هل تتحلى المرأه بالصفات القيادية؟

[Jilan_joly]

كاتب النص الأصلي : h13free

الشخصي القيادية لابد ان تكون استثنائية قوي ومميزة بجميع المقاييس
المميزات :
أولا : الثقة بالنفس
ثانيا : مرجعية علمية ثابته
ثالثا : الجرأة من غير تردد
رابعا : قدرة على استيعاب وتفهم من حوله
خامسا : بعد النظر بشكل عام وغيرها من الصفات
يعني لازم تكون حالة خاصة وسؤالي ليكهل كل الرجال يمتلكون شخصيات قيادية وقادرين على الحكم السديد والرشيد؟
برايي يمكن ان توجد نساء قادرات على تسير الدول بطريقة افضل من الرجال وان كنتم تعيبون علينا الحنان فعل ذاك الحنان يخفف من وطئة الرسمالية على الفقراء
اما بالنسبة لاتخاذ قرارات الحروب فادا استطاعت فاطمة نسومر الفتاة الجبلية الامازيغية غير المتعلمة والتي تعيش في مجتمع ذكوري قبل اكتر من قرن ، ان تقود ثورة بلا اسلحة ارهبت بها فرنسا بجيشها وعدتها
افلا تستطيع امراه من عصرنا قيادة حرب وهي على راس دولة ؟

يعني كلامك مزبوط كتير وانا معك بنسبة 90بالميه بس الباقي حابه قول فيه انو اذا المرأه بتحكم طيب الرجل شي رح يعمل(بيكنس بيطبخ بيربي الأولاد بينزل السوق)أنا شايفه انو المرأه مؤهله نسبيا لتقوم بهالدور نسبيا مو كليا لان متل ما بنعرف الرجال قوامون علي النساء..هناك تكامل بين الرجل والمرأه..يمكن ماني قدرانه اوضح وجهة نظري لأنو كتير كتير تعبانه والحكي ما عم يجمع معي..بس بالأخير تعالو مصر آخر الأسبوع لانو اختاروني رئيسة جمهوريه وأنا رفضت وبدن يكرموني..يلا ناطرتكن انا..لا تقصرو رقبتي وما تجو..والله بدبحكن دبح..يالله لشوف

[suryoyo]

كاتب النص الأصلي : sweetbaby

هلا القدرة الفكرية اكيد المرأة عندها نفس الكفاءة لتقدر تقود دولة بس المرأة كائن عاطفي فهي لما بتحكم عقلا بتحكم عواطفا معو وهيدا بيرجع لطبيعتا العاطفية اللي مابتقدر تغير شي فيا مع وجود بعض الاستثناءات متل كل قاعدة.. بينما الرجل بيحك عقلو بعيدا عن عاطفتو وهيدا هوي الشي اللي بيلعب الدور الاساسي باحتلال المراكز القيادية
هلا من وجهة نظري بانو بماانو المرأة مخلوق عاطفي وماانعطاها فرصتا للوصل للحكم والمراكز القيادية(باغلب الدول) فلما عم توصل ممكن هالشي ينعكس ليصير قرارت تعسفية واحيانا حازمة بحيث مابتقبل اي تغيير بسيط... التاريخ والمجتمعات اللي عشنا فيا (بدي قول هيك مجازيا) هي اللي بتمنع المرأة من انو تكون قادرة على القيام بالمهام القيادية...
مثال ع حكيي انو مثلا ازا رحنا ع المحكمة وكان القاضي انثى... فقراراتا بشكل عام حازمة بجوز مو منصفة(او بالاحرى ممم متل مابيقولو قاسية) هيدا بيعود للي كنت عم قولو انو المرأة لما ماانعطت فرصتا الحقيقية فلما عم توصل عم (تنتقم لبنات جنسا)

انا يجوز اشوف قرارات المرأة مو دائما عاطفية ...

و اقدر اقول انو المرأة بالعالم العربي ممكن تتخلى عن العادات و التقاليد اكثر من الرجل حينما تصدر حكم معين بقضية معينة ..

[suryoyo]

كاتب النص الأصلي : Jilan_joly

يعني كلامك مزبوط كتير وانا معك بنسبة 90بالميه بس الباقي حابه قول فيه انو اذا المرأه بتحكم طيب الرجل شي رح يعمل(بيكنس بيطبخ بيربي الأولاد بينزل السوق)

رح قلك شي ..

في كثير عوائل الزوج و الزوجة يشتغلوا .... و المرا ابدا ما مقصرة بشغل البيت ..
و قسم منهم اذا اضطرت تستعين بمديرة منزل ... وين المشكلة يعني ؟


يعني المرأة اذا صارت رئيسة وزراء او وزيرة ... اكيد رح تستعين بطاقم حتى يمشي شغل البيت ...
و زوجها .... رح يظل يشتغل نفس شغلو ... و ما رح يتغير شي ..

يعني مو اذا صارت المرا وزيرة .. الزوج رح يقعد يطبخ و ينفخ !


انا اعرف عوائل المرا درجتها الوظيفية كثير اعلى من زوجها .. و حياتهم ماشية عادي ...

[Sun Shine Art]

كاتب النص الأصلي : suryoyo

رح قلك شي ..

في كثير عوائل الزوج و الزوجة يشتغلوا .... و المرا ابدا ما مقصرة بشغل البيت ..
و قسم منهم اذا اضطرت تستعين بمديرة منزل ... وين المشكلة يعني ؟


يعني المرأة اذا صارت رئيسة وزراء او وزيرة ... اكيد رح تستعين بطاقم حتى يمشي شغل البيت ...
و زوجها .... رح يظل يشتغل نفس شغلو ... و ما رح يتغير شي ..

يعني مو اذا صارت المرا وزيرة .. الزوج لاز يقعد يطبخ و ينفخ !


انا اعرف عوائل المرا درجتها الوظيفية كثير اعلى من اعلى من زوجها .. و حياتهم ماشية عادي ...

...كتير واقعي هل الحكي

[personita]

أعتقد أن مقومات القيادة لا تتعلق بالجنس، قد تتوفر أو لا تتوفر عند الشخص، رجلا كان أو امرأة، فليس أي رجل هو مؤهل للقيادة و لا أي امرأة هي كذلك. قد يلعب المجتمع و التكوين السيكولوجي و العلمي دورا كبيرا في هذا التأهيل، لكن لا أعتقد أن للجنس علاقة بالكفاءة أو الاستحقاق لهذا الدور.

[يمان Rooooonaldo]

انو اغلبية الشبيبة .. حكو نفس الفكر اللي بدي احكيها .. بس عندي تعليق على شغلة التعميم .. وانها غلط اي صح .. متل المثال اللي عاطيه فادي انو ام بيتوقع انو وحدة متل .. كزا دفعت على تصفيف شعرا .. 200 الف دولار او شي .. بالمقابل بتلاقي ملاين الرجال المجنانين .. عم يدفعو ويعملو .. عم يخبصو تخابيص عجبة ..

بعدين حاليا .. في نقطة يمكن ما بعرف ازا حدا منتبهلهلا .. ايا دور قيادي لايا بلد .. ما عم يحتاج هديك القدرة العظيمة للسيطرة ..

يعني لاشرح اكتر شوي لو بدنا نشوف حاليا الدول والبلدان الموجودة عنا بهاد القرن .. ما في دولة بدها قائد 100 % يكون .. مستلم كلشي لانو اصلا ما بيقدر انو يستلم كلشي .. وقت عم يستلم عم يكون في خطة مرسومة وجاهزة لحتى يمشي عليها .. في حواليه مين عم يمشيه .. او فلنقول انو في حال كان عندو القدرة انو يثبت جزء من شخصيتو .. محلها .. فحيكون .. في مين معو .. ومين لح يرجع يمشيه ..

انت ما عم تحكي عن دول من العصر الفارسي ولا العباسي .. وقت فعلا كان قائد الدولة قائد .. وقت فعلا كان وقت تنحكى الكلمة .. ما يكون فيها تراجع .. كان اللي بدو ياه ممكن انو يصير ..

لزلك وحاليا تحت هاد الوضع ما بلاقي ابدا مشكلة بهيك شي .. لانو حيكون متلها متلو .. والصورة لح تتشوه عالحالتين .. او لح تبيض عالحالتين ..

[بنفسجة]

المراة والرجل كل متكامل
والقيادة لاتستقيم بدون تكاملهما
مهما كانت المراة قاسية وتتمتع بصفات قوية فانها ستكون فاشلة حكما مالم تجد رجلا الى جانبها يدير دفة القيادة معها
وكذلك الرجل
كما انه لامجتمع بدون الجنسين فلا قيادة بدونهما
ومخطىء من يظن ان الحياة تستقيم باحدهما دون الاخر

[Reemi]

الصفات القياديه ما بتنحكم بجنس ... بعدين كل رجل بهادا العالم قدر يوصل لمراكز قياديه او علميه مرموقه اكيد كانت في حياتو امرأه عم تدفعو لقدام وواقفه جنبو .وعم يستمد قوته منها باي شكل من الاشكال (والمرأه هون بتشمل ..الأم , الاخت , الحبيبه..)...فكون الرجل قادر يكون قيادي اكيد الفضل ما لالو لحالو ...

أن المرأة التي تهز السرير بيمينها تهز العالم بشمالها

[homam85]

برأيي أن تحكم المرأة في هذا العصر أفضل للأنظمة الاقتصادية من حكم الرجال
والدليل أغلبية النساء هم من يستلم الادارة المالية في البيوت
وبخلصوا رجالهم الراتب من أول الشهر ...

[sweetbaby]

كاتب النص الأصلي : Reemi

الصفات القياديه ما بتنحكم بجنس ... بعدين كل رجل بهادا العالم قدر يوصل لمراكز قياديه او علميه مرموقه اكيد كانت في حياتو امرأه عم تدفعو لقدام وواقفه جنبو .وعم يستمد قوته منها باي شكل من الاشكال (والمرأه هون بتشمل ..الأم , الاخت , الحبيبه..)...فكون الرجل قادر يكون قيادي اكيد الفضل ما لالو لحالو ...

أن المرأة التي تهز السرير بيمينها تهز العالم بشمالها

هالفكرة انوجدت بمحلين..
فانا برايي انو هالفكرة المطروحة هون مابتقول انو ازا المرأة قادرة على القيام بالمراكز القيادية.. محدا مننا مختلف ع انو المرأة هي الام والاخت والحبيبة بالعكس نحنا كلنا هون...ونحنا كلنا اكيدين انو الرجل بدون وقوف المراة جنبو مابيقدر يوصل باكتر الاحيان... بس اللي عم قولو.. انو هل المراة بحد ذاتها قادرة على القيادة (حتى مع وقوف الرجل لجانبا)؟ يعني هيي عندا القدرة الكافية على تحمل عبىء المسؤولية اللي بتحملو القيادة وتتحكم بحكمة فيه؟

[ويحد سوري]

من الممكن ان تتمتع بصفات القيادة ومن الممكن اعداد المراة لتستلم منصب القيادة
بس براي انا
انو اذا كانت ورا الرجل القائد بتكون اكثر المراة اكثر حكمة و قدرة على اتخاذ القرارات

[حنين.]

[quote=يمان Rooooonaldo;1160404]انو اغلبية الشبيبة .. حكو نفس الفكر اللي بدي احكيها .. بس عندي تعليق على شغلة التعميم .. وانها غلط اي صح .. متل المثال اللي عاطيه فادي انو ام بيتوقع انو وحدة متل .. كزا دفعت على تصفيف شعرا .. 200 الف دولار او شي .. بالمقابل بتلاقي ملاين الرجال المجنانين .. عم يدفعو ويعملو .. عم يخبصو تخابيص عجبة ..

بعدين حاليا .. في نقطة يمكن ما بعرف ازا حدا منتبهلهلا .. ايا دور قيادي لايا بلد .. ما عم يحتاج هديك القدرة العظيمة للسيطرة ..

يعني لاشرح اكتر شوي لو بدنا نشوف حاليا الدول والبلدان الموجودة عنا بهاد القرن .. ما في دولة بدها قائد 100 % يكون .. مستلم كلشي لانو اصلا ما بيقدر انو يستلم كلشي .. وقت عم يستلم عم يكون في خطة مرسومة وجاهزة لحتى يمشي عليها .. في حواليه مين عم يمشيه .. او فلنقول انو في حال كان عندو القدرة انو يثبت جزء من شخصيتو .. محلها .. فحيكون .. في مين معو .. ومين لح يرجع يمشيه ..

انت ما عم تحكي عن دول من العصر الفارسي ولا العباسي .. وقت فعلا كان قائد الدولة قائد .. وقت فعلا كان وقت تنحكى الكلمة .. ما يكون فيها تراجع .. كان اللي بدو ياه ممكن انو يصير ..

كنت ناوية اختم ردي بهاد الكلام ذاتو بس ما بعرف شو اللي نساني
صحيح الرؤساء في عصرنا الحالي تقريبا اخر من يتخذ القرار في دستور وقوانين وبرلمان وغيرو يعني ما رح تظهر قوة شخصيتو الا ادا كانت فعلا قوي]

[jano.]

ما بختلف معكن بانو المرأة بشكل عام عاطفيّة وحسّاسة أكتر من الرجل.. بس هالشي ما بيعني أنو في نساء عقلانيات وبيسيطروا على عواطفن وبيقدروا يتحمّلوا مسؤلية دولة كاملة أكتر من الرجال..
في اختلافات نفسيّة وجسدية بين المرأة والرجل، الرجل بيتفوّق بشغلات اكتر من المراة والمرأة بتتغلب عن الرجل بشغلات وصفات تانية... بس برأيي قضيّة الرئاسة هيي بحد ذاتا شغلة استثنائية، يعني متل مالازم يكون الذكر شي استثنائي ومميّز ليصير رئيس كمان لازم تكون الأنثى أنثى استثنائية بذكائا وقدراتا لتصير رئيسة.. وين المشكلة بالموضوع؟ خلونا واقعيين شوي، (سؤال موجه للشباب والصبايا) يعني ولا مرّة التقيتن ببنت واثقة من حالا وبتتحكم بعواطفا وعقلانية وعندا ذكاء ثاقب اكتر من الشباب؟ أي في بنات إذا انعطو فرصة رح يقدرو يقودو حلف دول كامل.. مو بس دولة وحدة..

وبالنسبة للأمثلة التاريخيّة عن المرأة القياديّة، فبقول أنو اليوم مسؤلية رئيس الدولة أسهل بكتير من أيام زمان، يعني قرار الحرب او كبسة الزر مانو قرار الرئيس لوحدو.. ع قولة عادل إمام حتى إذا لزق البنطلون بالشو اسمو، في مين يسحبو ...
ليكا ميركل (بغض النظر إذا كنت مؤيد لسياستا أو لأ) بس بظن أنو كونا انثى ما أثر أبداً بقدرتا على القيادة.. وكمان باسبانيا بعتقد أنو الحقائب الوزارية موزعة على 9 نساء و 8 رجال..

الامثلة التاريخية عن نجاح المرأة بالقيادة بتبين قدرة المرأة على تقرير مصير دولة كاملة حتى بأصعب الظروف وبزمن كان فيه قائد الدولة الكلّ بالكلّ.
والأمثلة التاريخية عن المرأة الفاشلة قيادياً بتأيد نظرتنا تجاه المرأة الي تعوّدنا نشوفا أو ننظرلا كمخلوق حنون عاطفي يلي مهما كان مميّز مافيه يحكم دولة..

هلا بلا مثالية وما بعرف شو... بيني وبينكن بلا ما يصير عنا رئيسة أريح بكتير!
رح نروح فيها يا شباب! بلا رئاسة وشايفين حالن علينا بقى شلون إذا...
هاد فوق ما حرمونا من الجنّة كرمال عضّة تفاحة! اي لا احلمو بالرئاسة بقى

كاتب النص الأصلي : suryoyo

المراة مو عاطفية اكثر ... في كثير نساء بلا رحمة ... مثل ما في رجال سفاحين

أب سارة،
كتوب "في نساء سفّاحات... مثل مافي رجال سفّاحين" بتطلع المقارنة أزبط
خود راحتك... عادي عادي

[sweetbaby]

ما بختلف معكن بانو المرأة بشكل عام عاطفيّة وحسّاسة أكتر من الرجل.. بس هالشي ما بيعني أنو في نساء عقلانيات وبيسيطروا على عواطفن وبيقدروا يتحمّلوا مسؤلية دولة كاملة أكتر من الرجال..

مابقلك هالحكي غلط.. بس هون منصير عم نحكي عن افراد محددين مو بالمجمل.. يعني الاغلبية مو هيي...بس محدا عم يحكي بالمطلق...

في اختلافات نفسيّة وجسدية بين المرأة والرجل، الرجل بيتفوّق بشغلات اكتر من المراة والمرأة بتتغلب عن الرجل بشغلات وصفات تانية... بس برأيي قضيّة الرئاسة هيي بحد ذاتا شغلة استثنائية، يعني متل مالازم يكون الذكر شي استثنائي ومميّز ليصير رئيس كمان لازم تكون الأنثى أنثى استثنائية بذكائا وقدراتا لتصير رئيسة..

الاختلافات النفسية والجسدية.. هي موضوعنا.. انو القدرات النفسية والجسدية للمرأة بتاهلها تكون بمركز قيادي.. بالشكل العام؟؟

وين المشكلة بالموضوع؟ خلونا واقعيين شوي، (سؤال موجه للشباب والصبايا) يعني ولا مرّة التقيتن ببنت واثقة من حالا وبتتحكم بعواطفا وعقلانية وعندا ذكاء ثاقب اكتر من الشباب؟ أي في بنات إذا انعطو فرصة رح يقدرو يقودو حلف دول كامل.. مو بس دولة وحدة..

في فرق بين لما الوحدة واثقة من حالها وبتتحكم بعواطفا وعقلانية بالامور العادية والحياة الطبيعية وبين لما بيكون واحد بمركز قيادي... بس كمان ماكل البنات هيك وماكل الشباب عندن القدرة القيادية... يعني بتبقى قصة افراد

وبالنسبة للأمثلة التاريخيّة عن المرأة القياديّة، فبقول أنو اليوم مسؤلية رئيس الدولة أسهل بكتير من أيام زمان، يعني قرار الحرب او كبسة الزر مانو قرار الرئيس لوحدو.. ع قولة عادل إمام حتى إذا لزق البنطلون بالشو اسمو، في مين يسحبو ...

صح المسؤولية اسهل بس لاننسى انها مسؤولية مدري كم الف بني ادم...

ل

يكا ميركل (بغض النظر إذا كنت مؤيد لسياستا أو لأ) بس بظن أنو كونا انثى ما أثر أبداً بقدرتا على القيادة.. وكمان باسبانيا بعتقد أنو الحقائب الوزارية موزعة على 9 نساء و 8 رجال..

الامثلة التاريخية عن نجاح المرأة بالقيادة بتبين قدرة المرأة على تقرير مصير دولة كاملة حتى بأصعب الظروف وبزمن كان فيه قائد الدولة الكلّ بالكلّ.

برجع بقلك هني اقلية.. يعني افراد مو بشكل عام

هلا بلا مثالية وما بعرف شو... بيني وبينكن بلا ما يصير عنا رئيسة أريح بكتير!
رح نروح فيها يا شباب! بلا رئاسة وشايفين حالن علينا بقى شلون إذا...
هاد فوق ما حرمونا من الجنّة كرمال عضّة تفاحة! اي لا احلمو بالرئاسة بقى

والله نحنا اللي منستاهل ناخد الرئاسة واصلا كلو بسببكون.. بعدين انتو شو ماانقلكن بتعملوو؟
يعني ازا بنت قالتلك روح كب حالك عن الجبل بتروح بتكب حالك؟

[Damask Rose]

وانا معك بعدم اهليتها لهيك منصب
يمكن يكون هالشي ممكن ولكن بحالاات نادرة بتكون تربت فيها من صغرها على انها تكون قيادية....
لكن تقود دولة؟؟؟مع الاسف مابظن لانها كتير رح تحكم عاطفتها

[ِAbu Alzooz]

فادي لح خبرك ياها ببساطة :

حوا بتفاحة وحدة جابتنا لهون .... و داليدا لما بدها بتحلق لشمشوم

و اللبيب من الاشارة يفهم

[jano.]

sweetbaby
هلا انا معك تقريبا بكل الي حكيتيه

الاختلافات النفسية والجسدية.. هي موضوعنا.. انو القدرات النفسية والجسدية للمرأة بتاهلها تكون بمركز قيادي.. بالشكل العام؟؟

برجع بقلك هني اقلية.. يعني افراد مو بشكل عام

بس هون رح ارجع قول أنو بقضية قيادة المرأة للدولة مالازم نطّلع على ميزات المرأة بشكل عام (يعني المرأة بالصورة الي تعوّدنا عليها)... هيك مركز مميّز وحسّاس بدّو إنسان مميّز ويكون عندو المؤهّلات ليستلم هالمنصب، إن كان رجل أو مرأة... وبقناعتي الشخصيّة (حتّى لومافي أمثلة واقعيّة حالياً أو تاريخياً عن المرأة القائدة) إذا انعطت المرأة فرصة للقيادة، وإذا امتلكت مؤهّلات القيادة فرح تنجح بهالمهمّة، وأكيد يلي بدها توصل لهالمرتبة ما رح تكون إمرأة عاديّة..

هلأ أنا ما بيهمني كتير أنها تستلم السلطة أو لأ.. بس بيهمني مثلاً لما شوف كيف كانت المرأة السوريّة بمسلسل باب الحارة ولوين وصّلت المرأة السوريّة حالياً.. وبيهمني أكتر أنو بالمرحلة القادمة توصّل المرأة لأكتر من هيك، يعني تنعطى الفرص الكافية والدعم الكافي وما تلاقي أي عوائق بطريقها لما بدها ترتقي وتتقدّم..

والله نحنا اللي منستاهل ناخد الرئاسة واصلا كلو بسببكون.. بعدين انتو شو ماانقلكن بتعملوو؟

لا أكيد ما بنعمل كلشي بتقولوه النا، بحالات كتيرة لازم ما نسمع لكلامكن لأنو بنعرف أنو البنات ماعندن القدرة على اتخاذ القرارات المهمّة

يعني ازا بنت قالتلك روح كب حالك عن الجبل بتروح بتكب حالك؟

بالله شو! أي لو بنات الدنية كلن طلبو منّي هالطلب مارح اعملو... بعدين البنت الي بدهاياني موت بقلّا "طلعي من راسي حياتو"

[sweetbaby]

Urhoy

هلا انا معك تقريبا بكل الي حكيتيه

ضروري تكون معي لاني مابقول غير الشي الصح

بس هون رح ارجع قول أنو بقضية قيادة المرأة للدولة مالازم نطّلع على ميزات المرأة بشكل عام (يعني المرأة بالصورة الي تعوّدنا عليها)... هيك مركز مميّز وحسّاس بدّو إنسان مميّز ويكون عندو المؤهّلات ليستلم هالمنصب، إن كان رجل أو مرأة... وبقناعتي الشخصيّة (حتّى لومافي أمثلة واقعيّة حالياً أو تاريخياً عن المرأة القائدة) إذا انعطت المرأة فرصة للقيادة، وإذا امتلكت مؤهّلات القيادة فرح تنجح بهالمهمّة، وأكيد يلي بدها توصل لهالمرتبة ما رح تكون إمرأة عاديّة..

هلا مافي شك انو وقت بيجي شخص انثى كان او رجل لمركز قيادي مهم (قيادة دولة) انو هالشخص مانو شخص عادي.. فانو المراكز المهمة بدها اشخاص استثنائين...من حيث المؤهلات..وماعم قلك لاء انو ازا انعطت المرأة القيادة كتير وارد انو تكون تكون قادرة ع القيادة وبنجاح بس ياترى الطبيعة الجسدية والنفسية للمرأة وكم العطف الهائل اللي عندا مارح ياثر على قراراتها؟؟؟؟

هلأ أنا ما بيهمني كتير أنها تستلم السلطة أو لأ.. بس بيهمني مثلاً لما شوف كيف كانت المرأة السوريّة بمسلسل باب الحارة ولوين وصّلت المرأة السوريّة حالياً.. وبيهمني أكتر أنو بالمرحلة القادمة توصّل المرأة لأكتر من هيك، يعني تنعطى الفرص الكافية والدعم الكافي وما تلاقي أي عوائق بطريقها لما بدها ترتقي وتتقدّم..

مسلسل باب الحارة ياعزيزي بيمثل فترة من الزمن من حوالي ال 80 سنة.. فاتطلع من تمانين سنة لهلا وين صرنا.. مابعتقد المرأة اخدت الحق الكافي بماانو في نسب كبيرة كتير لساتا بتتعامل بنفس الطريقة...بس المرأة السورية بعد مااخدت حقا الكافي ومابدي ادخل بنقاش ونطلع برا الموضوع حاليا

لا أكيد ما بنعمل كلشي بتقولوه النا، بحالات كتيرة لازم ما نسمع لكلامكن لأنو بنعرف أنو البنات ماعندن القدرة على اتخاذ القرارات المهمّة
بالله شو! أي لو بنات الدنية كلن طلبو منّي هالطلب مارح اعملو... بعدين البنت الي بدهاياني موت بقلّا "طلعي من راسي حياتو"

اي بكرا منشوفك خيو