الداعية الاسلامي عمرو خالد أغنى "نجوم الدعاة" في العالم العربي

**MadMax** · 27/02/2008

"فوربس العربية" :الداعية الاسلامي عمرو خالد أغنى "نجوم الدعاة" في العالم العربي

تحت عنوان "نجوم الدعاة"احتل الداعية الإسلامي المصري عمرو خالد المرتبة الأولى في قائمة أعلى دعاة الدين الإسلامي دخلاً للعام 2007 بـ2.5 مليون دولار والتي أصدرتها مجلة "فوربس العربية".

وتعتبر هذه القائمة الأولى من نوعها في الوطن العربي، وقد اعتمدت "فوربس" في تصنيف الدعاة على العائد المادي من حقوق الملكية الفكرية التي حصل عليها الدعاة من شركات الإنتاج الفني التي اشترت تسجيلاتهم الصوتية ومؤلفاتهم، والأجر الذي يتقاضوه مقابل ظهورهم في برامج تلفزيونية.
ونقلت الـ"bbc" عن مجلة "فوربس" قولها إن الدعاة ووسائل الإعلام والنشر والإنتاج الفني أصبحوا ينظرون إلى الدعوة على أنها مصدر للثروة لا تختلف عن غيرها من نشاطات الأعمال، واعتبرت في الوقت نفسه أن ذلك لن " يؤثر في أهمية هذا النشاط..كما لا ينتقص من أهمية الرسالة التي احتضنتها وتحتضنها الدعوة إلى الإسلام".

وجاء في المرتبة الثانية بعد عمرو خالد الداعية الكويتي طارق سويدان بدخل وصل إلى مليون دولار، تبعه الداعية السعودي عائض القرني مؤلف كتاب "لا تحزن" بدخل وصل إلى 533 ألف دولار.
أما المرتبة الرابعة فكانت من نصيب الداعية المصري عمر عبد الكافي المقيم في دولة الإمارات بدخل وصل إلى 373 ألف دولار، وجاء الداعية السعودي سلمان العودة بالمرتبة الخامسة بـ267 ألف دولار.
وترى "فوربس" أن دخل الدعاة يعتمد أساساً على الإنتاج التلفزيوني والبرامج التي تبثها المحطات الفضائية، إلى جانب التسجيلات الصوتية والمؤلفات الدينية والأدبية، إلى جانب مشاركتهم في المحاضرات التدريبية والتثقيفية.

وعرضت المجلة إلى جانب قائمة "نجوم الدعاة" إحصاءً لعدد المؤلفات الفكرية والتسجيلات الصوتية التي أصدرها الدعاة الذين احتلوا المراتب الخمسة الأولى على القائمة، ونشرت المجلة أيضاً أهم المحطات في حياتهم والمشاريع المستقبلية التي ينون القيام بها.
والجدير ذكره أن المجلة استبعدت في تصنيف الدعاة المال الذي حصلوا عليه من استثمارات لا علاقة لها بالدعوة بما في ذلك الهبات والعطايا التي حصلوا عليها إما من جهات حكومية أو غير حكومية.
والداعية عمرو خالد من مواليد عام 1967 واسمه الكامل عمرو محمد حلمي خالد، تخرج في جامعة القاهرة كلية التجارة عام 1988 وبدأ الدعوة من مصر ثم ذاع صيته في جميع أنحاء الدول العربية والإسلامية.

سيريانيوز

saman · 27/02/2008

اي ما هنن دعاة لشو غير منشان يقبضو ويلهفو مصاري منن جيوب العالم على صف حكي ...

هدوء البحر · 27/02/2008

بشكرك على الموضوع
كنت مفكر الداعية ما بهمو المصاري لانو في هدف بدو يعملو
بس طلعت الشغلة مو هيك

باشق مجروح · 27/02/2008

رزق الهبل ع المجانين

حلبي · 27/02/2008

أذا الكلام من فضة السكوت من ذهب

تفو تفو عطائفية

**MadMax** · 27/02/2008

اقتباس:

كاتب النص الأصلي : Madmax

وترى "فوربس" أن دخل الدعاة يعتمد أساساً على الإنتاج التلفزيوني والبرامج التي تبثها المحطات الفضائية، إلى جانب التسجيلات الصوتية والمؤلفات الدينية والأدبية، إلى جانب مشاركتهم في المحاضرات التدريبية والتثقيفية.

عقبال ما يضيفولها ..... الدخل من الاعلانات

المحارب العتيق · 27/02/2008

ليش مين قال أنو الشغل ببلاش
يعني عيب شخص متل الوليد بن طلال يجيب داعية على محطة الرسالة ويعطيه مصاري مقبل برنامج بدو يقدمو وشغل بدو يعملو. بكل الأحوال مابيكون عطاه ربع يلي بتاتخدو شي فنانة تعري على غير محطة من محطاتو
فبالنتيجة لازم تكون ثروتون أكتر لو بيتقدر علمون
وأذا ما أشتغل الداعية من وين بدو يجيب مصاري وكيف بدو يعيش

**MadMax** · 27/02/2008

اقتباس:

كاتب النص الأصلي : المحارب العتيق

ليش مين قال أنو الشغل ببلاش
يعني عيب شخص متل الوليد بن طلال يجيب داعية على محطة الرسالة ويعطيه مصاري مقبل برنامج بدو يقدمو وشغل بدو يعملو. بكل الأحوال مابيكون عطاه ربع يلي بتاتخدو شي فنانة تعري على غير

هو حلو التشبيه ..
بس شغل فنانات التعري ..بضل أفضل ..
عالأقل ما عم يتاجروا بكلام الله

اقتباس:

وأذا ما أشتغل الداعية من وين بدو يجيب مصاري وكيف بدو يعيش

من أهم شروط شرعية الدخل بالاسلام .... التكافؤ بين الجهد و الأجر
بقى ممكن تشرحلنا شو الجهد يللي عم يبذلو عمرو خالد مقابل هالـ 2.5 مليون دولار

هاد اذا استثنينا البكي و النواح .... لأنو بيبذل فيهون طاقة فظيعة

التقرير الجوال · 27/02/2008

د. طارق السويدان دارس بأميركا و ترأس مجلس اداره شركه .. معو دكتورا بالبترول في موقع نازل الو عشر ملفات عن تاريخ الأندلس كل ملف شي 11 Mgbيعني شي ساعه و شوي .. قديه من الوقت قرأ لحتى قدر يحاضر .؟
عايض القرني دكتور بالشريعه و سعودي و بظن دخلهن عالي بالسعوديه .؟
بعدين وين الغلط بأخدهن مصاري .. بعدين اذا مهتم بالتاريخ بالفكر بالاطلاع او المطالعه حتى فأكيد رح تسمعلهن و تقرالهن .. مو بس لأنهن يحكو عن الاسلام كمان عن ترتيب الحياة و صناعه الحياه .
و اذا ما في عندك اهتمام فحكيلك شي كلمه حلوه بذمه التاريخ .

المحارب العتيق · 27/02/2008

اقتباس:

كاتب النص الأصلي : Madmax

هو حلو التشبيه ..
بس شغل فنانات التعري ..بضل أفضل ..
عالأقل ما عم يتاجروا بكلام الله
أي شو هالتحليل . يلي بينشر كلام الله وتعاليم دينو بيكون عميتاجر بدينو . تحليل بيضحك صراحة

من أهم شروط شرعية الدخل بالاسلام .... التكافؤ بين الجهد و الأجر
بقى ممكن تشرحلنا شو الجهد يللي عم يبذلو عمرو خالد مقابل هالـ 2.5 مليون دولار
لا يا عالم مقضي عمرو بعلوم الشريعة بتقلي وين الجهد
بعدين ليش ملاقيين الرقم خيالي . الرقم كتير عادي أقل باحث متخصص بالعالم خارج سوريا بيلحق أدون وأكتر
وحتى بسوريا الأول فيون يادوب يشترولو المصاري بيت بالمالكي أو محل بشارع الحمرا . فوين المبلغ الخيالي بالموضوع ز بقال كيف التالت أو الرابع . برأيي لأنو بيقبض أقل من علمو

هاد اذا استثنينا البكي و النواح .... لأنو بيبذل فيهون طاقة فظيعة

هلأ شوف بما أنك حاطط الموضوع بس للنيل منون بحب قلك لأنو البكي والنواح وغناء الأوبرا مو من طقوسنا الدينية
وبأستثناء عمرو خالد المختلف عليه . ويلي بيبكي أحيانا بأخر الدعاء . وين شفت البقايا المذكوريين عمينوحوا

**MadMax** · 27/02/2008

اقتباس:

كاتب النص الأصلي : التقرير الجوال

د. طارق السويدان دارس بأميركا و ترأس مجلس اداره شركه ..

أكيد شاف انو شغلة الداعية مربحة أكتر ....لترك الشركة و اشتغل هالشغلة

عموماً ..... فاقد الشيء ... لا يعطيه
مو معقول رجل يكون معروف بجشعو ...... يقعد ينظّر عليي بمكارم الأخلاق

**MadMax** · 27/02/2008

اقتباس:

كاتب النص الأصلي : المحارب العتيق

هلأ شوف بما أنك حاطط الموضوع بس للنيل منون بحب قلك لأنو البكي والنواح وغناء الأوبرا مو من طقوسنا الدينية

مين أنتو ...؟؟
أنا عم احكي عن رجل جشع ....عم يقبض تمن نصايحو ..... بالدولار ....
ليكون بيقربك شي ..؟

اقتباس:

وبأستثناء عمرو خالد المختلف عليه . ويلي بيبكي أحيانا بأخر الدعاء . وين شفت البقايا المذكوريين عمينوحوا

بزيادة عمرو خالد
ليش مين غيرو عم يقبض 2.5 مليون تمن النواح

التقرير الجوال · 27/02/2008

اقتباس:

كاتب النص الأصلي : Madmax

أكيد شاف انو شغلة الداعية مربحة أكتر ....لترك الشركة و اشتغل هالشغلة

عموماً ..... فاقد الشيء ... لا يعطيه
مو معقول رجل يكون معروف بجشعو ...... يقعد ينظّر عليي بمكارم الأخلاق

ما فهمتك مين الجشع .؟ قصدك الدعاة .؟
و الله ما بعرف شو بدي قللك بس اذا مو عاجبك لا تسمعلو و خلص .

كمان شو هي فاقد الشيئ ليش هنّ " اذا كان قصدك الدعاة فاقدين شيئ بحياتهن او بشخصياتهن "

**MadMax** · 27/02/2008

اقتباس:

كاتب النص الأصلي : التقرير الجوال

ما فهمتك مين الجشع .؟ قصدك الدعاة .؟
و الله ما بعرف شو بدي قللك بس اذا مو عاجبك لا تسمعلو و خلص ."

أي أكيد ما رح اسمعلو

اقتباس:

كمان شو هي فاقد الشيئ ليش هنّ " اذا كان قصدك الدعاة فاقدين شيئ بحياتهن او بشخصياتهن

يعني مو معقول واحد عم بفاوض الفضائيات .. مين بيدفعلو أكتر ......و كيف بترتفع تسعيرتو اذا نجحلو شي برنامج

يجي يحكيلي عن القناعة مثلاً

التقرير الجوال · 27/02/2008

اقتباس:

كاتب النص الأصلي : Madmax

أي أكيد ما رح اسمعلو

يعني مو معقول واحد عم بفاوض الفضائيات .. مين بيدفعلو أكتر ......و كيف بترتفع تسعيرتو اذا نجحلو شي برنامج

يجي يحكيلي عن القناعة مثلاً

و الله حبيب فلبي سامر ما بعرف كتير عن تعاملهن مع الفضائيات منشان احكي
بس بنصحك تسمع الدكتور طارق سويدان " كلامو أقرب للمنطقيه و العقلانيه و مو متزمت و بيعمل محاضرات للنساء "

**MadMax** · 27/02/2008

اقتباس:

كاتب النص الأصلي : التقرير الجوال

و الله حبيب فلبي سامر ما بعرف كتير عن تعاملهن مع الفضائيات منشان احكي
بس بنصحك تسمع الدكتور طارق سويدان " كلامو أقرب للمنطقيه و العقلانيه و مو متزمت و بيعمل محاضرات للنساء "

يعني اذا في صبايا بالقعدة ....... ممكن يتشجع الواحد و يحضرلو شي حلقة

عموماً ...
و أنا بدي ادعيك لتقرا لداعية كتير كوووووول ... الو زاوية ثابتة بجريدة الاخبار بعنوان ( ما العمل )

ريتــا · 27/02/2008

هلأ ع حكاية انو الدعاة بياخدوا مصاري ع شغلون
بتتوقع في حدا هلأ بوقتنا صار مستعد يعطي شي و ما ياخد شيء مقابلو ؟؟
ما بعتقد,,
و بعدين انت ما عليك اديش عم ياخدوا
عليك انو بتستفيد من كلامون و بتاخد الشي المنيح
يعني الواحد يحكي الحق
في منون كلامون مقنع كتير و كتير منيح

نحنا ما النا بشو هني بيعملوا لحتى يدعوا الناس
النا انو نحنا بالاول و الاخير عم ندور ع شي نستفيد منو و يمكن هني يكونوا بيفيدونا

مسطول على طول · 27/02/2008

حلال على ربو 2.5 مليون دولار

الشاطر الي فينا يطالع ربع ربعون بيكفي ماسرق ولا اختلس ولانصب ولافتح محل لدعاره ولاقال الشعب السوري بياكول من حاويات لزباله بعد ماعبا بنوك أوربا

يعني أنا شخصياً لو بيصحلي اشتغل رقاصه بشي قناه ايباحيه ويعطوني ربع ربعون مابقصر

نشالله صحتين على قلبو

وتقبل التعازي عند ابو سمرا للسياحه والسفر