الحزب القومي السوري الاجتماعي

[sweeetali]

ما رايكم بالحزب القومي السوري بعد تعديل بسيط عليه وهو عدم دمج الدول المجاورة له وبقاء سوريا الام فقط والسوريين به فقط؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[BL@CK]

ما في داعي لأي تعديلات ..

بس يرجعو لحكي أنطوان .. بصير الحزب ما في منوه ..

[Zero_Cool]

يعتبر الحزب أن "السوريين أمة تامة" و أن "القضية السورية قضية قومية قائمة بنفسها و مستقلة عن أي قضية أخرى" أهداف الحزب الأساسية تتمثل في النهوض بسوريا الطبيعية بكل المجالات و توحيدها لأنها تشكل وحدة جغرافية واحدة لها اسم تاريخي هو الهلال الخصيب. تشير عقيدة الحزب السوري القومي الاجتماعي إلى أن الشام (الجمهورية العربية السورية) و لبنان و فلسطين و الأردن و العراق (حتى الكويت و الأحواز) و أطراف جغرافية أخرى مثل سيناء و قبرص و كيليكا و هضبة عينتاب هي وحدة جغرافية واحدة تضم أمة واحدة فُرِّقت بقرارات استعمارية.

حددت المادة الثانية من دستور الحزب المبادئ الاساسية له وهي ثمانية:

المبدأ الاول: سوريا للسوريين والسوريون أمة تامة.
المبدأ الثاني: القضية السورية هي قضية قومية قائمة بنفسها مستقلة كل الاستقلال عن أية قضية اخرى.
المبدأ الثالث: القضية السورية هي قضية الأمة السورية والوطن السوري.
المبدأ الرابع: الأمة السورية هي وحدة الشعب السوري المتولدة من تاريخ طويل يرجع إلى ما قبل الزمن التاريخي الجلي.
المبدأ الخامس : الوطن السوري هو البيئة الطبيعية التي نشأت فيها الأمة السورية وهي ذات حدود جغرافية تميزها عن سواها تمتد من جبال طوروس في الشمال الغربي وجبال البختياري في الشمال الشرقي إلى قناة السويس والبحر الأحمر في الجنوب شاملة شبه جزيرة سيناء وخليج العقبة, ومن البحر السوري في الغرب شاملة جزيرة قبرص, إلى قوس الصحراء العربية وخليج العجم في الشرق ويعبر عنها بلفظ عام، "الهلال السوري الخصيب" ونجمته جزيرة قبرص.
المبدأ السادس: الأمة السورية مجتمع واحد.
المبدأ السابع: تستمد النهضة السورية القومية الاجتماعية روحها من مواهب الأمة السورية وتاريخها الثقافي السياسي القومي.
المبدأ الثامن: مصلحة سوريا فوق كل مصلحة.
وقد انتهج الحزب سياسة علمانية بتركيزه على فصل الدين عن الدولة و منع رجال الدين من التدخل في شؤون الدولة، وسياسة اجتماعية اقتصادية تضعه في يمين الوسط بمحاربته الإقطاع ودعوته لتنظيم الإقتصاد القومي على أساس الإنتاج لصيانة حق المجتمع والدولة.

[Zero_Cool]

رغم اني من انصار الشيوعية الا انو حبيت ابدي رأي بالحرز السوري القومي الاجتماعي

المبدأ الاول: سوريا للسوريين والسوريون أمة تامة.
المبدأ الثاني: القضية السورية هي قضية قومية قائمة بنفسها مستقلة كل الاستقلال عن أية قضية اخرى

كلام سليم مية بالمية ولا غبار عليه

المبدأ الخامس : الوطن السوري هو البيئة الطبيعية التي نشأت فيها الأمة السورية وهي ذات حدود جغرافية تميزها عن سواها تمتد من جبال طوروس في الشمال الغربي وجبال البختياري في الشمال الشرقي إلى قناة السويس والبحر الأحمر في الجنوب شاملة شبه جزيرة سيناء وخليج العقبة, ومن البحر السوري في الغرب شاملة جزيرة قبرص, إلى قوس الصحراء العربية وخليج العجم في الشرق ويعبر عنها بلفظ عام، "الهلال السوري الخصيب" ونجمته جزيرة قبرص.

هاد كلام ما عجبني بصراحة
يعني يا اما امة عربية متكاملة يا اما اقليم عربي متكامل متل اقليم بلاد الشام
( الجمهورية العربية السورية ) اي : سوريا - لبنان - الاردن - فلسطين

وقد انتهج الحزب سياسة علمانية بتركيزه على فصل الدين عن الدولة و منع رجال الدين من التدخل في شؤون الدولة،

هي أحسن شغلة

وسياسة اجتماعية اقتصادية تضعه في يمين الوسط بمحاربته الإقطاع ودعوته لتنظيم الإقتصاد القومي على أساس الإنتاج لصيانة حق المجتمع والدولة.

كمان جيد وقريب عالشيوعية بس مو كتير طبعاً
بس أحسن من الرأسمالية !

[Zero_Cool]

وهي صورة لعلم الحزب

[sweeetali]

الله يسلم ايديك يا غالي بس مع هيك انت لسا ما جاوبت عالسؤال شو رايك قبل ولا بعد؟؟

[Zero_Cool]

انا ضد انو تكون سوريا الام لحالها ( يلي هي الجمهورية العربية السورية حالياً)
انا ضد المبدأ الخامس ( اقراه فوق )
انا مع ( الجمهورية العربية السورية ) اي : سوريا - لبنان - الاردن - فلسطين

[maged-syrian]

[quote=Zero_Cool;736841].

حددت المادة الثانية من دستور الحزب المبادئ الاساسية له وهي ثمانية:

كاتب النص الأصلي : Zero_Cool

المبدأ الاول: سوريا للسوريين والسوريون أمة تامة. .

أنا مع هذا المبدأ قلباً وقالباً

كاتب النص الأصلي : Zero_Cool

المبدأ الثاني: القضية السورية هي قضية قومية قائمة بنفسها مستقلة كل الاستقلال عن أية قضية اخرى. .

كمان كلام جميل

كاتب النص الأصلي : Zero_Cool

المبدأ الثالث: القضية السورية هي قضية الأمة السورية والوطن السوري.

.

الله أكبر

كاتب النص الأصلي : Zero_Cool

المبدأ الرابع: الأمة السورية هي وحدة الشعب السوري المتولدة من تاريخ طويل يرجع إلى ما قبل الزمن التاريخي الجلي.

.

كلام منطقي وعقلاني

كاتب النص الأصلي : Zero_Cool

المبدأ الخامس : الوطن السوري هو البيئة الطبيعية التي نشأت فيها الأمة السورية وهي ذات حدود جغرافية تميزها عن سواها تمتد من جبال طوروس في الشمال الغربي وجبال البختياري في الشمال الشرقي إلى قناة السويس والبحر الأحمر في الجنوب شاملة شبه جزيرة سيناء وخليج العقبة, ومن البحر السوري في الغرب شاملة جزيرة قبرص, إلى قوس الصحراء العربية وخليج العجم في الشرق ويعبر عنها بلفظ عام، "الهلال السوري الخصيب" ونجمته جزيرة قبرص.

.

لاأظن أن تلك الحدود منطقية في الوقت الحالي !!!

كاتب النص الأصلي : Zero_Cool

المبدأ السادس: الأمة السورية مجتمع واحد.

.
كلام لاغبار عليه ... الأمة السورية أمة واحدة على أختلاف أطيافها وأديانها ومعتقداتها

كاتب النص الأصلي : Zero_Cool

المبدأ السابع: تستمد النهضة السورية القومية الاجتماعية روحها من مواهب الأمة السورية وتاريخها الثقافي السياسي القومي.

.
كمان كلام منطقي لاغبار عليه

كاتب النص الأصلي : Zero_Cool

المبدأ الثامن: مصلحة سوريا فوق كل مصلحة.

.

أبوس روحو اللي كتب هالفقرة

كاتب النص الأصلي : Zero_Cool

وقد انتهج الحزب سياسة علمانية بتركيزه على فصل الدين عن الدولة و منع رجال الدين من التدخل في شؤون الدولة، وسياسة اجتماعية اقتصادية تضعه في يمين الوسط بمحاربته الإقطاع ودعوته لتنظيم الإقتصاد القومي على أساس الإنتاج لصيانة حق المجتمع والدولة.

مبدأ جميل جداً شرط أن لاتمنع الحرية الدينية ..... اسأل الله العلي القدير خالق السموات والأرض ومن فيها ومن عليها أن أرى الحزب السوري القومي حاكماً لسوريا ..... والله شهيتني انضم لهذا الحزب يارفيق

بس لولا بعض النفسيات الحقيرة التي مرت علي من قبل بعض الناس المنتمين لهذا الحزب
لكان الحزب بأحلة طلة

[maged-syrian]

كاتب النص الأصلي : Zero_Cool

كمان جيد وقريب عالشيوعية بس مو كتير طبعاً
بس أحسن من الرأسمالية !

كلامك جواهر ودرر هاد المبدأ قريب جداً من المبدأ الشيوعي

[maged-syrian]

كاتب النص الأصلي : sweeetali

ما رايكم بالحزب القومي السوري بعد تعديل بسيط عليه وهو عدم دمج الدول المجاورة له وبقاء سوريا الام فقط والسوريين به فقط؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

حتى لو تم هذا التعديل ... فأساسهم صحيح وهو مصلحة سوريا الأم (((الجمهورية العربية السورية)))

على مايبدو ان سبب التعديل هو الاوضاح الحالية والاوضاع السياسية وفقدان الأمل بتوحيد بلاد الشام ( سوريا , الأردن , لبنان , فلسطين ) !!

[الحب الازرق]

لا .. غلظ .. بيصير اسمو بعدين
الحزب الوطني السوري
بعد عشرين سنة ..... بنعدل تعديل تاني بسيط .. وبنقول الحزب فقط في حمص فيصبح
الحزب الحمصي السوري ال**********
النجم احرف لا معنى لها

اذا صار هيك تعديل يعني انتسف الحزب من اساسه ...
بعدين كيف بدو يصير مؤسس الحزب من خارج بلاد الحزب .. ععني ليصير التعديل لازم نطرد انطون سعادة من الحزب

[brave heart2]

كاتب النص الأصلي : maged-syrian

حتى لو تم هذا التعديل ... فأساسهم صحيح وهو مصلحة سوريا الأم (((الجمهورية العربية السورية)))

على مايبدو ان سبب التعديل هو الاوضاح الحالية والاوضاع السياسية وفقدان الأمل بتوحيد بلاد الشام ( سوريا , الأردن , لبنان , فلسطين ) !!

منيح انطون سعادة مات مشان ما يطخك .... ولا قلك هلق ممكن اي قومي من الاصليين مو التقليد يطخوك

كاتب النص الأصلي : الحب الازرق

لا .. غلظ .. بيصير اسمو بعدين
الحزب الوطني السوري
بعد عشرين سنة ..... بنعدل تعديل تاني بسيط .. وبنقول الحزب فقط في حمص فيصبح
الحزب الحمصي السوري ال**********
النجم احرف لا معنى لها

اذا صار هيك تعديل يعني انتسف الحزب من اساسه ...
بعدين كيف بدو يصير مؤسس الحزب من خارج بلاد الحزب .. ععني ليصير التعديل لازم نطرد انطون سعادة من الحزب

كلاااااااام سليم ....

[MadMax]

كاتب النص الأصلي : sweeetali

ما رايكم بالحزب القومي السوري بعد تعديل بسيط عليه وهو عدم دمج الدول المجاورة له وبقاء سوريا الام فقط والسوريين به فقط؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

لاه لاه
و الله كنت بدي ادخلو ....بس كرمال الشقيقة قبرص

[ما بعرف]

لأ طبعاً لانو سوريا الطبيعية والتي تشمل العراق والاردن ولبنان وفلسطين ( هلق قبرص بالتحديد ما شايفا لازمة ) وسوريا طبعاً تشكل دولة متكاملة بمعنى الكلمة وقيمونا من هي الوحدة العربية

بالنسبة لقبرص انا بعتبر انها هدف غير قابل للتحقيق بس موافق من ناحية الفكرة لانو اي مشروع لازم يضل في هدف بعيد وصعب المنال منشان استمراريتو ولو ما تم تحقيقه (وجهة نظر خاصة بحتة)يعني بتضل هي الهدف البعيد الذي تتحقق دونه جميع الاهداف و يبقى هو الحلم و الدافع

[sweeetali]

انا كان قصدي من السؤال هو انو عنجد فينا نحنا كسوريين نكون حزب مستقل اسمو الحزب الوطني السوري متل ما ذكروا الشباب بس يكون هادا الحزب لسوريا الحالية بس بدون العرب بدون اي شخص اخر بس السوري حتى نبلش نركز بشكل اكبر على بلدنا ونصير الامة السورية بس بدون الامة العربية

[الوطواط]

هههههههههههههههههههههههه
عن جد ضحكتني
مو معقول شو بتحب الكوميديا
شو هالسؤال النكتة

بتعرف انه هي بيطير فيها رقاب
يعني هيك كلمة بتغير تاريخ أمة وتاريخ ناس قدمت روحها ودمها كرمال يوصلوا للحظة يقدروا فيها يرسموا مستقبلهن بإيديهن ويكتبوا تاريخ جديد لولادهن ولأهلهن

[sweeetali]

كاتب النص الأصلي : الوطواط

يعني هيك كلمة بتغير تاريخ أمة وتاريخ ناس قدمت روحها ودمها كرمال يوصلوا للحظة يقدروا فيها يرسموا مستقبلهن بإيديهن ويكتبوا تاريخ جديد لولادهن ولأهلهن

وينن هدول العالم اللي انت عم تحكي عنن وين صاروا بعدين شو هو هالمستقبل اللي عم تحكي عنوا مستقبلنا مع الدول العربية الشقيقة وينن بس الي وشو جايينا منن غير وجع الراس

[الوطواط]

كاتب النص الأصلي : sweeetali

وينن هدول العالم اللي انت عم تحكي عنن وين صاروا بعدين شو هو هالمستقبل اللي عم تحكي عنوا مستقبلنا مع الدول العربية الشقيقة وينن بس الي وشو جايينا منن غير وجع الراس

اذا انت جديد وما بتعرف هدول العالم اللي قدموا دمهم واللي قضوا نص اعمارهن ملاحقين والنص التاني بالسجون
واذا انت هلق وعيت لما الأمور اتغيرت شوي
واذا ما بتعرف الفرق بين الشعوب وبين الحكومات "الشئيئة"

فياريت اول شي تشيل الصورة الشخصية اللي حاططها لأنه ما بتكون بتستاهل تحطها
وتاني شي ما تفتح مواضيع عن شي ما عندك خبرة فيه

.