|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
22/02/2008
|
#1 | ||||||
|
عضو
-- مستشــــــــــار --
  |
اطفال الشوارع ...الى اين؟
من اكتر من اسبوعين كان التلج نازل بالشام الدنيا برد سقيع
بسياق الجنون تبعنا انا وزين نزلنا على باب توما كرتونة عالارض قاعد عليها طفلين التاني (مستلقي)على رجل اخو يمكن تعبان يمكن فكر انو هيك ادفى كنت عم اكل منقوشة اجا الولد التالت وقف مواجهي وصار بيننا حديث عقلي ما سمعو حدا غير عقلي وعقلو انا:انو حاسك جوعان وبردان الولد:انا؟لا يا زلمة معقول مالك شايف انو الجو كتير ظريف مشان هيك انا مو لابس غير هالكنزة والبنطلون اما الجوع فمتعود عليه انا:طيب ليش هيك عم تطلع فيني؟ الولد:لانك انت وغيرك ما بتستحي! انا:انا؟ الولد:ايه ليش ما تحركتوا مشاننا انا ورفقاتي واخواتي؟ليش لما نكبر ونكون مجرمين بتمارسوا علينا عذاب نفسي حقير بنظراتكن وتعاملكن؟انت اطلع على حالك دفيان وجاية على مطعم وعم تاكل عم تنام على تخت ببيت مع اهلك...انا وين عم نام؟ بتعرف وين؟ مالح قلك لانو بيقتلوني العصابة بعدين بس باكدلك انو باسوء مكان على وجه الارض انت عم تاخد مصروف من ابوك وعم تدرس بالجامعة انا ما بعرف فك الحرف بشحد من الناس مشان ياخد معلمي المصاري ورفيقي بيشحد مشان ابوه ياخد المصاري بالصيف انت يمكن بتطلع عاللادقية ويمكن لا هي اكيد انك بتلعب شدة مع رفقاتك اما انا بالنهار بركد عالسيارات بمسح البللور بشتري خبز و ببيعو بزيادة خمس ليرات وبعد كل هاد بتلومونا...طيب بشرفك انت هيك بتكون عم تستحي على حالك انت وغيرك؟ انا:بس انا الولد:لا تبرر مافي داعي...عن اذنك هيك صار طيب هدول شو وضعون شو نهايتون؟ الموضوع للنقاش مايسترو
"We ask the Syrian government to stop banning Akhawia
اخوية باقية.. بقينا ام لم نبقى... |
||||||
|
|
22/02/2008
|
#2 | |||||||
|
عضو
-- مستشــــــــــار --
|
اقتباس:
صراحة انا مابعرف شوفيني رد القصة كتير كبيرة ... يعني موبس منقوشة او تياب خفيفة او حتي مشروع مجرم القصة قصة مشاكل واصلة ببعضها وبتتمحور بشعبنا نفس يعني فيني قول ماعاد عنا تكافل اجتماعي حقيقي الانسان ماعاد حس بالانسان وكل صار متل بعض يمكن عنا مشاكل متل الغلا ازمة السكن المواصلات بس بعتقد ان الازمة الاكبر الي عم نعيشها اليوم هيه ازمة الانسان نحنا شعب عند ازمة مع ذات يعني صارت عنا مفاهيم الطيبة والشفقة والتراحم مرادفة للجدبنة واكل الهوا والخورفة بعرف اني مافيني اعطي شي لهالموضوع قد ماكتبت بس يسلم ان عم نذكر عالاقل بهالضاهرة الي كرمالها عم تنتشر يسلمن رفيقي اممي 
اسكر اسكر اسكر...فهذا العالم مملوء بالليل
|
|||||||
|
|
|
22/02/2008
|
#3 | ||||||
|
عضو
-- مستشــــــــــار --
|
يعني هالمشاهد كتييييير بشوفها بصراحة واكتر من مرة ...اسأل زين شو شفنا هداك اليوم قدام ورق الزمن عنجد منظر بيبكي الحجر
 ما بعرف شو لح يصير فيهون .....بس أكيييييييييييييييد لح يكونوا حاقدين عالمجتمع ...ومشكلاتهن النفسية لح تكون ضعف مشاكل ايا مراهق بهالدنيا ....بسبب يلي عم يعانوه ...ان كان من اهلهن يلي مافيهن جنس الرحمة اذا كانوا هنن يلي عم يشغلوهن هيك شغلة ...ولا من الوحوش يلي عم يشغلوهن هيك شغلة بس منشان ياخدوا مصاريهن آخر شي !!! انا حابب اسأل وين المؤسسات يلي بيحكو عنها تبع الأيتام او المشردين او غيرها ...ليش ما يضبوا هدول الأطفال !!!!! وينهن في حدا بيقلي وين يلي عم بيطالب بالديمقراطية وعم يطالب بحرية التعبير بسوريا وينهن !!ما يرعوا هدول الأطفال ويعطوهن حقوقهن من المصاري يلي عم يشفطوها مدري منين !!! ولا القصة بس شعارات عالفاضي بدون ايا فعل بيدل انو بدهن ديمقراطية !!!! يعني هدول الأطفال لما لح يصيروا مجرمين بكرا ...مين يلي ساواهن هيك مو المجتمع ...ومين يلي لح يحكم عليهم بالاعدام او المؤبد مو المجتمع كمان !!!! عنجد فظيييييييييييييييييييع ...... تحياتي مايسترو ...
الكلُّ سفّاح و ابنُ سفّـاح
. القومُ أبناء القومِ يا صــاح . عندهم الدّينُ زهقُ أرواح . والذّبحُ للنّاس نهجُ إصْلاح |
||||||
|
|
|
23/02/2008
|
#5 | ||||||
|
عضو
-- مستشــــــــــار --
|
موضوع حساس بس ممكن ما الو حل...ط خدلك هالموقف يللي صار معي.... اول شي نحنا لما نطلع عالجامعة الساعة ستة ونص الصبح بنلاقي بالمجمع هدول الاطفال عم يمشوا حافيين ومنظرهم كتير تعيس يعني لزوم الشغل ...وبعدها بيبدوا يترجوا مشان شلن ...والعجيب طلاب الجامعة كيف عم يتضحكوا عليهم ويتمسخروا باسلوب ما في اخلاقيات وبيوم من الايام كنت بالمجمع وتنين من هالاولاد عم يتقاتلوا بنت وولد اخوان عمرهم ما بيتجاوز ست سنين كانوا بيتطاوشوا بكل شراسة اجت امهم وبلشت تضرب البنت بكل حيونة والفظيع انو ضربتها بالصرماية على وجهها انا والله بكيت بكل حرارة وما عرفت شو ساوي في حين الشباب بيتفرجوا وبيتضحكوا والام ما عندها رحمة لانو بنتها بتستغيث وهي بيزيد اجرامها كان المنظر بشع كتير بالمناسبة متكرر هالمشهد بس بقناع تاني .... كتير كان يصير بيني وبينهم حكي كتير مؤلم ومن الاشياء يللي عرفتها انو بيستغل حاجة البنت بانهم يدعوهم للحرام ...ما بعرف شو احكي بس وين الحل اذا كان الاهل عندهم عاشوا ذات الوضع؟؟؟
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
|
|
23/02/2008
|
#6 | ||||||
|
عضو
-- زعيـــــــم --
|
كإن هناك ترابطا غريبا في الأفكار ما بيننا
من يومين وتحديدا بأوج العاصفة اللي ضربت طرطوس ...." سعدو يجعلها عاصفة بس كان في برد يعني " كنت نازل بالباص لابس ومتقل تياب وما مخلي لفحة ب بيتنا إلا ولابسها .... الباص بيوقف بمنطقة بنسميها بطرطوس الكراجات ... وعند الكراجات كل اهل القرى اللي نازلين يشتغلوا بطرطوس مشان مية او ميتين ليرة باليوم بيكونوا موجودين كل اهل طرطوس اللي كانوا برات المحافظة بيجتمعوا كل الناس اللي جايين على طرطوس جديد بيكونوا هنيك ... وبيكون هنيك كمان شي عشرين ولد .. صغار كتير .... اقل من 15 سنة اكبرهن واقل من عشرة اصغرهن ... هيدول الأطفال ما بيصدقوا انو باص يوقف ليركضوا عليه ... ويبلشوا ... راكب واحد مشبكة كراجات ميناء مجمع ... وصرخات مو طبيعية عم اسمع واحد فيهن ... عم اسمع حكيو .. عم اسمع تعابيره . صراخه شوفوا شو طلع معي صوته على كتر ما بيصرخ وع كتر ما عاش حياة الرجولة بكير صوته صار متل الرجل البالغ تعابيره منتقادة بشدة ليصبح مجرم المستقبل ... صراخه الظاهر اعتاد ان يكون عاليا .... فتسمعه يخدش صفو الحياة في مدينه هي الأخيرة بإستخدام الزمور.. حتى ملامح وجهه بالبرد بينت اكبر من المعتاد ... طبعا بالبرد كان لابس كنزة وبنطلون وجاكيت مليان خزوق ... محافظ طرطوس وعد بالعمل لأجل المدينة واشتغل واجهات بنايات حلوة ... كورنيش طرطوس اصبح ك كورنيش اي مدينة ارستقراطية ... طيب وفي الحارات الخلفية .... مين شايف شو عم يصير .. تحياتي يا محافظ طرطوس ... ما بدي طرطوس حلوة بدي اطفال طرطوس يتعلموا .... ما تسبقهن الحياة . تحياتي الحارة ظل جيفارا
فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية "تمركز رأس المال هو المشكلة ولا حل إلا الإشتراكية ." |
||||||
|
|
|
25/02/2008
|
#7 | ||||||
|
عضو
-- مستشــــــــــار --
|
طيب هلق السؤال الاهم من كل الحكي اللي انحكى شو ممكن نعمل؟
بيطلع بايدنا انو ايه بيطلع اساسا وحدة من اسباب تخلفنا هو كلمة شو بيطلع بايدنا نعمل المشكلة كمان انو توديون عالميتم (للايتام منن)ما بتخيل انو الميتم ارحم يعني... عطونا افكاركن مايسترو |
||||||
|
|
|
25/02/2008
|
#9 | ||||||
|
عضو
-- مستشــــــــــار --
|
مرة تناقشت هالقضية بمسلسل عالتلفزيون اسمو اولاد الشوارع تناول القضية من كتير جوانب وناقشها وما خلى شي ما ناقشو وانتهى بحل وهو فتح شي بيشبه بيوت للايتام اسمو قرية لهالاولاد بس نوعا ما هالحل بيحتاج تمويل ضخم وناس ماخدين هالقضية قضية عمر مو مجرد حكي يعني ا>ا بدنا ندور على حل الحل تمويل ضخم لفتح متل هالقرى غير حل ما بتوقع بنلاقي |
||||||
|
|
|
25/02/2008
|
#11 | |||||||
|
عضو
-- مستشــــــــــار --
|
اقتباس:
|
|||||||
|
|
|
25/02/2008
|
#12 | ||||||
|
عضو
-- مستشــــــــــار --
  |
اطفال الشوارع الى اين الى شوارع اخرى
سيكبرون الى اين الى شوارع يجهلون لغتها تخاطبهم بالاشارات كما تُخاطب الحيوانات وطن يتنكر لابنائه بحضن في بيت يخصصه لهم الى اين الى حيث ينتقمون منه
جرائم حماس على صفيح ساخن
http://hamasgaza.wordpress.com/ |
||||||
|
|
|
25/02/2008
|
#13 | |||||||
|
عضو
-- زعيـــــــم --
|
اقتباس:
حيث يقوم هؤلاء بأنتاج مواد ربحية ويقوم صاحب المجمع بالمتاجرة بمنتجات الأطفال .. وتصبح الإستفادة مركبة : 1- تعليم الأطفال لمهنة تفيدهم 2- التجارة 3- منعهم من الأنحراف 4- اشعارهم بأهميتهم بس المشكلة بتصير برؤوس الأموال هل حقا مهتمين او حتى اذا قطاع عام بيتبنى هيك " فكرة" تحياتي الحارة ظل جيفارا |
|||||||
|
|
|
25/02/2008
|
#14 | |||||||
|
عضو
-- مستشــــــــــار --
|
اقتباس:
يعني الاطفال بهيك عمر يفترض ان يتعلم الكتابة والقراءة واليتلقنو المعلومات البسيطة الي كل طفل بالعالم يتلقنها بهيك عمر بعتقد افضل شي هوه ان يتم احتوائهم بمدارس داخلية خاصة للاطفال الشوارع والمفروض ان الجمعيات والجوامع والكنايس بالاضافة الي الدولة توفر الهم هالمصاري وبالتالي مافي داعي ينطر شو محسن راسمالي ليكمل الاتجار فيهن |
|||||||
|
|
|
25/02/2008
|
#15 | |||||||
|
عضو
-- زعيـــــــم --
|
اقتباس:
كلامك مزبوط 100% واللي حكيته حضرتك افضل الحلول ... انا يمكن كنت اكثر تشاؤما وحكيت اسوأ الحلول .. بس بيضل حل افضل من تركتهن بالشارع .... في صورة بدي جبلكن اياها ...هيديك بتبكي . تحياتي الحارة ظل جيفارا |
|||||||
|
|
|
25/02/2008
|
#16 | ||||||
|
عضو
-- أخ لهلوب --
|
يا ريت ما قريت اللي انتو كاتبينو يا شباب ... لان دمعتي خنقتني بس طالما انو في شباب عم تلاحظ هل المهمشين و تجيب سيرتون ثقو انو في عالم عم تهتم فيون مع انن قلال كتير و الاكيد الاكيد انو الله عم يهتم بالباقي و ما بدي احكي اكتر من هيك سلام .
إن خطيئتنا العظمه هي نكران محبة الله
|
||||||
|
|
|
25/02/2008
|
#17 | |||||||
|
عضو
-- أخ لهلوب --
|
اقتباس:
عنا بالاردن جمعيات كثيرة وانا شاركت باحد هذه الجمعيات وهي تابعة لليونسيف لكن لما تتحرك الحكومة والشعب غير..........قضية اطفال الشوارع يجب ان لا يكون لها جمعيات من الاصل يجب ان تحلها الحكومة
وعيـــــــــــــــــــــــوني الشتـــــي ^*
|
|||||||
|
|
|
27/02/2008
|
#18 | ||||||
|
عضو
-- مستشــــــــــار --
|
اول شي انا كتير مبسوط لتفاعلكن مع الموضوع والافكار المطروحة حلوة وقابلة للتنفيذ
في فكرة تانية ليش ما بتقوم جمعية متل جمعية حفظ النعمة مثلا باطلاق هيك مشروع وتلم تبرعات لالو هلق ليش انو حفظ النعمة لانو الها شعبية بين الشعب لمصداقيتها شغلة تانية انا عم جرب اعمل تحقيق حول الموضوع واليوم بلشت وكان اول لقاء مع طفلين اللي بيحب انو يشترك معي يخبرني مايسترو |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 19:27 (بحسب عمك غرينتش الكبير +3)