سوريا الغد...

[الموسيقار]

كاتب النص الأصلي : butterfly

حوار المثقفين ...
أن كان هادا اللي بالسبع صفحات اللي فوق .... هوي حوار مثقفين
فالله يرحمك يا سوريا ... أن تغير النظام .. وأن لم يتغير
قبل ما أخضع ... لفحوصات الموسيقار بالثقافة مشان يحكم إذا ردي بينقرا أو لأ
أي أنا قريت سأخون وطني ...
وبخصوص التاريخ والامتحان الموجه لكوستا .. لا والله ما كتير بميل للتاريخ بحب أأقرا أشيا تانية
بعد ما اتجاوز الفحوصات بتمنى تقرو ردي
مبالغة من الطرفين وتمسك كل طرف بأظهار الأخر على انو خاين ..
ما حدا بيحقلو يخون حدا ...
في أغلاط كتير بالبلد ... أي وفي كتير منها سببا النظام والموالاة اللي بدو يدافع بس مشان يدافع
وفي أشيا كتير منيحة وماشية لقدام .... هي مشان المعارض .. اللي عم يعارض مشان يقاتل بس
في حق عالشعب وكتير كتير كتير
وفي حق عالسلطة كتير كتير كتير

وعكل بتمنى اللي بدو يرد عليي ...ما يحاول ولا بأي طريقة يحاول شخصي وعمري ( مدري مين اضطر يبررلكون أنو متجوز وعندو ولاد ... ليأثبتلكون أنو كبير ... )
عندك نقاش ناقش الفكرة ...
ويسلمو

أول شي منشان كلمة امتحانات الموسيقار ..

يعني بئللكـ الشغلة بسيطة .. وزئطوطة ومو مستاهلة

أنا قلت ع سأخون وطني .. لحتى شير للأسلوب اللي اعتنقه محمد الماغوط .. بالسخرية الهادفة

وإذا بتلاحظي .. أنو الماغوط .. ما شلف الحق كلو عالنظام .. علما ً أنو كان أكثر أدباء سوريا .. سوداوية ً




مو غلط أنو نحط جزء من المسؤولية ع النظام .. بس كمان مو صح نحمله المسؤولية .. أنو من طئطئ لسلام عليكم ..




بتمنى .. لاقي حدا يفهم شو بئصد أنا ..

يعني أي حاكم .. بدو يجي .. رح يلاقي حاله ضمن بؤرة طويلة عريضةى من الفساد والإفساد .. شغلة تأصلت بمفهوم المواطن السوري ..

مو بإيدو لأنو امتداد لعصور التخلف الي مر فيها ..

[الموسيقار]

كاتب النص الأصلي : Willi

لك انا بس عم انصحو نصيحة.

مشانو عم احكي

بكرا بيضحكو عليه اذا سمعوه, وبيعملو منو مسخرة.

يا سيدي .. ماشي ع منوالي .. وعايش

سدئني عايش .

وأحسن مما بتتصور . أنت والشباب الطيبة

وبزيد شغلة كمان ..

أنو الناس الي ناقشتها لايف بـ هي الفكرة .. كانوا ثوريين هيكـ متلكــ ..

بس لما شافوا أنو طريقتي ناجعة .. بلشو يعيدوا حساباتهم ..


ع قولة الآنسة اللي مرقت من شوي .

ما من حق حدا يخون حدا .. وما من حق حدا يبيض وطنية ع حدا


ليش فهمان مني .. أني عم هاجم .. طريقة تفكيركــ؟

أنا .. عم بطرح شي بديل .. للنواح على أبواب المعتقلات السياسية ..

قلي المعتقل .. شو عم يفيد .. وشو عم يستفيد ؟

عم يتعرض للإرهاب الجسدي والنفسي .. طوال فترة حبسه .. إضافة ً .. لخسارة بلده إله ..

أنا .... مع الثورة .. بس الإجتماعية منهاا ..

شي بيشبه حركة الفلسفة الوجودية .. بأوروبا .. الي تمخضت عنها بعدين .. حركات المثقفين .. الي همشت الدين في التعاطي مع أمور الحكم .. وأدت بالتالي للنهضة الأوروبية العملاقة


نحن كـ شعب قابليتنا .. للتحضر أسرع من أوروبا .. بكتير .. وبظن أنو الشي لي ضلت أوروبا عم تعمله .. أربعميت سنة .. نحن فينا نعملةو .. ب40 سنة..

حتى نيتشه .. وميكيافيللي .. عملوا شي كتير كبير .. بلور المنظومة التفكيرية ..

بتمنى .. تعتبر أنو الي عم يحكي قدامكـ عندو وجهة نظر ..

وتكون أكتر .. تفهم لوجود فكرة .. غير أفكاركـ

سدئني ما عم فرقكـ عن النظام بشي ..

[الموسيقار]

كاتب النص الأصلي : rammstein

والله يا صاحبي انا شايف لا تعزب هالك...الشباب مو هون منوب؟..........
الجماعة بس بدهم يلعو بقى لا تعذب حالك مالح توصل لنتيجة........

أنو حبيبي .. لقللكـ شغلة ..

كمان الانبطاح مرفوض ..

معلش .


فهام شو ئصدي ..

وناقشني ع هالأساس ..

[الموسيقار]

كاتب النص الأصلي : GMC

الكلاب عم تعوي و القافلة عم تسير

الله حيك معلم جاد

الى الامام سر ما بدك مين يسوقك مانك من الضباع انت

أنو يعني إزا هاادا مستوا الحديث ... خيو من أولها أهونها ..

بنتكم عندكم .. وابننا عننا ..

مالنا بالطيب نصيب ..

[الموسيقار]

كاتب النص الأصلي : ابو صخر بفش اهر

هلاء هاد الي ستشفيتوه من كلام الشباب

الآخوان المسلمين رفضوا يضعوا أيدون بأيد امريكا .. بقا شو دخل الشباب بامريكا

هنن بدون امريكا . روح ساويلنا موضوع مشان نتعلم كيف نعارض ونعترض

لكـ مين نسب الشباب لأميركا ولوو .. ؟

ومين قال .. أني حكسيت عالأخوان المسلمين أنهن خونة ؟.؟


روح قلبكون .. تقولوني شي ما قلته أنتو ؟

بدي ياكـ تجاوبني ....

شو اللي رح يتغير .. إزا شلخنا تيابنا قدام فروعة المخابرات ؟

قلي .. منهاج ع أساسه رح يصير التغيير .. وأنا من بكرة بصير من صقور المعارضين ..

[COSTA]

قلي المعتقل .. شو عم يفيد .. وشو عم يستفيد ؟

ليش هو قبل ما يعتقلو كان قاعد ببيتو ؟؟

كان عم يشتغل وعم يحاول يصلح البلد

اجو الشباب وما عجبون قامو دقو بخوانيقو

بعدين كل واحد يا باشا اذا بدو يخاف من الاعتقال ما كان حدا حكى .... لك نحنا ما كنا استرجينا نكتب هون

[الموسيقار]

كاتب النص الأصلي : كوستا

ليش هو قبل ما يعتقلو كان قاعد ببيتو ؟؟

كان عم يشتغل وعم يحاول يصلح البلد

اجو الشباب وما عجبون قامو دقو بخوانيقو

بعدين كل واحد يا باشا اذا بدو يخاف من الاعتقال ما كان حدا حكى .... لك نحنا ما كنا استرجينا نكتب هون

هون منرجع لنقطة اختلافنا الجوهرية .. أنو // من أين تؤكل الكتف؟؟ //

أنو عم يحاول يصلح .. السياسة ..

السياسة .. هي تحصيل حاصل .. للثقافة .. وللاقتصاد ولخلافه ..

يعني بظن أنو كونكـــ معارض سياسي .. ونازل بعرض النظام .. وعم تنشر حريمه .. مو إنجاز ..

بقدر أنو تكون تاجر شريف . . أو موظف مستقيم .. أو مثقف تنويري .. أو حتى موسيقي ..

الموسيقا الها دورها .. بالتنوير .

الله يرحمكـ يا تشايكوفسكي .

[الموسيقار]

جمال عبد الناصر .. لما استلم من شكري القوتلي زمام الأمور .. زمن الوحدة ..

قال شكري القوتلي ..

// أنا سلمتكـ حكم شعب نصفه زعماء و ربعه وزراء .. والبقية الباقية .. مشايخ //


لا تعليق

[الموسيقار]

هي الغنية الي بتوقيعي


مدري ليش بحس أنها .. بتحكي عن كل شي ...

عن كل شي .


لأني .. عن جد خايف عليها ..

الشام دقة بالقلب ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Willi]

لك معلم الرد اللي كتبتو مو عليك

انا عم احكي مع الشب رامستين
اللي لهلق ما حكا ولا كلمة مفيدة غير تهجم


معلم ما حدا خونك ولا حدا بيض وطنية عليك
انت بيضت وطنية عن الكل

تحياتي

[الموسيقار]

كاتب النص الأصلي : Willi

لك معلم الرد اللي كتبتو مو عليك

انا عم احكي مع الشب رامستين
اللي لهلق ما حكا ولا كلمة مفيدة غير تهجم


معلم ما حدا خونك ولا حدا بيض وطنية عليك
انت بيضت وطنية عن الكل

تحياتي

بحترم .. توقفكــ

عن المطاحشة بهالموضوع ..

وبلتزم ذات التوقف ..

حتى لو كنت متهكم ..

ما الئصة متل بعضاا

وبيضل أختلاف .. وجهات النظر .. لا يفسد للود قضية ..

[rammstein]

كاتب النص الأصلي : Willi

لك معلم الرد اللي كتبتو مو عليك

انا عم احكي مع الشب رامستين
اللي لهلق ما حكا ولا كلمة مفيدة غير تهجم


معلم ما حدا خونك ولا حدا بيض وطنية عليك
انت بيضت وطنية عن الكل

تحياتي

معلش يا استاذ......قبل ما تحكي عن الكلام المفيد روح رجاع واقرا الموضوع الي كتبته بعدين ابقى نظر علينا على كيفك.........
يلعن دين هالمعارضة الي قاعدة عم تاكل الماكدونالدز وتشرب الكولا الي ماعم تخلص؟؟؟؟؟وجاية عم تحكي عن السرقة والفقر والبلد؟؟؟؟؟؟؟؟؟
روح عنا يا........

[rammstein]

كاتب النص الأصلي : شامي من طوكيو

ليش شوفي مخباا يا البي لحتى تظهر صورة حسنة على البلد بعدين مو ناقصني دروس بالوطنية بعطي دروس وطنية عن بلدان بس اني انا ضعيف الحجة هاد من شأنك
وانت يمكن ما لك شربان ولا فنجان قهوة بيت خالتك بس لتروح وتشوف الأستضافة بشي معين او بلا شي ساعتها بتجي وعطينا وطنيتك
الأصل يا حبيبي اي هلء بنزل على الميدان وبناكل فول وبرجع للأصول وإذا خالص الفول باكل حمص

... نسيت شغلة انو انت بتحب بلدك مافي حدا ما بيحب وطنو وبلدو بس انك تؤيد نظامك فهاد الشي هو دليل الضعف وهي هية البرمجة اللي عم احكي عنها .............. وفهمك كفاية يا وطني

حبيبي اذا عندك شي بيفيد بهالموضوع احكيه....اما اذا كنت بدك تتمهزا ووتتظارف عندك قسم الكاريكتير روح تسلى هنك.......
وتاني شي انا ما عم قلك روح صور بلدك ونشور صورها حتى تقلي مافي شي مخبا؟؟؟؟؟صورة بلدك الحلوة هي فيك وفيني برقيك ورقيي الفكري.....مو ببيع الوطنيات وشرب القهوة والفول؟؟؟؟؟؟
واصلا على شو بدي فوت عبيت خالتي(عالسجن)شو عامل اصلا؟؟؟؟قالولك عني ازعر ولا حرامي؟؟؟؟؟؟
ولا لتكون مفكر انو كل بني ادم بهالبلد لازم يكون فايت عالسجن؟؟؟؟؟؟؟؟
ولمعلوماتك مين جاب سيرة النظام اصلا؟؟؟؟؟؟انا عم دافع عن بلدي هيك....لا بهمني النظام ولا غيره.....

[Spector]

كاتب النص الأصلي : rammstein

معلش يا استاذ......قبل ما تحكي عن الكلام المفيد روح رجاع واقرا الموضوع الي كتبته بعدين ابقى نظر علينا على كيفك.........
يلعن دين هالمعارضة الي قاعدة عم تاكل الماكدونالدز وتشرب الكولا الي ماعم تخلص؟؟؟؟؟وجاية عم تحكي عن السرقة والفقر والبلد؟؟؟؟؟؟؟؟؟
روح عنا يا........

اااه يعني المعارض ما بياكل مكدانلز اي قلتلي
المعارض لازم ياكل فول و يلبس قميص بني غامق

[rammstein]

كاتب النص الأصلي : الموسيقار

أنو حبيبي .. لقللكـ شغلة ..

كمان الانبطاح مرفوض ..

معلش .


فهام شو ئصدي ..

وناقشني ع هالأساس ..

انا معك حبيبي....... بس كل ما تحكي معن شغلة وما عندهم رد بتصير من المخابرات والمرتزقة بعثي وما بعرف شو؟؟؟؟؟؟
طيب هيك واحد شو بدك تقلو؟؟؟؟؟؟

[nanoo33]

حاج يا جماعة تحكوا عن البلد هيك والله اللي بيسمعكن بيقول انو فوق راس كل واحد في عنصر مخابرات رافع عليه مسدس

اي كمان مو لهل درجة !!!!!!!! صحي انو في ناس كتير انشحطت بزماناتا بس هلا مو كل ها قد يعني كمان نحنا عايشين بالبلد و شايفين

يعني العيشة بسوريا حلوة و كل العالم مرتاحة صحي كل واحد الا ما يكون عندو مشاكل بس مو كلا بسبب النظام!!!!!!!!!!!و ما حدا ميت من الجوع و لا حدا قافل بابو على حالو من خوفو
بس في ناس ما فيا ما تنق
و المفروض انو نحنا نبلش من حالنا ...............يعني التخلف اللي عامي قلوب كتير مننا و التعصب اللي عند اغلبية الناس ان اعترفوا او لا و الازدواجية يللي برأي هيي سبب كل شي.........اذا كل هول قدرنا نتخلص منون بتكون تلات رباع المشاكل انحلت
اما عن النظام!!!!!
اول شغلة لازم نسويا انو ما نتخيل انو رح يجي شخص هيك بين يوم و ليلة و يكون هوي البطل القومي يلي رح يحقق الاحلام و يأنققذ الدولة
بعرف انو في بسوريا كتير ناس مثقفين و قادرين يقودوا البلد بس وينن؟؟؟؟؟؟؟؟؟؟
يعني ما حدا بيعرفون .
طيب اذا راح النظام و بدنا ننتخب مين رح ننتخب؟
و مين الاسامي المعروفة اللي بيوثق فيا الناس؟؟؟؟؟؟؟؟؟؟ولا حدا!!!!!!!!!!!!
و وين في حزب بتأيدوا كل الناس و بتوثق فيه ؟؟؟؟؟؟؟؟؟؟
رح تقولوا لي البعث خلا حدا يحكي
طيب...نحنا الجيل اللي خلقنا لقينا البعث مسيطر عل كل. شو لازم نسوي ننطر؟؟؟ والا نسوي حزب جديد بأفكار جديدة و مبادئ بتناسب هاد الوقت واللي عم بيصير يعني ما نقول وحدة عربية و ما بعرف شو اي ولد صغير بيعرف انو هل شي مستحيل
بس بصراحة اهالينا كانو احسن مننا بكتير...... لان على دورن كمان كان في اعتقالات و ما بعرف شو بس كانوا متمسكين برأيون و عم يحاولوا يسوو شي بس هلا حتى محاولة ما حدا بيكلف خاطروا و كل واحد بيحكي و ناطر حدا يسويلو شي هاد اذا ما سافر لبرا و بيقلك بس تظبط البلد برجع .
و بالنتيجة الشعب لازم يبلش من عندو ليوصل للبدوا ياه مو ينطر الله ليبعتلوا واحد من عندوا لان الله بجوز يرد ينزلنا نبي بس اكيد ما رح ينزلنا بطل قومي

[Willi]

اي كمان مو لهل درجة !!!!!!!! صحي انو في ناس كتير انشحطت بزماناتا بس هلا مو كل ها قد يعني كمان نحنا عايشين بالبلد و شايفين

عيوني
شو رأيك بانو من هالمنتدى بالذات في 4 انحبسو هالسنة؟؟
وواحد كانو ملاحقينو بس هرب برات البلد.
هدول اللي انا بعرف عنهون.

بعرف انو في بسوريا كتير ناس مثقفين و قادرين يقودوا البلد بس وينن؟؟؟؟؟؟؟؟؟؟
يعني ما حدا بيعرفون

وليش برأيك؟؟
هل يا ترى النظام تاركلون فسحة ولو صغيرة مشان يعملو شي؟؟
اذا واحد قب راسو بيقصولو ياه.

طيب...نحنا الجيل اللي خلقنا لقينا البعث مسيطر عل كل. شو لازم نسوي ننطر؟؟؟ والا نسوي حزب جديد بأفكار جديدة و مبادئ بتناسب هاد الوقت واللي عم بيصير يعني ما نقول وحدة عربية و ما بعرف شو اي ولد صغير بيعرف انو هل شي مستحيل

ومين قلك انو مافي احزاب!!
في احزاب بس كلو محظور, متى ما راح النظام رح تسمعي فيهون.
اذا انت مو سمعانة فيهون هاد مو معناه انو مو موجودين
هلق اذا بتدوري بهالمنتدى بتلاقي معلومات عنهون.

[Willi]

يلعن دين هالمعارضة الي قاعدة عم تاكل الماكدونالدز وتشرب الكولا الي ماعم تخلص؟؟؟؟؟وجاية عم تحكي عن السرقة والفقر والبلد؟؟؟؟؟؟؟؟؟
روح عنا يا........

هلق انت من كل عقلك عم تحكي؟


شو بدك ياني اكل هوا متلك يعني؟ (هاي مع تحسين الكلمة)