أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

عرض نتيجة التصويت: ماهو تقييمك للوضع المعاشي في سورية .. !؟
جيد ... 2 9.09%
مقبول لكن ليس بالمستوى المطلوب .. 6 27.27%
سيء ... 14 63.64%
المشاركون بالتصويت: 22. لا .. مافيك اتصوت بهال الإستفتاء

إضافة موضوع جديد  و الله هالموضوع مقفول ترى
 
أدوات الموضوع
قديم 04/06/2009   #1
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
Exclamation الوضع المعيشي في سورية ..


دخلت سورية في الفترة الأخيرة .. حالة من الإستقرار الإقتصادي .. انعكست على المجتمع بظواهر عدة لاتخفى عن أحد ..
فنسبة تقارب 90 % من سكان سورية يقيمون في منازل مزودة بمياه الشرب والمياه والهاتف .. ومعظم اساسيات المعيشة .. مع مواصلات مؤمنة ...
و2-4 % تعيش ضمن سكن ولكن قد لاتصله الكهرباء او الماء ..
أما النسبة المتبقية فهي من المتشردين (وأغلبهم من البدو ..)
وتتمتع شريحة كبيرة من المجتمع السوري بوسائل ترفيه قد لا تكون ضمن الحسبان .. فنسبة كبيرة تتمتع بالوسائل التالية (كمبيوتر - هاتف محمول - سيارة - الخ ... )
.
.
بالإضافة للإستقرار الداخلي .. والوضع الإجتماعي الجيد ..
.
.
ومع هذا كله .. لا يشعر المواطن بأنه يعيش حياة جيدة ... او حتى عادية ...
ويأخذ بالشكوى .. والنق ...
ويوجه كل أحلامه وطموحاته باتجاه الخليج ... ودوله ...
وكأن الخليج جنة عدن الثانية ...
فيخرج ... ويعود مصدوماً .. أو ربما .. لايعود ... يجد أنه ربما هناك بعض مظاهر الترف ..
ولكن ... ليحصل على ربع ماكان يحصل عليه في بلاده .. (ليس فقط سورية وإنما الوطن العربي بشكل عام) وذلك مقابل أكثر من 15 ساعة عمل ... بالإضافة للتعب النفسي والجسدي ..
لو أحصينا المقدار الذي يجنيه العامل السوري الذي يعمل 15 ساعة في النهار (مهما اختلفت طبيعة عمله .. ) فإنه يجني مقدارا يكفيه لمعيشة جيدة .. وتؤمن المتطلبات الغذائية والإجتماعية (من مسكن ولباس .. ) بالإضافة للراحة النفسية والجسدية ...
...
- هل حقاً نحن في وضع يرثى له ...
- ماتقييمك للوضع المعاشي في سورية بشكل عام ...
- ماتقييمك للوضع في مدينتك ..
- هل تجد في الخليج ملاذاً آمناً ...!؟

..
.
.
.
.
THE,unforgiven ... "

اشلاء محطمة ..
افكار مشتتة ..
مشاعر هائجة ..
و ..
كبرياء متواضع ..
هذا بعض من جنون .. رجل المطر ..
.
.
سنفهم يوماً ما .. أهمية مالم نفهمه يوماً ..
----
Unforgiven ..
 
قديم 04/06/2009   #2
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : THE_unforgiven عرض المشاركة
دخلت سورية في الفترة الأخيرة .. حالة من الإستقرار الإقتصادي .. انعكست على المجتمع بظواهر عدة لاتخفى عن أحد ..
فنسبة تقارب 90 % من سكان سورية يقيمون في منازل مزودة بمياه الشرب

.
THE,unforgiven ... "
هلأ اذا في مياه شرب ..... يعني في استقرار اقتصادي ..؟؟



أنو يعني ....تفضلو على نافوخنا اذا شربونا مي ..؟؟



ملاحظة : المي بتجي عنا هون .. يوم اي و يوم لا ..
مع اني عايش بأكتر منطقة غنية بالمياه بالشرق الاوسط كلو .. حتى أنو مياه ضيعتنا بتنباع بالخليج العربي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 04/06/2009   #3
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


هلىء الموضوع فايت ببعضو شوي ماكتير مترابطة الافكار بس الفكرة منو ككل واضحة

انا بلاقي الوضع بسوريا بتحسن ملحوظ بس مو تحسن رهيب او فظيع

والمي والاكل والسيارة والموبايل هدول مو وسائل ترفيه ولا شي من هاد
هدول صارو من ضروريات الحياة

اما بالنسبة للشغل بدل الخليج فبتخيل انو ممكن يكون جنة عدن لكتير ناس دارسين وتعبانين على حالون وماعم يلاقو حالون ببلدون وفي من هالشريحة من المجتمع كتيييييييييييييييييير
بدل ماياخد راتب مثلا 15 الف سوري بياخد اضعافون مضاعفة بجنة عدن

وفي شغلة انو الدنيا عم تتطور كتير وعصر السرعة عم يزيد سرعتو هالشي يلي بيدفع كتير ناس لتشتغل متل التوت لحتى توازي الحياة الطبيعية لاحتياجات البشر
 
قديم 04/06/2009   #4
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
المتشردين (وأغلبهم من البدو ..)
يا معلم في فرق بين رُحل (و بقي منهم نسبة 1% فقط) و متشردين... و بعتقد بصراحة انو هالغلطة الكبيرة تتناسب مع باقي الموضوع ...

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 04/06/2009   #5
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
انا بلاقي الوضع بسوريا بتحسن ملحوظ بس مو تحسن رهيب او فظي
لأ ... بحب صحح معلوماتك ... تحسن رهيب ... وفظيع .. ويمكن خطير ...
إنتي بتتذكري كيف كانت سورية بالتمانينات والتسعينات ...
تذكري كيف كان هم البني آدم يأمن ربطة خبز لولادو .. أو شي كيلو رز ..
كان يمكن بالمدينة كلا في شي عشرين تكسي ..

اقتباس:
بدل ماياخد راتب مثلا 15 الف سوري بياخد اضعافون مضاعفة بجنة عدن
طيب .. يمكن معك حق ... فرضاً بياخد 80 ألف .. طيب .. فكرتي انتي قديش بيطلعلو صافي منن ...
بيرحلو شي 30 ألف سكن ... و10 بالقليلة أكل .. وإذا في ولاد وعيلة بيروحو 30 .. يعني بالكتيرة بيضل عشرة كل شهر ... بيجمعن عكذا شهر .. بيشتري تكت طيارة روحة رجعة .. و(تيتي تيتي متل مارحتي متل ماجيتي .. )

اقتباس:
وفي شغلة انو الدنيا عم تتطور كتير وعصر السرعة عم يزيد سرعتو هالشي يلي بيدفع كتير ناس لتشتغل متل التوت لحتى توازي الحياة الطبيعية لاحتياجات البشر
طيب عراسي وعيني ... بس ليش الإنسان مابيتخلى شوي عن طبيعتو الأنانية .. وبيفكر شوي بغيرو ..
يعني إذا ماكان متأمن الآكل .. بيكون هدفنا الرئيسي رغيف الخبز ... وبس يتأمن الرغيف .. مندعسو بدولاب السيارة اللي منشتريا بالتقسيط عشي خمسين سنة .. بس مشان نواكب عصر السرعة ... ليش دايماً مافي حدود لطمعنا ... طيب هدو شوي .. نتفة نتفة .. بيصير عنا سيارة ...
تذكرو انو من أربعين سنة كان تلت ارباع السوريين .. بيشتغلو بالأرض وبالمدري شو ...
وشوفو هلأ وين صرنا ...
كمان عم تحكي ياعزيزتي ع عصر السرعة ...
بتعرفي كم في مليون بشري (ركزيلي ع بشري ..) بأفريقيا ... عندن عصر السرعة ... انو يقدر يدبر كاسة مي ورغيف خبز بأقل من نهار ...!!!!
بتعرفي انو في أكتر من 1000 بني آدم بيموتو من الجوع كل يوم وبياكل جلدن النسورة والضباع ..
حلو التطور .. بس انو شي منو ...
..
.
تحياتي الك ...
 
قديم 04/06/2009   #6
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
يا معلم في فرق بين رُحل (و بقي منهم نسبة 1% فقط) و متشردين...
هلأ في فرق أكيد ... بس الفكرة بشكل عام .. انو ع وضع السكن .. يعني ان كانو رحل أو متشردين .. مافي مصدر تغذية دائم بالكهربا او المي .. ف .. هي كانت فكرة التصنيف ..

اقتباس:
و بعتقد بصراحة انو هالغلطة الكبيرة تتناسب مع باقي الموضوع ...
عم نحكي بفكرة عامة , وعشي واقعي وملموس بمجتمعنا ...


اقتباس:
المي بتجي عنا هون .. يوم اي و يوم لا ..
المهم عم تجي ...

آخر تعديل Reemi يوم 05/06/2009 في 08:07. السبب: تعديل إداري
 
قديم 05/06/2009   #7
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
لأ ... بحب صحح معلوماتك ... تحسن رهيب ... وفظيع .. ويمكن خطير ...
إنتي بتتذكري كيف كانت سورية بالتمانينات والتسعينات ...
تذكري كيف كان هم البني آدم يأمن ربطة خبز لولادو .. أو شي كيلو رز ..
اذا عم تقارن سوريا 1980 بسوريا2009 فهيك معك حق يكون تغير جذري وشرشي كمان

اقتباس:
بتعرفي كم في مليون بشري (ركزيلي ع بشري ..) بأفريقيا ... عندن عصر السرعة ... انو يقدر يدبر كاسة مي ورغيف خبز بأقل من نهار ...!!!!
بتعرفي انو في أكتر من 1000 بني آدم بيموتو من الجوع كل يوم وبياكل جلدن النسورة والضباع
مااختلفنا بس نحن عم نحكي عن سوريا مو افريقيا هيك فرقت متر ياخيي
 
قديم 05/06/2009   #8
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
عم نحكي بفكرة عامة , وعشي واقعي وملموس بمجتمعنا ...
حكيك عن البدو غلط, هنن مش متشردين, هنن رحل بإرادتهون لأنو هاد سيستيم حياتهون, فما فيك تقول عنهون متشردين و مو شي تافه انو حدا يقلك غلطان و مكتّر...

متشردين أو بحكم المتشردين فيك تحسب كل اللي عايشين بمناطق المخالفات و عم يسرقو كهربا و مي, هدول لا عندون بيت و لا عندون شي, و ساعتها حساباتك بتكبر و بتتغيّر كتير


كمان شغلات..

أول شي, الحسابات بكل دول العالم تؤخذ على انو عدد ساعات العمل باليوم لا يمكن أن يزيد عن 8 ساعات باليوم, و تعتبر راتب جيد هو الراتب اللي بتاخدو مقابل 8 ساعات شغل و يكفيك لحياة متوسطة (و حياة متوسطة تشمل كل هدول اللي عاملهون بموضوعك و كأنو بيفرلي هيلز).

تاني شي, وقت بدك تقارن دول لازم تقارن بدول الجوار و بدول متشابهة من حيث الموارد و غيرو, و انت رحت أول شي ع دول الخليج اللي عم تسبح بالنفط, و رجعت بعدين قارنت سوريا بدول أفريقيا اللي عم يموتو من الجوع, و كلا الحالتين غلط المقارنة, لأنو سوريا فيها موارد ما موجودة بأفريقيا, و مافيها موارد موجودة بالخليج... فمقارناتك غلط

تالت شي, أنا ما بعرف وين عايش انت, بس حابب خبرك انو في مناطق من سوريا عم يتوزّع فيها معونات مشان الناس ما يجوعو, متل ريف الجزيرة (و هاد حكي مو من عندي, بحبش بوسائل الإعلام الرسمية و تلاقي هالشي).


رابع شي, لما عندك 4 سيارات نفس الموديل و نفس الطراز, و 3 منهون بيطلعو عالمية كيلومتر بالساعة بسهولة, و الرابعة يا دوب توصل عالستين كيلومتر بالساعة, المنطقي انك تشوف ليش هالسيارة ما عم تمشي متل مثيلاتا و وين العطل فيها, و مو نقعد مبسوطين انو ماشية أحسن من البسكليت, و انو مافيها تسابق فيراري حتى اذا تصلّحت....



و شكرا

آخر تعديل Reemi يوم 05/06/2009 في 08:06.
 
قديم 05/06/2009   #9
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


و ع فكرة, لما تفتح موضوع نقاش عيب تقول لحدا يرد عليك انو كلامو تافه, اذا حابب تناقش احترم غيرك, إلا اذا مانك فاتح تناقش, فساعتها اكتب هالشي بالموضوع مشان ما نضيّع وقتنا بالرد
 
قديم 05/06/2009   #10
شب و شيخ الشباب جاد81
عضو
-- قبضاي --
 
الصورة الرمزية لـ جاد81
جاد81 is offline
 
نورنا ب:
Dec 2008
المطرح:
lebanon
مشاركات:
706

افتراضي


انا برأي الموضوع فيه اخطاء كتيرة ...بظن كمينا مطرحوا بالمنبر مثلا ً...منشان نفضفض بالحكي

متل ما بتشوف ادارة المنتدى

انظري خيط الدم ِ القاني على الأرض ، هنا مرَّ ، هنا انفقأت تحت خطى الجند عيون الماء و استلقت على التربة قامات السنابل
 
قديم 05/06/2009   #11
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
حكيك عن البدو غلط, هنن مش متشردين, هنن رحل بإرادتهون لأنو هاد سيستيم حياتهون, فما فيك تقول عنهون متشردين و مو شي تافه انو حدا يقلك غلطان و مكتّر...
هلأ إذا بدك تاخدا من هالمعنى صح .. بس أنا قلتلك مشردين من وجهة نظر انو ماعندن مسكن ثابت .. يعني يمكن ينام اليوم .. يفيق تاني يوم .. مايلاقي بيتو .. هادا بيعتبر مشرد .. من شرد .. (إذا بدك ترجع عاللغة العربية الفصحة ..) شرد ..يعني .. ذهب مع ادراج الريح إلى حيث لايعلم .. هي نقطة ..
النقطة التانية ..
اقتباس:
مو شي تافه انو حدا يقلك غلطان و مكتّر...
انا ماقلت انو شي تافه تقلي ع غلطي .. مافي حدا مابيغلط .. والغلط مش عيب .. بالعكس .. اللي مابيغلط مابيتعلم .. بس انو انتا ركزتلي عالبدو من أول الموضوع .. وتركت الموضوع الأساسي وماحكيت عنو .. ف بس هيك قصدي ...
بالنسبة لهي :
اقتباس:
أول شي, الحسابات بكل دول العالم تؤخذ على انو عدد ساعات العمل باليوم لا يمكن أن يزيد عن 8 ساعات باليوم, و تعتبر راتب جيد هو الراتب اللي بتاخدو مقابل 8 ساعات شغل و يكفيك لحياة متوسطة (و حياة متوسطة تشمل كل هدول اللي عاملهون بموضوعك و كأنو بيفرلي هيلز).
انتا قلتا ... عدد ساعات العمل لايزيد عن 8 ساعات .. طيب .. ليش العامل السوري عم يترك بلدو كرمال يشتغل بحدود (13-15) ساعة بالنهار .. وبظروف عمل سيئة جداً .. (صحرا .. مسكن صغير - بعيد عن عيلتو .. )
يعني انتي برأيك .. فرضاً لو اشتغل بالخليج بس عشر ساعات .. هالحياة اللي عم يعيشا هنيك .. حياة بني آدم .. !؟ .. بيفيق عالشغل .. وبينام عالشغل .. !؟ بس جاوبني ع هالسؤال ..

اقتباس:
تاني شي, وقت بدك تقارن دول لازم تقارن بدول الجوار و بدول متشابهة من حيث الموارد و غيرو
بدك تنتبه ع شغلة .. انا ماقارنت سوريا بأيا دولة تانية ..
انا قارنت وضع سوريا بالتمانينات .. وهلأ ..
بس تطرقت للأسباب اللي بتخلي السوري يسافر عالخليج .. وهالشي بيتطلب تفسير منطقي .. ونوعاً ما مقارنة .. مش هيك ؟!
وبالنسبة لأفريقيا .. كانت مجرد مثال... ع عصر السرعة بالنص التاني من الكون ... (هادا إذا اعتبرناها جزء من العالم الفعلي اليوم ... لأان اللي عايش هنيك متل العايش بجهنم .. ) .
وتحياتي ..

 
قديم 05/06/2009   #12
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
هلأ إذا بدك تاخدا من هالمعنى صح .. بس أنا قلتلك مشردين من وجهة نظر انو ماعندن مسكن ثابت .. يعني يمكن ينام اليوم .. يفيق تاني يوم .. مايلاقي بيتو .. هادا بيعتبر مشرد .. من شرد .. (إذا بدك ترجع عاللغة العربية الفصحة ..) شرد ..يعني .. ذهب مع ادراج الريح إلى حيث لايعلم .. هي نقطة ..
النقطة التانية ..
هلأ اتركلي اللغة العربية ع جنب.. في فرق كبير جداً بين اللي ينام بالشارع لأنو ما عندو حق آجار غرفة, و بين الشخص اللي عايش مترحّل لأنو هو هيك بدّو... و البدوي حياتو يكون متنقل (أو من تبقّى منهم مترحّل)

اقتباس:
نا ماقلت انو شي تافه تقلي ع غلطي .. مافي حدا مابيغلط .. والغلط مش عيب .. بالعكس .. اللي مابيغلط مابيتعلم .. بس انو انتا ركزتلي عالبدو من أول الموضوع .. وتركت الموضوع الأساسي وماحكيت عنو .. ف بس هيك قصدي ...
أي لأنو غلط كبير, و كبير جداً, و حاطو بموضوعك كأنو حقيقة علمية


اقتباس:
انتا قلتا ... عدد ساعات العمل لايزيد عن 8 ساعات .. طيب .. ليش العامل السوري عم يترك بلدو كرمال يشتغل بحدود (13-15) ساعة بالنهار .. وبظروف عمل سيئة جداً .. (صحرا .. مسكن صغير - بعيد عن عيلتو .. )
يعني انتي برأيك .. فرضاً لو اشتغل بالخليج بس عشر ساعات .. هالحياة اللي عم يعيشا هنيك .. حياة بني آدم .. !؟ .. بيفيق عالشغل .. وبينام عالشغل .. !؟ بس جاوبني ع هالسؤال ..
هيه! ببساطة عم يهاجر لأنو بشغل 8 ساعات بسوريا المواطن المتوسط (و الطبقة الوسطى في كل دول العالم تحوي مجموعة المواطنين العاملين بالدول) ما فينو يعيش حياة مرتاحة, و للا العشر تالاف عم تكفّي؟


اقتباس:
بدك تنتبه ع شغلة .. انا ماقارنت سوريا بأيا دولة تانية ..
لأ مو صحيح هالحكي..

انت حكيت عن دول الخليج و رجعت بعدين بأحد الردود حكيت عن الجوع بأفريقيا, هاد اسمو مقارنة يا معلم, و تبريرك اللي تحت ما بينفع لأنو "عصر السرعة" لدول بمستوى سوريا الموردي مختلف عن عصر السرعة الأميركي و عصر السرعة الأفريقي, و هلم جرا

اقتباس:
انا قارنت وضع سوريا بالتمانينات .. وهلأ ..
أي كمان ما بتقدر تعمل هالمقارنة.... لأنو هون تدخل عوامل غير اقتصادية بالنص

عندك أول شي الفرق التاريخي, مستوى المعيشة يتحدد لزمن و مكان محددين, بالتمانينات ما كان في امكانيات تقنية و بنيوية مش بس بسوريا انما بكل دول العالم (أقصد امكانات بنوية مقارنة بالموجودة حالياً), يعني طبيعي ما كان الهاتف واصل للكل لأنو كانت تكنولوجيا الهاتف أكثر تخلفاً من هلأ, بعد عشرين سنة!

تاني شي, كان في بالتمانينات عوامل سياسية مثل الحصار الخانق و جيش بحالة حرب داخل لبنان كان مستنفذ موارد.. و الحصار بشكل أساسي كان خانق هالدنيي, يعني اللي كان يتشرشح ليجيب لتر زيت ما كان لأنو ما عندو حقو, انما كان لأنو ما كان في زيت بالبلد...

هلأ في زيت بالبلد... بس احسبلي قديه النسبة المئوية من راتب الموظف حق القنينة؟

و بالنسبة لسبب الهجرة, اللي عم يهاجر ليروح يشتغل خمسطعش ساعة ما عم يروح لحتى يتفنطز بمصاريهون هنيك, انما بيحاول بعدد من السنين يجمّع مبلغ مالي يقدر يشتري فيه بيت أو يبدأ مشروع عمل بسوريا... لأنو بمستوى الدخل السوري هالأمور صعبة جداً
 
قديم 05/06/2009   #13
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


اقتباس:
انتا قلتا ... عدد ساعات العمل لايزيد عن 8 ساعات .. طيب .. ليش العامل السوري عم يترك بلدو كرمال يشتغل بحدود (13-15) ساعة بالنهار .. وبظروف عمل سيئة جداً .. (صحرا .. مسكن صغير - بعيد عن عيلتو .. )
مين حاكيلك هالحكي عالشغل بالخليج, بالخليج بتشتغل 8 ساعات وبتاخد راتب أحسن من الراتب بسوريا ب 200 مرّة
اقتباس:
يعني انتي برأيك .. فرضاً لو اشتغل بالخليج بس عشر ساعات .. هالحياة اللي عم يعيشا هنيك .. حياة بني آدم .. !؟ .. بيفيق عالشغل .. وبينام عالشغل .. !؟ بس جاوبني ع هالسؤال ..

يا أخي ليش شو فرئت الخليج عن سوريا ما هنيك بتفيق عالشغل وبترجع بتنام عالشغل وبسوريا بتفيق عالشغل وبتنام عالشغل وهلأ أنا بفيق عالشغل وبنام عالشغل مع إني لا بسوريا ولا بالخليج
وبرجع بقلّك وضع الشغل بالخليج أفضل من سوريا بمراحل, ولا تصدق انو في حدا بيتغرب عن أهلو وبلدو ليعيش نفس العيشة يلي كان عايشها ببلادو, لأنو ما بظن إني ضحّي بالعيشة بسوريا بين أهلي وصحابي وروح عيش بدولة غريب فيها مابعرف حدا كرمال نفس الراتب ونفس العيشة....


أنا برأيي تغوغلك شوي وتشوف متوسط دخل الفرد بسوريا لحتى تعرف معون حق الشباب يسافرو ولا لاء

أنا الدمَشقي لو جرحت جسدي .... لسال منه عناقيد وتفاح
 
قديم 05/06/2009   #14
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
هلأ اتركلي اللغة العربية ع جنب..
حتى انتا عم تحكي هالكلمة ... وبيقولو ليش عم يغزينا الغرب ...
ع كل مانو موضوع مناقشتنا ... بس اللغة العربية .. مابتنحط نهائياً ع جنب ..
اقتباس:
أي لأنو غلط كبير, و كبير جداً, و حاطو بموضوعك كأنو حقيقة علمية
خلص .. متل مابدك ...
اقتباس:
هيه! ببساطة عم يهاجر لأنو بشغل 8 ساعات بسوريا المواطن المتوسط ما فينو يعيش حياة مرتاحة, و للا العشر تالاف عم تكفّي؟
أكيد مابتكفي إذا بدو يجيب سيارة .. وينزل كل يوم ع قهوة ومطعم شكل ..
بس إذا بيعيش ع قدو بتكفي وبرياحة .. بس مشكلة الشعب العربي .. هيي المظاهر ..
اقتباس:
انت حكيت عن دول الخليج و رجعت بعدين بأحد الردود حكيت عن الجوع بأفريقيا, هاد اسمو مقارنة يا معلم
برأيي .. لازم تعيد قراءة الموضوع .. من أولتو ..
اقتباس:
دخلت سورية في الفترة الأخيرة .. حالة من الإستقرار الإقتصادي .. انعكست على المجتمع بظواهر عدة لاتخفى عن أحد ..
فنسبة تقارب 90 % من سكان سورية يقيمون في منازل مزودة بمياه الشرب والمياه والهاتف .. ومعظم اساسيات المعيشة .. مع مواصلات مؤمنة ...
و2-4 % تعيش ضمن سكن ولكن قد لاتصله الكهرباء او الماء ..
اقتباس:
أي كمان ما بتقدر تعمل هالمقارنة.... لأنو هون تدخل عوامل غير اقتصادية بالنص
مااختلفنا ... بس بشو بدك تقارن لكن ..
الشعب عم يقول انو مستوى المعيشة سيء ..
طيب ... كان أسوء من زمان ... وهلأ صار احسن .. بالنسبة لهديك الأيام .. ومازال في تحسن .. مافيك تقول انو الوضع عم يبقى متل ماهوي ..
وأكيد مارح نوصل لمرتبة الغرب بفترة قصيرة .. بس انو في أمل ..
اقتباس:
بالتمانينات ما كان في امكانيات تقنية و بنيوية مش بس بسوريا انما بكل دول العا
بالتمانينات ... كان بدول الغرب كتير في تطور .. وكانت السيارات شغلة عادية .. وكان التلفزيون وهالقصص كلا شغلة عادية .. بينما كان الوضع بسورية مغاير تماماً .. وللا شو ؟

 
قديم 05/06/2009   #15
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
هلأ في زيت بالبلد... بس احسبلي قديه النسبة المئوية من راتب الموظف حق القنينة؟
حبيت النقاش
 
قديم 05/06/2009   #16
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
مين حاكيلك هالحكي عالشغل بالخليج, بالخليج بتشتغل 8 ساعات وبتاخد راتب أحسن من الراتب بسوريا ب 200 مرّة
انتا مين اللي حاكيلك هالحكي ... حبيب القلب هالشي صح .. بس مش هلأ .. ولا من قبل فترة .. هالشي من زمان كتير .. وقت كان الخليج بأول طلعتو .. وكان بدو يد عاملة .. هلأ صار العامل السوري عم ينافسو العامل الهندي والمصري والباكستاني ... حبيبنا الباكستاني بيرضى بيومية تكفيه اكل ونومة .. ومابدو أكتر من هيك .. لأأن ببلدو ماصايرلو هالشي .. وبيشتغل شو ماكان ومابتفرق معو ..
أما العامل السوري ... ف بيضل إلو كرامتو .. وإذا ماكان محترم .. مابيرضى يشتغل شو ماكان ..
بالنسبة للراتب .. قلتلي راتب الخليج أكبر من الراتب السوري ب200 مرة .. طيب إذا حسبنا شوي منلاقي انو متوسط دخل الفرد بسوريا بحدود ال 12 ألف .. ضربن ب 200 .. بيطلع ..2400000
اكيد قصدك عاللي بيدخلو بالخليج طول حياتو بيساوي 200 مرة الراتب السوري ..
ف برايي انتي اللي لازم تغوغل ..
اقتباس:
وتشوف متوسط دخل الفرد بسوريا لحتى تعرف معون حق الشباب يسافرو ولا لاء
وخاصة بعد الأزمة الإقتصادية ..


اقتباس:
لأنو بمستوى الدخل السوري هالأمور صعبة جداً
وهالمشاريع اللي بالبلد .. كلا من وين ..!؟
 
قديم 05/06/2009   #17
شب و شيخ الشباب هدوء البحر
عضو
-- مستشــــــــــار --
 
الصورة الرمزية لـ هدوء البحر
هدوء البحر is offline
 
نورنا ب:
Jan 2008
المطرح:
UAE
مشاركات:
3,984

افتراضي


الوضع بشكل عام جيد بعض الشيئ

بس في تحسن ملحوظ

بس ما في امكانيات لنكون احسن من هيك


بشكرك على الموضوع

دمي ولا دمعة أمي
 
قديم 05/06/2009   #18
post[field7] THE_unforgiven
عضو
-- قبضاي --
 
الصورة الرمزية لـ THE_unforgiven
THE_unforgiven is offline
 
نورنا ب:
Jul 2007
المطرح:
بين العدم والوجود .. بين حبات المطر .. بين الغيمات ..
مشاركات:
1,012

إرسال خطاب MSN إلى THE_unforgiven
افتراضي


اقتباس:
لأنو ما بظن إني ضحّي بالعيشة بسوريا بين أهلي وصحابي وروح عيش بدولة غريب فيها مابعرف حدا كرمال نفس الراتب ونفس العيشة....
مو هادا حكينا ... العالم مخدوعة بكلمة خليج ... حبيبنا اللي ماراح وشاف مابيسدق ... الحكي سهل ..
بيجي مكتب بيقللك راتب 4000 دينار وسكن ومدري شو .. بتروح .. بيعطوك اول شهر شهرين .. وبعدا .. بتضل عال1000 ... هيك صار .. وعم يصير .. ماعم احكيك من عندي .. هادا واقع ... في إلى رفقة .. راحو .. ورجعو ..
عكل .. إذا حابب تجرب وتردلنا خبر ... نحنا ناطرينك ...
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 04:27 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13636 seconds with 13 queries