شجرة" ضخمة تنمو"فجأة " لمسافة 8 امتار في ليلة واحدة في مقبرة دوما

[يمان Rooooonaldo]

شجرة" ضخمة تنمو"فجأة " لمسافة 8 امتار في

قبرة وتثير دهشة وخوف السكان المحليين

ساعات عديدة كانت كافية لتحول مقبرة دوما من مجرد مقبرة عادية لمزار أمَّهُ المئات من سكان دمشق، بعد أن أشيع عن نمو مفاجئ لنبتة صحراوية قُدر طولها بثمانية أمتار الأمر الذي اعتبره السكان أعجوبة ، في الوقت الذي وصفها الخبراء الزراعيين بالظاهرة العلمية نادرة الحدوث بسورية .



" معجزة إلهية "

يصف بشار أنجيلو الذي تواجد بالمقبرة يوم أمس لصيانة احد القبور النبتة بالقول " لم يتجاوز طول النبتة البارحة نصف متر " بينما يروي نذير بأنه "صلى الفجر بالمسجد المجاور ورأى نوراً ساطعاً من القبر".

أما حفار القبور محمد حمو فيقول " أعمل بالمقبرة منذ 18 سنة ولم يتجاوز طولها المتر ، وتحتاج لعشرة سنوات لتصل لهكذا طول " ( شاهد بالصور)

قصص وأحاديث كثيرة سمعناها خلال تواجد سيريانيوز بالمقبرة فمنهم من قال " أنظر للأرض فكلمة الله مكتوبة على التراب " وأخر ربط الحادث بقرب يوم القيامة .

بينما ربط الكثيرون الظاهرة بوجود قبر يونس بن أحمد المصري المعروف بإيمانه وورعه وملازمته المسجد ، ووصفه الكثيرون بالـ"ولي" .

وهو ما سارع حفيده تيسير المصري لنفيه واكتفى بالقول " كان جدي مزارعاَ أمي ، وخلال سنواته الأخيرة لازم المسجد، ولكنه لم يكن يوماَ شيخاً أو إمام مسجد كماأشيع بين العامة " وأبدى المصري خشيته من استثمار هذه الظاهرة ، و الترويج للقبر كمزار يؤمه المؤمنون بهدف التبرك والنذور.

الحشود الكبيرة التي أمت المقبرة تباينت مواقفها من الظاهرة ، فالبعض اعتبرها معجزة الهية وخرج من المقبرة يكبر ويسبح بينما اعتبرها البعض ضرب من الخزعبلات .

الغائب الوحيد عن المكان كانت قوى الأمن الداخلي حيث عمت الفوضى في المكان وسجلت حالات اعتداء بالحجارة على بعض الفتيات ومنهن من فريق عمل سيريانيوز اللواتي قدمن للمساعدة في تغطية الحدث.



الخبراء : "الشجرة الزهرة " .. ظاهرة طبيعية نادرة الحدوث

الأستاذ أديب نظام مهندس زراعي ومدرس سابق في جامعة دمشق رافق فريق سيريانيوز لمقبرة دوما قال بان هذه " النبتة معروفة بالعامية باسم لسان الحماة".

واضاف بان "هذه الظاهرة طبيعية وهي باختصار إطلاق ما يسمى نورة زهرية ( حاملة الأزهار ) ، وهي شبيهة بالجزء الاخضر للبصل على سبيل المثال"

وتابع نظام بانه " على ما يبدو توفرت للنبتة ظروف بيئية ملائمة يمكن ان تكون عمليات تحريض أو تفريغ شحنة حيث تتم العملية بفترة زمنية قصيرة نسبياَ مقارنة بعمر النبتة "



وأوضح المهنس الزراعي الذي شارك بالكثير من المؤتمرات والابحاث بحسب ما عرف عن نفسه ، بأنه شاهد مثل هذه الحالة ( تفتح النورات ) يشكل ملحوظ في مدينة سيدي بو سعيد التونسية ، خلال زيارته لها لحضور مؤتمر علمي حيث " تكون الظروف ملائمة لنمو مثل هذا النبات هناك".

مؤكدا بان هذه الظاهرة "علمية وان كانت نادرة الحدوث في سوريا".



وفي السياق ذاته وصف المهندس الزراعي عبدو الصوص والذي كان معنا ايضا في زيارتنا للمقبرة مشاهدته للواقعة بالقول " نحن أمام ظاهرة نمو نادرة وطبيعية لنبات شوكي مثيرة للدهشة "

ويشير الصوص لأسباب حدوث الظاهرة بالقول " نتيجة الظروف الغذائية الملائمة أدت لانفلات الشمراخ الزهري ( حامل الأزهار) الجاهز للتكون في الأرض والأوراق " ويعزو أسباب الإندفاع " لحدوث التلقيح بين الأعضاء الأنثوية والذكرية التي أدت للنمو بشكل مفاجىء " وأضاف شوهدت هكذا حالة منذ خمس سنوات بمحافظة السويداء "

وحول مصير النورة أكد نظام والصوص بقائها حوالي أسبوعين يتم خلالها تفتح الأزهار ثم لا تلبث أن تزول وقد يموت النبات لإكتمال دورة الحياة للنبات "



من جهته اعتبر الشيخ توفيق رمضان البوطي في اتصال لسيريانيوز بأن كل ما يحصل في الحياة سواء أكان مألوفاً أو غير مألوف لا يخرج عن نطاق القدرة الإلهية رافضاً أي ربط بين هذه الظاهرة وفكرة الأولياء الصالحين .






عمار الدوجي - سعدالله خليل - سيريانيوز

[Willi]

بينما يروي نذير بأنه "صلى الفجر بالمسجد المجاور ورأى نوراً ساطعاً من القبر".

فمنهم من قال " أنظر للأرض فكلمة الله مكتوبة على التراب " وأخر ربط الحادث بقرب يوم القيامة .

بينما ربط الكثيرون الظاهرة بوجود قبر يونس بن أحمد المصري المعروف بإيمانه وورعه وملازمته المسجد ، ووصفه الكثيرون بالـ"ولي" .

سجلت حالات اعتداء بالحجارة على بعض الفتيات ومنهن من فريق عمل سيريانيوز اللواتي قدمن للمساعدة في تغطية الحدث

عفوا حدا يذكرني...
نحن بانو سنة؟؟
يعني اكيد مو 1500 ق.م
ما هيك؟؟

عالم بدها قشة لتمسك فيها
بالفعل شعب الله يجيرنا.

اكتر الشي لفتني انو ضربو مراسلات سيريا نيوز بالحجارة.
اي اللي زتو الحجارة بدهون ضرب بالصرماي على راسهون.

[يمان Rooooonaldo]

عفكرة جاد...انا ضد هالتفكير الخرافي هاد من سيريا نيوز لانو بشوية عقل وتدوير شوف شو لقيت عن هي الشجرة



متل ما حكا أكتر من خبير زراعي و مهندس هي الظاهرة كتير طبيعية و بدرسوها بكليات الزراعة
و صايرة بكتير محلات


هي الشجرة تسمى علميا باسم "Agave Americana" و هي شجرة معروف عنها أنها بتضل طول حياتها صغيرة و بيوم واحد بتطول و ممكن أكتر من 8 متار و صايرة كتير بسوريا و خاصة بضيع الساحل و في وحدة صايرة كمان بحمص مرة
بس الجهل و التخلف بخلي موقع متل سيريا نيوز تنزل هالحكي كخبر بالصفحة الرئيسية

سبحان الله

[Willi]

لك معلم انت قريت المقال اللي جبتو؟؟
سيريا نيوز كاتبة شو كان حكي الخبراء الزراعيين

الأستاذ أديب نظام مهندس زراعي ومدرس سابق في جامعة دمشق رافق فريق سيريانيوز لمقبرة دوما قال بان هذه " النبتة معروفة بالعامية باسم لسان الحماة".

واضاف بان "هذه الظاهرة طبيعية وهي باختصار إطلاق ما يسمى نورة زهرية ( حاملة الأزهار ) ، وهي شبيهة بالجزء الاخضر للبصل على سبيل المثال"

وتابع نظام بانه " على ما يبدو توفرت للنبتة ظروف بيئية ملائمة يمكن ان تكون عمليات تحريض أو تفريغ شحنة حيث تتم العملية بفترة زمنية قصيرة نسبياَ مقارنة بعمر النبتة "



وأوضح المهنس الزراعي الذي شارك بالكثير من المؤتمرات والابحاث بحسب ما عرف عن نفسه ، بأنه شاهد مثل هذه الحالة ( تفتح النورات ) يشكل ملحوظ في مدينة سيدي بو سعيد التونسية ، خلال زيارته لها لحضور مؤتمر علمي حيث " تكون الظروف ملائمة لنمو مثل هذا النبات هناك".

مؤكدا بان هذه الظاهرة "علمية وان كانت نادرة الحدوث في سوريا".



وفي السياق ذاته وصف المهندس الزراعي عبدو الصوص والذي كان معنا ايضا في زيارتنا للمقبرة مشاهدته للواقعة بالقول " نحن أمام ظاهرة نمو نادرة وطبيعية لنبات شوكي مثيرة للدهشة "

ويشير الصوص لأسباب حدوث الظاهرة بالقول " نتيجة الظروف الغذائية الملائمة أدت لانفلات الشمراخ الزهري ( حامل الأزهار) الجاهز للتكون في الأرض والأوراق " ويعزو أسباب الإندفاع " لحدوث التلقيح بين الأعضاء الأنثوية والذكرية التي أدت للنمو بشكل مفاجىء " وأضاف شوهدت هكذا حالة منذ خمس سنوات بمحافظة السويداء "

وحول مصير النورة أكد نظام والصوص بقائها حوالي أسبوعين يتم خلالها تفتح الأزهار ثم لا تلبث أن تزول وقد يموت النبات لإكتمال دورة الحياة للنبات "

يعني شي طبيعي يحطو شو كان رأي الناس بالموضوع.
بس انا عم احكي عن الناس اللي قالت انو هاي معجزة الهية.
وشوف اسم الله مكتوب عالتراب.
وهداك اللي شاف نور من المقبرة

مشكور معلم

[يمان Rooooonaldo]

وهي صور

[يمان Rooooonaldo]

هههههههههههه اي بعرف انا قثريتو نقلتو متل ما هو

بس كمان ضد راي سيريا نيوز الخرافي بالقصة
لانو هي الشغلة معروفة وموجودة

شوف هي دراسة كمان عن الموضوع




نبات السيسال نبات عشبي معمر ومستديم الخضرة قوي النمو وكبير الحجم. اوراق النبات كثة سهمية كبيرة الحجم لونها اخضر رمادي وجلدية الملمس وطولها اكثر من المتر وعرضها اكثر من 15 سم وقمة الورقة تنهي بشوكة صغيرة حادة يحمل النبات عناقيد من الازهار الصفراء.
يعرف النبات علمياً باسم Agave sisalana من فصيلة الزنبقيات Liliaceae.

كما يوجد نوع آخر يعرف بالسيسال الأمريكي يعرف علمياً باسم Agave americana من نفس الفصيلة وهو يشبه النوع الاول في النمو إلا ان اوراقه اقل طولاً وعرضاً حيث يصل ارتفاعه الى حوالي مترين ويزهر النبات بعد عشر سنوات او اكثر.

[يمان Rooooonaldo]

عفكرة موجود عنا بسورية تنتين متلها وحدة بحمص ووحدة بالساحل

[handsome]

كاتب النص الأصلي : يمان Rooooonaldo

بس كمان ضد راي سيريا نيوز الخرافي بالقصة
لانو هي الشغلة معروفة وموجودة

يمانننننننننننننن
انا بعرفك ما بتشرب بالعادي .. شو مغيرلك مزاجك ومشربك اليوم

شو كان رأي سيريا نيوز بالخبر ؟؟؟ وشلون طلع معك انو خرافي؟؟؟

[George_h]

خيو نحنا أرضنا أرض البركات....أرض العجايب...
المعجزات يللي بتصير عنا ما بتصير بالسبع بحرات...
لك أفففففففف....

[Government]

لك هلأ كلشي فهمنا وامنا في ومااختلفنا عليه

بس السؤال اللي بيطرح نفسو ليش ضربو مراسلات سيريا نيوز
لايش اش السبب

[whiterose]

أول شي لما سمعت الخبر وبطبعي حشرية كتييييييير وفضوليه كتير قررت روح شوف هاالشجرة

وفعلاً اليوم الجمعة الساعة 6 رحت

ودخلت وشفتها
هلىء انت لما تشوفها اكيد رح تحس بشي غريب

وخاصة انها بوسط المقبرة وحواليك ها القبور بعيد من هون

امي واخواتي التهو بالشجرة وانا التهيت بالأموات قرأتلهم وصرت شوف اسم هاد وايمت مات وكيف مات
وابيات الشعر يعني ياناس ولله الموت كتييييييييييييييير صعب

يعني رايحة لشوف الشجرة ام انقلبت حياتي بسبب دخولي على ها المقبرة وقلت معقول انا هي آخرتي

هي آخرة الوردة البيضا يا خسارة ناس تحت التراب واجسادهم صارت تراب
هي آخرتي وآخرة كل بني البشر
شوبدي قول غير انو لا إله إلا الله

المهم الشجرة فعلا رهيبة ومنظرها بخوف

النقطة التانية انو ليش فريق سيريا نيوز انضربوا بالحجارة
الأسباب التالية حتى مو بس فريق سيريا نيوز
كل بنت كانت داخلة على المقبرة من غير غطاء للرأس او بكامل أناقتها ولبسها الصيفي المفضوح

والمتعارف عليه بجميع الديانات انو زيارة المقابر لها حرمة وهي الحشمة وتغطية الرأس ان كانت المرأة غير محجبة
حتى عند الدين المسيحي وأنا شفت بعيني ماحدا قليفياريت ماحدا يتفلسف ويقلي لاء

يعني ولله شفت وحدة لابسة بنتكور وسابو طولو من طول الشجرة ولله انا خفت عليها تروح وتتفشكل وتنزل بشي جورة وكنزة حفر كتير سبور يعني

فهاد خلا بعض الشباب يتحركشوا ها البنات بها الأسلوب

بدي اشكر يمان من قلبي على الصور يلي حطون وقطع فيها الشك باليقين لأني كنت جد عم فكر انها فعلا ظاهرة طبيعية لكنها غريبة الحدوث

مع تأكيدي لكلام العلامة فضيلة الشيخ البوطي
اعتبر الشيخ توفيق رمضان البوطي في اتصال لسيريانيوز بأن كل ما يحصل في الحياة سواء أكان مألوفاً أو غير مألوف لا يخرج عن نطاق القدرة الإلهية رافضاً أي ربط بين هذه الظاهرة وفكرة الأولياء الصالحين

وشكرا يمان وبنصحك تروح تشوف الشجرة
لأنو مهما كانت ظاهرة طبيعية فهي بالنهاية من خلق الله عز وجل وبتستحق الوقوف عندها
بس لو تحكي اكتر عن ها الشجرة يعني وين بتنمو وليش بتكبر بسرعة وهيك قصص او عطينا شي لينك لنقرأ عنها اكتر

[whiterose]

كاتب النص الأصلي : GOVERMENT

لك هلأ كلشي فهمنا وامنا في ومااختلفنا عليه

بس السؤال اللي بيطرح نفسو ليش ضربو مراسلات سيريا نيوز
لايش اش السبب

ذكرت السبب بردي
بس قلت يمكن ماتقرأه لأنو طويل
لأنو كانو كتييييييييييييييير سبور
هنن وغيرون

والقبور تتطلب حشمة وهنن كانو بعيدين كتير عن ها الشي

[Government]

لك هلأ وانا عبقرا الموضوع بالصدفة مطالعين خبر بموجز الاخبار بالاmbc عن الشجرة ورايحين مصورين جوات المقبرة وعاملين تقرير مصور عنا

[Government]

النقطة التانية انو ليش فريق سيريا نيوز انضربوا بالحجارة
الأسباب التالية حتى مو بس فريق سيريا نيوز
كل بنت كانت داخلة على المقبرة من غير غطاء للرأس او بكامل أناقتها ولبسها الصيفي المفضوح

والمتعارف عليه بجميع الديانات انو زيارة المقابر لها حرمة وهي الحشمة وتغطية الرأس ان كانت المرأة غير محجبة
حتى عند الدين المسيحي وأنا شفت بعيني ماحدا قليفياريت ماحدا يتفلسف ويقلي لاء

ايواااااااااااااااااااااا ااااااااااااااااااااااااا اااااااااااااااااااااااا مشاااااااااان هيك

كاتب النص الأصلي : whiterose

ذكرت السبب بردي
بس قلت يمكن ماتقرأه لأنو طويل
لأنو كانو كتييييييييييييييير سبور
هنن وغيرون

والقبور تتطلب حشمة وهنن كانو بعيدين كتير عن ها الشي

لا لا قريتو كلو اكيد


واذا عرف السبب بطل العجب

[Willi]

كل بنت كانت داخلة على المقبرة من غير غطاء للرأس او بكامل أناقتها ولبسها الصيفي المفضوح

والمتعارف عليه بجميع الديانات انو زيارة المقابر لها حرمة وهي الحشمة وتغطية الرأس ان كانت المرأة غير محجبة
حتى عند الدين المسيحي وأنا شفت بعيني ماحدا قليفياريت ماحدا يتفلسف ويقلي لاء

يعني ولله شفت وحدة لابسة بنتكور وسابو طولو من طول الشجرة ولله انا خفت عليها تروح وتتفشكل وتنزل بشي جورة وكنزة حفر كتير سبور يعني

فهاد خلا بعض الشباب يتحركشوا ها البنات بها الأسلوب

هاد اتفه سبب سمعتو بحياتي كلها.
بالفعل شعب بدو ضرب بالصرماي على راسو.

[يمان Rooooonaldo]

ليش حبيبي جاد....الاحترام صار عيب نا ولا دامما لازم نكون من شعب خالف تعرف يعني

لح قلك شغلة القبور متل ما قالت ويا روز الها حشمة .. وما بيصير انو حدا يفوت وهو مانو متغطي عن راسو

هلا بيجوز بحكم عيشتك بامريكا ما بتعرف هاد الشي

بس شو الغلط... واهل الشام المسيحية من اول الناس اللي بتساوي هيك
وانا بعرف رفقات مسيحية كتير الي بيساوو هيك شي

انا ما عم قول طريقة الضرب بالحجارة صحيحة
ولا معها اكيد
بس معلم كلشي الو حرمة وكلشي الو عادات يجب احترامها يعني هي اللي جاية بالشورت ولا بالبانتاكور وين رايحة انتي على عرس

يمانننننننننننننن
انا بعرفك ما بتشرب بالعادي .. شو مغيرلك مزاجك ومشربك اليوم

شو كان رأي سيريا نيوز بالخبر ؟؟؟ وشلون طلع معك انو خرافي؟؟؟

حبيب عراسي اول شي

انت فهمتني غلط انا قلت الطريقة الخرافية اللي انعرض فيها الخبر وهي الضجة اللي ساووها ما عجبتني
يعني وضع هيك موضوع وبالصفحة الاولى الرئيسية والعنوان و و و

انا هون كان قصدي الظاهر اوك غريبة شوي بس لو فيهم واحد شوي بيفكر كان عرف انو هي هية طبيعة هالشجرة وقلتلكم انو عنا بسوريا في تنتين منها
وقلتلكم انو صايرة من قبل
عكلن لح جبلكم دراسة كاملة عنها بس لافضى وان شاء الله خير

عراسي كل الشباب والصببايا ويا ريتك يا وايت روس مصورة بايدك كان كتر خيرك

[يمان Rooooonaldo]

Form: thick, massive succulent with pointed leaves forming basal rosette; offset plants at base

Seasonality: evergreen; dies after blooming
Size: 5-7ft high, spread to 8-12ft
Leaves: large thick points, blueish, sharp stout tip, toothed margin, teeth curve downward and show an attractive pattern on back of leaves
Flowers: large asparagus-like stalk emerging from center of plant, 15 to 30ft tall, yellow flowers emerge from terminal end on a horizontal branching structure up to 6ft across; flowers when 10 or more years old, exact triggering mechanism is not well understood
Fruit: flat disk seed enclosed in capsule
Stems/Trunks: n/a



mature Agave americana specimens,
stalks at full height with blooms on branches just beginning to open
Range/Origin: Mexican highlands
Hardiness: low teens; cold damage is persistent and unattractive


LANDSCAPE VALUE:

• specimen plant
• accent
• good in (very) large planter
• do not use near foot traffic

CULTURAL REQUIREMENTS:

• Exposure: full sun, reflected heat; better in part shade than other succulents
• Water: natural rainfall; better on supplement water, once per month in summer
• Soil: tolerant, good drainage; okay in shallow soils
• Propagation: seed, offsets
• Maintenance: minimal; removal of lower leaves can be dangerous; removal of entire dead plant after blooming can be difficult due to large size

NOTES:

more cold hardy than Agave vilmoriniana
more bluish overall than other Agave sp. juices are acidic and can burn
susceptible to Agape weevil, especially when weakened
when digging offshoots, get the large yellow root
var. 'Marginata' has a narrower blade and yellow stripes along leaf margins (both edges)
'Medica picta' has a white stripe down the center of the leaf blade








margin detail




close-up of emerging leaf blade,
note impressions of teeth left in
the underside of the adjacent blade
also note attractive
horizontal bands of color

سوري مالي ملحق ترجمو كلو لانو طويل شوي ولسا بجبلكم شغلات عنها

[يمان Rooooonaldo]

هي دراسة على شكل pdf
ممكن تحملوها من المرفقات كتير حلوة

شوفو ال
Description

واقرو عنها