بخصوص الحجاب ....

[Abu ToNi]

كاتب النص الأصلي : nour333

ممكن انت تطلع على عادات وتقاليد ناس وتحس انو بنسبه الك ما الها معنا عارف ليش لأنك ببساطه ما بتعتقد فيها
وبعدين معتقدات الانسان الدينية والاجتماعيه ما الها علاقه بتطورو او تخلفو يعني اليابانيين عالم مطوريين بس كتير بحافظو على تراثهم ولباسهم حتى طريقة شرب الشاي ما فيك متلا تحكي لواحد ياباني بدل ما تقعد ع الارض بهاي الجلسة وتعد الشاي بطريقة الصعبه فيك تسخن المي بالكهربا وتحط اكياس الشاي الاخضر وتشربو وانت ع مكتبك طريقتك التقليديه ماالها معنى !!! يعني ممكن تقول لراهبه غطاء رأسك ما الو معنى او انت بتعرف الراهبه من لباسها يعني لو تشيل غطى الراس بتم راهبه؟؟؟

ما قصة اني معتقد فيها او لا قصة اني ما شايفلا نفع وما شايفلها غاية بتستاهل كل هلمشاكل اللي عما تصير مشانها ، يعني الحديث عنها كونا حرية غير الحديث عن العادات فهلق نقلتينا لغير محل ترا ها

انا ما صنفت الحجاب لتطور وتخلق ما بعرف انتِ فين شفتي هلشي
انا اللي قلته رد على انه حرية شخصية ، وبرجع بكرر بأن الحرية الشخصية بالنسب إلي بتخسر كتير من قيمها اذا مورست بهدف ممارستا بعيد عن الغاية المراد منها كوسيلة تعبير عن الشخص .

لا خيتو لا قصة اليابان بعيدة كتير عن النقطة اللي عما نحكي فيها هون
الياباني بالنسبة إله العادات هي تراث بلده وجزء من هويته ، كأن تقولي للسعودي تخلى عن العقال او تخلى عن الGلابية .
نحن ما عما نحكي على تراث شعب او رابط قومي بيربطن بتاريخن - دققي على كلمة شعب وتاريخ -
الحجاب مو مفهوم قومي عربي والا لما طولب مسلمات اوروبا مثلا بارتداء الحجاب ، عما نحكي على شكل من اشكال العقائد الدينية اللي بيعنى بجنس دون الآخر بغض النظر على قومية وتراثه وثقافته وتاريخه وافكاره .
هاموش : حسيت اقحام فكرة الراهبة هدفها توجيه سؤال إلي كوني مسيحي او هيك اوحي الك من اسمي فانه مشان غير مرة بقلك اني شخص لاديني ( بعطي اوقات على افكار ملحد او فينك اختصارا للمفاهيم والوقت تسميني سعدوي ) فما بتنفع معي هلحركات بالمرة

[طوروس]

المشكلة ياجماعة الخير مو مشكلة حجاب وحرية شخصية المشكلة مشكلة احتكار للاخلاق
والوقوف وراء متاريس وسواتر منها الحجاب
هل كانت كل النساء داعرات قبل فرض الحجاب ؟؟؟
هل الغى الحجاب الدعارة بعض فرضه ؟؟؟
الحجاب في سياقه التاريخي كان للتمييز بين المرأة المؤمنة وغير المؤمنة
وأمر الله – سبحانه- بالحجاب فقال: "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً" [الأحزاب:59]
هل كان الاذى شائعا واراد الله حماية نساء الرسول وبناته ونساء المؤمنين فقط من الاذى هل من اباحة لاذى غير المؤمنات
ثم هل المراة الغير محجبة مشروع داعرة ومعرضة لاغواء الشيطان فيما المحجبة منيعة امام هذا الشيطان العاجز عن اختراق هذا الحجاب الخارجي
3- حكم من يقول أن المرأْة الشريفة لا تحتاج حجاب؟
كثيرا ما نسمع دعوات موجهة للمرأةتدعوها لخلع الحجاب , وتقول لها : ( ان المرأة الشريفة تستطيع أن تعيش بين الرجالبشرفها في حصن حصين لا تمتد اليها الأعناق ) , وربما تخدع بعض النساء بهذا الكلامفما تعليقكم على هذا جزاكم الله خيرا ؟الجوابتعليقنا أن هذه دعوة باطلة مصادمة للكتاب والسنة والعقل والطبيعةالانسانية , فان كل امرأة تبدو كاشفة الوجه حاسرة على مفاتنها لابد أن يتعلق بهاالرجال مهما كانوا , ولابد أن تؤذى مهما كانت عفيفة , وربما يغويها الشيطان , ويجرها الى الفاحشة , اما لهوى في نفسها مع كثرة المحاولة من أهل الفسوق . واماللضغط عليها حتى تأتي ما يريدون , واذا كانت المرأة شريفه فان شرفها يزداد اذاتحجبت الحجاب الشرعي , الذي يتضمن أول ما يتضمن تغطية الوجه , وهذا أمر معلومبالعقل والفطرة , والطبيعة الانسانية , ان الرجال ميالون الى النساء , ولا أحد أشرفولا أعف من نساء الصحابة - م - ومع ذلك أمرن بالحجاب .الفاظ ومفاهيم في ميزان الشريعة ص 70-71
سماحة الشيخ محمد صالح العثيمينيرحمه الله
هل يحتاج هذا القول الى تفسير(( فان كل امرأة تبدو كاشفة الوجه حاسرة على مفاتنها لابد أن يتعلق بهاالرجال مهما كانوا , ولابد أن تؤذى مهما كانت عفيفة , وربما يغويها الشيطان , ويجرها الى الفاحشة , اما لهوى في نفسها مع كثرة المحاولة من أهل الفسوق ))
واخيرا عندما غادرنا المفكر الاسلامي رفاعة الطهطاوي الى الغرب (اوروبا) وعاد ليخبرنا انه يوجد اسلام ولايوجد مسلمين وعندما سألوه عن شرح هذا الرأي اجاب وجد اخلاق الاسلام ولم يجد مسلمين والعفاف من اخلاق الاسلام وكان موجودا في الغرب من ضمن الاخلاق اذا الاخلاق عامة والعفاف خاصة لم تكن مرتبطة بالزي الاسلامي

لابأس ان يروج البعض بأن الحجاب حرية شخصية

لابأس ان يقترن الحجاب بالشرف

ولكن هناك بأس في ان تستعمل قلة قليلة من المحجبات حجابها لتنظيف عورتها بعد زنى وتخرج لتقول انظرو ((انا محجبة فأنا شريفة ))ومن هي غير محجبة فهي غير شريفة

ولكن هناك بأس ان يقترن عدم التحجب بالدعارة

الدعارة اقدم مهنة في التاريخ وليست حكرا على شعب ولاعلى ملّة

واخيرا سنعود يوما لموضوع خاص باحتكار الاخلاق

شكرا لسعة صدركم

[personita]

كاتب النص الأصلي : Abu ToNi

ما كان ردي بمعنى الرد كان مجرد تساؤل لحشته بسؤال على الهامش
الهلامية المتعلقة بالقصة كتير عما تخلق ابعاد
انه فساعة بكون حرية شخصية ساعة بيتحول لحرية دينية وبالنهاية بكون المعنى المراد به فرضية دينية بعيد عن الحريات وعن القناعات الشخصية

بالنسبة الي الاشخاص اللي بيعتبروه حرية شخصية متل ما قلت ما عندي مانع معن وحريتن الشخصية وهنن ادرى كيف يتصرفوا فيها ، بس من جهتي بشوف ان الحرية الممارسة بطريقة غير منطقية وغير مبررة " على الأقل بالنسبة إلي " ما بتختلف عن السير مغمض العينين او ان الشخص يبخش انفه ويحط بينسر فيه
بالاخير البنسر اللي بالأنف او الحجاب اللي على الراس ماني ضدن وبعتبرن حرية شخصية بس شو الفائدة منن وشو هوي الشي اللي عما يتم تحصيلوا من الحرية هي

هلا، أنت لو بتسألني بصفة شخصية، شو الهدف من الحجاب / حط البنصر في الأنف، بحكيلك، ما الو أي معنى، بس لو بتسأل اللي حاط البنصر في أنفو بيحكي لك هيك الله أمرني و أنا عم طيع الله بها الممارسة شو ما كانت غريبة بالنسبة للآخرين، و أنا و بنصري بـأنفي بحس براحة نفسية و إني ربي راضي عني،و إني رح أدخل الجنة من ورا ها البنصر، بعكس إذا شلتوـ بكون ما بأدي واجبي الديني و بالتالي بحس إني مقصر دينيا.
باختصار، ممارسة الطقوس أو "الفروض" الدينية (حتى لو ما لقينا لها معنى) بالنسبة للشخص المتدين الها معنى، و ما فينا إلا نحترمو، إلا إذا كان في إطار ها الممارسة بيتعدى على حقوق غيرو أو بيفرض عليهم نفس الممارسة، هون غير طبعا.

[أإأبو العبد]

كاتب النص الأصلي : personita

باختصار، ممارسة الطقوس أو "الفروض" الدينية (حتى لو ما لقينا لها معنى) بالنسبة للشخص المتدين الها معنى، و ما فينا إلا نحترمو، إلا إذا كان في إطار ها الممارسة بيتعدى على حقوق غيرو أو بيفرض عليهم نفس الممارسة، هون غير طبعا.

حلو الحكي
طيب شو موقفك من الي بيمنع الحجاب بالدول العلمانية لانو على حسب قولو رمز ديني والدولة العلمانية لازم مايكون فيها اي رمز ديني


اهلين والله

[..AHMAD]

طيب شو موقفك من الي بيمنع الحجاب بالدول العلمانية

عفواً .. بس مو كأنو كل شغلة بتتعارض مع الدين .. عمندحش عليها تسمية علمانية ؟

في مجال تذكرلي اسم هالدولة اللي منعت الحجاب وقالت انو علمانيتها ما بتسمح بهالشي ؟

إذا قصدك على فرنسا فـ بهيك تصرف آخر شي ممكن ينسمي عالعلمانية هوي هيك تصرف .. فـ رجاءً لا تقلي العلمانية هيك بتفرض.

[أإأبو العبد]

كاتب النص الأصلي : ..AHMAD

عفواً .. بس مو كأنو كل شغلة بتتعارض مع الدين .. عمندحش عليها تسمية علمانية ؟

في مجال تذكرلي اسم هالدولة اللي منعت الحجاب وقالت انو علمانيتها ما بتسمح بهالشي ؟

إذا قصدك على فرنسا فـ بهيك تصرف آخر شي ممكن ينسمي عالعلمانية هوي هيك تصرف .. فـ رجاءً لا تقلي العلمانية هيك بتفرض.

حبيب انا ماقصدت اني اهين العلمانية لانو انا علماني بس للاسف عمشوف انو العلمانية متلها متل الاديان عمتتفصل وعمتتحرف على مزاج البعض

بعدين حابب وضح شغلة بردي انا ماقلت دول علمانية تمنع الحجاب
انا قلت

شو موقفك من الي بيمنع الحجاب بالدول العلمانية

يعني قصدي الاصوات الي بتنادي بمنعو بالدول العلمانية
غير فرنسا عندك تركيا وعندك تونس دول علمانية فيها اشخاص عمتنادي بمنع الحجاب لانه رمز ديني وهاد ابعد مايكون عن العلمانية بس اذا بتلاحظ تبريرهم للمنع بتلاقيه مبني على اسس علمانية وتم التلاعب فيها

[personita]

كاتب النص الأصلي : أإأبو العبد

حلو الحكي
طيب شو موقفك من الي بيمنع الحجاب بالدول العلمانية لانو على حسب قولو رمز ديني والدولة العلمانية لازم مايكون فيها اي رمز ديني

اهلين والله

أعتقد أنا رأيي واضح، ليش تنفرض على حدا لبس معين و ليش تنفرض عليه يشلح؟ بالنهاية احنا شو دخلنا؟!
صعبة كتير هاي انو نتقبل الكل في نفس الوقت؟

[رجل من ورق]

عم تنادي بمنع الحجاب شي والدولة مطلعة قرار تمنع الحجاب شي تاني

[همس الياسمين]

انو ميرو يحرء حريشك شو حركة انت
بعدني متابعة

[هبه الاردن]

كل صبيه حره بلباسها

خير الكلام ما قل ودل

[صفر]

الحجاب حرية شخصية ... لكن هل من حق الدول العلمانية ان تمنع الحجاب أو لنقل الرموز الدينية في الجامعات والمدارس ؟؟؟

برأي هذا شيء صحي وضروري ... من أجل إلغاء كافة أشكال التمييز ...


تحياتي

[أإأبو العبد]

كاتب النص الأصلي : صفر

برأي هذا شيء صحي وضروري ... من أجل إلغاء كافة أشكال التمييز ...

حاب اوضح نقطة مهمة هي انو الحجاب مش مجرد رمز ديني الحجاب فرض ديني لهيك مابظن انو شيء صحي وضروري الغاء الحجاب
لانو بهالحالة انت مش بس عمتلغي رمز انت عمتلغي شي اساسي عند المرأة المسلمة معناها اذا انت كدولة علمانية بدك تمنع الحجاب فلازم تغيير عقيدة المراة المسلمة

ووقت مايتم هالشي رح نستمتع جدا مع مسلسل ارهاب الجماعات المتطرفة وحلا ازا بتنحل

[nour333]

كاتب النص الأصلي : صفر

برأي هذا شيء صحي وضروري ... من أجل إلغاء كافة أشكال التمييز ...


تحياتي

شو صحي وما صحي ليكون حد قايلك لحجاب بنقل انفلونزا الطيور
وبعدين التمييز شي الو علاقه باللي براس البني آدم مو باللي ع راسو !!!!!!!!!

[صفر]

كاتب النص الأصلي : أإأبو العبد

حاب اوضح نقطة مهمة هي انو الحجاب مش مجرد رمز ديني الحجاب فرض ديني لهيك مابظن انو شيء صحي وضروري الغاء الحجاب
لانو بهالحالة انت مش بس عمتلغي رمز انت عمتلغي شي اساسي عند المرأة المسلمة معناها اذا انت كدولة علمانية بدك تمنع الحجاب فلازم تغيير عقيدة المراة المسلمة

ووقت مايتم هالشي رح نستمتع جدا مع مسلسل ارهاب الجماعات المتطرفة وحلا ازا بتنحل

... لكن مش داخل مؤسسة تعليمية علمية ... او مؤسسة دولة ...

تتحجب برا وتعمل اللي بدها اياه ... لكن ضمن الجامعة المدرسة ,,,, إلخ ... هي مواطنة بهالدولة العلمانية لازم تلتزم بقوانينها ...

بالنهاية الحجاب رمز ديني أكتر من أنو فرض ...

وحتى بالاسلام كلو مافي حجاب ... وجبلي آية وحدة بتقلك انو لازم تتحجب المرأة ... الحجاب اجا فقط للتميز بين زوجات الرسول وغيرهن فقط ... وبين الأمة والحرة ... مو لتحجب كل بنات الله


تحياتي

[Abu ToNi]

كاتب النص الأصلي : personita

هلا، أنت لو بتسألني بصفة شخصية، شو الهدف من الحجاب / حط البنصر في الأنف، بحكيلك، ما الو أي معنى، بس لو بتسأل اللي حاط البنصر في أنفو بيحكي لك هيك الله أمرني و أنا عم طيع الله بها الممارسة شو ما كانت غريبة بالنسبة للآخرين، و أنا و بنصري بـأنفي بحس براحة نفسية و إني ربي راضي عني،و إني رح أدخل الجنة من ورا ها البنصر، بعكس إذا شلتوـ بكون ما بأدي واجبي الديني و بالتالي بحس إني مقصر دينيا.
باختصار، ممارسة الطقوس أو "الفروض" الدينية (حتى لو ما لقينا لها معنى) بالنسبة للشخص المتدين الها معنى، و ما فينا إلا نحترمو، إلا إذا كان في إطار ها الممارسة بيتعدى على حقوق غيرو أو بيفرض عليهم نفس الممارسة، هون غير طبعا.

بالضبط هاد اللي عما قوله
انه بيبقى حرية شخصية وما عندي مشكله مع الشخص اللي عما يمارس حريته بالطريقة هي
بس هاد ما بخلي تعجبي واستغرابي يزول .. يعني كلمات ردك كانت معبرة عن فكرتي اكتر من كلماتي ذاتها

تحياتي

[أإأبو العبد]

كاتب النص الأصلي : صفر

... لكن مش داخل مؤسسة تعليمية علمية ... او مؤسسة دولة ...

تتحجب برا وتعمل اللي بدها اياه ... لكن ضمن الجامعة المدرسة ,,,, إلخ ... هي مواطنة بهالدولة العلمانية لازم تلتزم بقوانينها ...

بالنهاية الحجاب رمز ديني أكتر من أنو فرض ...

وحتى بالاسلام كلو مافي حجاب ... وجبلي آية وحدة بتقلك انو لازم تتحجب المرأة ... الحجاب اجا فقط للتميز بين زوجات الرسول وغيرهن فقط ... وبين الأمة والحرة ... مو لتحجب كل بنات الله


تحياتي

انا مابتفرق معي لبسو او مالبسو الشي راجعلن وانا قلتا قبل هيك انا مو كتير بحب فكرة الحجاب بس يااخي لما بشوف انو رح ينفرض على المحجبات نزع الحجاب لا ساعتا لازم نوقف ونقول لهون وبس ونفس الشي اذا انفرض على غير المحجبة انها تتحجب
وشو الفرق ياعزيزي بين مؤسسات الدولة وبرا المبدأ من الحجاب انو يغطي مفاتن المراة عن الرجل (على حد قولن) وبمؤسسات الدولة في رجال

اما بالنسبة للفتاوى حول الحجاب انا ماعندي اتطلاع عليهن ومابيحقلي اني افتيلك

[صفر]

كاتب النص الأصلي : nour333

شو صحي وما صحي ليكون حد قايلك لحجاب بنقل انفلونزا الطيور
وبعدين التمييز شي الو علاقه باللي براس البني آدم مو باللي ع راسو !!!!!!!!!

ماقصدت انو بيعدي ... وبينقل فيروس الطيور او الايدز ...

لكن المؤسسة العلمية لازم تبقى علمية بحتة ... ومايكون فيها تمييز ان كان طائفي او عنصري ... ووجود رموز دينية بتأدي لنوع من التمييز اللي مالازم يكون موجود ... لهيك انا بأيد منع الرموز الدينية اللي من بينها الحجاب داخل المؤسسة التعلمية وحتى داخل مؤسسات الدولة ...


بعدين مين قلك انو اللي براس الانسان مو على راسو ... ماعم بيصير بعصرنا انو اللي عراسك هو براسك


تحياتي

[inodessa]

كاتب النص الأصلي : أإأبو العبد

انا مابتفرق معي لبسو او مالبسو الشي راجعلن وانا قلتا قبل هيك انا مو كتير بحب فكرة الحجاب بس يااخي لما بشوف انو رح ينفرض على المحجبات نزع الحجاب لا ساعتا لازم نوقف ونقول لهون وبس ونفس الشي اذا انفرض على غير المحجبة انها تتحجب
وشو الفرق ياعزيزي بين مؤسسات الدولة وبرا المبدأ من الحجاب انو يغطي مفاتن المراة عن الرجل (على حد قولن) وبمؤسسات الدولة في رجال

اما بالنسبة للفتاوى حول الحجاب انا ماعندي اتطلاع عليهن ومابيحقلي اني افتيلك

انا مع ابو العبد بقصة الفرض... مو معقول حدا يفرض ع حدا لبسو...!!! شو الشغلي بالزور!!!