السلطات السورية تقمع بوحشية احتفالات ليلة نوروز

[Donald Duck]

كاتب النص الأصلي : فاوست

قناة المستقبل بتقول أنو بشار الأسد قتل الحريري شو مظبوط الحكي

طيران العدو يخترق السيادة السورية الاف المرات ونظامك لا يرد ويكتفي ببيانات الشجب
أكراد سوريين يحتفلون بعيد لهم او حتى يعتصمون نظامك يرد ويقتل منهم
إسرائيل تلمح بفترات متعددة بالحرب النظام يقول دائماً نحن مستعدين للسلام ولطاولات الحوار

قناة المستقبل ما في منها بعد هالخبر .. بس لما يطلعو خبر ضد سيادتو ..

بطلعو ما في اكذب منهم ....

وبعدين لشو بدك الحرب اخي ..

ما دام الحاكم العربي بخير .. فالشعب بالف خير !!!

يعني بالاول تتحرر الشعوب من الاحتلال الداخلي .. وبعدين يروحوا يحرروا حالهم من الاحتلال الخارجي ..

[Donald Duck]

كاتب النص الأصلي : yass

اعتقد انو كان الأثر الشعبي لميشيل عون أقوى من كل 14 آذار مجتمعين..

بعجبني هالشخص ...

[فاوست]

من كل عقلك عم تحكي ..
أنو حلقات دبكة 14 آذار ...... هيي يللي طلّعت الجيش السوري ..!!

اعتقد انو كان الأثر الشعبي لميشيل عون أقوى من كل 14 آذار مجتمعين..

أكيد لأ بس نزول العالم إلى الشارع كان إلو دور كبير جداً،ما بخفيك المجتمع الدولي كان إلو دور وهون الجيش السوري ماقدر يتصرف تصرف أحمق ليقمع المتظاهرين بكون خروجوا من لبنان صار بقرار دولي
يعني سابقاً كان يطلع 200 أو 300 واحد لبناني يطالبوا بإنها الوصاية الأسدية بس كانوا ينقمعوا وما حدا يرد عليهن
بس يوم صار في قرار دولي والعالم قررت تنزل على الشارع وصار عندها إرادة بالطبع لعب دور كبير

بالنسبة لموضوع عون،بالطبع مهو عون أحد أقطاب 14 أذار سابقاً وهو حتى الأن بيعتبر نفسو من اللاعبين الأساسيين ب 14 أذار

هلق خلوني ما نطلع كتير عن الموضوع وبتمنى الأجابة على السؤال يلي سألتو لبنفسجة وهو موجه للجميع

[MadMax]

كاتب النص الأصلي : yass

اعتقد انو كان الأثر الشعبي لميشيل عون أقوى من كل 14 آذار مجتمعين..

و شو يللي رجّع ميشيل عون
و شو يللي جمع قوى 14 آذار كلا ( بما فيها التيار الوطني الحر ) و نزلا عالشارع ..؟؟

[شب الكوبة]

وتضاربت إفادات سكان القامشلي حول ملابسات الحادث فقد ذكر أحدهم ان بعض الشباب أحرقوا الإطارات وألقوا الحجارة على قوات الأمن التي انتشرت في المدينة التي تقطنها أغلبية كردية.

bbc>>>>>>>>>>>>>>>>>

[MadMax]

كاتب النص الأصلي : فاوست

أكيد لأ بس نزول العالم إلى الشارع كان إلو دور كبير جداً،ما بخفيك المجتمع الدولي كان إلو دور وهون الجيش السوري ماقدر يتصرف تصرف أحمق ليقمع المتظاهرين بكون خروجوا من لبنان صار بقرار دولي
يعني سابقاً كان يطلع 200 أو 300 واحد لبناني يطالبوا بإنها الوصاية الأسدية بس كانوا ينقمعوا وما حدا يرد عليهن
بس يوم صار في قرار دولي والعالم قررت تنزل على الشارع وصار عندها إرادة بالطبع لعب دور كبير

بالنسبة لموضوع عون،بالطبع مهو عون أحد أقطاب 14 أذار سابقاً وهو حتى الأن بيعتبر نفسو من اللاعبين الأساسيين ب 14 أذار

هلق خلوني ما نطلع كتير عن الموضوع وبتمنى الأجابة على السؤال يلي سألتو لبنفسجة وهو موجه للجميع

يعني برأيك ... لونزل أكتر من مليون بني آدم ..... بس قبل ما يموت الحريري
و قبل مشكلة العراق ..... يعني بأيام تفاهم سوريا مع أمريكا
شو كان طلع من أمرون ...؟؟

[ماسك المطر]

ع الرغم اني جديد هون
ومشان مايتاخد حكي ان انكار
بس بظن
ان قوى الأمن والمخابرات
ما عم يستنو عيد نيروز مشان يضربو الأكراد
الضرب ممكن في كل لحظة وكل ساعة
بحجة وبدون حجة
وطرح الموضوع بهل الطريقة الأستفزازيه
مابفيد الأكراد ولا بضر الحكومة

ومافي دخان بدون نار

[شب الكوبة]

بعض الأكراد الناكرين للجميل السوري معهن من وقت احتضان زعماؤن وحمايتهن من تركيا و صدام و غيروا لدرجة تعرض سوريا للخطر من ورا راسن ...يتحركون بأيادي أجنبية من أجل عمل القلاقل قبل القمة العربية

[MadMax]

كاتب النص الأصلي : شب الكوبة

بعض الأكراد الناكرين للجميل السوري معهن من وقت احتضان زعماؤن وحمايتهن من تركيا و صدام و غيروا لدرجة تعرض سوريا للخطر من ورا راسن ...يتحركون بأيادي أجنبية من أجل عمل القلاقل قبل القمة العربية

حتى ولو كان كلامك مزبوط ...
هالشي ما ببرر ممارسات أجهزة الأمن
و ما في أي سبب لتبرير هيك تصرفات

[yass]

كاتب النص الأصلي : شب الكوبة

بعض الأكراد الناكرين للجميل السوري معهن من وقت احتضان زعماؤن وحمايتهن من تركيا و صدام و غيروا لدرجة تعرض سوريا للخطر من ورا راسن ...يتحركون بأيادي أجنبية من أجل عمل القلاقل قبل القمة العربية

عزيزي معليه و لا معلمية عليك... عايش حياتي بين الأكراد و عم تخلط مفاهيم..

الأكراد السوريين غير الأكراد اللي اجو مع أوجلان, الأكراد السوريين مضطهدين حتى أيام كان أوجلان معزز مكرم, يعني نظرية المؤامرة هاي مالها داعي, شلة شباب طالعين يحتفلو بالنيروز, و ما نها أول مرة تصير مشاكل بالنيروز, كل سنة تصير, كل سنة.. مزبوط بتصير أحداث شغب متل ما تصير بكل التجمعات البشرية بكل دول العالم.. و مافي داعي لهالتعامل العنيف...

و حابب ذكّر انو الأكراد السوريين هم جزء من الشعب السوري و النسبة الانفصالية منهم ضئيلة جدا... أغلبهم يطالب بحقوق ثقافية معطيّة للأرمن مثلا و مانعينها عنهون... ليش؟

و مهما كان مهما كان... مافي مبرر لفتح النار و قتل 3 أشخاص و واحد منهون ع موجب ما فهمت عمرو 16 سنة... يعني ما بعرف .... شي مخجل

[شب الكوبة]

كاتب النص الأصلي : Madmax

حتى ولو كان كلامك مزبوط ...
هالشي ما ببرر ممارسات أجهزة الأمن
و ما في أي سبب لتبرير هيك تصرفات

بعض الشباب أحرقوا الإطارات وألقوا الحجارة على قوات الأمن التي انتشرت في المدينة التي تقطنها أغلبية كردية.

بالمنطق طول عمرن بيحتفلو بالنيروز وما حدا بيقرب صوبن ....بس هالسنة أخدت احتفالاتن طابع عدواني و غير سلمي و هاجموا رجال الأمن ..يعني شو متوقع من رجال الامن اكيد رح يدافعو عن حالن ..وللاسف راح ضحايا و هاد ش اكيد ما حدا بيتمناها لا الدولة و لا المتظاهرين...
وهيك حوادث عم تصير بكل الدول الحضارية وغير الحضارية .... ,اكيد أمن ووحدة سوريا فوق كل اعتبارات شخصية او قومية او مذهبية

[MadMax]

كاتب النص الأصلي : yass

و حابب ذكّر انو الأكراد السوريين هم جزء من الشعب السوري و النسبة الانفصالية منهم ضئيلة جدا... أغلبهم يطالب بحقوق ثقافية معطيّة للأرمن مثلا و مانعينها عنهون... ليش؟

أكيد ما في سبب يبرر تصرف أجهزة الامن ....
و بالنسبة للحقوق ... أنا برأيي لازم يكون للأكراد حقوق أكثر من الأرمن لأنو بالاساس الأرمن مو من سكان المنطقة الأصليين




بس من جهة تانية
حلم الوطن القومي الكردي المستقل موجود عند معظم الأكراد ..... اذا مو كلون

[شب الكوبة]

كاتب النص الأصلي : yass

عزيزي معليه و لا معلمية عليك... عايش حياتي بين الأكراد و عم تخلط مفاهيم..

الأكراد السوريين غير الأكراد اللي اجو مع أوجلان, الأكراد السوريين مضطهدين حتى أيام كان أوجلان معزز مكرم, يعني نظرية المؤامرة هاي مالها داعي, شلة شباب طالعين يحتفلو بالنيروز, و ما نها أول مرة تصير مشاكل بالنيروز, كل سنة تصير, كل سنة.. مزبوط بتصير أحداث شغب متل ما تصير بكل التجمعات البشرية بكل دول العالم.. و مافي داعي لهالتعامل العنيف...

و حابب ذكّر انو الأكراد السوريين هم جزء من الشعب السوري و النسبة الانفصالية منهم ضئيلة جدا... أغلبهم يطالب بحقوق ثقافية معطيّة للأرمن مثلا و مانعينها عنهون... ليش؟

و مهما كان مهما كان... مافي مبرر لفتح النار و قتل 3 أشخاص و واحد منهون ع موجب ما فهمت عمرو 16 سنة... يعني ما بعرف .... شي مخجل

يا سيدي عايشين احسن من غيرن بباقي الدول و حتى بسوريا اذا بدك ....

[MadMax]

كاتب النص الأصلي : شب الكوبة

بس هالسنة أخدت احتفالاتن طابع عدواني و غير سلمي و هاجموا رجال الأمن ..يعني شو متوقع من رجال الامن اكيد رح يدافعو عن حالن .

حتى لو بدأو باطلاق نار على قوات الأمن
هاد ما ببررلأجهزة الامن أنو تبادلون بالمثل
لأن يُأخذ عالدول ....ما لا يُأخذ عالأفراد
و تصرف الدولة لازم ينطلق من الاسس القانونية فقط

[عطر سوريا]

شي عادي جداً ومتوقع جدا من سلطات الامن السوري بس في سؤال يطرح نفسه
لماذا يوجد للأرمن حقوق ثقافية ولا يوجد للأكراد حقوق ثقااااااااافية ؟؟

[yass]

كاتب النص الأصلي : شب الكوبة

يا سيدي عايشين احسن من غيرن بباقي الدول و حتى بسوريا اذا بدك ....

يا زلمة شو هالحكي... ممنوعين من كل شي يمس ثقافتهون... مضطهدين من جميع النواحي, أراضيهون تصادرت و انعطت لعرب الغمر... ما خلولهون شي.. حالتهون سيئة جدا... عم احكي عن المواطن الكردي العادي

و الأغلبية منهون ناس عاديين, عايشين بين هالعالم و مالهون علاقة لا بالسياسة و لا بشي, و الناس اللي عايشين بالجزيرة فيهون يأكدو ع كلامي... لذلك مافي مبرر لهالقمع الرهيب, يعني بحلب عيادات الدكاترة الأرمن قارماتها بالأرمني مكتوبة.. بينما اذا انكمش عند حدا كتاب بالكردي يتحاكم عند محكمة أمن الدولة.. ليش طيب؟

من شي 4 سنين بمهرجان بالرقة عملو متل أيام الرقص الشعبي بالجزيرة, و من بين دبكات الآشوريين و الجراكسة و كل ما هنالك في فرقة قدمت دبكة كردية.. أي انعفطو كلهون و انعفى مدير المركز الثقافي و صارت كومة مشاكل و نص موظفين مديرية الثقافة تحقق معهون... ع دبكة, يعني بدل ما ينعطالهون حقوق ثقافية و ينسمحلهون بما يسمح للأقليات الأخرى لحتى ما يكون عندهون مبرر ليعملو شي عم يتخونو و يتعاملو كبهايم... يعني الكردي عميل و خاين و ابن كلب حتى يثبت العكس... طيب ليش؟

هالحادثة مو أول مرة تصير.. كل سنة تصير مشاكل بالنيروز.. بالعكس مؤخرا خفت كتير. بالزمانات لما كنا صغار قبل عيد الأم بيوم من نطلع من المدرسة بوجهنا عالبيت و ما نطلع من البيت لتاني يوم.. و الأمن ينتشر و يصير شبه حظر تجوّل و يستنفرو الموظفين و الحزبيين و الشبيبة... و حتى شيوخ العشاير يستفروهون... و كل سنة كان يصير قتلى و جرحى, الفرق انو هلأ صار في نت و صارو العالم يدرو... طيب في قوات مكافحة شغب و في سرية حفظ نظام و في وفي وفي.... يعني في كتير أساليب لتطوّق المشاغبين من دون ما تفتح النار و تعرّض أبرياء للخطر, لأنو كمان المشاغبين باحتفالات النيروز أقلية بشهادة الحزبيين اللي كانو مكلفين بمراقبة الاحتفالات عن بعد... يعني يجتمعو المئات و يشغلو نار و يشوو و يدبكو و يغنو.. عائلات و كبار و صغار ... و آخر الحفلة في كم همجي بيعمل مشاكل متل كل التجمعات... متل أي مباراة كرة قدم بين فريقين من نفس المدينة...

[شب الكوبة]

كاتب النص الأصلي : Madmax

حتى لو بدأو باطلاق نار على قوات الأمن
هاد ما ببررلأجهزة الامن أنو تبادلون بالمثل
لأن يُأخذ عالدول ....ما لا يُأخذ عالأفراد
و تصرف الدولة لازم ينطلق من الاسس القانونية فقط

كلامك سليم ..لأنو مو من مصلحة الدولة السورية يللي صار ..يعني منطقيا أكيد الدولة ع مستوى القرار ما الها دخل بيللي صار..و خصوصا بهاد الوقت مما يطرح اشارات استفهام كتيرة
يعني كلنا ما لازم نعطي احكام لحتى تطلع نتائج التحقيقات ..و منو بيتبين مين يللي بلش ومين تصرف بعنف زيادة ... وبياخدو بحقو الاجراءات اللازمة
و سوريا الله حاميها

[مايا *]

معلش ياس , أنا مالي كتير مقتنعة بفكرة أنو الأكراد مضطهدين بالشكل الي عم تصورو أنت ..
هني حاولو يرسمو هاي الصورة و الظاهر أنهون نجحو ..
الحكومة مالها متحطتهون لأنهون / اكراد / بس ..
مشكلتهون إنون متل ما قال سامر :

كاتب النص الأصلي : Madmax

بس من جهة تانية
حلم الوطن القومي الكردي المستقل موجود عند معظم الأكراد ..... اذا مو كلون

و هني الوحيدين من بين الأقليات كلها / أرمن , جركس , تركمان و غيرو ... / يعتبرو أصحاب الأرض أو جزء من الأرض
و هون ما بتسأل طفل كردي صغير إلا بقلك ليه ما بيخلونا نعمل وطن متل مافي كردستان بالعراق ..
و هون الدم بيضرب للراس بمجرد التفكير بتقسيم الأرض ..
و هني بغير هيك ما بيرضو !!

بعدين منشان عيد النيروز :
الحكومة قالت 1000 مرة بلا تشعيل دواليب سيارات و ضرب رصاص .. و هني ( عبس ) ..
يعني و الله إن كانو عرب ما راح تسكت عليهون ..
( مع إني ضد الأسلوب ) !!