الوطنية موضة قديمة ؟! - صفحة 3

COSTA · 30/07/2006

اقتباس:

كاتب النص الأصلي : bassam007

يبدو في غلط بالفهم لأنو أنا عمأحكي عليهم ليش مفكرني منهن أنا ما ني منهم وبكرهن كتير
أنا بوافقك تماما على ما قلتو لأنو الطائفة اللي تعذبت أمتر شي منهن هن العلوية وأنا منهم
فما في اختلاف بيناتنا ولا شو رأيك
بســـــــــــــــــــــــ ـــــــــــــــــــــام 007

حبيب في شغلة بدي الك ياها

اقتباس:

بس عندنا الإرادة لحتى نتغير

اقتباس:

دخلك شو صار سنة1980 مكان رح ينباد طائفة كاملة بسوريا

هدول الجملتين انت كاتبون
ومن فمك ادينك ....اذا كنت خايف على الطايفة وبتكرها بنفس الوقت شلون زبطت معك ؟؟؟

وليش بدك تغير اذا الحكم بايدكون؟؟؟

**TheLight** · 31/07/2006

انا ياجماعة راح اعطيكن ملخص حياتي بجملتين وبعدها يتعرفو ليش حاسس حالي بلا وطن
واذا كان الوطن هو يللي عم نشوف هلق شو عم يصير فيه
فما بدي هيك وطن
الجملتين
بسوريا انا مسيحي و 90 بالمية من البشر بيحسسوني كل يوم انو هاد مو وطني
وبرا سوريا انا عربي وسوري والناس بيحسسوني انو هاد بحياتو ما راح يصير وطني
وانا بدي قول
وبكل قرف وازدراء
يلعن ترابك يا وطني
ما بدي ياك

Nirvana · 31/07/2006

اقتباس:

كاتب النص الأصلي : TheLight

انا ياجماعة راح اعطيكن ملخص حياتي بجملتين وبعدها يتعرفو ليش حاسس حالي بلا وطن
واذا كان الوطن هو يللي عم نشوف هلق شو عم يصير فيه
فما بدي هيك وطن
الجملتين
بسوريا انا مسيحي و 90 بالمية من البشر بيحسسوني كل يوم انو هاد مو وطني
وبرا سوريا انا عربي وسوري والناس بيحسسوني انو هاد بحياتو ما راح يصير وطني
وانا بدي قول
وبكل قرف وازدراء
يلعن ترابك يا وطني
ما بدي ياك

أنا حاسة بوجعك لإني بعاني من نفس الشي..

وعنا بالأردن هالشي زايد عن حدو كتير والتفرقة بالدين وبغيرو ما لهم مكان احكي فيهم هلا ..
بس بدي قول كلمتين وما تعتبرهم مني تنظير.. لأنو احساسك لا بزايد عليه ولا بنظّر..
بس حابة قولهم ..
إنو الوطن مهما كان قاسي بضلو وطن .. وغيرو ما رح يصيرلنا وطن .. لأنو ان رحنا أو اجينا ما في غيرو النا..
واذا كان في 10% من هالوطن بحسسوني بإنو إلي قيمة واني منهم فأحسن من أنو أكون لوحدي.
والوطن ذكرى حلوة بذاكرة الواحد ، حنين لأشخاص وأماكن بقلب الواحد ..
حرام تكفر بتراب وطنك .. اذا الناس اللي فيو عم تظلمك .. فتراب الوطن مستحيل يعمل فيك هيك ..

تراب سوريا بتمن بالدهب .. وانت مو بحاجة لتسمع هالحكي مني لتعرفو ..
لانو لولا هالشي اللي عم بتحسو هلا كنت قلت انت نفس الشي .

مع الشكر انك تحملت كلامي ..

Paranois · 31/07/2006

اقتباس:

بسوريا انا مسيحي و 90 بالمية من البشر بيحسسوني كل يوم انو هاد مو وطني
وبرا سوريا انا عربي وسوري والناس بيحسسوني انو هاد بحياتو ما راح يصير وطني

يا سيدي اللي بيحسسك إنو هادا مو وطنك لازم تطنشو و تزبلو
لأنو هاد الإنسان أتفه من انو يفهم شو يعني وطن و ما عندو أي شعور بالوطنية
فلا توحع راسك و لا تهز بدنك
مو مهم شو بيحسسوك العالم , المهم أنت شو حاسس
و إذا أنت عندك الإحساس باوطنية فما في شخص بيحسن يقلك إنك مو مواطن
و لا تسب الوطن مشان كم واحد تافه عايش فيه

oliver68 · 31/07/2006

شكرا نيرفانا عالموضوع، و كلشي حكيتي صح، المشكلة العالم ما عمبتفكر بعقل ولا منطق، كل اللي بفكروا فكرو إنو شو ملتو أو دينو، مرة تانية شكرا نيرفانا عالمواضيع الراقية و المفيدة.

Nirvana · 31/07/2006

اقتباس:

كاتب النص الأصلي : أبو طريق

شكرا نيرفانا عالموضوع، و كلشي حكيتي صح، المشكلة العالم ما عمبتفكر بعقل ولا منطق، كل اللي بفكروا فكرو إنو شو ملتو أو دينو، مرة تانية شكرا نيرفانا عالمواضيع الراقية و المفيدة.

شكرا الك

،وفعلا لو بلش كل واحد يفكرمن منطلق وطنيتو رح نشوف بلادنا صارت غير شكل..

**TheLight** · 31/07/2006

مشكورين nirvana و paranois على ردودكم
انا كل عمري كنت حس بهالحكي يللي انتو عم تقولوه
بس بمرحلة من المراحل ما عاد تحملت وهاد يللي خلاني سافر
وهالشي اكيد بيجرحني وبيقهرني
هلق سوريا بتضل وطني وبلدي وبضل ابنها ومو مشكلتي بالشعور لانو هالشعور موجود بس للاسف مانو كافي ليخليني فكر ارجع عليها
ويللي بيقهرني اكتر انو من وقت ما اجيت ع فرنسا حاسس حالي انسان بكل معاني هالكلمة
كل يوم بيمر بحس بقيمتي وبوجودي وبكياني
وهاد الشي يللي بحياتي ما حسيتو بسوريا
للاسف هاد يللي عم يصير معي
شكرا لانكممم عم تتحملومي

Nirvana · 31/07/2006

اقتباس:

كاتب النص الأصلي : TheLight

مشكورين nirvana و paranois على ردودكم
انا كل عمري كنت حس بهالحكي يللي انتو عم تقولوه
بس بمرحلة من المراحل ما عاد تحملت وهاد يللي خلاني سافر
وهالشي اكيد بيجرحني وبيقهرني
هلق سوريا بتضل وطني وبلدي وبضل ابنها ومو مشكلتي بالشعور لانو هالشعور موجود بس للاسف مانو كافي ليخليني فكر ارجع عليها
ويللي بيقهرني اكتر انو من وقت ما اجيت ع فرنسا حاسس حالي انسان بكل معاني هالكلمة
كل يوم بيمر بحس بقيمتي وبوجودي وبكياني
وهاد الشي يللي بحياتي ما حسيتو بسوريا
للاسف هاد يللي عم يصير معي
شكرا لانكممم عم تتحملومي

صدقني ما هادا اللي دابحنا ..
عكل الحال بتمنى تتصلح الأحوال وويجي اليوم اللي نصير نحس انو اذا نحنا مو عايشين بوطنا فنحنا مو عايشين.
وشكرا لردك.

**TheLight** · 31/07/2006

انا معك الا بفكرة
انا بكون عايش وقت بكون عايش بكرامتي سواء ببلدي او براتها
وانشاء الله تتصلح الاحوال بيوم من الايام
ويصير النا كرامة ببلدنا

Nirvana · 31/07/2006

اقتباس:

كاتب النص الأصلي : TheLight

انا معك الا بفكرة
انا بكون عايش وقت بكون عايش بكرامتي سواء ببلدي او براتها
وانشاء الله تتصلح الاحوال بيوم من الايام
ويصير النا كرامة ببلدنا

مزبوط ومشان هيك تمنيت انو تنصلح الاحوال أولا لنقدر نعيش بكرامة بوطنا.

COSTA · 31/07/2006

اقتباس:

واذا كان الوطن هو يللي عم نشوف هلق شو عم يصير فيه
فما بدي هيك وطن

وطنا غالي وهو يلي بيحضنا كلنا بس نموت

اقتباس:

بسوريا انا مسيحي و 90 بالمية من البشر بيحسسوني كل يوم انو هاد مو وطني
وبرا سوريا انا عربي وسوري والناس بيحسسوني انو هاد بحياتو ما راح يصير وطني

الوطن ما بيعرف ملة ولا دين الوطن هو ارضك وترابك يلي مناكل منو كلنا

اقتباس:

وانا بدي قول
وبكل قرف وازدراء
يلعن ترابك يا وطني
ما بدي ياك

قول يلعن الناس يلي بتدنس تراب وطنا كلنا

MR.SAMO · 31/07/2006

انا برأيي وطننا عايش فينا قبل مانكون عايشين فيه

oliver68 · 31/07/2006

شو معلم ذا لايت، يخربيت شرك يا زلمي و الله بكيتني

و متل ما قلك كوستا، الوطنية و حب الوطن و تراب الوطن لا بتعرف لا دين و لا ملة و لا جنس ولا لون ولا شي بالمرة، كل واحد بوطنيتو و بحبو للناس هوي الأحسن، بس مستحيل بالعنصرية يكون أحسن، صدقني الصهاينة هنن يللي زرعوا فينا العنصرية عمبدأ فرق تسد، بس كتير قلال اللي فهموا اللعبة و تحدوا هالاستعمار الفكري هاد، و للأسف الأغلبية انضحك عليهن و بلشوا يتعاملوا بعنصرية و تفرقة، ولا يهمك أبو شريك، نحنا كلنا معك، و طول ما نحنا معك لاتحس أبدا بالغربة و إنتي وطني متلي و متل كوستا و متل نيرفانا، و متل كل الشباب المثقفين و الفهمانيين، غصبالعن الكل، و اللي بقول غير هيك خليه بكرا الزمن بورجي شو قيمتو، و بيعرف إنو كان مضحوك عليه، إنتي مسيحي و انا مسلم، و رغم هيك بعتبر وطنيتك أكتر من معظم المسلمين اللي حواليي، لأن الدين مالو علاقة بالوطنية بنوب، و طول ما إنتي قلبك عالعالم و عبلدك و خايف عليهن فأكيد إنتي وطني.
ولا يهمك أبو شريك، رووووووووووووووح الله وياك.

COSTA · 31/07/2006

اقتباس:

صدقني الصهاينة هنن يللي زرعوا فينا العنصرية عمبدأ فرق تسد، بس كتير قلال اللي فهموا اللعبة و تحدوا هالاستعمار الفكري هاد، و للأسف الأغلبية انضحك عليهن و بلشوا يتعاملوا بعنصرية و تفرقة،

يقبرني الفهمان عم تحكي درر

اقتباس:

متل كل الشباب المثقفين و الفهمانيين، غصبالعن الكل، و اللي بقول غير هيك خليه بكرا الزمن بورجي شو قيمتو، و بيعرف إنو كان مضحوك عليه،

جاية الزمن مو مطول ....وخليهون يعرفو الحق

ابو طريق هي الك

**TheLight** · 31/07/2006

ابو طريق
نيرفانا
كوستا

بشكركون من كل قلبي
انتو وطني ورفقاتي واخواتي
شكرا

oliver68 · 31/07/2006

لا شكر على وطنية أبو شريك.
و هاي كمان مني للكل و خصوصي كوستا و نيرفانا و the light

Nirvana · 31/07/2006

رديتولي الروح بهالكلام الرايق..
ولا يصح إلا الصحيح ..

تحياتي واحتراماتي .. ذي لايت ، أبو طريق وكوستا