بخصوص الحجاب ....

[Abu ToNi]

بس بالأخير في نظام وعلى الكل يمشي عليه
بالحديث على منع الحجاب بالدول العلمانية دائما بتظهر براسنا فرنسا والقصص اللي صارت فيها
طب ولنفرض انه بسوريا اجا طالب بوذي الاعتقاد ، هل بدا توافق المدارس على حضوره باللباس الخاص فيه ام يفترض انه يلتزم باللباس المعتمد من قبل الدولة ؟


وهي صورة للبوذي في حال حدا ما بيعرف كيف طريقة لبسن :

[أإأبو العبد]

هووون حطنا الجمال هلا بما انو انا ما عندي اتطلاع واسع عالبوذية بس مابعرف هاللبس يعتبر فريضة او رمز
لانو برجع بقول الحجاب يارعاك الله فريضة عن المسلمين مافيك تقارن هاد في حال انو هاللبس ماكان فريضة

[Abu ToNi]

كاتب النص الأصلي : أإأبو العبد

هووون حطنا الجمال هلا بما انو انا ما عندي اتطلاع واسع عالبوذية بس مابعرف هاللبس يعتبر فريضة او رمز
لانو برجع بقول الحجاب يارعاك الله فريضة عن المسلمين مافيك تقارن هاد في حال انو هاللبس ماكان فريضة

الحجاب غير متفق بالنسبة إذا كان فريضة او رمز يتعلق بالمسلمين لتمييزن عن بقية البشر
بالنهاية وقت بدك تسن قانون ما فينك تعمل احصائية لكافة الرموز والمعتقدات وتحاول تراعي الدين الفلاني والتقليد الفلاني
كمؤسسة حكومية رسمية مطلوب منك قانون تأصدره بناء على الواقع وبناء على اللي يفترض يصير ، المدرسة يفترض انها مكان للدراسة مافي تمييز قومي بين عربي او سوري او فرنسي او اميركي تماما متل ما لازم يكون مافي تمييز مذهبي بين مسلم ومسيحي وبوذي ، داخل المركز الحكومي او المؤسسة بكون الانسان ماشي وفق القانون الخاص بالمكان الل فيه ، وخارجها هو حر بوضع القانون اللي بده ياه .

[أإأبو العبد]

كاتب النص الأصلي : Abu ToNi

الحجاب غير متفق بالنسبة إذا كان فريضة او رمز يتعلق بالمسلمين لتمييزن عن بقية البشر
بالنهاية وقت بدك تسن قانون ما فينك تعمل احصائية لكافة الرموز والمعتقدات وتحاول تراعي الدين الفلاني والتقليد الفلاني
كمؤسسة حكومية رسمية مطلوب منك قانون تأصدره بناء على الواقع وبناء على اللي يفترض يصير ، المدرسة يفترض انها مكان للدراسة مافي تمييز قومي بين عربي او سوري او فرنسي او اميركي تماما متل ما لازم يكون مافي تمييز مذهبي بين مسلم ومسيحي وبوذي ، داخل المركز الحكومي او المؤسسة بكون الانسان ماشي وفق القانون الخاص بالمكان الل فيه ، وخارجها هو حر بوضع القانون اللي بده ياه .

طيب وشو بتتوقع رَدة الفعل بعد منع الحجاب

[Abu ToNi]

كاتب النص الأصلي : أإأبو العبد

طيب وشو بتتوقع رَدة الفعل بعد منع الحجاب

بالأصل ما لازم نسميها منع للحجاب لأن مانها حركة موجهة ضد الحجاب
يفترض يتم الشرح بأن المكان هاد بتم التعامل معه بعيد عن الانتماءات الدينية والعرقية والقانون هاد بيمشي عليك تماما متل ما هوي ماشي على البقية .. فاذا فهم الشخص الفكرة معناها ما لازم يكون في مشكلة
واذا ما فهما معناها وجوده خطأ بالمحل هاد كونه مانه قادر على استيعاب قوانينه وشروطه .

[حنين.]

كاتب النص الأصلي : Abu ToNi

الحجاب غير متفق بالنسبة إذا كان فريضة او رمز يتعلق بالمسلمين لتمييزن عن بقية البشر
بالنهاية وقت بدك تسن قانون ما فينك تعمل احصائية لكافة الرموز والمعتقدات وتحاول تراعي الدين الفلاني والتقليد الفلاني
كمؤسسة حكومية رسمية مطلوب منك قانون تأصدره بناء على الواقع وبناء على اللي يفترض يصير ، المدرسة يفترض انها مكان للدراسة مافي تمييز قومي بين عربي او سوري او فرنسي او اميركي تماما متل ما لازم يكون مافي تمييز مذهبي بين مسلم ومسيحي وبوذي ، داخل المركز الحكومي او المؤسسة بكون الانسان ماشي وفق القانون الخاص بالمكان الل فيه ، وخارجها هو حر بوضع القانون اللي بده ياه .

هيك يمنع التمييز؟
طيب شو رايكم نعمل زي موحد لكل العالم للصغار والكبار والرجال والنساء بما ان حتى المراة والرجل ما في فرق بيناتهم
جد هي طريقة تفرقة معناها يا بخلع حجابي يا بروح دورلي على كوكب تاني " انا وكل المحجبات"
ما بقي عندنا حق ندرس و لا نشتغل شوف قديش بيكونو تعدو على حريتنا وحقوقنا
يعني يندفع حتى المسلمين المعتدلين نحو التطرف
ليش غير المحجبة مسموحلها تغطي شعرها بالشتاء البارد والمسلمة لا
المفروض غير المسلمين يدافعو عن الاسلام المعتدل اكتر من المسلمين انفسهم

[inodessa]

هوي بالدول العلمانية القانون فوق الدين... وهذا يطبق لمصلحة الدولة.. كما يراها المشرعون و بالتصويت..

بس المشكلة بالدول المتدينة... مثلا منع الخمر بالسعودية... او اضطرار غير المسلمين للتقدم للامتحانات بمواد الديانة الاسلامية(التي يتجاوز عددها الخمسة في كل عام) للنجاح بالمدارس العامة..! او منع المسيحيين من انشاء كنائس...! او ارتداء صليب.. او حق التبشير و حتى التحدث بما يتنافى مع الاسلام...!
او منع غير المسلمين من دخول مكة.. يعني اذا عندك صديق او صديقة من مكة ما فيك تزورهم (!)

يعني انا برأيي نناقش قضية الحجاب من منظور المنطق و نبتعد عن الدين و تشريعاتو.. مازال المنتدى خليط من كل الاطياف..

[r2r2]

اول شي السلام عليكم جميعا حابة احكي انو الدين امرنا بالحجاب بس اكيد في ناس بفكرو انو الحجاب بس انو الوحدة
تغطي راسها وبس المقصود بالحجاب هو تغطية جميع الجسم يعني لبس اللباس اللي
بيستر كل بدن المرأة وما يكون جسمها مفصل مش انها تحط على راسها الشالة وتلبس بنطلون وبلوزة والوان وما
بعرف شو وتحكي انا محجبة وكمان احنا ما بنحكم انو ازا وحدة محجبة يعني ملاك ومحترمة
ومن هالحكي اهم شي الاخلاق الحميدة والدين .
بتمنى يكون الجميع استفاد من كلامي

[Abu ToNi]

كاتب النص الأصلي : h13free

هيك يمنع التمييز؟
طيب شو رايكم نعمل زي موحد لكل العالم للصغار والكبار والرجال والنساء بما ان حتى المراة والرجل ما في فرق بيناتهم
جد هي طريقة تفرقة معناها يا بخلع حجابي يا بروح دورلي على كوكب تاني " انا وكل المحجبات"
ما بقي عندنا حق ندرس و لا نشتغل شوف قديش بيكونو تعدو على حريتنا وحقوقنا
يعني يندفع حتى المسلمين المعتدلين نحو التطرف
ليش غير المحجبة مسموحلها تغطي شعرها بالشتاء البارد والمسلمة لا
المفروض غير المسلمين يدافعو عن الاسلام المعتدل اكتر من المسلمين انفسهم

على ايامي كان بالمدارس في زي موحد معقول تغيرت البشرية بهلسرعة خلال ثباتي الشتوي الأخير

مشان قصة البحث على كوكب ، ما كان هاد القصد من الفكرة ، القصد انه مثلا انا كشخص لست مسلم وقت بدي فوت على جامع لازم اخلع حذائي واحترم قوانين المكان صح ولا لأ ؟
تماما متل ما الشخص اللي فايت بدولة علمانية يفترض منه وواجب عليه احترام قوانينها ، مع الملاحظة بأن مافي دولة علمانية بتقلك ممنوع الحجاب الفكرة هية ممنوع ارتداء الرموز الدينية في الأماكن الرسمية التابعة للدولة وخارجها ارتدي اللي بدك ياه واعمل اللي بدك ياه .

الاسلام المعتدل شبه غايب حاليا عن الساحة ، بس شخصيا بضم صوتي لكل صوت معتدل وبشد على ايد صاحبه .. فيكي ترجعي على رد سابق الي بالموضوع هاد وتشوفي كيف " عمليا " عما شد على ايد بيرسونيتا وقت استمعلت السمايل هاد " " .

[nour333]

كاتب النص الأصلي : Abu ToNi

بس بالأخير في نظام وعلى الكل يمشي عليه
بالحديث على منع الحجاب بالدول العلمانية دائما بتظهر براسنا فرنسا والقصص اللي صارت فيها
طب ولنفرض انه بسوريا اجا طالب بوذي الاعتقاد ، هل بدا توافق المدارس على حضوره باللباس الخاص فيه ام يفترض انه يلتزم باللباس المعتمد من قبل الدولة ؟


وهي صورة للبوذي في حال حدا ما بيعرف كيف طريقة لبسن :

ومالو لبسو؟ هو حر زلمه بحالو مو مآزيني بالعكس ممكن ازا من جواتو منيح اعتبرو صديق واستشيرو في كتير امور وفضلو ع واحد مظهرو متدين بس من جواتو لئيم

[باشق مجروح]

كاتب النص الأصلي : nour333

ومالو لبسو؟ هو حر زلمه بحالو مو مآزيني بالعكس ممكن ازا من جواتو منيح اعتبرو صديق واستشيرو في كتير امور وفضلو ع واحد مظهرو متدين بس من جواتو لئيم

اي كتير أمور . والاورانج طالع شغلة

[Abu ToNi]

كاتب النص الأصلي : nour333

ومالو لبسو؟ هو حر زلمه بحالو مو مآزيني بالعكس ممكن ازا من جواتو منيح اعتبرو صديق واستشيرو في كتير امور وفضلو ع واحد مظهرو متدين بس من جواتو لئيم

انا ما قلتلك في مشكلة بشكله او في مشكلة بطريقة اختياره للباسه
بس سؤالي الك : اعتبري نفسك مؤسسة حكومية تمتلك نظام معين يفرض على الطلاب طريقة لباس محددة داخل المؤسسة ، بتتغاضي النظر عن الشخص هاد اذا اجا على المؤسسة كونه رداء يعبر عن ثقافته واعتقاده بمععنى آخر جزء من هويته ؟

[الاء النور]

كل واحد حر يحط ما يحط يصطفل

برايو مانو قيد ولا حرية هيك عادي

[مايسترو]

هلق اول شي

انو كتير كتير كتير مبسوط انا لانو الي زمان ما شفت موضوع متل العالم والخلق والناس عم تتناقش فيو و النقاش حامي الوطيس ف بالتالي كل الشكر لصاحب الموضوع

تانيا انو خيو
مالح ارجع عيد كل الحكي عن انو حرية وما بعرف شو بس انو بدي اخد الموضوع منوجهة نظر تانية

انو بالفترة الاخيرة في كتير صبايا اتجهوا للحجاب....ليش؟
تانيا انو خيو اذا بدنا نتصرف كدولة علمانية بالشكل المزبوط فانو سن قوانين صحيحة وخلي الدولة علمانية الف بالمية وقتها احكي اللي بدك يا ومنعو بالدوائر العامة...

[nour333]

كاتب النص الأصلي : باشق مجروح

اي كتير أمور . والاورانج طالع شغلة

عادي لازم تتعود تتقبل الناس حتى الكرة الارضيه توسعنا

كاتب النص الأصلي : Abu ToNi

انا ما قلتلك في مشكلة بشكله او في مشكلة بطريقة اختياره للباسه
بس سؤالي الك : اعتبري نفسك مؤسسة حكومية تمتلك نظام معين يفرض على الطلاب طريقة لباس محددة داخل المؤسسة ، بتتغاضي النظر عن الشخص هاد اذا اجا على المؤسسة كونه رداء يعبر عن ثقافته واعتقاده بمععنى آخر جزء من هويته ؟

المؤسسات بكافة اشكالها بتوضع قوانيين للباس مرات بيعتمد ع لون او شي بيدل عليها ازا فرضت لبس معين يعني متل الجيش. ببريطانيا عملو لباس للمرأة المحجبه اللي بتشتغل بالشرطه وبريطانيا بلد علماني والمسلمين عددهم مو كتير كبير متل تركيا ولو حاسه لحجاب رح يأثر عليها كدولة علمانيه ما اقدمت ع هيك خطوه
من ناحيه تانيه ممكن تشترط عدم لبس شغلات معينه
متل الجينز او الوان غير مقبوله مشان المظهر العام للمؤسسه اما لحجاب ممكن هالمؤسسات تفرض لون معين او شكل الو بس تمنعو ما بشوف انو هالشي مبرر

[محمد ابراهيم]

الحجاب من الموضوعات اللي اكل عليها الدهر وشرب بالاخوية ولكن يحدث دائما تجديد للافكار المطروحة للنقاش عبر المتناقشون الجدد .
سأركز العرض حول نقاط محددة
1- الحجاب والحرية
2- الحجاب والاخلاق

1- الحجاب والحرية
يجب أن يكون لدى المراة كامل الحرية في ارتداء الحجاب او عدم ارتدائه ، فاذا ارادات المراة عدم ارتداء الحجاب وتم اجبارها فهذا يكون ضد الحرية وايضا اذا كانت تريد ارتداء وتم منعها فهذا ضد الحرية (مهما كان المبرر)

2- الحجاب والاخلاق
ارتداء الحجاب قد لايرتبط بالاخلاق اطلاقا ، والا فما حال اخلاق النساء قبل ارتداء الحجاب ؟ قبل نزول الاسلام ؟ على كل حال فاعتقد ان الحجاب يتعلق بالشريعة الاسلامية ومن المؤكد انه امر جيد ولكني لا اعتقد انه يرتبط بالاخلاق ، فهل اذا قامت من ليس لديها اخلاقيات ،بارتداء الحجاب ، فهل بذلك اصبحت تملك الاخلاق ؟ هل هكذا يكسب الانسان الاخلاق ؟ بقطعة قماش ! لابد ان الاخلاق اكبر من ذلك بلا شك .

عزيزي كابي قد تحققت امنيتك

كاتب النص الأصلي : Abu ToNi

الحجاب غير متفق بالنسبة إذا كان فريضة او رمز يتعلق بالمسلمين لتمييزن عن بقية البشر
بالنهاية وقت بدك تسن قانون ما فينك تعمل احصائية لكافة الرموز والمعتقدات وتحاول تراعي الدين الفلاني والتقليد الفلاني
كمؤسسة حكومية رسمية مطلوب منك قانون تأصدره بناء على الواقع وبناء على اللي يفترض يصير ، المدرسة يفترض انها مكان للدراسة مافي تمييز قومي بين عربي او سوري او فرنسي او اميركي تماما متل ما لازم يكون مافي تمييز مذهبي بين مسلم ومسيحي وبوذي ، داخل المركز الحكومي او المؤسسة بكون الانسان ماشي وفق القانون الخاص بالمكان الل فيه ، وخارجها هو حر بوضع القانون اللي بده ياه .

انا ارى ان كل دولة هي حرة بوضع القوانين التي تنظم امورها ومن لم تعجبه هذه القوانين من السادة الزوار او الضيوف فليترك هذه الدولة وليرجع الى حيث أتى ، ولكن طالما انت تمنعني من ارتداء ملابس محددة فدولتك تفتقد الى الحرية
ومن قال ان الحجاب للتمييز ؟

[Black Orchid]

كاتب النص الأصلي : همس الياسمين

يسلمون ميرو
موضوع ظريف
متابعة الاحداث انا اي بدها حشيشة

لف راسنا من دون حشيشه اه افرطوها بقى:jakoush :

[مغرم سوريا]

انا برأي في كذا شخص بهالمنتدى عم يحاول يقنع بعض الاعضاء بأفكاره الصهيونية....

مو شرط على هالموضوع ... الحجاب مفروق على كل امرأة مسلمة ... فلسفة زايدة ما بدنا

رجاءً مو كل شخص في بباله فكرة يروح يحكيها .. في ناس عم يتأثرو من هالكلام

في كتير صغار بالمنتدى ( مراهقين ) وهذا الكلام خطير على هيك عقول