رفع سعر المازوت الحر إلى 25 واسطوانة الغاز إلى 250 ليرة سورية

[maged-syrian]

الواحد بيسمع هالسمعات بيبوس ايدو وش وقفا انو عايش بالغربة

[Reemi]

اي صحيح امبارح كان في اضراب لكل السرافيس...[س كاني سمعت انو جرة الغاز صارت 300 مو 250؟؟؟

[LiOnHeArT.3LA2]

ممممممممممممممممممممممممم ممممم

ما بعرف شو بدي احكي بس انو يعني ..

اممي مشان موضوع التهريب في تهريب ما فينك تنكر

لأنو كان المازوت عنا ارخص ي بين العالم كلياتو


بالنسبة للسرافيس بحمص ,, صارت ب7 بدال ال 4

ما بعرف شلون رح توفي ,, بس معا معا بتوفي

اييييييييييييييييييه

[marioma alghzayala]

اي وفي احتمال تصير ب 15 للسرافيس ..

[يمان Rooooonaldo]

ولك شو هاااااااااااااااااااااد !!

شو عم يصير بالبلد ؟ العما بقلبن شو مكرو ب 15 ليرة .. اي والله الله ما قالا ..

ناقصو هالشعب ..

[يمان Rooooonaldo]

هي رفيقي عم يحاكيني .. عم يقلي طلع اليوم بميدان شيخ ب 10 ليرات

[مالك الحلبي]

الغاز يا ريمي كان سعره 145 وللبيت بياخدو 20 ليرة زيادة
هلق صار 250 وللبيت 290 وأكتر شوي
السلع الغذائية من سنة تقريبا أرتفعوا 100% وفي أنواع أرتفعو ل 150% طبعا تدريجيا بدون ما يحس المواطن
لاحظوا النيدو شقد كان وشقد صار
حتى زيت القلي أرتفع
هلق بدك تقلي الأرتفاع عالميا
بقلك لازم يكون في تخطيط من قبل 5 سنين يعني دراسة سوق علما أنه الأرتفاع العالمي معلوم به منذ سنة 2003 يعني 5 سنين تقريبا من وقت ما بدي تقليعة البترول ونزول الدولار أصلا من هذاك الوقت كانت مهددة أميركا وعلى شفا حفرة من الأفلاس وخاصة قبل هجمات 11 سيبتمر وجماعة البورصة خليه يحللو المؤشرات متل النازداك وجماعته حتى بالعلامة بزمانتوا نزلت موضع بالصالون أسمه
تعليق الغلاء على شماعة السعر العالمي باطل!

والنقطة مالنا مربوطين بأي بلد يعني بلدنا منتجة تقريبا 70%
رفعت المازوت أجت 350%
طيب الرواتب أقل شئ لازم ترتفع كانت 100% مع تسريح العواطلية
لأنه كل من هب ودب بده يلزق حاله بالقطاع العام ولو ما بيعرف شي أبدا
بقى هي واسطة أو محسوبية
الخبز صاير زحمة عليه
وعلى فكرة سعر اللحم نزل ليش لأنه لجموا محتكرين بياعين الخبز اليابس
الخبز اليابس بعض الحرامية عبيشتروه من الأفران وبيبوعوه لمربين المواشي عبيطعوه إلى الأغنام
كيلو الخبز الماكن ب 17 ليرة
يعني للأمانة المشكلة مو بس بالحكومة
الحق على شريحة الفاسدة من الشعب
الشريعة الجشعة
موضوع كبير مو صغير
ومتل ما قلتو ببعض المداخلات
السرفيس الي كان ياخد 5 لازم ياخد 17.5
النقطة أني صاير حظر أقتصادي على سوريا
والمصيبة الكبرى أني في بعض الدول العربية ألي عبتشارك في هالحظر
الشركات الكبيرة ألي مختصة بالألبسة لم تعد آبهة بقوانين التموين
وخاصة بالأسعار وأيام التنزيلات
يعني لسا ما بيبدأ موسم الشتاء مثلا بعد شهر بيبدأ التنزيلات
هي المنافسة حلوة بس لازم يكون ألها شروط وقوانين على الكل
مو خيار وفقوس

ما بيصير هيك بعدين لازم يكون في توعية للمواطنين بكل أخطاء العالم بغير دول إن كانت عربية أو أوربية من أفلاسات أو تبيض أموال لازم ترجع الثقة بين المواطن والحكومة وهي بدها ترجع بأذن الله كل يوم منسمع مشاكل تقشعر لها الأبدان من بعض القصص رجل يغتصب أبنته عنا بحلب يا جماعة إذا ما أشتغلت المحاكمات والقصاص والشنق ما بتمشي البلد القانون قانون لازم يكون فوق كل العالم والمنافسة الشريفة لازم تكون موجودة والتلاعب بقوت الشعب لازم يقطعوا أيده من جماعة سوق الهال وسواسيتهم البلد تغيرت يا جماعة الكيات بالشوارع ولازم يلجموهم ويحطوهم بمصحات أو يحرقوهم ويخلصونا منهم بقا موضوع كبير مو صغير وبالنهاية ما عبياكلها غير المواطن الشريف والدرويش لأنه الشغلة الوحيدة ألي بتبعده عن الحرام هو الخوف من الله عز وجل
بقا الأصلاح لازم يكون على كافة الأصعدة
تقبلوا تحياتي

[مالك الحلبي]

وهذا موضوع

تعليق الغلاء على شماعة السعر العالمي .. باطل !

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[يمان Rooooonaldo]

عم حاكي ابي حاليا ... وبخبرني انو لتر المازوت العادي ما ب 15 .. كلو .. وعم يوصل لل 25 ..


واللتر بالقايم عم يوقف .. ب 10 ليرات ..


والاحلى انو اقل عيلة بدا برياحة 2000 لتر مازوت بالسنة يعني اكلت هوا رسمي .. البشرية ..

يعني مثلا نحنا استهلاكنا تقريبا 4000 لتر بالسنة ..

لحالو المازوت بالسنة بدو منك .. 55 الف لو انحسبت على ال 15 ليرة العادي .. يعني باحسن الاحوال ..

وازا كان راتب .. موظف بالدولة ابو ال 5 تالاف بالشهر او 6 تالاف .. بيجبلو بالسنة .. ابو ال 60 الف ..

اي لا منيح .. بكفو ان شا الله .. يعني .. ما مشكلة بتسامحه الحكومة بالباقي .. يعني ما مشكلة ..

ما بيناتهم ..

[LiOnHeArT.3LA2]

اي وفي احتمال تصير ب 15 للسرافيس ..

وين بحمص ؟

بظن مستحيل

[marioma alghzayala]

لك بالطيران غلياني الضرايب ..اليوم المصريي زادت 8 دولار ..

هاي وماجبنا سيرة طيران الغرب

[marioma alghzayala]

كاتب النص الأصلي : تائه فـــ النور ــــي

وين بحمص ؟

بظن مستحيل

حاليا اشاعات ..بس اليوم دفعت 7 انا ..

[مسطول على طول]

نشالله الف مبروك ... بعتنا كم طرد مبارح ع القدموس كان ياخود 150 ليرة هلاء 300 ليرة .. ومو عاجبو وعم يسبسب ويكفر بالعبري

جارنا الله عندو خمس ولاد كلهم بالمدارس بالحالة الطبيعية بدهم 150 ليرة مواصلات على هل الوضع صار بدهم 300 ليرة وأنتة وطالع والزلمة حالتو على قدها ... الله يعين هل الشعب

بقدر قول أنو خمس ليرات التغت ماعاد الها داعي

وأحلى حركة تصحيحية جخووووووو بهل النعم

[MadMax]

كاتب النص الأصلي : مسطول على طول

نشالله الف مبروك ... بعتنا كم طرد مبارح ع القدموس كان ياخود 150 ليرة هلاء 300 ليرة .. ومو عاجبو وعم يسبسب ويكفر بالعبري

جارنا الله عندو خمس ولاد كلهم بالمدارس بالحالة الطبيعية بدهم 150 ليرة مواصلات على هل الوضع صار بدهم 300 ليرة وأنتة وطالع والزلمة حالتو على قدها ... الله يعين هل الشعب

بقدر قول أنو خمس ليرات التغت ماعاد الها داعي

وأحلى حركة تصحيحية جخووووووو بهل النعم

اي ..
بس الخبز ما غلي






أخت هيك منطق

[marioma alghzayala]

لك اب سمرا في عالم ما عم تلاقي خبز..

[مسطول على طول]

تيب الركبة بالبومان بقديش صارت ؟

[marioma alghzayala]

امس بالهوب هوب جايين عالم من الشام ب 100 ..

[MadMax]

كاتب النص الأصلي : marioma alghzayala

لك اب سمرا في عالم ما عم تلاقي خبز..

ياكلوا بسكويت ..( على رأي ماري انطوانيت )