هل العرب أمة كرّمها الله ؟؟

[Abu ToNi]

كاتب النص الأصلي : wewe4de

بالنسبة لـ الشق الأول..أنا برأي لأ ما بتعطيها مصداقية
أما الشق التاني فأكيد بتفقد مصداقيتها(اذا كانت ذات مصداقية)لأنو وقت تتحرف وتتفسر..حتكون حسب كل مين بيفسرها لأنو كل واحد بيفسر بالطريقة يلي بدو ياها وميشان هيك ما رح تكون بالمعنى يلي انوجدت لألو..مثال:
بالانجيل موجود انو السيد المسيح أخرج من رجل الشياطين الموجودة فيه (بالكتب المقدسة في كتير تعبيرات مجازية بس لتوصيل المعنى المطلوب لأنو المعنى بالشياطين هو الخطايا ووقت طلعو من الرجل معناتا أنو انشفا من الخطايا)
أما وقت بيجي نصاب شغلتو ينصب على العالم(عـ انو بيشيل الشياطين من الواحد) وبستشهد بهالشغلي بيكون استشهادو هاد بس ميشان يمشي شغلو لا أكتر ولا أقل.

على مبدأ فاقد الشيء لا يعطيه
اذا الحرف ما بيعطي المصداقية للنصوص فكيف بتم سحب مصداقيتا في حال وقوع تغيير بالحرف !
وشو هية الاشياء اللي ممكن نعتبرها مصداقية بهيك حالات ؟

بالنسبة الي برفض فكرة وجود معنى واحد من كل سطر ومعنى واحد لكل كلمة
بحس بالتميز وقت بشاهد لوحة مفتوحة المعاني وكل مين بياخد الصورة اللي قدرت تشكلها اللوحة بمخيلته
فحتى لو كل شخص فهم الآية شكل وين المشكلة ؟ بالنهاية اذا وصلنا لنقطة انه فهم الآية ما عما يضر وعما يحسن من البشرية وعما يرقي بالتفكير وين المشكلة ؟ ما بالأساس لهيك اجا الدين لتحسين البشرية ولا كيف ؟

على مثالك هاد فيني قلك لا المسيح باحدى النصوص تم ذكر انه طرد الأرواح من الانسان واسكنها بالخنازير اللي سارعت بالسقوط من الجرف ، الشي اللي بينفي تفسيرك انها الخطيئة ، وهيك منبقى انا وانت ساعات عما نعلق ونتشاكل بشو هوي الحادثة الحقّ اللي صارت .

بس لو وصلنا لنقطة ان الفكرة من ذكر الحادثة هية بأن ثقتك بالرب بتقدر تحسن من واقعك وتعطيك بداية جديدة منكون قدرنا ناخد الفكرة العامة من النص اللي من اجلا انكتب بغض النظر عن الحروف اللي تم تمثيلا فيه .

ويا هلا

[salem salem]

أعزائي
كلما زاد تخلف الأمم ،كلما حاولت تعويض ذلك عن طريق امتداحها لنفسها ، سأضرب لكم مثالاً بليبيا عندما كانت نسبة الأمية فيها تزيد عن 95% ، والناتج القومي لها لا يتجاوز ال 5% وكانت تعتبر من أكثر بلاد الأرض تخلفاً قال لهم معمر القذافي " أنتم الشعب السيد " وكان من السهل عليهم تصديق ذلك لأن هذا يرضي الغرور العرقي ، أما المتعلمين في ليبيا والذين يعرفون حقيقة الأمر فيدركون حجم المأساة التي يعيشها الشعب الليبي ، وأنا لا أقصد ليبيا بالذات ولكن الوضع متشابه في كل الدول العربية ، درجة خطيرة من التخلف يحاولون التخفيف من حدتها بمقولة" كنتم خير أمة ..إلخ " أخيراً أقول إن الإحصائيات التي صدرت عن مراكز اجتماعية متخصصة تقول إن نسبة الاغتراب بين الشباب العرب بلغت أعلى درجة بين الشباب في العالم
تقبلوا تحياتي

[لجين مهند قطيش]

مجنون يحكي وعاقل يسمع<<< يعني أنا مفكر أسوأ شي هوي أنو بنحكي نفس اللغة لأنو ما عم نستخدمها إلا منشان نختلف مع بعض ونشن على بعض الحروب المختلفة..


اذا هـــذا أولــهـــا يــــنــعــاف تـــالــيــهـــا ,,,,

السكوت خير من الكلام ,,

[أسامة نعيمي]

إخواني وأخواتي:

من ملاحظتي للمشاركات، تبين أن هناك عدد من الردود التي لا تليق بالمنتدى. رجاءً لنحافظ على جو الاحترام،ولننبذ تعصباتنا بكافة أشكالها، ولنوسّع فكرنا وآفاقنا لتفهم الطرف الآخر.

إذا كان الهدف من النقاش هو الجدال وخلق الضغينة في القلوب، فالرجاء وقف التعليق على الموضوع. أما إذا كان الهدف هو تقريب الأفكار، والإجابة على التساؤلات، فرجاءً دعونا نسعى ونجاهد لخلق المحبة في قلوبنا تجاه بعضنا البعض بغض النظر عن فكرنا، وأصلنا ومعتقداتنا. نحن إخوة بالإنسانية، والأديان السماوية جميعها نزلت من سماء الهداية لتقريب البشر إلى الله وإلى بعضهم البعض، لا لخلق العداوة. العداوة والانقسام من صنع الإنسان فقط.

شكراً لتفهمكم

[اللامنتمي]

كاتب النص الأصلي : salem salem

كلما زاد تخلف الأمم ،كلما حاولت تعويض ذلك عن طريق امتداحها لنفسها

أرى هُنا شَيئا ً من الحكمة , انصتوا لهذا الرجل وَ كفاكم مُفاخرة ً وَ اغترابا

لستُ أدري ماذا تريدون إن كرمكم الرب أم لم يُكرمكم

أكرموا لأنفسكم أولاً

وَ انظروا لحالكم

كافكم ذُلا ,.

[اللامنتمي]

كاتب النص الأصلي : اللامنتمي

كافكم ذُلا ,.

كَفاكم *

[TheLight]

العرب امة كرمها الله بنعمة الغثيان...

[nour333]

كاتب النص الأصلي : TheLight

العرب امة كرمها الله بنعمة الغثيان...

هاد شي منيح بجوز تكون حبلى وطلع شي الو قيمة

[haedoora]

اسف جدا واعذروني انا سوري ابببببببن عن جد ولست عربيا كرهت العرب منت المحيط للمحيط يللي بعدو مرورا بكل شبر بهالارض العربية العمى
ما حدا لحدا
اخدم نفسك بنفسك
وانتصر لحالك
وما حدا الو علائة بالتاني
وئت كنا محتاجين لدعم العرب شفنا البعض القليييييييييل منهم والحمد لله وصلنا لبر الامان من اغلب الضغوط لحالنا
انا سوووووووووووووووووووري اه يا نيييييييييييييييييييييييي ييياااااااااااااااااااااا ااااااااااااااااااااااااا ااااااااااااااااااااااااا اااالي

[Avalanche]

اممم,انا عندي اجابة سؤالك لاني كنت بفكر فيه من حوالي 4 سنوات,يعني 4 سنوات من التفكير اليومي المتواصل

على العموم..العرب امة متخلفة,بدوية,كانت تعيش بالامراض والاوباء وتعاني من العبودية والاضطهاد على سنوات طويلة..

وكل الامم بالعالم من فرس وروم كانوا بيكرهوهم وياخذوهم عبيد..
لمن جاء نزل الاسلام على محمد عليه الصلاة والسلام..

المعارضين لفكرة الاسلام والقرآن وانه دين غير " حقاني " , فبقولهم انه بسبب هالدين العرب وصلوا اوروبا
واقاموا حاضرة بالاندلس وصلت العلم للعالم كله

ويكفيك ان الي وصل الشاي الى اوروبا هم المسلمين والعرب..
ويكفي ملك الدولة الاسلامية الي امتد من المغرب الى الصين عرضاً,ومن جنوب السودان الى باريس شمالاً ( يب,العرب والمسلمين وصلوا لباريس في المعارك ضد الفرنجة )..

هذا كله يدلك ان الامة العربية لو مشت على الاسلام الحقيقي راح تتكرم..وزي ما قال عمر بن الخطاب رضي الله عنه ( نحن امة اعزنا الله بالاسلام فان ابتغينا العزة بغيره اذلنا الله )..

امر آخر,مجتمعنا بيعاني بهالفترة ,لان المنطقة العربية هي منطقة ( مداس اقدام ) لكل الامم..يعني اي امة واي قوة عايزة تمر,لازم تدوس ارضنا

فمافي حل اننا نسلم منهم الا انه يكون في دولة ضخمة اسلامية بتحمي هالمنطقة كاملة..المستعمر لما تسلل الى داخل الدولة العثمانية,وتدمرت املاكهم,اصبح للعرب عقدة اسمها ( عقدة الخواجة )..

العربي عايز يبقى زي الخواجة باي شكل
وبالرغم من ان الخواجة غير موجود,ولكن العربي شايفه قدوة وشايفه مثل اعلى

مافي اعتزاز بالدين الي جعلنا امة تقود العالم على مدى 1200 سنة..فبالتالي غصب نكون محتقرين..

اظن ان الحقيقة واضحة

[Abu ToNi]

كاتب النص الأصلي : Avalanche

اممم,انا عندي اجابة سؤالك لاني كنت بفكر فيه من حوالي 4 سنوات,يعني 4 سنوات من التفكير اليومي المتواصل

على العموم..العرب امة متخلفة,بدوية,كانت تعيش بالامراض والاوباء وتعاني من العبودية والاضطهاد على سنوات طويلة..

وكل الامم بالعالم من فرس وروم كانوا بيكرهوهم وياخذوهم عبيد..
لمن جاء نزل الاسلام على محمد عليه الصلاة والسلام..

حلو الحكي لحد هون

المعارضين لفكرة الاسلام والقرآن وانه دين غير " حقاني " , فبقولهم انه بسبب هالدين العرب وصلوا اوروبا
واقاموا حاضرة بالاندلس وصلت العلم للعالم كله

ويكفيك ان الي وصل الشاي الى اوروبا هم المسلمين والعرب..
ويكفي ملك الدولة الاسلامية الي امتد من المغرب الى الصين عرضاً,ومن جنوب السودان الى باريس شمالاً ( يب,العرب والمسلمين وصلوا لباريس في المعارك ضد الفرنجة )..

اذا انت بيكفيك فخر بأن اللي وصل الشاي لأوروبا هنن العرب المسلمين فما عاد بدي اعرف شو بدي قلك
انه العالم بشكل عام بتتفاخر باطلاق اول قمر صناعي ... اطلاق اول رحلة فضائية ... انتاج اول روبوت شبيه بالانسان .. بس انه شاي العمى على هلعلقة انه معقول كلهلشي فاشلين لحتى ما نفتخر الا بالشاي !!

انه شاي يا زلمة لهلق ما عما اقدر افهم الفكرة

وبخصوص الامتداد مافينك تعتبره " اكرام " لسببين
الأول .. هتلر حكم جزء كبير من العالم ولولا الغرور اللي أصابه وسوء الاحوال الجوية اللي لعنت انفاسه بأوروبا الشرقية كان ممكن لحد اللحظة البشرية تحت السلطة النازية .. مع العلم بأن مبادئ النازية طائفية متحوشة .
التاني .. لو فعلا التكريم الإلهي يترجم بالسيطرة على العالم بصير معناها حكي المجنون بوش بخصوص المنام اللي شاف فيه دعوة لاحتلال العراق شي مشروع .. كون اميركا حاليا بتحكم العالم فليش حتى نستنكر وجود قدرة إلهية بتتحكم بهلواقع وفارضته علينا من السموات ؟

هذا كله يدلك ان الامة العربية لو مشت على الاسلام الحقيقي راح تتكرم..وزي ما قال عمر بن الخطاب رضي الله عنه ( نحن امة اعزنا الله بالاسلام فان ابتغينا العزة بغيره اذلنا الله )..

غريب مع كلهلشي العرب متربعين على اسفل التطور والحضارة لحد اللحظة .

امر آخر,مجتمعنا بيعاني بهالفترة ,لان المنطقة العربية هي منطقة ( مداس اقدام ) لكل الامم..يعني اي امة واي قوة عايزة تمر,لازم تدوس ارضنا

فمافي حل اننا نسلم منهم الا انه يكون في دولة ضخمة اسلامية بتحمي هالمنطقة كاملة..المستعمر لما تسلل الى داخل الدولة العثمانية,وتدمرت املاكهم,اصبح للعرب عقدة اسمها ( عقدة الخواجة )..

العربي عايز يبقى زي الخواجة باي شكل
وبالرغم من ان الخواجة غير موجود,ولكن العربي شايفه قدوة وشايفه مثل اعلى

مافي اعتزاز بالدين الي جعلنا امة تقود العالم على مدى 1200 سنة..فبالتالي غصب نكون محتقرين..

اظن ان الحقيقة واضحة

هاد الحل اللي طلع معك بعد اربع سنين دراسة وبحث متواصل !!!
ممكن تحطلي تصور على اسس الدولة الاسلامية اللي عما تنادي بقيامها وتوضحلي على ايا مذهب ديني يفترض تكون قائمة ... لان بتخيل كل مذهب بمجرد استلامه الحكم بده يلعن افطاس المذاهب البقية لدرجة ممكن نتحسر فيها على " المستعمر "

فكرة تانية .. الدول العربية والاسلامية ليس تحت الاستعمار بشكل فعلي حاليا ؟!؟!؟ فلسطين والجولان علعين وعراس بس شو دخل وجود مستعمر بفلسطين بتخلف القطر الجزائري مثلا ؟
ما اقطارك العربية معظمها مستقلة من المستعمر .

بخصوص الاعتزاز بالدين انه يا زلمة الدين بالاراضي العربية آخد اعلى الاسهم بالبشرية من ناحية التعويل عليه والعمل فيه .. لدرجة مرضية .. وبتقلي مافي اعتزاز بالدين !!

[nour333]

ياأمة غرها الإقبالُ ناسية أن الزمان طوى من قبلها أُمَما

[Avalanche]

اذا انت بيكفيك فخر بأن اللي وصل الشاي لأوروبا هنن العرب المسلمين فما عاد بدي اعرف شو بدي قلك
انه العالم بشكل عام بتتفاخر باطلاق اول قمر صناعي ... اطلاق اول رحلة فضائية ... انتاج اول روبوت شبيه بالانسان .. بس انه شاي العمى على هلعلقة انه معقول كلهلشي فاشلين لحتى ما نفتخر الا بالشاي !!

انه شاي يا زلمة لهلق ما عما اقدر افهم الفكرة

طيب انا بسألك سؤال : ) ..القمر الصناعي الي انطلق هذا..مين حط الاسس حقت علومه : )
وانا بكلمك عن علوم الفلك وعلوم الرياضيات بل وحتى ( الصورة الي التقطت في القمر ) اصلها اسلامي,لان اول فكرة لاختراع كاميرا كانت فكرة اسلامية من عالم مسلم نسيت اسمه,بل وسماها بـ(القمرة ) , ومنها جائت التسمية الاوروبية لـ(كاميرا ) : ) ..

انا ضربت لك المثل بالشاي , يعني بوريك ان اسخف الحاجات هم اخذوها من المسلمين..
ولعلمك

الزجاج ماكان مكتشف باوروبا..بعد الحملات الصليبية على البلاد الاسلامية,اتعلموا كيف يصنعوا الزجاج

وكمان عايز اخبرك بشغلة..انا ما بعرف هل الجهل وصل بالعرب لهالحد ولا لأ : )

السياحة باسبانيا او الاندلس..معتمدة على ايه بالمركز الاول ؟؟؟ ..على الطبيعة الي موجودة بألف دولة غيرها,ولا على الآثار الاسلامية وعلى الساعة المائية حقت الاسود الي لمن اليوم,لغزها ما يزال قائم : )....وبنوها العرب المسلمين بمجرد ما فتحوا الاندلس..

مين علم اوروبا ياخي ؟ الموضوع بهالصعوبة ؟ البعثات الاوروبية الي كان تنطلق لاسبانيا,علشان تتعلم بجامعات قرطبة الاسلامية,كل هذا هو الي علمهم بالاساس كيف يطلقوا قمر صناعي !..

ويكون بعلمك طبعاً ان اوروبا ماحققت هالنجاح الا لأن علومها الي اخذتها من المسلمين ما ضاعت..على عكس العرب الي انحرقت مكاتبهم ببغداد بعد هجمات المغول,الي حولت نهر الفرات الى نهر اسود من كثرة الدم والحبر ..

وبخصوص الامتداد مافينك تعتبره " اكرام " لسببين
الأول .. هتلر حكم جزء كبير من العالم ولولا الغرور اللي أصابه وسوء الاحوال الجوية اللي لعنت انفاسه بأوروبا الشرقية كان ممكن لحد اللحظة البشرية تحت السلطة النازية .. مع العلم بأن مبادئ النازية طائفية متحوشة .
التاني .. لو فعلا التكريم الإلهي يترجم بالسيطرة على العالم بصير معناها حكي المجنون بوش بخصوص المنام اللي شاف فيه دعوة لاحتلال العراق شي مشروع .. كون اميركا حاليا بتحكم العالم فليش حتى نستنكر وجود قدرة إلهية بتتحكم بهلواقع وفارضته علينا من السموات ؟

القسم الاول من كلامك غلط..وانا بديك المثال وبديك سبب الغلط : ) ...هتلر حكم لمدة كم ؟ ..10 سنوات ؟؟
المسلمين حكموا هالاراضي الشاسعة لمدة 1000 سنة وما يزيد !!..

انت ملاحظ ان الدولة البيزنطية ( تركيا حالياً ) كانت يوم من الايام منارة للمسيحية ؟؟؟ اليوم هي ( تركيا ) الي تعد اقوى الدول الاسلامية ذات الغالبية السكانية المسلمة والي بنفسها اقامت دولة اسلامية وهي الدولة العثمانية على مدة تزيد من الـ500 سنة بقوة وعزة..

مصر..العراق..افغانستان..باكس تان..الجزائر..المغرب..العالم هذا كله كان عالم مسيحي او يهودي او وثني..انت ملاحظ ان حتى بعد زوال العرب,ما يزال الاسلام متثبت في هالدول,والناس انفسهم ما بيرضوا انهم يبيعوا دينهم ؟!

نروح لبعيد علشان ما تزعل وتقولي هتلر..اندونيسيا..اكبر مجموعة جزر بالعالم,اسلامية 100%
ابعد وابعد..مين كان يظن ان الدولة الفارسية تتحول لدولة مسلمة مثل ايران,؟!

ياخي انتا لما تقولي هتلر,فهتلر حكم هالعالم بنفسه لمدة بسيطة والناس كرهوه وطردوه..وما بقى نازيين بعده الا قلائل يعدوا على الاصابع..
المسلمين الآن مليار !!!!!!...

وبالنسبة للاندلس ( اسبانيا ) ..المسلمين حكموها بالسلم لمدة 600 سنة تقريباً ( فترة تزيد عن فترة تكوين امريكا نفسها ) , وما انطردوا منها المسلمين الا بمجازر عملاقة ماشهد التاريخ مثلها ابداً,لدرجة ان حتى الاخبار انقطعت وما حد بقى بيعرف شي عن الي حاصل هناك,مما يدلك ان اهاليها انقبروا فيها وما قدروا يهربوا بالاساس..

غريب مع كلهلشي العرب متربعين على اسفل التطور والحضارة لحد اللحظة .

؟؟
1000 سنة من حكم آسيا واجزاء عملاقة من افريقيا ما بتكفيك ؟!

هاد الحل اللي طلع معك بعد اربع سنين دراسة وبحث متواصل !!!
ممكن تحطلي تصور على اسس الدولة الاسلامية اللي عما تنادي بقيامها وتوضحلي على ايا مذهب ديني يفترض تكون قائمة ... لان بتخيل كل مذهب بمجرد استلامه الحكم بده يلعن افطاس المذاهب البقية لدرجة ممكن نتحسر فيها على " المستعمر "

فكرة تانية .. الدول العربية والاسلامية ليس تحت الاستعمار بشكل فعلي حاليا ؟!؟!؟ فلسطين والجولان علعين وعراس بس شو دخل وجود مستعمر بفلسطين بتخلف القطر الجزائري مثلا ؟
ما اقطارك العربية معظمها مستقلة من المستعمر .

بخصوص الاعتزاز بالدين انه يا زلمة الدين بالاراضي العربية آخد اعلى الاسهم بالبشرية من ناحية التعويل عليه والعمل فيه .. لدرجة مرضية .. وبتقلي مافي اعتزاز بالدين !!

شوف..انت قارن الماضي بالحاضر..شوف الاسس الي قامت عليها الدول الاسلامية بالماضي,وقارنها بالحاضر..
فمثلاً.,الاسس الاخلاقية العظيمة,معاملة الشعب على حسب شرع الله وبحكمة متناهية,القسوة على اهل الحكم والولاة والقضاة والاجهزة العسكرية بيد من حديد حتى ما يتفشى الظلم ,يكون اساس الدولة حقاً هو الامر بالمعروف والنهي عن المنكر واصلاح الارض, اخذ الزكاة بالغصب من كل ذي مال انطبقت عليه شروط الزكاة وما رضى يدفع,انهاء الواسطات,انماء العلوم والمعارف بشكل خرافي..

وهذا شوية من القيم الي لازم تقوم عليها هالدولة الي انا بكلمك عنها..

وعلى فكرة,مافي دولة اسلامية قامت,وانا بتكلم عن بني امية والعباسيين والعثمانيين,الا واحترمت بقية المذاهب..المذهب بيحترم طالما اهاليه محترمين..وطالما انهم ما بيخربوا بالبلد..

وانا بقولك ان الدولة الاسلامية الحقيقية بتجازي المخربين من كل مذهب,مش اهالي المذهب انفسهم..
انت بتتخيل على حسب المجتمع الي عايش فيه وعلى حسب مسلمين هالزمن المتخلفين..

في واحد بريطاني مسلم ( عمره 15 سنة تقريباً ) ,قال حكمة والله..قال : ( الحمد لله اني ما اسلمت بسبب العرب ) ..لانه لو اسلم بسبب العرب كان تجرع مع اسلامه العنصرية والحقد على اهالي المذاهب الثانية ..

وقصدي عرب هاليومين والمسلمين منهم هاليومين طبعاً..

هم مش تحت الاستعمار,ولكن عندهم عقدة الخواجة
اديني دولة عربية ما بتخاف من الخواجة وما عندها تعامل معاه..وخلونا من الشعارات والخطب , كلنا شفنا يوم غزة ان مافي دولة اسلامية حقيقية اتكلمت غير تركيا..والعرب قعدوا زي ( ولايات ومقاطعات الاستعمار ) , ساكتين ومخليين الفلسطينيين المساكين يموتوا ..

ولا تنسى ان الدول الاسلامية زمان ما كانت بتسمح لاي دولة اسلامية ثانية قريبة تحتل : ) ...ويكفيك اعمال الدولة الايوبية,الي خلت الكردي والعربي والمصري والعراقي يقفوا مع بعض من اجل الشامي والفلسطيني لتحرير ارضه..

فاحتلال فلسطين له دخل بالجزائر مثلاً,لان الاستعمار خلا الجزائر تفكر بنفسها فقط,ونست العربي الثاني والمسلم الثاني : )

فكر فيها....بتلقاها محبوكة ومتشابكة مع بعضها البعض بشبكة وحدة كلها