أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > الخواطر و الخربشات

إضافة موضوع جديد  إضافة رد
 
أدوات الموضوع
قديم 12/09/2007   #1
شب و شيخ الشباب Hus
القــــــــــــــــــائم
 
الصورة الرمزية لـ Hus
Hus is offline
 
نورنا ب:
Oct 2003
المطرح:
ساو باولو
مشاركات:
5,893

افتراضي //// ترقيع و إيضاح في ما يخص مسابقة حسام ملحم ///


تحيّة، بعض الإيضاحات والتعديلات التي لا بد منها لحسن سير المسابقة ،

بدايا شكرا لتفاعلكم الكثيف مع المسابقة وشكرا للفرق المتسابقة وكثير الشكر للمصوتين والي عم يبذلو من وقتهم في التقييم و المتابعة و الشكر الأكبر اكيد لإدارة المسابقة والمنظمين والقائمين عليها ..


توطيد/
احنا ما لينا باع بتنظيم المسابقات بعد (و اخص هنا الفريق المنظم لهذه المسابقة هنا مشكورا على جهوده) فهاي تجربتهم الأولى بتنظيم مسابقة فعلية ، و رايدين بالفعل نعطيها حقها ، ونعطي المتسابقين حقهم ، لهيك قد يكون فات فريق اعداد المسابقة ، بعض المسائل التكتيكي ، او الشروط او التوضيحات ،(وتم استخدام هذا الخلل او الضعف بالشروط بطريقة خلينا نقول "غير لائقة" .. ) اسفين مجددا انا عم نعمل الآن عملية ترقيع للشروط والمعطيات الأولى .. او ترميم لها لكن اقتضى الآمر هذا .. وليهك متل ما بيقولو ، نُهيب بكم تاخدونا بواسع حلمكم و تتقبلو التعديلات الي رح نقوم فيها بصدر رحب .......

--
في ما يخص الأهلية:
نرجو الإنتباه مجددا ان المشاركات "الخواطر والخربشات" المشاركة في المسابقة لا بد لها ان تراعي شروط ومعايير المسابقة، فموضوع التسابق "موضوع الإسبوع" ينبغي ان لا تخرج الخاطرة عنه بدايا، ثانيا الخاطرة خاطرة خربوشة ، ليست قصيدة ، ولا هي قصة ، وعليه الخواطر التي لا تراعي الأهلية سيتم عدم احتسابها .. (اي كانت واي كان السبب)، ببساطة رح بيكون في مسابقات لاحقة في الشعر والقصة ، لهيك خلينا نكون مهنيين اكثر مسابقة خواطر يبقى خواطر..

--
في التصويت والتمايز:
ما تم الإشارة إليه من الية "التصويت الوزني" بحيث أُعطي لفريق عمل اخوية اوزان تصويتية اعلى نسبيا من باقي الأعضاء، هو من باب اعادة الإمور لنصابها في حال اختلت الموازين، ليس اكثر، لا احنا رايدين نفرض رغباتنا و انطباعاتنا ولا احنا كأفراد مؤهلين فنيا او ادبيا للحكم على مشاركات اي من المشاركين بالمسابقة الأكارم .. وعليه تعهد مني الأن لن يتم استخدام الية التصويت الوزني هذه إلا في حال اختلت الموازين بما هو التلاعب، وبما هو خارج المنطق ..
بالإسبوع الأخير رح يفضل فرقة واحدة ، الفرقة المكونة من قلمين رح يتصارعو بالإسبوع الأخير ليفضل منهم واحد !! وهذا سيكون الفائز الأول ، ما الفائز الثاني فسيتم التصويت عليه بين (الفاضل من المجموعة الي فضلت بالإسبوع الأخير و الفردين اعضاء المجموعة الي كان آخر شي عم تتنافس معاها .. يعني بيتم التصويت على الفائز الثاني من اصل 3 افراد )

--
في الفرق و تشكيلها:
ابتدائا من الإسبوع الثاني سيتم اختيار الفرق بالقرعى ، اي (عشوائيا) .. (بمراعاة ان يكون الفريق الواحد شب وبنت قدر ما امكن) بمعنى مجموعتين ورق الأولى اسماء شباب الثانية صبايا، بيسنحب ورقة من هون ورقة من هونيك وهيك .. وهذا رح بيكون اسبوعيا..
او رح نحاول يكون بعد الإسبوع الأول العشوائي انظام تراتبي بحيث كل الافراد يمرو بفريق بوقت ما مع باقي الأفراد

--
بالنسبة للجائزة او هدية المسابقة:
الحقيقة هوي الجائزة معنوية اكثر ما هي مادية .. (في جائزة مادية اكيد بس بتعرفو اليد قصيرة والعين بصيرة ، فرح تكون الجائزة اكيد غير موازية لا للقيمة الأدبية للأفراد المتسابقين ولا لمساهماتهم البنائة سواء بالمسابقة او بأخوية ككل .. ) بس عاد هيك الوضع حاليا ..

الفائز الأول:
* وسام (سيوضع بجانب اسمه لمدة 3 اشهر) وسام "حسام ملحم" في الخواطر والإبداع
* موقع الكتروني .com او .net (بالإسم الذي تختار _اسمك ، نيك نيم ليك ، ما تشاء) + استضافة و تصميم و برمجة كمدونة، كموقع تفاعلي، وكما تشاء، يعني كل الي عليك انك تحط ابداعاتك فيه .. احنا منتكفل بكل شيئ من الف لزيد فيه .. + 50 بريد الكتروني @YOURDOMAIN بحجم تخزين 2جيجا ،
* عدد واحدة ساعة أخوية "ساعة حائط خاصة بأخوية كنا اعددناهم من حين" ساعات اخوية دائرية متوسطة الحجم بالنص Akhawia.NET و بدل مؤشرات الساعات 1و2و3 الخ .. مكتوب اسماء الأقسام بأخوية، والمساحة بالمنتصف بها بشكل شبه عشوائي بأحجام و الوان متدرجة اسماء اعضاء اخوية (اكثر الأعضاء تفاعلا)
100_0103.jpg
* مجموعة مؤلفات لمحمد الماغوط (4 مجلدات)

سأخون وطني، اغتصاب كان وأخواتها، خارج السراب، سياف الزهور،

الفائز الثاني:
* دومين نيم .com / net من إختيارك (اسمك او ما تشاء) بريد الكتروني عدد 10@YourDomain بحجم تخزين 2 جيجا ..
* عدد واحدة ساعة أخوية "ساعة حائط خاصة بأخوية كنا اعددناهم من حين" ساعات اخوية دائرية متوسطة الحجم بالنص Akhawia.NET و بدل مؤشرات الساعات 1و2و3 الخ .. مكتوب اسماء الأقسام بأخوية، والمساحة بالمنتصف بها بشكل شبه عشوائي بأحجام و الوان متدرجة اسماء اعضاء اخوية (اكثر الأعضاء تفاعلا)
100_0103.jpg
* مجلد أعمال محمد الماغوط الكاملة (مجلد واحد)
أعمال محمد الماغوط،


الفائز الثالث :
تنكة ريد بول -عدد واحد- (ريد بول مش بس بيعطيك طاقة ، وبيقوي الزهن كمين .. شفت شباب كامريج شو صارفيون بمسابقة الزوارق _لعلكم تعتبرون_ )

الفائز الرابع:
عدد 1 ظرف ميلو (شراب الأبطال) + عدد واحد ظرف سكويــــــز و صار بَدها سكويز ..

الفائز الخامس:
علبة تبتوب .. (انت بتختار اللون واحنا منختار النوع وطرة نقش منشوف مين بيدفع حقها )

---------
ملاحظات و تنويهات (الشيئ لزوم الشيئ):
بالنسبة للفائز الأول والثاني:
في حال الإقامة خارج القطر بيتم ارسال الكتاب من خلال احدى المتاجر الإلكترونية على عنوانك
في حال الإقامة داخل القطر منتكفل بإرساله بإحدى شركات النقل الداخلية (غير الأهلية لإنها هاي بتمر بحماة وبتعمل استراحة هونيك )

بالنسبة للفائزين الثالث والرابع والخامس:
يتم تسليم الجوائز بحفل فني ساهر بتعزمنا عليه ..
في حال الإقامة خارج القطر، فيتم تسليم الجوائز بالمطار _انت بعات تكت الطيارة والفيز وهيك واحنا بنوصلك ياهون لحد مهجعك اصدي لحد منفاك .. لك اصدي لحد كتير كتير قريب منك.. خليها لظروفها انت .. بس غالبا رح تكون بمنطة قريبي كتير منك ممكن نوصلون لغاية السوبر ماركت الي تحت بيتك مثلا !! .._


** بالنسبة للكتب: في حال رغبة الفائز الأول في استبدال الكتب او بعضها (في حال كان عندو الكتب هذه) فيمكنّا و يمكنه استبدالها بكتب لأحد المؤلفين التالية اسمائهم :زكريا تامر، فراس السواح، غادة السمان، حنا مينا، ادونيس ، كوليت الخوري.. حكم البابا ، ميشيل كيلو .... "
الفائز الثاني ما بعتقد رح يحتاج يستبدل "أعمال محمد الماغوط الكاملة" المجلد الواحد هذه .. لإنو 99.9% ما عندو الكتاب ، مو لشي بس لإنو الي بيقتنو مجلدات الأعمال الكاملة لفلان .. عادة هني الأشخاص الي بيحبو يشترو كتب للصمد مش للقراءة .. .. لهيك احتمال قليل يكون عندك/عنديك "الأعمال الكاملة لمحمد الماغوط" ..

** بالنسبة لساعات اخوية: من الصعوبة بمكان ارسالهم خارج القطر !

العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !

آخر تعديل butterfly يوم 12/09/2007 في 23:08.
  رد مع اقتباس
قديم 12/09/2007   #2
شب و شيخ الشباب brave heart2
عضو
-- قبضاي --
 
الصورة الرمزية لـ brave heart2
brave heart2 is offline
 
نورنا ب:
May 2007
المطرح:
طريق الحرية
مشاركات:
705

افتراضي





أأأأأأأأأأأأه

يا دامي العينين والكفين
إن الليل زائل
لا غرفة التوقيف باقية
ولا زرد السلاسل
نيرون مات ولم تمت روما
بعينيها تقاتل
وحبوب سنبلة تجف
ستملأ الوادي سنابل.
______________________

We ask the Syrian government to stop banning Akhawia
  رد مع اقتباس
قديم 12/09/2007   #3
شب و شيخ الشباب أبو شريك
عضو
-- قبضاي --
 
الصورة الرمزية لـ أبو شريك
أبو شريك is offline
 
نورنا ب:
Nov 2006
المطرح:
شارع 2..قطعة 1. منزل 14..الدور التاني،. الباب اللي بخلقتك!
مشاركات:
480

افتراضي


صدق من قال .. وراء كل منتدى ظريف أدمن فصله
  رد مع اقتباس
قديم 16/09/2007   #4
شب و شيخ الشباب وائل 76
عضو
-- مستشــــــــــار --
 
الصورة الرمزية لـ وائل 76
وائل 76 is offline
 
نورنا ب:
Jul 2006
المطرح:
Gaza Palestine
مشاركات:
2,210

افتراضي


اقتباس:
مو لشي بس لإنو الي بيقتنو مجلدات الأعمال الكاملة لفلان .. عادة هني الأشخاص الي بيحبو يشترو كتب للصمد مش للقراءة ..
صريــــــــــــــــــــــ ــــــــــــح

إن تراب العالم لا يغمض عيني جمجمة تبحث عن وطن!

19 / 6 / 2007
  رد مع اقتباس
قديم 18/09/2007   #5
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


واللي عندو الكتب حكيم ؟ (كل اللي زكرتون يعني )





شو رأيكـ أنو اقتراح أنو .. تقول (مجموعة مؤلفات أو ما يعادلها //شندي// ) ؟


هيكـ بوافق أني أربح الجائزة الاولى ..


عم نمزح أخينا ..

أراكـــــــــــ عصي الدمع ..شيمتكـ الصبر ..
أما للهوى نهي .. لديكـ ولا أمر ..
نعم أنا مشتاق ٌ وعندي لوعة ٌ ... ولكن مثلي لا يذاع له سر ..
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 03:07 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.07932 seconds with 13 queries