أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  و الله هالموضوع مقفول ترى
 
أدوات الموضوع
قديم 25/08/2007   #991
شب و شيخ الشباب Spector
مشرف متقاعد
 
الصورة الرمزية لـ Spector
Spector is offline
 
نورنا ب:
Jul 2006
المطرح:
انا ب زمن العجايب
مشاركات:
2,535

افتراضي


HUS هو كتاب قد ما قريت منو ما بتخلص وكل ما بتقرا منو صفحة بتتشوق لتقرا صفحة تانية

I'm right, right.. and you're right, left

 
قديم 25/08/2007   #992
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


اقتباس:
كاتب النص الأصلي : sweetbaby عرض المشاركة
حسامو سؤال جديد وهاد السؤال ممنوع انو تحط عليه يش يش
شو رايك بالاعضاء التالية
.............................
انو بيشرفك شو يا زلمي .. كتير كتار الأسماء .. بعرف انك اتزبتي بتجميعون بس كتير صعب جاوب عليهم كلون .. و قول رأيي .. (هذا لو غضينا الطرف عن اني ما كتير بستسيغ التقييمات من اساسها .. ففعزريني على الغدى..

اقتباس:
كاتب النص الأصلي : أسير التشرد عرض المشاركة
اسئلتي بسيطة ...ع قد حالي...
* لو كنت انت الله...كنت خلقتني ام لا..؟
اوف اذا الله الحقيقي خلقك ، بدك انا متقمص الدور ما اخلقك .. له يا مان .. عم بتزلقني تحط وحدي على الخالق عز وجل .. ما حبيتها منك بنوب ..

* بتذكر بأنو سنة او اديش كان عمرك لما اكلت اول كف من ابوك...؟..(من دون ذكر السبب للكف..)
لاء ما بذكر ، ولا بذكر اني اكلت كف ، بذكر كان الماما تضربنا فلقة انا واخوتي لمن كنا صغار بس البابا ما كان يضربنا كان اقسى من انو يضربنا ، كان بيستخدم النظرات و الكز ع السنان ..

* بتعتقد انو هالزلمة رح يرجع من عند البطل معمر القذافي..بتابوت ام حي يرزق...ومعو عر اولاد...؟
ما رح يرجع ... هوي اصلا ما عند القذافي .. والي صار ما بليبيا .. (تقديرات وتحليلات طبعا) الي فاضل الذكرى و كلمة بتتقال كرمال الشبابس يغصو لمن بدك تغصصون .. مش اكتر ..

* بتحب المكدوس ع الصبح...؟
يا ويلاته .. بحبو دائما بس ما يكون معمول بفليفلة حرة ، و يكون الجوز الي فيه بلدي ، ويكون الزيت الي منقوع فيه من زيتاتنا .. (انا منقنز كتير بالأكل لإني بحب الأكل كتير بس على هواي يكون)

* بتعتقد انو للعدالة اوجه...(بمعنى عدة اساليب بالتطبيق فقط..)؟
اي .. بعتقد بهيك ، بس ما بسعى/ولا بحاول بشّر بغير انو للعدالة وجه واحد .. (اصدي ضمنيا انا مقتنع ان العدالة بتاخد اوجه عديدة ، بس بيهني ضل عم شوفها بوجه واحد القانون والدستور والشرعية فقط ، و بيهمني بنفس الوقت يوصل للآخر نفس المفهوم هذا .. ان العدالة وجهها البشري هوي المحاكم و الشرعية وبس ، وحتى ان صار خلل ما _سواء حكم جائر او غير عادل او حتى خاطئ_ فهو هنا فقط من اشكال العدالة الأخرى .. لكن بخلاف ذلك العدالة البشرية مكانها المحاكم و الشرعية و بس .. _يعني ضمنيا كنت رايد قول انو ما لازم تتسرب لأدمغة الناس ان العدالة تتجلى بعدة اوجه بحيث يشرعنو لنفسهم تتطبيقها بأساليب هني شايفين انها من تجليات العدالة بفهمهم القاصر او بفهمهم المنطلق من مبدأ المصلحة .. _

* برأيك التوفيق بالحياة...امر يحققو الانسان ام انو مسألة غيبية...؟
شوف الدارونية / الإصطفاء الطبيعي بيقول "البقاء للأمثل" للدقة survival of the fittest
تمام .. بس هذا الجزء المتداول بس الكثر ان لم يكن اكثر الناس (من الأكاديميين تحديدا) بيتناسو الجزء التاني من النظرية ..
فهي بتقول البقاء للأمثل
و الأوفر حظااااااااااااا
الي عم حاول قولو ، انو حتى اتخن نظريات الإصطفائية ، و الأمثلية ، معترفة صراحة بدور موازي لدور الأمثلية ، تحت امرة القدر ، او الحظ ..
هيي بالنهاي هيك ، بدها العاملين مع بعض ، بدو يكون الشخص "أمثل" + بدو يكون " اوفر حظا" ، اذا راح عامل فالتعويض مضاعف من الآخر ،
فالمحظوط المش امثلي ، ما بينجح .. الا لو كان محظوظ للنخااااااع
والأمثلي المش محظوط ما بينجح .. غير لو كان الأمثل تماممااااا
يعني الحظ موجود (بقناعتي القدر موجود او بيتدخل بصورة الحظ) في حظ وصدفة .. موجودين ، بس ما بيفيدو شخص ما عندو المقومات ، اذا اجاك اكبر حظ وانت مفلس ما رح تقدر تستثمرو، ولو اجاك اكبر حظ وانا شخص ما تعب على حالو ما رح يتبلور الإجتماع هذا بصورة نجاح .. فالمقومات اولا ، الجزء الي احنا منعملو، وبعدها بيفضل في حظ بمجئ الحظ ..
** طبعا الحكي هذا الجزء الغير معد للتصدير ، هذا استخدام محلي،
بالتصدير منقول مافي حظ ، منقول الحظ انت بتصنعو بجهدك ، و بنقول نحن منصنع مستقبلنا وقدرنا بإيدنا .. (بالتصدير طبعا في مسؤولية .. لهيك ما دائما فيك تحكي ضميرك او تحكي ما يجول في خاطرك .. بدك تحكي انطلاقا من تأثير ما تقول على الآخر ، هل رح تهبطلو معنوياتو او رح تشدلو عزيمتو، هل رح تخليه اكثر اجتهادا او اكثر اتكاليا .. فهيك يعني المسائل .. وانت ادرى .. )

تحياتي ايضا
ً

وتقبلي تحياتي...



العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
 
قديم 25/08/2007   #993
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


اقتباس:
كاتب النص الأصلي : Hus عرض المشاركة
اخيرا بدي قول انو 10 تيام كتير وقليل، كتير انا بيكفيني 72 ساعة .. (ممكن الأيام السبعة الآخيرة احرص على تطبيق ما تم اعداده بال 72 ساعة الأولى مش اكتر)
اي بدي 72 ساعة لأاقرا الرد .. انت خلصت كل هالشغل بـ 72 ساعة ..

بتشكرك على هالرد العظيم .. ولو عندك وقت كنت سألتك كم سؤال .. بخصوصوه ..

بس هيك سؤال عـالحارك ..

3- ما هو موقفك من هذه المسائل ..!

أ) الاجهاض .

ب) الابحاث العلمية بخصوص الاستنساخ .

ج) موانع الحمل .

د) الجنس خارج اطار الزواج .



ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.
 
قديم 25/08/2007   #994
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


حسام اسالتي الك ...:


ايا سنة دراسية هلا انت ؟


اختصاص الطب بشو يعني عين رجل ادن انف ...؟



شو رايك بالمعكرونة ...بتحبا... وايا نوع اطيب ..؟



تانج ولا شراب عمار




انتي كرماووويييي؟؟




حمص ولا مسبحة ..؟





منجي للجد شوي ....



احلى رواية انجليزية قريتا وتركت شي عندك ..؟




شو رايك بفرع المحاسبة ...!!!؟




عندك استعداد لو صار جمعة كبير باخوية انك تحضر .... ما تقلي وقت لانو .. هيك شغلة بيجوز ما بتصير غير بال10 سنين مرة بقا عندك استعداد للقدوم؟؟



احلى كرتون عندك ..




قديش جبت مجمعك بالكلوريا ..؟




ليش بتكتب بردودك شقد وهيك ما انت حومصي ّّّ!!!11!



مين برايك افضل رئيس مر على سوريا ..!!




كنت مع موقف حسن نصر الله بالحرب اللي صارت اما لا ..؟




دريد لحام.... شو احلى شي شفتلو ياه ..؟




برمضان بتابع مسلسلات والسنة الماضية شو شفت ..؟



شو رايك كبة مقلية ولا مشوية ؟



هلا بدي اكتر شي بتحبون بهدول



اكلة ...



شراب




برنامج تلفزيوني ..





فلم





ممثل ..



ممثلة





بتتذكر شي موقف محرج صار معك من قبل؟وما نسيته شو هوة





طيب هلا ... اكتر بلد زرتا وتركت ببال شغلات حلوة يعي شفتك انك مسافر كتير ومتصور ... شو اكتر وحدة حبيتا




ما عاد فات لعندك حدا وانت شالح انو هاد الحرامي الصغير





مين ممكن تزت بعدك بهالمقلاية ...؟




اخوية ممكن تحت الضغوط انو يوقف ويتسكر حسام ..





بتخاف من النزلة على سريا من انو حدا يمسكك ؟




وصار معك شي من قبل انو حدا كمشك او حكا شي معك ...؟




ريال مدريد ولا برشلونة





بدي بس كلمة منك للاعضاء في حال صار معك شي وما عاد قدرت تابع اخوية حسام




والي عودة

شاورما ©

كمّون ©

Calculater ©

" لو .. رجعت الشام .. لـ حضن الشام .."

2011
 
قديم 25/08/2007   #995
شب و شيخ الشباب حزوم الحباب
شبه عضو
-- أخ لهلوب --
 
الصورة الرمزية لـ حزوم الحباب
حزوم الحباب is offline
 
نورنا ب:
Aug 2007
المطرح:
ورا الشاشة
مشاركات:
88

افتراضي


والي عودة[/quote]
هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟

نحن قوم متى بلغ الفطام لنا صبي
صبي تخر له الجبابر ساجدينا
 
قديم 25/08/2007   #996
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
كاتب النص الأصلي : حزوم الحباب عرض المشاركة
والي عودة
هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟
[/quote]
هههههههههه اي اي سوري منك ما
تواخزني حبيب

ما قصدي حسام قصدي hus


بس بتعرف انت غلي المازوت وهيك بقا شو بدك تساوي بدك تتحملنا
 
قديم 25/08/2007   #997
شب و شيخ الشباب حزوم الحباب
شبه عضو
-- أخ لهلوب --
 
الصورة الرمزية لـ حزوم الحباب
حزوم الحباب is offline
 
نورنا ب:
Aug 2007
المطرح:
ورا الشاشة
مشاركات:
88

افتراضي


اقتباس:
كاتب النص الأصلي : يمان Rooooonaldo عرض المشاركة
هلأ أول شي قصدك عليي أنا
أذا أنا لكن أسمي حازم مو حسام
ردلي خبر لجاوبك


اوكي؟؟؟؟؟؟؟؟؟
هههههههههه اي اي سوري منك ما
تواخزني حبيب

ما قصدي حسام قصدي hus


بس بتعرف انت غلي المازوت وهيك بقا شو بدك تساوي بدك تتحملنا[/quote]



مو مشكلة حبيب القلب
بس بدي ئسئلك شو ترتيب الأعضاء بالمنتدى

بما أني لساتني من الأغرار بعدين نحنا منسئل المعلمين مو؟؟؟؟؟؟؟؟؟؟؟
 
قديم 26/08/2007   #998
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


طيب ..
وائل 76
1_ أخي حسام كتير مواضيع من السنة الماضية لهلاء تحدثت عن أخوية و عن المشاكل يلي بتصير بأخوية لفتتني جملة كتير كنت تتكررها بكذا موقف ( أخوية مانها تجمع نخبوي .. ) لاحظت انو كتير معني بأخوية إنعكاس للواقع الحقيقي بكل تناقضاته .. سؤالي أخي حسام .. يعني المفروض كصاحب موقع على الشبكة أنو تهتم بمستوى معين أو أنو تطمح لمستوى معين من الناس الموجودة حتى ينعكس هالشي على مستوى الموقع بقصد هون مستواه بين المواقع أو المنتديات الحوارية العربية .. شو الدافع يلي خلا حسام يتنازل عن ريادة كان ممكن تكون سهلة بوجود مجموعة كبيرة من الناس هون و تكون قمة الأماني عند حسام هو تجمع غير نخبوي بكل تناقضاته و همومه و مشاكله ؟

اخوية Project مشروع .. اخوية بالنسبة إلنا مش منتدى على النت .. بو لا وقت قارناه بغير مواقع ، بولا وقت حسينا بأي نوع من المنافسة مع غير مواقع (وهون احنا منتمنى من كل قلبنا يكون في حدى عم ينافسنا على .. فبالنهاي احنا هون لتحقيق اهداف معينة لا اكتر و لا اقل فالي رح بينافسنا على تحقيقها ما رح غير نحنيلو القبعات .. ونتشكرو كمنافس و كشريك بالطريق او حتى لو حب حدى بيقدر يسميه يشريك بهال النضال ..)

كمشروع بنائي (بأهداف بنائية اجتماعية او البناء في الصعيد الإجتماعي) المستهدف والمستقطب مش النخبوي بنوب وانما على النقيض احنا هدفنا الا نبخوين، او للدقة ساحة عملنا ، هيي الانخبويين، الأشخاص الي على النقيد تماما .. الاشخاص هدول هني الي بحاجة لمساعدتنا (اذا صحلنا نقول هيك جملة) ،..
يعني من غير ما كتير ادخل بتفاصيل، اليوم النخبوي بشو هوي لمساعدة ، بشو هوي بحاجة لبناء؟؟ ما هوي سواء ساعد حالو سواء لقى بوقت ما مين يساعدو .. هوي مش بحاجة لأخوية بشي..
الي على الطرف الآخر هني الي بحاجة لأخوية و هني الي كرمالهم اخوية موجودة كهدف اول .. او الي هوي مساعدتهم تيساعدو حالهم ، مساعتدهم ليكونو اوعى بالقضايا الحساسة اكتر ولو بس شوي .. (ما عم نقول بدنا نخلي البشرية كلها نخبويين، ولا بيهمنا هذا بشيئ .. ولا عم نقول بدنا نقلبهم فوقاني تحتاني .. ) بالنسبة لانا الموضوع بسيط كتير، في شريحة واسعة واسعة واسعة.. هيي الأوسع ، صارت الا مبالات جزء من إرثها و تاريخها وزهنيتها .. شريحة واسعة جدا (ان لم تكن الأوسع ) ضلت جيل ورا جيل عم تقول انا مالي علاقة بالسياسية .. لغاية ما وصلها البل على الدقن ، ضلت جيل ورا جيل تقول ليش معقول صوتي بالإنتخابات يغير شي .. انا مالي علاقة ، لغاية ما صار ممثليهم بالنيابة والمجالس ابواق متراصة .. ضل يقول انا مالي علاقة بالإرهاب انا الحيط الحيط ما دخلني .. لحتى انفجر فيه ولا بعائلته سيارة مفخخة او مبنى او غيرو ..
هاي الشريحة الواسعة جدا بدنا نقلهم بس انو يا جماعة خلو بالكم هون التجاهل رح يضر كتير، وهون الصمت رح يودي لنتائج اقصى من انكم تستحملوها ، وهيك .. بس هيك ..
شغلة حكينا بجوز عنها قبل ومنرجع مناسبة هون منقولها ، احنا مانا هون بنزعة طوباوية.. احنا بنوب مش طوباويين .. ولا احنا هون بميولات ملائكية .. ابدا ابدا ما هيك .. هو النقيض تماما ..
احنا لمن عم نقول بدنا نساعد الآخر كرمال يساعد نفسه ، لمن عم نقول بدنا نعمل شيئ بنائي بالمجتمع .. هو انطلاقا من مصالحنا الخاصة .. انا كفرد مصلحتي الخاصة والفردية اني عيش مرتاح بمجتمع آمن صحي ، انا وابنائي واحفادي وعائلتي .. بس للأسف صوتي بطل الو صدى لإني لحالي .. فكان الحل انو تساعد باقي الناس يساعدو حالون يوعو اكتر لحجم المشكلة و قوتهم وقوة صوتهم وتأثيرهم ، و يوعو اكتر لإنو نمط الحياة الي هني فيه ماهوي قضاء وقدر وانما هوي ما أثمت ايدي اجدادهم من تخازل ما .. او انهزامية ما .. لمن بلش الفساد وسكت جدي وجدك انتشر الفساد مش لإنو احنا مجتمع فاسد ابدا .. وانما لإنو ما لقا مين يردعو .. ولمن بلشت النزعات الإصولية بالأديان على دور جدي وجدك وما لقو مين يوعيهم انو الحياة مش هيك ، الحياة ليست بالموت ، فتفاقمت ازمتهم وصارو كتار وصارو يبشرو بحالهم .. لإنو ما حدى حطلهم حد ..
وهذا الحال اليوم .. اذا المشاكل الي بين ايدينا ما بنحطلها حد بإيدنا .. فاولا رح نعيش من سيئ لأسوء وثانيا رح نورث لأبنائنا ما نعتب على اجدادنا انهم ورثونا اياه من حال متردي .. (واصدي بإنو نحطلها حد بنوب ما هوي تحمل بارودي ، ولا تنزل مظاهرة .. اصديى على الحد البسيط .. على تعامل الآخر على انتخابات ، على رشوي ما تدفعها بمطرح .. على اسعار عم ترتفع والناس عم تضرب عن الشراء للمواد المرتفعة السعر فوق الطبيعي .. عن مقاطعة سلمية للبضائع الإحتكاريي بالسوق .. بس هيك .. اشياء كتير بسيطة ..)

الحديث ذو شجون فخلينا نوقف هون افضل ...



2_ أخي حسام و أرجو ما تعتبر سؤالي هدا عبارة عن نقاش في وجهة نظرك يلي كتبتها بأحد الردود لأنو السؤال كنت ناوي أسئله قبل لشوف إجابتك .. سؤالي هل تعتقد أنو الصراع بين سوريا و الكيان الصهيوني يتعلق أساساً بالجولان أم أن الجولان لا تمثل في المعادلة سوى " قميص عثمان " و أن الصراع مع الكيان الصهيوني بالأساس هو صراع وجود .. بمعنى هل تعتقد أنو الكيان الصهيوني من الممكن أن يقبل بقيام دولة " ديمقراطية " منتعشة إقتصادياً قرارها السياسي مستقل .. تولي إهتمام بالغ بالعلم و الأبحاث و التكنلوجيا و التطور على حدود الشمالية ؟

حلو.. رح اجي معك من الآخر، خلينا نعتبر ان الصراع بالفعل ليس حول الجولان .. (مع اني ابدا ابدا لا أومن بنظريات المؤامرة ..) طيب معناها المشكلة بالنسبة لإسرائيل هيي وجود دولة ديمقراطية منتعشة على حدودها ..
طيب شو الحل .. هل الحل نقول خلص بطلنا ديمقراطية؟؟ هل الحل نقول طيب ماهو اسرائيل ما بتخلينا نعمل انتعاش اقتصادي .. اعزرونا على الوضع المتردي؟؟؟ هل هذا بحل .. لاء اكيد لاء
منرجع للحلول.. احنا (سوريا) جربنا الحل تبع "الممانعة" والصمود ، والنضال، و تارة كنا محور الشر، واخرى محور الدول المارقة .. جربنا على مدى 40 سنة من هذه الحلول حتى انقطاع النفس.. وحتى انقطع النفس بالفعل .......
الي عم نقولو اليوم ، انو اخي احنا جربنا الحلول النطاحية .. و ما حدى ما حدى قدنا جربها ، معلش.. ما حدى بالعرب كلهم مارس بالنضال العروبي والممانعة والصمود وما اليه مما يستحدثون من اصطلاحات قدنا .. و النتائج اليوم بعد 40 سنة بهال الخط سلبيي .. يعني بعد ال 40 سنة ما حصلنا شي .. لا حصلنا الجولان .. ولا حصلنا انتعاش بالبلد ، ولا حصلنا نظام ديمقراطي فيه تعددية وحريات .. ولا حصلنا وضع اقتصادي منيح .. ما حصلنا اي شي.... ما حصلنا غير حصار دولي ، مقاطعة من كل الدول لينا ، كره و حقد و ضغينة .. تارة من اللبنانيين ولبنان ، وتارة مع العراقيين والعراق، وتارة مع السعودية .. وتارة وتارة وتارة ..
كل الي عم نقولو ان هذا الإسلوب ختمناه وما نفع ، ليش ما منجرب اسلوب تاني .؟؟؟ فقط هيك .. ماهوي في استراتيجيتين ، يا المناطحة يا المحابات..
جربنا المناطحة على طريقة كوريداااااا الإسبانيي.. 40 سنة ( صح) ..
خلونا نجرب المحابات .. ل 4 سنين بس .. بس .. خلونا نجرب اسلوب آخر .. معقول طيب نضل الى الأبد عم نجرب بإسلوب قلنا 4 عقود عم نلوص فيه وما نفع .. ونضل عم نجرب فيه للأبد ؟؟؟؟؟
وبعدين .. !!!

3_ بيحزنك غياب عضو عندك بأخوية أو إنقطاعه من الناس يلي بتعتبرها أعمدة أخوية .. كريم مفتقده ! يمكن قبل لتجاوب في شغلة مهمة المفروض نتفق عليها .. بتؤمن بشي إسمه أعمدة أخوية ولا نظرتك للجميع متساوية و الكل هون بيمثل عمود بهدا الصرح في الشي يلي بيبدع فيه ؟

بالنسبة للجزء الأول ما عندي رغبة احكي عنه..

بالنسبة للجزء الثاني .. احنا منقول انه في ما يسمى ب "أدبيات اخوية" الي هيي الخبرة التراكمية لهال المجموعة مع بعض ، متبلورة بما اسهم بيه فريق العمل في تطوير و تعزيز هال الفلسفة اذا بدك تسميها هيك ، او هال النهج ككل بكل ايجابياته وهفواته .. في افراد كان ليهم دور اكبر من غير افراد .. وهذا امر طبيعي ..
فعن الإصطلاح اعمدة اخوية ، انا بشوف انو بيصح الإصطلاح و بأيده اذا كنا عم نحكي عن اعمدة بالعشرات (من اعضاء و مشرفين و غيرهم).. بس لو عم نحكي عن عامودين تلاتي .. فما حدى من الي عم ينوصفو بهذا بيرضى هال الشيئ.. لا كريم بيرضى يكون عماد من ثلاث او اربع او اثنين .. بعدم وجوده قد يتداعى البنيان .. ولا انا برضى كون بهيك موقع او مكان بأي وقت .. ولا اي من الأمناء الحاليين والسابقين ..
و منعتقد بالمقولة تبع "مش مهم مين الي عم يرفع الراية بقدر ما هو مهم ان تبقى مرفوعة" هذا هدفنا كلنا الأول ..
طبعا غياب كريم ترك فجوة واسعة .. واولا ثم اولا بقلوبنا .. قبل اخوية وقبل المنبر وقبل المشروع كلو ..
الله يردو سالم بالقريب العاجل..


4_ شو أكتر كتاب قرأته أثر فيك .. آخر كتاب قرأته .. كتاب شدك عنوانه أو إسم الكاتب و لقيته ليس بالمستوى اللي كنت متخيله .. في كاتب معين بتحب تقرأ إله أو بتابعه .. مصادر ثقافة حسام على شو مرتكزة بالأساس ؟
عن اكتر كتاب اثر فيي ، هوي مافي كتاب معين .. (بكل حقبة صغيرة 8شهور لسني ) في كتاب او مقال ما او حدث على هال الصعيد بيكون ليه اليد العليا.. او بيستحوذ من التفكير اكتر من غيرو ..
عن كتاب انغشيت فيه هوي كمان بالكتب او (عامة بأي شيئ بدي استثمر فيه وقت ما سواء كتاب او فلم بدي احضرو او مهمة معينة او هيك) بعمل دراسة قبل .. يعني بالأفلام قبل ما احضر فلم لازم اتأكد من موقع IMDb عن مستواه والمراجعات ليه بالإنترنت ، بالكتب لازم يكون مرشحه حدى إلى او بقائمة Best seller لمراجع بعتقد بصدقيتها .. (طبعا بالنمط الي بقرا فيه ) .. وهيك اصدي ما كتير بنغش بالكتب لإني بقراها بعد بحث عنها او بترشيح و مراجعات قريها عنها .. (صعب صار الواحد يغامر بموضوع الوقت، صعب تخصص وقت ما لإسبوع لتقرا كتاب ويطع بعدين فافوش.. انا اصدي كل الكتب مهمة ، وكل الكتب فيها كم من الإفادة حتى الكتب الي بتنباع على الأرصفة بس الي عم قولو انو بدو يكون كم الإفادة منها يوازي لكم الوقت المصروف على قرائتها .. بواقع زحمة الحياة الحالية ) .. بس على العموم آخر كتاب انخدعت فيه _نتيجة تسرع_ كان The Great War For Civilization _الحرب العظمى لأجل الحضارة او لأجل المدنيي_ هوي لروبرت فيسك ، جورناليست بريطاني مهم .. بيكتب بال independent و ال sunday times _اذا ما خانتني الذاكرة_.. هوي كصحفي انو منيح كتير و مهني جدا ، بس عنو شوي كم استشراقي زيادي حبتين ، يعني متل ما تقول من النمط الي بيعتقد انو العرب مافي احسن منون بالكون ، بس لو بيتركوهم من المؤامة الكبرة بس لو بيبطل الغرب يتآمر عليهم ويكسر مقاديفون شوف شقدون مناح .. بس الغرب هوي الحق عليه .. _اصدي هوي هيك نظرتو بشكل عام_ بس كان الكتاب آخد بيست سيلر بمكتبة مرموقة بالقاهرة ، و غامرنا وقريناه (1500 صفحة فصفقة خاسرة طلعت) .. يعني حتى العنوان صاير متل سخرية مش واقع ، اصدي بتعتقد انو هوي بدو يحكيك عن النبض العالمي العام لهال الحرب غير المعلنة لأجل المدنية والحضارة الي بكل بقعة من الكون بكل المجالات صارت قائمة من السينما للمال والأعمال للسياسة للتعليم .. بتلاقي انو لاء هوي عم يسخر من المفهوم هذا ، وحت ىالعنوان صاير متل سخرية من هالشيئ .. (طبعا انا ما عم قول انو الكتاب مش منيح هوي كمرجع مهني لرؤية عن كثب للأحداث ميدانيا بيعطيك صورة كتير حقيقية عن شو عم بيصر على أرض الواقع كان بالمناطق الصراعات بالحقبة الأخيرة 20-30 سنة الي كان عم بيغطيها كصحفي ميداني .. عموما بدون حكي اكتر (كتاب منيح ليلي بآمنو بالمستشرقين، و بيتسمتع فيه جدا الي بيعتقد بنظرية المؤامرة وشقد العرب ناس فظيعين لو بينتركو لحالهم ) بس انا ما كتير بعتقد بهال المفاهيم . _وخاصة المؤوامرات هاي.._
آخر كتاب قريتو بيضحك .. اسمو Powerful Sleep .. عن النوم و الأرق وكيف تقدر تنام متل الخلق وهيك مسائل، _بحيث عندي شوية مشاكل مع النوم دائما ، و ارق مزعز وهيك شغلات .._
اما عن كاتب فأيضا مافي كاتب بعينه متابع ليه ، الي متابع ليه اكتر هوي مجموعات معينة، سواء صحف او اماكن خاصة .. يعني عندك newsweek مجلة مهمة والكتاب الي فيها بشكل عام جدا مناح ، في عندك بال New York Times بال op-ed العامود الموازي في كتاب مهمين كتير كتير .. او اذا صح التعبير منظرين تخااان و محللين مهمين جدا ... وهيك يعني ..
بس بيفضلا طبعا في كتاب ما ممكن يعفسو صعب يعكو ... ومافيك تتجاهلهم حرف انحط .. شخص متل بوب ودورد ما ممكن ينزلو كتاب فيه عكك او تعفيس .. شخص متل توماس فريدمان ما فيك تتجاهلو كتاب او مقال حتى ..
(طبعا انا عم بحكي عن جانب ضيق من القراءة الي هوي المجال الإجتماعي السياسي.. والحديث يطول لو بدنا نمر ابعد من هيك على غير جوانب ..)

اخيرا عن مصادر الثقافة .. (الثقافة بمعنى المعلومات فهيي اكيد G .. جوجل احسن مرجع .. ) بس اذا ثقافة اصدك من نوع تكوين الراي وبلورة الفكر .. فبعتقد هيي بتعود مش للقراءة وانما هي للإستقراء.. (ما بعرف كيف اشرح هاي ؟؟) او كيف هوي شغلة تبع التفكير منيح بس الأهم والأحسن اعادة التفكير بالأفكار، او كيف تترك الأفكار حتى ما بلورته منها على الطاولة دائما، بمعنى ما تثب شيئ، لازم بكل وقت يفضل كل شيئ من افكراك من رواك مطروح و موجود على الطاولة ، مافي جزء مُثبت ببينس او بسمار، وهذا خط احمر، بدو على الصعيد الفكري الواحد يضل تارك فسحة للتفكير وفسحة اكبر لإعادة التفكير بالأفكار و ما كان قد ثبته منها ، او بلوره منها و اعتقد انو هاي خلص صارت قناعة ثابتة ما بدو يمر نيحها .. عموما صعب اشرح اكتر ما بعرف كيف بدي وضح بس هيي هيك الإستقراء و إعادة التفكير بالأفكار و تعويد العقل على النظر من الزاوية المعاكسة، يعني عارف اذا _العفو_ ضربتك كف رح اوتوماتيك تضربني كف .. (وهيك الفكر متعود على ردة فعل طبيعية .. العقل بيقوم بالتحليل وفق منظومة متعود عليها بحكم المجتمع الثقافة الزهنية الخ..)
هلق لو ضربتك كف و انت كنت سلفا مجهز حالك انو بدك تعد للعشرة و تفكر وبعدين تضربني كف، باول مرة بتاني مرة بتواجه صعوبة ، بعد شوي بتلاقي حالك لمن عم تاكل كف ما عم بترد بكف وانما عم بترد بطريقة اخرى قد تكون اكثر ايلاما وانجع هدفا ..
وهيك بالفكر، احنا متعودين ننظر من نفس المنظار من نفس الزاوية دائما ، لمن الواحد بيدرب عقلو لينظر من الزاوية المضادة المخالفة .. او الأخرى .. بياخد مشهد اشمل بكتيييير.. (فهو بسهولةبيقدر ينظر من الزاوية التقليدية، بس لمن يخلي النظرة الأولى تكون من الزاوية غير التقليدية، ويلحقها بنظرة من الزاوية التقليدية الرويتينية الي متعودين الكل ينظرو منها ) بيتفاجئ بمشهد مختلف تماما ، و بيحصل على نتائج بتفاجئه هو اول شي .. وجدا .. و مع الممارسة بيتعود العقل ينظر بهال الإسلوب (متل موضوع الكف وردة الفعل الطبيعية) ، فبتلاقي شوي شوي صار في افق جديدة عم تتفتح .. هوي ما عمل شيئ اكتر من انو درب عقلو للنظر من عدة زوايا كردة فعل .. بدل الزاوية الواحدة الي كان العقل متعود ينظر منها ..

ما بعرف بيجوز حكيي كلو ما مفهوم بشي ولا قدر وضح شي بس اي كان .. هذا الي بهال الوقت القصير طلع معي ..


بتمنى ما تكون أسئلتي تقيلة عليك
تحياتي و إحترامي لك أخ حسام و أمنياتي إلك بدوام التقدم و النجاح ..

شكرا الك كمان
 
قديم 26/08/2007   #999
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


كيفكـ حكيم ؟

يمكن يكون هاد أول كونتاكت بيني وبينكـ .. ولااكن أنا بعرف أنو نحن (أنا وأنت) عنا شغلات كتير إن كومون ..

أني وييي .. وبلا طرطقة حكي هون وهون .. بدي أسألكـ ..

برأيكـ ؟ هل كونكـ مثقف موضوع بيستحق الحسد ؟

ما مرق عليكـ يوم قلت فيه بنفسكـ (أخت الفهم وياريتني كنت أبو كعكة الأجدب ومالي فهمان البونجور من البسطرمة) ؟

يعني كون المثقف حالة شاذة .. و منبوذة من البعض .. و خطيرة على (البعض) ما بيخليكـ تحس أحيانا ً أنو الألز أنكـ تستقيل الهم وما تاخد شي بشي ؟


وآخر سؤال .. بتلاقي التناسب بين الله والثقافة .. طردي ولا عكسي ؟







حاسس الزعلة عالطريق ها .. جمجمتي عم تحكني ..

أراكـــــــــــ عصي الدمع ..شيمتكـ الصبر ..
أما للهوى نهي .. لديكـ ولا أمر ..
نعم أنا مشتاق ٌ وعندي لوعة ٌ ... ولكن مثلي لا يذاع له سر ..
 
قديم 26/08/2007   #1000
شب و شيخ الشباب sadooka
عضو
-- قبضاي --
 
الصورة الرمزية لـ sadooka
sadooka is offline
 
نورنا ب:
Nov 2006
المطرح:
للأسف بحلب
مشاركات:
619

إرسال خطاب MSN إلى sadooka
افتراضي


مرحبا حسام كيفك .... منيح لحقت حالي لاسألك كام سؤال:

1- شو بتحس باللحظة يللي بتصلك فيها خبرية تهكير المنتدى ... وشو بتعتقد الأسباب يللي بتدفع هالأشخاص لمتل هيك عمل تخريبي .... وبصراحة ... في شي مرة تهكر فيها المنتدى وقلت لحالك ما رح ارجع افتحو وبلا وجعة هالراس

2- كيف بتشوف أخوية اليوم مقارنة مع أخيوية في بدايتها ... (يعني لما كنتو شلة وحدة) (لما كان اسمو أخوية سيدة السلام حسب معلوماتي)

3- كونك مدير منتدى ... والأعضاء كلون بيشحدو (ما لقيت غير هالتعبير) منك شي رد على مواضيعون والكل وبدون استثناء بيعتبروك قدوة وانسان مثقف على مستوى ... بتشعر بالسعادة ؟؟ بالغرور ؟؟ بالثقة بالنفس ؟؟ ... أو ما بتشعر بشي؟؟

4- لما بتسمع موال أنا مسافر يا أمي (لجورج وسوف) بشو بتحس (انشالله ما أنبخع وتطلع ما بتعرف الموال)

5- بفضل التطور بكل أشكاله ... أم العودة الى البساطة في الحياة ؟؟

6- بتخاف شي لما بتفكر بمصيرك بعد الموت ؟؟ ... مين خلق ألله (في حال كنت مؤمن بشي اسمو ألله)

7- لحد الآن ... قدرت تعرف مين انت ... قدرت تعرف انت ليش موجود عالأرض وليش عايش وليش انخلقت ... قدرت تعرف الهدف الأسمى يللي بتسعى لتحقيقو بهالكام سنة يللي رح تعيشون ؟؟ (بتمنالك طول العمر)

يالله حاجتي غلاظة وتقل دم ...

تحياتي الك حسام .... وتحيا حومص

ريـــــــــــــــــــــــــــــــــــــــــــــــــــــــــــــــــــــــــــــــــــم بنا
 
قديم 26/08/2007   #1001
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


BL@CK
اي بدي 72 ساعة لأاقرا الرد .. انت خلصت كل هالشغل بـ 72 ساعة ..
بتشكرك على هالرد العظيم .. ولو عندك وقت كنت سألتك كم سؤال .. بخصوصوه ..
بس هيك سؤال عـالحارك ..

3- ما هو موقفك من هذه المسائل ..!

أ) الاجهاض .

ب) الابحاث العلمية بخصوص الاستنساخ .

ج) موانع الحمل .

د) الجنس خارج اطار الزواج .

بدي جاوب برأيي بس بعد كلمتين صغار بالأول..
هذا بالظبط هاي الأسئلة شقد هيي امر صغير هيي الفارق الكبير والي بيعطينا الإنعاكاسات الكبيرة للفرق الشاسع ما بين
الأوربيين
والأميركان

بأميركا والأميركان بعدو لليوم شغلهم الشاغل بكل انتخابات سواء لمجلس الشيوخ او لبلديات او الرئاسة .. هوي هال المواضيع هوي رأيو من الإجهاض ، ووضعو الإجتماعي وكيف علاقتو بزوجتو ، و لهيك بتلاقيهم بيحاول يظهرو بالمشهد الإجتماعي مع بنتو ومرتو وابنو وانو هني عائلة سعيدة (كل مرشحص لأي منصب) ..
شوف بأوربا..
سركوزي من ام يهودية و مطلق او منفصل سابقا، سيغولين رويال عندها 4 ولاد من زوج غير متزواجاه !! وكذلك ميركل .. و و و ..
ولا شفنا بالحملات في حدى عم يتهم التاني بماضيه او بعلاقة عابرة سابقا او عم بيحط من قدره لإنه ما متزوج او لإنه مطلق او او او ..
يمعنى صار عند الأوربيين ثقافة المهنية، انو هذا الشخص هون جاي تيكون بنصب كذا ، فأنا بحاسبو على ما لديه في هذا ، انا مالي علاقة هل هوي متزوج من 1 او سبعة او مطلق عشر مرات، هل هوي من ام شيشانيي او يهودية او اي كان .. المهم هوي كيف ادائه، كيف رح يتشغل ، كيف بهال المنصب مؤهلاته ..

هذا الفارق جدا مهم و شي غريب.. يعني غريب اليوم يكون معيار تمايز مرشح عن مرشح آخر بأميركا هوي مدى انسجامه مع زوجته بالبيت ؟؟؟ او علاقاته لمن كان شاب من 30 سنة .. ؟؟
اما الأوربيين فهني اتجاوز كل هال المسائل .. ما شفنا حدى عم يحكي عن الإجهاض ولا الإستنساخ ولا الطلاق والا المثليين جنسيا .. بأي انتخابات بالحقبة الأخيرة بأوربا .. هذا لإنهم اتجاوزو هاي الأمور .. هذا لإنهم ابناء حضارة حقيقة .. فقدرو يتجاوز موضوع انو هذا المرشح بيدعم المثليين جنسيا فهو كخي وهذا منيح لإنو ما بيدعم ، ليوصلو لمرحلة انو هذا المرشح عندو مؤهلات فكرية ، وشخصية و ايديولوجي و خبرة عملية .. ليكون بالفعل بهال المنصب وبهال المكان ..

هذا بعزيه انا لإنو الأوربيين شعوب حضرية على مر مآت السنين وآلاف السنين ، هني كانو شعوب مدنية ساكنة بمناطقها من آلاف السنين وعليه كان عندهم خبرة تراكمية من جيل لجيل، عندهم تطور تراكمي من جيل لجيل عم يمتد .. على عشرات القرون الماضية ..
(وفي هذا هني بيشبهو شعوب منطقتنا جدا ، فنحن بسوريا و الجزء اليسير من بلاد الشام) ابناء حضارة مدنية من آلاف السنين ، احنا هون سلالاتنا و جزورنا بهال المنطقة من آلاف السنين وعليه عنا بالفطرة خبرة تراكمية طويلة جدا جدا .. بواقع منطقة الخليج كانو بدو رحل، ومن المعروف ان الشعوب الراحلة ما عندها مفهوم الخبرة التراكمية بحكم ان لا يوجد عندها انتماء للمكان!!؟ بمعنى البدوي بينتقل من منطقة لمنطقة كل فترة وعليه ما بيترك اثر وبيطوره تراكميا من جيل لجيل ، ولهيك بتلاقي البدو ، والغجر مثلا .. هني هني على مر الأجيال .. بتلاقي الغجر اليوم بنفس الشكل والطباع والتصرفات واسلوب الحياة من 2000 سنة ، بتلاقي البدو _او سكان الجزيرة العربية عامة_ من ابناءا لقبائل ، اذا بتاخد من 2000سنة و بتاخد شخص من 50 سنة (قبل ما يستوردو الحضارة) بتلاقيه هوي هوي ، بنفس الزهنية تبع الوئد للبنات، بنفس التقاليد ، بنفس اسلوب الحياة .. هوي هوي .. ما اتطور على مدرى 2000 سنة واكثر بشيئ.. في حين خود من منطقة بلاد الشام وسوريا شخص او فئة ، وقارنها بتلاقيها من جيل لجيل عم تتطور، بالفكر و المعتقد ، والتحليل واسلوب الحياة ، والنمط الإجتماعي .. لإنهم شعوب غير راحلة ، شعوب مستقرة ، بالتالي هذا بيسمح للتطور يكون تراكمي ، ويمتد التطور من جيل لجيل ، ويمتد على عشرات القرون ..)
منرجع للنقطة تبع الأميركان والأوربيين
الأميركان (اميركا اليوم) هيي اي نعم وليدة مجتمعات مهاجرة من اوربا اولا .. ومنه ممكن شخص يقول مشاربهم الفكرة واحدة والخبرة التراكمية لكلى الشعبين واحدة على اعتبار الأميركان اليوم هني اوربيين مهاجرين .. بس الحقيقة لاء.. الحقيقة ان عمر الحضارة الأمريكية والخبرة التطورية او التراكمية لهال الحضارة 200 سنة فقط .. ولا يمكن جمع الخبرة التراكمية لشعوب الأوربية الي هاجرت لأميركا واضافتها لإرث اميركا التراكمي من الحضارة .. لسبب بسيط ان من هاجر لأميركا من الأوربيين بذلك الوقت كانو الشرائح او السلاات الأدنى بالمجتمع .؟؟
ببساطة مين الي هاجر من 200 سنة لأميركا من اسبانيا ؟ الي ما عندو عمل، الي ما عندو صنعة ، الي ماعندو شغل .. الي ما عامل انجاز .. ما محقق زاته .. بالنهاي هاي الشرائح الي اقل ما يمكن استفادت من الخبرة التراكمية لمجتمعاتها الأوربية .. هدول الي هاجرو على اميركا .. (بيفضل عندهم الزهنية الأوربي اكيد ، ومستفيدين بشيئ ما من التجربة التراكمية للشعوب الأوربية تبع مآت السنين هاي بس أقل استفادة هني مستفيدين ، ومتأثرين فيها اقل تاثر..)

خلاصته ، االي عم قولو هون ، ان الحضارة او الإرث الحضاري التراكمي لشعب الأميركي لا يزال غير مستقر ، ولا يزالو خبيزين (من خبز و عجين انو خام) على موضوع التطور والحضارة بالمفهوم الثقافي .. بعدهم جداد .. ولهيك منشوفهم اليوم بيسألو و يهتمو بأعلى اولوية لموقف فلان من الإجهاض ، وموقف فلانة من المثليين جنسيا وزواجهم ، وموقف الفلاني من الإستنساخ و ما اليه ..

شغلة تانية كنت عم حالو قولها انو كشعوب بمنطقة بلاد الشام ، عنا ارث تراكمي لمئات السنين من الحضارة والتطور متفوق على الأميركي، و موازي للأوربي وقد يضاهيه ويزيد عنه _في بسوريا عنا اكتشافات اثرية عمرها 10الاف سنة قبل الميلاد لشعوب ساكنة ، (غير متنقلة) اي انه في كان من 12 الف سنة هون شعوب وحواضر مستقرة و تم التطور التراكمي والخبرة التراكمية الي احنا خلاصتها ونتيجتها اليوم من 12 الف سنة .. معلش رح اتجاهل معك الآثارات هاي .. بالحد الأدنى خبرتنا التراكمية عمرها 5الاف سنة .. بحسب اقل التقديرات .. وهذا كله عم بحكي كشعوب غير راحلة، كشعوب مستقرة قاعدة بأرضها وعم بتورث خبرة تراكمية من تجاربها الحياتية من جيل لجيل على كل هال الألف من السنين ..)

طيب منرجع للأسئلة،
بالنسبة للإجهاض:
* الإجهاض بدواي صحية او طبيي ..اكيد معه وما حدى بيختلف في هذا
* الإجهاض لدواعي اقتصادية ايضا انا معه ، (يعني العائلة الي ما قدرتها المادية تعيش نفسها ، العائلة الي عم بتعيش خبزها كفاف يومها ، ولد جديد عندها بيعني واذا قدر يضل عيش .. بيعني انها العائلة كلها صارت مهددة بالموت ، لإنو رح يتستنزف مواردهم المالية كلها ما هني بالاصل على الحد عايشين ، وبالتالي ولد زيادة او اكثر رح يهدد وجود العائلة كلها ، رح يصير مهددة كلها بالموت (سواء احدهم يمرض وما يكون قادر يتعالج، سواء الجوع سواء اي ظروف نتيجة الشح المادي هذا ) طبيعي انا عم بحكي عن مجتمعاتنا الي لا فيها رعاية اجتماعية ولا فيها تمويل حكومي للي بيجيه ولد ..
* ضد الإجهاض بالعوائل المقتدرة ان كان دواعي الإجهاض رفاهية، فهون الولد هذا ابن الحياة ، وليس ملك عائلته ، وهوي ما رح يكون عبئ على العائلة و بمجرد ولادته صار ابن المجتمع ككل، (طبعا دام عم نحكي عن ولد ما رح يكون بولادته في تهديد للأسرة وبقائها ..)
* اخيرا في كتير حيثيات لا بد من التطرق لها ، الوقت ضيق هلق كنت رايد فصل اكثر. في هذا الشأن ...

بالنسبة لموانع الحمل:
* معها تماما وبدون مناقشة .. (اذا الدولة بمرحلة ما بدها تشجع الإنجاب ما تمنع موانع الحمل _وتتفلسف_) وانما تعمل تخفيضات ضريبي بحسب عدد الأولاد ، تعم تشجيع من نواحي معونات مادية ليلي بيجيب اولاد ، بس من حق الأهل دائما ، التحكم بمتى واين وكيف رح يجي الولد .. هذا بصالح المجتمع ككل، ما بيصير ينرك الإنجاب فوضى .. كيف يعني وزيرة مثلا للخارجية ، فجأة تصير حامل ؟؟ والبلد كلها تنشل بالسياسة الخارجية قال لإنو الوزيرة حامل و ممنوع حبوب منع الحمل ؟؟؟؟؟

بالنسبة للأبحاث العلمية بخصوص الإستنساخ:
مع الأبحاث العلمية بدون ضوابط .. بدون "أُطر" ايديولوجية او دينية ، مسبقة الصنع ، بس بإطار منظم غير عشوائ. بإطار رقابة مدنية .. رقابة حكومية عليها .. فقط .. بمعنى
منخلي الاابحاث تنعمل بأي شكل بأي منحى كان بدون اي تحفظات مسبقة الصنع ، بس كل الأبحاث بتكون تحت مظلة مدنية او مظلة الحكومة ، يعني ما بيحق لأي حدى لأي جهة لأي جامعة تعمل ابحاث على كيفها بأي شيئ بدها ياه ، بحقلك كجامعة كمركز بحوث كمعهد او مختبر تعمل بحوثك على كيفك ، اما في المسائل الضخمة الي انعكاساتها بتطال ابعد من معهدك و جامعتك ومركز بحوثك ، فبدو يكون البحث ونتائج البحث و كيفية والية تطويع نتائج هذا البحث بيد الحكومة المركزية .. (ما بيحقلك تتصرف بالنتائج على كيفك بس بعلم الحكومة وحتى بتمويل ما منها .. بيحقلك تعمل البحث على كيفك ..)
كمان مرة اخيرة للتوضيح (لان في هذا الأمر جزء مهم)،
علينا ان ننقل الضوابط من البحث الى التطبيق،
ما بمنحط ضوابط على البحث العلمي بحد ذاته ، و انما على تطبيقاته فقط
بمعنى آخر كيف بدك تعرف شو ممكن يصير بموضوع الإستنساخ وعلى مذا سينتهي ويَخلص اذا ما عملت البحث ؟؟ فبتترك العلماء يعملو البحوث تحت رقابتك ..
بس بالتطبيق وقتها من حقنا كمجتمع نفرض كل الضوابط الي بدنا ياها
(فيك تعمل بحث في ايجاد اكثر المواد سمية، واكثر الأسلحة البيوولجية فتكا .. (حقك كعالم تبحث في ما تشاء) ، بس مش من حقك تجربها واتطبقها علينا !!!.. ولا من حقك تبيع نتائج بحثك على كيفك .. )

فهيك الموضوع .. صاير..

عن الجنس خارج اطار الزواج:
بحسب الإطار .. هل الإطار هو معاشرة او عيش مشترك (انهم عايشين مع بعض على عيون البشرية جمعاء) بس بدون ورقة زوارج بدون صك محكمة؟
او بإطار بغاء ..
او بإطار شو ؟؟

طيب هلق كشخص شوي بمشارب فكريي ليبرالية بيجوز كون ميال اكثر لقول اني لست ضد "بالجملة" الجنس خارج اطار الزواج .. (بحسب كل المعطيات تبع مجتمعنا الحالية ، بواقع صعوبة الزواج على الصعيد المادي والإقتصادي، على صعيد الفترة العمرية الي ممكن تأهل لاشخص يتزوج الي صارت فوق ال 30 سنة .. وبواقع السلامة الجسدية و الصحة النفسية _فالجنس جزء من الصحة والعافية النفسية للأفراد_)
الي عم قولو انو بالنهاي هذا الأمر عم بيتم (الجنس خارج اطار الزواج المتعارف عليه) عم بيتم بأشكال متعددة من بغاء، لأنماط مستحدثة ، لأنماط الأديان والعقائد صارت اتطورها كتطويعات للواقع هذا .. من اشكال زواج المسيار لزواج المتعة لزواج العرفي لزواج اليوم وطلاق الغد .. يعني عم بيتم تطويع "أطر" شرعية في خدمة هال الموضوع ليفضل ضمن او تحت مظلة بيعتقدو انها سليمة ..
هلق بالنهاي انا مع التنظيم .. مع تنظيم الموضوع
مع تنظيم البغاء (بسوريا كان في تنظيم للبغاء وكان في اماكن مرخصة من الدولة وبتخضع لرقابة صحية .. لغو الترخيصات هذه هل يا ترى راحت اماكن البغاء مع زوال التراخصي هذه ؟؟ لاء.. ابدا بالعكس زادت .. طيب ايها احسن يكون في اطار منظم وتحت رقابة صحية من الدولة يكون هذا الموضوع او يكون كما هو الآن _بطمر الرأس بالرمال كالنعامة ؟؟ وانو نغمض عيونا ونقول لاء لاء كلو تمام مافي شي؟؟_
يعني بالنهاي انا مع تنظيم الموضوع ككل ، وفق حيثياته الكثيرة هذه .. بشكل تدريجي ضمن اطار القبول الإجتماعي تبعنا ، .. (معل العلم انو اول على آخر الحرية الجنسية هذه هيي قادمة قادمة ، شاء المجتمع تنظيمها او لاء.. ) فلهيك عم نقول خلينا انظم هالموضوع .. بدون ما نغمض عيونا ونقول كلو بخير وفل الفل .. خلينا انظم موضوع الزواج و الجنس خارج الزواج كله بقوانين متطورة ، وموكبة للواقع ، و قابلة للتطوير و التطويع مع تطور الواقع ..
* شغلة متل المعاشرة انا بشوفها بصراحة مافيها شيئ... يعني قبل الإسلام والمسيحة والأديان هذا ، كيف الناس كانت تتزوج .. كان شب وبنت يتفقو (وفق الأسرة والعائلة) وينتقلو ليعيشو مع بعض .. بس وين الفارق الجلل بالموضوع هو الإشهاااااار (برأيي انا الميزة الأهم او اهم محور بالزواج كلو موضوع الإشهار.. هو الفارق الأساسي الي بيميز الزواج عن اي شيئ آخر) .. طيب الي عايشين مع بعض على مرأى كل العيون و هني كبل مع بعض (تم تحقيق اهم بند هون والي هوي الإشهار).. طيب هيك فاضل وثيقة ما سواء دينية او مدنية .. اي نعم مهمة .. بس الأهم تم تحقيقه .. اي الإشهار .. .. اخيرا .. بهال البند بدي قول الزواج اول شيئ فيه ومحوره الأول هوي الإشهار واي زواج بغير اشهار عام (من انواع الزواجات الخلسة تبع شاهدين او زواجات المسيار والعرفي) هاي كلها هيي البعيدة عن الزواج وهيي الي لازم يتم اعادة توصيفها وتنظيمها ، ليفضل الزواج مرتبط بالإشهار (كما كان و استمر من ألاف السنين قبل الشرائع كلها ومع الشرائع و الآن..) يعني بدون اشهار (بمعنى الإشهار الحقيقي) ما لازم يتعبر زواج ،ولا لازم قانونيا يندرج تحت بند زواج .. ومع اشهار يمكن حتى بدون صك يتم ادراجه وفق معايير ما تحت بند زواج .. (وبنفس الوقت باقي الأنماط بتتنظم بس بتفضل خارج اطار الزواج حتى الي ديني منها كالمسيار والمتعة، والمدني منها كالعرفي ..) لازم اشهار اولا وآخرا .. ومن هون فيك تسنبط بعد بضعة سنوات شرعية ما في الجنس بين المتحابين دام في اشهار لعلاقتهم .. (مش الآن لسا المجتمع بيحتاج لوقت في هذا .. بس هو قادم)..

سلامممم

 
قديم 26/08/2007   #1002
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


يمان Rooooonaldo

ايا سنة دراسية هلا انت ؟
سادسة و متأخر تخرجي..

اختصاص الطب بشو يعني عين رجل ادن انف ...؟
لسا لنشوف كنو منكفي ..

شو رايك بالمعكرونة ...بتحبا... وايا نوع اطيب ..؟
يش يش

تانج ولا شراب عمار
سكويز

انتي كرماووويييي؟؟
حمصي.. بس لمن كنا صغار كنا بالوثبة (بفريق السباحة و عملنا كتير بطولات بالصغر و اخدت كذا ميدالية على سوريا انا واخوتي كلنا كنا سباحين على ايام ما كان في ناس بتسبتح وبتسابق و تدريب وهيك .. لهيك الوثبة شوي بميل ليها اكتر بحكم انو وعينا على الوثبة .. بس ما كتير متابع حاليا للمواضع الرياضية على امل بوقت لاحق اقدر تابعها و هيك .. لإنو مهم يعني)

حمص ولا مسبحة ..؟
يش يش (مافهمت)

احلى رواية انجليزية قريتا وتركت شي عندك ..؟
gone with the wind
بس من زمان ما عدت قريت روايات لا عربي ولا اجنباوي


شو رايك بفرع المحاسبة ...!!!؟
بيطلع الواحد منو محاسب

عندك استعداد لو صار جمعة كبير باخوية انك تحضر .... ما تقلي وقت لانو .. هيك شغلة بيجوز ما بتصير غير بال10 سنين مرة بقا عندك استعداد للقدوم؟؟
اكيد اكيد ..

احلى كرتون عندك ..
يش يش (ما بدي قول)

قديش جبت مجمعك بالكلوريا ..؟
مو كتير ..

ليش بتكتب بردودك شقد وهيك ما انت حومصي ّّّ!!!11!
ليش هدول حمويي؟؟

مين برايك افضل رئيس مر على سوريا ..!!
يش يش .. يش يش .. يش يش
(بس لمن كان في حماصنة فوق كانت الأمور تسالي .. .. من نور الدين للؤي لهاشم اتاسي.. )

كنت مع موقف حسن نصر الله بالحرب اللي صارت اما لا ..؟
هممم .. كنت مع الحالة الشعبيي وراء الشعب ...

دريد لحام.... شو احلى شي شفتلو ياه ..؟
غربة

برمضان بتابع مسلسلات والسنة الماضية شو شفت ..؟
قليل .. بس بذكر حضرت باب الحارة 2 وحستو متراجع كتير ، (مسترخصين) ، وحضرت حدائق الشيطان شوي منو و عجبني ، وواحد كمان سوري كنت احضرو لإنو بتحن للمواضيع السوريي المعاصرة و هيك بس نسيت اسمو والله ..

شو رايك كبة مقلية ولا مشوية ؟
كبة مشويي صنوبر بلدي حصرا و زيادي كتير، بدون شحم ، بدون دهن ، لحم احمر، السمنة بلدي ، بس ما يكترو سمني بس دهن على الوش ..

هلا بدي اكتر شي بتحبون بهدول
اكلة ...
جقات .. قبيواااات .. وما يستجد من ااااات

شراب
قهوة اذا عادي فبفضلها كولومبيي نخب اول طبعا ، اذا اسبريسو فلازم ايطالية lavazza (او انا عامل الخلطة على ايدي)

برنامج تلفزيوني ..
يش يش اذا بالمجمل اذا قصدك شي متل مسلسل ، ففريندز ما بمل منو ايمت ما بكون عم قلب وبلاقيهم بحضر ، و في واحد طلع اسمو لاس فيغاس .. كمان كان مسلي (خفيف و حلو)

فلم
جاوبت على هذا من قبل .. قلت the village و كمشة تانيي ..

ممثل ..
يش يش

ممثلة
شخصية ياسمين عبد العزيز بتعجبني كتير.. بس عم بتعفس كتير مؤخرا ، وخاصة من لمن بلشت تطلع مع مصطفى قمر، وشوية ناس مولدينين بايخين .. بس بتفضل تسالي ..

بتتذكر شي موقف محرج صار معك من قبل؟وما نسيته شو هوة
اي بس ما بدي احكيه..

طيب هلا ... اكتر بلد زرتا وتركت ببال شغلات حلوة يعي شفتك انك مسافر كتير ومتصور ... شو اكتر وحدة حبيتا
بلجيكا (فظيعا للحياة فيها بشكل عام)
هولندا (فظيعا للحياة فيها بعمر الشباب )
المانيا/فرنسا (فظيعين للحياة في مرحلة الإنتاج ..) دول بتقدر الإنتاج والمنتجين ..
النمسا (فظيعا تقضي شيخوختك فيها .. دور اوبرا و تي تايم ومتوستر كونيشرتو و شمبانيا بكاسات الكريستال وتسالي .. و عناية فوق الطبيعي بالمسنين ، لدرجة مافي غير مسنين بالبلد .. شي ممل كشاب .. بس تسالي كختيار)

طبعا عم قلك عن رأيي فيهم بالجملة بس ما عندي رغبة عيش بغير سوريا .. كشاب و كمنتج وكختيار و كجسد هامد بقبر ولا رماد بنهر .. ولا غيرو ..


ما عاد فات لعندك حدا وانت شالح انو هاد الحرامي الصغير
هق

مين ممكن تزت بعدك بهالمقلاية ...؟
ما بعرف بس عم فكر بفارس بيك .. Fares خوش جاي عبالي شي حدى يتقلى مظبوووووط

اخوية ممكن تحت الضغوط انو يوقف ويتسكر حسام ..
كضغوط ممكن تحط، بس كحسام بعتقد رح يعرف يتأقلم و يأقلم نفسه والواقع تما يتداعى للواقع ، وانما يطوع نفسه او اسلوبه او ما اليه ليفضل كله قائم ..

بتخاف من النزلة على سريا من انو حدا يمسكك ؟
يش يش(ماعندي رغبة احكي)

وصار معك شي من قبل انو حدا كمشك او حكا شي معك ...؟
يش يش (ماعنديرغبة احكي)

ريال مدريد ولا برشلونة
ما بعرف

بدي بس كلمة منك للاعضاء في حال صار معك شي وما عاد قدرت تابع اخوية حسام
متل ما قلنا سابقا بهذا الشأن :
ليس مهم من يرفع الراية ، المهم ان تبقى مرفوعة
 
قديم 26/08/2007   #1003
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


الموسيقار


كيفكـ حكيم ؟
(حلوي طريقة كتابتك للكاف المفتوحة .. تسالي)

برأيكـ ؟ هل كونكـ مثقف موضوع بيستحق الحسد ؟
هوي موضوع بسيتحق التمثل به والسعي اليه والمسابرة والعمل على النفس لأجله ..
بس انا .. مش مثقف (انا ما بشوف حالي تحت تصنيف مثقف يعني حتى لو غيري بيشوف غير هيك بس انا شايف اني مش مثقف )؟

ما مرق عليكـ يوم قلت فيه بنفسكـ (أخت الفهم وياريتني كنت أبو كعكة الأجدب ومالي فهمان البونجور من البسطرمة) ؟
اي طبعا الوعي مشكلته بالمسؤولية الي بتجي معو فقط ، مشكلته انو بيفرض عليك بحكم المعرفة او التنور اذا بدك تسميها هيك .. عمل معين ، لإصلاح الخلل الي عم بتشوفو لإنك بدرجة وعي اوسع شوي، وغيرك ما عم يشوفو او ما عنده ادوات تغييره .. يعني مشكلة الوعي او التنور او شو ما بدك تسميها انها بتفرض على الشخص مسؤولية مباشرة .. هيي هيك بتجي والمسؤولية معها ..

يعني كون المثقف حالة شاذة .. و منبوذة من البعض .. و خطيرة على (البعض) ما بيخليكـ تحس أحيانا ً أنو الألز أنكـ تستقيل الهم وما تاخد شي بشي ؟
الأفكار الإنهزامية او الإستسلامية بتراود الكل ، من المثقف او المتنور او المتعلم ، للبسيط و المعرفته متواضعة وغيرهم .. بس هذا الي بيعمل الفرق
فالبسيط الي ما بينهزم امام ظروفه بيصير احسن ، و بكرا (اذا عم نحكي تصنيفات من هال النوع ) بيصير مثقف
والمثقف او الناشط او الواعي اكثر، الي ما بينهزم امام الظروف بكرا بيغير الظروف لتصير احسن ..
بالتالي الموضوع موضوع قوة وتصميم ومالو علاقة بذهنية الفرد او درجة وعيه وثقافته او ما اليه من اصطلاحات (ما كتير شاطر فيها او ما كتير بستسيغها كتصنيفات)

وآخر سؤال .. بتلاقي التناسب بين الله والثقافة .. طردي ولا عكسي ؟
همممم..
الحقيقة هو ما لو علاقة بالله ، بس بلاقي (مش عن استنتاج شخصي او من استنباطي انا وانما بقرائة لأي احصائيات عامة) بلاقي العلاقة بين التحصيل العلمي ، والثقافة والوعي تتناسب عكسا والإيمان الميتافيزيقي (كيف ما كانت تجلياته ، سواء دينية او غيرها)
_كان بدوي اعطيك رابط احصائية اخيرة كبيرة جدا بمجموعة كبيرة كتير من الجامعات الأميركية عملو الإحصائية على اساتذة الجامعات .. وكانت النتائج 90% منهم ما بيآمن بالله جملاً.. و 30% من العشرة بالمية الباقية ما بتآمن بالأديان وانما بالروحانيات فقط ..) كانت الإحصائية هاي كتير مميزة فيها كتير اشياء حلوي عن كتير مسائل من الشرق الأوسط لإسرائيل للأديان .. (بحكم انها انعملت على اساتذة الجامعات فقط ) _الي هني اعلى درجة علمية و اكاديمية بالمجتمع .._
اخيرا الي عم قولو انو هيك الإحصائيات عم بتقول، بس انا ما مهتم ، يعني اصدي ما بيهمني صح هذا او غلط .. ما فكرت بالموضوع بولا وقت .. وما بحس انو بيعني شي كتير الي ، بس كإحصاء ونسب وهيك فبتحكي عن حالها ..
 
قديم 26/08/2007   #1004
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


sadooka

1- شو بتحس باللحظة يللي بتصلك فيها خبرية تهكير المنتدى ... وشو بتعتقد الأسباب يللي بتدفع هالأشخاص لمتل هيك عمل تخريبي .... وبصراحة ... في شي مرة تهكر فيها المنتدى وقلت لحالك ما رح ارجع افتحو وبلا وجعة هالراس
انو بتدايق و كتير كتير .. الهدم دائما اسهل من البناء.. مش اسهل ، وانا اسهل بكتيييييييييير .. اما الأسباب والدوافع ، فبعذرهم انا .. يعني كل مين ليه اسلوبه بالتعبير، هوي كشخص مكبوت بالمجتمع ، ما عم بيلاقي متنفس يعبر عن حاله ، يقول فكره ، يصرح عن مكنونات نفسه ، فبيلجئ لهال الأساليب .. ليسمع الناس صوته ، متله متل الي بيعمل تفجير بمبنى ، او بيعمل عملية انتحارية .. هوي ما هدفو يموت هدول العائلة او هال كام شخص، هدفو كان يسمع صوتو ، يعبر عن فكرو ، يقول رأيو .. بس نتيجة الكبت الإجتماعي وكبت الحرياة .. ما عم بيلاقي منصة يحكي فيها ن يعبر فيها عن مكنونات نفسه غير بهذا .. فمعذورين .. اصدي انا بفهمهم .. و بفهم دوافعهم .. بس اكيد ما ابررلهم وبأكد انو هذا ما بيبرر تصرفاتهم ..
اما عن انو ما نرجع نفتح .. اي بالفعل بالإختراق الأخير بفترة الشهر الأول من السنة فكرت بالفعل انو خلص .. في احتمال ما عاد نفتح .. لإنو بوقتها كان انحزفت كلشي كلشي .. وماكانفي نسخ احتياطية وما كان في شيئ.. كانت العودة تعني العودة من الصفر، وفتح المنتدى من الصفر، بدون مشاركات بدون اعضاء، بتاريخ مغيّب .. بإرث جماعي محزوف ...... .. فكان شغلة لا تطاق .. وخاصة ان هالعمل هون مانو ملك لحدى ، لو موقع شخصي لو ملكية فردية بتتحكم فيها على راحتك وعلى هواك .. بس المشاركات والعمل بأخوية ، والتفاعل تبع الأعضاء ، وهال الخط الطويل ، هوي عهدة بزمتي .. ما بيحقلك اتصرف فيها ..!!
كان الموضوع صعب كتير ومؤلم جدا .. بس نشكر الله اتجاوزناه ..



2- كيف بتشوف أخوية اليوم مقارنة مع أخيوية في بدايتها ... (يعني لما كنتو شلة وحدة) (لما كان اسمو أخوية سيدة السلام حسب معلوماتي)
جاوبت على هذا السؤوال من احد آخر ..

3- كونك مدير منتدى ... والأعضاء كلون بيشحدو (ما لقيت غير هالتعبير) منك شي رد على مواضيعون والكل وبدون استثناء بيعتبروك قدوة وانسان مثقف على مستوى ... بتشعر بالسعادة ؟؟ بالغرور ؟؟ بالثقة بالنفس ؟؟ ... أو ما بتشعر بشي؟؟
بشعر بحمل كبير كتير .. بشعر عم بيحطوني بغير مكاني .. (لا بدي قول اعلى و لا اخفض) بس بغير مطرحي ..
بشعر بالمسؤولية اكتر ، اصدي كل ما زاد ثقة الناس فيك او تعويلهم عليك (اذا بدك) فبتحس بحمل اكبر، و مسؤولية اكبر تجاههم وتجاه نفسك وتجاه المشروع ككل ...
اما الغرور .. (فبزعمي وادعائي ) بعتقد اني بعدي جدا عن هذا ، بعيد كل البعد .. الحقيقة انو كل ما الشخص عرف اكتر بيحس بالفعل شقد هوي صغير ببحر المعرفة ، وكل ما اتعلم اكتر بيحس شقد هوي ولا شي ببحر العلوم ، وكل ما شاف اكتر بيكتشف انه لسا في اكتر بكتير .. وكل ما اكتشف اكتر بيدرك انو ياااااه شقد فيه اشياء بالحياة نحنا ولا شي امامها ..
وكل مرة كل مرة بتروح على Google ُEarth وبتشوف الكوكب الأرض، (الي حبة رمل بهال المجرة ما بيجي حبة رمل .. ) ، وبتقعد بتعمل زوم زوم زوم زوم زوم .. لتلاقي مطرحك على هال الخريطة .. بتعرف شقد احنا صغااااار.. وشقد الكون شاسع ، وشقد النسبة متباينة ، وشقد الحياة ممكن تكون حلوي لمن توصل لهال المعرفة .. شقد حلو تعرف انك كتير صغير ، لدرجة الولا شي .. لدرجة انك اذا ما التفتت لنفسك ، ما حدى رح يلتفتلك .. ولمن اتدوق لزة صغرك ، بهال الإبتسامة تبع (ياخخخ شقدني ولا شي) .. ما عاد بيغريك لزة اخرى ..

اخيرا بهذا ، بدي قول الغرور او ما اليه ما لو علاقة بالثقة بالنفس بشيئ .. او انا بقول (عن نفسي) هيي بيجوز معرفة نفس ما او اكتر للدقة هيي موضوع رضا مااا ، عن النفس..
بالنسبة ألي هذا خط مختلف عن اخوية وعن العمل عامة وعن علاقاتي ككل ، اصدي تلحفي بعبائة من الرضى عن النفس قد لا ينفذ منهى شيئ .. هوي ما نتيجة انعكاس لتقييم الآخر لإلي او اي شيئ من الخارج، هوي شوي نابع من مصالحة ما (جزئية جدا ، وما حدى بيقدر يكون _برأيي_ متصالح مع نفسو تماما ، وانما لا بد يتصالح الشخص مع نفسو مع زاتو كما هوي بقدر طاقته ، وبفضل هذا الخط _المصالحة مع الذات_ خط دائم ) بس طبعا الواحد لازم دائما ينزع عبائة الرضى عن النفس (مهما كان نوعها) هاي .. من حين للآخر تيقدر يهوي الأجواء او الي هيي يعني ليقدر يحس بتأنيب ضمير محفز للعمل ليحس بعجز ما ، بيحتاج ليشتغل اكتر ليلبيه ويغطيه وهيك ..

اوف .. مدري شقد الي صار عم بكتب ..

4- لما بتسمع موال أنا مسافر يا أمي (لجورج وسوف) بشو بتحس (انشالله ما أنبخع وتطلع ما بتعرف الموال)
ولا شي .. (مرة بزمانو اول مرة بسافر سفرة بعيدة سمعتو واتأثرت فيه شوي بس بعدها ما حصل)..

5- بفضل التطور بكل أشكاله ... أم العودة الى البساطة في الحياة ؟؟
اوف .. سؤوال بالصميم .. و عني هال الجدلية بتنهض من فترة لأخرى برأسيي ..

البساطة حلوي كتير ، بس التطور لا مهرب منه .. (هذا بالمنطق وهذا بالإمعرفة ولاستنتاج بتلاقيه)
بس بيخطرلي دائما انو هل يا ترى في وقت ما رح يوصل الواحد فيه لمرحلة من تداعيات و انعكاسات سلبية بالتطور تضطره يتخلي عنه تماما .. تضطره ينعزل بالبساطة عنه ..
(ع فكرة هاي الجدلية المطروحة بفلم The Village الي قلت انو من اكتر الأفلام الي مهمين شفتون )
من 4 اشهر اغلقت موبايلي تماما ، وهلق بدون موبايل.. و مرتاح جداااا
من اشهر ايضا سكرت تلفون البيت وحطيت على التلفون الآخر انسر مشين ، ما بجاوب عليه برد على الأنسر مشين لمن بيكون في وقت .. و كثير من الأمور التكنولوجية او المواكبة للتطور اخرى صرت عم حس انها صارت عبئ عليي.. و عم بتخلي عنها ..
انا بيجوز متأكد اني ما رح بتخلي تماما بأي وقت عن ما هو تحت مصطلح تقدم و تكنولوجيا، بس عم حاول قوض مساعيه للتطفل عليي قوض مساعيه بفرض نفسه بتفاصيل حياتي ، عم حاول بحسب طاقتي و قدرتي اني حافظ على حالي ببساطة ما .. ضمن الزحمة هاي..



6- بتخاف شي لما بتفكر بمصيرك بعد الموت ؟؟ ... مين خلق ألله (في حال كنت مؤمن بشي اسمو ألله)
ابدا .. ما بخاف من الموت ، ولا بخاف مما بعد الموت .. بعتقد اني عم عيش بالحياة سعادة بتكفيني في حال ما كان في شيئ بعد الموت، و بإسلوب حياة مرضي لجميع الأطراف في حال كان في شيئ بعد الموت .. (فإنو بالنهاي الأرض جنتنا الأولى ، اذا مافي جنة آخرى ، فإحنا عشنا بالجنة و خلص .. اذا في جنة آخرى ، فعااااال .. مين احسن منّا زبائن بالجنة الآخرى ؟؟)

7- لحد الآن ... قدرت تعرف مين انت ... قدرت تعرف انت ليش موجود عالأرض وليش عايش وليش انخلقت ... قدرت تعرف الهدف الأسمى يللي بتسعى لتحقيقو بهالكام سنة يللي رح تعيشون ؟؟ (بتمنالك طول العمر)
بالمجمل لاء .. بس قطعت اشواط كتير مهمة ، وكتير منيحة و واسعة (مرضية بالنسبة الي) بهال المجال ، بمجال معرفة النفس ومجال معرفة الحكمة المطلقة في صيرورتي _كفرد_ على ما انا عليه ..
 
قديم 26/08/2007   #1005
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي


طيب..
بعتقد جاوبت على كل الأسئلة .. شكرا للجميع ، (عذرا انو تم تسكير الموضوع .. بس لإنو كان ما عدنا نلحق، ومنشان ننتهي من الموضوع هذا .. )

ايضا شغلة انو آسف ان كان بأجوبة ما كنت مختزل او على عجالة اجبت، بس الحقيقة انو ما بعرف كام سؤوال جاوبت بعتقد فوق ال 100 او 150 سؤوال اذا مش اكتر.. فبيقى صعب تجاوب على كل الأسئلة بنفس الهمة والعزيمة والوتيرة .. فهيك صار ..

عندي اقتراح ايضا اذا بيتم تحددي العدد ، يعني يكون بالمقلاي بيحق للشخص يسأل ما لا يزيد عن فرضا 7 أسئلة ، و فقط مثلا اول 7 اشخاص بيحطو اسئلة بيتم الإجابة عليهم ..
انو كنوع من تحديد الموضوع شوي فلمن عم بتصير الأسئلة كثيرة جدا بالعدد ، وكثر المشاركين بيصير بيلزم وقت ما بالضروروة يقدر " المقلي "بسهولة يلاقيه .. فهيك ..

ايضا بالنسبة لمين بدي حط بالمقلاي بعدي فعلى اعتبار انا العضو رقم 4 (هون) فرح حط العضو رقم 5 ..
فارس بيك .. خليه يتشوالو شي شوي .. Fares

** اه في حال كان تم وضعو سابقا بالمقلاي او لسبب او لآخر ما مشي الحال فبوكل sweetbaby بإنها تحط شخص عني ..

تحياتي
 
قديم 26/08/2007   #1006
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


اقتباس:
كاتب النص الأصلي : Hus عرض المشاركة
طيب..
بعتقد جاوبت على كل الأسئلة .. شكرا للجميع ، (عذرا انو تم تسكير الموضوع .. بس لإنو كان ما عدنا نلحق، ومنشان ننتهي من الموضوع هذا .. )

ايضا شغلة انو آسف ان كان بأجوبة ما كنت مختزل او على عجالة اجبت، بس الحقيقة انو ما بعرف كام سؤوال جاوبت بعتقد فوق ال 100 او 150 سؤوال اذا مش اكتر.. فبيقى صعب تجاوب على كل الأسئلة بنفس الهمة والعزيمة والوتيرة .. فهيك صار ..

عندي اقتراح ايضا اذا بيتم تحددي العدد ، يعني يكون بالمقلاي بيحق للشخص يسأل ما لا يزيد عن فرضا 7 أسئلة ، و فقط مثلا اول 7 اشخاص بيحطو اسئلة بيتم الإجابة عليهم ..
انو كنوع من تحديد الموضوع شوي فلمن عم بتصير الأسئلة كثيرة جدا بالعدد ، وكثر المشاركين بيصير بيلزم وقت ما بالضروروة يقدر " المقلي "بسهولة يلاقيه .. فهيك ..

ايضا بالنسبة لمين بدي حط بالمقلاي بعدي فعلى اعتبار انا العضو رقم 4 (هون) فرح حط العضو رقم 5 ..
فارس بيك .. خليه يتشوالو شي شوي ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



** اه في حال كان تم وضعو سابقا بالمقلاي او لسبب او لآخر ما مشي الحال فبوكل sweetbaby بإنها تحط شخص عني ..

تحياتي
حسامو عيوني انت شكرا ع اجوبتك المختصرة جدا
ومشان اقتراحك مرفووووض

اي ع راسي بس مابيصير معقول نخجل طلبك يعني؟؟؟
احلى قلوة لاحلى فارس ولو كم فارس عنا ليش نحنا



عليه شباب

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

 
قديم 26/08/2007   #1007
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


فارس ممممم
 
قديم 26/08/2007   #1008
صبيّة و ست الصبايا Gazita
عضو
-- مستشــــــــــار --
 
الصورة الرمزية لـ Gazita
Gazita is offline
 
نورنا ب:
Dec 2005
المطرح:
Casablanca ma ville et ma vie
مشاركات:
4,831

افتراضي


اقتباس:
كاتب النص الأصلي : Hus عرض المشاركة
يمان Rooooonaldo


ممثلة
شخصية ياسمين عبد العزيز بتعجبني كتير.. بس عم بتعفس كتير مؤخرا ، وخاصة من لمن بلشت تطلع مع مصطفى قمر، وشوية ناس مولدينين بايخين .. بس بتفضل تسالي ..
شخصيتها حلوة وصارت احلى لما بلشت تطلع مع مصطفى قمر
شو مشان حبيت كتير هالمقلاية ردودك عن جد ممتعة اسم الله عليكمتابعة

(¯`v´¯)غزلان زهرة نيسان(¯`v´¯)






(¯`v´¯)Le souvenir du bonheur n'est plus du bonheur ; le souvenir de la douleur est de la douleur encore.(¯`v´¯)







(¯`v´¯)اخوية صبية وست الصبايا(¯`v´¯)
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 13:19 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.42556 seconds with 15 queries