تعا اقلي تعا اقلي تع ( مقلاية 8 )

[Sun Shine Art]

كاتب النص الأصلي : رجل من ورق

لك ما عاش الجوع عمتك صفصف هون هلا بقلها تعملك كم اكلة
صفصف= sunshine art

يعدمني الطبخ انا ...ووالشماته ....قال عمتك ...

مشان ما يصير خروح ع الموضوع ..

عدي سؤال ...شو مشروعك بعد التخرج ..يعني بالحياه

[leonardo_dicabreo]

كاتب النص الأصلي : Sun Shine Art

يعدمني الطبخ انا ...ووالشماته ....قال عمتك ...

مشان ما يصير خروح ع الموضوع ..

عدي سؤال ...شو مشروعك بعد التخرج ..يعني بالحياه

أتزوّج , وأعمل عيله صغيره . . .

وحابب أطلع عالقمر كمان

[marioma alghzayala]

رأيك بــ:

reemi
marioma alghzayala
hanny dagher
Willi
layla
sezar
sweetbaby
الحاج متولي
maged-syrian
butterfly
وشم الجمال
Syrian__Angel
أبو شريك,
Hashtnasht
ASH
ٍٍٍSyrian Gay
Fares
Geeny
yass
كهربجي
راديا
SABE
HUS
Barleb
باشق مجروح
the light
سرسورة
محمد ابراهيم
GOVERMENT
صياد الطيور
marrosh (مروة )
اسير التشرد
phoenixbird
maher4*4
the morrning
COSTA
handsome
abosleman
LiOnHeArT
betty_palestine
yamen_h
BL@CK
MadMax
وائل76
مسطول ع طول
شامي من طوكيو
أمرأة من ورق
هدوء البحر
ابو نجبو
Roaa
مايا*
لبندا
fofo besset syria
Abu Guzef
الموسيقار,
فاوست
ظل جيفارا
مخموخة
ملاك السعودية
محمد السعودي
التقرير الجوال
secular سابقا
Nirvana
sandra
boy freind
suzzan
ام الجود
جاد81
i am sam
zen
black-iris
sun shine art
عياش
مجنون يحكي وعاقل يسمع
فيفا سيريا
رايح عاليسار شوي
جدل
قرصان الادرياتيك
يمان رونالدوووووووووو
saman
AHMAD..

[الباحثة عن الحرية]

عدي بالمقلاية يا مرحبا
كيفك عدي ؟
اكم سؤال زغار بس اما بتجاوب بصراحة ها
شو رأيك بالبنت الي بتطلع دراسة لدولة اجنبية لوحدها ؟
اي اكثر دولة بتحبها غير بلدك يعني ؟
وين بتحس حالك مرتاح ومبسوط اكثر بالاردن ولا امريكا ؟
وخلص اسا ... بس برجع كملهن

[leonardo_dicabreo]

كاتب النص الأصلي : marioma alghzayala

رأيك بــ:

عقّدتيني بهاليستا

reemi

أحلى مشرفه وأحلى بنت وبتعقد , بس النّاس ما بتعرفها مشان هيك في ناس زعلان منها , مع العلم اني اكل منها اكتر من مخالفه .

marioma alghzayala

بنت بجنّن , وحبابه كتتير ومافي منها , بس شكلي مع هاليستا رح غيّر رأيي

hanny dagher

حبيبا لمريومه فــــ ضروري يكون متل مواصفاتا لمرام.

Willi

سيد الأمينين

layla

الله يرحمها ويحسن اليها برضو امينه

sezar

أمين

sweetbaby

بنت كتير طيّوبه وأموره , بس كتير كتير حسّاسه وشاعريّه.

الحاج متولي

مسلسل كنت احضره

maged-syrian

ما بعرفه

butterfly

هيّه بيحكو عنها أنها مشرفه , بس سلختني كمن زعله هداك اليوم مشاني ايلشت بمكتبتها العظيمه

(كلهم كتابين الي فيها اعملتيها مكتبه)

وشم الجمال

حبابه كتير , والها لمسات خاصّه

Syrian__Angel

اسمه ملاك شو بده يكون يعني

أبو شريك,

أبو شريك

Hashtnasht

زلمه مرتّب

ASH

ما بعرفه

ٍٍٍSyrian Gay



Fares

ما بعرفه

Geeny

ما بعرفه

yass

برضو سلخني كمن مخالفه , بس مش حاقد

كهربجي

ما بعرفه

راديا

بنت كتير حبّابه

SABE

ما في منه هالزلمه

HUS

هاد الشيــــــــــــــــخ

Barleb

اجا بعد فترة انقطاع استمرت شهرين , وهلأ كمان رجع أنقطعت اخباره

باشق مجروح

أحلى صافو , بجنن هالزلمه , كتير حباب وطيوب وما فب منّه

the light

هاد الضو ما بتعرفيه ؟

سرسورة

أستقالت زمان

محمد ابراهيم

مولانا , محمد شب مرتب طيوب

GOVERMENT

هالحسّون , كتير حباب والي بقلبه على لسانه

صياد الطيور

قاتل الحيوانات , من زمااااااااااااان ما بيّن.
..

العمى ما أطولها هالليسته

[leonardo_dicabreo]

كاتب النص الأصلي : marioma alghzayala

رأيك بــ:

marrosh (مروة )

بنت كتير حبّابه , بس صارلا فتره مو مبينه .

اسير التشرد

لك هاد اسير وما ادراك ما اسير

phoenixbird

شو هاد , بس انا بحبا لتكساس؟

maher4*4

هالماهر عنده وقفه طويله : هاد يا ستّي العزيزه ماهر كان منغلق من فتره لا يشارك ولا يحكي يعني لا من تمه ولا من كمه , بس من فتره بسيطه الزّلمه انطلق وصار الو مواضيع كتير برصيده وعنده نكت من النوع التقيل كمان يعني هالماهر زلمه ما في منه ونغش ونهفه , وبينحب .


the morrning

شوش وما ادراك ما هو الشوش , الشوش : هو , بلاش بلاش , يعني هالبنت مدمنة كاريكاتير واي اشي اله علاقه بالتصوير والفن بتحبه يعني فنـــــــــــانــــــه , وجارتنا كمان.

COSTA

هالزّلمه حصل على اعلى اصوات بالـــ 2008 المشرف الغير مثالي .

handsome

وسيم عايدنا عليه ومنها ما عاد طل.

abosleman

ابو سليمان طلاته قليله كتير ما بحب الاضواء

LiOnHeArT

علاء وما ادراك ما علاء , هالشب الحمصي نهفه , والله لا يورجيكي لما ينقطع من الدخان.

betty_palestine

ما بعرفا.

yamen_h

يامن مشرف بس من القلّه , ما ببين من مرّه

BL@CK

صارله فتره طويله طاحش , وحصل على صوتين لحد الان بالمنسق الغير مثالي لعام 2009
..

العمى ما اطولها , مشان الله خفو علي

[leonardo_dicabreo]

كاتب النص الأصلي : marioma alghzayala

رأيك بــ:

MadMax

هالسّامر شب مرتّب , وما في منّه نهفه العاده , وزبّطلي الموضوع امبارح , عراصي ابو السّوس .

وائل76

هالشب اتجوز , وعقل .

مسطول ع طول

دايما مسطول الله وكيلك.

شامي من طوكيو

ما بعرفه ! !

أمرأة من ورق

هيّه بنت بس مصنوعه من ورق ؟

هدوء البحر

حموده أنا وياه أعداء , وهوّه بشجّع برشلونه وانا مانشستراوي , ف اعداء اعداء , شب كتير محترم .

ابو نجبو

قصي , هالزّلمه كتير مرتّب بالرّغم من فرق العمر الي بينا بس بحس اني بحكي مع واحد من جيلي لما احكي معه , يعني شب من الاخر وردوده كلها نهفه دايما بخليني اضحك بنص الليل , وعراصي الصّين وأهل الصّين

Roaa

ما حصلنا الشّرف.

مايا*

برضو ما اتعرفنا بس ازا فيكي اعطيني ايميلا , وبعطيكي رأيي بعدين .

لبندا

ما بعرفا.

fofo besset syria

الله وكيلك من اول ما دخلت انا وهيّه طاحشه .

Abu Guzef

مرتّب هالزلمه كتير نغش , بس برشلوني

الموسيقار,

زلمه بحب الموسيقى كتير.

فاوست

ما بعرفه.

..

بعدين يا الله . . .

[leonardo_dicabreo]

كاتب النص الأصلي : marioma alghzayala

رأيك بــ:

ظل جيفارا

محمّد يا محمّد , هالشب كتير مرتّب , ألتقيت انا ويّاه بجامعته بالأردن , كتير مرتّب , واحلى شي فيه انّه التكفير على لسانه هههه , بس ما بيّن من زمان اشتقنالك يا زلمه وينك . ! !
مخموخة



ملاك السعودية



محمد السعودي



التقرير الجوال

هالزلمه فهمان وماشالله عليه بس طلاته قليله كتير .

secular سابقا



Nirvana

مشروبي المفضّل . . .

sandra

بنت حبّابه كتير وما في منّا , وصايره تطحش كتير , بس لحد الان ما جمّعت ولا صوت ! !

boy freind

الي جاب اخرتي بهالموضوع .

suzzan

شو هاد ؟ ؟

ام الجود

بنت فرنسيّه وبتحب الفرنسي كتير , كتير حبّابه , ومواضيعا كلها ساخنه .

جاد81

شاعر الاخويّه.

i am sam

ابو شريك بالجواسيس .

zen

هالزّلمه مكتئب وماكل هوى , بس انشالله بعد ماصار خال تخفف عليه شوي .

black-iris

أردنيه , بس طلبناها من كم يوم بمساعده ورفضت .

sun shine art

صوفي , بنت كتير حبّابه , بس دايما ما بعرف ليش ؟

..

واخيرا . . .

[leonardo_dicabreo]

كاتب النص الأصلي : marioma alghzayala

رأيك بــ:

عياش

شب مرتّب , بس طلاته قليله .

مجنون يحكي وعاقل يسمع

شو هاد ؟ ؟

فيفا سيريا

زلمه عاجق حاله , بالسياسه والمنبر , والأخبار المعتّه .

رايح عاليسار شوي

شو هاد ؟

جدل

بنت كتير حبّابه .

قرصان الادرياتيك

شب كتير كتير محترم , وسفير أخويّه .

يمان رونالدوووووووووو

ريال مدريد لا لا لا سرقتو كل اللعيبه .

saman

شب مرتّب , انشالله بس تطلع نتائج البكالوريا بكون بين اسماء النّاجحين , بس بدي الحلوان . .

AHMAD..

أبو نقطتين , زلمه فهمان وماشالله عليه . .

وين أسم نوّار (اللامنتمي) , وأسم جورج (الجوني وولكر قصدي jankasanova )?

[leonardo_dicabreo]

كاتب النص الأصلي : الباحثة عن الحرية

عدي بالمقلاية يا مرحبا


كيفك عدي ؟

أهلين

اكم سؤال زغار بس اما بتجاوب بصراحة ها

اوك

شو رأيك بالبنت الي بتطلع دراسة لدولة اجنبية لوحدها ؟

والله شوفي من ناحية الدراسه برّا , بس وين يعني عالسّطح مثلاً , او عند الجيران ؟

يعني شغله مانّا سهله بنوب بالنسبه لعمرك , بس لو كانت البنت فوق ال 22 ممكن بس بعمرك ما

بتزبط معي, وانشالله بتكون بداية مستقبل حلو عليكي والله يوفقك.

اي اكثر دولة بتحبها غير بلدك يعني ؟

لندن , و هولندا

وين بتحس حالك مرتاح ومبسوط اكثر بالاردن ولا امريكا ؟

الله يصلحك هلأ هاد سؤال ؟


وخلص اسا ... بس برجع كملهن

مع السّلامه

[Reemi]

* فترة كل عضو بالمقلاية 5 أيام تحتسب من تاريخ تسميته وبحال العضو مادخل بيتسمى العضو التالي

**كل عضو مسموح يسأل 5 أسئلة يعني لو سمحتو مابدنا القصة تصير شوربة مشان الموضوع مايفقد جماليتو المتعودين عليها ويعني يفضل انو الأسئلة تكون عليها شوية قيمة حتى نستمتع فيها

*** السبام بهالموضوع متل كل مواضيع الصالون ممنوع نهائياً

**** تسمية الأعضاء بتم من العضو (المقلي) بالتنسيق مع العضو يلي بدو يسميه والاشراف بحيث مايتسمى حدا ظروفو مابتسمحلو انو يفوت او ماعندو رغبة بالوجود بالمقلاية

ياريت نتعاون مع بعض بهالنقط

[Reemi]

بحكم الظروف يلي صارت مع ليناردو بدنا نسمي عضو جديد:

Abu ToNi غابي

بس ماتحرقوه للصبي لأنو جاية مرعوب أًصلاً

[Abu ToNi]

كاتب النص الأصلي : Reemi

بحكم الظروف يلي صارت مع ليناردو بدنا نسمي عضو جديد:

Abu ToNi غابي

بس ماتحرقوه للصبي لأنو جاية مرعوب أًصلاً

مالي ومالك يا هوا

مين مرعوب



شكيتك لسعدو يا ريم

[yass]

يا حيالله!!!


خيو سؤال واحد, صغيرون و بسيط:


شو منظورك للإنسان؟ بمعنى آخر (ليك المعنى الآخر) كيف يرى أبو طوني نفسه كإنسان, و كيف يرى أبو طوني إنسانية الآخر؟


ما لا يقل عن عشرة اسطر طبعاً


تحياتي

[Abu ToNi]

كاتب النص الأصلي : yass

يا حيالله!!!


خيو سؤال واحد, صغيرون و بسيط:


شو منظورك للإنسان؟ بمعنى آخر (ليك المعنى الآخر) كيف يرى أبو طوني نفسه كإنسان, و كيف يرى أبو طوني إنسانية الآخر؟


ما لا يقل عن عشرة اسطر طبعاً


تحياتي

بس هيك
هوي السؤال لا على البال ولا على الخاطر .. بس انه باختصار الانسان بحد ذاته كائن همجي وميال لهمجيته
قادر على التمدن وقادر على التطور بسرعة كبيرة .. كل الأفكار الخاصة بالمجتمع الانساني بتنتج عن تمدن الانسان وقدرته على تطوير نفسه .
اذا عم نحكي على الانسانية فهية الجوهر بكل بناء عم يتشكل بعصرنا ، محور الحياة بلا استثناء او منازع ، هوي اللي بيمنح القيم الراقية رقيها
اليوم من باب الصدفة كنت واقف عم اشتري خبر .. مر رجال ختيار بده يوقف على الدور سمحتله يوقف قدامي
الفكرة أنه القانون والي هوي نتاج انساني بحت ما بيقدر يكون اله قيمة وما بكون قادر على تحقيق العدل المطلق اذا ما ترافق مع مشاعر الانسان .. بتخرب الدنيا اذا ما صار هيك .

انه يلعن ديبك بدك احكيلك على الانسان بعشر اسطر .. بشرفي ما عم يطلع حكي معي

منجي انسانية أبو طوني بعتبرا لعنة لحد ما , ما برضى اتعامل كآلة أو يتم اسقاط فكري عني وجبري على فعل شي ماني مقتنع فيه ، مع انها سبب مشاكل كبيرة بحياتي بس ما بقدر اتخلى عنها .. لا بل بتمسك فيها لأنها بالنسبة الي جزء من هويتي .

انسانية الآخر ... هممممم كلمة كبيرة خصوصا بأن الآخر ما بمثل شخص معين ، يمكن يكون شخص مانه مقدر انسانيته حتى ومانها قادر على حجز شخصية خاصة فيه بالحياة أو مانه قادر على استعاب انسانيته .
الانسان متل ما قلت بالأول كائن همجي ضعيف جسديا بس قادر يتطور وبسرعة .. عندي قناعة بأن أكبر السفاحين وقت بشوفوا شخص عزيز علين متدايق ممكن ينزووا على نفسن ويقعدوا يبكوا .. انسانية الآخر جزء من انسانيتي اللي برفض اتخلى عنه ، بالعادة بمر بفترة كآبة كبيرة وقت بتحاور أو بقرا رد من الردود المنادي لقيمة لا انسانية - بنظري - متل الاعدام ، بعتبرها اهانة لانسانيتي ولقدسية الانسان .

بقترح تنّقل المقلاية لقسم الفلسفة وعلم النفس

[wile]

الله حيووووووووووووووو

يا جماعة شو القصة؟؟
أنا مو فهمان شو الوضع هون
وحاولت إفهم بس مخي جحش وما فهمت
حدا يشرحلي وبعدين إذا بدكن تحذفو ردي إحذفوه

[Abu ToNi]

كاتب النص الأصلي : wile

الله حيووووووووووووووو

يا جماعة شو القصة؟؟
أنا مو فهمان شو الوضع هون
وحاولت إفهم بس مخي جحش وما فهمت
حدا يشرحلي وبعدين إذا بدكن تحذفو ردي إحذفوه

بس تخلص فترة القلي الخاصة فيني بشرحلك عن الوضع

[LiOnHeArT.3LA2]

لعما .. جاييك