مشكلى الاعلام العربي و خاصة السوري

[Nirvana]

كاتب النص الأصلي : فاوست

عندما تقوم أي مؤسسة إعلامية بوظيفة التوعية السياسية تفقد مصداقيتها كمؤسسة إعلامية حيادية ناجحة

التوعية السياسية هي عبارة عن نقل فكرة سياسية إلى جمهور المشاهدين لإقناعهم بها
وبالتالي فكل حزب يرى في عملية طرح أفكاره للجمهور لإقناعهم بها توعية سياسية

يعني عندما تطرح مؤسسة إعلامية يَمينيّة(من اليمين السياسي) مثلاً فكرة البطالة تحاول هذه المؤسسة أن تصب جهدها في إقناع المشاهد بأن سبب البطالة مثلاً هو المهاجرين

وعندما تطرح مؤسسة إعلامية يسارية قكرة البطالة تحاول هذه المؤسسة ان تقنع المشاهدين بأن سبب البطالة مثلاً هو التضخم الناتج عن إحتكار رؤوس الأموال

كلا المؤسستين يقوم ب دور التوعية السياسية هنا

على الإعلام أن يكون حيادي ينقل الخبر كماهو دون زيادة أو نقصان وحتى دون إعطاء رأييه في هذا الخبر

ليترك للمشاهدين حرية الحكم على مايشاهدوه

الاعلام اذا عم يكون حيادي رح يكون قدم دورو بشكل جيد .. لانو رح يقدم أخبار وتحليلات ودراسات من كافة الجواب ووجهات النظر .. هون بتجي التوعية .. وتوضيح المفردات السياسية بعيدا عن التعصب لفئة ما أو للحكومة ..
أما اذا كان اعلاما كالاعلام السوري فانه سيطرح وجهة نظر واحدة وهي وجهة نظر الحكومة .. وسيطوع هذه المفردات حسب مصلحته ..

[sezar]

كاتب النص الأصلي : was616im

اهلين سيزر
معك حق الموضوع مشتت شوية لاني ما عرفت كيف بدي بسط الفكرة قدر الامكان مشان نضل ضمن نطاق الاعلام السوري و نشتغل على مبدأ النقد البناء (انا موالي بس بحترم النقد البناء الهادف القائم على احترام الطرف الاخر مشان يكون الحوار ذو فائدة)
و بحترم رايك لانو بكفي و بوفي عن وضع الاعلام العام بس انا بدي انو نناقش هون معالجة الاعلام السوري تحديدا للمقضايا السياسية و هل برايكن انو توعية الشعب ضرورية او ليست ذات اهمية و ليش؟؟؟؟

ازا الاعلام بسوريا .. نقطة وحيدة موحدة .. لن يكون هناك اعلام قابل للتطور إلا بالغاء وزارة الاعلام

[was616im]

طيب هل برايكن انو الاعلام السوري عم يطرح القضايا السياسية الخارجية بشكل جيد ام لا؟؟
طبعا انو عم يطرح وجهة نظر و سياسة الحكومة السورية بس انو المعنى من السؤال هل السياسة الخارجية السورية كما يطرحها الاعلام السوري صحيحة و تسير بشكل يخدم ابناء سورية؟؟؟
ام انها برايكن تسير الى وضع مجهول لا تحمد عقباه؟؟

[was616im]

كاتب النص الأصلي : Nirvana

الاعلام اذا عم يكون حيادي رح يكون قدم دورو بشكل جيد .. لانو رح يقدم أخبار وتحليلات ودراسات من كافة الجواب ووجهات النظر .. هون بتجي التوعية .. وتوضيح المفردات السياسية بعيدا عن التعصب لفئة ما أو للحكومة ..
أما اذا كان اعلاما كالاعلام السوري فانه سيطرح وجهة نظر واحدة وهي وجهة نظر الحكومة .. وسيطوع هذه المفردات حسب مصلحته ..

طيب نيرفانا انتي بتعتقدي انو في هيك اعلام او في هيك قناة موجودة فعليا مو شرط عربية بالنسبة للطرح اللي عم تطرحي انتي؟؟
ولا هاد بس نظريا هي مهمة الاعلام؟؟

بعتقد انو صعب اذا مو مستحيل مو هيك

[phoenixbird]

كاتب النص الأصلي : was616im

طيب هل برايكن انو الاعلام السوري عم يطرح القضايا السياسية الخارجية بشكل جيد ام لا؟؟

طبعا انو عم يطرح وجهة نظر و سياسة الحكومة السورية بس انو المعنى من السؤال هل السياسة الخارجية السورية كما يطرحها الاعلام السوري صحيحة و تسير بشكل يخدم ابناء سورية؟؟؟
ام انها برايكن تسير الى وضع مجهول لا تحمد عقباه؟؟

طلعت برا السيرة وسيم
بس اوكي الاعلام الرسمي شغلته هي تبني وجهة النظر الحكومية يعني شي طبيعي

[phoenixbird]

يعني في سؤال تاني ليش دوما في اشيا تقف ضدها كل الحكومات او وسائل الاعلام بشكل غريب

مثلا الضجة اللي صارت مع ملسل فارس بلا جواد
او مسلسل الشتات اللي بسببه توقفت المنار عن البث في اوربا

بسوريا عنا اشكالية انو ما في اعلام يلامس هموم الانسان السوري بالدرجة الاولى

بيني وبينكون انجلطت لما قريت انو جريدة رسمية فتحت تحقيق ضخم عن الفساد باحد المؤسسات الرسمية

بس يعني منيح

[was616im]

كاتب النص الأصلي : phoenixbird

طلعت برا السيرة وسيم
بس اوكي الاعلام الرسمي شغلته هي تبني وجهة النظر الحكومية يعني شي طبيعي

اهلين طارق
بعرف اني طلعت برى السيرة لانو تقريبا عم ندور كلنا بنفس الحلقة و عم نعطي راي واحد بس بصيغ مختلفة
فلذلك حبيت اربط رايكن بالاعلام بوضع السياسة الخارجية لسورية لانو هون ممكن تختلف الاراء و يصير في اخد و عطى بالموضوع بلكي منستفاد شوية و منفتح عيوننا على اشياء ممكن البعض بيعرفها و ما نكون شايفينها او منعرفها

[phoenixbird]

وسيم يا محشش
مشكلى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ
بنقول مشكلة يا محشش

الله يعين دكاترك عليك

[was616im]

كاتب النص الأصلي : phoenixbird

وسيم يا محشش
مشكلى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ
بنقول مشكلة يا محشش

الله يعين دكاترك عليك

هههههه لك لما كتبت الموضوع كنت نعسان و عايف الله من التعتب بس ما حبيت اجل كتابتو لبعدين مشان ما تروح الفكرة من بالي

[phoenixbird]

صباحو

تذكرت موضوع لما ب14 شباط 2006 استضافت رانيا بارود بنيوتي في اطفال من لبنان من مختلف الانتماءات وتحاوروا بطريقة احسن من زعما يعضون

شو السبب انو بلبنان الطفل قدر يفهم اللعبة السياسية ونحنا لا ؟

لليوم ما شفت برنامج بيحاور الطفل او الشباب بقضايا اليوم المعاصرة بالاعلام السوري حتى بالقضايا الاجتماعية

[ASH]

كاتب النص الأصلي : phoenixbird

صباحو

تذكرت موضوع لما ب14 شباط 2006 استضافت رانيا بارود بنيوتي في اطفال من لبنان من مختلف الانتماءات وتحاوروا بطريقة احسن من زعما يعضون

شو السبب انو بلبنان الطفل قدر يفهم اللعبة السياسية ونحنا لا ؟

لليوم ما شفت برنامج بيحاور الطفل او الشباب بقضايا اليوم المعاصرة بالاعلام السوري حتى بالقضايا الاجتماعية

مين بدو يحاورهم اول شي ، في عندنا مذيع او مذيعه مأهلين ليحاورو طفل ليش ؟؟

ودخلك لو عملو متل هيك برنامج ادشي لح يكون عدد المتابعين للبرنامج و المستفيدين منو ؟؟

الفكره بحد ذاتها مو غلط عن الطفل ، بس اعلامنا غير مؤهل لهيك دور ..

بالنسبه للشباب ، يا طارق شو بتتوقع مشاكل الشباب لح تكون عنى ، ماحدا لح يطلع يحكيلك ليش ماعم توحد سوريا ..

الكل لح يناقش مشكلة البطاله ، بس المشكله لما بدك تناقش مشكلة البطاله على شو لح يستندو بحديثهم ؟؟

او الكل بدو يهاجر ، لما بتسأل عن الاسباب كمان بتلاقيها كلها عليها علامات استفهام ..

ما بعرف انا عن نفسي بحس هيك برامج لهل فئتين بالناس بدها اول شي ناس مؤهله ، واعداد جاد ، و حمله اعلاميه مشان تحس الكل انو يتابعها ..

[was616im]

طارق:
عبد معو حق انو ما عنا هيك مذيعين مؤهلين لهيك برامج هاد اولا,بعدين قول مو مشكلة,يعني اعداد البرنامج مو مشكلة و انن يجيبو مذيع عمرو صغير كمان مو مشكلة بس عاد بدك المتابعة للبرنامج و كمان بدك شباب يعرف يطلع يناقش بحرية و يطرح رأيو بحرية بدون خوف من حدا و يحكي اللي عم يدور ببالو
يعني اذا بدن يجيبو هيك شباب , الناس رح تقلك : اي حل عني يا زلمي ما بدي احضر هيك ولاد, لانو الناس بتوقع انو فقدت المصداقية بالناس الكبار فما عاد عندا جلد و صبر انو تحضر هيك شي
وو مكن يكون العكس انو الناس تتحمس لهيك شي و تتابع هالبرنامج بشدة بما انو ملو من كذب الكبار
بس كمان برجع بقلك انو الشغلة معتمدة اعتماد كلي على انو يكون في شباب مثقف و جريء يطلع يحكي

[MadMax]

كاتب النص الأصلي : phoenixbird

صباحو

تذكرت موضوع لما ب14 شباط 2006 استضافت رانيا بارود بنيوتي في اطفال من لبنان من مختلف الانتماءات وتحاوروا بطريقة احسن من زعما يعضون

شو السبب انو بلبنان الطفل قدر يفهم اللعبة السياسية ونحنا لا ؟

لليوم ما شفت برنامج بيحاور الطفل او الشباب بقضايا اليوم المعاصرة بالاعلام السوري حتى بالقضايا الاجتماعية

المشكلة ... مو انو ما عنا حدا يحاور
و مو أنو الناس مو فهمانة اللعبة ... بالعكس عنا كتير ناس فهماين و خرج يحاورا
و الشعب عنا .... نسبياً واعي للوضع ...و يعتبر من أوعى الشعوب بالمنطقة
بس المشكلة أنو المذيع بيطلع و مو مطلوب منو يحاور و لا مطلوب منو يفكر أساساً
كل القصة أنو بكون مفروض عليه يحكي شي ... بيطلع بيحكيه ... و أكيد رح يحكيه بقرف و يمكن بشيء من الغباء

[ASH]

كاتب النص الأصلي : Madmax

المشكلة ... مو انو ما عنا حدا يحاور
و مو أنو الناس مو فهمانة اللعبة ... بالعكس عنا كتير ناس فهماين و خرج يحاورا
و الشعب عنا .... نسبياً واعي للوضع ...و يعتبر من أوعى الشعوب بالمنطقة
بس المشكلة أنو المذيع بيطلع و مو مطلوب منو يحاور و لا مطلوب منو يفكر أساساً
كل القصة أنو بكون مفروض عليه يحكي شي ... بيطلع بيحكيه ... و أكيد رح يحكيه بقرف و يمكن بشيء من الغباء

لا اب سمره سمحلي احكيلك انو مافي ، يلي بيطلعو ليقدمو اصلن ، مالهم علاقه بالاعلام ويلي فوتتهم بمعظمهم و مجملهم الواسطه او هيك شلفه او الشكل ، شفلي شي اعلامي بالتفلزيون السوري الجميل المعاصر ، المعي و بيجذب الجمهور ، ماتحكيلي قديم بدي من هدول اطفالنا فلذة اكبدنا الجداد ، جبلي بس واحد ولله المعي بحكيو و نجمو قوي ، وبيعرف كيف يجذب يلي عم يناقشو و الجمهور ليظل متابعو ...

ما اتوقع لح تلاقي اسم تكتبو

[Nirvana]

كاتب النص الأصلي : was616im

طيب نيرفانا انتي بتعتقدي انو في هيك اعلام او في هيك قناة موجودة فعليا مو شرط عربية بالنسبة للطرح اللي عم تطرحي انتي؟؟
ولا هاد بس نظريا هي مهمة الاعلام؟؟

بعتقد انو صعب اذا مو مستحيل مو هيك

أعتقد ان الامر نسبي .. لانو في محطات قد تقارب الحياد وأخرى قد تكون اكثر بعدا عن الحياد وهكذا .. ولو اني ما سمعت بولا وحدة تقارب الحياد .. لانو كل الموجود موجه واما يخدم حكومتو أو طائفتو أو المعارضة ..الخ ..

[sezar]

كاتب النص الأصلي : phoenixbird

صباحو

تذكرت موضوع لما ب14 شباط 2006 استضافت رانيا بارود بنيوتي في اطفال من لبنان من مختلف الانتماءات وتحاوروا بطريقة احسن من زعما يعضون

شو السبب انو بلبنان الطفل قدر يفهم اللعبة السياسية ونحنا لا ؟

لليوم ما شفت برنامج بيحاور الطفل او الشباب بقضايا اليوم المعاصرة بالاعلام السوري حتى بالقضايا الاجتماعية

له يا رجل شو عم تحكي
فاتنة محمد شو عم تعمل لكن

[was616im]

كاتب النص الأصلي : sezar

له يا رجل شو عم تحكي
فاتنة محمد شو عم تعمل لكن

:d a7ook::da7 ook:
يحرق حريشك بشرفي ضحكتني من كل قلبي

[MadMax]

كاتب النص الأصلي : ASH

لا اب سمره سمحلي احكيلك انو مافي ، يلي بيطلعو ليقدمو اصلن ، مالهم علاقه بالاعلام ويلي فوتتهم بمعظمهم و مجملهم الواسطه او هيك شلفه او الشكل ، شفلي شي اعلامي بالتفلزيون السوري الجميل المعاصر ، المعي و بيجذب الجمهور ، ماتحكيلي قديم بدي من هدول اطفالنا فلذة اكبدنا الجداد ، جبلي بس واحد ولله المعي بحكيو و نجمو قوي ، وبيعرف كيف يجذب يلي عم يناقشو و الجمهور ليظل متابعو ...

ما اتوقع لح تلاقي اسم تكتبو

انا قصدي انو عنا بسوريا ...... مو بالتلفزيون السوري