ديكتاتورية البروليتاريا أم حكم العمال؟

[حسون]

كاتب النص الأصلي : Spaik

[quote"]

انا بحترم طموحك بس فيك توضحا بشكل اكبر يعني لحد هلاء ما عطيتنا صورة متكاملة عن النظام يلي عم تطمحلو (اسلوب سياسي,اقتصادي,اجتماعي,كي بدا تتعامل مع الواقع الحالي يلي الو كتير متطلبات,كيف بدا تتعامل مع العالم يلي كلو عم يتجه عالراسمالية,,....)

على عيني أخي سبايك
أنا رح إشرحلك بس بشكل مختصر
من الناحيي السياسي لازم تكون دولي قائمي على نظام ديموقراطي بقوم على قانون أحزاب عصري و بتوصل فيو الاشتراكيي عالحكم عن طريق صندوق الاقتراع
من الناحيي الاجتماعيي فأنا بطالب بدولي علمانيي متل معظم دول العالم
من الناحيي الاقتصادي فأنا بشوف أنو ملكية وسائل الإنتاج لازم تكون ملكيي عامي بس بشروط خوفا من التعرض للروتين و البيروقراطية و النهب الذي تتعرض له شركات القطاع العام عادة
و هالشروط هيي
تغيير إدارة الشركات بشكل دائم
وضع حوافذ و عقوبات لعمال القطاع العام حسب شغلون ليصيروا ينتجوا متل القطاع الخاص و أحسن


و فكرة الملكيي العامي لازم تكون بس لوسائل الإنتاج الكبرى يعني مصانع و معامل و هيك شغلات و بنفس الوقت لازم يكون في إعلام خاص لحتى يكون في صوت حر و ديموقراطيي


و مشكور

[krimbow]

يا حبيبي يا حسون شيوعية و ديمقراطية ما بتزبط لسبب بسيط
اذا صار في شيوعية او اشتراكية يعني لازم يكون في ملكية عامة لوسائل الانتاج
يعني تاميم
طيب اذا صارت الاشتراكية و واحد راسمالي رشح حالو ع الانتخابات و برنامجو انو يلغي الملكية العامة لوسائل الانتاج و نجح شو بيصير؟
طالما في ديمقراطية يعني بدو ينفذ برنامجو يللي هوي الخصخصة
بس طالما في اشتراكية ممنوع ينفذ برنامجو معناتا ما عاد في ديمقراطية

[حسون]

كاتب النص الأصلي : krimbow

يا حبيبي يا حسون شيوعية و ديمقراطية ما بتزبط لسبب بسيط
اذا صار في شيوعية او اشتراكية يعني لازم يكون في ملكية عامة لوسائل الانتاج
يعني تاميم
طيب اذا صارت الاشتراكية و واحد راسمالي رشح حالو ع الانتخابات و برنامجو انو يلغي الملكية العامة لوسائل الانتاج و نجح شو بيصير؟
طالما في ديمقراطية يعني بدو ينفذ برنامجو يللي هوي الخصخصة
بس طالما في اشتراكية ممنوع ينفذ برنامجو معناتا ما عاد في ديمقراطية

لأ خيو بتزبط
ذا هالرأسمالي رشح حالو ما حدا رح يمنعو
تغيير الدستور بصير بعد استفتاء عام
و إذا أكتر من خمسين بالميي من الشعب طالبوا بتغيير الدستور و صار بدون رأسماليي بدل اشتراكيي أو اشتراكيي بدل رأسماليي بصير متل ما بدون

[krimbow]

حبيبي حسون
كلامك مانو دقيق 100 %
يعني التأميم بيصير بقرار بيتخذو مجلس الشعب متلو متل اي قرار تاني و ما بدو لا تعديل دستور و لا من يحزنون

بعدين في شغلة تانية اهم بتخلي الاشتراكية و الديمقراطية على طرفي نقيض
الاشتراكية مربوطة مباشرة بالمركزية و الغاء احدهما يعني الغاء الآخر
بنفس الوقت الديمقراطية هيي نقيض المركزية
طبعا حتى أكتر الدول ديمقراطية عندها شوية مركزية و هي الشوية مركزية عم تحد من الديمقراطية بس بيضل شوية مركزية ضرورية لما تتحول الديمقراطية لفوضى
اما بالنظام الاشتراكي فالمركزية متلازمة مع الاشتراكية
و معروف انو موسكو لما كانت عاصمة للاتحاد السوفييتي كانت بتضم اكتر من عشرين مليون موظف بيروقراطي
و مع انو الاتحاد السوفييتي هو اكبر منتج للقمح بالعالم بس كان يقترض القمح حتى من اميركا نتيجة الهدر الناتج عن البيروقراطية الناتجة عن المركزية
و لما انهار الاتحاد السوفييتي يللي كان مركز الشيوعية الرئيسي انهارت بعدو كل الدول الاشتراكية يللي كانت مرتبطة مركزيا فيه

و دمتم

[حسون]

كاتب النص الأصلي : krimbow

حبيبي حسون
كلامك مانو دقيق 100 %
يعني التأميم بيصير بقرار بيتخذو مجلس الشعب متلو متل اي قرار تاني و ما بدو لا تعديل دستور و لا من يحزنون

بعدين في شغلة تانية اهم بتخلي الاشتراكية و الديمقراطية على طرفي نقيض
الاشتراكية مربوطة مباشرة بالمركزية و الغاء احدهما يعني الغاء الآخر
بنفس الوقت الديمقراطية هيي نقيض المركزية
طبعا حتى أكتر الدول ديمقراطية عندها شوية مركزية و هي الشوية مركزية عم تحد من الديمقراطية بس بيضل شوية مركزية ضرورية لما تتحول الديمقراطية لفوضى
اما بالنظام الاشتراكي فالمركزية متلازمة مع الاشتراكية
و معروف انو موسكو لما كانت عاصمة للاتحاد السوفييتي كانت بتضم اكتر من عشرين مليون موظف بيروقراطي
و مع انو الاتحاد السوفييتي هو اكبر منتج للقمح بالعالم بس كان يقترض القمح حتى من اميركا نتيجة الهدر الناتج عن البيروقراطية الناتجة عن المركزية
و لما انهار الاتحاد السوفييتي يللي كان مركز الشيوعية الرئيسي انهارت بعدو كل الدول الاشتراكية يللي كانت مرتبطة مركزيا فيه

و دمتم

لأ لازم يتغير الدستور لتصير الدولي اشتراكي من دستور يعتبر حف الملكيي من الحقوق الأساسيي لدستور بطالب بالملكيي العامي لوسائل الإنتاج
و بعدين ما دخل كلمة مركزيي بكلمة اشتراكيي و إلغاء أحدهم لا يلغي الآخر
و أنا ما بعترف بالاتحاد السوفييتي كدولي اشتراكيي كما أني ما بعترف بالدول يلي كانت خاضعة تحت سيطرتو

[gevara]

طيب شباب اعتبروني ما بفهم شي وبدي حدا يحكيلي ليش بحديث البعض عم بنحط ديمقراطية الغرب الراسمالي وعم بنحاول نقول انو نحن بندا نعمل من النظام الاشتراكي (نظام اشتراسمالي ) يعني بصراحة ع شوي ماعاد اقدر فرق عن مين عم تحكوا عن الاشتراكية او الراسمالية
جيفارا

[krimbow]

لأ لازم يتغير الدستور لتصير الدولي اشتراكي من دستور يعتبر حف الملكيي من الحقوق الأساسيي لدستور بطالب بالملكيي العامي لوسائل الإنتاج

كلامك مزبوط بس انا كنت عم احكي عن التاميم
التاميم ما بدو تغيير دستور

و بعدين ما دخل كلمة مركزيي بكلمة اشتراكيي و إلغاء أحدهم لا يلغي الآخر

غير صحيح و تطبيق الاشتراكية حسب ماركس مرتبط مباشرة بالمركزية هيك درسوني عتاة الاقتصاد الاشتراكي بالكلية
هلأ اذا عندك اشتراكية تانية غير يللي مكتوبة بالكتب هاد شي تاني
بس الاشتراكية متل ما كتب عنها ماركس و لينين مرتبطة بشكل وثيق بالمركزية

أنا ما بعترف بالاتحاد السوفييتي كدولي اشتراكيي كما أني ما بعترف بالدول يلي كانت خاضعة تحت سيطرتو

هي مشكلتك
بس الاتحاد السوفييتي هوي دولة اشتراكية
ما بيصير تاخد المنيح و تترك العاطل بالاشتراكية متل ما يللي بينادوا بالنظام الراسمالي بيعترفوا باخطاؤن كذلك انت لازم تعترف باخطاء الاشتراكية و اذا ما اعترفت بتصفى متل الاسلام

حبيب ما بعرف شو هيي الاشتراكية بمفهومك بس اذا بدك بناقشك بالاشتراكية متل ما حكى عنها لينين و ماركس و انجلز

و دمتم

[حسون]

كاتب النص الأصلي : krimbow

كلامك مزبوط بس انا كنت عم احكي عن التاميم
التاميم ما بدو تغيير دستور

غير صحيح و تطبيق الاشتراكية حسب ماركس مرتبط مباشرة بالمركزية هيك درسوني عتاة الاقتصاد الاشتراكي بالكلية
هلأ اذا عندك اشتراكية تانية غير يللي مكتوبة بالكتب هاد شي تاني
بس الاشتراكية متل ما كتب عنها ماركس و لينين مرتبطة بشكل وثيق بالمركزية

هي مشكلتك
بس الاتحاد السوفييتي هوي دولة اشتراكية
ما بيصير تاخد المنيح و تترك العاطل بالاشتراكية متل ما يللي بينادوا بالنظام الراسمالي بيعترفوا باخطاؤن كذلك انت لازم تعترف باخطاء الاشتراكية و اذا ما اعترفت بتصفى متل الاسلام

حبيب ما بعرف شو هيي الاشتراكية بمفهومك بس اذا بدك بناقشك بالاشتراكية متل ما حكى عنها لينين و ماركس و انجلز

و دمتم

أولا لما بكون الدستور قائم على حق الملكيي الخاصة ما فيك تأمم
ثانيا الماركسيي متطورة
ثالثاما كل واحد بقول أنا اشتراكي بكون اشتراكي و الاتحاد السوفييتي برأيي دولي غير اشتراكيي و هادا رأيي و أنا حر

[krimbow]

أولا لما بكون الدستور قائم على حق الملكيي الخاصة ما فيك تأمم

غير صحيح باليابان بيصير تاميم مع انها امبريالية مو بس راسمالية
و معروف انو مايكروسوفت كانت رح تتأمم لو ما تنازل بيل غيتس عن نص حصتو
و شركة ساوثورن بيل تأممت فعلا باميركا

ثانيا الماركسيي متطورة

شو خص هاي بهاي
يعني مين حكا انو الماركسية متأخرة

ثالثاما كل واحد بقول أنا اشتراكي بكون اشتراكي و الاتحاد السوفييتي برأيي دولي غير اشتراكيي و هادا رأيي و أنا حر

هاد مو اسلوب للحوار

[حسون]

كاتب النص الأصلي : krimbow

غير صحيح باليابان بيصير تاميم مع انها امبريالية مو بس راسمالية
و معروف انو مايكروسوفت كانت رح تتأمم لو ما تنازل بيل غيتس عن نص حصتو
و شركة ساوثورن بيل تأممت فعلا باميركا

شو خص هاي بهاي
يعني مين حكا انو الماركسية متأخرة

هاد مو اسلوب للحوار

بالنسبي للأولانيي عزرنا فيا
أما التانيي قصدي فيا أنو الماركسي ما الشي يلي حكو ماركس و إنكلز و لينين
و أنا بقول أنو في شغلات لينين قالها غلط و ماركس قالها غلط و إنغلز قالها غلط
لأنو الماركسي علم ما دين يعني ما هيك انكتب بالقرآن و ما بصير يتغير
الماركسيي هي فلسفي بتقوم على الماديي التاريخيي أي تطبيق الماديي الديالكتيكيي على المجتمع يعني رح اشرحلك إياها باختصار
الماديي الديالكتيكيي هي جمع بين الماديي الفلسفيي و الديالكتيك
و الماديي الفلسفيي هيي النظري يلي بتآمن بأنو الروح هيي انعكاس عن المادي أي أنها بشكل مبسط إيمان بالعلم بدل الدين
و الديالكتيك هويي صراع المتناقدات يلي بأدي للتطور
و بالنهاي الماديي الديلكتيكيي هيي صراع المتناقدات بالطبيعة يلي أدت لتغيير وجه الكون من مليارات السنين حتى الآن
هلق الماديي التاريخيي هي صراع المتناقدات في المجتمع أي الطبقات التي أدت لتطور المجتمعات إلى ما وصلنا إليه الآن و ستبقى المجتمعات تتطور إلى أن نصل إلى المجتمع الاشتراكي
و هون أنا عم بختصر كتير من كتير شغلات حكوا ماركس و لينين
هلق الماركسيي متطورة و بالتالي يعني أنو الفكر الماركسي بيتغير مع الزمن شرط بقاؤه يسير على الفلسفة المادية الديالكتيكية
يعني ما في شرط بشخص لنقول عنو ماركسي غير أنو يكون مؤمن بالماديي الديالكتيكيي و الماديي التاريخيي
هلق منشان التالتي فانهيار الاتحاد السوفييتي على أنو ما كان دولي اشتراكيي لأنو حسب الماديي التاريخيي فحركة التاريخ بتمشي لقدام ما بترجع لورى
و بعدين ما أنا أول مين قال أنو الاتحاد السوفييتي مانو دولي اشتراكيي بل أحد قادة الاتحاد السوفييتي الرفيق نيكيتا خروتشوف لما قال أنو الاتحاد السوفييتي غير قادر على الاستمرار بحزب واحد
و هاي الجملي خليت جماعة الأمن السياسي بالاتحاد السوفييتي يضغطوا على اللجني المركزي لطردو من الاتحاد السوفييتي و استبداله بالأهبل بريجينيف
و طلع خروتشوف معو حق بالأخير

[krimbow]

حبيبي حسون
كلامك حلو كتير و سدئني اضطريت اني احفظو لحتى اتخرج من الجامعة

و الحكي كتير كتير حلو بس الواقع شي تاني

المشكلة انو " توت توت توت " اعلن حرب البسوس و انا منبري فيها و ماني قادر رد بشكل مطول بس رح قلك نقطة صغيرة

انا من رأيي انو الاشتراكية آخر آخر شي رح تكون هيي المنتصرة بس.....
لا انا و لا انت و لا مليون غيفارا رح يطبقوها يعني هيي رح تطبق لحالها
هلأ ايمت بالظبط ما بعرف بس اكيد مو ع ايامي و لا ع ايام ولادي حتى و انا ما كتير بحب اسبح بعكس التيار
الشرط الاساسي لتطبيق نظري الاشتراكية هوي تحقيق نظرية مالتوس التشاؤمية
هالنظرية بتحكي انو ما بينصلح حال البشر إلا اذا تقلص عددون بشكل كتير كبير بالحروب و الكوارث الطبيعية ساعتها بتصير الموارد الاقتصادية بتكفي حاجة الناس و منقدر ساعتها نطبق الاشتراكية

هاد بالمدى البعيد
اما بالمدى الاريب فالراسمالية قدرت تطور العلاقات الاقتصادية تبعها (شيلك عن الوضع الاجتماعي) بشكل رهيب بينما الاشتراكية بعدها جامدة ما قدرت تطور شعرة (مع انو بعرف انها علم متطور مش دين بس الواقع انو ما حدا اشتراكي تطور شعرة) و المشكلة انكم ناطرين تهدوا كلشي و تعمروا من اول و جديد
الصين فهمت اللعبة و أخدت الباكدج الراسمالي متل ما هوي و صارت لاعب اساسي بينحسبلو الف حساب بالتحليلات الاقتصادية

الناس مع يللي بيتطور عن جد يعني مو تقول عن حالك انك متطور و اجدد كتاب عن الاقتصاد الاشتراكي عمرو 30 سنة

[Joe]

كاتب النص الأصلي : krimbow

الشرط الاساسي لتطبيق نظري الاشتراكية هوي تحقيق نظرية مالتوس التشاؤمية
هالنظرية بتحكي انو ما بينصلح حال البشر إلا اذا تقلص عددون بشكل كتير كبير بالحروب و الكوارث الطبيعية ساعتها بتصير الموارد الاقتصادية بتكفي حاجة الناس و منقدر ساعتها نطبق الاشتراكية

بس نظرية مالتوس خاطئة و قديمة... يعني فيها غلط و نقص بالأفكار!

المالثوسيين بيقولوا انو الكوكب بعمره ما رح يشوف رخاء اقتصادي لأنه كل ما تحسنت الحالة الإقتصادية البشر رح يبلشوا يخلفوا ولاد و بالتالي رح يزداد عدد السكان و يرجع الفقر و الشقاء

بس الحقيقة انو مع ازدياد المدخول الإقتصادي و تحسن الإقتصاد الإنسان بيصير بيجب ولاد أقل... المراة بتصير بتشتغل و العيلة بتكتفي بولد او ولدين لانو كلفة انجاب طفل زيادة عم تزيد.. بينما لما الإنسان فقير و المرأة على كل الأحوال قاعدة بالبيت بلا شغلة و لا عملة... فأكيد رح تجيب كتير ولاد

بقى النظرية المالثوسية خاطئة و اذا الشباب معتمدين عليها لتحقيق الإشتراكية فبحب قول انو ما كتير تكون الآمال عالية

[Spaik]

شباب انا حابب اعلق على كذا نقطة قريتا
1-نظرية انو الاشتراكية هي بالنهاية راح تكون المنتصرة برايي نظرية خاطئة و موجودة بس بالكتب لأنو الفكر الاشتراكي كان موجود من وقت ما افلاطون حكى عن المدينة الفاضلة و مر على هالحكي آلاف السنين و ما صار فاذا قصدكون بالنهاية نهاية العالم فيمكن وقتا اوافقكون
2-سبب فشل التطبيق الاشتراكي بالاتحاد السوفيتي هو الحرب الباردة كسبب غير مباشر و القانونيلي طالعو كربتشوف عند استلامو كسبب مباشرو الي كان بفكرو انو راح يطور الاقتصاد فيه وهالقانون نص على توزيع المرابح الاقتصادية على الشعب كل بحسب موقعو و هالشي ادى الى توزيع غير عادل بنوب فاصحاب النفوذ و الضباط و اليهود خصوصا صارو ياخدو اغلباموال الدولة و صار اكتر من 80 بالمية من الشعب يعيش على الخبز و المي و بعد 5 سنين صار الانقلاب...يعني الغلط مو بالنظام الغلط بالعوامل يلي اثرت و تحكمت فيه
3-حاليا مستحيل تقوم دولة اشتراكية ناجحة(الا اذا شيتعلى خطىالتطوير الجزئي باستخدام بعض الاساليب الراسمالية)وهالشي بسبب موجة الراسمالية القوية يعني لبين ما تبني الدولة حالا ذاتيا بتكون تاخرت شي50 سنة لورا...

[gevara]

لا انا و لا انت و لا مليون غيفارا رح يطبقوها يعني هيي رح تطبق لحالها

هون استوب انت لازم تعترف بغيفارا كمحارب وثأرمن اجل الاشتراكية نجح بانو يبلور هالفكرة على الرغم من ان البعض بوجلهو نقض انو رومنسي بعتقد انو لو بس في غيفارا واحد بالعالم ما كانت الحالة بتبكي

انا من رأيي انو الاشتراكية آخر آخر شي رح تكون هيي المنتصرة بس.....
لا انا و لا انت و لا مليون غيفارا رح يطبقوها يعني هيي رح تطبق لحالها

فيك تقلي اذا المجتمع والشباب ماثاروا من اجل اهدافون كيف بتحقق لحالا ...
.

هالنظرية بتحكي انو ما بينصلح حال البشر إلا اذا تقلص عدودون

شكلك لافف عجماعة بوش
لان هاي نفس افكار المحافظين الجدد
و بظن انو تقليل عدد الناس فكرة غلط لان مافي بلد بالعالم ما بداخله موارد بتكفي الحاجات الاساسية لكل مواطن طبعا مع محاربة الفساد ولاستغلال وتمركز رؤوس الاموال بايدي قلة
واكيد الحروب هي بلدرجة الاولى من مصلحة الدول الراسمالية متل امريكا التي تسعى لاستغلال موارد العالم والسيطرة علية وتسخيرا لخدمة مصالحلها العليا فقط

[yass]

الاشتراكية : الكلمة حلوة .............. حلوة كتير كمان , المشكلة أنو اللي احتكروها مجموعة من الهمج ( الاتحاد السوفييتي مثلا ..... اتحدث عن القيادة طبعا).
خلينا نحكي فلسفة , شو بتعني لكل واحد كلمة اشتراكية , أنا بفهمها أنو اشتراك عدة أشخاص بشيئ ما.... بس اشتراك بشو ؟
خلينا نفترض قطعة أرض ... 100 دونم مثلا , وفي 10 أشخاص ,كيف نعمل اشتراكية بهالمعادلة؟؟



الحكي جد , ماعم بتمسخر.... يا ريت تجاوبولي عالسؤال !!!


ع قولة ديموزي................ اسلمو اشتراكيين

[Joe]

كاتب النص الأصلي : gevara

هون استوب انت لازم تعترف بغيفارا كمحارب وثأرمن اجل الاشتراكية نجح بانو يبلور هالفكرة على الرغم من ان البعض بوجلهو نقض انو رومنسي بعتقد انو لو بس في غيفارا واحد بالعالم ما كانت الحالة بتبكي

فيك تقلي اذا المجتمع والشباب ماثاروا من اجل اهدافون كيف بتحقق لحالا ...
.

شكلك لافف عجماعة بوش
لان هاي نفس افكار المحافظين الجدد
و بظن انو تقليل عدد الناس فكرة غلط لان مافي بلد بالعالم ما بداخله موارد بتكفي الحاجات الاساسية لكل مواطن طبعا مع محاربة الفساد ولاستغلال وتمركز رؤوس الاموال بايدي قلة
واكيد الحروب هي بلدرجة الاولى من مصلحة الدول الراسمالية متل امريكا التي تسعى لاستغلال موارد العالم والسيطرة علية وتسخيرا لخدمة مصالحلها العليا فقط

لاء أنتي ستوب

ثورة شو و حرب شو؟ مين بدك تحاربي و كيف و على مين بدك تثوري؟

صرعونا بالثورة و لهلأ ما حدا عم يعرف يشرح لا شو هاي الإشتراكية و لا كيف رح تصير... احسن شي طلع معكون انو هلأ لازم يكون في رأسمالية و بعدين رح تنتصر الإشتراكية...

ثم هاي النظرية مانا افكار "المحافظين الجدد".. هاي نظرية شيوعية قديمة و طلع بعدها نظريتين حديثات بس لسا الجامعات بسوريا عم تدرس النظرية القديمة كنوع من الحفاظ على التراث

[عاشق من فلسطين]

أنا أرى الاشتراكية بعيدا" عن أي فكر . . انها أن يأخذ كل شخص نصيبه من الدولة تبعا" لتعبه وجهده .. فلا يظلم ولا يظلم ..
يعني أرض 100 دونم بدنا نقسمها على 10 أشخاص .. كل واحد بياخود حصتو حسب جهدو ..

[Joe]

كاتب النص الأصلي : yass

الاشتراكية : الكلمة حلوة .............. حلوة كتير كمان , المشكلة أنو اللي احتكروها مجموعة من الهمج ( الاتحاد السوفييتي مثلا ..... اتحدث عن القيادة طبعا).
خلينا نحكي فلسفة , شو بتعني لكل واحد كلمة اشتراكية , أنا بفهمها أنو اشتراك عدة أشخاص بشيئ ما.... بس اشتراك بشو ؟
خلينا نفترض قطعة أرض ... 100 دونم مثلا , وفي 10 أشخاص ,كيف نعمل اشتراكية بهالمعادلة؟؟



الحكي جد , ماعم بتمسخر.... يا ريت تجاوبولي عالسؤال !!!


ع قولة ديموزي................ اسلمو اشتراكيين

في عدة احتمالات رح آخد ابسط حالة:
الأشخاص جميعا متساويين بالقوة و المركز
الأشخاص وصلوا إلى الأرض مع بعض يعني لم يعثر عليها احد قبل الآخر
الأرض فارغة و متساوية بالموارد
الأرض ما لحدا

بهالحالة رح يحصل تقسيم للأرض لكل شخص 10 دونوم..

هاي حالة مثالية تماما بتفترض عدم وجود خلافات شخصية و تحالفات دينية و عنصرية

الان اعود لكل حالة من الحالات الأربعة:

1- في حال وجود اختلاف بالقوة و المهارة و الخبرة (المركز) بين بعض الأشخاص:

الأقوياء سيطمحون لمزيد من الأرض أولا لان قوتهم العضلية او خبرتهم في العمل في الأرض تسمح لهم بذلك أو ببساطة لأنهم قادرون على ذلك... شخص اخر قوي و نتيجة علاقة مع عدة اشخاص ضعفاء قد يقوم بحمايتهم و حماية أرضهم.. في المقابل قد يقوم الضعفاء بتقديم نوع اخر من الخدمة للقوي.. مثلا العمل على جزء من أرضه بينما يتفرغ هو لحماية الأرض كلها ----> ينشأ الإختصاص في العمل و الذي هو أول الطريق لزيادة الإنتاج و لمزيد من الإختصاص

صحيح أن الرجل القوي سيكون أفضل في العمل في الأرض + العمل كجندي.. و لكن مصلحة الجماعة و العمل تقتضي ان يختص كجندي بينما يقوم بتوظيف الضعيف كعامل في الأرض

2- الأشخاص وصلوا في أوقات مختلفة
قد يكون قد وصل شخص واحد فقط في البداية... فأعلن أن الأرض ملكه و بدأ يعمل فيها. جاء شخصان جديدان.. لأسباب متنوعة قررا العمل معه و ليس قتله و سرقة الأرض.. فحصل التوظيف.
جاء المزيد من الأشخاص... سيحصل نزاع و حرب لأن المجموعة الاولى قد لا تريد توظيف او العمل مع المجموعة الجديدة..

3- الأرض غير متساوية في الموارد:
يعني يوجد منطقة غنية و منطقة فقيرة... حتى في حال وجود تساوي في القوى فسيحصل نزاع.. و في حال وجود اشخاص اقوى من غيرهم فسيحصلون هم على المناطق الأغنى او يستولوا عليها

4- الأرض لشخص معين
تقريبا نفس الحالة الثانية