(أنت أميري)

[Jilan_joly]

كاتب النص الأصلي : sandra

شو صاير هون... أنا أكتب وأنا أجيب



مو ضروري أول ما ينزل الموضوع تلاقي ردود فيه
كمان في كتير مواضيع وما في عليها ولا رد

يعني بسيطة

أولا شكرا إلك يا أخت ساندرا
ثانيا انا بعرف اللي قلتيه وانا ما طلبت من حدا يدخل ع الموضوع رغما عنه انا بس طلبت من اللي يدخل يحط رأيه سواء كان منيح او بشع مشان أعرف إذا كان حلو ولا أعدله ولا إلغيه من عندي و إذا في حدا ما بدو يحط رأيه فهو حر طبعا مارح اقطع راسه مثل ما عم قول كلو مزح.شيء فكاهي يعني.و بالنهايه بعتذر منك و بتشكرك كتير.

[Jilan_joly]

كاتب النص الأصلي : hussienbki

ع راسي يا معلم, أنا من رجالك, ولا نسينا؟؟؟؟ بس أنا عجبتني تبع قرائي الأعزاء هههههههههههههههه لك والله مبين كأنوا نزار قباني هوي اللي عم يلقي مو إم الجوج

لا ما نسينا.بس الواحد لازم يكون عنده..أولا :إحترام لأي حدا يقرأ الموضوع مهما كان أو حتي يدخل بدون ما يحط رد
ثانيا:إحترام و تقدير لحاله و لأشعاره و ثقه بنفسه حتي لو كانت هاي الأشعار لا تمت للشعر بصله(بشعه جدا جدا)لأن الثقه بالنفس بتخلي الواحد يشعر انه ناجح و تخليه يعمل كثيرا و يحافظ علي همة عاليه و تزيد نجاحاته و تغذي سعادته و بهيك بيكون وصل لنذار قباني.بس يا زلمه.وشكرا إلك.بس كان بدي اطلب منك طلب بيصير ما؟

[bki]

إذا بدون مد ايد وتعلاية صوت, إي بيصير ومن عيوني, إأمري؟

[Jilan_joly]

شو؟بالظاهر مافي حدا عاجبته القصيده..زعلتوني و نفسي انسدت وما عاد بدي اكتب أي أشعار تانيه.طيب بس قولولي أطلب من الإداره تحذفها ولا لا؟ولا رح تبخلو برأيكن في هاي كمان؟

[MadMax]

كاتب النص الأصلي : Jilan_joly

شو؟بالظاهر مافي حدا عاجبته القصيده..زعلتوني و نفسي انسدت وما عاد بدي اكتب أي أشعار تانيه.طيب بس قولولي أطلب من الإداره تحذفها ولا لا؟ولا رح تبخلو برأيكن في هاي كمان؟

يمكن ناطرين قصيدة جديدة


انتي وينك ماعاد بينتي ..؟؟

[saman]

لك وين كنتي مخبيي هالابداع كلو يا جلجول

[Jilan_joly]

كاتب النص الأصلي : MadMax

يمكن ناطرين قصيدة جديدة


انتي وينك ماعاد بينتي ..؟؟

بس أنا خلص ما عاد اتشجع انشر اشعاري لانو ماعم تعجب حدا..خليها مزتوته بالدرج أحسن لإنو الناس بالمنتدي ما بيشجعو علي شي..شكرا الك ع المرور والرد

[Jilan_joly]

كاتب النص الأصلي : M.E.e.R.O

لك وين كنتي مخبيي هالابداع كلو يا جلجول

والله ماني مخبيته بس ما كنت بعرف كيف بدي اطالعه وعرفت..شكرا الك كتير ع المرور والرد