ثقافة المرأة: نعمة أم نقمة؟

[أإأبو العبد]

كاتب النص الأصلي : Marooshe

هاد واحد نفسو دنيئة ، وقذرة جداً ،
مرتو بتشتغل لحتى ياكل ويعيش وهوي بيعيش لحتى ياكل ومرتو تشتغل !

غريبة هالنظرة منك بحس فيها ازدواجية معايير
طيب في رجال بيشتغلو ومداماتون قاعدين بالبيت لاشغلة ولا مشغلة وبيكون عندا خدامة لشغل البيت ليش عيب عالرجال ومو عيب عالمرا

[boozy]

كاتب النص الأصلي : جاد81

شوفي يا صديقة رأيك لا يعمم على جميع الرجال في الوطن ...بس في شريحة واسعة ...يعني بسوريا مثلا الشريحة كبيرة ضد تعلم المرأة و عملها ...بس بتوقع مش أجيالنا ( التمانينات و التسعينات و لا حتى السبعينات ) يعني يلي هلئ عما يتزوجوا ....و كمينا في مشكل صغير بثقافة المرأة العاملة ...يعني عند المرأة بالخصوص بتعتبر حالها بس تعلمت و اشتغلت و صار بجيبها مصاري انو خلص ...انو فيها تغرد خارج السرب و ما بقى هيي بحاجة لحدن ...و هيدا برأيي شي في من الخطأ الكثير ...عمل المرأة في أيامنا هو مكمل لعمل الرجل ...و ليس استقلال عنه ...يا ريت تتاخد هل الفكرة بعين الاعتبار....

و منشان عبارة المجتمع الذكوري يعني يكثر استخدامها على لسان الفتيات و كأنها أصبحت شي معيب للرجل

يعني شو يعني مجتمع ذكوري و مجتمع انثوي ...متل ادي رجولي و أدب نسائي ...الحياة لا تحتمل التقسيمات حسب الجنس ...لانو بيكفي التقسيمات القومية و الدينية و .....الخ....

أنا كرجل في عمري هذا أطالب بتعلم الفتاة و بعملها و بوصولها الى اعلى المراتب حسب قدراتها و مؤهلاتها ...يعني مساواتها بالرجل ....هذا ما يجب ان نتفق عليها و يجب ان نبتعد عن سياسة الكر و الفر و الدفاع عن النفس ...و كأنو الرجل صياد و المرأة طريدة ...او الوصول الى الحالة العكسية ..

برافووووووووووا شعارات

[boozy]

كاتب النص الأصلي : Marooshe

المرأة المثقفة ما بتشكل تهديد الا ع يلي عندو شك بذكوريتو وبيفتقد للثقة بنفسو .. وما أكثر أشباه الرجال وما أكثر الذكورة والرجولة المزيفات !




المرأة المثقفة ، القوية نعمة لنفسها ونقمة للضعفاء !

صح الصح
تهديد وفلم رعب
باستخدام سياسه العصر الحديث اكل بعقلها حلاوة واخها على ئد عقلها
وانت تكسب بعدين
مثلها مثل اساليب الاحتلال
كانت قبل قمعية صارت هلأ غزلية بحجة الدفاع عن الشعب مساكين
مثل الامريكان اجو وماتوا وصرفوا دم ئلبهن مشان سواد عيون العراقيين
والله نعييش ونشوف

[mhsen77]

كاتب النص الأصلي : personita

يعني من خلال الردود بستنتج واحدة من الشغلتين: يا إما مجتمعنا جد متطور و متفتح، يا أخوية ما بتمثل المجتمع اللي عايشين فيه

اي والله اخوية ما بتمثل المجتمع يلي عايشين فيه
اكيد البعض صادق بطرح أرأو بس الاكيد مو الكل
في ناس شايفي الناس هون منفتحة فا بتحب تعمل متلها ولو تغير الرأي الكلي للموقع رح تتغير معها

بالنسبة للموضوع المرأة المثقفة اقدر على النجاح في حياتها و من ضمن حياتها بيتها
يلي بيخاف من المرأة المثقفة يروح يتجوز وحدة ما بتعرف الخمسي من الطمسي ويتجوزها و يبتلي حدو القرد

[جاد81]

كاتب النص الأصلي : boozy

برافووووووووووا شعارات

غريب شو ما حكينا بتلاقولو فتوى

[Marooshe]

كاتب النص الأصلي : أإأبو العبد

غريبة هالنظرة منك بحس فيها ازدواجية معايير
طيب في رجال بيشتغلو ومداماتون قاعدين بالبيت لاشغلة ولا مشغلة وبيكون عندا خدامة لشغل البيت ليش عيب عالرجال ومو عيب عالمرا

بعد ازنك يعني ، بس أنا هون عم رد على مثال معيّن وما عممت !
لي كتبتو ايفان مثال على استغلال الرجل لمرتو وعدم مراعاتها نفسيا وجسديا واجتماعيا ،
وغير هيك ما في مانع المرأة تشتغل والرجال بحكم ظروف معينة يقعد بالبيت .. بس ع القليلة المفروض يكون الو دور وجزء من هاد البيت .. مو يقعد قعدة ملوك ويعملي فيها الآمر الناهي ..

وبعد شغلة أخيرة ، بالحياة الزوجية المفروض الزوجين يتشاركو بكل شي والأدوار مقسمة بيناتهن بحسب ما بيلائمهن مو توقع كل الشغلات على كاهل طرف معين !

[أإأبو العبد]

كاتب النص الأصلي : Marooshe

بالحياة الزوجية المفروض الزوجين يتشاركو بكل شي والأدوار مقسمة بيناتهن بحسب ما بيلائمهن مو توقع كل الشغلات على كاهل طرف معين !

هاد الي بدي اوصلو بس هالحكي مابيعني انو المرأة بخانة البراءة والظلم والرجل هو الظالم المفتري بالعكس في كتير حالات بيكون العكس صحيح

[Marooshe]

كاتب النص الأصلي : أإأبو العبد

هاد الي بدي اوصلو بس هالحكي مابيعني انو المرأة بخانة البراءة والظلم والرجل هو الظالم المفتري بالعكس في كتير حالات بيكون العكس صحيح

أكيد في "حالات" بيكون العكس صحيح ...

[أإأبو العبد]

لاول مرة منتفق

[nour333]

هلا ثقافة وتعليم المرأة بتختلف حسب المكان
يعني الفقرة اللي حطيتيها كانت لكاتبه سعودية وهاد مجتمع الرجال فيو لما بيزكر زوجتو بقول اجلك الله لأنو بيعتبرها مكان لقضاء حاجتو الجنسية لهيك كل ما كان عمرها اصغر بتكون فترة صلاحيتها الجسدية اكبر لهيك بفضل فتاة 15 سنة على وحده متعلمه

اما المجتمعات التانيه بتختلف بأختلاف الناس يعني شب غير متعلم بتناسبو فتاة متلو
اما واحد متعلم ع الاغلب بيدور بنت متعلمه الحياة صعبه دوبا المتعلمه تفتح بيت فكيف بنت مو عارفه شي بهاي الدنيا

[أبو أمجد]

.....ماهو تعريف الثقافة؟؟..؟..

[personita]

كاتب النص الأصلي : أبو أمجد

.....ماهو تعريف الثقافة؟؟..؟..

الغني
ثَقَافَةٌ - ج: ـات. [ث ق ف]. (مص. ثَقُفَ، ثَقَفَ). 1."حَصَلَ عَلَى ثَقَافَةٍ عَالِيَةٍ" : الإحَاطَةُ بِالعُلُومِ وَالْمَعَارِفِ وَالآدَابِ وَالفُنُونِ. 2."الثَّقَافَةُ العَامَّةُ" : مُجْمَلُ العُلُومِ وَالفُنُونِ وَالآدَابِ فِي إطَارِهَا العَامِّ. 3."الثَّقَافَةُ الوَطَنِيَّةُ" : مَا يُمَيِّزُهَا عَنْ غَيْرِهَا مِنَ مَعَارِفَ وَعُلُومٍ وَفُنُونٍ وَعَادَاتٍ وَتَقَالِيدَ، أيْ كُلُّ مَا هُوَ مُرْتَبِطٌ بِحَضَارَتِهَا. "الثَّقَافَةُ العَرَبِيَّةُ".
مُثَقَّفٌ، ةٌ - ج: ـون، ـات. [ث ق ف]. (مفع. مِنْ ثَقَّفَ). 1."رَجُلٌ مُثَقَّفٌ" : مُتَعَلِّمٌ، مَنْ لَهُ مَعْرِفَةٌ بِالْمَعَارِفِ، أَيْ ذُو ثَقَافَةٍ. 2."النُّخْبَةُ الْمُثَقَّفَةُ" : نُخْبَةٌ مِنْ أَهْلِ الفِكْرِ وَالثَّقَافَةِ.
المحيط
الثَّقَافَةُ : مصـ.-: الحذق والمهارة أو الفطنة وسرعة الإدْراك.-: العلوم والمعارف والفنون التي يدركها الفرد؛ يتطلََب التدريس من المدرّس أن يكون ذا ثقافة واسعة. -: مجموع ما توصّلت إليه أمَّة أو بلاد في حقول الأدب والفكر والعلم والفن والصناعة ونحوها؛
المُثَقَّفُ : من له ثَقافة أو حذق في المعارف أو العلوم أو الفنون؛

[أبو أمجد]

جميل جدا هذا التعريف وسؤالي كان لحصر سبب هذه المشكلة في فئة معينة
وهي الفئة التي تفتقد الى الثقافة من الرجال (بما ان الموضوع يتحدث عن الرجل)
ومن يقول بانه يفضل المرأة الغير مثقفة فإنه ومهما إرتقى تحصيله العلمي يفتقد لجوهر الثقافة
فالثقافة ليست مجرد تحصيل علمي

[personita]

كاتب النص الأصلي : nour333

هلا ثقافة وتعليم المرأة بتختلف حسب المكان
يعني الفقرة اللي حطيتيها كانت لكاتبه سعودية وهاد مجتمع الرجال فيو لما بيزكر زوجتو بقول اجلك الله لأنو بيعتبرها مكان لقضاء حاجتو الجنسية لهيك كل ما كان عمرها اصغر بتكون فترة صلاحيتها الجسدية اكبر لهيك بفضل فتاة 15 سنة على وحده متعلمه

اما المجتمعات التانيه بتختلف بأختلاف الناس يعني شب غير متعلم بتناسبو فتاة متلو
اما واحد متعلم ع الاغلب بيدور بنت متعلمه الحياة صعبه دوبا المتعلمه تفتح بيت فكيف بنت مو عارفه شي بهاي الدنيا

أنا حطيت اقتباسين، واحد لكاتبة سعودية، و التاني لكاتبة مصرية، صحيح أنو السعودية نموذج لمجتمع في أقصى درجات الانغلاق، بس هذا ما بيعني أنو الظاهرة ما بنشوفها في المجتمع العربي ككل.
هلا أنا ما حكيت عن مين بيناسب مين (بيضال اختيار الشريك شي شخصي بدرجة أولى) و لا أعطيت "حكم تقييمي"، بس حكيت عن ظاهرة اجتماعية أثار انتباهي انو انطرحت بصيغة مشابهة جدا، تكاد تكون متطابقة من طرف كاتبتين مختلفتين، و من مجتمعين مختلفين، بيشتركو في نفس النظرة.
و سألت، إلى أي حد معهم حق في الصورة اللي رسموها؟
و بس، و هلت الأنوار

[سوا ربينا]

كاتب النص الأصلي : boozy

ايييييييييي
كلهم حبيبتي بالبداية بيعملوا حالهم مشجعين وساندين للمرأة
يتمسكن لحتى يتمكن
ويا ويلي لما يتمكن
اسأليني الي عن تجربة والله
المراة بالنسبة الهم حسب المثل القائل
بالنهار تحت عصاتي وبالليل تحت عباتي
لحد هلأ ما قدروا ينفضوا رمل الصحراء من قلوبهم وعقولهم.

انو لا يعني مش الكل متل ما حكيتي ... في ناس عندها مباديء بترسمها من قبل وبتضل تطورها مع الزمن وبتضل ثابتة عليها ... وبتنفذها وبتعمل فيها ... وفي ناس ما بتعرف راسها من اجريها ,.ولا بتعرف شو يعني مبدأ... بس انو كل الشباب هيك لا ما حبيتها نهائيا...

كاتب النص الأصلي : جاد81

غريب شو ما حكينا بتلاقولو فتوى

والله يا معلم لا بيعجبهن العجب ولا الصيام بأي شهر بالسنة كلها ...