أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 06/07/2009   #181
شب و شيخ الشباب التقرير الجوال
عضو
-- زعيـــــــم --
 
الصورة الرمزية لـ التقرير الجوال
التقرير الجوال is offline
 
نورنا ب:
Nov 2007
المطرح:
U.S.A
مشاركات:
1,282

إرسال خطاب Yahoo إلى التقرير الجوال
افتراضي


ياريتني مشهور بموقعكن بالتخبيص متل ما حضرت مشهور فيه, كان قلنا مش مشكل, أنا ما بعرف طريق المشاركات العاطلة فجد بدّك تحترم هالشي و تقدرو و تعمل عليه, خصوصاً لما تناقشني .. و المرة التانية ياريت تخللي للنقاش فكرياً أعمق و يا حبّذا ما بيكون في استعراض و جد The more you read and search,The more you convince people
اقتباس:
واضح انك ما فهمت ولا كلمة من الردود السابقة أو ما عذبت حالك بانك تقراها
وقت بدك تفتح باب السماح لطائفة معينة بالحصول على قانون شخصي خاص فيها بتكون بشكل أو بآخر عم تجزء البلد ..
ممكن يطلعلك كل 200 زلمة بطائفة معينة شو بتعمل ببلدك ؟ بتعمل قانون خاص بكل واحد منن ؟
برد من هلردود اللي حضرتك ما فهمت مضمونها قلت اننا صعب نستورد قانون مدني وصعب نهمش الجانب الديني للانسان المتدين وخصوصا عند المسلمين كون الاسلام بعرّف على نفسه على انه ( دين + دولة )
من لسانك أدينك .. يعني هلأ أنت بمعيّة البعض يللي بيطالبو باسقاط القانون و صياغة آخر بيناسب أهواءكن و مزاجاتكن بيكون هيك سليم؟ قديش نسبتكن انتو؟ 1000 .. 2000 .. 1,000,000 من ضمن 20,000,000 بكل بساطة بدك تمسح شريعة بتآمن فيها الأغلبية منشان شرذمة منكن بيصير القانون مناسب لإلها .. سبحان الله!
هي انت و جماعتك و خلينا نسلّم جدلاً بأنكن 200 و نطيتو عالشاشة تطالبو بصياغة قانون آخر لأنو في عندكن أفكار و معتقدات مغايرة .. برأيك و بناءاً على ما أسلفت نعمللكن قانون جديد و إلا " لأ " متل ما أنت حكيت
شو الهيئة عم نخربط!
لك لأ مو هيك القانون مش بس للمتدينين .. القانون لكل انسان مسلم أو عايش على تراب سوريا و قطعاً مش بس للمتدينين.
اقتباس:
وبيني وبينك بحلقي كلمة من أول الموضوع وما عم دجا بوجك مشان ما حدا يتدايق .. تركتا لفهمك وذكائك لتوصلك الفكرا لحالها .. بس بظل قرائتك الخرافية صار لازم دجها بوجك ..
لو الشريعة الاسلامية عم تحقق العدل بين المواطنين ما كان حدا فتح تمه .. لو عم تضمن العدل والمساواة بين الكل وما عم تعمل على التفرقة بين واحد على التاني ما كان صار بالأصل مشاكل واعتراضات على القانون من الأساس .
بس برجع بقلك بدك اتطبق على حياتك الشخصية أيا شي حاببه ما لي علاقة فيك .. بس وقت بدك اتطبع العلاقات بينك وبين بقية المواطنين وتمنح حالك أفضلية على البقية فصار لازم تعرف حدودك وشو الك وشو عليك .
لك حبيبي دج قد ما بدّك .. أصلاً الحكي هون كلّو دَج بدج .. سبق و قلتللك القانون مستمد من الشرع الإسلامي و بدّك تفهم بأنو عم يعمل على تنظيم علاقات المسلمين بغيرهن ببعض فقرات من القانون " وين الغلط "؟
خود هالشقفة .. مثلاً أنا ما بدي اتعامل مع المسيحي أو اليهودي " لك أنت مين لتمنعني من تطبيق هالفكرة "؟
لك يا عمي مابدي تعامل معك "خلصنا من هالسيره " بس بنفس الوقت أنا و أنت منصهرين بهالمجتمع يللي حاطللنا روابط و قوانين بتنظم أمورنا " كمان وين الغلط؟
مافي أفضلية بالموضوع .. كل ما هنالك بأنو الشرع بيسمح أو ما بيسمح و نحن ماشيين عليه و أنت أو غيرك إذا في عندكن ذرة احترام لمعتقد الغير كان بطلتو مهاجمة القانون .. على أساس بأنو يا عمي هدول هيك أفكارهن
ما بدهنيانا خلص يصطفلو .. فيك تفكر هيك و تحكي هيك؟؟
اقتباس:
أغرب نموذج بالعالم هوي اللي ببوس الايدين والرجلين ليطلع للغروب وبيقعد بينتف بدقن الغرب على انحلال الحداثة وسذاجة الانسياق نحو الفكر الغربي
تعا لئلك احكيلي شو ممكن آخده اذا التفتت على الحاضرة العربية
معك من العصر القديم للحديث .. هات لشوف أسمعني وأطربني أنغامك الشجية
نهضة فكرية ؟ فكر سياسي ؟ نظريات اقتصادية ؟ خطط وتوجهات ؟ تطور وعمل ؟ أفكار اخلاقية وقيم انسانية ؟
هات نورني بنور علمك ومعرفتك .
يا رجل بيكفي قرف .. زين كلامك و عروف كيف تحكي .. و إذا انت مش سائل عن شو رح ينقال عنّك لما تكتب هيك حكي وضيع, فأنا من الناس يللي بتزين كلامها و بتحب تتعامل بالمثل.
نحن ما طلعنا عالغرب ببوسة أيادي .. كمان نحن مش منجننين لنطلع عالغرب لنشوف نسوانو ماشين بطرقاتو كاشفين كل الحياء .. و نعم للتطور العلمي و الحداثة.
و بدك تتنور شوي و تفرّق بين فكر الغرب و أسلوب حياة الغرب .. مافي حدى عندو اعتراض على الفكر الغربي .. الفكر يللي بينجز تطور .. أسلوب الحياة منحل .. و أنت و جماعتك هون حابينو و بدكنيا بتعرف ليش؟
منرجع لقانون الأحوال الشخصية .. عصر الذمة قديم قدم التاريخ .. المسيحية بسوريا قديمين قدم التاريخ .. المُسمّى ذمّي كمان قديم قدم التاريخ .. و ما كان في مشاكل فعلية .. بس المشاكل الفعلية يللي انت و غيرك عم تدورو عليها هي المرأة .. يللي صارت نادلة بخمارة بالغرب .. يللي ما بتفكر لحظة عن ممارسة أساليب فاحشة يندى لها الجبين على قارعة الطريق .. المشكلة المرأة يللي صار في عندها الحق بالانفصال عن زوجها و هي مازالت على ذمتو و بتروح بتاخد بويفرند و هي لساتها فعلياً متزوجة لصدور قرار من المحكمة بالتطليق بعد سنة .
المشكلة هي الصرخة الكاذبة بوجه بأنو المراة عاجزة أمام بعض الأمور و هاد واقع .. المشكلة بدكن و الله أعلم مرأة
للترفيه. مافي مرأة للترفية بشرع الاسلام و انشاءالله مارح يكون هيك.

و هي ليكك عم تحكي عن بيئة مسيحية دليل على انو غير أديان في عندها نموذج حياة معين خاص فيها
لك انت كل فكرك على بعضو تخبيص .. لما قلت ما بيحارب هاد رجوعاً للدولة الإسلامية و قت كان في جيش إسلامي .. و ما كان في مسيحي محارب فيه.

Flush it down the Loo
  رد مع اقتباس
قديم 06/07/2009   #182
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
منرجع لقانون الأحوال الشخصية .. عصر الذمة قديم قدم التاريخ .. المسيحية بسوريا قديمين قدم التاريخ .. المُسمّى ذمّي كمان قديم قدم التاريخ .. و ما كان في مشاكل فعلية .. بس المشاكل الفعلية يللي انت و غيرك عم تدورو عليها هي المرأة .. يللي صارت نادلة بخمارة بالغرب .. يللي ما بتفكر لحظة عن ممارسة أساليب فاحشة يندى لها الجبين على قارعة الطريق .. المشكلة المرأة يللي صار في عندها الحق بالانفصال عن زوجها و هي مازالت على ذمتو و بتروح بتاخد بويفرند و هي لساتها فعلياً متزوجة لصدور قرار من المحكمة بالتطليق بعد سنة .
المشكلة هي الصرخة الكاذبة بوجه بأنو المراة عاجزة أمام بعض الأمور و هاد واقع .. المشكلة بدكن و الله أعلم مرأة
للترفيه. مافي مرأة للترفية بشرع الاسلام و انشاءالله مارح يكون هيك.
استاذ لو سمحت عندي سؤال ..

هلأ انا فهمت انو المصطلح ذمي بختص بالاخوة المسيحيين ..و انو هو شي منيح .

طيب اللي مانهن مسيحين ..ولا يهود يعني ...الجماعة اللي بيعبدوا المشمش مثلاً ...هدول ذميين شي ؟
طيب اذا مانهن من اهل الذمة شو بكون وضعهن بالضبط ؟؟

يعني بيترتب عليهن شي رسوم اضافية ؟

بتتاخد شهادتهن بالمحكمة .؟

بصير يتزوجوا مثلاً ؟؟

انا حاسس انو حاصرين الموضوع بين مسلمين و مسيحيين و كانو مافي غير اسلام و مسيحية بالعالم !!!

J.S: Death is the solution to all problems. No man = No problem.
  رد مع اقتباس
قديم 06/07/2009   #183
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
كاتب النص الأصلي : hashtnasht عرض المشاركة
استاذ لو سمحت عندي سؤال ..

هلأ انا فهمت انو المصطلح ذمي بختص بالاخوة المسيحيين ..و انو هو شي منيح .

طيب اللي مانهن مسيحين ..ولا يهود يعني ...الجماعة اللي بيعبدوا المشمش مثلاً ...هدول ذميين شي ؟
طيب اذا مانهن من اهل الذمة شو بكون وضعهن بال
هدول بيسميهن مشروع القانون الزفت مرتدين
وما بيقدروا يتجوزا ولا يعملوا شي على حسب مشروع القانون الجديد

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 06/07/2009   #184
شب و شيخ الشباب التقرير الجوال
عضو
-- زعيـــــــم --
 
الصورة الرمزية لـ التقرير الجوال
التقرير الجوال is offline
 
نورنا ب:
Nov 2007
المطرح:
U.S.A
مشاركات:
1,282

إرسال خطاب Yahoo إلى التقرير الجوال
افتراضي


اقتباس:
كاتب النص الأصلي : hashtnasht عرض المشاركة
طيب رفاع راسك لفوق شوي ..و تأكد بنفسك اني ماني تارك ال ناقصة !!

و على فكرة عم حكيك جد ..ماني عم نكت
طيب .. و هي حذفنالك المشاركة لأنك أنت عدلت بمشاركتك و كمان رح نجاوز " المشمش " ما بيكون قصدك غير شي ها!
اي بالظبط الموضوع محصور بين مسيحيين و مسلمين مع انو في كتير ملل و طوائف .. بس مابظن في حدى موجود هون بيمثلهن كان آجروا.
بخصوص الغير ذمي يعني بجد مثلاً الوثني ما بعرف إذا شهادو مقبولة او غيرو بس يللي بعرفو بانو المسلم ممنوع من الزواج بوثني او و ثنية .
  رد مع اقتباس
قديم 06/07/2009   #185
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


اقتباس:
القانون لكل انسان مسلم أو عايش على تراب سوريا و قطعاً مش بس للمتدينين.
انسان مسلم .. مسلم عايش على تراب سوريا .. مسلم متدين ..

الباقي الباقي ..
شرحلي شو وجهة نظر الباقي ..

اقتباس:
مابظن في حدى موجود هون بيمثلهن كان آجروا.
طيب انو ما في حدا بيمثّلهن ..ازا ما في حدا بيحكي باسمهن.. ما بيطلعلن شي مثلأ؟

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 06/07/2009   #186
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : التقرير الجوال عرض المشاركة
ياريتني مشهور بموقعكن بالتخبيص متل ما حضرت مشهور فيه, كان قلنا مش مشكل, أنا ما بعرف طريق المشاركات العاطلة فجد بدّك تحترم هالشي و تقدرو و تعمل عليه, خصوصاً لما تناقشني .. و المرة التانية ياريت تخللي للنقاش فكرياً أعمق و يا حبّذا ما بيكون في استعراض و جد The more you read and search,The more you convince people
موقعكن بالتخبيص متل حضرتي ، النقاش فكريا أعمق
وصلت الفكرة ( إن وجدت )

اقتباس:

من لسانك أدينك .. يعني هلأ أنت بمعيّة البعض يللي بيطالبو باسقاط القانون و صياغة آخر بيناسب أهواءكن و مزاجاتكن بيكون هيك سليم؟ قديش نسبتكن انتو؟ 1000 .. 2000 .. 1,000,000 من ضمن 20,000,000 بكل بساطة بدك تمسح شريعة بتآمن فيها الأغلبية منشان شرذمة منكن بيصير القانون مناسب لإلها .. سبحان الله!
هي انت و جماعتك و خلينا نسلّم جدلاً بأنكن 200 و نطيتو عالشاشة تطالبو بصياغة قانون آخر لأنو في عندكن أفكار و معتقدات مغايرة .. برأيك و بناءاً على ما أسلفت نعمللكن قانون جديد و إلا " لأ " متل ما أنت حكيت
شو الهيئة عم نخربط!
لك لأ مو هيك القانون مش بس للمتدينين .. القانون لكل انسان مسلم أو عايش على تراب سوريا و قطعاً مش بس للمتدينين.
حاول شوي تأشعرني أو توهمني بأنك عم تقدر تفهم علي
عم قلك هلقانون هاد بيفتح باب تقسيم البلد وما بصح أنك تعمل قوانين خاصة لكل طائفة لأن هلشي بيرتب عليك لتقدر تحقق العدل تراعي كل الطوايف وتقسم بلدك وقانونك بحسب عدد الطوايف اللي بيتشكل بلدك منه
بتنط بترد علي بالشرذمات وبحديث الأقليات المخجل تبعك
أولا في سوريا مافي شي أسمه أقليات ، عدديا نعم في أقليات واغلبية واكثرية ، لكن قانونيا وأمام القانون الجميع مواطنين
هلشي ما من عندي هلشي جايبه من الدستور السوري اللي بقول
" المواطنون متساوون أمام القانون في الحقوق والواجبات."
استخدامك منطق الأكثرية جدا خاطئ بهاد المجال ، برجع بقلك مواطنين سوريا مافي شرذمات واقليات ، يا رجل الأقليات العرقية عم تعبر مواطنين من الدرجة الأولى وما عم يتم التفريق بيناتن ( على أقل تقدير على الورق مافي ايا نص بفرق بين الأقليات القومية وبقية المواطنين ) فمن وين طالعلي بنظرية أكثرية المواطنة هي ؟؟؟

التساوي مصطلح واضح جدا ما بحاجة تفسير وتبرير وبروشورات أستدلال
وواضح تماما غيابه من صيغة المشروغ المرفوض قلبا وقالبا من قبل مكتب رئاسة الوزراء ونقطة علسطر .


اقتباس:
لك حبيبي دج قد ما بدّك .. أصلاً الحكي هون كلّو دَج بدج .. سبق و قلتللك القانون مستمد من الشرع الإسلامي و بدّك تفهم بأنو عم يعمل على تنظيم علاقات المسلمين بغيرهن ببعض فقرات من القانون " وين الغلط "؟
يا أخي ما حدا عم يتدخل بتفاصيل حياة المسلم ، بس ليش ليعطي هلتفاصيل أفضلية على الباقيين ؟
بالأول خلينا نتفق على هلنقطة ، انت شايف انه في أفضلية للمسلم على البقية الاديان او لا ؟
لأن من حكيك واضح أنك معتبر القانون قمة المنطق والعدل وما عم يعمل أفضليات ومحسوبيات أبدا ، فانه خبرني لأفهم كيف شايف الوضع من زاويتك .



اقتباس:
خود هالشقفة .. مثلاً أنا ما بدي اتعامل مع المسيحي أو اليهودي " لك أنت مين لتمنعني من تطبيق هالفكرة "؟
لك يا عمي مابدي تعامل معك "خلصنا من هالسيره " بس بنفس الوقت أنا و أنت منصهرين بهالمجتمع يللي حاطللنا روابط و قوانين بتنظم أمورنا " كمان وين الغلط؟
تنباع بالعزا
بس بصراحة انصدمت من درجة التشوه اللي واصله تفكيرك خصوصا من ناحية الكره للآخر ، المشكلة انه شو ما بدي علق على منهجية تفكيرك بدي كون عم هين الاسلام والفكر الاسلامي المعاصر اللي انت متبنيه
لهيك ما رح قلك شي .. تتهنى بحالك .
اقتباس:

مافي أفضلية بالموضوع .. كل ما هنالك بأنو الشرع بيسمح أو ما بيسمح و نحن ماشيين عليه و أنت أو غيرك إذا في عندكن ذرة احترام لمعتقد الغير كان بطلتو مهاجمة القانون .. على أساس بأنو يا عمي هدول هيك أفكارهن
ما بدهنيانا خلص يصطفلو .. فيك تفكر هيك و تحكي هيك؟؟
اذا بترجع لكام رد لورا بتشوف اني كتبتلك
اقتباس:
القرف من الموضوع بأنه المسلم بحط عقيدته وافكاره الدينية الخاصة على طاولة النقاش وبيمنع كل الجالسن من نقدها مشان احترام عقيدته !!
يا اخي انا من حقي انقد قانون الأحوال الشخصية في حال ما حقق للعادلة
اذا بدك تحترم مقدساتك لا تنزلها لطاولة الحوار ولا تفرضها علي فرض
عيش بكنفها متل ما بدك وطبق تعاليمها متل ما بدك ، بس لا تفرضا علي ولا تحاول تجبرني على أتباعها خصوصا اذا كان فيها انتقاص للعدالة وغايب فيها أبسط مبادئ المساواة .


اقتباس:
يا رجل بيكفي قرف .. زين كلامك و عروف كيف تحكي .. و إذا انت مش سائل عن شو رح ينقال عنّك لما تكتب هيك حكي وضيع, فأنا من الناس يللي بتزين كلامها و بتحب تتعامل بالمثل.نحن ما طلعنا عالغرب ببوسة أيادي .. كمان نحن مش منجننين لنطلع عالغرب لنشوف نسوانو ماشين بطرقاتو كاشفين كل الحياء .. و نعم للتطور العلمي و الحداثة.
اذا مانك شايف بالغرب غيب نساء ماشيين بلا حجاب ، وغير عهر وانحطاط اخلاقي .. شو اللي مقعدك هنيك ؟
مرة قريت مقالة لكاتبة سورية مغتربة بتحكي فيها انه شب مسلم سافر على الولاية اللي عايشة فيها ، عم يوصف الحي اللي سكن فيه من عهر وانحطاط وقرف وانتشار للكاباريهات ولمناظر الانحاط .

اللي بدي قلك ياه أنه الباحث عن الشي أكيد بده يشوفه ، لو بدك تبحث عن الأجسام ومناظرالأنحطاط فينك تروح على أكتر الشوارع "التزاما " وبأكدلك بدك تشوف الشي اللي عم تبحث عنه .
الفرق بيبقى بمستوى التفكير والاهتمامات ، لهيك ما بعتقد بدك تقدر تفهم علي .


اقتباس:
و بدك تتنور شوي و تفرّق بين فكر الغرب و أسلوب حياة الغرب .. مافي حدى عندو اعتراض على الفكر الغربي .. الفكر يللي بينجز تطور .. أسلوب الحياة منحل .. و أنت و جماعتك هون حابينو و بدكنيا بتعرف ليش؟
لا والله خبرني ليش


اقتباس:
منرجع لقانون الأحوال الشخصية .. عصر الذمة قديم قدم التاريخ .. المسيحية بسوريا قديمين قدم التاريخ .. المُسمّى ذمّي كمان قديم قدم التاريخ .. و ما كان في مشاكل فعلية .. بس المشاكل الفعلية يللي انت و غيرك عم تدورو عليها هي المرأة .. يللي صارت نادلة بخمارة بالغرب .. يللي ما بتفكر لحظة عن ممارسة أساليب فاحشة يندى لها الجبين على قارعة الطريق .. المشكلة المرأة يللي صار في عندها الحق بالانفصال عن زوجها و هي مازالت على ذمتو و بتروح بتاخد بويفرند و هي لساتها فعلياً متزوجة لصدور قرار من المحكمة بالتطليق بعد سنة .
نفس الحكي اللي كتبتلك ياه فوق .. اللي بدور على شيء بلاقيه
اللي بده يشوف أنه المرأة عم تشتغل نادلة بخمارات الغرب رح يشوفها واللي بده يشوف أنه المرأة عم تستلم وزارات وحملات انتخابية وتقيم برامج ثقافية ونشاطات خيرية .. كمان رح يشوفا

بس تصحيصح .. انت بفكرك هاد بيتهألك انها ما بتفكر للحظة عن ممارسة أساليب الفاحشة
لأنك ما قادر تشوف فيها غير فاحشة متحركة ..حاول رقّي شوي من نظرتك .. صدقني رح تحلى كل الدينا بعيونك .

اقتباس:
المشكلة هي الصرخة الكاذبة بوجه بأنو المراة عاجزة أمام بعض الأمور و هاد واقع .. المشكلة بدكن و الله أعلم مرأة
للترفيه. مافي مرأة للترفية بشرع الاسلام و انشاءالله مارح يكون هيك.
اذا نظرت لمفهوم تعدد الزوجات على انه "زنا بطرق شرعية " بجوز تختلف نظرتك للموضوع


اقتباس:
و هي ليكك عم تحكي عن بيئة مسيحية دليل على انو غير أديان في عندها نموذج حياة معين خاص فيها
برأيك مافي فرق ؟ كمثال بسيط وسريع ، الأب المسيحي ما عنده مشكلة يبعت بنته سفرة لبرات القطر لوحدا للدراسة وهلشي صاير بعيلتي بشكل مباشر بأكتر من حادثة . مثال بسيط على أختلاف التعامل واختلاف البيئة وأختلاف النظرات فطبيعي وقت بدك تهاجملي بيئتي انطلاقا من تبنيك نظرة بيئتك واعتبارها مثالية رح رد عليك بدفاع عن البئية اللي اقتنعت بأفكارها .
اقتباس:
لك انت كل فكرك على بعضو تخبيص .. لما قلت ما بيحارب هاد رجوعاً للدولة الإسلامية و قت كان في جيش إسلامي .. و ما كان في مسيحي محارب فيه.
بأيا عصر عايش ؟
جيشنا اسمه الجيش العربي السوري ومنفخر بحمل لوائه
سوريا وطن للكل وما حدا بحقله يتدخل فيه .
أفضل خدمة بتقدمها لنفسك بعد ما هنت أرواح مئات الشهداء اللي بذلوا دمن علأرض .. هية أنك تسكت واتطلع على شغلتك وتحترم نفسك لأن بحسب التاريخ الأشخاص هدول بذلوا روحن حتى تعيش حياة شخص محترم .

رايحة تزور
كوخ مسحور
  رد مع اقتباس
قديم 06/07/2009   #187
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
كاتب النص الأصلي : التقرير الجوال عرض المشاركة
طيب .. و هي حذفنالك المشاركة لأنك أنت عدلت بمشاركتك و كمان رح نجاوز " المشمش " ما بيكون قصدك غير شي ها!
اي بالظبط الموضوع محصور بين مسيحيين و مسلمين مع انو في كتير ملل و طوائف .. بس مابظن في حدى موجود هون بيمثلهن كان آجروا.
بخصوص الغير ذمي يعني بجد مثلاً الوثني ما بعرف إذا شهادو مقبولة او غيرو بس يللي بعرفو بانو المسلم ممنوع من الزواج بوثني او و ثنية .
حلو ...وصلني حقي .

انا اللي بدي قولو ببساطة انو حصر الموضوع بمسلمين و مسيحين هو اساس المشكلة , هو الاساس اللي خلى هيك انواع قوانين تطلع .

ما المفروض ابدا انو ينطلب ممثلين عن الملحدين ..او اللادريين ..او عبدة المايونيز ...المفروض انو يكون في قانون بيحترم المواطنة ..و بينظر للمواطن على انو مواطن ..متساوي مع بقية المواطنين بالحقوق و الواجبات ..نقطة انتهى .

اي تمييز بالحقوق و الواجبات بين المواطنيين بناءً على الدين او المعتقد , هو انتقاص من مفهوم المواطنة ..انتقاص يدعو للقلق يعني .

انا كسوري مثلا بحقلي اتزوج من الفرنسيات مين ما بدي ...بس من السوريات لاء !! ..طيب هزلت ..ولا ما هزلت برايك ؟
  رد مع اقتباس
قديم 06/07/2009   #188
شب و شيخ الشباب التقرير الجوال
عضو
-- زعيـــــــم --
 
الصورة الرمزية لـ التقرير الجوال
التقرير الجوال is offline
 
نورنا ب:
Nov 2007
المطرح:
U.S.A
مشاركات:
1,282

إرسال خطاب Yahoo إلى التقرير الجوال
افتراضي


اقتباس:
كاتب النص الأصلي : hashtnasht عرض المشاركة
حلو ...وصلني حقي .

انا اللي بدي قولو ببساطة انو حصر الموضوع بمسلمين و مسيحين هو اساس المشكلة , هو الاساس اللي خلى هيك انواع قوانين تطلع .

ما المفروض ابدا انو ينطلب ممثلين عن الملحدين ..او اللادريين ..او عبدة المايونيز ...المفروض انو يكون في قانون بيحترم المواطنة ..و بينظر للمواطن على انو مواطن ..متساوي مع بقية المواطنين بالحقوق و الواجبات ..نقطة انتهى .

اي تمييز بالحقوق و الواجبات بين المواطنيين بناءً على الدين او المعتقد , هو انتقاص من مفهوم المواطنة ..انتقاص يدعو للقلق يعني .

انا كسوري مثلا بحقلي اتزوج من الفرنسيات مين ما بدي ...بس من السوريات لاء !! ..طيب هزلت ..ولا ما هزلت برايك ؟
بظن هيك فينا نكّمل و بأريحة و بتفكير أعمق و أدق و حيادي ..
طيب أخي .. يعني بقطع النظر عن أي ديانة متطرفة كانت او متسامحة المفروض بيكون في تعاليمها شيئ جميل بخصوص الإنسان لنو أصلا هو غاية الحياة و الديانة ماكانت تكون لولا وجود الانسان .. أنا في عندي إيمان لحدِ ما بأنو أغلب الشرائع بتحفظ حقوق الإنسان شو ماكان فكرو او توجهو " بيجوز تشاركني بالرأي " بس الخلاف بالنقطة يللي ذكرتها تقريباً مش واضح كتير و أنا فسرتو على هالشكل .. يعني انت مثلا سوري مسيحي ما بيحقللك تتزوج مسلمة سورية .. أو وثني ما بيحقللك تتزوج مسيحية أو مسلمة .. ممكن تكون أكتر دقة منشان اعرف اتعامل مع فكرتك؟
  رد مع اقتباس
قديم 06/07/2009   #189
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : hashtnasht عرض المشاركة
انا حاسس انو حاصرين الموضوع بين مسلمين و مسيحيين و كانو مافي غير اسلام و مسيحية بالعالم !!!
هي المشكلة أنه مافي شي اسمه "لاديني" او "ملحد" بسوريا
لهيك مجبرو انت يتطبق عليك قوانين المسيحي أو المسلم
حتى لو كنت سعدوي عايش على نعمة السطل .. رح تضطر تمشي بحسب القوانين المحطوطة للطوايف
  رد مع اقتباس
قديم 06/07/2009   #190
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
كاتب النص الأصلي : التقرير الجوال عرض المشاركة
بظن هيك فينا نكّمل و بأريحة و بتفكير أعمق و أدق و حيادي ..
طيب أخي .. يعني بقطع النظر عن أي ديانة متطرفة كانت او متسامحة المفروض بيكون في تعاليمها شيئ جميل بخصوص الإنسان لنو أصلا هو غاية الحياة و الديانة ماكانت تكون لولا وجود الانسان .. أنا في عندي إيمان لحدِ ما بأنو أغلب الشرائع بتحفظ حقوق الإنسان شو ماكان فكرو او توجهو " بيجوز تشاركني بالرأي " بس الخلاف بالنقطة يللي ذكرتها تقريباً مش واضح كتير و أنا فسرتو على هالشكل .. يعني انت مثلا سوري مسيحي ما بيحقللك تتزوج مسلمة سورية .. أو وثني ما بيحقللك تتزوج مسيحية أو مسلمة .. ممكن تكون أكتر دقة منشان اعرف اتعامل مع فكرتك؟
لنفرض اني مسلم بدي اتزوج ملحدة , او بوذي بدي اتزوج بوذية , او مسيحي بدي اتزوج مسلمة , او من عبدة الليموزين و بدي اتزوج سيرلنكية , يعني لكون كتير دقيق معك اعتبرني انسان بدي اتزوج انسانة . هي فكرتي ..شوف كيف بدك تتعامل معها . 
  رد مع اقتباس
قديم 06/07/2009   #191
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : hashtnasht عرض المشاركة
لنفرض اني مسلم بدي اتزوج ملحدة , او بوذي بدي اتزوج بوذية , او مسيحي بدي اتزوج مسلمة , او من عبدة الليموزين و بدي اتزوج سيرلنكية , يعني لكون كتير دقيق معك اعتبرني انسان بدي اتزوج انسانة . هي فكرتي ..شوف كيف بدك تتعامل معها .
بدك تشوف ديانة السيريلانكيا اذا بتسمحلك تتزوجها وبتسمحلك تحبها .. بجوز ما بواتي أهلا يكون عندن صهر سوري
شبعرفني هلحكي مو من عندي بدك تشوف حدا سرلنكي يفيدك بخبرته

- علهسي يا أبو نهلا علهسي - القانون المدني بعيد عنا سفر سنة ضوئية
  رد مع اقتباس
قديم 06/07/2009   #192
شب و شيخ الشباب التقرير الجوال
عضو
-- زعيـــــــم --
 
الصورة الرمزية لـ التقرير الجوال
التقرير الجوال is offline
 
نورنا ب:
Nov 2007
المطرح:
U.S.A
مشاركات:
1,282

إرسال خطاب Yahoo إلى التقرير الجوال
افتراضي


اقتباس:
كاتب النص الأصلي : hashtnasht عرض المشاركة
لنفرض اني مسلم بدي اتزوج ملحدة , او بوذي بدي اتزوج بوذية , او مسيحي بدي اتزوج مسلمة , او من عبدة الليموزين و بدي اتزوج سيرلنكية , يعني لكون كتير دقيق معك اعتبرني انسان بدي اتزوج انسانة . هي فكرتي ..شوف كيف بدك تتعامل معها .
طيب بخصوص المسيحي و زواجه من مسلمة هاد أمر مفروغ منه لأنو إذا بتعرف حضرتك بأن الرجال إلهن التأثير الاكبر على النساء و هاد واقع حاصل و المرأة بمجتمعنا مع الرجل و ين ما بيروح حتى أحياناً أنا أجزم بأن المرأة بتخضع لتطورين دماغيين أولهن عند ولادتها و الامور يللي بتتعلمها و الكم من التلافيف المخيّة يللي بتكتسبها أثاء الحياة .. و المرحلة التانية التطور و التنشئه التانية و هي لمابتتزوج و بتاخد كم كبير هائل من عادات و تصرفات زوجها " ما بعرف إذا أنت معي بهالفكره " فمن هالمنطلق هيك بتكون المرأه عُرضة لتأثيرات زوجها الفكرية و كمان العقدية .. من هالمنطلق الشرع مابيسمح للمرأة المسلمة من زواج الغير مسلم.

كمان إذا كان في وثنيين بسوريا فأكين رح يكون في إلهن مرجعيات و محاكم يحتكموا فيها و أكطيد رح يتزوجوا فيها .. بس الحاصل بأنو مافي ناس من هالنوع إلهن أثر بسوريا و إلا كان راعت الدولة شؤونهن.
  رد مع اقتباس
قديم 06/07/2009   #193
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
كاتب النص الأصلي : التقرير الجوال عرض المشاركة
طيب بخصوص المسيحي و زواجه من مسلمة هاد أمر مفروغ منه لأنو إذا بتعرف حضرتك بأن الرجال إلهن التأثير الاكبر على النساء و هاد واقع حاصل و المرأة بمجتمعنا مع الرجل و ين ما بيروح حتى أحياناً أنا أجزم بأن المرأة بتخضع لتطورين دماغيين أولهن عند ولادتها و الامور يللي بتتعلمها و الكم من التلافيف المخيّة يللي بتكتسبها أثاء الحياة .. و المرحلة التانية التطور و التنشئه التانية و هي لمابتتزوج و بتاخد كم كبير هائل من عادات و تصرفات زوجها " ما بعرف إذا أنت معي بهالفكره " فمن هالمنطلق هيك بتكون المرأه عُرضة لتأثيرات زوجها الفكرية و كمان العقدية .. من هالمنطلق الشرع مابيسمح للمرأة المسلمة من زواج الغير مسلم.

كمان إذا كان في وثنيين بسوريا فأكين رح يكون في إلهن مرجعيات و محاكم يحتكموا فيها و أكطيد رح يتزوجوا فيها .. بس الحاصل بأنو مافي ناس من هالنوع إلهن أثر بسوريا و إلا كان راعت الدولة شؤونهن.
طيب و بالنسبة لزواج المسلم من الوثنية ؟

اذا بدي اعتبر حكيك الوارد اعلاه مزبوط ..فالشرع المفروض يشجع الرجل المسلم ع الزواج من وثنية ...باعتبار انو رح تتأثر فيه فكريا و عقائديا ..هالشي اللي المفروض يكون برايك ايجابي بهالحالة .

مع هيك منشوف انو هالشي مانو مسموح

خيو بصراحة يعني ..و شغل شباب ...انت مقتنع باللي عم تحكيه ؟ يعني حديثك عن وثنيين الهن مراجع مثلاً ..انت بس تقراه ما بتحس انو بدك تضحك ؟
بعدين يا اخي الشرع على عيني و راسي , بس شو دخلو بالقانون و الحريات الشخصية ؟؟؟

يعني اذا مرة مسلمة بدها تتزوج واحد من عبدة الفلين , الفمروض انو القانون ما يعارض هالشي باعتبار انهن شخصين بالغين راشدين عاقلين و اعيين يعني ., هلأ هي من منطلق انها مسلمة رح تكون بتعرف الشرع , و بتعرف مصلحتها انها تلتزم بالشرع او لاء , ما انا و ياك بدنا نجي نلزمها بالشرع !!!
  رد مع اقتباس
قديم 06/07/2009   #194
شب و شيخ الشباب التقرير الجوال
عضو
-- زعيـــــــم --
 
الصورة الرمزية لـ التقرير الجوال
التقرير الجوال is offline
 
نورنا ب:
Nov 2007
المطرح:
U.S.A
مشاركات:
1,282

إرسال خطاب Yahoo إلى التقرير الجوال
افتراضي


اقتباس:
كاتب النص الأصلي : hashtnasht عرض المشاركة
طيب و بالنسبة لزواج المسلم من الوثنية ؟

اذا بدي اعتبر حكيك الوارد اعلاه مزبوط ..فالشرع المفروض يشجع الرجل المسلم ع الزواج من وثنية ...باعتبار انو رح تتأثر فيه فكريا و عقائديا ..هالشي اللي المفروض يكون برايك ايجابي بهالحالة .

مع هيك منشوف انو هالشي مانو مسموح

خيو بصراحة يعني ..و شغل شباب ...انت مقتنع باللي عم تحكيه ؟ يعني حديثك عن وثنيين الهن مراجع مثلاً ..انت بس تقراه ما بتحس انو بدك تضحك ؟
بعدين يا اخي الشرع على عيني و راسي , بس شو دخلو بالقانون و الحريات الشخصية ؟؟؟

يعني اذا مرة مسلمة بدها تتزوج واحد من عبدة الفلين , الفمروض انو القانون ما يعارض هالشي باعتبار انهن شخصين بالغين راشدين عاقلين و اعيين يعني ., هلأ هي من منطلق انها مسلمة رح تكون بتعرف الشرع , و بتعرف مصلحتها انها تلتزم بالشرع او لاء , ما انا و ياك بدنا نجي نلزمها بالشرع !!!
الشرع او بالأحرى الدين بيحث على الدعاية للإسلام بكل الطرق الممكنة و إذا كان زواج المسلم من وثنية ممنوع شرعا باعتبار الوثنيين بيعبدو أصنام و خرافات و هالاشيا فأكيد الشرع مارح يمنع الزواج المشروط باسلام الوثني أو تحولو لدين كتابي مثلاً .. و العبرة يا عمّي بأنو كيف بدك تتزوج وثنية بتعتقد بأنو ربها شقفة خشبة .. كيف بدك تتعايش مع وثنية بتدين بفضل بقرة عليها .. كيف بدك تتزوج من انسانة بتعبد بقرة و بتخاف من سخطها و بتشرب بولها لأنو مقدس .. يعني بدها وعي .. أنا معك بأنو أن كفرد عندك الحريّة بالاختيار .. بس ضمن نطاق دولة بدين بوجد الله و بتعمل جاهدة على عدم تدنيس محرّماته هيك الصوره بتختلف.

من فترة كنت عم إقرأ عن شخص هندوسي تزوج لكبة .. أي أخي كلبة للتكفير عن خطيئة ساواها و هي قتلو لكلبين طبعا الزواج أجري بطقس هندوسي بمعبد.
بخصوص إذا كان الوثنيين موجودين فعلاً فأكين رح يكون إلهن مرجعيات .. و هي عندك الهند مثلاً في عندن مرجعيات اسلامية و هندوسية .. بس سوريا ديانتها اسلامية و مسيحية و الديانتين بتنبذ الشرك من هون فيك تبدأ التفكير برفض اللاديني أو الوثني.

كمان الشرع نظّم المعاملات الاجتماعية و الأخلاقية و الاقتصادية و الحياتية و بيني و بيني الشرد داخل بصلب كل شي " عالقليل بالنسبة للشرع الاسلامي".. و بالمناسبة أنا فاهم أنت من أي منطلق عم تحكي باعتبار الانسان حر و بيساوي ييلي شايفو مناسب .. بس كمان بدّي قللك ضمن مجتمع بيدين بديانة معينة هون صارت صلاحياتو أو حريته محدودة .. خليني صيغها بشكل تاني .. مش محدودة بالمطلق و لكن محدودة بما يتعارض مع نهج الديانة السائدة في البلد يعني عمول يللي بدكيا بس إنو تطلع و تشهّر بالديانات أو تعمل أور مخالفة للشرع مسيحي أو اسلامي و تعلن هالشي ليقتدي في الغير!! هيك أنت أصبت المعتقد السائد و صار لازم يوقفوك عند حدّك.
باختصار البلد روحانياً مسلّم لتعاليم الله .. مسلمين أو مسيحيين فجد مش بالساهل كسر هالتعاليم أو تجاوزها.
  رد مع اقتباس
قديم 06/07/2009   #195
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


بالإذن من الجميع وباعتبار مشروع القانون ألغي والنقاش فيه ماعد إلو داعي غير المزيد من الحساسية قبدنا نسكر الموضوع


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 08/11/2009   #196
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


نشكر الله انو ريمي نسيت تسكر الموضوع

قم واضرب المستحيل بقبضتك اليسرى
انت تستطيع ذلك
http://themanofpapers.wordpress.com
  رد مع اقتباس
قديم 08/11/2009   #197
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


بعد الاعتراضات الواسعة والرافضة لمشروع قانون الأحوال الشخصية الجديد الذي أعدته لجنة سرية بتاريخ 5/4/2009 بموجب قرار للسيد رئيس مجلس الوزراء السوري بتاريخ 7/6/2007، ورقم /2437، خرجت علينا من جديد تلك اللجنة السرية بمشروع جديد هذه المرة، مشروعاً يختلف كلياً عن المشروع السابق الذي شكل خطوة هائلة إلى الوراء وتراجعاً حتى عن قانون الأحوال الشخصية النافذ حالياً ولقي اعتراضات وانتقادات كثيرة وأثار ضجة كبيرة في أوساط واسعة من السوريين والسوريات.
وبعد الاطلاع على النسخة الجديدة من المشروع المذكور التي تم توزيعها منذ يومين على الجهات المختصة بما فيها ممثلي الطوائف المسيحية، تبين أن هذه النسخة الجديدة هي صورة طبق الأصل عن قانون الأحوال الشخصية النافذ حالياً مع بعض التعديلات. وإضافات جديدة لم تكن واردة سابقاً. وقد احتوى المشروع على 318 مادة أي بزيادة /8/ مواد عن القانون الحالي . والمواد الجديدة وردت في المشروع بنسخته الجديدة في الباب الخامس تحت عنوان "كفالة الصغير والتكافل الأسري" من المادة 162 وحتى المادة 169 ، وعرفت المادة 162 كفالة الصغير بأنها " هي الإلزام برعاية طفل وحمايته وتربيته والإنفاق عليه كما يفعل الأب مع ولده ولايترتب عليها حق النسب ولا في الإرث). وكفالة الصغير تشبه إلى حد بعيد موضوع التبني، وهذا أمر إيجابي ولا شك.
أما بالنسبة إلى التعديلات التي وردت في المشروع ، فإنها لا تختلف في جوهرها على ما هو منصوص في القانون الحالي. وأهم تلك التعديلات هو حذف كلمة نكاح واستبدالها بكلمة زواج إلا أن كلمة موطوءة ترد في أكثر من مكان في المشروع. كما تم رفع سن الزواج بالنسبة للمراهق والمراهقة في المادة 18 من المشروع "-إذا ادعى المراهق البلوغ بعد إكمال السابعة عشر أو المراهقة بعد إكمالها الخامسة عشر وطلباً الزواج يأذن به القاضي إذا تبين له صدق دعواهما واحتمال جسميهما". وهو تعديل جيد إذا ما قورن بنص المادة 18 من القانون الحالي التي نصت :" -إذا ادعى المراهق البلوغ بعد إكمال الخامسة عشرة أو المراهقة بعد إكمالها الثالثة عشرة وطلباً الزواج يأذن به القاضي إذا تبين له صدق دعواهما واحتمال جسميهما." وإن كنا نفضل إلى إلغاء هذه المادة نهائياً وتحديد سن الزواج للفتى والفتاة بسن 18.
وحافظ المشروع الجديد على التمييز بين الرجل والمرأة لمصلحة الزوج فعل سبيل المثال في المادة /4/ المتعلقة بالخطبة فإن المرأة تلزم بإعادة المهر أو مثله سواء كان العدول منها أو من الخاطب. والمادة 27 التي تنتقص من أهلية المرأة بقيت كماهي "إذا زوجت الكبيرة نفسها من غير موافقة الولي فإن كان الزوج كفؤاً لزم العقد وإلا فللولي طلب فسخ النكاح" وكذلك المادة 14 التي تمثل قمة الانتقاص من أهلية المرأة حين جعل شهادة الرجل تعادل شهادة امرأتين في المادة 12/خلافاً لأحكام المادة 25/3 " المواطنوان متساوون أمام القانون" .
وكذلك في المادة 73 التي نصت :"يسقط حق الزوجة في النفقة إذا عملت خارج البيت دون إذن زوجها، ويعد سكوته بعد علمه بعملها في أثناء الخطبة إذناً لها في العمل لا يسقط حقها في النفقة".وذلك خلافاً مع ما نص عليه الدستور وخاصة المادة 36 التي تقول بأن العمل حق لكل مواطن وواجب عليه. أما المادة 37 فقد شكلت إهانة بالغة للمرأة عندما أبقى المشروع على تعدد الزوجات "لا يجوز للرجل أن يتزوج المرأة الخامسة حتى يطلق إحدى زوجاته الأربع وتنقضي عدتها".
وحافظ المشروع أيضاً على منع زواج المسلمة بغير المسلم خلافاً لما نص عليه الدستور السورية في المادة 35 منه التي ضمنت حرية المعتقد والعقيدة،ومع كافة المواثيق والمعاهدات الدولية التي وقعت عليها سوريا.
واعتبر المشروع في المادة 313 منه أن " كل ما لم يرد نص في هذا القانون يرجع فيه إلى القول الأرجح في المذهب الحنفي .والتي ينظمها كتاب الأحكام الشرعية في الأحوال الشخصية على مذهب الأمام أبي حنيفة النعمان لمحمد قدري باشا الملحق في قانون الأحوال الشخصية السوري والذي يتضمن فيما يتضمن أحكام اللعان والظهار التي تعيد المجتمع إلى عصور الانحطاط .
أما فيما يختص بالطوائف المسيحية فقد نص مشروع القانون في المادة 316 بصراحة على انه لايجوز تعدد الزوجات، ونصفي المادة 318 منه على إلغاء القانون رقم /10/ الخاص بطائفة السريان الأرثوذكس، والقانون رقم /23/ الخاص بطائفة الروم الأرثوذكس، والقانون/31/ الخاص بطائفة الروم الكاثوليك. والسؤال الذي يطرح نفسه أن تلك الطوائف التي ألغيت قوانينها الخاصة على أي قانون سترجع؟ المرجح أنها ستعود إلى القوانين الكنسية التي كانت سائدة أيام الاحتلال العثماني لبلادنا.
باختصار المشروع الجديد لم يخرج عن الإطار العامّ للقانون الحالي، وبقيت أحكامه تدور في فلك النظرة الإسلامية للمجتمع، وكيفية بناء العلاقات بين أبنائه، فاللجنة التي أعدت هذا المشروع لم تحاول مجرّد محاولة، مواكبة التطوّر الكبير الذي طرأ على المجتمع وبنيته وخصائصه منذ خمسينات القرن الماضي وحتى اليوم. بل حافظت بأمانة على كل المساوئ التي يقوم عليها القانون الحالي، وتجاهلت الاتفاقيات الدولية، التي وقعت عليها سوريا بدءا من الإعلان العالمي لحقوق الإنسان، ومروراً باتفاقية حقوق الطفل، وليس انتهاء باتفاقية مناهضة كافة أشكال العنف ضد المرأة (سيداو).كما تجاهلت الدستور السوري، واعتمدت معيار الانتماء الطائفي" بصفته الانتماء الأسمى، بديلاً عن الانتماء للوطن، وبقيت المرأة في نظر معدي هذا المشروع مجرد وعاء إنجاب وتقديم المتعة للرجل ، كما بقيت بنظرهم رهناً بما يفعله الرجل ابتدءا بأبيها وأخيها وانتهاءً بتبعيتها "للنائب الشرعي"، أنهم لايريدون الاعتراف بحقوق المرأة ككيان خاص مستقل، إلا وفقاً لمشيئة الرجل.


المحامي ميشال شماس - كلنا شركاء

كلنا شركاء: فيما يلي ننشر صورة عن الصفحتين الأولى والأخيرة من المشروع ريثما ننتهي من نسخ نصوص المشروع الجديد ووضعه على الموقع ليكون متاحاً لقراء الموقع لمناقشته ووضع ملاحظاتهم عليه.



  رد مع اقتباس
قديم 09/11/2009   #198
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


نزلت موضوع بالمنبر عن مشروع قانون الاحوال الشخصية الصادر البارحة.. ورح تحكي تفاصيل اكتر هونيك.. واذا بدك هون............

طائر واحد يكفي لكي لا تسقط السماء
فرج بيرقدار
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:38 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17802 seconds with 12 queries