غلطة كبيرة

[Joe]

ما في شي اسمو معارضة مخربة ببلد خربان اصلا

كل تغيير و نقد مرحب به... لما تغير و تنتقد يمكن تنجح و يمكن تفشل... بس اذا ضليت ساكت بعمرك ما رح تعرف الجواب

[mhmary]

كاتب النص الأصلي : Joe

ما في شي اسمو معارضة مخربة ببلد خربان اصلا

كل تغيير و نقد مرحب به... لما تغير و تنتقد يمكن تنجح و يمكن تفشل... بس اذا ضليت ساكت بعمرك ما رح تعرف الجواب

يا سيدي في شيء اسمو معارضو مخربة وهي وقت بكون الواحد عبارة عم بيسب بشكل عام من دون اي دلائل أو اثباتات وهادا الي بيخرب وطنو لأنو صار مانو معارض صار معادي يعني صارت الشغلة بالنسبة الو ربح وخصارة وأنو لازم يثبت رأيو انو هو الصح وكل المسؤوليين والأدارات غلط

أما المعارضو البنائة قصدية المعارضة الي عنجد بتكون مفيدة وهاي المعارضة ممكن تحدد فكرة معينة أو خطأ محدد بمجتمعنا وبلدنا(وهن كتار) وتناقشو وتشوف طريقة لحلو
عفكرة جو أنا بس عمات نسخ ولصق لكلامي الي فوق انت الظاهر ما قريتو
وأنت نفسك قلت أذا بتلاحظ كل نقد وتغيير ما كل مسبة وحكي فاضي
برجع بعيدا للمرة العاشرة كل نقد نقد ما مسبة كل أجهزة الدولة

[Joe]

عزيزي
لازم مع هيك نفرق و بوضوح بين الدولة و أجهزة الدولة و المسؤولين ... و بين مصلحة الوطن
مان لما الدولة بتستلم كل شي بالوطن... من صغيرو لكبيرو... من اداراة الزبالة و الكهربا و المي و شركات الباصات و الطاقة و المدارس و الجامعات و المؤسسات المالية... و عم تكون كلها مركزية جدا فوق كل هادا الشي.. بيكون اي نقد ببين انه نقد مباشر لسوريا... الارض و الشعب و الوطن
و هادا شي مانو صحيح

الحقيقة انو اي نقد او معارضة لأجهزة الدولة ما له علاقة بتخريب الوطن. تخريب الوطن بتم لما نترك المسيء يلي بيقدر يتحكم بمصير موارد الدولة فلتان
و بدولة متحضرة فيها مؤسسات فعالة... ما بيتم رشق التهم عشوائيا و لا بيتم قمعها عشوائيا كمان. لما تكون الدولة متطورة... بيرتفع معها مستوى النقد... و لما الدولة عم تتبع اساليب رخيصة و قديمة لقمع الناس... اكيد رح تشوف سباب و شتائم
و مع هيك ما بعتبر ابدا انو هاد السباب و الشتائم عشوائية و هدفها التخريب.... طبيعي يكون في هدف ورائها اذا حاولنا نسمعها... غير هيك شو فائدة الشخص المعارض من العياط على الفاضي؟ عميل لزعزة الأمن الوطني و اضعاف الثورة؟؟؟ هادا كلام قديم كتير

يعني اذا شتائم عشوائية... ما حدا رح يسمعها... بس اكيد مانها عشوائية و إلها معنى و كلنا منعرف

[عاشق من فلسطين]

ما في شي اسمو معارضة مخربة ببلد خربان اصلا

كل تغيير و نقد مرحب به... لما تغير و تنتقد يمكن تنجح و يمكن تفشل... بس اذا ضليت ساكت بعمرك ما رح تعرف الجواب

كلام مظبوط الى حد ما .. بس أنا برأيي المعارضة التي تكون ملاحقة هي المعارضة الفاعلة أما المعارضين (مثل نزار نيوف) فهؤلاء معارضة مدسوسة من الحكومة لتشويه صورة المعارضين .. يعني باختصار المعارض الحقيقي هو المعارض اللي بيقضي عمرو بالمهجر أو بالحبس .. والسبب أنو لو مطلبو مو صحيح ووطني وصادق ماكان بيضحي بعمرو بين السجون والمهجر.. هادا رأيي ..

[yass]

تماما فكرتي تتطابق مع فكرة جو..

بس انا حابب وصل فكرتي بين المعارضة البنائة والمعارضة المخربة

و مين فينو يحدد مين المعارضة البناءة و المعارضة المخربة؟؟ طبعا بالنسبة للسلطة أي معارضة ألها هي معارضة مخربة..ما هيك؟

[حسون]

عنجد حابب أشكر جوي و العاشق و أبو مارل لنهم كفوا و وفوا
و بطلب من mhmary يرجع من اميركا قبل ما يحكي بالوطنية

[عاشق من فلسطين]

و مين فينو يحدد مين المعارضة البناءة و المعارضة المخربة؟؟ طبعا بالنسبة للسلطة أي معارضة ألها هي معارضة مخربة..ما هيك؟

شي طبيعي ..

عنجد حابب أشكر جوي و العاشق و أبو مارل لنهم كفوا و وفوا

لا شكر على واجب حسون الغالي ..

[yass]

كاتب النص الأصلي : حسون

و بطلب من mhmary يرجع من اميركا قبل ما يحكي بالوطنية

حسون لا تخلط شغلة بشغلة تانية....رجاءا يعني

[حسون]

كاتب النص الأصلي : yass

حسون لا تخلط شغلة بشغلة تانية....رجاءا يعني

إيه صار متهمني مرتين بالتخريب
يعني شو الواحد لازم يحكي

[عاشق من فلسطين]

إيه صار متهمني مرتين بالتخريب
يعني شو الواحد لازم يحكي

طول بالك حسون

[drhas]

أخي حسام
هادا كلام نظري كتير
أولا أولا
ايران ما بتحبنا لسواد عيوننا.. و لا حتى لوجود مصالح مشتركة بين "الشعب السوري" و بين "الشعب الإيراني". لو كان هادا الشي موجود فاهلا و سهلا بالعلاقات السورية الإيرانية
إيران تحب سوريا بسبب حزب الله فقط. لان إيران تريد نشر الفكر الاسلامي الشيعي في المنطقة و تقوية نفوذهم. و وقوفهم مع سوريا سيكون مثل وقوف الاتحاد السوفييتي مع شي دولة شيوعية صغيرة

من هادا المبدأ لوحده. انا غير متحمس أبدا للعلاقات الايرانية السورية

ثانيا,,,,, شو نحنا كل مالنا بدنا نرجع لورااا؟؟؟
ايران دولة اسلامية متخلفة بكل معنى الكلمة من نواحي حقوق الإنسان. النساء في إيران يتعرضن للرجم و الجلد كعقوبة إعدام في حال ارتكاب "الزنى". يعني في حالة وحدة حبت واحد و ناموا مع بعض... غالبا ترجم المراة و الرجل ينفد طبعا. من هذا المبدأ ان أرفض أن أقيم علاقات مع دولة أدنى منا و دولة دينية بحتة. بدل ان ننظر للامام نحو علاقات حضارية مع أوروبا و أميركا... ترانا نتقوقع على نفسنا نحو مزيد من العنف و التخلف!!

هذا كان السبب الثاني

السبب الثالث
هو أنه و بغض النظر عن النقطتين الاولى و الثانية... يعني لو كانت أيران دولة صديقة بكل معنى الكلمة لسورية و بيننا حدود و تاريخ مشترك... مثل تركيا مثلا.. و لو كانت دولة متحضرة محترمة على مستوى المجتمع الدولى... فأنا أيضا لن أرضى ان يبقى الوجود الإيراني في سوريا للأبد.. و ان يقوم الملى الايراني اية الله بن رفسنجاني.. او غيره... بان يتحكم بالدستور السوري.. و يغيره... ثم ينشر مخابراته في أنحاء سوريا... و تتحول سوريا لأكبر بوابة لتجارة المخدرات في المنطقة
وجود احتلال اسرائيلي ليس مبررا أبدا أبدا ان يدخل جيش آخر إلى بلدنا... هذه اكبر غلطة قد ترتكبها حكومة ما... خاصة ان إسرائيل ليست محتلة لبنان في الوقت الحالي... بل فقط قد يكون هناك "تهديد" او احتمال دخول اسرائيلي. أنا غير مقتنع ابدا ان اسرائيل ستحتل لبنان بعد خروج الجيش السوري!! لأننا ببساطة لا نعيش في ذلك الزمن بل الأوضاع تغيرت و من غير المعقولة ان يحصل هذا الان

ببساطة ... إيران و حزب الله ليسوا من طبيعتنا و هم دولة و ميليشا مبنية على اساس ديني و لا يشرفني أبدا هكذا علاقات

يعني لا والله انا ما بضربلو سلام للجندي الإيراني و حتى لو حصل و ساعدنا في حرب ما.. فلا يعني ان يخيم عندنا لدهر و يتحكم بالدستور

[quote]

أخي حسام
هادا كلام نظري كتير
أولا أولا
ايران ما بتحبنا لسواد عيوننا.. و لا حتى لوجود مصالح مشتركة بين "الشعب السوري" و بين "الشعب الإيراني". لو كان هادا الشي موجود فاهلا و سهلا بالعلاقات السورية الإيرانية
إيران تحب سوريا بسبب حزب الله فقط. لان إيران تريد نشر الفكر الاسلامي الشيعي في المنطقة و تقوية نفوذهم. و وقوفهم مع سوريا سيكون مثل وقوف الاتحاد السوفييتي مع شي دولة شيوعية صغيرة

من هادا المبدأ لوحده. انا غير متحمس أبدا للعلاقات الايرانية السورية

ثانيا,,,,, شو نحنا كل مالنا بدنا نرجع لورااا؟؟؟
ايران دولة اسلامية متخلفة بكل معنى الكلمة من نواحي حقوق الإنسان. النساء في إيران يتعرضن للرجم و الجلد كعقوبة إعدام في حال ارتكاب "الزنى". يعني في حالة وحدة حبت واحد و ناموا مع بعض... غالبا ترجم المراة و الرجل ينفد طبعا. من هذا المبدأ ان أرفض أن أقيم علاقات مع دولة أدنى منا و دولة دينية بحتة. بدل ان ننظر للامام نحو علاقات حضارية مع أوروبا و أميركا... ترانا نتقوقع على نفسنا نحو مزيد من العنف و التخلف!!

هذا كان السبب الثاني

السبب الثالث
هو أنه و بغض النظر عن النقطتين الاولى و الثانية... يعني لو كانت أيران دولة صديقة بكل معنى الكلمة لسورية و بيننا حدود و تاريخ مشترك... مثل تركيا مثلا.. و لو كانت دولة متحضرة محترمة على مستوى المجتمع الدولى... فأنا أيضا لن أرضى ان يبقى الوجود الإيراني في سوريا للأبد.. و ان يقوم الملى الايراني اية الله بن رفسنجاني.. او غيره... بان يتحكم بالدستور السوري.. و يغيره... ثم ينشر مخابراته في أنحاء سوريا... و تتحول سوريا لأكبر بوابة لتجارة المخدرات في المنطقة
وجود احتلال اسرائيلي ليس مبررا أبدا أبدا ان يدخل جيش آخر إلى بلدنا... هذه اكبر غلطة قد ترتكبها حكومة ما... خاصة ان إسرائيل ليست محتلة لبنان في الوقت الحالي... بل فقط قد يكون هناك "تهديد" او احتمال دخول اسرائيلي. أنا غير مقتنع ابدا ان اسرائيل ستحتل لبنان بعد خروج الجيش السوري!! لأننا ببساطة لا نعيش في ذلك الزمن بل الأوضاع تغيرت و من غير المعقولة ان يحصل هذا الان

ببساطة ... إيران و حزب الله ليسوا من طبيعتنا و هم دولة و ميليشا مبنية على اساس ديني و لا يشرفني أبدا هكذا علاقات

يعني لا والله انا ما بضربلو سلام للجندي الإيراني و حتى لو حصل و ساعدنا في حرب ما.. فلا يعني ان يخيم عندنا لدهر و يتحكم بالدستور

[/quote
عراصي يعني افشل علاقات بنظري هيي العلاقات مع الدول المتحضرة لانو هيي علاقة مصالح وهيي درئما يلي بتكون بتربح
انت الت انو بايران اذا الواحد زنا بيحك حليه بالرجم بالحجارة هادا الحكي المظبوط
لانو هيك صار نسبت العالم يلي ابتزني بتصييير اكتييير قليلو بيقدرو يقضو على اكتييير امراض
يعني انت البتعرف انو اكتر بلد في العالم مصابين في بالايدز هوي اميركا بلد التطور والحريي يعني الحريي باميركت مت عم اتكون مع مصلحة الشعب عم اتكون بشان رضاء نزوات الشعي
واكبر دليل على ذلك انو كل العرب يلي بيسافرو بيرجعو بيتجوزو من بلادون
مع انو الجمال الغربي احلا بس اكيد ما بيقبل الواحد انو مرتو ايكون حدى امارس الجنس معا غيور
يعني انا بشججع العلاقات الدينيي لانو حتى لو المظاهر بضل العلاقة انضيفي وموحود الله بين العلاقة
مهما كان الدين
لان الاديان الثلاثة الاقوة كلها تؤمن بوجود الله وهكذا فالعلاقات الدينية هي انضف علاقات

[mhmary]

كاتب النص الأصلي : Joe

عزيزي
لازم مع هيك نفرق و بوضوح بين الدولة و أجهزة الدولة و المسؤولين ... و بين مصلحة الوطن
مان لما الدولة بتستلم كل شي بالوطن... من صغيرو لكبيرو... من اداراة الزبالة و الكهربا و المي و شركات الباصات و الطاقة و المدارس و الجامعات و المؤسسات المالية... و عم تكون كلها مركزية جدا فوق كل هادا الشي.. بيكون اي نقد ببين انه نقد مباشر لسوريا... الارض و الشعب و الوطن
و هادا شي مانو صحيح

الحقيقة انو اي نقد او معارضة لأجهزة الدولة ما له علاقة بتخريب الوطن. تخريب الوطن بتم لما نترك المسيء يلي بيقدر يتحكم بمصير موارد الدولة فلتان
و بدولة متحضرة فيها مؤسسات فعالة... ما بيتم رشق التهم عشوائيا و لا بيتم قمعها عشوائيا كمان. لما تكون الدولة متطورة... بيرتفع معها مستوى النقد... و لما الدولة عم تتبع اساليب رخيصة و قديمة لقمع الناس... اكيد رح تشوف سباب و شتائم
و مع هيك ما بعتبر ابدا انو هاد السباب و الشتائم عشوائية و هدفها التخريب.... طبيعي يكون في هدف ورائها اذا حاولنا نسمعها... غير هيك شو فائدة الشخص المعارض من العياط على الفاضي؟ عميل لزعزة الأمن الوطني و اضعاف الثورة؟؟؟ هادا كلام قديم كتير

يعني اذا شتائم عشوائية... ما حدا رح يسمعها... بس اكيد مانها عشوائية و إلها معنى و كلنا منعرف

ما بعرف جو ليش هيك عم بيصير بي يا أما أنت ما تفهم عليي يا أما أنا ما عم اقدر وصل فكرتي يا أخي يا جو صرت عايد نفس الجملة عشر مرات وأنت بتلرجع بتحط نفس الرد بصيغة تاني

هلق انت عم تقول انو لما الدولة بتستلم كل شي بالوطن... من صغيرو لكبيرو... من اداراة الزبالة و الكهربا و المي و شركات الباصات و الطاقة و المدارس و الجامعات و المؤسسات المالية...
حلو هادا الحكي سليم وهاي معارضة مفيدة لأنك حددت مشكلة وحكيت عنا
ليك أنا عندي أنتقادات أكتر منكون شي ستين مرة بس أنا ما بحب احكي شروي غروي يعني ما معقول يكون نظام خطأ 100% وألي بيسب بشكل عشوائي بيدل على جهل وهوشني لأنو بكون سمع أنو في فساد ام راح متل الغبي صار يحكي شروي غروي طيب أنت مسباتك شو عم بتفيد أنت عملت الوطن خصمك (بدون قصد)

هلق الشتائم ما هدفا التخريب بس هيي فعليا عم تخرب لأنو ما عم بيكون الا أي فائدة يعني بساطة متل وقت منقول نقد بناء ونقد(؟؟؟؟) نسيت المهم أنو التاني ما نو بناء نفس الشيء المعارضة
هو بالأصل شو المعرضة نقد لجود النظام الحالي ومحاولة وضع نظام أخر بس ما هوشة عرب
نشاء الله تكون وصلت الفكرة

[mhmary]

كاتب النص الأصلي : yass

تماما فكرتي تتطابق مع فكرة جو..

و مين فينو يحدد مين المعارضة البناءة و المعارضة المخربة؟؟ طبعا بالنسبة للسلطة أي معارضة ألها هي معارضة مخربة..ما هيك؟

حلو أخ ياس مزال فكرتك متل جو فالرد نفسو

هلق أنت قلت طبعا بالنسبة للسلطة أي معارضة ألها هي معارضة يا رجل هادا ما حكي منوب ما بيصير يقوم نظام ديمقراطي أذا ما في معارضة المعارضة هي جزء رئيسي من الدستور
هلق طبعا أكيد بسوريا المعارضة ما نا اخدي دورا لأنو ما في ديمقراطية...............
بس الفكرة أنو المعارضة ما بس أنو نكون متل البنان المعارضة الا اشكال مختلفة كتير ما بس القتال

[الأستاذ]

و بطلب من mhmary يرجع من اميركا قبل ما يحكي بالوطنية

حلو
أنا ما بدي حاول سكتك لما تقول قمعوني
يعني يلي بيقرا الرد السابق بيفهم أنو إنت واحد وطني و معماري واحد ملتحق بالركب الأميركي الامبريالي و خاين لوطنو ............ ماشي
إذا كان هاد قصدك تبينو مع معرفتك لمعماري فبقدر قلك و بدون ما يحكني ضميري...... خراس (طبعاً بمحبة)
أما إذا إنت مانك عم تشكك بوطنيتو و بتعرفو أنو هووي بحب البلد متلك متلو فأنت بدون قصدك أسأتلو و أنا من موقعي يلي بخليني بمون عليك و عليه بدي طالبك برد فيه توضيح و اعتذار
و بدي أطلب منكون إنتو التنين إنو تتعهدو بعد تخوين بعضكون و احترام أصول الحوار
و دمتم

[mhmary]

كاتب النص الأصلي : حسون

إيه صار متهمني مرتين بالتخريب
يعني شو الواحد لازم يحكي

ليك حسون أنا الصراحة بعرفك منيح ودارسك منيح ونايم معك بغرفة وحدة ليك صدقني أنا وقت قلت (هدول مانون سوريين) أو وقت برد عل أية رد من ردودك ما ني عم وجه الكلام ألك لأني بعرف شو وضعك وشو عم بيصير معك(هادا مانو ذم)
أنا عم أحكي بشكل عام على هدول ألي بيعارضو بغباء وعم بتناقش مع الشباب أوكي حبيبي أنا ما تهمتك أنك مانك وطني
وحتى ما ألتحشت فيك بنوب ومرة تاني فينك تقرا ردودي بشكل جيد وتعرف لمين عم وجه كلامي

وصدقني وقت قلتلي أنو أرجع قبل ما أحكي عل الوطنية ما تأثرت ولا 1% لأنو ما أول مرة بتوجهلي هيك كلمة وأنا بعرف أنو عاطفتك بتحكمك من فوق لتحت من شان هيك عطول ردودك مانا دققية

[عاشق من فلسطين]

طولو با لكن يا شباب والله رح تكفرونتي بالعبري .. سوريا هلا بأسوأ وضع مر عليها بالتاريخ .. ولسا نحنا نازلين مبارزات وطنية يا أخي أنا معرض وغير وطني وخائن .. ضموني لصفكون كوطنيين مشان ساعدكون بمعركتكون .. يا شباب والله الوضع ماعاد يتحمل مهاترات .. لك لازم نصير أيد وحدة على خلاف أدياننا وعقائدنا وتفكرينا .. وحسون ومعماري هلا بدكون تبوسوا شوارب بعض .. وتجتمعوا على أنكم كلاكم وطنيين .. يا أخي وأنا الخاين استلموني لألي .. والله كل شباب سوريا على خلاف تفكيرون مفعمين بالوطنية .. ومعماري أنت بمجرد دخولك كل يوم على منتدى الأخوية فهادا دليل على حبك لسوريا ولأهلها .. لأنو لو مانك حاسس حالك بغربة قاتلة ما بدخل كل يوم على المنتدى لساعة أو ساعتين أو أكتر .. مع أنو ممكن أغلب الوقت عم ينهز بدنك من الحوارات عادي .. وحسون ولا هدي شوي شبك .. أنت على أساس شاعر والشاعر أكتر شخص ممكن يشوف الرمادي ...
وأستاذنا الغالي .. عملو لحسون فركة أدن من أخوك وأخوه العاشق (حبية بس ) وأنا بكرا بحكي مع رئيس الجالية السورية بأمريكا يعملوا فركة أدن لمعماري ( بعد أذنو ) وأنا من هلا عملت فركة أدن لحالي .. ..
لك كلنا سوريين ومنعبد رب سوريا وتراب سوريا .. لك منعبد حتى الذل اللي ممكن نعيشوا بسوريا .. لأنو هي سوريا ..

[حسون]

يعني أنا مستعد أعتذر من معماري كرمال أخواتي الأستاذ و عاشق من فلسطين و أبو مارل
و بتمنى يبطل يوجهلي إهانات شخصية

[عاشق من فلسطين]

يعني أنا مستعد أعتذر من معماري كرمال أخواتي الأستاذ و عاشق من فلسطين و أبو مارل
و بتمنى يبطل يوجهلي إهانات شخصية

والله كبير يا حسون .. وأحلى حسون بالمنتدى كلو .. وأحلى رفيق ..