لماذا نضيء الشموعU أمام الأيقونات؟

[شكو زولو]

أولاً: لأن المسيح قال: "أنا نور العالم" (يوحنا 12:. الشمعة تذكرنا بإيماننا بأن المسيح ينير نفوسنا.

ثانياً: لتذكيرنا بإشعاع القديس صاحب الأيقونة التي نضيء الشمعة أمامها، لأن القديسين هم أبناء النور (يوحنا 36:12 ولوقا 8:16).

ثالثاً: كتأنيب على أعمالنا المُظلِمة وأفكارنا الشريرة وشهواتنا. ولكي نُدعى إلى طريق النور الإنجيلي حتى نتمّ بحرارة أكبر وصية المخلّص: "فليضىء نوركم أمام الناس، حتى يروا أعمالكم الحسنة" (متى 16:5).

رابعاً: كتضحية صغيرة للرب الذي أسلم نفسه كليّاً كضحية من أجلنا، وكإشارة صغيرة إلى امتناننا الكبير ومحبتنا المشعّة للذي منه نسأل الحياة والصحة والخلاص وكل ما يمكن أن تمنحه المحبة الإلهية غير المتناهية.

خامساً: لضرب قوى الشر التي تحاربنا حتى خلال الصلاة، مبعِدةً فكرنا عن الخالق، كونها تحب الظلمة وترتجف من النور، خاصةً نور الرب ونور الذي يرضونه.

سادساً: لحثنا على إنكار الذات، إذ كما يخضع الزيت والشمع لإرادتنا، هكذا ينبغي بنفوسنا أن تحترق بشعلة المحبة في كل آلامنا خاضعين لمشيئة الرب.

سابعاً: لتعليمنا أنه كما أن الشمعة لا تشتعل بدون يدنا، كذلك قلبنا، أي نورنا الداخلي، لا يضيء بدون نور النعمة الإلهية المقدس، حتى ولو كان مليئاً بالفضائل التي هي في مطلق الأحوال مادة قابلة للاشتعال لكن النار التي توقدها لا تأتي إلاّ من الله.

ثامناً: لتذكيرنا بأن خالق العالم، خلق النور أولاً ومن ثم كل الأشياء الأخرى بالترتيب: "وقال الله ليكن نور وكان نور" (تكوين 3:1). وهكذا ينبغي أن تكون الأمور في بداية حياتنا الروحية، حتى، قبل كل شيء، يلمع في داخلنا نور المسيح. ومن ثم من هذا النور يتولّد كل عمل صالح، ويرتفع وينمو فينا.



عسى أن ينيركم نور المسيح.







U الكلمة المستعملة في النص الإنكليزي هي "vigil light" التي تفسيرها الحرفي هو "ضوء السهر أو السهرانية" وقد يكون شمعة أو قنديلاً، لكني استعملت كلمة "شموع" لأن العادة الغالبة في بلادنا هي إضاءة الشموع وليس القناديل (المعرّب).

[roksana]

يمكن بهالعالم ما حدا شي مرة فكر ليش عم يشعل شمعة امام الايقونات
بس بيعرف انو لازم يشعل شمعة مشان الله يستجيب لطلباته لان للاسف الانسان اناني ما بفكر غير مصلحته

[Abo rafik]

انا مثلا" ما كنت روح عالكنيسة الا قبل الفحص...
وكنت دايما" انسى اشكر الله ...ع كل شي عم يعطيني اياه...
بس هلق ... ماشي الحال ...ما عم انسى كتير....

[الأستاذ]

يا سيدي شوكوزولو هالرمزيات يلي ذكرتا كتير حلوة
بس إجمالاً بحطو شموع بالكنيسة منشان الناس يلي بتفوت تشعل شمعة قدام شي أيقونة و تحطلها قرشين بالصينية و هادا هو الأهم

[شكو زولو]

كاتب النص الأصلي : الأستاذ

يا سيدي شوكوزولو هالرمزيات يلي ذكرتا كتير حلوة
بس إجمالاً بحطو شموع بالكنيسة منشان الناس يلي بتفوت تشعل شمعة قدام شي أيقونة و تحطلها قرشين بالصينية و هادا هو الأهم

يا سيدي الأستاذ اذا هدا رأيك ما بيعني أنورأي الكنيسة
و اذا هيك يا سيدي لا تشعل هل الشمعو و لا تحط هل الكم قرش
و ساعتها منشوف اذا هل الكنيسة بحاجة القرشين يلي أي حدا بيحطن

[Espaniol]

شكرا شكوزولو على التوضيح
بالنسبة الي بعتبر انو الروح القدس الو رموز كتير منها النور يلي بالشمعة والزيت ولهيك
فالشموع رمز للايمان المضرم بالقلوب ,وكتير بحس بفرح كبير لما شوف طفل زغير يادوب يقدر
يطول يضوي شمعة اول ما بيفوت بيضويها ,هالمشهد كتير تكرر قدامي وكنت حس حتى لو هالطفل ماعندو فهم كبير لمعنى الشمعة بس عندها بيعبر ليسوع عن ايمانو , ويسوع حاميه وبدي قول للاستاذ انو ليش بيضل بالك مشغول بمصاري الكنيسة صرت اكتر من مرة متطرق للموضوع مع انو ما بيستاهل

[الأستاذ]

يا سيدي الأستاذ اذا هدا رأيك ما بيعني أنورأي الكنيسة
و اذا هيك يا سيدي لا تشعل هل الشمعو و لا تحط هل الكم قرش
و ساعتها منشوف اذا هل الكنيسة بحاجة القرشين يلي أي حدا بيحطن

الحقيقة أنا عم بسمع نصيحتك سلف
حيث إني ما بشعل شموع بالكنيسة و ما بحط مصاري بالصينية

وبدي قول للاستاذ انو ليش بيضل بالك مشغول بمصاري الكنيسة صرت اكتر من مرة متطرق للموضوع مع انو ما بيستاهل

مشغول بالي لسببين:
الأول إني عم شوف مصاري الكنيسة و هيي عم تتحول بقدرة العلي لرحلات و مشاوير و موبايلات آخر موديل و سيارات فارهة و بنزين كب ، بالوقت يلي لسا لهلأ في كتير كنايس و مراكز تعليم مسيحي ما عم ينحط فيها قرش مع إنها بأمس الحاجة
و الثاني إني ما ممكن بيوم من الإيام كون داعم أو ساكا عن الإتجار بالروح القدس

وللتوضيح :موقفي من بعض رجال الدين لا يمكن بأي شكل من الأشكال وضعو بمقام موقفي من الكنيسة، بلعكس بعتبرو غيرة على الكنيسة و أمل بأنو هادا الواقع يتغير، خاصة أنو الكنيسة ما هيي الكهنة متل ما الكتير بفكرو أو بيعتبرو:
الكنيسة هيي نحنا......... هيي كل المسيحيين المعمدين كهنة و علمانيين
كلنا شركاء بالعضوية بالكنيسة جسد المسيح
و من هادا الواقع مو بس بحقلنا نعترض على الوضع يلي منشوفو غلط بجاني من جوانب الكنيسة، و إنما من واجبنا تنشتغل لنغير هاد الواقع ، خاصة بكنيستنا الشرقية (بالشرق يعني مو كاتوليك أو أورتودوكس) يلي لازم تكون مثال للمسيحيين بكل أنحاء العالم

بكل الأحوال يمكن مداخلتي إجت بغير مكانا و ما نفهمت متل ما عنيتا
مشان هيك ما تواخذونا يا أخ شوكوزولو و يا أخت حنان........تحية طيببة
و الله يكون معكون

[Abo rafik]

يشدة بضم صوتي لصوت الاستاذ....
الكنيسة بحاجة لمين يعمر البشر ومو الحجر (ويا ويلن هدول اللي رح يشككو واحد من اخوتي هؤلاء الصغار...)
يارب تسامح ضعفنا.......

[شكو زولو]

كاتب النص الأصلي : LOLO

يشدة بضم صوتي لصوت الاستاذ....
الكنيسة بحاجة لمين يعمر البشر ومو الحجر (ويا ويلن هدول اللي رح يشككو واحد من اخوتي هؤلاء الصغار...)
يارب تسامح ضعفنا.......

و انا بشدة بضم صوتي للأستاذ
بس اذا دائما بدنا ننقض و نحنا ما منقدر غير نعطي نظريات
مين يلي بدو يعمر

[الأستاذ]

بس اذا دائما بدنا ننقض و نحنا ما منقدر غير نعطي نظريات
مين يلي بدو يعمر

إنشالله مننقد و ما ننقض
و التغيير بالكنيسة إنشالله رح يكون من أبناءها مو من أعداءها
و أنو نعترف بمشاكلنا هو أول خطوة على طريق الحل
و إنشالله بتكاتف كهنة أوفياء و علمانيين ملتزمين ما في شي صعب
و بغير الله ما إلنا رجاء

[Abo rafik]

انا معجب كتير بروحك وتفانيك يا ابو بسيم وبتمنى كون متلك ...بس عم اعمل اللي فيني عليه وانا تحت امر الكنيسة كلها باي شي بيتوجب عليي ...بس اكيد يكون شي اقدر عليه...ومتل ما قال الاستاذ في مشاكل ...وما بتنحل الا اذا طولنا بالنا ع بعض كهنة وعلمانيين انا وقت اللي بشوف كاهن عمل غلط (وما حدا معصوم عن الغلط) بقول للمطران عالغلط ووقتها بتكون صارت القصة عند المطران ...وهوي يتصرف لانو هوي المسؤول عن الرعية كاملة كهنة ومؤمنين...وبالنهاية اهم شي اصلح حالي وما اتوقع انو الكاهن ملاك...