أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > على الطــــــاير

إضافة موضوع جديد  إضافة رد
 
أدوات الموضوع
قديم 14/07/2009   #1
صبيّة و ست الصبايا خدوج
مسجّل
-- اخ حرٍك --
 
الصورة الرمزية لـ خدوج
خدوج is offline
 
نورنا ب:
Jul 2009
المطرح:
فقلب من يعرفني
مشاركات:
18

إرسال خطاب MSN إلى خدوج
Talking قصة "درس تعبير" للكاتب لقمان ديركي


لطالما قريت قصص للكاتب والفنان لقمان ديركي، وحبيت نحطلكم هاد القصة نتمنى تعجبكم

المكان: كتاب لغتي الجميلة من منهاج الصف السادس الابتدائي.
الزمان: الصفحة 89.
الموضوع: موضوع تعبير (لي عم مهاجر: أكتب إليه رسالة أحثُّه فيها على العودة والتحرر من آلام الغربة، وأعلمه فيها بالتطور الذي طرأ على الوطن بعد رحيله، وزوال الأسباب التي دفعته إلى الهجرة.).

نظر الطلاب إلى الأستاذ وهمُّوا بكتابة الموضوع، لكن صوت التلميذ ديبو المتسائل أوقفهم عن عملية الكتابة.
ديبو: أستاذ شو يعني "أحثّه" ؟!
الأستاذ: أحثه يعني بتقله أنو كل شي تمام والوضع عال العال يا بهيم مشان يتحمس ويرجع.

ديبو: يعني أعمل له البحر طحينة، وأرش له قنبز مشان يرجع.. موهيك أستاذ؟
الأستاذ: اخرس واكتب من تم ساكت.. من وين متعلم هالحكي ولاه؟
ديبو: من المسلسلات أستاذ.
الأستاذ: لا بقى تتفرج عالتلفزيون يا ديبو.
ديبو: ما بقدر أستاذ.. بحب المسلسلات.
الأستاذ: تفرج له كان على المسلسلات التاريخية.
ديبو: حاضر أستاذ.
فاطمة: أستاذ شو يعني تحرر؟!
الأستاذ: تحرر يعني أن نحارب العادات والتقاليد البالية.
فاطمة: شو يعني عادات وتقاليد بالية أستاذ؟
الأستاذ: يعني متل ضرب الزوجات والأولاد.
فراس: أستاذ شو يعني آلام الغربة؟!
الأستاذ: يعني أنو عمك بيكون قاعد بالمهجر، وهو عم يتألم كل يوم لأنه حن إلى الوطن.
سلوى: أستاذ شو يعني تطور؟!
الأستاذ: يعني متل سويسرا فرد شكل.
ليلى: أستاذ شو يعني زوال الأسباب التي دعته إلى الهجرة؟!
الأستاذ: يعني ما عاد في هم وغم ولعية قلب عالرايحة والجاية.
وكتب التلاميذ موضوعهم:
عمي العزيز.. بعد التحية والسلام، نحثك على العودة إلى الوطن؛ فالوطن جميل وفي كل شارع وكل رصيف ستجد كميات كبيرة من القنبز المرشوش من هنا وهناك، ولكي تصدق فقد ذهبنا في رحلة إلى رأس البسيط وشاهدنا القنبز على طول الطريق، وكان من الخطأ أن نذهب في الرحلة، لأن عمو تبع النشرة الجوية قال إنَّ الطريق غير سالك بسبب تراكم القنبز، ولكننا لم نسمع النشرة لأننا كنا نتفرج على مسلسل باب الحارة. المهم يا عم مالك بالطويلة وصلنا إلى رأس البسيط بعد عذاب شديد بسبب القنبز، فشاهدنا البحر وركضنا لنسبح فيه، ولكننا لم نستطع لأنه كان كله طحينة، إي عن جد تعا وشوف بعينك صار البحر طحينة، وعندما عدنا إلى المنزل لم يضرب بابا الماما لأنه بصراحة تجوز عليها وصار يضرب مرته الجديدة؛ لذلك لا تهتم بالعادات والتقاليد البالية فلقد قضينا عليها، وإذا خرجت إلى الشارع فستجد السيارات وهي تطاحش على بعضها وعلى المشاة، وعمو الشرطي يوقف السيارات الصفراء فقط والسيارات "المطركعة" ذات الألوان الأخرى، فلا تخف لأنو أكيد سيارتك جديدة وفخمة، وستشاهد الشوارع الزفت اللي مو مزفتة بسبب الحفريات تبع التطور، والأرصفة اللي كل سنة لون، وكل شهر شكل بسبب تغييرات التطور، يعني متل سويسرا فرد شكل.. بس كل يوم شكل، تعال كفاك آلاماً في الغربة، نعرف أنك تتألم عندما تقبض راتبك الكبير، وتتألم عندما تشاهد الشوارع النظيفة في الغربة، والشوفيرية الأكابر اللي ما بيهجموا عليك مشان تركض مرعوب، ونعرف أنك تتألم عندما يقول لك البقال "غود مورنينغ سير"، وعندما تدفع شركتك المصاري للطبيب عوضاً عنك، وعندما تساعدك البلدية على فتح شي مشروع، وعندما يعطيك البنك قرضاً مشان تنفذ أفكارك، نعرف أنك تعاني وتتألم في الغربة، فتعال يا عمي، لأنك إذا لم تأتِ سنأخذ صفر في التعبير، بقى بيهون عليك نرسب!!

لمن تشتكي حبة القمح اذا كان القاضي دجاجة

قولولي لمن؟
  رد مع اقتباس
قديم 14/07/2009   #2
صبيّة و ست الصبايا zeenaa
عضو
-- قبضاي --
 
الصورة الرمزية لـ zeenaa
zeenaa is offline
 
نورنا ب:
Jun 2009
المطرح:
الامارات
مشاركات:
401

افتراضي


يعني بنص الموضوع قمت ضب الشناتي وحضر حالي للعودة أنا ماحدا خبرني إني صار هيك لو إلي خبر رجعت من زمان

"ذلك السخاء العشقي الذي تشعر بعده بفاجعة اليتم الأول
لأنك تعي أن لا امرأة بعدها ستحبك بذلك الحجم وبتلك الطريقة
فهي تشكلك بحيث لن تعود تصلح لامرأة عداها"
... تلك انا وهكذا احببتك...
  رد مع اقتباس
قديم 15/07/2009   #3
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


مشتهي دوق آلام الغربة حتى حن للوطن
  رد مع اقتباس
قديم 15/07/2009   #4
صبيّة و ست الصبايا لامار رمز الدمار
عضو
-- أخ لهلوب --
 
الصورة الرمزية لـ لامار رمز الدمار
لامار رمز الدمار is offline
 
نورنا ب:
Jun 2007
المطرح:
في مكان ماااا
مشاركات:
278

افتراضي


بتجنننننننننننننننن دمو خفيف هل الموضوع التعبيرر
مرسي

عيش وخلي مخداااتك ريش
  رد مع اقتباس
قديم 15/07/2009   #5
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


رائع لقمان ديركي

عم جيب جريدة بلدنا بس مشان إقرأ زاويتو .

The Best Or no Thing
======================

Its Hard To Defeat A King
======================

Feeling Doesn't Die
======================

Trust No One
======================
زبطولنا السيرفر ولو ... :)
  رد مع اقتباس
قديم 15/07/2009   #6
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


ما رح يهون عليه ... بس رح ياخذ حب وجع راس و ينسى آلام الغربة

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 15/07/2009   #7
صبيّة و ست الصبايا خدوج
مسجّل
-- اخ حرٍك --
 
الصورة الرمزية لـ خدوج
خدوج is offline
 
نورنا ب:
Jul 2009
المطرح:
فقلب من يعرفني
مشاركات:
18

إرسال خطاب MSN إلى خدوج
افتراضي


بيني وبينكم كتير فرحانة لتعليقاتكم وتفاعلكم مع القصة لي حطيت، هاد اول موضوع لي وكنت خايفة يمر بلا ما اتلقى اي رد منكم
سررني مروركم الطيب
اختكم خدوج
(على فكرة انا مغربية)
  رد مع اقتباس
قديم 15/07/2009   #8
صبيّة و ست الصبايا lilianne
عضو
 
الصورة الرمزية لـ lilianne
lilianne is offline
 
نورنا ب:
Nov 2008
المطرح:
Abu Dhabi
مشاركات:
760

افتراضي


hahahahaha thats funny

لا تظن أن الليث إذا كشر عن انيابه يبتسم ........... :)
  رد مع اقتباس
قديم 15/07/2009   #9
صبيّة و ست الصبايا Genifer
عضو
-- أخ لهلوب --
 
الصورة الرمزية لـ Genifer
Genifer is offline
 
نورنا ب:
Aug 2007
مشاركات:
222

افتراضي


اقتباس:
كاتب النص الأصلي : mhsen77 عرض المشاركة
مشتهي دوق آلام الغربة حتى حن للوطن
قولتك بركي منحس بـ شعور الحنية يلي بيحسوا فيه

شكراً خدوج ع درس التعبير

كيفك قال عم يقولوا صار عندك ولاد
انا والله كنت مفكرتك برات البلاد

أنت أخي.. لماذا أخاصمك ؟؟ (جبران خليل جبران)
  رد مع اقتباس
قديم 15/07/2009   #10
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


خلص أنا بكرة راجع وما رح أسافر مرة تانية لأنو الكلام حزنني

لو أن دموعا قد نزلت منك وسببها ايماني
لعشقت جهنم تأويني وكفرت بكل الأديان
يا حبي الأوحد لا تبكي فدموعك تحفر وجداني
يا صيفي الأخضر يا شمسي يا أجمل أجمل ألواني
هل أرحل حنك وقصتنا أحلى من عودة نيسان
  رد مع اقتباس
قديم 17/07/2009   #11
صبيّة و ست الصبايا SwEeT DoUdOu
شبه عضو
-- اخ حرٍك --
 
الصورة الرمزية لـ SwEeT DoUdOu
SwEeT DoUdOu is offline
 
نورنا ب:
May 2009
المطرح:
Canada
مشاركات:
72

افتراضي


عنجد كتير كتاباتو حلوة
ونقلك احلا
ميرسي عالموضوع وعلى موضوع التعبير
  رد مع اقتباس
قديم 17/07/2009   #12
شب و شيخ الشباب عمار فيكا
عضو
-- أخ لهلوب --
 
الصورة الرمزية لـ عمار فيكا
عمار فيكا is offline
 
نورنا ب:
May 2009
المطرح:
حلب الشهباء
مشاركات:
134

افتراضي


اقتباس:
كاتب النص الأصلي : mhsen77 عرض المشاركة
مشتهي دوق آلام الغربة حتى حن للوطن
والله أنا ما بنصحك بهالشهوة سآل مجرب من بلد لبلد
شكرا كتير على موضوعك الجميل
تحياتي

من السهل أن تجد ألف صديق في عام
ولكن من الصعب أن تجد صديق لألف عام
  رد مع اقتباس
قديم 17/07/2009   #13
صبيّة و ست الصبايا mary belle
عضو
-- زعيـــــــم --
 
الصورة الرمزية لـ mary belle
mary belle is offline
 
نورنا ب:
Aug 2008
المطرح:
dorm..
مشاركات:
1,170

افتراضي


قصه كتير حلوه
بس شي بشجع انو نرجع


.....
التوقيع متل قلتو..
ان كتبنا او لأ ما بيتغير شي !!
**
ف أنو ,,ما عندي شي قولو..!
***
D:
  رد مع اقتباس
قديم 17/07/2009   #14
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي



حلوة .. مع اني ما بحب لقمان .. بس انو عندو كم شغلة بيكتبهن حلوين

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 17/07/2009   #15
صبيّة و ست الصبايا خدوج
مسجّل
-- اخ حرٍك --
 
الصورة الرمزية لـ خدوج
خدوج is offline
 
نورنا ب:
Jul 2009
المطرح:
فقلب من يعرفني
مشاركات:
18

إرسال خطاب MSN إلى خدوج
افتراضي بالعكس


اقتباس:
كاتب النص الأصلي : saman عرض المشاركة

حلوة .. مع اني ما بحب لقمان .. بس انو عندو كم شغلة بيكتبهن حلوين

كتاباته كلها تعجبني لكن المسكين ما عنده حظ وما اخد فرصته
  رد مع اقتباس
قديم 18/07/2009   #16
صبيّة و ست الصبايا نور سلام
عضو
-- أخ لهلوب --
 
الصورة الرمزية لـ نور سلام
نور سلام is offline
 
نورنا ب:
Oct 2008
المطرح:
على الارض احيانا
مشاركات:
233

افتراضي


كتير حلو هالدرس يسلمو يا خدوج

اللهم لا تكلني الى نفسي طرفة عين
  رد مع اقتباس
قديم 21/07/2009   #17
صبيّة و ست الصبايا خدوج
مسجّل
-- اخ حرٍك --
 
الصورة الرمزية لـ خدوج
خدوج is offline
 
نورنا ب:
Jul 2009
المطرح:
فقلب من يعرفني
مشاركات:
18

إرسال خطاب MSN إلى خدوج
افتراضي


شكرا لمرورك زينا - محسن77 - لامار - ابو جوزيف - سيريويو - ليليان - سويت دودو - عمار فيكا - ماربيل - سامان - ونور سلام
مبسوطة ان القصة عجبتكم.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 10:38 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10442 seconds with 14 queries