هلق شو الXML ؟؟؟

[Joe]

XML

حسب ما اعرف. HTML هي لغة لإدراة الوثائق.. و هي تطوير عن SGML التي كانت أصعب بكتير. لكن المستخدمين وجدوا ان HTML تفتقر البنية و التنظيم فأوجدوا XML

بس XML لحالها ما بتصمملك موقع... حسب ما بعرف انو هل لغة بتستخدم بالاضافة للغات تانية.. متل Java أو ASP.NET ... بس كيف بالضبط بصير هل شي؟ و شو هية بالضبط و هل ضرورية الواحد انو يتعلمها؟ و بأي مرحلة؟ و هل بتمشي مع PHP ؟؟

thanks

[Anmar]

هلأ أنا حالياً مبلش أدرس عن الـ XML بس لسا ما عندي القدرة أو بالأحرى ما عندي المعلومات الكافي للشرح بس في مرفق بيتضمن مقدمة عن الـ XML مع Java

[Joe]

شكرا خيو

بس ما قلتلي.. عرفتلنا شي اذا ال xml بيمشي مع php ؟ او اذا شي حدا بيعرف

[Joe]

اوكي طلع بيدعمو.. لو انه على ما يبدو دعم الجافا اقوى بكتير

ع كلن موقع zend هوي من اهم المواقع بال php و بيحكي عن الموضوع اذا حدى مهتم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Anmar]

اي أكيد بيمشي مع الـ PHP لأنو الـ XML وجد لحتى يستخدم مع كافة اللغات يعني متل الـ HTML ..

ومن أمثلة استخدام الـ XML موقع الخوية ... وياريت الحكيم بأكد هالفكرة لنو أنا ما متاكد ..

[باسل]

XML ما انعملت لحتى تبرمج فيها
يعني هي مش لغة برمجة ولا سكريبت
هي بروتوكول يعني طريقة لحتى نتفاهم مع بعضنا وهيك بيعرفو البروتوكول طريقة متفق عليها للتفاهم
وأول ما عملوها كانت طريقة لحتى نصيغ فيها قواعد البيانات لحتى تصير مخدمات قواعد البيانات تحكي مع بعضها
فمثلاً فينا نصيغ كتلة بيانات مترابطة مع بعضها بصيغة XML مصدرها MS SQL ونبعتها لـ مخدم قاعدة بيانات من بيئة تانية متل Oracle DB وهداك رح يفهما ويقلو للأول يعطيك العافية فهمت عليك
هيدي كانت أكثر التطبيقات شيوعاً لهل البروتوكول هو في الحقيقة أول شي استعملوه الكيميائيين لحتى يعبرو عن المعادلات العضوية بطريقة رياضية مفهومة متل كانو يكتبو مثلاً
<C>H4</C> = ch4
<C><O h=2/></C> = COH2
وهكذا وجد الكمبيوترجية إنو طريقة بتشرح نفسها بنفسها وبتعبر عن البيانات وعلاقتها ببعضها بدون أي إضافات
يعني مثلا رح اكتب مثال صغير ورح تشوفو كيف إنو بيشرح حالو

<Movie title="Taitanic" Year="1998">
<Actor name="Leonardo DeCaprio">
<Actor name="Cate winslet">
</Movie>

يعني هيك مفهوم إنو هيدا حزمة بيانية عن فلم التايتانيك وسنة الإنتاج والممثلين
وفينا نعبر عن أي فلم بهالطريقة
وهلق العلاقة بين لغات البرمجة وهالبروتوكول الظريف هي إنو
منقدر نقرا هالمعلومات باستخدامنا للغة برمجة ما ونتعامل معها إما إنو نغير من شكلها ونرجعها لمزود ما أو لأي برنامج مستقبل أخر أو إنو نعرضها متل ما بتعمل بعض المواقع اللي بتاخد المعلومات من مزودي المعلومات بطريقة هالبروتوكول وبتحولها لبروتوكول HTML اللي بينعرض على الصفحات

ما بعرف إذا حدا فهم عليي بس ما بدي عقدها أكتر من هيك حاكم إنو هيدا شغلي كل يوم
ولدرجة رح صير احكي إكس إم إل
هيك حاسس