص

2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .

3 - فسر موقفك من
أكتر قسم بتحبه بالأخوية كلها ، شو هوي وليش بتحبه
وأكتر قسم بتكرهه ، نفس الحكي فوق
وعطيني رأيك بقسم المسابقات

4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟

5 - شو هوي أكتر موضوع بالأخوية معلق بذهنك وليش ؟


كتابيات خالو كتابيات :

2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .

3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟
انترنتيات بابا انترنتيات :

1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .

2 - هل أنت من مؤيدي فكرة حجب بعض المواقع ؟

3 - شو البراوزر اللي بتحب تستعمله

دينيات يرحم شنن بقبره دينيات :

سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .



هلا اسئلتي المعتادة وازا في شي مكرر متل سعدو واحد بدك ترجع تكتبه هون لان ما بدي دور بالمشاركات

سؤال ع جنيبي :: معك قداحة ؟؟



تفضل استلم

هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين ( اهدي لا تستحي )


شو سيارتك

وكم حادث سويت (بعيد الشر )

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوك هدول راجعلك

رجعت

مقارنات.

شاي ولا قهوة

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون احمر ولا لوكي

وينستون ابيض ولا جتان

برشلونة ولا ريال مدريد

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا هيونداي

تويوتا ولا جمس

سبور ولا رسمي

باريس ولا روما

سوفييت ولا أمريكا

ولا
بوز ينقرك .. هاد


اقتباس:
انا مساويلك شي؟
بساوي لعشرة متلك
اقتباس:
انت بتكرهني شي؟
ما بدا سؤال يا زلمة واضحة
اقتباس:
ليش آخر مرة تخانقنا؟
لأنك مصر تبقى تيس بحياتك
اقتباس:
شو بتقرأ أكتر شي بأخوية
منبر
اقتباس:
طيب شو بتحب اكتر شي بالصبية تكون يعني وبالشب كمان كزلك
ما يكذبوا علي لو شو ما صار
اقتباس:
وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين
بصير تطلع من راسي ؟

هل صحيح هالحكي التالي :
اقتباس:
إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
ضد هلشي .. الانسان هوي اللي بيصنع حاله وهوي اللي بيختار ثقافته حتى لو ما كان اله ايا ايد باختيار البيئة اللي ربي فيها .. بيبقى قادر بالمستقبل يقارن بين المجتمعات ويختار الانسب اله
فمالها علاقة النشأة والبيئة بحياة الانسان .. الانسان هوي اللي بحدد لأي درجة من السلم قادر انه يطلع .
‏====
اقتباس:
وهل يمكن بمعدل مئوي الأخذ بـ : وراء كل رجل عظيم رجل أعظم
ما كتير بقتنع فيها
اقتباس:
شو تعريف الروح؟
اتطلع بوج طفل صغير عم يتضحك لحالها روحك بتعرف عن حالها
اقتباس:
إزا صرلك شي وماعاد تفوت ع أخوية بعيد الشر يعني شو بتوصينا
كملو على نفس الطريق والله وايدكن
اقتباس:
شوتعريف الحشيش
وكيف يتم تمييز النظامي عن المروكب
اسمى مافي الوجود من بيجي بعد البحموشة دغري
ببين من نمرة رجله للزلمة اللي عم يبيعك

اقتباس:
شو بيزكرك هاد السمايل
بذكرني انه في دب شلف بوجي الاسئلة بدون ما يقراها
اقتباس:
إزا شي يوم ندق باب بيتك وقلت مين ونقال انا علاء شو بتكون ردة فعلك
ليش ما خبرتي قبل ما تجي لعندي
لأن على الاغلب بده يتخربط كل برنامجي

اقتباس:

هلا المهم بما انو ابو انطون هون ف سبيشل كم سؤال
ليليييييييييش
اقتباس:
رأيك ب السقيفة ,, الحشاشين القدام ,, دورها القديم وهل الجديد يستحق ان ياخذ عنوان دورها
دورها صعب تفتل نظامي اذا ما كان قاعد هلكام واحد اللي بيشفطوا هديك الشفطة بتقلب الحشيشة خرقة بايدن
اقتباس:
اخوية هلا وقبل وشو بتتوقع اخوية بكرا
نفس الخط ماشية .. ماني منتظر منها أكتر من اللي قدمتلي ياه
اقتباس:
المنسقين الجدد وكيف أدائن بنظرك مقارنة بالدفعة اللي قبلا
مو من العدل نحكي على دفعة بشكل كامل .. لكل شخص تقييم خاص فيه وما بعتقد منقدر نقيم جماعة كاملة بكلمتين

اقتباس:

كاس عرق ولا فودكا لما بدنا نسكر ع نفس الطاولة
طبعا عرق


اقتباس:
يلا اضوي
حاولت بس الكهربا مقطوعة ما مشي الحال

رايحة تزور
كوخ مسحور
 
قديم 10/07/2009   #164
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


بداية ليش فيصل القاسم ؟

تاني شي .
بالفترة الأخيرة " كتير متغير " ( صح ؟ هادا ما سؤال هادا حقيقة )

شو اسباب التغيير ؟
وشو اللي لسى عم يتغير ( يعني في خطة معدة لتغييرو ) ؟

بس حرام هالكينك يا زلمي


انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


 
قديم 10/07/2009   #165
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : ابو نجبو عرض المشاركة
سؤال واحد أخوي أبو طوني....


انته معروف بمناقشتك الموضوعية و تفنيداتك التفصيلية الطويلة " المملّة" أحياناً.......

خيو ...من اللي تناقشت معون ...لاحظت عليه انو تجاوب معك و اقتنع بكلامك......

القفلة يعني.....في حدا من الشباب المغاير لفكرك..... اقتنع منك و حوّل منهجو و تفكيرو لصالح أفكارك......!!!
ما بقدر قيم التغيير وصعب اني المسه بشكل مباشر
بتوقع انه اللي عم يتابع النقاش رح يستفيد أكتر من اللي فايت فيه
بعرف من حالي يعني .. وقت بكون عم اقرا نقاش بين شخصين بستفيد أكتر مما وقت بفوت فيه
يمكن زوال الرغبة بأني بدي اطلع انا الصح بيلعب دور بهلموضوع وبسهل من عملية تقبل الأفكار

بالنسبة الي صار بأكتر من مرة ( على المدى الطويل مو قصة لحظية ) اني فتت بنقاش وتغيرت أفكاري فبتوقع انه الا وما يكون صار هلشي مع شخص تاني وتغير بدوره جزء من افكاره وقناعاته .

ما بعرف ليش عجبني سؤالك كتير

 
قديم 10/07/2009   #166
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : سوا ربينا عرض المشاركة
ابو طوني .. هلأ انا بدي اسالك سؤال صريح جدا جزيلا يعني ممكن تستغرب بس انو هيك هوي الوحيد اجى ع بالي .. هلأ انت وبزماناتك يعني خلينا نقول من شي 6 اشهر حسيتك اتغيرت يعني كيف بدي قلك هلأ انت قبل كنت حسك عنصري جدا من ناحية الدين ولما تناقش حدا بالدين او اي شي بيخص الدين بتنط وما بتخلي .. وبتقول كل اللي بقلبك .. هلأ وبعد هالمقدمة الطويلة انو من 6 اشهر لهلأ بطلت تناقش بهيك شغلات وما عاد تتناقر مع حدا بهيك مواضيع يعني حتى ازا بدك تناقش بتناقش بأسلوب افضل من قبل (كيف صريح جدا ).. انو المهم يا ترا شو سبب التغيير اللي بقدر قول عنو انو مفاجئ (بالنسبة الي لانو انا من اكتر الناس يمكن اللي كنت اتناقر معك بهيك مواضيع .. )

وشكرا جدا جزيلا ...
التغيير بصير وقت واحد بيتطلع على الموضوع بشكل أفضل
بالنسبة الي انا زلمة فتحت عيوني بمدينة اسمها حلب ، واللي ما بيعرف شو واقع حلب الطائفي صعب يفهم الشي اللي انا بقصده لهيك ما رح ادخل بتفاصيل سبب تشكل هلصورة بالنسبة الي .

بالنسبة الك حسيت اني تغيرت وهلشي كتير بيسعدني اني عم اقدر اتواصل مع العالم ووصل فكرتي ويتقبلوها مني بشكل أفضل ..وبنفس الوقت قدرت غير من بعض افكاري وحسن منها لدرجة انه البقية لمسوا هلشي

 
قديم 10/07/2009   #167
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : sweetbaby عرض المشاركة
لك يااخي بدي كون حبابة ومارح اسالك ولا سؤال شوف شومنيحة...

بس وينك ماعم تبين لك خيو؟؟
الاسئلة البقية بتجي وقت بشوفك احسن مااكل قتلة
ترا انا حذرت بالأول اذا حسيت لدعتني الزيتات رح ابدا اهبش يمين يسار ورح يروح ضحايا وقتلا كتير على قولة المتل : اجا الدب تيرقص .. قتله سبع تنفس

ما عم ابين كيف يعني .. ليكني مبلط بالاخوية على طول الخط وبكل عرس (موضوع) بهمني وبشدني عم يكون في الي قرص ( مشاركة ) وكترانة العراس الظريفة هلفترة هي .. اكتر من هيك مننتزع انا وهية

اهلين عمتي
 
قديم 10/07/2009   #168
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : Sun Shine Art عرض المشاركة

وانا كمان بدي اقلي ....مبسوطه كتير انه ابو طوني بالمقلايه
بياسفني ما بدارك نفس الشعور بعد الجولة مع أبو الزوز وفرشة المعلاق تبعه قرفت الساعة اللي دخلت فيها على المقلاية
الله لا يدوقك ياها
اقتباس:

ابو طوني ..كيفك اليوم ...هنون كم سؤال ...من الواقع الي عايشين فيه

شو رايك بالوضع الاقتصادي بالبلد بعد استلام بشار للحكم ...

هل بتحس انه صار تغيير جذري باكتر من مجال ..وهل التغير للامام ولا رجعنا ...
ما بوعى لفترة قبل استلام بشار الحكم بشكل منيح بس بالنسبة للسنوات اللي بوعالها وعشتها بشكل مباشر ما عم شوف في تغيير ... طالما نسبة راتب الموظف عم تبقى ثابتة مع اسعار المنتجات ففعليا مافي شي عم يتغير ومافي شي عم يتحسن ، يا فرحتي صار الواحد يقبض 20 ألف بالشهر .. وما عادت الـ 1000 ليرة تكفيه ليتسوق لبيته او اتجبله كام كيلو لحمة ليقدر ياكلها .

من ناحية التغيير في وما بقدر انكر وجوده ، بس مانه بحجم الشي اللي منحتاج اله
من ناحية قنوات التلفزيون والازاعات والصحف ومواقع الانترنت .. في تغير وشوية تماشي مع الواقع بس ممكن تكون الخطوات أكبر .. وانا متأكد بان واقعنا ممكن انه يتطور بشكل أفضل ، بالنسبة الي سوريا بتستاهل تكون احسن من هيك بكتير .

اقتباس:
السيده الاولى أسماء الها كتير معجبين من الوسط الاروبي ...ياترى هدا شي لح يعكس ويأثر ع العلاقات مع سوريا ....
اني قول ما رح تأثر بكون عم غش حالي قبل ما غش غيري
مين قال انه الغرب ما بيعطي أهمية لحياة الفرد الشخصية ؟ اوباما وقت عم ينتخبوه راحوا نبشوا سيرة أبوه البيولوجي بمحاولة ليخلوا العالم تنفر منه
فزوجة الرئيس تعبر بشكل أو بآخر عن الرئيس نفسه واللي هوي الشخص صاحب القرار الأول بهاد البلد

اقتباس:
نظرتك كا شاب للمرأه والفتاه السوريه بالتحديد ؟؟؟؟ وهل بتعتقد انه بتختلف عن غيرها وبشو ....
غيرها مين يعني ؟ البنت الأجنبية ولا البنت الشرق أوسطية ولا كيف ؟
بغض النظر عن مين مقابلها بكفة الميزان، المرأة السورية بشكل منفرد ... يعني هية بحد ذاتها مشروع بيستاهل انراهن عليه
مهمشة اجتماعيا.. اي مهمشة وبشكل كبير بس ما تشوهت
لسعتها قادرة على التماشي مع الواقع وقادرة على شغل المناصب وتقديم صورة حضارية للبلد
اقتباس:
التربيه الدينيه بمجتمعنا هل هي صحيحه ؟؟؟ وهل لازمها تغير ؟؟؟؟
لو كان السؤال " بمدارسنا " كنت سحبت سيفي ونزلت قصقصة برقاب هلعباد
بس وقت بصير الحديث عن مجتمعنا رح يختلف رأي
قناعتي الشخصية بتقلي انه الدين شي شخصي مع الله ما لازم حدا يجبر التاني على اختيار الطريقة اللي رح يتواصل فيها مع الله
بس هلحكي خيالي وكله خطأ بخطأ لأن الهوية الدينية بتلعب بدور أو بآخر جزء من حياة الانسان ، ممكن بالمستقبل الانسان يستغني عن هلفكرة هي .. بس الطفل ما بعتقد رح يقدر يعيش بمجتمعنا السائد عليه صفة الانتماء الديني .
انا مع تربية الطفل على اسس الدين وتعريفه على مفاهيم الدين
تماما متل مع اني اسمح لهلطفل بالمستقبل وفي حال عدم اقتناعه بالشي اللي عم عرفه عليه .. او اقتناعه بدين تاني .. اسمحله يختار طريق غير الطريق اللي انا رسمتله ياه بحياتي .
لو اتطبقوا هلخطوتين بشكل متزامن ومتوافق بعتقد رح يتغير كتير اشياء ، اولها رح نخلص من قصة التعصب الطائفي والديني .
اقتباس:
حسب ماعم اسمع التشدد الديني والتعصب وصل للسوريا ..شو رأيك بهل الموضوع صحيح ولا لأ وليش ...
طول عمره في متشددين بسوريا وفي عالم ما عاطية للدين أهمية كبيرة
التشدد الديني مافي منه مشكلة بحد ذاته لو ما كان مربوط بشكل مباشر بالتعصب
يا اختي التعصب بينفي كل احتمال تقبل الآخر والعيش معه بسلام
كيف فيني حط ايدي بايد شخص عم يسبني أو شخص عم سبه بالخفية ؟

اقتباس:
الكاس وما ادراك ما الكاس ...شو رايك فيه مع شويه كبه نيه
مشروع عظيم .. مع صحن موالح فستق حلبي وبزر قرع
يا سعدو ارحمني
اقتباس:
انت من الاشخاص الي بحترمون كتير و بتعبرك من الاشخاص الي عم يتعبو كتير بأخويه ..فهل بتحس انه شغلك عم لاقي نتيجه ..ولا بطاطا ....
جملتك بالأول لحالها بتفرحني وبتأثبتلي اني عم اقدر اعمل شي بهلمحل
الله حيو الدعم الفني والمعنوي

اقتباس:
وشو بتقول لاخويه ...
قلنا كتير للأخوية وكله بيبقى كلمات ... الاخوية بتعرف مين هية وبتعرف الطريق اللي ماشية عليه أكتر مني
الله يقويها ويخليها مساحة عم نتنفس منها الطاولة اللي عم تجمع كل العالم عليها ليتحاوروا الطاولة اللي عم نستفقدلها بالواقع .
اقتباس:
ويسعدلي سعدو تبعك
شو تبعي ما تبعي .. سعدو أملاك عامة يرضى عليكي لا تغلطي متل هيك غلطة


 
قديم 10/07/2009   #169
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : sona78 عرض المشاركة
ابو طوني ابو طوني
اهلا بسونا
اقتباس:

اول سؤال ليش بطلت تجبلنا كاسات؟؟؟؟
معصلجة معي ما عم افضى اكتب شي جديد
مو بس واقفين الكاسات معي ، تقريبا واقف كلشي .. اكتر من واحد سألني اذا اعتزلت التدوين
بس راجعين راجعين اولتا واخيرتا ملنا غير هلقنينة
اقتباس:
تاني شي مدونتك مكتوب فيها بالغة الالمانية .. كنت بالمانيا او شي دولة بتعتمد هاللغة ؟؟ و ع اي اساس ؟؟
لا مازرت ألمانيا ولا قربت صوبها
اللي مكتوب بالالماني عبارة عن تدوينة وحدة كتبتا على هامش شوية بحبشة بالحقبة النازية
طلعت معي جملة بالالماني كانت مكتوبة على المعتقلات اللي تم فيها اجراء المحارق ، خلتني بحبش اكتر على الجملة واكتب اللشي اللي وصلتله من بعد بحثي البسيط .
اقتباس:
كيف بتقيم الوضع بسورية ؟؟ سواء الاقتصادي او الاجتماعي فعلا اسوا من السابق ولا بتحسن بشي اسمو تحسن ؟
اقتصاديا حكينا مع صوفي بهلموضوع بس اجتماعيا نقطة كتير بهتم فيها بصفة شخصية
في شغلة ما بيعرفها حدا من الأخوية عني .. الهم اللي منتبهلها وقت ذكرتا بشكل سريع بمدونتي
انا صرلي تقريبا 3 سنين متواصلة منتسب لحركة اجتماعية طلابية ، عضو بمجموعة الجامعيين ( كوني طالب جامعي ) ومسؤول على فئة من الولاد بعمر الـ 14 سنة .
عمل الحركة هي بالمجتمع محدود إلى حد ما بسبب انه الكنيسة راعية الحركة هي ( لدواعي أمنية بحتة .. الكل بيعرف شو مصير التجمعات المافي الها أي غطاء بيحميها ) محصورة بحد ما بالشبيبة المسيحية الطلابية
من فترة يومين تقريبا كنت عم قارن بين الاعضاء اللي عنا وبين بقية الاولاد اللي بشوفن بالطريق بشكل فعلي حسيت أني عم اعمل شي كتير عظيم وقت عم اقعد مع ابن الـ 14 سنة منحكي على كيفية تنظيم الوقت .. منحكي على كيف بيقدر يتفاهم مع أهله .. منحكي كيف بيقدر يطور حاله علميا .. كيف لازم يضبط اعصابه ويتقبل الآخر ويتمرن على فن الأصغاء .
اللي بدي وصله أننا بسوريا عم نتراجع اجتماعيا لأن ثقافة البديهيات عم اتضيع مننا شوي شوي لو في مؤسسات او هيئات اجتماعية فاعلة كان تحسن الوضع كتير ...
اقتباس:
وبرايك الانطباع يلي مناخدو عن الشباب السوري عن طريق المنتدى الو وجود بالواقع العملي؟؟ يعني صاير عم يشكل وجود بارض الواقع ولا لساتها فئة صغيرة ؟؟؟
فئة صغيرة بس بحاول أقنع حالي انها عم تكبر
كمثال بسيط .. انا مشترك بمجموعة المدونين العرب بيصلني يوميا ملخص بالتدوينات اللي تم ارسالها لليوم من قبل بقية المشتركين
اغلبيتها أمور تقنية وبرمجية أو أقاصيص دينية
بعكس مجتمع المدونات السورية اللي وقت بفوت عليه بحس حالي فايت على قعدة شعب مثقاف وواعي موجه اهتماماته لأمور مفيدة متل القراءة والمطالعة والأمور الادبية
من ناحيتي متفائل كتير بهي النقطة
اقتباس:
مشكلة التطرف برايك عنا مقصروة ع الاسلام .. ولا كمان المسحيين عم يردو التطرف بتطرف؟؟ سواء من خلال انسجامون مع الاديان التانية او تقبلهون الها ؟؟؟
التطرف مانه صناعة اسلامية او فكرة طلعت بربوع الاسلام لحد اللحظة في شخصيات مسيحية متطرفة
الفرق أنه المسيحية قدرت من فترة قريبة تطلع من هلدائرة بينما الاسلام لسعته فايت فيها
يمكن الفرق الزمني ( 600 سنة تقريبا بين الديانتين ) عامل مهم لتتبلور الأفكار الدينية وتاخد أبعادها الحقيقية
اضافة انه الخطاب الاسلامي الحالي مانه فاهم ابعاد هي النقطة وما عم يشتغل على نبذ التطرف ، بشوف أنه بشكل السبب المباشر لانتشار التطرف وزيادة اعداد المتطرفين من كل الأطراف

بالنسبة الي عندي نفور وقرف بشكل كبير إلى حد ما من شي اسمه "اقباط" نتيجة افكارن المتطرفة اللي بيحملوها واللي مو بس موجهة للمسلمين .. موجهة للمسيحيين غير القبطيين (طبعا هلصورة منقولة الي من خلال الانترنت ويمكن ما يكون الها ايا صلة للواقع )
هل منحمل مشاكلن مع الاسلام ذنب دفاعن المستميت عن عقيدتن اللي وصلتن لدرجة العداء مع الكل ؟ هلشي بيرجع لقراءة كل واحد للمعطيات الشعب المصري ، فكرتي أنه الخطاب المتشدد بيخلق تطرف بالطرفين وسلبياته مو بس على مؤيدين الخطاب .. كمان على المتضررين منه لأن مو منطقي انا سبك وانت تتحمل حالك وما تسبني بدورك .

اقتباس:

واخيرا .. ريتو سعدو يحميك
الزلمة ما عم يقصر
ويحميكي الك كمان
 
قديم 10/07/2009   #170
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


غابي :

- دراستك ؟ انت اخترتها ؟ بتحبها ؟ مبدع فيها و لا شلون ما كان ؟
- حلمك شو هوي ؟
- العاطفة ( الحب ) بحياتك وينو بتفكر فيه ولا متل قلتو
- مرسوم استبدال المادة 548 المتعلقة بجرائم الشرف شو عنالك
- شو بيعنيلك الدخان
- شو بيعنيلك النسوان
- شو بيعنيلك بنات الهوى ( البنات يلي بيشتغلو بالدعارة )
- القراءة قديش من حياة غابي
- رسالة لكل فرد بالأخوية

*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
 
قديم 10/07/2009   #171
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : LiOnHeArT.3LA2 عرض المشاركة

اخي انا عندي كم سؤال حاليا

بعدين برجعلك
لا والله ما بترجع


اقتباس:

ابو طوني .. شو رأيو بالمدونون السوريون .. او المدونين السوريين ..

والتدوين العربي ..
المشكلة أنه التدوين صاير كأنه شغلة خطيرة او شي اختراع ذرة
القصة اسهل من هيك بكتير
يا اخي انا انسان باكل بشرب بنام ويمكن ما بنام ما منختلف على هلنقطة ، عايش حياتي بشكل كامل فطبيعي يكون عندي شي عم فكر فيه ، طبيعي يكون عندي شي عم يدور براسي بهي اللحظة
يمكن يكون سخيف بنظري بس يستمتعوا البقية بقراءته
التدوين العربي مانه فهمان انه المدونة مشروع شخصي بيكتب فيه الواحد الشي اللي عم يفكر فيه وبيقدر يطور هوايته الأدبية أو يعمله شوية بحوث علمية يفيد العالم فيها
معتبرين المدونة - موقع - وهنن المديرين تبعه
بتشوف اللمسة الشخصية غايبا تماما عن الساحة العربية ، اغلبية التدوينات على شو آخر خدمة نزلتها شركة غوغل وشو آخر نوع متصفح عم تفكر شركة مايكروسوفت اتطوره وشو آخر نظام تشغيل طرحته شركة آبونتو
ماني ضد انه اذا الشخص عنده ميول للأمور التقنية يعمل مدونة تقنية يفيد فيها العالم من خبرته ، بس ضد انه يصير الستاندر من المدونات هوي القالب التقني .

سوريا عنجد وبكل موضوعية وبعيد عن اي مشاعر انتماء لمجموعة المدونين السوريين
بتشوف بالمدونات السورية لمسة شخصية أكتر من رائعة بكتير ، هلمسة عم تخلق زوايا وصفحات انترنت ما بينساها الزائر بسهولة
بتقرا احداث كاتبينها العالم من حياتن اليومية بتخليك تعيش اللحظة معن
اقتباس:

..
فكرة العلمانية ..
برأيك اديش بدا لتطبق .. تطبق يعني انو اخي .. ينشء عندك جيل سوري .. يآمن انو لازم يكون عنا علمانية ..
بزعل منك يا زلمة سوريا محسوبة على البلاد العلمانية كون الحزب الحاكم فيها علماني
بس لسع الشعب مانه فهمان شو هوي الدين ومين هوي الله وكيف هلنص هاد ماله أيا هدف غير يعرفني على الله ... بعد ما اتعرف على الله بتصير علاقتي مباشرة معه وما بعود في أهمية للنص الديني لأن مهمته انتهت باللحظة اللي صرت عيش فيها مع الله .
ما بتخيل بالهين شعبنا بيستغني عن انتماءه الديني .
اقتباس:
وصعي صعي ..
انتي مع فكرة العلمانية ما ؟
للعضم

سؤال ..تاني
اقتباس:
طلب منك رئيس الوزراء .. انو تعمل ليستا .. وكل الوزراء رح يطبقوها ..
تفضّل لنشوف ..
هات ما عندك .. وسنعود بعد كليل ..
هيك بفرض مرة
يا سيدي بدي اعتبر انه السؤال هدفه احكي شو ببالي غير بسوريا بشكل عام ( مو بس على صعيد الوزارات )
سماع لئلك :

- بعمل اسعار الانترنت اقل من رمزية وبأمن خطوط سريعة لكل بيت
- بمنح الجامعات الخاصة حرية وضع الشروط اللي رح يفوت فيها الطالب على الفرع ( يعني بحررن من البكلوريا الهم تبعنا ) وبنفس الوقت بعمل بالجامعات الحكومية اختبارات بمواد معينة على اساسها بفوت الطالب على الجامعة مو على اساس البكلوريا الحلم تبعنا .
- بمنع تعدد الزوجات في سوريا
- بقدم تسهيلات كتير كبيرة للشركات والمعامل اللي بترعى أندية رياضية وبعفيها من جزء كتير كبير من الضرايب في حال نجخت برعاية النادي وتحقيق نتايج بترفع الراس على صعيد اللعبة.
- بسمح بترخيص التجمعات الاجتماعية بعد التأكد من سمو الرسالة اللي عم تأديها وبغض النظر عن وجود جهة دينية راعية الها او لا
- برخص لعدد كتير كبير من الفنادق
- بلغي مادة الديانة من السلك التعليمي وبنزل بدل ساعاتها مادة اسمها خدمات اجتماعية .. بهي الساعات بيطلع طلاب الصف بيعملوا شي لصالح البلدية متل تلوين الرصيف أو توزيف بروشورات توعية على العالم بالطرقات .
- بمنع يكون عدد طوابق البناية في الضواحي في الريف يزيد عن 3
- بطبق خطة للحد من النسل .. مافي براسي خطوات معينة بس بفكر امشي بهاد الطريق
- بخلي الموظف يعيش .. بعطيه راتب متل العالم والخلق
- بفرض غرامة مالية على المشاة اللي بيرموا زبالتن بالطريق .. يمكن تقلي هي نقطة مو مستاهلة .. بنظري مستاهلة ونص وكبيرة كتير بالنسبة الي .
- بنزل خدمة العلم للسنة الواحدة فقط
- بجبر كل وزير يعمل مدونة ويمنع ميزة الاشراف على التعليقات


في لسع كتير اشياء براسي شي خاص بعازفي الكمان ( مجلس الشعب ) وشي خاص بالجبهة الوطنية بس بلا ما احكي احسنلي .. بس اجاني هيك سؤالك فجأة ومن كتر الافكار ما عدت لحق اكتب ، فحاجتي احلام اكتر من هيك .. بخاف صدق حالي وبطّل اقدر ارجع عيش مع الواقع
 
قديم 10/07/2009   #172
شب و شيخ الشباب أإأبو العبد
عضو
-- زعيـــــــم --
 
الصورة الرمزية لـ أإأبو العبد
أإأبو العبد is offline
 
نورنا ب:
Dec 2008
المطرح:
بعيــــــــــــــــد..........
مشاركات:
1,904

افتراضي


ابو طوني عندي سؤال

مين هو الله وشو يعني دين

يمكن اذا اقنعتني اسدق انك نبي
 
قديم 10/07/2009   #173
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : jankasanova عرض المشاركة
ايه ابو طوني استلم لنشوف:

1-هل التكنولوجيا نعمة ام نقمة؟ولماذا؟
.
التكنولوجيا = تطور وحضارة
وما بحياتها كان للحضارة جوانب سلبية بتستاهل نقول انها فاشلة
اقتباس:
2-هل برايك الازمة الاقتصادية العالمية رح تنتهي بوقت قريب؟
قراءتي الاقتصادية متلها متل ابو عبدو الفوال .. صفر علشمال يعني .. بس بتخيل انها مانها مطولة أولتها وأخيرتا رح تنحل
اقتباس:
3-الاحتباس الحراري, في عالم متخوفة من الاحتباس الحراري و في عالم بتقول انو الحكي عن الاحتباس الحراري مبالغ فيه جدا جدا. انت شو بتقول؟و اذا كنت من الفئة الاولى شو الاجرائات اللي لازم نقوم فيها لنخفف الاحتباس الحراري؟واذا كنت من الفئة التانية, ليش الحكي عن الاحتباس الحراري مبالغ فيه؟واذا كان الك راي اخر عن الاحتباس فيدنا فيه!!
بدك الدغري الدغري .. انا ماني من العالم المهتمة أبدا بموضوع الاحتباس الحراري بالتحديد .. بهمني موضوع النفايات وتصريفها أو الموارد المائية وشحها أكتر بكتير من الاحتباس الحراري
مو قصة مبالغ فيه أو لا .. قصة انه ما بحس حالي معني فيه
بالأول والأخير ما انا اللي عم يسبب المشكلة وما عندي ايا قدرة على تحسين هلواقع او تغيير ايا جزئية فيه لا حاليا ولا مستقبلا .. اللهم اذا سعدو فرجا وصار عنا سلسلة معامل منفكر بوقتا بهلموضوع
اقتباس:
4-هل واجهت الموت شي مرة بحياتك؟ او تعرضت لخطر كبير على حياتك؟اذا اي حكيلنا شو صار, اذا لأ
من اصيرو
بس عملت عملية جراحية وحيدة بحياتي كانت براسي .. مافيا خطر على حياتي بس انه توجعت كتير منها هي مشان ما يبقى البوز لحاله بالساحة

.
اقتباس:
5-شو موقفك من الاجهاض؟
انك تقرر طرح جنين عمره بضعة أشعر .. افضل بكتير من أنك تأنجب انسان ما مقدمله رعاية ما مقدمله نعاية .. اقرب ما يمكن لمشروع متسول .
بس بيبقى عامل العمر بنظري كتير مهم ... لو زاد عمر الجنين على الـ 4 اشهر ما بتخيل في قدرة بالعالم رح تخليني وافق على قتله .

اقتباس:
بونوس كويسشن*:
-"المغترب" هي صفة لشخص يعيش خارج وطنه هل يمكن ان تنتطبق على شخص يعيش داخل وطنه ايضا؟

*البونوس كويسشن: اذا في سؤال من الاسئلة الخمسة ما بدك تجاوب عليه فيك تستبدلو بالبونوس كويسشن(شلوني معك). بس اذا بدك تجاوب عالبونوس كويسشن بدون استبدال اي سؤال بيمشي الحال كمان.
بجاوب شو خايف منك مثلا
ما بوافق على تسمية الانسان الضايع بالمغترب ، المغترب مافي عنده ايا مشكلة من ناحية الانتماء ، البعد عن الأرض اللي بينتمي الها ما قدر يشيل الرابط بينه وبينه
بعكس المثال التاني اللي عايش داخل وطنه وعم يحس حاله غريب عنه ومافي شي بيربطه بالوطن اللي عايش فيه فبالأصل ما اسمه مغترب لأن مافي شي عم يحن اله .
اقتباس:
شغلة هالقلي طلعت ممتعة كتير
بس تكون محلي ورجيني حالك
 
قديم 10/07/2009   #174
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : wile عرض المشاركة
لك يلعن إبليسكن إرحمو الزلمة بقى

والله بدو 10 ليردو عليكون مو واحد

وأبو طوني الي بضايقك بأسئلته قلي عليه هاه
بخليلك يتراجع عن أسئلته ويضل يمدح فيك للصبح بس إنت قلي
انت فين والحب فين
 
قديم 10/07/2009   #175
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : butterfly عرض المشاركة
بداية ليش فيصل القاسم ؟

تاني شي .
بالفترة الأخيرة " كتير متغير " ( صح ؟ هادا ما سؤال هادا حقيقة )



لك هلزلمة بحب حمئته بالاتجاه المعاكس كتير
بيعجبني كيف بيقدر ينظم أفكاره ويعرضها بالقالب المناسب
وهيك يعني

اقتباس:
شو اسباب التغيير ؟
وشو اللي لسى عم يتغير ( يعني في خطة معدة لتغييرو ) ؟

بس حرام هالكينك يا زلمي
يمكن الواحد بيقدر مع الوقت يفهم افكاره ويطور حاله بشكل أفضل
بصراحة انا مبسوط كتير انه العالم عم تقلي اني عم اتغير .. هاد وسام الي بأني عم اتفاعل بشكل صح وعم اقدر أتأثر بالآراء
انه خطة ما بعتقد في خطة .. لأن بالأصل ما خطرلي انه يا ابو طوني لازمك تنزيل محرك وتغير بواجي بفرض مرة عملك تغيير لبقية القصص
الفكرة جاية من التفاعل مع العالم والقراءة لمختلف الآراء حتى يتبلور رأي خاص فيني ، طالما لسعتي عم اتفاعل بتخيل رح تمني عم اتغير واتطور
على امل اني ابقى متل البرغي محافظ على نفس المبادى ونفس المنحى الثابت مع تغيير بالمفاهيم وجهات الدوران

 
قديم 10/07/2009   #176
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : ِAbu Alzooz عرض المشاركة
غابي :

- دراستك ؟ انت اخترتها ؟ بتحبها ؟ مبدع فيها و لا شلون ما كان ؟
أهلين أبو ويلم ( حتى لو غيرت اسمك رح تبقى أبو ويلم بنظري )
دراستي ما كنت سمعان فيها قبل ما انجح بالبكلوريا
بعد ما طلعوا المجاميع صرت أسأل على الدراسات والفروعة والمستقبل ومجال العمل ، اقتنعت بأنها المجال اللي انا بقدر لاقي حالي فيه وبقدر امشي بالمستقبل وانا مبسوط
بحبها ؟
اي بحبها وكلما عم اتعمق فيها عم اتعلق فيها بزيادة
ذكرني نحن عم نحكي على جامعة ولا على شي بنت

مبدع فيها و لا شلون ما كان ؟
بالسنة الأولى بسبب قصة معسكر التدريب الجامعي ما نزلولي اسمي على قائمة الشرف .. مع اني كنت بين أول 3 على الدفعة
بالفصل هاد كان معي 7 مواد
لهلق طلعت نتائج 6 منن
1 بالتسعينات
3 بالتمانينات
ووحدة بالسبعينات ووحدة بالستينات
عم نستنى المادة الأخيرة اللي في حال طلعت ناجحة ( حتى لو شحط ) رح اتطقلي الكلية بجيبتي 15 الف ليرة سورية عدا ونقدا
فمن ناحية العلامات وهلقصص ماشي وضعي تمام بس من ناحية فكر اعمل شي غريب من نوعه وانا عم ادرس مو واردة ابدا ابدا ابدا
جربنا بمرة من المرات نعمل تجربة من نوع ما ، عرضناها على مسؤول القسم قام الزلمة بكل بساطة قلعنا وبهدلنا ومسح فينا الاراضي ومن وقتا توبت فكر اعمل شي اكتر من المطلوب مني .

اقتباس:
- حلمك شو هوي ؟
كتار وما بينعدوا بكل بستان في الي زهرة
اقتباس:
- العاطفة ( الحب ) بحياتك وينو بتفكر فيه ولا متل قلتو
ايدك علوجع محسوبك غرقان لأدنيه وما الهيئة في شي رح يغير هلواقع
اقتباس:
- مرسوم استبدال المادة 548 المتعلقة بجرائم الشرف شو عنالك
خطوة ما فهمتلها شي .. انه معقول العالم فهمتنا ؟ معقول عم يسمعولنا ؟
مع أنه مجتمعي وبيئتي ما صدف أبدا وصار حادثة قتل باسم الشرف ، بس اعتبرتها نقطة هامة بتاريخنا اللي عم نعيشه . اذا ما كان بسبب انه المرأة انرفع عنها قانون ظالم بحقها فبده يكون انه العالم صايرة عم تسمع المطالب المنطقية لشعبها .

اقتباس:
- شو بيعنيلك الدخان
شغلة فاضية بس موقفي منها مانه حيادي ابدا
بكره السيكارة بشكل رهيب .. وبيني وبينك كنت من اسبوع عم قله لأحمد اني رح ضيف لمدونتي بالهيدر فوق شرط مكتوب بالاحمر العريض بيمنع الزائر من قراءة ايا حرف بالمدونة في حال كان مشعل سيكارة
اقتباس:
- شو بيعنيلك النسوان
الله والنسوان وعيون النسوان .. الله وابو جاسم.. دgله دgله
اقتباس:
- شو بيعنيلك بنات الهوى ( البنات يلي بيشتغلو بالدعارة )
احياء أموات
اقتباس:
- القراءة قديش من حياة غابي
هواية ما وصلت لمرحلة الهاجس ، ما بحب اقطع حالي عن الكتب وعالم الكتب وبنفس الوقت ممكن يمضى شهر او شهرين بلا ما طالع ايا ورقة خارج نطاق دراستي .
اقتباس:
- رسالة لكل فرد بالأخوية
ديرولنا بالكن على هلصبية
 
قديم 10/07/2009   #177
شب و شيخ الشباب المحارب العتيق
عضو
-- مستشــــــــــار --
 
الصورة الرمزية لـ المحارب العتيق
المحارب العتيق is offline
 
نورنا ب:
Nov 2007
المطرح:
جرح الياسمين
مشاركات:
3,677

افتراضي


يعدمني ياك شو كنت أكرهك

بس للصراحة كنت تسلاية

أما هلاء ماعم أعرفك

هلاء صاير احسن ومحركك اكبر ومع فتحة سقف كمان

هات لشوف

شو رأيك فيني ؟ ( بعد كل فترة نقاشاتنا ووجودنا بأخوية )

أيمت اخر مرة تخانقنا وليش ؟

كان في عضو بأخوية تتخانق معو كتير أسمو كريم . اذا شاف هلاء كلامك شو بتقلو ؟

من لما بلشت تتغير . كنت اخد قرار بهاد الشي ولا قناعاتك وصلت لهون ؟

ناوي تعمل دراسة عن الاسلام والقرأن ( من منطلق أطلاعي وبحثي عن حقيقة الوجود ) ولا مو ببالك هيك شي ؟

شو صار بعدين بقصة الفواشة ؟

الفهيم بيريح

لك تاري الحمار لو شو ماسلموه بيصدق حالو وبدك تناديلو سيد حمار
 
قديم 10/07/2009   #178
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : أإأبو العبد عرض المشاركة
ابو طوني عندي سؤال

مين هو الله وشو يعني دين


يمكن اذا اقنعتني اسدق انك نبي
على فكرة انا زلمة ما بصنف حالي بقائمة اللحاد ابدا
قائمة اللادينين اوكي مافي مشكلة بس اللحاد بعيد عني كتير
بالنسبة الي الله هوي الرفيق العايش معي كل لحظة من حياتي
يمكن عقلي رافض فكرته وما مقتنع فيه بس بيني وبين حالي بتمنى يكون موجود وعم يسمعني وقت بحكي معه
بسبه دائما وبخوزقني بكتير اشياء بحياتي .. هي قصة ثانوية بتحصل بين كل رفيقين

بدك تصدق اني نبي بدك ما تصدق هي مشكلتك
الادلة والوثائق كافية لتأثبت هلشغلة واذا ما عجبتك بتبقى هي مشكلتك


 
قديم 10/07/2009   #179
شب و شيخ الشباب أإأبو العبد
عضو
-- زعيـــــــم --
 
الصورة الرمزية لـ أإأبو العبد
أإأبو العبد is offline
 
نورنا ب:
Dec 2008
المطرح:
بعيــــــــــــــــد..........
مشاركات:
1,904

افتراضي


اقتباس:
كاتب النص الأصلي : Abu ToNi عرض المشاركة


على فكرة انا زلمة ما بصنف حالي بقائمة اللحاد ابدا
قائمة اللادينين اوكي مافي مشكلة بس اللحاد بعيد عني كتير
بالنسبة الي الله هوي الرفيق العايش معي كل لحظة من حياتي
يمكن عقلي رافض فكرته وما مقتنع فيه بس بيني وبين حالي بتمنى يكون موجود وعم يسمعني وقت بحكي معه
بسبه دائما وبخوزقني بكتير اشياء بحياتي .. هي قصة ثانوية بتحصل بين كل رفيقين

بدك تصدق اني نبي بدك ما تصدق هي مشكلتك
الادلة والوثائق كافية لتأثبت هلشغلة واذا ما عجبتك بتبقى هي مشكلتك


وشو يعني دين كفي لك ابني
 
قديم 10/07/2009   #180
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


خيو بما انو ما حدا سألك ..

وقاعد فاضي عم تكش دبان

تعا نسألك هادا السؤال



reemi
marioma alghzayala
hanny dagher
Willi
layla
sezar
sweetbaby
الحاج متولي
maged-syrian
butterfly
وشم الجمال
Syrian__Angel
أبو شريك,
Hashtnasht
ASH
ٍٍٍSyrian Gay
Fares
Geeny
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
GOVERMENT
صياد الطيور
marrosh (مروة )
اسير التشرد
phoenixbird
maher4*4
the morrning
COSTA
handsome
abosleman
LiOnHeArT يعني انا
betty_palestine
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
هدوء البحر
ابو نجبو
Roaa
مايا*
لبندا
fofo besset syria
Abu Guzef
الموسيقار,
فاوست
ظل جيفارا
مخموخة
ملاك السعودية
محمد السعودي
التقرير الجوال
secular سابقا
Nirvana
sandra
boy freind
suzzan
ام الجود
جاد81
i am sam
zen
black-iris
sun shine art
عياش
مجنون يحكي وعاقل يسمع
فيفا سيريا
رايح عاليسار شوي
جدل
قرصان الادرياتيك
يمان رونالدوووووووووو
saman

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:48 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.23792 seconds with 12 queries