طيران اسرائيلي يخترق الأجواء السورية

[*Marwa*]

خيتو مروى بدك ما تاخزيني يعني ..
بس انو 20% من الاسرائيلين هني عرب.
يعني بين كل خمسة بيموتو باسرائيل في شخص عربي

بس هادا الحكي بيظبط اذا كانو العرب واليهود ساكنين بنفس المدن
بس على حد علمي انو اغلبية العرب ساكنين بمدن صغيري وما ساكنن بنفس مدن اليهود!

وما بعتقد في شعب بالعالم بينبسط بالحرب
بس انو في شغلات كتير المواطنين العاديين مافيون يقرروا

حكيك مزبوط بس في كتير عرب ساكنين بحيفا ومدن مختلطة!
وللاسف في كتير صواريخ اجت على مناطق اللي هي مدن للعرب متل مجد الكروم وكتير مناطق وحتى قرى عربية زغيري اجى عليها قصف انو ما بعرف بس كأنو كان مستئصد
بس معك حق انو الحرب ما بحددها المواطنين بس انو ازا ما رح يصير سلام بين سوريا واسرائيل بلا ما يصير حرب والله زهقناااااااا .. كانت حرب لبنان حرب اعصاب وحياتك! هلأ صحيح انو القصف ما اجى على قريتي بس نحنا ساكنين بمنطقة كل اللي حوالينا قرى ومدن يهودية وفي حدنا قرية يهودية زغيري اجى عليها قصف سمعناه وشفناه بعنينا ..غير انو كنا نشوف القصف على حيفا من البيت عنا!! وكنا كتير خايفين لانو عيلة امي كلها بحيفا .. انو عنجد خلص بلا ما يتكرر هالفصل البايخ

[COSTA]

كاتب النص الأصلي : ما بعرف

Thu Sep 6, 2007 6:31 PM GMT واشنطن (رويترز) - امتنعت الولايات المتحدة يوم الخميس عن التعليق على اتهام سوريا لاسرائيل بقصف اراضيها.
وسئل المتحدث باسم البيت الابيض توني فراتو بخصوص الاتهام السوري فقال "امتنع عن التعليق".
وقال المتحدث باسم وزارة الخارجية توم كيسي انه شاهد تقارير اخبارية اتهمت فيها سوريا اسرائيل بقصف اراضيها لكن لا يوجد لديه شيء يثبت ذلك.
وقال "رأيت تقارير صحفية تزعم فيها سوريا امرا واسرائيل تنفيه. ولا اريد ان اعلق على امر لا يزال في هذه المرحلة تكهنات."
واضاف "لن امضي في التكهن بشأن روايات لا يوجد حسب علمي حتى الان أي اساس لها في الواقع."
وسئل ان كانت الولايات المتحدة طلبت من اسرائيل او سوريا تقديم رؤيتهما للاحداث قال كيسي انه لا يعلم بوجود اي اتصالات امريكية مع اي من الحكومتين بشأن الموضوع

يمتنع عن التعليق ....
يعني شغلة من تنين ....
يا بيعرف شو بدو يصير وشو التحركات القادمة ....
او ما بيعرف شو صاير وراء الكواليس وتحت الطاولات

وبما انو تكهنات .... فهذا يدل على انه جس نبض او تجربة دخول الاجواء وسهولتها .... او صعوبتها
او كمان بيعني في مرحلة قادمة ورح تكون اخطر من هالمرحلة ....
بس كمان سؤال شنو كترانة الاسئلة براسي
روسيا شو موقفها ...؟؟؟؟
باعتبار صار الها رجل بالمنطقة وبالاخص الساحل السوري

[THE_unforgiven]

غريب .... المضادات على سطح بيتنا ...ما شافت أي طيارات .. الهيئة مروا وقت القيلولة

[THE_unforgiven]

انا برايي الصراصير الإسرائيلية ...لازم نبيدها ببخاخ ..بايجون الجديد

[sezar]

الطيران يخرق الجو السوري كل يوم تقريبا .. الطائرات النفاثة تمر فوق المناطق الحدودية و قرى " خط النار " اذا صح التعبير .. اشمعنى لم يتم التصريح إلا عن هذه .. و اذا ردت سوريا على هذه العملية .. قبل أي تصريح رسمي بتبني هذا الاختراق .. ستكون النتائج وخيمة علينا .. ستسبح سوريا في الزمن 30 سنة أخرى .. و سنعيش في نصر عشناه طوال السنين الماضية ..

[brave heart2]

كاتب النص الأصلي : sezar

الطيران يخرق الجو السوري كل يوم تقريبا .. الطائرات النفاثة تمر فوق المناطق الحدودية و قرى " خط النار " اذا صح التعبير .. اشمعنى لم يتم التصريح إلا عن هذه .. و اذا ردت سوريا على هذه العملية .. قبل أي تصريح رسمي بتبني هذا الاختراق .. ستكون النتائج وخيمة علينا .. ستسبح سوريا في الزمن 30 سنة أخرى .. و سنعيش في نصر عشناه طوال السنين الماضية ..

هاد الكلام الصحيح

[شب الكوبة]

كاتب النص الأصلي : sezar

الطيران يخرق الجو السوري كل يوم تقريبا .. الطائرات النفاثة تمر فوق المناطق الحدودية و قرى " خط النار " اذا صح التعبير .. اشمعنى لم يتم التصريح إلا عن هذه ..

شو انتي قاعد ع الحدود عم تراقب مجالنا الجوي .. ؟؟يا زلمة من وين يتجيب هالاخبار؟؟؟..

هي المرة صار في اختراق واضح وصريح يعني مو ع المناطق الحدودية "هي بافتراض صحة كلامك"...

ولازم يتم التصريح عنا اقلا لحتى يقولوا للعالم شوفوا اسرائيل يللي بدا تعمل سلام معنا ويللي رئيس حكومتا كل فترة بيقول انو ما بدو الحرب مع سوريا وانو بدو سلام وما بعرف شو

و اذا ردت سوريا على هذه العملية .. قبل أي تصريح رسمي بتبني هذا الاختراق .. ستكون النتائج وخيمة علينا .. ستسبح سوريا في الزمن 30 سنة أخرى .. و سنعيش في نصر عشناه طوال السنين الماضية ..

انا معك انو لازم ما نرد الا اذا اعترفت اسرائيل او كان عنا دليل ع الاخترق

بس مو معك انو رح نسبح 30 سنة اخرى في الزمن .. لانو سوريا باذن الله اقوى مما مضى وع الاقل عم نقاتل من اجل حقنا وحريتنا .. و قادرين باذن الله ع قصف اسرائيل.. وقادرين على الدفاع عن انفسنا.. يعني حزب الله مو احسن منا

[MadMax]

كاتب النص الأصلي : sezar

الطيران يخرق الجو السوري كل يوم تقريبا .. الطائرات النفاثة تمر فوق المناطق الحدودية و قرى " خط النار " اذا صح التعبير .. اشمعنى لم يتم التصريح إلا عن هذه .. و اذا ردت سوريا على هذه العملية .. قبل أي تصريح رسمي بتبني هذا الاختراق .. ستكون النتائج وخيمة علينا .. ستسبح سوريا في الزمن 30 سنة أخرى .. و سنعيش في نصر عشناه طوال السنين الماضية ..

هلأ سوريا هيك هيك رح تسبح ب 30 ورا 30 ورا 30
بس أنو خلينا نسبح و نحنا عايشين حلم أحسن ما نسبح و نحنا محبطين ...متل هالكم سنة يللي مروا

[system in blue]

انا برأيي اذا ما كبرت ما بتصغر
بس الله يسترنا من الأحتياط.

[wwq]

نحن ما لازم نضل ((مكتوفي الايدي))
بدنا (نشجب)و نشد على حرف الجيم .و نستنكر بشده ..و نحتفظ بحق الرد ..نحن ما المفروض نرد هلأ ابدا المفروض نضل محتفظين بحق الرد الى يوم يبعثون

[MadMax]

حسب العربية :
اسرائيل اعترفت بالغارة .....و أنو الهدف كان منظومة صواريخ