في مثل هذا اليوم .. فازت إيطاليا بكأس العالم ..

[Placebo]

[IMG]http://www.online-marketing.it/wp-*******/photos/campioni_del_mondo.jpg[/IMG]

نعم هذا اليوم .. التي إحتفلت به إيطاليا بأغلى كأس في العالم والذي كان نتيجة حصاد طويل وبلعب جماعي بحت كان فيه جميع الاعبين يؤدون واجبهم بطريقة رائعة .. لم يكن هناك نجم محدد في الآزوري فالجميع كان نجماً .. بوفون .. جروسو .. كانافارو .. ماتيراتزي .. زامبروتا .. ديروسي .. جاتوزو .. بيرلو .. توتي .. كامورانيزي .. بيروتا .. توني .. إنزاغي .. ياكينتا .. والمدرب القدير مارشيلو ليبي .. والجميع الجميع كانو كبار




إنه هذا اليوم .. الذي سهرنا في طوال الليل نحتفل بفوز إيطاليا .. ونتابع الـCirco massimo في روما والناس التي لم تنم هناك إحتفالاً بإيطاليا .. كانت أحد أجمل أيامي أنا أيضاً وليتها تعود ..


Fratelli d'Italia

L'Italia s'è desta

Dell'elmo di Scipio

S'è cinta la testa

Dov'è la vittoria

Le porga la chioma

Chè schiava di Roma

Iddio la creò


9-7-2006 يوم لن ينسى .. وليت الأيام تعود في المستقبل ..

[بسومة]

وكـان أحلـى يـــــــوم

شو تاريك تحب إيطاليا عن حق وحقيق ولي

ان شاء الله بمونديال 2010 كمان يجيبوا الكأس الخامس

[cuty]

اه والله ايام بتجنن كانت........بس انا كنت مع فرنسا

[Placebo]

كاتب النص الأصلي : besouma

وكـان أحلـى يـــــــوم

شو تاريك تحب إيطاليا عن حق وحقيق ولي

ان شاء الله بمونديال 2010 كمان يجيبوا الكأس الخامس

إيه والله وبسمة طلعت بتحب إيطاليا وعلى أساس أنو الاليغا الإسبانية أحلى دوري بالعالم

تصدقي يا بسمة أنو السفير الإيطالي هون بسوريا جن جنانو ونزلناه من السفارة مشان نحتفل فيه وهو قاعد عم يقول ( SIAMO IL CAMPIONI DEL MONDO ) يعني (نحن أبطال العالم)


ويارب من تمك لباب السما .. وإيطاليا تفوز بكأس العالم بالشباب يلي عندا هلأ .. وبجاه الله وتوتي الكابيتانو !

cuty

أبي كان مع فرنسا وتضايق كتير من بعد المباراة .. حتى أنو كان بدو يفش خلقوا فيني بس أنا راضيتوا كرمال زيدان حبيب ألبو .. بس معليه عملتوها وفزتو على إيطاليا بنفس الطريقة عام 2000 بكأس أوروبا .. ولازم كان نرد الدين


تحياتي للكل!!

[Ashley]

ايه و الله عنجد كان مئتها يوم حلو..
أنا كنت مع ايطاليا بعد ما خسرت البرازيل

[Ashley]

يسلمو..

[صياد الطيور]

كاتب النص الأصلي : romanista

كرمال زيدان حبيب ألبو .. بس معليه عملتوها وفزتو على إيطاليا بنفس الطريقة عام 2000 بكأس أوروبا .. ولازم كان نرد الدين

وحبيب قلبي أنا كمان

و رجعنا ردينا الدين بأول لقاء بين الفريقين بعد المونديال و كان بتصفيات أمم أوربا و فزنا 3-1

مبروك الفوز بالمونديال .. رغم أنو كان أقرب للفرنسيين ... بس غلطة الشاطر ( زيدان ) بمليون

[الغالي جورج]

أيام حلوة كانت

ميرسي حبيبي

[Placebo]

كاتب النص الأصلي : Ashley

يسلمو..

أهلا وسهلا فيكي .. نورتي

صياد الطيور

وحبيب قلبي أنا كمان

و رجعنا ردينا الدين بأول لقاء بين الفريقين بعد المونديال و كان بتصفيات أمم أوربا و فزنا 3-1

مبروك الفوز بالمونديال .. رغم أنو كان أقرب للفرنسيين ... بس غلطة الشاطر ( زيدان ) بمليون

ليك زيدان لاعب كبير ولكن عليه مرات بيخلي الفريق يخسروا بسبب أعمال (غبية) بينطرد فيها .. عملها بكأس العالم 1998 وقت دعس على فؤاد أنور لاعب منتخب السعودية وإنطرد عليها وتوقف مبارتين عقوبة لأنو كان متعمدها .. وبعدها إجا لينطح الحيط ماتيراتزي لاعب الإنتر بس لأنو إستفزوا ومعروف بكرة القدم أنو بصير كتير إستفزاز جوات اللعبة ولازم الواحد يضبط أعصابوا وما يضرب لأنو الضرب دغري توقيف وعقوبة وكروت ...الخ


عموماً صياد الطيور .. موعدنا بسبتمبر الجاية بالملعب الأولومبي بالعاصمة روما .. وقت يرجع الكابيتانو توتي للفريق وبتشوفو إيطاليا شو رح تعمل بفرنسا بالإياب تبع تصفيات أوروبا .. إبقى حاكينا ساعتا

شكراً إلك ونورت!!

الغالي جورج

تسلم يا غالي ونورت الموضوع .. تحياتي!

[Roaa]

يييييييييييي يوم فوزهم شو كان حلوو بحلب ماضل شب قاعد بالبيت والبنات كمان

نزلوو مظاهرات عالشارع

جد كان يومها رووووووووووووووووووووووعه

[Placebo]

دلوعـه سوريا


والله بالفعل كان يوم كلوا جنان وكانو البنات كتار بالشارع .. أحلى فرحة بالشارع كانت لما طلعنا ألمانيا بالنصف نهائي .. عن جد جنينا وقتها ورفيقي يللي إمو إيطالية حيموت لو ما هديتوا بعد الغول الأول لأنو يا حرام حيروح فيها كان من كتر ما كانت أعصابو مشدودة .. أضحك شي أنا ورفيقي أنو كنا عم نغني إيطالي أغاني إيطالية مشهورة بإيطاليا متل :

Che fantastica storia e la vita

La chata mi cantare

واللي ضحكني أكتر .. أنو بعرف عالم بتشجع ألمانيا والبرازيل وكمان الفرق التانية .. شفتها بالشارع عم تفرح بإيطاليا وكأنهم طليان أكتر من إيطاليا .. عن جد كان يوم مجنون بالنسبة للكل !!

[butterfly]

ولالي لالي لالي
والكاس للأيطالي
أيطـــــــ ـــــــــالـــــ ــــيـــــ ــــــــــا

[verocchio]

لهذا اليوم ذكرى خاصة في ذاكرتي ففي السنة الفارطة كنت أشجع مع صديق تونسي المنتخب الايطالي بين 65 مليون فرنسي وشبه فرنسي
لأن ايطاليا تحافظ على هيبة الكبار في الكرة وهذا الجيل يستحق التتويج عكس عجائز فرنسا وان قاموا بكأس رائعة

[Placebo]

butterfly

شكراً إلك على الرد الحلو كتير .. نورتي!

verocchio

كلامك عين العقل .. وأنا شخصياً مستغرب من المنتخب الفرنسي .. منتخب أفريقي بحت يعتمد بتشكيلته على طاقم أفريقي مجنس فرنسي .. ماعدا الحارس بارتيز والجناح فرانك ريبيري يللي تأثر بأفريقيا وتزوج جزائرية كمان .. ومدرب معو إنفصام شخصي حتى إني قريت عنو أنو بياخد اللعيبة على حسب أبراجها .. فإذا واحد برجوا منحوس ما بياخدوا عالمنتخب .. وأبرز مثال لاعب برشلونة الفرنسي جولي ...


تحياتي إلك وللكل!

[كل مره بزعل وبفل]

لك مشكوووووووووووووووووووور خيا انا بموت بشي اسمو ايطاليا
تحياتي لالك خيا

[fady juventus]

شكرا لأنك ذكرتني بأجمل حدث رياضي بحياتي
لأنو بكأس العالم 1982 كان عمري سنتين ومن بعدها ما حقق الآزوري ولا بطولة
بالفعل كانت لحظات لا تنسى

[صياد الطيور]

كاتب النص الأصلي : fady juventus

لأنو بكأس العالم 1982 كان عمري سنتين ومن بعدها ما حقق الآزوري ولا بطولة
بالفعل كانت لحظات لا تنسى

العمر كلو يا كبير

[يمان Rooooonaldo]

شليفة مو اكتر... ولساكم بدكم كتير لتصيرو قد الملوك...السامبا وبس