ما هو الشيء الذي غيّر حياتك ؟

[silin]

مرحباا

ماهو الشي الذي غير حياتك؟



يعيش الإنسان فترة من الزمن في ركود تام أو روتين قاتل ولكن فجأة تظهر في حياته أمر أوشيء يقلب حياته 180 درجة ..

يغير حياته ويجعل لحياته معنى وهدف ويقلب موازينه ويجعله يعيش ويستمتع بكل لحظة في حياته وكأنها آخر لحظة في حياته يعيشها بكل حب وبهجة وسعادة ومرح ..



و هلء شو الشي يلي غيرلك حياتك ؟؟


هل هو كتاب قرأته :

دورة حضرتها :

معلم علمك :

هل هي خطبة سمعتها :

هل مجال عملك :

هل هي محاضرة :


هل هي حالة مرضية :

أو شخص قابلته :

أو وفاة عزيز :

أو فقد محب :

أو بلاء إنسان :

أم شريط سمعته :

هل هو إنتقاد من شخص كان له بالغ الأثر في نفسك :

أم نصيحة صديق محب :

أم أنك أحببت شخصا:

أم هو شئ مختلف تماما آخر ؟

((( مالذي غير حالك وجعل لحياتك معنى ))) ؟؟؟ ...




ام مازالت حياتك كما هي راكده....



انا .. قابلت شخص كان الو تأثير كتير بحياتي
قلب حياتي كلاّ
وكمان حالة مرضية عم تقلب حياتي رح نوصل لل 180 درجة

[الهجان]

حتما ستكون الاجابات مختلفه باختلاف الشخصيات التي ستكتب الردود
وكذالك الاعمار والجنس

يبقى المشترك بين الاجابات ان لكل منهم مؤثره الخاص ونقطه التحول الكبرى في حياته

بالنسبه لي جرت حركه التحول تلك منذ تسعه عشر عاما

عندما اعتقلت من قبل احد الفروع الامنيه في سوريه ولاسباب

مازلت اعتقد بها ومصر على حقي في ابداء الرأي فيها

ربما هذا التحول اصاب مختلف جوانب الحياه لدي اذا كنت وقت اذ في صفوف الدراسه الثانويه

طبعا مازلت ادين لتلك التجربه بكثير من التحول نحو مجاهل كنت لم اعرفها حتى ذالك الحين

المهم انت تريد وانا اريد والقدر في احيان كثيره يفعل ما يريد

[silin]

كاتب النص الأصلي : جون دارننك

بالنسبه لي جرت حركه التحول تلك منذ تسعه عشر عاما

عندما اعتقلت من قبل احد الفروع الامنيه في سوريه ولاسباب

مازلت اعتقد بها ومصر على حقي في ابداء الرأي فيها

ربما هذا التحول اصاب مختلف جوانب الحياه لدي اذا كنت وقت اذ في صفوف الدراسه الثانويه

طبعا مازلت ادين لتلك التجربه بكثير من التحول نحو مجاهل كنت لم اعرفها حتى ذالك الحين

المهم انت تريد وانا اريد والقدر في احيان كثيره يفعل ما يريد

19 سنة اووووف


حسيت قلبي قفل بتصدق

[.. Yaso]

باختــــــصار الشيء الذي غير حياتي هو .... كتاب قرأته ومو أي كتاب كتاااااااب رااااائع بس اسمه : مهارات دراسية

قرأته لما كنت بالصف الخامس وفعلاً حسيت بوقتها تغيير شديد ...

فعلا شكرا عالموضوع الاكثر من رااائع

[BL@CK]

بصراحة ما في

برأيي تغيّر حياة أي إنسان عبارة عن تفاعل عدة ظروف و مؤثرات خارجيّة و داخلية ..

أما لمّا الإنسان بدا تتغيّر حياتو تبعاً لكتاب أو كلمة أو أو ..

على الأغلب هالتغيير هوي عبارة عن ردة فعل لا أكتر ..

ألف شكر ..

[تالين]

لك تسلمي على هلموضوع الحلو متلك دخيل البك يا سيلينوووو

انا فيكي تؤلي حياتي حاليا متل المرجوحة مرة لورى و مرة لئدام
تغيرت شوي حياتي من يوم ما دخل النت علبيت و شفت الناس كيف عم تفكر و كيف صايرة .

[fofo besset syria]

ما بظن انو في شي بغير الواحد...

انتا بتبئى متل ما انتا طول حياتك والشي الي بصير مع الواحد خلال هالحياة ممكن يزيد وعيه او يفتحلو عيونو عشي ما كان شايفه او منتبهله من قبل سواء جواته او بالحيط الي حواليه..بس ما بغير كيانو بشكل كامل..

اكيد بالنسبة الي كلشي صار وعم يصير معي حياتي عم اتعلم منو شي جديد وعم طور حياتي للأحسن..مشان هيك ما بندم عشي عملتو حتى لو كان غلط ما دام اني عم بتعلم منو..بس ما تغير شي اساسي فيني..الي تغير هوة الاشيا الجانبية متل التعامل مع الناس والموازنة بين قلبي وعقلي مو اكتر من هيك

اكتر شيء غير حياتي هوة موت جدي..لأني كنت شوف الموت متل شي بعيد مستحيل يقرب عالناس الي بحبهم بس بعد وفاة جدي فهمت الموت وفهمت انو ممكن يصير لأي حدا وما حدا بعيد عنو..وانه شعور عاطل مو للي مات بالعكس الي بتعذبو هنة الي ببقو بعدو..هاد شي ما كنت فهمانتو ولا وعيانة عليه..

والشي التاني هوة تجربة مريت فيها من فترة ومنها فقدت شخص غالي علي كتير بدون ذنب مني او منو وانجبرنا نفترق..هاد علمني انو اعتمد عحالي بحياتي وما راهن على اي شخص بالعالم مين ما كان وانه اي شخص اد ما كان قريب عليك ممكن ينقل ضدك عند مصالحو الخاصة حتى العائلة

واكيد ولا وحدة من هالشغلين غيرت شخصيتي بس اعطتني وعي اكتر لاشيلا ما كنت بعرفا وهاد قصدي بأنو الواحد ما بتغير بشكل كامل لأي سبب..

[حاتم2]

باختصار شديد الذي غير حياتي هــــو :


الجنس .

[سدير المعاني]

كاتب النص الأصلي : جون دارننك

حتما ستكون الاجابات مختلفه باختلاف

فضولي دفعني لارغب في سماع قصتك, لكن ليس السبب الاساسي الذي رددت على ما كتبت هنا لاجله.. بل رددت لاقول بكل صوت هادئ مطمئن ................ نحن من له الدور الاسمى في تغيير القدر............

سدير

[سدير المعاني]

كاتب النص الأصلي : تالين

لك تسلمي على هلموضوع الحلو متلك دخيل البك يا سيلينوووو

انا فيكي تؤلي حياتي حاليا متل المرجوحة مرة لورى و مرة لئدام
تغيرت شوي حياتي من يوم ما دخل النت علبيت و شفت الناس كيف عم تفكر و كيف صايرة .

صباح الخير,,

اذا ممكن بودي اعرف ما الذي كنتي تعتقدينه بخصوص طريقة تفكير الناس قبل النت و شو اللي شفتيه بعدها بالظبط..

شكرا

[MadMax]

كاتب النص الأصلي : silin

و هلء شو الشي يلي غيرلك حياتك ؟؟

والله ...
أنا بعد ما تغيرت حياتي ..
أنو ..... بعدني ناطر

[تالين]

كاتب النص الأصلي : سدير المعاني

صباح الخير,,

اذا ممكن بودي اعرف ما الذي كنتي تعتقدينه بخصوص طريقة تفكير الناس قبل النت و شو اللي شفتيه بعدها بالظبط..

شكرا

رااااااجعتلك

[hajoora]

فقد محب :
وصديق محب دورة حضرتها :

بس حياتي ما تغيرت

[Ashley]

أنا تلاتة من الي ذكرتيهن غيروا حياتي و قلبوها كمان لحتى داخت..
يسلمو على الموضوع..

[اممي]

هية +الله+نيكوس

[marioma alghzayala]

كاتب النص الأصلي : BL@CK

بصراحة ما في

برأيي تغيّر حياة أي إنسان عبارة عن تفاعل عدة ظروف و مؤثرات خارجيّة و داخلية ..

أما لمّا الإنسان بدا تتغيّر حياتو تبعاً لكتاب أو كلمة أو أو ..

على الأغلب هالتغيير هوي عبارة عن ردة فعل لا أكتر ..

ألف شكر ..

انا معك بهالحديث ...

بس بظن اللي غيرلي حياتي وكتير مو شوي هوي الشغل ... يعني من منيح لأمنح...الحمد الله وثانكس لالك...

[Roaa]

مافي شي قلب حياتي .... وغيرها ...

غير لما حسيت اني وعيت .. وكبرت بالغربه ...

ولما فارقت بنت قريبه مني ... زادت الغربه غربه

بس يالله شفتها بعد 5 سنين مشي الحال ..................... بس الله يرجعنا نحنا التنتين لبلدنا


يسلموووو

[المتكفل بكم]

الروتين رح يبقى ، حتى لو طرأ شي غير بمرحلة معينة رح يرجع يتحول هوي نفسو لروتين جديد.. وهيك بنقضيها يعني.
بالنسبة الي كان حب هوي لغيري حياتي إلى حد ما يعني مش اكتر.. يعني تغيرت شوية عادات وزاد التزامي باشيا تانية ..

تحياتي