استفتاء لتحديد الانتماء في الاخوية

[yass]

أنا عندي اعتراض عالخيارات

سوريا - اسلام- مسيح- حزبي- و لا وحدة اللي فوق

أول 3 فهمتهون (و صوّتت لأول وحدة طبعا).... نوعا ما بس

سوريا ممكن انتميلها كقومي سوري, أو ممكن كوطني سوري... في فرق


ممكن حدا يتكرّم و يشرحلي مين الحزب اللي يحط الانتماء لألو فوق الانتماء الوطني أو الديني؟؟ الاممية الشيوعية يعني؟

و منشان خيار ( ولا وحدة من اللي فوق) 18%....وين كل بعثية البلد؟ ما هاد الخيار شامل العروبة اللي الكل نسيانها ( و بيني و بينكون هاد اللي فرحان عليه أنا )

[..AHMAD]

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

[yass]

لاني مواطن بلا وطن

وعبد بلا رب ولا دين

وعضو بلا احزاب

و شكرا

و راس مارال بكرا غداك عندي

كبير!!!!!!

[Willi]

بس انا شايفة انو نتائج التصويت صارت اكتر نسبة مسلمة
ورغم هيك لسا لهلا ما بيقيموا وزن للاهانات اللي بتجينا

بداية, بحياتها ما كانت الاغلبية تعني انها صحيحة.
يعني, مو اذا كانو 100 واحد بامنو بفكرة, و 10 بامنو بفكرة. معناه انو ال 100 هني صح. مانا هيك ولا بحياتا رح تكون.

ثانيا, لو شو ما عملت ادارة اخوية, رح اتضل بنظركون انتو اللي انتمائكون اسلامي بحت. رح اتضل بنظركون انو الادارة مقصرة. لحتى, يقلب الموقع اسلامي, ويفتح قسم اسلامي, ويمنع اي حوار عقلاني, اذا دخل فيه الدين, اللي من المستحيل يتم التغاضي عنو وقت منشوف مشاكل مجتمعنا.
وهالشي (يعني اسلمة اخوية) بحياتها ما رح تصير.

عنجد هالشي ولا في تزوير او لعب بالنتائج...

عنجد عنجد

[Willi]

ممكن حدا يتكرّم و يشرحلي مين الحزب اللي يحط الانتماء لألو فوق الانتماء الوطني أو الديني؟؟ الاممية الشيوعية يعني؟

بتصدق انو لولا ردك, ما كنت انتبهت على الخيار تبع "حزبي"
مع اني كل ما بشوف مشاركة جديدة بالموضوع برجع وبتفقد التصويت, بقول بلكي هاه, بلكي..
بس بجد ما انتبهت لهلخيار نهائيا

[yass]

كاتب النص الأصلي : Willi

بتصدق انو لولا ردك, ما كنت انتبهت على الخيار تبع "حزبي"
مع اني كل ما بشوف مشاركة جديدة بالموضوع برجع وبتفقد التصويت, بقول بلكي هاه, بلكي..
بس بجد ما انتبهت لهلخيار نهائيا

عم اسأل عن جد... لأنو حتى لو الاممية الشيوعية الكلام مو دقيق...

[BL@CK]

كاتب النص الأصلي : Willi

بداية, بحياتها ما كانت الاغلبية تعني انها صحيحة.
يعني, مو اذا كانو 100 واحد بامنو بفكرة, و 10 بامنو بفكرة. معناه انو ال 100 هني صح. مانا هيك ولا بحياتا رح تكون.

بذكر بالزمنات صار تصويت مدري بأنو جريدة , من هو َ أعظم صباط في العالم,

بيومتا وصلني ألف إيميل فوت صوّت لهالصباط و فوت صوّت لهالكندرة ..

لذا فما بستغرب نتيجة أي تصويت بكون المشاركين فيه عرب ..

[Willi]

عم اسأل عن جد... لأنو حتى لو الاممية الشيوعية الكلام مو دقيق...

شبيحة حزب البعث انتمائهون سوري اكتر.

يعني هلق اذا بتسأل الوزراء الشرفاء كلياتهون (يعني كل الوزرا) رح يقلولك انتمائهون لسوريا. والحزب هو بس حزب عندو المقومات انو يوصل سوريا للمكان اللي هني بدهون ياه. وفهمك كفاي.

اذا عرف السبب بطل العجب

لذا فما بستغرب نتيجة أي تصويت بكون المشاركين فيه عرب ..

بزماناتي قلتها, وبرجع بقولها.
اي تصويت مشاركينو عرب, فهو تصويت فاشل سلفا.

[yass]

شغلة تانية, التصويت لا يحمل مقومات التصويت الموضوعي لسبب آخر: بعد الحجب أكثر من 30 بالمية من رواد المنتدى غير سوريين و كمان عم يصوتو و طبعا ما راح يصوتو انتماءهون لسوريا!

عندي سؤال لحد المصوتين لأحد الدينين بلكي حدا يجاوبني و بكون ممنون سلف.

هلأ بفرض انك سوري مسلم أو سوري مسيحي, تصويتك بأنو الانتماء الاساسي لدينك يعني انو انت تشعر انو واحد من غير بلد و حتى من غير لغة و غير كل شي هو أقرب بالنسبة الك أو تشعر بالانتماء الو أكتر من ابن بلدك اللي مختلف عنك بالدين؟؟ يعني جارك زميلك بالشغل بالمدرسة بالجامعة ....

[sandra]

كاتب النص الأصلي : yass

شغلة تانية, التصويت لا يحمل مقومات التصويت الموضوعي لسبب آخر: بعد الحجب أكثر من 30 بالمية من رواد المنتدى غير سوريين و كمان عم يصوتو و طبعا ما راح يصوتو انتماءهون لسوريا!

عندي سؤال لحد المصوتين لأحد الدينين بلكي حدا يجاوبني و بكون ممنون سلف.

هلأ بفرض انك سوري مسلم أو سوري مسيحي, تصويتك بأنو الانتماء الاساسي لدينك يعني انو انت تشعر انو واحد من غير بلد و حتى من غير لغة و غير كل شي هو أقرب بالنسبة الك أو تشعر بالانتماء الو أكتر من ابن بلدك اللي مختلف عنك بالدين؟؟ يعني جارك زميلك بالشغل بالمدرسة بالجامعة ....

تحياتي ياس
اسمحلي جاوب عن سؤالك
انا بنت سورية مسيحية والمسيح بحياتي الو دور مهم كتير وأكيد مفتخرة بكوني مسيجية
بس بالنسبة للاستفتاء انا جاوبت سورية
لأن بكل بساطةإذا إنطلب مني اختار وين بحس بانمائي هل هو مع جاري مثلاً أو مع شخص مسيحي تاني بأي بلد من بلاد العالم
جاري مهما كانت ديانتو رح يكون اقرب الي من اي مسيحي عايش باورويا ولا اميركا
لان جاري هو ابن بلدي ووجعو من وجعي وفرحو من فرحي
بس على ما يبدو بالأخوية العالم ما هيك بتفكر وتفكيرها طائفي كتير !!!!!
فإذا نحن جيل المستقبل تفكيرنا هيك فياترى شو هالمستقبل اللي عم يستنانا

[yass]

هاي هدية للشباب و الصبايا ع آخر هالليل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و من هالموضوع من اللينك بالذات هالرد هدية لكل سوريي الانتماء و الله يخليلنا ياكون و يفرّحكون ببلدكون

شو رأيك تنتمي لسوريا ؟

هيك حاف

مو صعبة كتير، يعني قبلك الفيلسوف "اندريه بارو" قال: "لكل انسان على وجه العالم وطنان، وطنه الاصلي، و سوريا"...

هلأ نحنا عنا مشكلة بحيث انو كسوريين ما عنا وطنين، بل وطن واحد، و فوق هالشي حضرتك ضايع ؟؟

تصبحو على خير...........كاسك يا وطن .................و المجد لك سوريا

[houssam.ss]

أولاً أنا سوري
ثانياً أنا مسلم علوي
صراحة أنا اعتقادي انو المنتدى مسيحي محض لعدة اسباب
1- اسمه أخوية وهو باعتقادي اسم مسيحي كتير و باعتقادي جايي من تأثر صاحب فكرة المنتدى بفكرة الأخويات المنتشرة برا بالجامعات الغربية عموما و الامريكية و الكندية خصوصاً
2- الجو العام تبع المنتدى بتحس انو في كتير نفحات مسيحية
3- المواضيع تبع المنتدى تخص "و الحق يقال " الكل المسلم و المسيحي بس في زيادة شوي بالمواضيع المسيحية
هادا رأي زلمة ما غلو علاقة إلا بحالو و شكراً على المتندى الظريف و المفيد رغم إنو لهلأ ما عرفت ليش ما فيني نزل مرفقات
وشكراً

[yass]

كاتب النص الأصلي : sandra 82

تحياتي ياس
اسمحلي جاوب عن سؤالك
انا بنت سورية مسيحية والمسيح بحياتي الو دور مهم كتير وأكيد مفتخرة بكوني مسيجية
بس بالنسبة للاستفتاء انا جاوبت سورية
لأن بكل بساطةإذا إنطلب مني اختار وين بحس بانمائي هل هو مع جاري مثلاً أو مع شخص مسيحي تاني بأي بلد من بلاد العالم
جاري مهما كانت ديانتو رح يكون اقرب الي من اي مسيحي عايش باورويا ولا اميركا
لان جاري هو ابن بلدي ووجعو من وجعي وفرحو من فرحي
بس على ما يبدو بالأخوية العالم ما هيك بتفكر وتفكيرها طائفي كتير !!!!!
فإذا نحن جيل المستقبل تفكيرنا هيك فياترى شو هالمستقبل اللي عم يستنانا

المسيح يحميكي و يحفظك و يسعدك و يسعد بلدك و جيرانك فيكي


الك مني باقة ياسمين شامي

[اممي]

كاتب النص الأصلي : yass

أنا عندي اعتراض عالخيارات

سوريا - اسلام- مسيح- حزبي- و لا وحدة اللي فوق

أول 3 فهمتهون (و صوّتت لأول وحدة طبعا).... نوعا ما بس

سوريا ممكن انتميلها كقومي سوري, أو ممكن كوطني سوري... في فرق


ممكن حدا يتكرّم و يشرحلي مين الحزب اللي يحط الانتماء لألو فوق الانتماء الوطني أو الديني؟؟ الاممية الشيوعية يعني؟

و منشان خيار ( ولا وحدة من اللي فوق) 18%....وين كل بعثية البلد؟ ما هاد الخيار شامل العروبة اللي الكل نسيانها ( و بيني و بينكون هاد اللي فرحان عليه أنا )

مشان كلمة حزبي ماكنت بعنيه فيه الحزب الشيوعي (باعتبار اني يساري) بالبالقصد ان اي حزب من هالاحزاب الي بالساحة
سوريا بعني فيها سوريا ...هالوطن الباينت صار منسي
اما ولا وحدة هاد حطيت للاشخاص الغير سورين والي مالاقو اسم الوطن الي بينتمو لالو اعلاه او اشخاص بانتماءات شخصية او اديان غير المذكورة

[يمان Rooooonaldo]

بالنسبة الي .. انا سوري اه يا نيالي ..


والشباب والردود الباقية .. حكت كم كلمة ممكن كان اني احكيون ..

[اممي]

كاتب النص الأصلي : yass

هلأ بفرض انك سوري مسلم أو سوري مسيحي, تصويتك بأنو الانتماء الاساسي لدينك يعني انو انت تشعر انو واحد من غير بلد و حتى من غير لغة و غير كل شي هو أقرب بالنسبة الك أو تشعر بالانتماء الو أكتر من ابن بلدك اللي مختلف عنك بالدين؟؟ يعني جارك زميلك بالشغل بالمدرسة بالجامعة ....

عرفت وين طلع الصواب ...يعني الرفاق بيتضامنوا مع الافغاني الي جاي من برا ضد التقدمي السوري او يمكن شي هالرفيق الي مصوت المسيح يوقف مع شي جيش مسيحي جاي ياخد هالبلد
انا ناطر نهاية هالتصويت...يعني بعد بكرا

[اممي]

كاتب النص الأصلي : yass

عم اسأل عن جد... لأنو حتى لو الاممية الشيوعية الكلام مو دقيق...

رفيق ياس انا يساري اممي اوومن ان الاوطان انحطت حواجز امام تكاملنا الانساني ..بس رغم كل هاد انا صوتت لسوريا لاسباب منها ان بالفكر الاممي بنومن ان الي مافيه يحس بالارض والشعب والانسان الي محيط فيه مستحيل راح يحس بالانسان الي غريب عن ومستحيل يوم من الايام راح نملك وطن كبير بيجمعنا كلنا

[sandra]

المسيح يحميكي و يحفظك و يسعدك و يسعد بلدك و جيرانك فيكي

شكراً كتير ياس
دعائك هاد بيسوى الدنيا عندي
ما بعرف شو توجهاتك دينية أو لادينية..... بكل الاحوال الله يحفظك ويحميك ويحمي بلدنا

كاتب النص الأصلي : اممي

عرفت وين طلع الصواب ...يعني الرفاق بيتضامنوا مع الافغاني الي جاي من برا ضد التقدمي السوري او يمكن شي هالرفيق الي مصوت المسيح يوقف مع شي جيش مسيحي جاي ياخد هالبلد
انا ناطر نهاية هالتصويت...يعني بعد بكرا

ليش أممي لننطر بعد بكرا؟ ما المكتوب مبين من عنوانو
ولا عندك أمل تتغير النسبة !!!!!