كل عام وخير الصباح تبعنا بالف خير ... عقبال ال 100 The Morning

[يمان Rooooonaldo]

انو هلا وبعد ما طبق العقرب عالعقرب... حابب اني قول كل عام وانتي بالف الف خير ...

او منقول انو انتي الخير لكل عام ... لاحلى خيت بيقولا مورننغ ... بيقولولا صباح الخير

شو ما بدون يقلولا

بس انو بدي قلك انو الله يطول بعمرك يا رب... وتعيشي كمان سنين حلوة

كل عام وانتي بخير

لو بتقبلي مني هي الهدية الصغيرة بس ... ما بتعبر عن شي بس انو احسن من بلا

عفكرة اطلالة قاسيون وبنص التلج.. وتلج تلج عم تشتي الدنية تلج

وعنجد كل عام وانتي بالف الف خير وعقبال ال 1000 سنة يا رب

[BL@CK]

كل عام و انتي بخير The Morning .. بتمنالك أيام سعيدة ..



* موسم أعياد ميلاد هاليومين ما عم نلحق معايدات ..

[Government]

الووووووووووووووووووووو

مين قلك انو عيد ميلادا اليوم
ماطالع شي بقائمة الاعضاء اللي عيد ميلادن اليوم
لاتخيلني حجي

[عاشقةعمرودياب]

ينعاد عليكي وعقبال المية يارب وانشالله بتحققي كل احلامك

[يمان Rooooonaldo]

هههههههه اي في هيك شي... ما شا الله هاني والكل
100 بلاكو

[يمان Rooooonaldo]

الووووووووووووووووووووو

مين قلك انو عيد ميلادا اليوم
ماطالع شي بقائمة الاعضاء اللي عيد ميلادن اليوم
لاتخيلني حجي

ولي على طولك اي ما بتعرف انو عيد ميلادا اليوم ... لا وصلنا لكن

[Government]

اناني

[يمان Rooooonaldo]

انا طالع هلا و... حسوني حبيبي... 100


اللي بيسبق بياكل فستق


تصبحي عخير يا صباح الخير وكل عام وانتي بالف الف خير

[hanny dagher]

كل عام وانتي بخير شوش
وانشالله عقبال المية
وسنة الجاي افرح منك

[Government]

كاتب النص الأصلي : يمان Rooooonaldo

انا طالع هلا و... حسوني حبيبي... 100


اللي بيسبق بياكل فستق


تصبحي عخير يا صباح الخير وكل عام وانتي بالف الف خير

مي شغلة

مارح اخرب الموضوع هلأ


بس

[butterfly]

هي ..
أشراقة فجر تأتي
وستأتي
بعد كل امتداد مظلم
لسطوة الليل
هي ..
طفلة مشرقة
وابتسامة فرحة
تخلق في يومي
شعاعا ً من الألق
هي ..
تناقض مغري
وخجل معبر
وكلمات هاربة
وحب كبير
هي
أختي ..
صغيرتي
صديقتي
وكف يصحيني حينا ً
ويلامس خدي
أحيانا ً ليمسح عنه ندى الدموع
هي ..
جزء من صلاتي
وبعض من الهبات الألهية في حياتي
شيري
أحبك ..


ميمو أفندي .. قلا اني بحبا كتير ... واني كتير فرحانة " وفخورة فيا " يعني مو بس بحبا .. لأ لأ وبتعجبني كمان .. بحب ابداعااتا وخربشاتا وخجلا وهضامتا .. حتى بحب وقت بتكبتني

رح أرجع أكيد ..

[MadMax]

كل عام و انتي بخير
و انشالله السنة الجاية بتكوني حققتي كل يللي ببالك

[7ale '3rebe]

لك ريتو عقبال ال 150 سنة .... لا تزعلي مني تقلت العيار

خخخخ لا عم بمزح

كل عام وانتي بألف ألف خير يا اعز انسانه علينا

happy birthday to you

with my love 2 u

[طنش تعش]

انشالله كل سنة وانتي سالمة ...وانشالله بتتحقق امنياتك وكل رغباتك ....
........................كل عام وانتي بخير....................

[layla]

شوووووووووووووووووووووووش

كل عام و انتي بخير عالخفيف

عالساعة 12 بعيدك مظبوط

[The morning]

كاتب النص الأصلي : butterfly

ميمو أفندي .. قلا اني بحبا كتير ... واني كتير فرحانة " وفخورة فيا " يعني مو بس بحبا .. لأ لأ وبتعجبني كمان .. بحب ابداعااتا وخربشاتا وخجلا وهضامتا .. حتى بحب وقت بتكبتني

رح أرجع أكيد ..

ميمو افندي .. شـو بـدك تـقلها لتقلها ..
قـلها كل شي انا ما قلتلها يا .. (( ,, الخ ,, الخ ,, الخ ,, الخ ))
و قلها انـو انا بحبها كتير كمان .. و كتير كتير ..
و انـها اخـتي الكـبيره .. اللي الله بعـتلي ياها مـن نص الدنـيا لاتدلل عليها ..
و قلها انو هـديتها كتـير كـتير كـتير رهـيبه (( بـكتني و ضـحكتني و مـدري شو عملت في )) ..
و احلى شي انو متل دائما .. ما سمحت للمسافه تكون مشكله ..
قـلك ؟
قـلها من قـريبو ..
ميـمو ..
و ما ادراك مـين ميمو
و اكـدلها اني رح تم اكبـتها .. كل ما بـشوف اني لازم اكـبتها ..
و تركلها على خدها بوسه (( و انتي اختي و نحنا بخير ))
**عالهامش قلها اني كتبت بالخط و اللون اللي بتحبون

[The morning]

كاتب النص الأصلي : يمان Rooooonaldo

انو هلا وبعد ما طبق العقرب عالعقرب... حابب اني قول كل عام وانتي بالف الف خير ...

او منقول انو انتي الخير لكل عام ... لاحلى خيت بيقولا مورننغ ... بيقولولا صباح الخير

شو ما بدون يقلولا

بس انو بدي قلك انو الله يطول بعمرك يا رب... وتعيشي كمان سنين حلوة

كل عام وانتي بخير

لو بتقبلي مني هي الهدية الصغيرة بس ... ما بتعبر عن شي بس انو احسن من بلا

عفكرة اطلالة قاسيون وبنص التلج.. وتلج تلج عم تشتي الدنية تلج

وعنجد كل عام وانتي بالف الف خير وعقبال ال 1000 سنة يا رب

و انت بالف خير يمان ..
شكرا كتير عالصوره .. حلوه يسـلمو و كتيـــــــــر حبيت كيف كاتب الجمله تبع المسنجر ..
بس شـو عاملتلك لتقلي يـطول عمـرك ..
خـيو انـا ما بدي عـيش كـتير .. شـو بلـشت تحكي بالالاف ..
احـلى شـي بالدنـيا قـاسيون .. يـسلمو و يعطيك الف عافيه يا رب ..
اخي الاصـغر مني بـسنه و شهر (( هيك كانو مو ؟ )) ..
شـكرا عالموضـوع

[The morning]

كاتب النص الأصلي : BL@CK

كل عام و انتي بخير The Morning .. بتمنالك أيام سعيدة ..



* موسم أعياد ميلاد هاليومين ما عم نلحق معايدات ..

و انت بخير بلاك و بتمنالك ايام اسـعد ..
و هيك سبحانو هالرب .. خلق كل الناس اللي غير شكل سوا بنفس الشهر
شو مشان التواضع ؟ قدران تلمـحو من عندك شي ؟