أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا

إضافة موضوع جديد  إضافة رد
 
أدوات الموضوع
قديم 10/09/2009   #37
صبيّة و ست الصبايا mary belle
عضو
-- زعيـــــــم --
 
الصورة الرمزية لـ mary belle
mary belle is offline
 
نورنا ب:
Aug 2008
المطرح:
dorm..
مشاركات:
1,170

افتراضي


واو ميرسي داركو ..هالمواضيع كتير حلوه بس بدا شويت وقت للقرايه



.....
التوقيع متل قلتو..
ان كتبنا او لأ ما بيتغير شي !!
**
ف أنو ,,ما عندي شي قولو..!
***
D:
  رد مع اقتباس
قديم 10/09/2009   #38
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي الغلاف الهيدروجيني


الغلاف الهيدروجيني




إن توفر كميات كبيرة من الماء على سطح الأرض يعتبر من المعالم الفريدة التي تميز "الكوكب الأزرق" عن غيره من الكواكب في النظام الشمسي. جدير بالذكر أن الغلاف المائي للأرض يتكون بشكل أساسي من المحيطات، ولكن من الناحية الفنية، فهو يضم كافة المسطحات المائية في العالم بما في ذلك البحار الداخلية والبحيرات والأنهار والمياه الجوفية التي تقع على عمق 2,000 متر. هذا ويعتبر أعمق موقع للمياه هو عند "تشالنجر ديب" أو "Challenger Deep" عند منخفض مريانا ترينش في المحيط الهادئ والذي يصل عمقه إلى -10,911.4 متر. [note 5]، ويعتبر متوسط عمق المحيطات 3,800 متر، وتعادل هذه النسبة أربعة أضعاف متوسط الارتفاع الموجود على سطح القارات.
هذا وتقدر كتلة المحيطات بما يقرب من 1.35 مضروبًا في 10 أس 18 طن متري، ×1018 أو ما يعادل حوالي 1/4400 من الكتلة الإجمالية لكوكب الأرض، كما تشغل المحيطات مساحة 1.386 مضروبًا في 10 أس 9 كيلو متر مكعب ×109.جدير بالذكر أنه إذا تم بسط كافة الأراضي الموجودة على سطح الأرض بشكل متساوي، فإن مستوى المياه سيصل لارتفاع يزيد عن 2.7 كيلو متر. [note 6] بحوالي 97.5%، بينما تقدر نسبة المياه العذبة بحوالي 2.5%. وحاليًا تتمثل أغلب المياه العذبة، التي تصل نسبتها إلى 68.7%، في شكل ثلوج. إن حوالي 3.5% من الكتلة الإجمالية للمحيطات تتكون من الملح. وقد تكونت معظم هذه الأملاح من النشاط البركاني أو تم استخلاصها من الصخور الباردة البركانية. جدير بالذكر أن المحيطات تعتبر مخزنًا للغازات المذابة في الغلاف الجوي والتي تعتبر ضرورية لحياة العديد من الكائنات المائية. فضلاً عن أن مياه البحار تتمتع بتأثير مهم على المناخ العالمي؛ حيث إنها تعمل هي والمحيطات كخزانات كبيرة للحرارة. كما أن التغيرات التي تحدث في توزيع درجة الحرارة في المحيطات من الممكن أن تؤثر بشكل كبير على تغيرات المناخ على سطح البحر، وذلك مثل ظاهرة التذبذب الجنوبي المعروف باسم النينو.

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 10/09/2009   #39
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي الغلاف الجوي


الغلاف الجوي




يصل متوسط الضغط الجوي على سطح الأرض إلى 101.325 كيلو باسكال، وذلك على ارتفاع درجي قدره 8.5 كيلو متر. جدير بالذكر أن الغلاف الجوي يتكون من 78% من النيتروجين و21% من الأوكسجين، بالإضافة إلى كميات ضئيلة من بخار الماء وثاني أكسيد الكربون وجزيئات غازية أخرى. هذا ويختلف ارتفاع التروبوسفير (الغلاف السفلي) طبقًا لخط العرض، حيث يتراوح ارتفاعه ما بين 8 كيلو مترات عند القطبين و17 كيلو متر عند خط الاستواء، وذلك مع وجود بعض الاختلافات التي ترجع إلى الطقس والعوامل الموسمية.
هذا وقد أدى الغلاف الحيوي لكوكب الأرض إلى حدوث تغير في غلافها الجوي؛ حيث إن عملية التمثيل أو التخليق الضوئي التي تعتمد على الأوكسجين قد بدأت منذ 2.7 بليون سنة ـ مما أدى إلى تكون الغلاف الجوي الذي يتكون بشكل أساسي من الأوكسجين والنيتروجين الموجودين الآن. وقد أدى هذا التغير إلى تكاثر الكائنات الهوائية، وتَكُّون طبقة الأوزون التي تعمل هي والمجال المغناطيسي لكوكب الأرض معًا على حجب أشعة الشمس فوق البنفسجية مما يسمح بوجود حياة على سطح الأرض. ومن الوظائف الأخرى المهمة التي يقوم بها الغلاف الجوي: نقل بخار الماء وتوفير الغازات المفيدة والمساعدة في احتراق الشهب قبل أن تصطدم بسطح الأرض وتعديل درجة الحرارة. وتعرف الظاهرة الأخيرة من هذه الظواهر باسم تأثير الاحتباس الحراري؛ حيث إن الجزيئات الضئيلة الموجودة في الغلاف الجوي تساعد في حبس الطاقة الحرارية المنبعثة من الأرض ـ مما يؤدي إلى ارتفاع متوسط درجات الحرارة على سطح الأرض. جدير بالذكر أن غاز ثاني أكسيد الكربون وبخار الماء والميثان والأوزون يعتبروا من الغازات الدفيئة للأرض. فمن غير وجود تأثير الاحتباس الحراري، فإن معدل درجة الحرارة على سطح الأرض سيكون -18 درجة مئوية، وقد لا توجد حياة على سطح الأرض.


لسا ما خلصنا عن الأرض يتبع...
  رد مع اقتباس
قديم 10/09/2009   #40
شب و شيخ الشباب mblue
عضو
-- أخ لهلوب --
 
الصورة الرمزية لـ mblue
mblue is offline
 
نورنا ب:
Mar 2006
المطرح:
بلد المحاشي والكبب
مشاركات:
174

افتراضي


شباب سؤال لو انه هيك شوي غليظ ... هلق مع انه لسا انا ما قريت الموضوع كامل لانه بده وقت منيح بس شفت الصور وخطر عبالي شغلة ... هدول الصور وخصوصا تبع المجرة ودرب اللبانة وهدول ما نهن صور حقيقية ما هيك ... تخيلية يعني ؟ !!
ومشكورة جهودكن وتسجيل متابعة ...

The Saddest Thing in Life Is a Lost Talented Man
----
كلما رحبت بنا الروض قلنا ... حلب قصدنا وأنت السبيل
----
بالمسدس ... تحل كل المشاكل...
  رد مع اقتباس
قديم 10/09/2009   #41
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : mblue عرض المشاركة
شباب سؤال لو انه هيك شوي غليظ ... هلق مع انه لسا انا ما قريت الموضوع كامل لانه بده وقت منيح بس شفت الصور وخطر عبالي شغلة ... هدول الصور وخصوصا تبع المجرة ودرب اللبانة وهدول ما نهن صور حقيقية ما هيك ... تخيلية يعني ؟ !!
ومشكورة جهودكن وتسجيل متابعة ...
طبعا يا عزيزي

لحد هلئ ما في بشري تجاوز حدود المجموعة الشمسية

و بالنسبة للمركبات ما عندك غير الفويجارالتنين و البايونير التنتين كمان يمكن في واحدة منن ما وصلت

اما بالنسبة لصور المجرة فهي صور محاكاة بتعتمد على كمبيوترات جبارة و مسح التلسكوبات الراديوية و غيرها
  رد مع اقتباس
قديم 11/09/2009   #42
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : DARKNESS عرض المشاركة
لحد هلئ ما في بشري تجاوز حدود المجموعة الشمسية
بشكل أدق

البشر ما وصلوا إلا للقمر..

يعني شلفة حجر عن الأرض يا دوبك 400 ألف كيلومتر لا أكثر!!

اقتباس:
كاتب النص الأصلي : DARKNESS عرض المشاركة
و بالنسبة للمركبات ما عندك غير الفويجارالتنين و البايونير التنتين كمان يمكن في واحدة منن ما وصلت
المركبات الفضائية (بدون بشر) راحت أبعد.. نعم..

تقريباً وصلوا لكل كواكب المجموعة الشمسية

أما فوياجير-1 وفوياجير-2 وبايونير-10 وبايونير-11 فـ هني صاروا أبعد من أبعد كوكب.. ولكن.. للدقة.. ما زالوا تحت تأثير الجذب الثقالي للشمس..

لسّا قدامهن طريق طوييييييييييييل حتى نقدر نقول إنهن خلصوا من المجموعة الشمسية

اقتباس:
كاتب النص الأصلي : DARKNESS عرض المشاركة
اما بالنسبة لصور المجرة فهي صور محاكاة بتعتمد على كمبيوترات جبارة و مسح التلسكوبات الراديوية و غيرها
تماماً

بس لتوضيح الفكرة

كوكب الأرض عم يدور حوالين الشمس.. اللي هي وحدة من 400 مليار شمس تانية ضمن مجرّة درب التبانة


يعني مثال للتوضيح.. كيف قدرنا نعرف شكل المجرة ونحنا لساتنا جواتها؟


إنت قاعد بـ بيت.. وما بتقدر تطلع منو.. كيف بتقدر تعرف شكل البيت من برّا؟

حلاوة هالبيت شو؟ إنو في عندك شبابيك بكل الجهات.. تقدر تعرف كل شي في بيوت حواليك (وهني بالملايين)

فـ قعدت تمحّص بهالبيوت اللي حواليك.. لقيت إلهن تلات أشكال فقط (بيت حلزوني.. بيت بيضوي.. وبيت عديم الشكل)

مممممممممممممم

رحت درست توزّع المادة والكتل بالبيت.. لقيت إنو بتشبه البيوت الحلزونية اللي شايفها

فـ طج.. البيت (المجرّة) تبعك حلزوني الشكل

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 11/09/2009   #43
صبيّة و ست الصبايا مملكة الورود
عضو
-- أخ لهلوب --
 
الصورة الرمزية لـ مملكة الورود
مملكة الورود is offline
 
نورنا ب:
Sep 2009
المطرح:
مملكة الورود
مشاركات:
152

افتراضي


بعتقد في غلط بسرد معلومة معينة
وهو تطور الحياة على سطح الارض
هالشي لساتو نظرية وبس اخترعا العالم داروين

اذا اردت النجاح فستيقظ باكرا........
وابتسم .........
واغلق ابوابا حديديه على الماضي الذي لم يبقى منه الا التجارب..........
وانتظر غد مشرق ملؤه الأمل على المستقبل الذي لم يأتي .........
  رد مع اقتباس
قديم 11/09/2009   #44
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : مملكة الورود عرض المشاركة
بعتقد في غلط بسرد معلومة معينة
وهو تطور الحياة على سطح الارض
هالشي لساتو نظرية وبس اخترعا العالم داروين
هه.. فات الدين بالدق


تعى قيمني بقى يا دارك!!


لساتنا ناقمين على داروين؟!


النظرية الجديدة لتطوّر الحياة ع الأرض "الداروينية الحديثة" ما بقي فيها من حكي داروين إلا "بقايا"..

بس هاد ما بيعني إنها ما قالت "بالتطوّر".. وأكيد ما بيعني إنها قالت "صح.. نظرية خلق آدم وحوّا هي النظرية المزبوطة"!!


لأ.. وبيجوا بيقولولك إنو صح.. نظرية الانفجار الأعظم وتوسّع الكون مذكور بالقرآن..


طيب نظرية الانفجار الأعظم ما بتأيد التطوّر؟ مو كل شي بالكون تطوّر من "مادة بدئية"؟



يا حسرتي علينا



لنقرأ العلم.. قبل أن نعترض

آخر تعديل Nasserm يوم 11/09/2009 في 11:53.
  رد مع اقتباس
قديم 12/09/2009   #45
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


ما بعرف ليش نحن ناقمين عا داروين و نظريتو اللي يمكن ما ضل غير أسمها ألو عا قد ما تشعبت و تطورت
يا شباب أنا عم ناقش حديث علمي و أنا بحترم كل الأديان و ما عندي شي ضد حدا
بس شي قالو العلم و الواحد لازم ينقلو
أنا ماني عالم أو ناقم بدو يشوف حالوا بمعلوماتوا أنا مجرد ناقل للأراء و الأبحاث و ألي رأيي المتواضع و أضافاتي التوضيحية
من شان توصل الفكرة بشكل أسهل....

و كمان صديقي و شريكي العزيز (شام) ناصر موجود هون
و معلوماتو أكبر من معلوماتي و مخو أكبر من مخي و توضيحو عم يساعد الكل كمان و ألو جزيل الشكر على جهودو

بس أنو أتجاهل بحث من شان أنو ما بيتوافق مع رأي حدا من الأعضاء فهاد الشي غير مقبول و أنا ما عم جيب شي من عندي
كل بحث موجود المرجع تبعو و متوسع بشرحو كمان

و عا راسي الشباب كلها
  رد مع اقتباس
قديم 15/09/2009   #46
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : DARKNESS عرض المشاركة
و كمان صديقي و شريكي العزيز (شام) ناصر موجود هون
و معلوماتو أكبر من معلوماتي و مخو أكبر من مخي
إه.. "سيط غنى ولا سيط فقر"

بس أنا برأيي..

يعني ريجاءن شريك..

بلا قصة المخوخ وحجومها هون..

خلّينا عم نحكي بالعلم أحسن






مجقة إلك

آخر تعديل Nasserm يوم 15/09/2009 في 14:18.
  رد مع اقتباس
قديم 16/09/2009   #47
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


القمر.. الجار الكوني الأقرب لكوكبنا





* تضاريس القمر..
"لقد تملكتني الدهشة إذ وجدت أن القمر جسم شبيه بالأرض"
عندما رصد غاليليو القمر للمرة الأولى لاحظ مناطق مختلفة الإضاءة، وتمتد على مساحات كبيرة، فأطلق على بعضها تسمية "بحار" ظناً منه أنها مساحات مائية كما على الأرض، وما تزال هذه التسميات متداولة حتى الآن، مع علمنا اليوم بأن القمر صخرة ميتة، لا يحوي من الماء سوى قليل من الجليد بالقرب من قطبه الجنوبي، فنجد حتى الآن: بحر الأمطار (وهو أكبرها امتداداً، 1200 كم)، بحر الغيوم، بحر الأمل بحر الهدوء... الخ
كما نجد على سطح القمر سلاسل جبلية (مثل سلسلة جبال إبينين القمرية، وتصل بارتفاعها إلى 5500 كم)، أما السمة المميزة للقمر فهي كثرة الفوهات على سطحه، وتنجم هذه الفوهات عن ضرب النيازك له، وهناك كثير من الفوهات القمرية تحمل أسماء علماء عرب (طبعاً أطلقها الروس أو الأمريكان أثناء استكشافهم للقمر) مثل: البيروني، الخوارزمي، البتاني، المأمون...


* لا نرى -من على الأرض- سوى وجهاً واحداً للقمر.
يعود ذلك لأن القمر يدور حول نفسه بنفس سرعة دورانه حول الأرض، وقد تم للمرة الأولى في 4 تشرين الثاني من العام 1959 كشف ذلك الجانب الغامض من القمر عبر السفينة لونا-3 الروسية، ويتميز هذا الجانب بندرة البحار عليه، وبكثرة الفوهات، ومعظم معالمه تحمل أسماءً روسية (بحر موسكو، فوهات: تسيلكوفسكي، مندلييف، كارالليوف)، وهناك فوهة تحمل اسم جوردانو برونو (نجمت عن صدم نيزك للوجه الخلفي للقمر في 18 حزيران من العام 1178 وهو نفس التاريخ الذي سجل فيه قساوسة إنكليز رصدهم لإنشطار القمر!).
  • أول هبوط لمركبة على القمر: كان للسفينة الروسية لونا-2 في 7 تشرين أول سنة 1959
  • أول هبوط هادئ لمركبة على القمر: كان للمركبة لونا-9 في "محيط العواصف" بتاريخ 3 شباط 1966
  • أول هبوط بشري على سطح القمر: كان لنيل أرمسترونغ وإدوين ألدرين، ضمن البعثة الأولى (أبوللو-11 سنة 1969) لمشروع أبوللو الأمريكي الذي تضمن ست بعثات هبطت بنجاح على القمر (فشلت أبوللو 13 في الهبوط على القمر).

الوجه الخلفي للقمر.. نلاحظ كثرة الفوهات



* شروق الأرض على القمر..
كما نشاهد، من على الأرض أطواراً (هلال جديد، ربع أول، بدر، ربع أخير وتتكرر كل 29 يوم و 12 ساعة و 44 دقيقة و 2.8 ثانية وتسمى بالشهر القمري الشمسي، وهي الفترة التي تفصل تكرار توضعين متتاليين للشمس والأرض والقمر على استقامة واحدة) وخسوفاً للقمر، كذلك هي حال الأرض لراصد من على سطح القمر، مع فارق أن حجمها في سماء القمر أكبر بـ 4 مرّات من حجم القمر في سمائنا، وبالمناسبة الحجم الظاهري للقمر في سماء الأرض يقاس بالدرجات وهو 0.5 درجة، ويعادل تقريباً الحجم الذي تظهر عليه قطعة نقد (بقطر 2 سم) عند إبعادها عن عين الناظر 230 سم، لأن هناك قاعدة، بأن كل جسم يبعد عن العين مسافة تزيد عن قطره بـ 57 مرة سيظهر للعين بزاوية إبصار تساوي درجة واحد، القمر يبعد عنـا (وسطياً) 114 ضعف من قطره (يبلغ قطر القمر 3475 كم وهو أصغر من قطر الأرض بأربع مرات)، كتلة القمر 7.35×1022 كغ وهي أصغر بـ 82 مرة من كتلة الأرض.، وحجمه أصغر من حجم الأرض بـ 50 مرة.


شروق الأرض في سماء القمر



* يتحرك القمر بحيث يبتعد تدريجياً عن الأرض.
بعد ولادة الأرض بـ 200 مليون سنة ضرب نيزك الأرض فتكون من الشظايا القمر وكان اليوم آنذاك 6 ساعات فقط، ونتيجة فعل القمر والذي بدأ بجذب مياه المحيطات والتي تعود لتضرب القيعان فتبطئ حركة الأرض حول نفسها من الغرب نحو الشرق، وترد الأرض بشكل معاكس فتبعد القمر لذا بعد 30 مليون سنة يصبح اليوم 68 ساعة وبعدها يفلت القمر فتعود الأرض للتسارع ليصبح اليوم 6 ساعات بعد 1000 مليون سنة..
إذن نقول أن القمر يصبح كل سنة أكثر ابتعاداً عن الأرض بمقدار 4 سم تقريباً، وسيفلت القمر من قبضة جاذبية الأرض بعد حوالي 30 مليون سنة.


* الشمس من على القمر..
بسبب انعدام غلاف جوي يحيط بالقمر (لصغر كتلته) لا يتبعثر الضوء القادم من الشمس (كما على الأرض) في الفضاء، بل تبدو الشمس مضيئة وتبقى سماء القمر حالكة..



شروق الشمس على القمر..
نلاحظ أنه وبرغم شروق الشمس إلا أن جو النهار القمري مظلم.. حيث تسطع الشمس لكن محيطها مظلم
كما قلنا هذا يعود لانعدام الغلاف الجوي الذي يبعثر الضوء





لقطة من أبوللو-15 تظهر التلال والتربة القمرية





أيقونة القرن العشرين..
صورة لكوكب الأرض.. من المركبة القمرية أبوللو-17



  رد مع اقتباس
قديم 16/09/2009   #48
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


خسوف القمر..


يحدث الخسوف عندما يكون القمر بدراً ويقع في ظل الأرض (أي تحجب الأرض نور الشمس عن القمر)..
ولكن..
هذا لا يعني أنه كلما كان القمر بدراً سيحدث خسوف للقمر..
فيمكن أن يكون القمر في طور البدر لكنه بعيد عن ظل الأرض فعندها لن يحدث الخسوف..

وبما أن القمر يدور حول الأرض، والأرض تدور حول الشمس، فعندما تتراصف هذه الأجسام الثلاثة على مستقيم واحد وتكون الأرض في المنتصف يحدث الخسوف..

  • عندما يمر القمر في ظليل الأرض يحدث الخسوف الظليلي (Penumbral Eclipse)
  • وعندما يستطيع القمر من المرور ليس في ظليل الأرض بل أيضاً في ظلها يحدث الخسوف الجزئي (Partial Eclipse)
  • وعندما يدخل القمر في كاملاً في ظل الأرض فيحدث عندها الخسوف الكلي (Total Eclipse)

أمر أخير هنا..
بما أن حجم الكرة الأرضية كبيرة قياساً للقمر فإن كافة سكان نصف الكرة الليلي يمكنهم مشاهدة حدث الخسوف ويكمن الخلاف فقط المواقيت المحلية وموقع مشاهدة القمر في السماء..


أطوار القمر






مراحل خسوف القمر




  رد مع اقتباس
قديم 16/09/2009   #49
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


لك عا راسي عمي ناصر ريحتني من القمر و مشاركة رائعة
  رد مع اقتباس
قديم 16/09/2009   #50
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


يعطيكون العافيّة....

عانن على بالي سؤالين مو متبلورين عندي ....
1- ليش أحياناً بنشوف القمر بأول المغرب كبير و واضح ..ولما بيصير بنص السما بيصغر و بيتغير لونو....
2-أطوار القمر مالي فهمانها عالضبط ...عندك بالصورة التوضيحية عاليسار لمّا بيكون قمر جديد...يعني بنفس الوقت اللي بيكون القمر غير منظور لسكان القسم النهاري من الارض بيكون بدر بالقسم الليلي ..!!!!
ولما بيكون القمر هلال كيف بيكون وضع الارض و الشمس و القمر لحتّى بنشوفو بهالحالة ....؟

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 16/09/2009   #51
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : ابو نجبو عرض المشاركة
1- ليش أحياناً بنشوف القمر بأول المغرب كبير و واضح ..ولما بيصير بنص السما بيصغر و بيتغير لونو....
حلو هالسؤال..
هاي ملاحظة كتير منلاحظها (تغيّر حجم القمر بين لما يكون قريب من الأفق ولما يكون بكبد السما)

هاي يا سيدي قصة نفسيّة.. بتسدّق؟

بيسمّوها: الانخداع القمري Moon Illusion

يعني هي ببساطة "خداع بصري" ناتج عن مقارنتنا للقمر -لما يكون قريب من الأفق- بالشغلات اللي منشوفها جنبو (جبال بعيدة، بنايات، وغيرها)
فـ نحنا منعرف إنو حجم هالشغلات كبيرة رغم إنها -بسبب بعدها- بتبيّن صغيرة للعين.. فـ تلقائياً منقوم بتكبير هالشغلات.. ومنقوم بتكبير القمر معها.. فـ يـُـخيـّل إلنا إنو حجمو أكبر..

ولتتأكد من هالشي.. جرّب طلّع ع القمر من خلال أنبوب صغير.. بحيث يحجب عنك الشغلات التانية اللي جنب القمر.. وقتها بتشوفو بحجمو الطبيعي

هاد بخصوص الحجم


أما قصة اللون.. فـ بسيطة

متل تغيّر لون الشمس لما تصير بالأفق

عند الغرب أو الشروق بيكون ضو القمر/الشمس عم يقطع سماكة من الغلاف الجوي للأرض أكبر بكتير من السماكة اللي بيقطعها لما يكون عامود على سطح الأرض.. فـ من هيك بيميل لون الضو نحو الأحمر

هاد العامل الأساسي...

وفيه عوامل تانية بتتعلق بـ نسبة الرطوبة وجزيئات الغبرة اللي بالجو.. وإلى ما هنالك

اقتباس:
كاتب النص الأصلي : ابو نجبو عرض المشاركة
2-أطوار القمر مالي فهمانها عالضبط ...عندك بالصورة التوضيحية عاليسار لمّا بيكون قمر جديد...يعني بنفس الوقت اللي بيكون القمر غير منظور لسكان القسم النهاري من الارض بيكون بدر بالقسم الليلي ..!!!!
ولما بيكون القمر هلال كيف بيكون وضع الارض و الشمس و القمر لحتّى بنشوفو بهالحالة ....؟
أول شي.. بالصورة التوضيحية.. القمر الجديد ع اليمين.. مو ع اليسار (ما بعرف إنت كيف شايف)

المهم..
لما بيكون القمر جديد (طور المحاق) مزبوط ما بيكون منشاف بالقسم النهاري من الأرض.. بس أكيد ما بيكون بدر بالقسم الليلي..

بيصير بدر لما يدور حوالين الأرض وتصير الأرض بينو وبين الشمس (بس وقتها بيكون القمر فوق الأرض نتفة) من هيك بتنعكس أشعة الشمس عن سطحو كلو.. وبيبيّن بدر



وضع الهلال

بيكون وضع الشمس والأرض والقمر متل ما هو واضح بالصورة التوضيحية

تقريباً بيكونوا على شكل "مثلث"..

الفكرة المهمّة هون.. إنو نحنا ما منشوف القمر "هلال" لإنو الأرض عم تحجب ضو الشمس عن تلات رباعو (يعني عم يوقع بظل الأرض)

لأ أبداً..

وإنما.. بيكون هلال.. بسبب حركتو حوالين الأرض.. وأيمتى منقدر نشوف قديش من سطحو


هاي القصة بتشبه دوران سيارتين بسرعتين مختلفتين حوالين ساحة.. إذا إنت قاعد بوحدة منهن.. كل شوي رح تشوف "شي" مختلف.. حسب "المواضع النسبية" لهالسيارتين..
مرة بتشوفها كلها.. مرة بتشوف بوزها.. مرة بتشوف طيزها (العفو).. وهيك..

بس أكيد السبب هالشوفات مو لإنو السيارة التانية عم تجي بـ "خيال سيارتك"..


أكل؟
  رد مع اقتباس
قديم 16/09/2009   #52
شب و شيخ الشباب أإأبو العبد
عضو
-- زعيـــــــم --
 
الصورة الرمزية لـ أإأبو العبد
أإأبو العبد is offline
 
نورنا ب:
Dec 2008
المطرح:
بعيــــــــــــــــد..........
مشاركات:
1,904

افتراضي


مرسيم الكون كتير
موضوج جميل جدا
بس انو عندي سؤال
من وانا صغير عميراودني
انو هلا مو في مجرات طيب بهالمجرات التانية هل في ارض وبشر متلنا يعني؟
  رد مع اقتباس
قديم 16/09/2009   #53
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : أإأبو العبد عرض المشاركة
انو هلا مو في مجرات طيب بهالمجرات التانية هل في ارض وبشر متلنا يعني؟
حكينا مرة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

عن هالموضوع..

وممكن نحكي لسا.. الموضوع طويل..
  رد مع اقتباس
قديم 17/09/2009   #54
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : أإأبو العبد عرض المشاركة
مرسيم الكون كتير
موضوج جميل جدا
بس انو عندي سؤال
من وانا صغير عميراودني
انو هلا مو في مجرات طيب بهالمجرات التانية هل في ارض وبشر متلنا يعني؟
مشان موضوع الحياة خارج كوكب الأرض رح نفتح قريبا بحث كامل عنو انشاء الله بعد العيد و من شان الموضوع هون
حاليا انا ماني قادر اكملو لأنو النت عندي تعبان و ما فيني رفع صور و ملفات و خلوها لربكن

يعني اذا تيسرت اموري بعد العيد منرجع و منكملوا و في كم بحث حلوين حول الكون ترجمتن رح حططن كمان

و شكر خاص للأخ شام (ناصر) على جهودو و تفاعلو

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:12 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13243 seconds with 12 queries