مشكلى الاعلام العربي و خاصة السوري

[Nirvana]

كاتب النص الأصلي : was616im

يا عيني عليكي هاد الجواب اللي كنت ناطرو من زمان واللي بيشفي القلب
طيب بهالحالة مو من مصلحة الدولة انو الشعب يكون واعي بشكل منيح لانو اذا واعي اي تصير مشاكل كتيرة
شو رايكن انتو؟؟؟

اذا قصدك بالدولة البلد .. فأكيد بالطبع من مصلحتها ان يكون شعبها واعي ..
أما اذا قصدك بالدولة الحكومة وجماعتها ومعشر المسؤولين في دولنا أو معظمهم باية حال .. فبالتأكيد ليس من مصلحتها ان يكون الشعب واعي ..

[Nirvana]

كاتب النص الأصلي : phoenixbird

تعرفي نيرفانا الاشكالية هي من الطرفين الحكومة والاعلام نفسه
الحكومة تضغط ضد وسائل الاعلام والوسائل نفسا تتحرك بطريقة سخيفة تظهر الراي الواحد
اتفرجي على اخبار لبنان من المحطات اللبنانية
المستقبل تبدا بالهجوم على سوريا
الال بي سي شايفة الحكيم -مو حسام - ومش مصدقا
المنار و ان بي ان واوتي في هدفها الحكومة اللا شرعية
نيوتي في بتاع كله
وتلفزيون لبنان الرسمي بلا ما احكي

هي كمثال لبناني

اما الاعلام السوي مشكلته مشكلة لانو من جهة مقصر بحق ايضاح الفكرة ومن جهة تانية لا يسمح بالمنافسة الخاصة وعم بحكي تحديدا تلفزيون لانو الصحافة المكتوبة بلشت تشتغل شوي شوي

فمثلا منع قناة شام متل ما قلتي ورجعتها المثيرة للجدل او الدنيا اللي عبارة عن مسلسلات
ولسا ما عرفنا شو طبيعة المحطات الجايي

بالعربي الفصيح سوريا تعتمد كتير على الاعلام الخارجي بس مو دائما الاعلام الخارجي منيح
شوفي لبنان وقت ازمة نهر البارد اتفقت الوسائل الاعلامية المختلفة على دعم الجيش ووصلت صوتا للخارج
ونحنا قديش صرلنا عم نحكي ونحاول نوضح موقفنا من المسائل المحيطة لولا الجزيرة والعالم ما حصلنا شي

الاعلام اللبناني مو أحسن من اي اعلام عربي.. مهما اعتقدنا انه اعلام حر وما الى ذلك إلا انه اعلام طائفي .. لانو معظم اجهزة الاعلام اللبنانية تتبنى وجهة نظر جهة أو جماعة ما ..

أما في سوريا فالاعلام رسمي أو حكومي وبالتالي يتبنى راي الحكومة دائما ... واي تجاوزات يتم قمعها بشكل او بآخر ..

وقبل ما ننظر للاعلام الخارجي ونطمع منه ان ينصفنا .. فلنطلب من اعلامنا الداخلي ان يحكي بلسان حالنا وينصفنا .. فهو أولى .. مع العلم انو احيانا الاعلام الخارجي يتبع لجماعات قد لا تكون من مصلحتها هو مصلحة الشعب و البلد .. سواء منه الاعلام الاجنبي أو الاعلام التابع للمعارضة العربية أو السورية أو الاعلام المقيم بالخارج .

[COSTA]

كاتب النص الأصلي : Nirvana

ايه برافو لكان طلع عندكم حرية أكتر من عنا ..

شكرا على تصحيح المعلومة هاني لانو انا سمعت غير هيك ..

لا مو حرية راي
قناة شام كان معها ترخيص وتسكرت بامر من الحكومة
وهلأ رجعت تبث من مصر
وبكرا الخبر اليقين

[MadMax]

كاتب النص الأصلي : COSTA

لا مو حرية راي
قناة شام كان معها ترخيص وتسكرت بامر من الحكومة
وهلأ رجعت تبث من مصر
وبكرا الخبر اليقين

و من لما صارت بمصر ..... اشتغلت بتمسيح الجوخ على أمل ترجع لهون

[Nirvana]

كاتب النص الأصلي : Madmax

................ اشتغلت بتمسيح الجوخ

وانا هيك بعرف كوستا ومادماكس ..

بدك تصلحلي المعلومة هاني

[phoenixbird]

سامر لا تتفاءل بقناة الراي الجديدة طلعت لعراقي اسمه مشعان الجبوري وبرامجها سياسية بس للعراقيين بالدرجة الاولى

هلا بالنسبة لقناة الشام كل يغني على ليلاه ناس بتقول انو مشان الترخيص وناس بتقول انو مشان قانون الاعلام اللي ما بعرف ايمتى رح يطلع ورحعتا للقاهرة بس الاستديوهات لسا بالشام

هلا عنا كارثة بالتلفزيون الرسمي انو وقت بلش يتحرك وينفتح دغري رجع تقوقع

لكن مسلسل غزلان في غابة الذئاب صار خيانة وطنية؟.ا
ومنع عرض مسلسل ممرات ضيقة عن سجن النساء
والحصرم الشامي قال فيه اساءة للشام

والاحلى مسلسل رسائل الحب والحرب هلكوا سماهون لينعرض

هي بس بالدراما اخيرا

[was616im]

هلق شي حدا يجبلنا الخبر اليقين يا جماعة مشان قناة شام
طارق,شو قصة هالمسلسلات هدول؟؟؟انا ما حسنت تابع ولا واحد غير باب الحارة

[COSTA]

قناة الشام الفضائية
حتى ما يصير التباس بالمعلومات
اعطت الحكومة السورية ترخيص لقناة الشام الفضائية بالبث لمدة سنة كبث تجريبي
وبعد انتهاء السنة طلب صاحب القناة ومدير التحرير الترخيص للبث بشكل متواصل
فطلبت منهم وزارة الاعلام ان تضع رقابة على المواضيع والبرامج التي ستبث ومنها البرامج السياسية وان تقدم كل اسبوع ساعتين يكون فيها مقابلة مع وزير وان تكون المقابلات الاخرى حصريا بما يتفق مع السياسة السورية
وعندما رفض مدير التحرير هذا العرض مدعيا انهم اعلام حر ومحايد وسيطرح المواضيع بشكل محايد وسلمي وانه لايرغب بالمواضيع التحريضية بل انه يرغب بالانفتاح على العالم وعرض الحقيقة من خلال قناته
فما كان من وزارة الاعلام الا ان سحبت الترخيص منه وهددت بمصادرة الاذاعة والادوات ومنع الصحفيين العاملين لديها من مزاولة العمل
فاضطر مدير التحرير ورئيس القناة ان يذهبو الى مصر ومن هناك اجرو مقابلة مع وزير الاعلام المصري وبعد ساعة ونصف تمت الموافقة على بث القناة من مصر
_________________________________
هي المعلومات تازة وهلأ ...........
حتى ما كل واحد يزايد عليهون

[was616im]

بس معلم كوستا ما قلتلنا انو قناة شام رح تكون عندها الحرية اللي طلبتها بسورية و هي عم تبث من مصر ولا كمان في عندها قيود اعلامية بما يتماشى مع الوضع السياسي المصري؟؟

[COSTA]

كاتب النص الأصلي : was616im

بس معلم كوستا ما قلتلنا انو قناة شام رح تكون عندها الحرية اللي طلبتها بسورية و هي عم تبث من مصر ولا كمان في عندها قيود اعلامية بما يتماشى مع الوضع السياسي المصري؟؟

تفرج عليها بتعرف .....
يعني بدك نحكي دج
خيو هي القناة كلفت صاحبها 600 مليون ليرة سورية
عندو 250 موظف بين صحفي وعلامي ومذيع ومدري شو كمان .....
وعندو ضرايب بدو يدفعها ومعاشات
والاهم من هيك مانو مستعد يضحي باي موظف من عندو .... بدو يستمر ....
انت شو رايك ؟؟

[was616im]

كاتب النص الأصلي : COSTA

تفرج عليها بتعرف .....
يعني بدك نحكي دج
خيو هي القناة كلفت صاحبها 600 مليون ليرة سورية
عندو 250 موظف بين صحفي وعلامي ومذيع ومدري شو كمان .....
وعندو ضرايب بدو يدفعها ومعاشات
والاهم من هيك مانو مستعد يضحي باي موظف من عندو .... بدو يستمر ....
انت شو رايك ؟؟

يا صاحبي انا ما فيي اتفرج عليها لانو ما عندي ديجيتال بالسكن الجامعي
بس من حكيك و وصفك للوضع ما بتوقع انو يغامر اكتر من هيك مشان حرية اعلام ما حدا عم يوافقو عليها
يعني رح يخضع للوضع غصب عنو و يتماشى مع الاوامر
بس السؤال اللي بيطرح نفسو:كونو رضخ للامر الواقع و ما حسن ينقل اعلام حر و محايد طيب ليش ما عمل هالشي بسورية و من سورية يعني عالاقل بيخدم بلدو......

[فاوست]

عندما تقوم أي مؤسسة إعلامية بوظيفة التوعية السياسية تفقد مصداقيتها كمؤسسة إعلامية حيادية ناجحة

التوعية السياسية هي عبارة عن نقل فكرة سياسية إلى جمهور المشاهدين لإقناعهم بها
وبالتالي فكل حزب يرى في عملية طرح أفكاره للجمهور لإقناعهم بها توعية سياسية

يعني عندما تطرح مؤسسة إعلامية يَمينيّة(من اليمين السياسي) مثلاً فكرة البطالة تحاول هذه المؤسسة أن تصب جهدها في إقناع المشاهد بأن سبب البطالة مثلاً هو المهاجرين

وعندما تطرح مؤسسة إعلامية يسارية قكرة البطالة تحاول هذه المؤسسة ان تقنع المشاهدين بأن سبب البطالة مثلاً هو التضخم الناتج عن إحتكار رؤوس الأموال

كلا المؤسستين يقوم ب دور التوعية السياسية هنا

على الإعلام أن يكون حيادي ينقل الخبر كماهو دون زيادة أو نقصان وحتى دون إعطاء رأييه في هذا الخبر

ليترك للمشاهدين حرية الحكم على مايشاهدوه

[فاوست]

بالمناسبة كلمة توعية سياسية في إعلام الحكومات تدل على نظام شمولي يعامل مواطنيه على أنه الوصي عليهم

[ASH]

هلأ سؤال مهم كتير ...

وين يف قناة بالوطن العربي الكبير الجميل ، ذو المناخ المعتدل ، بدي قناة وحده بتعطي حريه كامله بدون اي قيود ، بس خلونا نستثني الجزيره ، لانو الجزيره عندها حريه على مساحه كبيره ، بس مع هيك ما بتدخل بسياسة دولة قطر ..

انا بدي قناة فيها حريه تامه و خصوصي للبلد يلي موجوده فيها القناة ...

ما اتوقع في اجابه لهل سؤال

[was616im]

كاتب النص الأصلي : فاوست

عندما تقوم أي مؤسسة إعلامية بوظيفة التوعية السياسية تفقد مصداقيتها كمؤسسة إعلامية حيادية ناجحة

هلق انت و كأنك فاهم الموضوع غلط و فايت فيه بطريقة ما بعرف شلون.....
نحنا عم نحكي عن واقع الاعلام السياسي العربي و خاصة السوري منه
و بعدين التوعية السياسية اذا ما كانت من وظيفة الاعلام فوظيفة مين رح تكون؟؟؟؟؟؟
يعني وقت اللي بيطلع شي مسؤول او شي رئيس باي مكان بالعالم و بدو يحكي شي عن وضع سياسي معين او مشكلة معينة وين بد يحكي ؟؟؟؟مو عن طريق الاعلام بتوصل كلتو للعالم و للشعب؟؟؟؟؟

[was616im]

كاتب النص الأصلي : ASH

هلأ سؤال مهم كتير ...

وين يف قناة بالوطن العربي الكبير الجميل ، ذو المناخ المعتدل ، بدي قناة وحده بتعطي حريه كامله بدون اي قيود ، بس خلونا نستثني الجزيره ، لانو الجزيره عندها حريه على مساحه كبيره ، بس مع هيك ما بتدخل بسياسة دولة قطر ..

انا بدي قناة فيها حريه تامه و خصوصي للبلد يلي موجوده فيها القناة ...

ما اتوقع في اجابه لهل سؤال

للاسف يا عزيزي عبد ما في هيك قناة, و حتى قناة الجزيرة احيانا كتيرة بتفبرك الاحداث على كيفها و كيف الجهات اللي بتشتغل لصالحها (هاد رايي الشخصي بهالقناة )
و حتى الاعلام اللبناني اللي بيتفاخروا فيه انو حر وما بعرف شو....كلو قائم على خدمة الجهة او الطائفة اللي بترعى هالقناة

[فاوست]

يعني وقت اللي بيطلع شي مسؤول او شي رئيس باي مكان بالعالم و بدو يحكي شي عن وضع سياسي معين او مشكلة معينة وين بد يحكي ؟؟؟؟مو عن طريق الاعلام بتوصل كلتو للعالم و للشعب؟؟؟؟؟

هادا مأسمو توعية سياسية
كلمة توعية لغوياً معروفة بمعناة ان يوعي أحدهم الاخر
يعني الإعلام يلي بتبع سياسة التوعية هو إعلام موجه سياسياً نحو هدف ما وبالتالي فقد مصداقيتو بكونو إعلام موجه

[بنفسجة]

هلأ الاعلام السوري اعلام رسمي وموجه
انا ضد انو يكون الاعلام موجه باتجاه واحد يعني نحنا بنشوف بلبنان وغيرها الاعالممش رسمي بس موجه كل شخصية بتحرك محططتها متل مابدها مع احترام اراء الاحزاب والتوجهات الاخرى
يعني انا بشوف مثلا على المنار اخبار عن 14 اذار وتحركات سعد الحريري واراءو ونفس الشي على محطات تابعة لغير مجموعة
الاعلام السوري يفتقد لهذه النقطة يعني ما بيجبولنا اخبار المعارضين ولا بيجيبولنا اخبار ممكن تخالف التوجه العام للدولة ولامرة انفتح موضوع الاخوان بالفضائية السورية ولامرة استقبلو معارض سوري او غير سوريا لسياسات النظام بسوريا
هي نقطة سلبية جدا جدا
يعني حتى لو كان الاعلام رسمي بس مالازم يكون موجه بهي الطريقة
صار في محطات فصائية سورية غير رسمية بتمنى تكون منتبهه لهي النقطة وعندها قدرة انو تنقل اراء الجميع بطريقة لاتسيء لاحد
بالنسبة للتوعية السياسية يعني انا بعتقد انو الوصول الى الوعي السياسي يكون بمعرفة راي المعارض لفكري حتى اقدر احكم على افكاري انا
التوعية عند السوري لم تاتي من التلفزيون الرسمي الا بنسبة ضيلة جدا انما المحطات الفضائية الاخرى هي من اسهمت في تشكيل هذا الوعي السياسي الذي ادى الى التفاف جماهيري واسع حول قضايا تمس الوطن وسيادته
بتمنى انو نوصل لمرحلة يكون التلفزيون السوري وسيلة التوعية الاولى للمواطن بحيث لايكون مضطرا الى تقليب عشرات المحطات ليعرف ان كان رايه صحيح ام فيه لغط